XIII Acatl xihuitl

yn yehuatl yn quitocayotiaya tetzahuitl Huitzillopochtli quicaquia yn tlatohuaya yn Azteca auh yhuan quinanquilliaya auh yn amo quittaya auh yn în Tetzahuitl Huitzillopochtli oquinotz yn inteyacancauh yn intepachocauh yn inquauhtlatocauh yn Azteca yn oncan catca onoya yn ipân yn itic huey altepetl ciudad Aztlan yn quauhtlahto ytoca Yztac Mixcohuatzin auh quilhui yn yehuatl Huitzillopochtli yn Iztac Mixcohuatzin tlaxihuallauh Yztac Mixcohuatze yn axcân ca monequi cenca huel totech monequi nimitznahuatia ma nimân xontlatecpana yn iuh ônyez yn iuh onmochihuaz auh ihuan ynic tiquinmonhuicaz miyec tlacatl motlaonyazq yn Azteca Auh ma ixquich chicome calpolli yehuântin yn huel tlapaltique yn chicahuaque yn huehueyntin tlaca ma hualca yxachintin ynic miyequintin yn macehualtin Auh ca yehica ypampa ca tiazq yn axcan ca titotecatihui ca titotlallitihui yhuan titepehuatihui tiquinpehuatihui yn ipan nohuian cemanahuatl yn ye onoque macehualtin auh yehica ypampa yn nehuatl ca neltilliztica nelli namechilhuia ca namechihuatiuh antlahtoq anpipiltin antetecuiyohuân anyezque yn ixquichica nohuianpa cemanahuac auh ynic antlahtoque anpipiltin anyezque ca anquînpiazque anquintzitzquizque amo çan quexquichtin atzonquizque atlanque yezque yn amomacehualhuan yezque yn amechtlayecoltizque yn amechtlacallaquilizque yn amechmacazq yn amo çan achi yn amo çan quexquich yn hualca tlapanahuia yn chalchihuitl yn coztic teocuitlatl auh yn quetzalli yn quetzalliztli yn tapachtli yn tlapaltehuillotl auh yn tlaçotli tlaquentli

Auh nimân no quitoque in Azteca ca ye qualli ma tamechtohuiquillican Auh in Colhuacan yn iuh quitohua quin oncan huel quihuallantiquizque yn diablo yn Tetzahuitl Huitzillopochtli yn oquimoteotiaya yn Azteca yn huallaque yhuan ce cihuatl itoca Chimalma ompa quihualhuicaque yn Aztlan Chicoccân hualquiztiaque yn Azteca ynic hualnenenque auh no yhuan yn chicuey altepeme yn Chichimeca Teocolhuaque çan ic mochintin ônmocetilica yn Azteca oncan quihuallantiquizq yn Teocolhuacân ca quihualhuicaya ca hualcepanhuia auh ynic hualquizque oncan Teocolhuacân ynic hualnenenq çân ya yehuatl yn ipan ce tecpatl xihuitl yn tlacpac omoteneuh auh ynic hualleuhque yn oncan Teocolhuacân ca nahuintin yn quihualmamaque yn diablo yn itoca Tetzahuitl Huitzillopochtli yn ye quimoteotia Azteca auh yzca yntoca yn omoteneuhque Nahuintin teomamaque yn quihualmamaque Huitzillopochtli ynic ce tlacatl ytoca Quauhcohuatl ynic ome ytoca Apanecatl ynic ey ytoca Tezcacohuacatl ynic nahui ytoca Chimalma yc ye huitze yehualnenemi yn ipan ce tecpatl xihuitl

IV Acatl xihuitl

V Tecpatl xihuitl Nican ypan in yn acico yn Azteca in itzintla huey quahuitl auh in yehuantin yn teomamaq yn itoca Quauhcohuatl yhuân yn itoca Apanecatl yhuan yn itoca Tezcacohuacatl yhuân yn itoca Chimalma yn oacico yn quahuitl ytzintla nimân noncan motlallique ynin cenca tomahuac yn quahuitl niman noncan contlallique ytztintla ynin tlalmomoz ypan contlallique yn diablo Huitzillopochtli yn ocôntlallique niman concuique yn imitac auh yc niman ye tlaquazquia yn Azteca yniquac niman yn ynpan poztec yn huey quahuitl auh nimân nic quicauhque yn quiquazquia cenca huecauhtica yn oc totoloticatca yn Azteca Auh nimân quinnotz oncan yn diablo yn Huitzillopochtli quimilhui xiquinnahuatican yn amech huica yn chicuey altepeme yn Colhuaq xiquimilhuican camo tiazq yn campa otiazquia ca çân nican titocuepazque auh niman oquinnahuatique yn Colhuaq yn chicuey altepeme auh yn oyuh quimilhuique cenca yc tlaocoxque yn chicuey altepeme ynic oquinnahuatique auh niman oquitoque yn chicuey altepeme Totecuiyohuane campan tiazque ca ça tamechtohuiquillizque Niman no ceppa oquimilhuique camo huelitiz ca ça hanyazque auh yn oquicacq yn Colhuaque niman yc achto hualpeuhque ynîn yn omoteneuhque chicuey altepeme yn Colhuaque quimoncauhque yn oncan huey quahuitl ytzintla yn inpan poztec auh huecauhtica yn ompa

VIII Acatl xihuitl

XII Acatl xihuitl

IX Acatl xihuitl

XIII Acatl xihuitl {Tlaçolyaotzin}

IV Acatl xihuitl Nican ypan in miquico yn Achitomecatl ÿn tlahtohuani catca Colhuacan yn tlatocat cenpohualxihuitl once

VIII Acatl xihuitl

XII Acatl xihuitl

III Acatl xihuitl

VII Acatl xihuitl Nican ypan in y momiquillico yn Totoltecatl Tzonpachtli tlayllotlac teuhctli yn tlahtocat oncan  Cuitlatetelco

XI Acatl xihuitl Nican ypan in nezque yn Mexitin yn oncan Chapoltepec yn Hueymacco ye yuh chiquacen xihuitl tlahtocati in Mallatzin Colhuacan tlahtohuani

II Acatl xihuitl Ypan in yn yancuican {yqu etetl} /yq ¨ cuican/ oquipilque yn in xiuh in Mexica auh yac ymixpan çan oc yneyxcahuil in Mexica yn huehuetque yn Chichimeca ye oncan yn /Chapultepec/ {Atletlayacyan}

VI Acatl xihuitl Auh nican ypan in yaoyahualloloque yn Mexica yn oncan Chapoltepec ynic nahualpolliuhque oquimilhuique yn cenhueytlalhuaque yn Xaltocameca oquimilhuique campa anmohuica Auh nimân quitoque ca tiyaoquiçazque in Xochmilco auh yn Teçoçomoctli yn Azcapotzalco tlahtohuani ocontlalli ytlatol in Xochmilco yhuan Colhuacan yhuan Xaltocan ynic nauhcanpa ohuicalloque yn Mexitin Auh yn tlahtohuani Huehue Huitzillihuitl oncan cacique ohuicalloc ompan Colhuacan yhuan ichpoch niman n ompa quintlamellahualtique yn ixpan yn intlacatecolouh yn Colhuaque ynic quinmictique oncan yxpan O yuhqui yn ynic nahualpoliuhque yn Mexica yni quimaceuhque yn tlalli ynic quiytztinenque yn huehuetque quimaceuhque in tlalli

X Acatl xihuitl

I Acatl xihuitl

V Acatl xihuitl

IX Acatl xihuitl

XIII Acatl xihuitl

IV Acatl xihuitl

VIII Acatl xihuitl

XII Acatl xihuitl

III Acatl xihuitl Nican ypan in tzônquiçaco ynic quauhtlatolloc yn Colhuacan ynic ye mochi quauhtlatolloc cenpohual xihuitl oncaxtolli

VII Acatl xihuitl

XI Acatl xihuitl

II Acatl xihuitl Nican ypan in {yc nauhtetl} toxiuh molpilli {quilpillique ÿn Mexica oncan Tecpayocan Coxcoxtli tlahtohuani} Auh ypan in yn oquipantlazque yn inteocal Mexica auh oquimilhuique quitoque yn Colhuaque Mexicaye ca tiyaoquiçazque tiquinpehuazque yn Xochmilca yn ca momalliz yn amoteocal Niman oyaotlato yn tlahtohuani Quauhtlix oquinnahuati yn Mexica oquimilhui amehuantin ayacatiazque auh ic niman omonahuatique yn Mexica quimolhuique ayac ça ce caciz auh yc niman o yntech moquetzque y Xochmilca ye tlama y Mexica /ye quimaci/ yn Xochmilca ça moch quinacaztlaça moxixiquipilquentique auh ompa contlaztiaque yn in nacaz yn Xochmilca

VI Acatl xihuitl

X Acatl xihuitl

I Acatl xihuitl nican ypan in omiquico in Yohuallatonac yn tlahtohuani Colhuacân yn tlahtocat chicue xihuitl

V Acatl xihuitl

IX Acatl xihuitl Nican ypan în ynic onehuac yn tlahtohuani Quahuitzatzin Tlayllotlac teuhctli yn ihuan yn Huehue Ytzquauhtzin Atlauhtecatl teuhctli yn oncan Chalco Atenco anoço Ayotzinco yn oncan tlahtocatque ynic mochi Cuitlatetelco cenpoalxihuitl onmatlactli ynic onehuaque oncan Atenco niman onacique yn Tenanco Texocpalco oncan omotlallito ynic quimaceuhque tlalli yn ihuan yc tlatocamacaque Tenanco

XIII Acatl xihuitl Nican quinhualtocaq yn Mexica yn colhuaque yc motlallico yn Atiçapan oxiuhtica

IV Acatl xihuitl

VIII Acatl xihuitl

XII Acatl xihuitl

III Acatl xihuitl

VII Acatl xihuitl

XI Acatl xihuitl Nican ypan in yn acico y

II Acatl xihuitl Ypan in toxiuh molpilli y /qu/ etetl yc {macuil} tetl quilpillique yn ixiuh ÿn Mexica huehuetq Auh oc cequintin huehuetque quimachiyotia ypan in ÿn xihuitl yn ônmiquanique Colhuacân yn Mexitin

VI Acatl xihuitl

Panohuayan tlaca yn quinhualyaca yn quihualhuicac ytoca Tlotli Teuhctli oncan motlallico yn Amaquemecan Auh no yquac yn ipan in yn VII Tecpatl xihuitl yn momiquilli yn tlacatl yn tlahtocapilli yn Tliltecatzin Chichimeca yaotequihua yn itiachcauhtzin yn tlahtohuani Atonaltzin Chichimeca teuhctli yehuantin achto quitlallico yn altepetl Amaquemecan

IX Tochtli xihuitl Nican ypan in yn momiquilli yn tlacatl Atonaltzin Chichimeca Teuhctli tlahtohuani Amaquemecan yn tlahtocat yepohual xihuitl ypan chiquacen xihuitl auh ça oxihuitl yn quittaque yn Panohuayan tlaca Auh ynic tlahtocatico y nican Amaquemecan ynic acico yn achto yc quitlallico altepetl ye yuh nepa cenpohualxihuitl ypan caxtolli omey xihuitl ynic omomiquilli Atonaltzin Chichimeca Teuhctli

X Acatl xihuitl Nican ypan in omiquico yn Coxcoxtli tlahtohuani Colhuacan yn tlahtocat cenpohualxihuitl ypân chicoxihuitl oncan coton yn tlahtocayotl

/XI Tecpatl xihuitl / {auh no} Nican ypan in ÿn xihuitl y motlahtocatlalli yn Acxitzîn Chichimeca teuhctli mochiuh yn Amaqmecân ynin ypiltzin yn Atonaltzin Chichimeca teuhctli auh ynin çân huel ce xihuitl yn ontlahtocat moteuhcçauhtia yn momiquillito yn ompa Quauhquechollan ye ytlamian yn matlactli acatl xihuitl ynic momiquillito auh ça no nimân ypan y xihuitl y motlahtocatlalli yn Huehue teuhctli Chichimeca teuhctli mochiuh ynin ça no ypiltzin yn Atonaltzîn

I Acatl xihuitl { huan ycihuauh Quauhcihuatzin }

V Acatl xihuitl

IX Acatl xihuitl {Ipan in yn IX Acatl xihuitl años yn oyah Tlaxcallan Texcallan ahnoço Tetzcuco yn Tlacomihua ypiltzin Quihnatzin yaoyotica ya }

XIII Acatl xihuitl Ypan in tlamico ynic quauhtlatolloc yn Colhuacan caxtolxihuitl ypan ce xihuitl yn ayac tlahtocat {Ipan in in XIII Acatl xihuitl motlacatilico Techolalatzin Coxcotzin yn inconeuh Quihnatzin Tlaltecatzin yn inehuan ycihuauh Cuauhcihuatzin tlahtoque Tetzcuco }

{Auh çan chitatli yhtic matlac yn quinhuapahuaya ynpilhuan Chichimeca Tetzcuca auh yn quihuapauh Colhuacan ychan yn cihuapilli ytoca Papaloxuchitzin nahuatlacatl yeuatl coçolco qui ¨¨¨yancuican quimachti nahuatlatolli yn tultecatlahtolli yhuan quitilmahti quimaxtlati achtopa auh yn intlatol achtopa catca yn Tetzcuca ca chichimeca tlahtolli popolocaya auh quin yehuatl in achtopa onahuatlato yn Techollalatzin Coxcotzin Auh quin chiuhcnauhxiuhtia yn momiquillico ytatzin Tlaltecatzin Quihnatzin momiquilli }

II Calli xihuitl Ypan in yn xihuitl ynic Nican pehua nican motenehua yn in tlatolli yn intechcopa ynic acico yn quenin ocallaquico y nican Mexico Tenochtitlan yn huehuetque yn Chichimeca Mexitin ynic tlalmacehuaco nican tenochtli ymancan yn acico huehuetque yn hualteyacanque matlactin ynic ce tlacatl Tenoch yehuatl in hualquauh tlahtotia ynic ome Ahuexotl yniqu ey Xomimitl ynic nahui Ocelopan ynic macuilli Acacitli ynic chiquacen Teçacatetl ynic chicome Quatlecohuatl ynic chicuey Quauhtlequetzqui ynic chiuhcnahui Cocihuatli ynic matlactli Axollohua

ompa yn Tlacupan auh ynin tlahtocauh ca omotlallito omocallotito Azcapotzalco Auh y yehuantin yn Acolhuaque nimân ompa omotlallito yn Acolhuacan Tetzcoco auh yn yehuantin yn Tlalhuicca ca niman ompa tlamellauhque ompa yn omotlallito Aquauhnahuac yn axcan ye tiquitohua Quauhnahuac auh amo çan ixquich yn ôncan yn omotlallito Quauhnahuac yn Tlalhuicca ca no yhuian yn omotlallique yn ixquich Marques ytlal yn quitohua Castilteca Marquesado Auh yn yehuantin yn Tlaxcalteca niman ompa omotlallito yn Texcallan yn axcan mitohua Tlaxcallan Auh in yehuântin yn Teotenanca niman ompa omotlallito yn Tenânco Texocpalco Tepopolla yhuan cequintin ompa motlallito yn Tzaqualtitlan Tenanco Amaquemecân auh in yehuantin yn Amaquemeque Totollinpaneca nimân ompa omotlallito yn Amaquemecan auh monequi anquimatizque notiachcahuane noteyccahuane ca mieyc tlacatl yn ya huecauh huehuetque catca yn quitotihui yn iuh quimachiyotitihui yn nohuian y nican ca ayac ocatca tlacatl quitohua quil çan nohuian yn ocatticatca auh yn in ca oc cêntlamantli yn quimatica yn noyollo yhuan oc cêntlamântli onechmolhuillitiaque yn Dios oquinmohuiquilli huehuetque ca huell onicpix yntic yn noyollo yn intlatol auh quimitalhuitihui ca yn iquac oacico yn huallaque yn chicuetlamantin yn ye onimechtenehuilli macehualtin ca nican oquimittaque ynpan oacico oc ontlamantin macehualtin y nicân ocatca auh amo huel nican Mexico yn omochantiaya yehica ca moch atl ocatca ca tol quauhtla

ca acatepexitl catca yece ca in centlamantin yntoca catcaya Chichimeca auh yz cate yn Chichimeca ca ça pepetlauhtinemia atle y ma nel ce tzotzomatli quimoquentiaya y ma nel cihuatl y manel toquichtin ye ce çan huel yuhqui nacateme yn iuhqui quenin omotlacatilique ca çan iuhquin nemia ma nel ce maxtlatl amoquitlalliaya ca çan huel iuhqui yolcatzitzinti ypan pohuia atle ynyollo catca catle quimatia auh ca yehuantin yn quimittaque ynpan acico ca yehuan yn Tlaxcalteca auh xicmatican yn annotiachcahuan yn annoteyccahuan ca yehuantin yn Tlaxcalteca achitzin quimixtlamachtique quimilhuique yn quenîn nemonhuaz auh nimân yn yehuantin yn Chichimeca achitzin omozcallique nimân oquimoteotique yn tonatiuh ca in ye oc ye nepa yn ayamo huallaci yn Tlaxcalteca ca atle ynteouh catca ca ye onimechilhui catle quimatia auh ynic oquimoteotique yn tonatiuh ca çân yntech omixcuitique yn intemachticahuan yn Tlaxcalteca ca çan yehuan quinmachtique yehica ca çan no yehuantin quimoteotiaya yn tonatiuh auh yehuatl ynic quinepechtequiliaya ynic yxpan mocnomatiaya ynic quimocuitiaya ca yn teouh yn tonatiuh ca yz catqui yn quichihuaya ca yn iquac ytla oquiminque yn aço tototl yn aço tochtli yn aço maçatl y ma nel ytla oc cêntlamantli nimân yehuatl yn mitl ynic oquiminque yn çân ya yuhqui yeço yn quiquixtiliaya auh ca concuia quittitiaya yn tonatiuh ynic oncan quimocuitiaya ca yn teouh ca ytenco yn ocacic yn tle y oquimin auh in yehuantin yn onimechilhui yn Chichimeca ca çan no yuhqui quichihuaya ypampa ca oquinmachtique yn Tlaxcalteca

Auh yn Quauhtliquetzqui ye quitohua oquimihiyohuilti yn tlacatl ca omaxitico yn Huitzillopochtli ca yehuatl

Auh yn Xomimitl niman ye quitohua oncan yec in otacico Auh yn Ocellopan niman ye quitohua yn yoyaue anca yehuatl in in ynic otihualnentlamatiaque Auh yn Axollohua ye quitohua yn yoyahue totecuiyoye yn nehuatl ÿn n Axollohua tle yn ye nopan mochihua yn Tenochtitlan Auh yn Ahatl ye quitohua ypalnemohuanie otitechmocnellili ca yehuatl in ynic otinentlamatinenca ynohuian otiyaochihualloque Auh yn Acacitli ye quitohua in yoyahue tloquehenahuaquehe ca yehuatl in ynic nicocha yn n Acacitli yn Chapoltepec yn popoliuhtoc yn notatzin yhuân yn Azcatl Xochtzin yn noteyccaztzin Auh in Tecalle ye quitohua in nehuatl in niTecalle ca yc noyohua yn noyollo ca noconilnamiqui yn ompa Colhuacân yn Contitlan tinauhxiuhtiq Auh yn Tzepanxouh cihuatl nimân ye quitohua totecuiyo tle yn tictoqualtizque Auh yn Acpacuehe cihuatl niman ye quitohua tlacatl totecuiyo anca ye nican yez yn ihiyotl toconmatizque

  ytoca Calpilcatl ytoca Tolnahuacatl ytoca Matlaomi ytoca Acaten ytoca Tolnex yn itoca yn Apepetz ompa mic yn Apepetzpan motenehua Auh oc cequintin yzcate cihua ytoca Tolxochcihuatl ytoca Atencatzincihuatl ytoca Tequixquipanecatlcihuatl ytoca Quetzalmoyahuatzin yehuatl in y nican mixihuico yn motenehua Mixiuhcan çan no yehuatl yn quitemato yn oncan motenehua Temazcaltitlan auh yn iconeuh ytoca Contzalân oc cequintin quitohua ytoca Cohuatl ycue Auh yn Xiuhxahual niman ye quitohua ma titotlatlamallican auh ye omito yn tlacpac in iquac yn ohuacico yn Chichimeca yn Azteca yn Colhuaque yn iquac yn otlachichiuhque yn tenochtli ytzintla ca çan oc tolxacaltzintli yn inxacal yn oncân mochantique Auh niman yc conpehualtique in ye motlatlamallia yn ipan în omoteneuh yey tochtli xihuitl y nican toltzallan yn acatzallan auh chicue xihuitl yn çan oc motlatlamalliaya auh yn quiyahuallotoque yn tlalhuactli ypan tlaca yn huallachiya ye tlapopotztoque yn atlitic {auh ca} yuhquîn in tzoyac yehuatoc yn quihuallinecui ca mieyequintin ynic micque {yhuan} popoçahuaque auh yhuan miecpa yn quinpehuazquia ahuel quinchihuaya cenca tlapaltique catca yn Mexica

IV Acatl xihuitl

VIII Acatl xihuitl {Ipan in yn VIII Acatl xiuitl yn momiquillico nicân Quihnatzin Tlaltecatzin yn tlahtocat Tetzcuco epohual xihuitl yn ihcuac ÿn o iuh nepa xihuitl tlac Techotlallatzin Coxcoxtzin }

{Niman ipan in yn omoteneuh VIII acatl xihuitl oncan hualmotlahtocatlalli yn Techotlallatzin Coxcoxtzin yc macuilli tlahtohuani mochiuh yn Tetzcuco }

Nican ypan in yn ye quin canauhtli yn diablo yn Tezcatlipoca catca ye quilhuia Quetzalcanauhtle ma oc tihuiyan ma oc tictlalcahuican yn altepetl ye nellelaci ynic niquallani ma oc onpa tihuiyan yn Coyohuacan Auh ma oc omoçahua yn nohueltiuh yn Chalchiuhtlicue niman ye ontlamanti yn ompa in Coyohuacan çan ye ypan in yn chiuhcnahui tecpatl xihuitl auh yn quitenehuilli yn oc omoçahuaz yn ihueltiuh yn Chalchiuhtlicue yquac chichix yn atl auh yn iquac yn acito yn ompa yn Coyohuacân auh yn ompa tlaca yn Coyohuaque mochi tlacatl quinyacapictacic yn diablo yn ica yn tle yn ÿn itlatol auh ynic quimayacapictacic yc axcan motocayotia Yacapichtlan ya yquac peuh yn aocmo quiyahui ynic Chalco nohuian Chalco y mochiuh yn in tlatolli omoteneuh { ypan yn oncan chicuexiuhtique Tenochtitlan yn Mexica çan oc motlatlamallique }

XII Acatl xihuitl

II Tochtli xihuitl Nican ypan in yn momiquilli yn tlacatl Quahuitzatzin Tlayllotlac teuhctli tlahtohuani Tzaqualtitlan Tenanco Amaquemecan auh ynic tlahtocat ompa Tzaqualtitlan Tenanco Amaquemecan epohual xihuitl ypan matlac xihuitl yniico ynic quitlallico altepe auh ynic mocen ynic tlahtocat ompa Ate ynic huallaque l xihuitl ypan itl yc omomiq

III Acatl xihuitl n ypan in yn lahtocatlalli yn Nochhueayllotlac teuhctli mochiuh yn Tzaqualtitlan Tenanco Amaquemecân auh çan tlacoxihuitl yn in ontlahtocat çan niman in yn xihuitl momiquilli

VII Acatl xihuitl

XI Acatl xihuitl Ypan in yancuica quittaque yn Tlacochcalca Chalca yn popocac yn Popocatepetl yn quimatque quiniuhti opopocac auh ca ye amo ca yecpa in huecauhtica yn poca

II Acatl xihuitl {Nican ypan in yn Acatl yn motlahtocatlalli yn Techollalatzin tlahtohuani Tetzcoco auh ça no yhcuac yn ipan omoteneuh xiuitl motlacatilli in Huehue Yxtlilxochitzin yn inantzin ytoca Tozqtzin ychpoch in yn Acolmiztli tlahtohuani Cohuatlichân auh in icuac quichihuaco yn inconeuh ye cenpohuallonchiuhcnahuixiuitl nemi tlalticpac yn Techotlalla }

I Acatl xihuitl Nican ypan in yn momiquillico yn Huehue Teuhctli yn Chichimeca Teuhctli tlahtohuani Amaqmecan yn tlahtocat onpohualxihuitl ypan caxtolli on ce xihuitl Auh çan niman iquac yn ipan in xihuitl yn motlahtocatlalli yn Ipantlaqualloctzin Chichimeca Teuhctli mochiuh tlatohuani Amaquemecan yn in ipiltzin yn Huehue Teuhctli yn Chichimeca Teuhctli

V Acatl xihuitl Nican ypan in y hualmocuep Techichco yaoyotl oncan yaomic oncân cacique yn Huehue Cacamatzin tlahtocapilli Amaqmecan Chalco

IX Acatl xihuitl

XIII Acatl xihuitl

IV Acatl xihuitl

VIII Acatl xihuitl

XII Acatl xihuitl

VI Acatl xihuitl {ypan in pehuac Yacapichtecatl} Nican ypan in yn ya huitze yn Mexico Tenochtitlan yn cuezcônpiaya yn Amaquemecan quinonotzaco yn tlacateuhctli yn Itzcohuatzin yn iquac yn ayemo tlahtohuani ca çan oc tlahtocapilli y nicân Mexico auh ca yehuatl tlatocati yn Huitzillihuitl yn teomeca yn iuhqui ytoca yn auh ytlan teuhctlatohua yn Quatlecohuatl tlacochcalcati Auh yn yehuantin yn Amaquemeque yn Chalca ca çan oc quinechicohuaya in cintli ytech quipohuaya yn Huitzillihuitl yhuan yn Itzcohuatzin ca yehuatl yn quipiaya yn cuezconpixque eyntin yn cuezconpixque ynic ce tlacatl ytoca Tozmacuex ynic ome ytoca Xoquahue yniqu ey ytoca Tlaltecatl auh ynic quinnonotzaco yn Huitzillihuitl tlahtohuani yhuan yn Quatlecohuatl tlacochcalcatl yhuân yn Itzcohuatzin tlacateuhctli çan quintentlapiquico yn Chalca yn tlahtoque yehuatl yn Huehue Quetzalmaçatzin Chichimeca teuhctli yn Amaquemecân tlahtohuani auh yn yehuatl yn Chalco tlahtohuani ytoca Toteoci teuhctli yn tequachcauhtli yn ompa catca yn Acxotlan yn axcan

yn Tociteuhctli yn tequachcuauhtli auh y nehuatl cuix nicân nehuatiaz Ca tihuan yn ticpia yn Chalcayotl ma ça oc no achi nocontoca Auh yn oyaque ÿn tlahtoque auh no niman onyaque onacique yn Mexica yn quinmictizquia yntlahtoq auh ça ontlatlachiyato oyaque yn tlahtoque Chalca aocaque auh yn yehuatl Huehue Quetzalmaçatzin quicauhtehuac yn icihuapil yhuan ytlaçopiltzin ytoca Cohuaçacatzin auh yn ontlatlachiyato yn Mexica niman yc hualmocuepque yn Tenochtitlan quinonoco yn tlahtohuani yn Huitzillihuitzin yhuan Quatlecohuatzin yhuan yn Itzcohuatzin yn oquicacque y nican Mexico tlahtoque yc quintlahtocatlallique yn cuezconpixque auh nimân ya hui quincahuazq yn cuezconpixque quintlallito yn Amaquemecan ce tlacatl Chichimeca teuhctli auh ce tlacatl Teohuateuhctic Auh in yehuatl yn itoca yn Tlaltecatl tequachcauhtic ypatca mochiuh yn Toteoci teuhctli yn tequachcauhtli auh in yehuantin in yn cuezconpixque ca amoma Amaquemeque auh ca ye ompa Tlaelpan tlaca ÿn nitech chiconquiyauhtepetl ca Tlayllotlaque auh in yehuantin cuezconpixque ynic quintentlapiquico yn Chalco tlahtoque cenca yc motlamauhtillique auh yn ixquichtin yn ixtlamati yn achcacauhtin yn tequitlatoque in tiyacahuan yn ompa pipiltin mochi tlacatl ynhuic cetiyac quizqui yn chiquacen Acatl xihuitl

Nican ypan in yn momiquilli in Huehue Quetzalmaçatzin Chichimeca teuhctli yn tlahtohuani Amaquêmecan yn tlahtocat caxtolli on nahui xihuitl auh yn momiquillito ompa yn itocayocan Acahualtzinco auh ye yc nauhxihuitl in yn cactoca yn tlahtocayotl yn ayac tlahtocat Amaqmecan yhuan yn Acxotlan auh macihui yn tlahtocatque yn cuezconpixque ye ce ca çan macehualtin ca çan quichtecque ÿn tlahtocâyotl auh yn oyuh quimatque yn Chollolan yhuan Quauhquechollan yhuan yn Itzocan yhuan yn Tetzcoco yhuan yn Xochmilco yn tlahtoque cenca quallanque quihtoque ma titononotzacan ypan yn Mexicatl ma ticyaomanillicân tle ay quen mochihua yn oquichololti yn Chalco tlahtoque cuix amo tonan cuix amo tota yn Chalcatl auh ynin yn intlatol ynic mononotzaya yn nohuian tlahtoque auh nimân quimatque quicacq y nican Tenochtitlan tlahtohuani yn Huitzillihuitzin yhuan yn Quatlecohuatzin Tlacochcalcatl yhuan yn Itzcohuatzîn tlacateuhctli yn iuh quitohua yn Anahuaca auh yn iuh quitohuaya yn tlahtoque yn Anahuaca yn tonan yn tota yn Chalcatl anca ço in ye huecauh mochi tlacatl nican hualmotlahtocatlalliaya y nohuian tlahtoque yn oqu ic ayamo macocuia yn ayamo mocuecuetzohuaya yn Mexica {Ipan in y IX Tochtli xihuitl años nican motlahtocatlalli yn tlacatl Huehue Yxtlilxochitzin ome tochtli yc chicuacen yn tlahtocauh mochiuh yn Aculhuaq Tetzcuca ynin ytlaçopiltzin yn Techotlallatzin Coxcoxtzin O iuh xiuitl tlacat yn ipiltzin Yxtlilxochitzin yn itoca Neçahualcoyotzin }

Auh oncan ce tlacatl catca Mamalhuaçocan ychan ytoca Cohuatzin yn xochipixcauh catca yn Amaquemecan tlahtoque oncan ye quimonnextia yn tlaçopipiltin quihto ca oncate yn tlahtoque yn pilhuan ca nican nemitillo yn Cohuaçacatzin yn itlaçopiltzin yn Chichimeca teuhctli yn Quetzalmaçatzin yhuan y nantzin nican monemitia auh oc ce quinemitia yn Amaquemecan ytocayocan ytztolloytic yn monemitia ytoca Aoquantzin auh niman {quito} yn Huitzillihuitzin yhuan yn Tlacateuhctli yn Itzcohuatzin tla huallano auh canato yn Mexica caxitico in Mexico nimân ye quimitta yn Huitzillihuitzin yhuân yn Quatlecohuatzin yhuân yn Itzcohuatzin quihtoque ca oc cenca piltzintli yn Cohuaçacatzin Auh yn Aoquantzîn ca ye achi yxtlamati ma yehuatl Chichimeca teuhctli auh yn Cohuaçacatzin

X Acatl xihuitl Nican ypan in yn motlahtocatlatlallique in Aoquantzîn Chichimeca teuhctli yhuan Cohuaçacatzin macihui y çan oc yehuatl yn inantzin cihuatlahtocamacoc yn Amaquemecan tlahtoque yhuan yc oppa in oncan tlahtocatlalliloc yn Toci teuhctli yn tequachcauhtli tlahtohuani Acxotlan Calnahuac yn otlahtocatlalliloque auh nimân ya huillohua yn quincahuazque yn tlahtoque yn Aoquantzin yhuan

yn Cohuaçacatzin yhuan yn Toci teuhctli auh yn yehuântin yn cuezconpixque yhuân yn oc cequintin yn quimotenpotica yn an amo micque cenca momauhtique quitoque ye huitz yn tequachcauhtli yn Toci teuhctli auh yn Amaquemecan yn Aoquantzin yhuan ÿn Cohuaçacatzin yhuan yn inantzin yn cihuapilli yn Tlacocihuatzin teyacapan yn tlahtoque yn iuh momatque quinmictitacizque ynic acitihui auh yn Tlalmanalco ytoca Toçanteuhctli yn oquinmotenpotica yn cuezconpixque yn oquihualmatque in ya hui yn Chalco tlahtoque yc cenca tlaltecuin yxquich tlacatl momaquixti yn Chalca yn Amaquemeque yn pipiltin yn tiyacahuân yn achcacauhtin yn tequitlahtoque yn ixquichtin yn quinmotenpotica yn cuezconpixque mochintin momaquixtique yn ompa yaque motecato yn itocayocan Huitzillac yn Amomollocco auh onyaque acito yn tlahtoq ye cate auh in yehuantin yn Amaquemeque yn Chalca yn momaquixtito yn ômpa yn Amomollocco yn iuh momatque ye quinyaotlatlalhuia yn Amaquemeque yn Chalca ompa ye quinpehuatihui yn ônpa cate in Amomolloco nimân ye mononotza ye quimolhuia campa in tiyazq yntla ticallaquican tetlan in Huexotzinco ca toyaopan auh yntla noce tocuitlahuic titocuepacân yntla tihuiyan in Amaquemecan cuix amo ça temac tihuehuetzitihui auh oncan in momoyahuaque yn canpa yayaque auh oc cequintin hualyaque hualmocuepque yn ôncan Amaquemecan O yuhqui yn ynic momoyahuaque yn Chalca yn Amaquemeque ynic axcan mitohua motenehua yn Amomollocco Nexexelloloyan ca ypampa

yn Huehue Quetzalmaçatzin Chichimeca teuhctli yn Amaquemecan tlahtohuani auh in yehuatl yn Chalco tlahtohuani yn Toci teuhctli tequachcauhtli ca ymomextin yntech peuhtica yn tlatolli ynic nexexelloloc yn Amomollocco auh nimân ye no yehuantin ynpampa yn Aoquantzin yhuan yn Cohuaçacatzin çan no Amaquemecân tlahtoque yqu imontlamanixtîn in yn intechpa yn Amomollocco nexexelloloc auh oncan in yehuatl in yca ynin tlahtolli ynic neci ca huey altepetl huey ciudad catca yn Amaquemecan yn oc ya huecauh yn oc tlani ynic chiquacen tlahtoque catca quipachohuaya quipieya yn ompa altepetl yniquaqui atle ypan mochiuh yn tlahtohuani Ytztlotzin Tlayllotlac teuhctli çan pacticatca yn oncân ytecpan Tzaqualtitlan Tenanco auh ypan in yn xihuitl yn peuh yn ya tepitonahui altepetl Amaquemecan ynic nexexelloloc yn ompa Huitzillac yn Amomollocco quizqui yn matlactli acatl xihuitl

I Acatl xihuitl Nicân ypan in in ye quene cocoltic yn yaoyotl yn aocmo yequene quincahuaya yn Mexica pipiltin yn quimacia yn Chalca auh no yhui in yehuantin yn Chalca pipiltin yn quimacia yn Mexica aocmo quincahuaya oncan in yn ipan in xihuitl polliuh yn motenehua xochiyaoyotl ynin manca nauhonpohualxiuitl /ypan matlactli omome xihuitl/ { Auh ypan in Acatl xivitl yn mictilo Tetecoc ¨¨¨ Cihuacuecuenotzin Otompa yn mictiloc ycapitan catca yn Ixtlilxochitzin }

V Acatl xihuitl Nican ypan in in ye quitohua yn Cohuaçacatzin ye yxtlamati ye mozcallia yn quito aquin in yn ipân ca y nopetl ÿn nocpatl yn Mamalhuaçocatontli yquac quimicti auh chiuhcnauh xihuitl yn ipânpa tlahtocat yn inantzin yn Cohuaçacatzin yn Amaqmecan yn ihuan Cohuatzin teuhctli Mamalhuaçocân ychan

IX Acatl xihuitl

XI Calli xihuitl Nican ypan în moman temallacatl yn Tlalcocomocco

{yn in neltiliztli} Nican ypan in yn miquico yn Huehue Teçoçomoctli tlahtohuani Azcapotzalco yn tlahtocat epohualxihuitl auh quincauhtia yn ipilhuan macuiltin ynic ce ytoca Acolnahuacatl Tzaqualcatl ynin oncan quihuallatocatlalli yn Tlacopan ynic ome ytoca Quaquapitzahuac ynin oncân quihuallatocatlalli yn Tlatillolco ynic yey ytoca Epcohuatzin ynin ompa contlahtocatlalli yn Atlacuihuayan ynic nahui ytoca Maxtlatzin ynin ompa contlahtocatlalli yn Coyohuacan ynic macuilli ychpoch ytoca Ayauhcihuatl ynin /¨¨¨/ conmitlani yn Huitzillihuitl yn Tlahtohuani nican Tenochtitlan yn iqu iz quichihuaco yn tlahtocapilli Chimalpopoca in yehuantin in yn nican omoteneuhque tlahtoque ca oc yehuatl quintlahtocatlallitehuac ÿn omoteneuh yn inttatzin Teçoçomoctli auh çâ niman ipan in yn xihuitl motlahtocatlallico yn Maxtlatzin yn Azcapotzalco ynin cenca tlahuelliloc catca ynic ya Azcapotzalco çan temiccatlapalloto ynic ompa motlahtocatlalli yxiptla mochiuh yn ittatzin omomiquilli ompa onehuac yn Coyohuacan yc ye tlahtocati yn Azcapotzalco

XIII Acatl xihuitl {Ipan in hualcalaq Tenuchtitlan yn Aculhuaq Tetzcuca} Nican ypan in yn momiquilli yn Chimalpopocatzin tlahtohuani Tenochtitlan yn tlahtocat matlac xihuitl auh yn ipilhuan quincauhtia chiquacemin ynic ce ytoca Miquiztin ynic ome ytoca Maxihuatzin tlahtohuani auh amo huel momati campa ÿn tlahtocatito ynin ynic ey ytoca Yohualpopocatzin ynic nahui ytoca Quauhtzitzimitzin anoço Quetzalquauhtzin ynic macuilli ytoca

Yxconan ynic /¨¨¨/ chiquacen cihuatl amo huel momati yn itoca tley auh çâ niman ypan in yn XIII Acatl xihuitl yn motlahtocatlalli yn Itzcohuatzin yn in ypiltzin yn Acamapichtli achto tlahtohuani Tenochtitlan auh ytlan teuhctlahtohua tlacochcalcati yn Cihuacohuatl yn Tlacayeleltzin atenpanecatl auh yn Huehue Moteuhcçoma tlacateccati yqu imomextin quinanamiqui yn Itzcohuatzin auh ye ynpan yn mochiuh yn Tlatilolco temoc /¨¨¨/ chimalli quicahuaco yn Mexico auh niman quichiuhque centetl çan no yuhqui Auh no yquac yn ipan in xihuitl yn quipehualtique yaoyotl yn Tepaneca in ye quimixnamiqui yn Mexica

oncan huel quimixpolloque yn Cuepopan yn Tepaneca yn Azcapotzalca oncan quimonehualtiq in ye quintoca niman ompa quintepehuato yn itocayocan Huizquillocan ompa ye hual monetoltia quitoque totecuiyohuane ma yxquich ma ohuameleltzinquiz o ytzinco ycpatzinco tinenque in tlacatl Totecuiyo auh ynin ma titlacallaquican yn oncan yn ihiyotl ancomomachiltizque ma tontlaquauhtzotzonati ma tontlatetemanati ma toncalquetzati ca ompa toteuhchuacan yez yn Mexico Tenochtitlan yn otonmaxitico yn ti Mexicatl yn ti Tenochcatl auh yn yehuantin yn Tlacopaneca ypan in yn xihuitl yhualmocauhque yn imac Mexicatl ynic tetlan hualcallacque yhuan Colhuaque tetlan hualcallacque yn Mexico ypan in yn xihuitl ya altepetl Azcapotzalco auh çan oc ômpa quauhtla motlallito yn Maxtlaton yhuan yn Azcapotzalca ompa ynpân quiz yn ce tecpatl xihuitl auh yn oc cequintin huehuetque yn iuh quimachiyotia ypan in yn ce Tecpatl xihuitl yn quimictique Mexica yn Maxtlahton tlatohuani Azcapotzalco auh ye ce ayemo mic yquac ca çan yehuatl yn altepetl polliuh yn ipan in xihuitl auh yn o yuh quimonpeuhque yn Azcapotzalca yhuan yn Tlacopaneca auh niman ye quitohua yn Acolhuacan y Cohuatlychan yn cihuapillatohuani yn itoca ¨¨¨  ¨¨¨

IV Acatl xihuitl Nican ypan in quinpeuhque Tlatillolca yquac tlahtocatia yn itoca Quauhtlatohuatzin yn ipan in yc ceppa pehualloque yn Tlatillolca auh no ypan in yn xihuitl yn motlahtocatlalli yn Neçahualcoyotzin yn Acolhuacan Tetzcoco tlahtohuani ye yuh macuilxihuitl tlahtocati yn Itzcohuatzin ye o yuh pehualloque yn Tepaneca yhuan Xochmilca auh ça no ypan in yn xihuitl yn pehualloque yn Acolhuaque ÿn Tetzcoca auh macihui yn pehualloque ca çan chicue oras yn onmanca yaoyotl ynic ceuh çan tlaquallizpan { años yn ayac tlahtocat Tetzcoco } {ynin nelli}

VIII Acatl xihuitl {Nican ipan motlatocatlalli yn Quetzalmamalitzin in achto tlatoani mochiuh Teotihuacan }

XII Acatl xihuitl Nican ypan in polliuhque yn Quauhnahuaca yn oquimonpeuhque ce xihuitl yn tequitque tlacallaquique yn ichan tlahtohuani Ytzcohuatzin {çan on xihuitl}

III Acatl xihuitl Nican ypan in motlahtocatlalli ÿn Popocatzin Atlauhtecatl teuhctli tlahtohuani Atlauhtlan Tenanco ynîn çan quauhpilli auh yquac tlacat in ipan in xihuitl yn ipiltzin yn itoca Cacamatl teuhctli Xocoyotl auh ça no yquac quinmictique yn ipan in xihuitl yn Tenânca Atlauhteca yn omentin ypilhuan yn tlahtohuani catca Mactzin Atlauhtecatl teuhctli yn tlaçopipiltin ca yehuantin intech pohuia ymaxca yn tlatocayotl auh cenca tlahuelliloque ynic conmocahuillique tlahtocayotl ynic ce ytoca Yxtliltzin ynic ome ytoca

tlahtohuani oncan yn Acxotlan Calnahuac auh yn Amaquemecan tlahtoque yehual yn itoca Huehue Aoquantzin Chichimeca teuhctli tlahtohuan Amaquemecan Ytztlacoçauhcan ynic ome ytoca Cohuaçacatzin Teohuateuhctli oncan tlatocati yn Teohuacan Amaqmecan auh ÿn Tzaqualtitlan Tenanco Amaquemecan tlahtohuani ytoca Quauhtlehuanitzin tlayllotlac teuhctli auh yn Atlauhtlan Tenanco tlahtohuani ytoca Popocatzin Atlauhtecatl teuhctli auh yn Tequanipan Amaquemecan tlahtohuani ytoca Quetzaltototzin yehuantin in yn Chalco tlahtoque yn quincaquiltito yn inteuhctlatol yn Mexico tlahtoque auh ynic çan omocnoyttohuaya yn Huehue Moteuhcçoma yn ihuan Cihuacoatl Tlacayeleltzin yn Chalco yehica ca ycohuapan catca yn iquaquin in ayemo ytepehualpan auh yn oqu ic ayamo quimonihuaya yn inteuhctitlanhuân yn Chalco yn Moteuhcçoma yhuân Cihuacohuatl Tlacayeleltzin ca achtopa quinnotzque y nohuiân altepetl ypan tlahtoque in ya yntepehual in ya ytech pohui altepetl Tenochtitlan ca huel yhyoma yn huallaque yn omoteneuhque altepetl ypan tlahtoque quicaquico yn inteuhctlatol yn Moteuhcçoma yhuan Cihuacoatl Tlacayeleltzin auh yz ca yntoca yn tlahtoque y nican huitza Mexico ynic ce Neçahualcoyotzîn tlahtohuani Tetzcoco ynic ome Acolnahuacatl Tzaqualcatl tlahtohuani Tlacopa yn iqu ey Ytztlollinqui

VII Acatl xihuitl Nican ypan in y motlahtocatlallique yn omentin tlahtoque Chalco Tlalmanalco yn itoca Amihuatzin tlahtohuani Ytzcahuacan ynic ome ytoca Chalchiuhtlatonac tlatohuani Opochhuacan

XI acatl xihuitl Yn ipan in ic oxihuitl yn ye mayanallo yquac peuhque yn ye tequacocoyo yn ompa Chalco yhuan ynic nohuian yhuan yn tzotzopillo ye tequa yn çan nohuian quauhtla tepetla çacatla yn mihmiquito ÿn telpochtli yn ipochtli ca ça yuhqui yn huehue nacayotl mochiuh ynic xoxollochauh yn innacayo yn telpochtli yn ipochtli catca ca cenca chicahuac yn mayanalloc auh no yquac yn ipan in xihuitl ye noceppa quinyaoyahuallozquia yn Mexica yn Colhuaque yn Huexotlaca yn Quauhnahuaca yn Xochmilca yn Azcapotzalca yn Tepaneca Coyohuaque yuh quitohua tehuan yn Chalca auh ca yehuatl yc oquallanque ynic hualcohuatequitia yn nican Tenochtitlan ynic ye quihualchihua yn ical yn diablo Huitzillopochtli yhuan yn tlahtocacalli in ye quiquetza yc omoxiuhtlatique y ye cianmiqui yc oquichihuazquia yaoyotl yn inpa Mexica auh que ya no oquimolhuique çan yohuatzinco tlaquallizpân

II Acatl xihuitl Nican ypan in yn toxiuh molpilli yc chicuexpa yn quilpique yn inxiuh yn huehuetq Chichimeca Mexica yn ixquich yc huallaq yn ompa huallaque Aztlan Teocolhuacan yhuân yn ipan in cenca quiyauh yc mochiuh yn tonacayotl {ycpac huetz yn tlequahuitl yn Huixachtecatl } {Ypan yn in yc cepa pehualloque yn Chalca }

V Tochtli xihuitl Nican ypan in quimanque temallacatl yn Mexico auh no yquac ypan in yn tepeuh yn Huehue Moteuhcçoma Ylhuicamina yn Cohuayxtlahuacan auh no yquac yn ipan in tlalpolliuh Tepozcollolam tlaca pehualoque auh no yn ipan in mani yaoyotl Chalco {inin nelli}

VI Acatl xihuitl Nican ypan in yn tetecoque yn Chalco Tlalmanalco pipiltin ynic ce ytoca Chichicuepotzin ynic ome ytoca Nequametzin ynic ey ytoca Totomihuatzin ynic nahui ytoca Omacatzin ynic macuilli ytoca Macuiltzin ca ompa yn Amaquemecân tetecoque ynic nechalcanonotzalloc auh ca ypampa ynic quihualtlatlatolmacaya yn Moteuhcçoma /¨¨¨/ ynic hualyayaocallaquia y nican Mexico auh yn teteo ytoca Totomitl ca Conteca auh yn teuhctlato ytoca Huehuetepoz çan chollo

X Acatl xihuitl Yn ipan in mani yaoyotl Chalco

I Acatl xihuitl {ynin ye nelli } Nican ypan in yn peuh ynic coppahuique yn ical yn diablo Huitzillopochtli yn quichiuhque in Mexica auh ça no ypan in yn xihuitl yn quinpeuh yn Huehue Moteuhcçomatzin yn Tlatlauhquitepeca polliuhque {ynin nelli ypan }

V Acatl xihuitl Nican ypan in pehualloque Xochitlan tlaca yehuatl quinpollo yn Axayacatzin Auh ça no ypan in yn xihuitl yn quinpeuh yn Axayacatzin yn Tepeticpac tlaca y Tonalli ymoquetzan tlaca y Maçahuaq in ye motenehua Xiquipilca {Qtzalmamalitzin nican quipalehui yaoc yn Axayacatzin yn Maçahuacan }

IX Acatl xihuitl Nican ypan in quinpeuhque Tollocan tlaca Matlatzinca yehuatl tepeuh yn tlahtohuani Axayacatzin yhuan yquac tlallolin cênca totocac miyec yn tepetl xixitin yn huihuiton auh moch papachiuh yn calli {tlallolin}

XIII Acatl xihuitl Nican ypan in mellahuac yn poliuhque Xiquipilco tlaca oncan quimetzhuitecque yn tlahtohuani Axayacatzin cenca iquimahuiztlalli yn altepetl Xiquipilco yhuan yquac quallac tonatiuh moch nezque in cicitlaltin

II Calli xihuitl Nican ypan in momiquillico yn Axayacatzin yn tlahtocat Tenochtitlan matlactli omey xihuitl auh yn quincauhtia yn ipilhuan caxtolli omome ynic ce ytoca Tlacahuepan Xocoyotl tlahtohuani ynin amo huel momati campa yn tlahtocatito auh ynic ome ipilhuan Axayacatzin ytoca Teçoçomoctli {Acolnahuacatl} /Xocoyotl ynic ey ytoca Tiçoçic ynic nahui ytoca Ahuitzotl/ ynic macuilli ytoca Yxtlilcuechahuac tlahtohuani ynin amo huel momati campa yn tlahtocatito auh ynin Yxtlilcuechahuac yn ihuan /Ahuitzotzin {Huehuetlacahuepan} ca ça ce/ ynnantzin yn imomextin yn cihuapilli yn innântzin ytoca Mizquixahualtzin ynin Tollancihuapilli ompa hualla ca ya ytlacamecayo yn tlacpac omotocateneuh yn Cuitlachtzin yn ompa tlahtocatito Tollam yn ipiltzin Acamapichtli auh ynic chiquacen yn ipilhuan yn Axayacatzin ytoca Macuilmallinal ynic chicome ytoca Moteuhcçoma Xocoyotl ynic chicuey ytoca Cuitlahuatzin ynic chiuhcnahui ytoca Matlatzincatl

III Tochtli xihuitl Ypan in yn cequintin huehuetq quimachiyotia y motlahtocatlalli yn Tiçocicatzin auh no yquac yn ipan in xihuitl yancuica quintequiuhti tlahuillantli yn Chalca yn Tiçocicatzin ompa mohuillan yn Popocatepetl inacaztlan ytocayocan Xochiquiyauhco ynin huelhuey quahuitl yn mohuillan Auh no yquac yn ipan in xihuitl callaliloque ÿn Huexotzinca cenca tlahuelliloque catca oc tehuânme tepeuhque yn Tzapotzan yn Tochpan auh oquitoque tacizque yn Anahuac atle ypan tiquittazque yn quexquich auh oquito yn Tiçocic oquimilhui yn tlahtoque tlaxihualhuian yn antlahtoque ma quenmanian topan yaotlahtoti auh niquitohua y nehuatl ca ninonoz yn tençacatl yn tlalpilloni yn nacochtli

ompa oquicuia yn pipiltin yn tençacatl yn xoxouhqui yn coztic yn iztac tençacatl auh yn tlaçotilmatli o yhuin in callaliloq Huexotzinca

IV Acatl xihuitl Nican ypan in quitetzonmanque yn ical catca yn diablo Huitzillopochtli Cozcaquauhtenanca Tlaollan tlaca yn inca momamal auh no yquac yn ipan in xihuitl yn oyxpollihuito yn Quauhnahuaca yn ompa Atlixco cenca miyec yn ompa yaomiquito çan ninneyxcahuil mochiuh yn Quauhnahuaca yn yaoyotl

huallaz yn quinextiquiuh tlalli nican auh yuhqui in nenemia {ce tlacatl} yn ipan hueyapan yn quinenemiltia huey acalli {calachixqui} auh yece yn itoca amo huel momati yhuan campa tlacat amo huel mellahuac momati auh cenca chicahauc yn ipan hualla yn ahehecatl huallitztia tonatiuh yquiçayampa auh cenca huecauhtica yn manca yn ahehecatl ynic amo huel omotzicoque cana auh yca yn inemachilliztica yn oquinhualhuicac acico yn oncan ycallaquiampa tonatiuh auh ypampa yc quittaco yn atentli yhuan yn tlalli nican ypan yâncuic cemanahuac auh yuh quitohua yn ipohualloca ynin tlatolli yn tlacatl yn anenemia acaltica amo quiz amo can amo ypan moquetzaco yn tlalli çan quihuallitac auh yc no ceppa mocuep auh maço nellihui yn ye no cuel huecahuac yn atitlan ya ompa yn tonatiuh yquiçayampa auh ynic cenca huecahuac in ipan in ynetequipachol ynic anene ynic huecahuac yhuan ypân quiz ypan mochiuh hueymayanaliztli apizmiquiliztli auh ynic ompa atenquiçato yn atenco ytocayocân Madera yn oncan acito ça quexquichtin yn momaquixtiq cenca mochtin mococohua ynic mochintin momillique Auh oncan catca yniquac yn ipan omito omoteneuh atentli yn Don Christoval Colon ye omoteneuh huey tlamatini yn itechpa tlalli yhuân yn atl yn quenin ca auh ynin yn queni yn iuh oquimittac yn cênca yntech tlamonequi yn cênca motollinitihuitze ynic quihualhuica

VIII Acatl xihuitl Nican ypan in omomamal yn teocalli yn ical catca tlacatecolotl Huitzillopochtli auh yn oncan yn omicque yn mamaltin yn inca momamal Tziuhcohuaca yhuan Maçateca yhuan Tlahpaneca ynic ye mochi yn mamaltin yn otzetzelliuhtoca y nohuiân yn altepetl ypan y nican Mexico yn Tlalhuactlipan yn Chinampa yn Acolhuacân yn Matlatzînco

X Calli xihuitl Nicân ypan in tlallolin yhuan yquac ye no quinpeuhque yc oppa yn Tlapantzinca yhuan Totoltenanco tlaca yhuan Atlchayahuacan tlaca yn oxihuitl macuilcan yn tepeuh yn Ahuitzotzin yhuân no yquac monexti yn quitocayotitiaque huehuetq moyohuallitohua auh no yquac in ipan in xihuitl quiz in itocatzin Temaçatl yn Quauhnahuac auh ompa yn mac huetzito in Xochmilca ômpa quitetecque

XII Acatl xihuitl Nican ypan in tlachapolqualloc temoq chachapolme yhuan yquac quinpeuhq Yztac Tlallocan tlaca

yquac yn mayanaloc netotonacahuilloc ye no cuel oc no ompa tlaolmamalloto yn Cuextlan yhuan yquac qualloc tonatiuh auh no yquac quinpeuhq Acatlan tlaca

Reyes España yn Don Christoval Colon yn quimomaquillique ey yn Castilla acalli tlayaochichiuhtli yhuan chiquacenpohualli yn itehuicalycnihuan Españoles tlaxtlahuilloque yhuan mochi ynixquich acalco monequiz yhuan yc quitocamacaque ynic General hualmochiuhtia ca quinhualpachotia yn Españoles Auh ynic ompa huallehuaq ynic hualquizque ynic hualmacallaquiq yn oncan neacallaquilloyan ytocayocan de Palos de Noguel ypan viernes yc mani metztli Agosto yn ipan omoteneuh xihuitl auh yc niman ypan hualquizque yn tlalli yn itocayocan en La Gomera auh ynic onpa quihualcenmatque ynic ohualhueyapannenenque ynic ohuallaque yn tonatiuh ycallaquiânpa yatihuitze hueyanentihuitze ya huecauhtica ye achi quexquichcauhtica ynic cênca nentlamattihuitze ynic cênca hueca ynic amo huel neltilliztica yn amo huel mellahuacatica ynic nenemi huey apan auh ypan viernes ynic mani metztli otubre yn çan ya ypan xihuitl de ye ometzillini yn ye tlatlalneci tlahuizcalpan yn quinextiq tlalli ynic mochintin mopapaquiltique ynic cenca moyollalique ynic ohuacico ye ypan tlacatli ynic quitlamellahualtique yn acalyacatl yn tlaltenco ynic oncan ohuacalquizque yn atenco ytocayocan Guanahami oncan huallehuaq oc ceccan oyaque niman n ic ocallaquico yn oncan ça no acalquixohuayan yn itocayocan Sanctiago de Cuba yhuan oncan motecaque motlallique

Auh yca ynin yn tlahtoque Reyes don Fernando yhuan Doña Isabel quimolnamiquillique ynic mocuepaz Don Christoval Colon yhuân oc cequi tlacatl quinhualhuicaz ynic motecaquihui

motlalliquihui yn oncan atentlipa yn çan ye motta mana yn itlanequillitzin Sancto Padre auh ynic yntech monequiz yc motlanahuatillique yciuhca mochichihuaz caxtolli omome yn Castilla acalli yhuan yxquich etzontli ypan caxtopohualli yn tlacatl yaz auh matlactli omome clerigostin yhuân ce teopixqui San Benito ca yvicariotzin ypampatzin hualmochiuhtia yn Sancto Padre yhuan ompa hualquizque huallaque yn ixquichtin tlachichiuhq officiales yhuan tlalchiuhque yhuân quihuallacallaquique yn mochi yn ixquich nepapan yn quaquahueque yn ichcame ÿn tentzoneque ynic moxinachozque oncan auh çan no yuhqui quihualhuicaque yn tlaolli ÿn trigo y ceuda yhuan yn oc cequi yn iyacho nepapan quillitl auh ynic ompa hualquizque huallehuaque yn itocayocan Cadiz ypan Miercoles ynic cenpohualli onmacuilli mani metztli Setiembre yn ipan omoteneuh xihuitl de auh yn achto tlalli yn ipan in yc hualnenenq hueyapan yn quinextico ca oncan cecni atenco yn quintocayotique La Dominica yehica ypampa ca yn quinextique ca Domingo ypan ynic ye ylhuitl mani Noviembre auh ynic oncan ypan niman oquipanahuiq oc cequi atentli yc niman n ômpa yaq yn Españoles ompa cate ynic ompa acito yn atenquixohuayan yn itocayocan de Navidad yc cêmpohualli onchicuey mani metztli Noviembre auh niman quicac quimattacico yn Don Xr oual Colon Almirânte

yn quenin yehuantin macehualtin oquinmictique yn cenpohualli oncaxtolli ypan ey tlacatl yn oncan macauhca yn i mochtin Capitan Diego de Arana auh yn ipampa ynon {in iuh} quitohua ca ye ypampa ynic mocepayxnamicque ynic monetechchallanique yn amo yllocacopa yn amo ytlanequiliztica yn Capitan ynic quiçaya ÿn quihuatlacuicuilliaya yhuân quinhualtolliniaya yn macehualtin auh ynic quinmictique yn oc cenca tlapanahuia miyequintin in yehuântin macehualtin hueca yn amo ytlan ynin yaocatl Españoles auh yn çatepan quinyaoyahualloco {oncan} yhuan quintlatillique ynin yaocatl yn itic catca yehica çan moch quahuitl auh yn ixquich tlacatl Españoles yn itic catca yc mochtin momayauhque yn hueyapan ynic omochtin oncan micq atitlan

Auh cenca quitequipacho yn Don Xr oual Colon Almirante ynin omito ynic amo qualli omochiuh auh ynic aocmo tle n huel yc quichihua ôncân yn ipampa yn auh niman ic ya quihuicac yn Castilla acalli oc ceccan atenquixohuayan yn çan ya no atenco yn oncan oquitlalli huey altepetl ciudad quitocayoti La Isabela ynic oncan quincauh cenca miyec tlacatl in Españoles tehuan in iteycauh ytoca Diego Colon yhuan tlatecpantehuac tlatlatlallitehuac yn tle yn oncan mochihuaz auh ynic no ceppa ya yni mochtin yn oc cequi tlacatl

Españoles caxtolli omey leguas ynic hueca tlalli yn itic Provincia ynitocayocan Cibao yn ômpa conmatia oncan yn coztic teocuitlatl yhuân cenca huehuey ynic onoque macehualtin auh ynic onacic niman yc tlanahuati ynic mochihuaz ce yaocalli quitocayoti Sancto Thomas ynic oncan quicauh onpohualli oncaxtolli yhuan ce tlacatl yn Españoles auh ynic yehuatl no ceppahuatl mocuep çan n inca yn imacehualhuan yn oncan onoque Isabela ynic oncan quimitztacico cequi tlacatl omomiquillique yhuân cenca miyequintin yn mococohua yhuan cenca nentlamattoque moyoltequipachohua yn ipampa yn ixquich yntech monequi ynic tlayhiyohuia yn ittacatl yhuan yn queni cenca monequi ynic tequittihuaz yn ipan ynic motlallia altepetl ciudad yhuân ynic mochihuaz molinos yhuan yn oc cequitlamantli monequi ynic huel mochipa yez altepetl auh cenca monec ynic tequitizque mochintin yn amo tle yc nechallaniliztica yn amo tle yc neyxnamiquînliztica tequitizq auh yc motequipachoque yn pipiltin mahuiztique tlaca yc peuhque in ye quiteyxpanhuia in ye quiteylhuia Don Xr oual Colon Almirante auh ynic motlatlallili quiteneuh ynic quichihuaz yn itla tetlatzacuiltiliztli auh ynic oncan conanq yn quallantli çomalli ynic ye quixnamiqui yn oc cenca yehuatzin Padre Fray Boyl S Benito teopixqui auh yn iqu ac achi omocehuique ynin ynchachallacaya

Auh no yquac yn ipan in xihuitl oquicahuilli yn Don Xr oual Colon Almirante ynic Presidente mochiuh yn oncan motenehua Española yn aytic yn Don Diego Colon yhuan ynic ytenanamiccahuân ytetlayxtlaticahuan mochiuhq yn Padre Fray Boyl yhuan oc cequi tlacatl auh ÿn Don Xr oual Colon yc omacallaqui quinhuicac yn ixquich tlacatl yn huellitiq ynic quihuicac ey acalli ynic tlalnextitihui auh ynic oncan quiz yn ipan altepetl Isabela yc cenpohualli onnahui mani metztli Abril yn ipan xihuitl de ynic catentocac yn iyatenyo {tlalma} altepetl yn itocayocan Cuba ye nipa ytztia {ytechpa} yn tehuantin tiquitohua amilpampa ynic quinextito atentli yn itocayocan Jamayca yhuan oc cequi atentlalli auh yn çatepan yn o ypan quiz miyec

Auh yn oquic ayamo yn Don Xr oual Colon Almirânte huallacia yn ôncan Isabela auh in yehuatzin Padre Fray Boyl yhuan oc cequi tlacatl yn moyolcocoltia ynic quixnamiqui Don Xr oual Colon Almirante niman no macallaquiq yn itic ey Castilla acalli ynic hualla Don Bartolome Colon auh yc yaque yn Castilla ynic niman quinmononochillitacique yn tlahtoque Don Fernando yhuan Doña Isabel ynic quixnamiqui quiyaochihua Don Xr oual Colon Almirante yn quitotaciq yn ixquich yn quexquich yn oquito don Xr oual ca çan nechachamahualiztli nehueyliztli yhuan teca netenquelloliztli auh ça no xiuhtico yn hueyatlalman itic yn Fray Boyl S¨ Benito teopixqui auh yc cen ya yn Castilla yn iquac quin

III Acatl xiuitl Nican ypan in miyequintin oyaomiquito yn Tetzcoca yn onpa Tlilliuhtepec Auh no yquac

yn ipan in xihuitl yn macehualtin yn oncan tlaca huey aytic huey atlalmanpa auh quin iquaqu in ynic necia yuhqui ma nelli huel teycnihuan ca çan motlapiquiaya auh huel quimellauhq ynic teyaohuan huel monextique auh mocenquixtiq monechicoq ynic ye quimixnamiqui yn Españoles ynic mocentlamantillique yaoquizque yn ye mochi matlactli omome xiquipilli ypan matlactzontli ynic mitohua de cien mil hombres yn macehualtin yn quixnamicq Almirante Niman quiz yn cah ynic quimixnamic yntlocquiz in ye mochintin micalque Españoles matlacpohualli ypan onpohualli tlacatl ynin oc achi tlatlacoq tlayxpolloq yn amo mach iuhqui quichiuhque yn oc achi yn ixquich macehualli auh oncan mochiuh yn necalliliztli yn ipan yxtlahuatl yn quitohua quitenehua La Vega Real yn ipan ypeuhyan metztli Abril yn ipan in xihuitl omoteneuh ynic quinmomoyauhq quincencenmanq yn macehualtin auh amo çan quexquich ynic miec yn micque yhuan cequintin ylpilloq auh yn oc no cequintin miyec yn tlacochihualloq

Auh yn in tepanahuiliztli yn tepehualiztli auh ca yc yehuatl ypampa yn otetechpouhq ohuillanoq yn ça tepan yn ixquich tlacatl yn aytic tlaca ynic otlacallaquique auh ¨¨¨

VII Acatl xihuitl años Ypan in nican quiz yn Acuecuexatl ynic apachiuhque Mexica amo ciaya yn tlacatl Tepiltzotzomatzin tlahtohuani catca Cuyohuacan yn huallaz Mexico auh yc {ypampa} quimictique ytencopa yn Ahuitzotl tlahtohuani catca Tenochtitlan auh yn tlacatl Huitzillatzin tlahtohuani catca Huitzillopochco no ypâmpa mictilloc yn Acuecuexatl ynin huel neltilliztli yn ipan xihuitl

XI Acatl xihuitl Años Nican ypan in yn omomiquillico yn Ahuitzotzin auh ça niman iquac motlahtocatlalli y Moteuhcçomatzin Xocoyotl

II Acatl xihuitl Años Nican quilpilliq yn ixiuh yn huehuetque yn Chichimeca Mexica yc chicôntetl auh çan no yquac mic yn Cuitlahuatzin tlahtohuani catca yn Huexotlan auh

VI Calli xihuitl Años Nican ypan in poliuhque yn Tlachquiauhca {yhuan Ycpatepeca yhuan Nopallan tlaca ypan Acatl ihuan Yzquixuchitepeca }

X Acatl xihuitl Años Nicân ypan in omiquico yn tlacatl y Neçahualpitzintli tlahtohuani catca Aculhuacan Tetzcoco auh ce xihuitl yn ayac tlahtocat Tetzcoco {I tlahtocat Años } {no yhuan ypan in in pehualloq Tlatlauhquitepeca Acatl }

XI Tecpatl xihuitl Años Nican ypan in motlahtocatlalli yn tlacatl Cacamatzin tlahtohuani Tetzcoco ypiltzin y Neçahualpitzintli {Nican pehualoq Tepeyacac tlaca ça no ypan tonatiuh qualoc }

I Acatl xihuitl Años Nican ypan in yn ohuacico Marques del Valle yn Don Fernando Cortes ye omoteneuh ypan ce Acatl xihuitl ypan cemilhuitlapohualli ce hecatl

Auh nican neztica ynic quinamic yn tlacatl catca Moteuhcçomatzin yn Acachinanco ynic quinamic teocuitlacozcatl quimotlatlauhtilli quimolhuilli oticmihiyohuilti oticmociyahuilti ca mochantzinco ca mocpaltzin ca mopetlatzin yn otiqualmomachilti auh nohuian ymixpan yn altepetl ypan tlahtoque

Nican ompehua ontzinti nican mottaz nican nic liuhtoc in cenca cualli in cenca nezcaliltlahtolli in itechpa tlahtohua yn inelhuayo in itepecho in itzintica yn itauhca yn itlahtollo in ipohualloca in huehuenemiliztli motenehua Chronica yn iuh nelhuayotica in yuh tzintitica yn yuh peuhtica huehuetlahtolli in huehuenemiliztenonotzaliztli yn icemihtauhca yn icentlahtollo yn icenpohualoca yn itepecho yn inelhuayo in ipan ceme yn macuiltlayacatl inic macuilcan xeliuhtica tzontecoyotica tlahtocayotica yn tecpilaltepetl ini motenehua Chalchiuhmomozco Amaquemecan Chalco yn oncan ypan yc ontlayacatl yn quitocayotia Tzacualtitlan Tenanco Chiconcohuac yn iuh tzintitica in yuh peuhtica in yuh quihtotiaque in yuh quitlalitehuaque inin huehuetlahtol in ye huecauh onemico in tlaçohuehuetque in tlaahtoque in tlaçotlahtocapipiltin catca yn illque in huehueyntin Teochichimeca catca yhuâ in iz ça tepa onemico in tocihuan in tocolhuâ tonhuan in tomintonhuan in topiptonhuan chichicahuan in yuhqui yn innenonotzal motiuh yn otechcahuilitiaque yn intechcopa iça in tineme axcan cahuipan Ayc polihuiz cahuiz mochipa pialoz ticpiazque yn tepilan in titeixhuihuan in teteyccahuan in titeminnhuan in titepiptonhuan in titechichicahuan n titetentzonhuan in titeyxquamolhuan in titeteyztihuan in titetlapallohuan in titehezçohua in titlayllotlacatepilhuan in ipan otiyolque otitlacatque inic cetlaxillacalyacatl motenehua Tlayllotacan Tecpan y huel oncan catca yhuel oncan omotlahtocatillico yn izquintin in tlaçohuehuetque in tlaçotlahtoque Chichimeca in tlayllotlacatlahtoque in tlayllotlacateteuhctin ynic mihtohua inin tlahtolli Tlayllotlacan Tecpâ pielli auh yehica in ye huecauh ca chicuacen calpoltlaxillacalli macehualli oncatca yn ipanin omoteneuh ce tzontecontlayacatl motenehua Tzacualtitlan Tenenco yhuan ome tlahtocayotl ypan catca oncan ipan inic ome calpoltlaxillacalli motocayotia Atlauhtlan yece yn oncan in catca tlahtocayotl çan tlahtoquilotl mochiuhticatca yn ipan Tenancayotl auh ca yehuatl huel tachcauh catca in tlahtocayotl in ipan catca calpoltlaxillacalyacatl Tlayllotlacan oncan hueycan Tecpan catca ynic oncan huel pielli omochiuh ynin huehuenemiliztlahtolli nican ye motenehuaz yn iuh niman ye onneciz auh yn omoteneuh Atlauhtlan ayc ompa ticuililozque yehica ca nel amo yehuantin yn pialmochiuhtiuh in ye motenehuaz huhuenemiliztlahtolli yhuan nican tocateneuhtoque yn izquintin yn aquique yn cenca huehueyntin oquichtin tiyacahuan yn cenca tlapaltique chicahuaque in tlaçohuehuetque in tlaçotlahtoque in tlaçotlahtocapipiltin in motenehua Teochichimeca Heztlapictin Aztlan tlaca Chicomoztoca quinehuayan tlaca Tzotzôpan tlaca Teotenanca cuixcocca Temimilolca Yhuipaneca Çacanca ca nahuintin in yn ehcoque yn ahcico in tlaltemoco in tlalmecehuaco ynic ontlamantin in huel achtopa tlatzonilpico cococayotica ^y nican Tolteca tzacualtitlan Tenanco in quahuatl ymancan yn chiconcohuatl yyonoyan Auh ye omoteneuh ca macuilcan quiztica macuilcan xeliuhtica macuil tlayacatl ynic tzontecoyotica macuilli tlahtocayotica ynin ce altepetl mochiuhtica yuhqui yn yn catqui y huel achto yc cetlayacatl y huel quiyacatihtica yn iuhqui ymiyahuayocan mochiuhtica altepetl ynic ce tlahtocantli oncan catca huey tecpan ytocayocan ytztlacoçauhcan Chalchiuhmomozco huel oncan in yn achtopa yc quinotzque Totolimpa Amaquemecan auh ynic ontlayacatl yn iuhqui yc occan ymiyahuayocâ mochiuhticatca altepetl ynicc occan tlahtocantli oncâ catca no huey Tecpan catca ye oncan in yn omoteneuh ytocayocan Tolteca tzacualtitlan tenanco chiconcohuac Auh ynic Etlayacatl ynic Excan tlahtocantli oncan catca ytocayocan Tecuanipan auh ynic nauhtlayacatl ynic nauhcan tlahtocantli oncan catca ytocayocan Panohuayan auh ynic macuiltlayacatl ynic macuilcan tlahtocantli oncan ytocayocâ tlayllotlacan auh ynin omoteneuh ynic macuilcan quiztica ynic çan cepan catqui inic amo hueca mocauhtoque ynic çan netechantoque in macuiltlayacatl in macuilcan tlahtocayotl ynic macuilcan quiztica xeliuhtica altepetl yn icenmacuilcanixtican ic mocennotza mocentocayotia chalchiuhmomozco Amaquemecan ytenyocan ymachiyocan in totolimpa quauhtlitempa in cepayauhtenco in motenehua xilliquehuac xuchithualco Ayahuithualco yn iztac çolli inmellan yn cohuatl ymomanayan yn ocellome ymnemiyan yn tamoanchan xuchitl icacan yn oncan hecoque ahcico in tepehuaco huel achtopa in ye cuel teyxhuihuan Temintonhuan no nahuintin yn huehueyntin y no cenca tlapaltique chicahuaque y tlaçohuehuetque in tlaçotlahtoque in tlaçotlahtocapipiltin in motenehua Teochichimeca ytztlacoçauhque Tololimpaneca Amaquemeque ynin nahuintin ca huel yehuantin yn achtopa nican tlaltemoco yn tlalmacehuaco yn tlatzonilpico cococayotica yn oncan quitzintico quinelhuayotico quitepechotico quitlalico yn omoteneuh centlayacatl altepetl ytlacoçauhcan chalchiuhmomozco ynic ye no quitocamacaco yca oc centetl yancuic tocaytl ynic quitocayotique Amaquemecan ytemcopa mochiuh yn inteouh catca yn itoca Totollin ye omoteneuh nahuintin in Chichimeca huallaque ce tlahtohuani hualmochiuhtia yhuan Eyntin tlaçotlahtocapipiltin y hualteyacanque yn tiyacacahuan hualmochiuhtiaque yn quitzintico yn quitlallico altepetl ynic ce in tlahtohuani hualmochiuhtia yehuatl in tlacatl Atonaltzin yn iteuhctoca hualmochiuhtia yn ipan quitlahtocatlallique quitocayotique chichimeca teuhctli ynic ome ahçico huel ytiachcauhtzin yehuatl yn tlacatl tliltecatzin tlahtocapilli yn iteuhctoca hualmochiuhtia in ipan quiteuhctlahtocatlallique chichimeca yaotequihua auh ynic Ey ahçico çâ no ynteyccauhtzin yehuatl yn innepantla hehua in tlacatl ytoca Mapihuatzin yn iteuhctoca hualmochiuhtia in ipan teuhctlahtocatlaliloc cohua yaotequihua auh ynic nahui ahcico huel yntlatzin yehuatl yn tlacatl xuchitzin auh ynin omoteneuhque nahuintin ahcico chichimeca auh ca oc cenca yehuantin no nican huel teneuhticate yn omentin omoteneuhque tlaçotlahtoque yn tlacatl Atonaltzin chichimeca teuhctli yhuan yn  tlacatl Tliltecatzin Chi chimeca yaotequihua yn itechpa ynin tlahtocatlacamecayotica ynic quenin huel yehuantin tlahtocaquauhtzonme tlahtocatlacaxinachtin mochihuaco in tlahtocatlacamecayotica yn ipan yc cetlayacatl ytztlacoçauhcayotl yhuan ypan inic macuiltlayacatl yn omoteneuh Tlayllotlacayotl yehica yn oncan in tlahtocanelhuayotl in tlahtocayotl yc peuh motlalli çan oncan hualla çan oncan hualquiz yn itztlacocauhcan y conpehualtico tlahtocayotl yn itoca Temiztzin teohua teuhctli çan oncan yntech hualquiça yn itztlacoçauhcan tlahtoque ynic mihtohua çan ic cectiticate ynin tlahtocatlacamecayotica auh yn omoteneuhque omentin tlahtoque yn Atonaltzin chichimeca teuhctli yhuan Tliltecatzin chimeca yaotequihua ca huel yehuantin yntech hualpeuh hualtzintic yn intlahtocatzintitlizpehualiz in intlahtocatlacatiliz yn intlahtlocatlacamecayo yn iuh tzintitica yn iuh peuhtica in motenehua ingeneraçion yn izquintin in tlaçochichimecateteuhctin in tlaçochichimecatlahtoque yhuan teohuacateteuhctin teohuacatlahtoque motenehua reyesme yhuan tzompâhuacateuhctin tzompahuacatlahtoque// quezquintin yn tlaçochichimecatepilhuan yn omotlahtocatillico ypâ yc cetlayacatl altepetl ytztlacoçauhcan yhuan tlayllotlacan y tzompanhuacan Tecuanipan Auh yn omoteneuh ynic ontlayacatl ypan Tolteca tzacualtitlan tenanco chiconcohuac yn oncan hecoque ahcico Bin ye cuel  temintonhuan yn ça no nahuintin y no cenca huehueyntin y no cenca tlapiltique chicahuaque yn amo panahuiliztin in tlaçohuehuetque yn tlaçotlahtoque in tlaçotlahtocapipiltin in ça no motenehua Teochichimeca Tulteca tzacualtitlan Tenâca chiconcohuaca ynin no nahuintin ca huel no yehuantin yn achtopa in çan cenacico çan huel nimâ hualtetocatiaque in no nican tlaltemoco in tlalmacehuaco in tlatzonilpico Cococayotica yn oncan quitzintico quinelhuayotico quitepechotico quitlallico yn omoteneuh yc ontlayacatl altepetl Tulteca tzacualtitlan tenanco chiconcohuac Amaquemecan chalco ye omoteneuh no nahuintin in yn chichimeca huallaque omentin yn tlahtoque hualmochiuhtiaque yhuan omentin tlaçotlahtocapipiltin yn ohualteyacanque in tiyacahuan hualmochiuhtiyaque in quitzintico in quitlallico yc ontlayacatl altepetl ynic ce in tlahtohuani tlahtocatachcauh hualmochiuhtia yehuatl in tlacatl Quahuitzatzin yn iteuhctoca hualmochiuhtia in ipan quitlahtocatlallique quitocayotihque tlayllotlac teuhctli ynic ome ahcico tlahtohuani yehuatl in tlacatl huehue ytzquauhtzin yn iteuhctoca hualmochiuhtia yn ipan tlahtocatlaliloc Atlauhtecatl teuhctli ynin omoteneuhque omentin huel tlahtoque catca auh ynic e^ytin ahçico çan teuhctlahto yehuatl in tlacatl Quachipaçoltzin yn iteuhctoca hualmochiuhtia yn ipan Teuhctlahtocatlaliloc Tlacateuhctli auh ynic nahui ahçico çâ no teuhctlahto yehuatl in tlacatl Teccizmitl ynin yn iteuhctoca hualmochiuhtia yn ipan Teuhctlatocatlaliloc Amilcatl teuhctli auh ynin omoteneuhque nahuintin ahçico Chichimeca auh ca oc cenca yehuantin no nican teneuhticate yn oc no omentin omoteneuhque tlaçotlahtoque in tlacatl Quahuitzatzin tlaylotlac teuhctli yhuan in tlacatl huehue ytzcuauhtzin Atlauhtecatl teuhctli yn itechpa ynin tlahtocatlacamecayotica ynic quenin huel no yehuantin tlahtocaquauhtzonyome tlahtotlacaxinachtin mochihuaco in tlahtocatlacamecayotica yn ipan yc ontlayacatl tzacualtitlan Tenancayotl chiconcohuac yhuan ycalpoltlaxillacalocmapan motenehua atlauhtlan huel yehuantin intech hualpeuh hualtzintic yn intlahtocatzintilizpehualiz yn intlahtocatlacatiliz yn intlahtocamecayo yn iuh tzintitica yn iuh peuhtica in motenehua ingeneraçion yn izquintin in tlaçotlaylotlacateteuhctin in tlaçotlaylotlacatlahtoque motenehua Reyesme yhuan  atlauhtlan Duquesme in tlaçochichimecatepilhuan yn omotlahtocatillico ypan yc ontlayacatl altepetl Tulteca tzacualtitlan Tenenco yhuan ymapan atlauhtlan ynic occan catca tlahtocayotl yn ipan tzacualtitlan Tenancayotl auh yn oc occan ypan calpoltlaxillacalli in motenehuaya tlacatecpan yhuan amilco ye omoteneuhque yn oncan ahçico çan Teuhctlahtoque motenehua Senadoresme yn oncan ocatca atle copilli corona quitlaliaya yn oncan oteuhctlahtoco ynic mihtohua çan teuhctlahtoloyan catca ynic nauhcan tlahtolloyan catca ypan Tenancayotl yhuan ça no cotonico ça no popolihuico ça no tlamico yn intlacamaceyo yn omoteneuhque teuhctlahtoque yn oyeco yn otlahtoco yn ipan omoteneuh occan calpoltlaxillacalli tlacatecpâ yhuan amilco catca oncan cotonico popolihuico yn ipâ XII calli xihuitl años in ihquac techpeuh tichalca in tlacatl huehue Moteuhcçuma ylhuicamina chalchiuhtlatonac Tlahtohuani Mexico Tenuchtitlâ ynehuan yn itlahtoca Teyxtlaticauh yn itlahtocatenanamiccauh catca y huel ytiyachcauh catca in cenca tlapaltic chicahuac yn amo panahuiliztli catca in huey yaotachcauhcatca in tlacatl Tlacaeleltzin cihuacohuatl auh yn omoteneuhque oc omentin tlahtoque in tlacatl Quahuitzatzin tlaylotlac teuhctli yhuan yn itehuapauhcauh yn itlahtocateyxtlahticauh yn itlahtocatenánamicauh catca tlacatl huehue ytzcuauhtzin Atlauhtecatl teuhctli ca amo can ocotonico amo can opolihuico amo can otlamico yn iuh niman ye onnecitiuh yn itlahtocatlacamecayo ca oncatqui ca yoltica in ye ixquichica ye centzonxihuitl ypan chiuhcnauhxihuitl axcan ynic ompa itech hualpeuhtica y yehuatl tlacatl Totoltecatl Tzompachtli tlaylotlac teuhtli y huel achto intlahtocauh hualmochiuhtia Teotenanca ynic ompa huallhuaque ynchan in oncan motenehua cuixcoc Temimilolco yhuipan Çacanco Teotenanco auh yn omoteneuh tlahtohuani Totoltecatl Tompachtli tlaylotlac teuhctli yehuatl in yttatzin catca yn omoteneuh tlacatl Quahuitzatzin tlaylotlac teuhtli ^y nican hecoc ahcico ^y nican nemico ynic yehuatl nican oquinchihuaco ytech oquizque ytlaquillohuan ytlahtocatlacamecayohuan yn nahuintin ça tepan oquitoquillico tlahtoque in oncan in omotlahtocatilico ^y tlacatl nuchhuetzin yhuan in tlacatl cihuatlahtohuani Xiuhtoztzin yhuan in tlacatl ytztlitzin yhuan in tlacatl Huehue Chimalpahitzin mocauhqui ynin yehuatl tlahtocatizquia tlaylotlacteuhctizquia auh çan quicauhque in tle ynic quicauhque Tenanca ynic oquitocayotique mocauhqui auh ye yehuatl tlahtocatlaliloc yn iteyccauhtzin yn itoca Quauhtlehuanitzin yehuantin in yn otlaylotlacteuhctico yn otlaylotlacatlahtocatico motenehua tlahtocachichimecatepilhuan auh y ye nican ça tepan çan nahintin yn amo ytech quiça yn amo ytlacamecayohuan yn omoteneuh tlacatl tlahtohuani Quahuitza teuhctli yn nican otlahtocatico tlayllotlacan macihui çâ no tel  tenanca yece atlauhtlan chaneque ompa tepilhuan yn eyntin yehuatl yn tlacatl huehueyotzintli tlaylotlac teuhctli mochihuaco yhuan in tlacatl Don Thomas de San Martin tlaylotlac teuhctli mochiuhca in tenanco chicoconohuac auh çan chiuhcnauhpohualilhuitl yn ontlahtocatico auh ça tepan ni cuele ompa tlahtocatito yn itztlacoçauhcan ompa Chichimeca teuhctli mochihuato ypampa ynâtzin ynic Eyntin tlahtohuani mochihuaco nicâ tzacualtitlan tenanco yehuatl yn tlacatl Don hernando cortes cihuayllacatzin ytztlacoçauhcan tlahtocatepiltzin quihualpatlato çan quicuilito yn itlahtocayo ^y yn omoteneuh Don Thomas de San martin Quetzalmaçatzin ynic nahuintin tlahtohuani mochihuaco nican tzacualtitlan tenâco yehuatl yn Don Joseph de castilla hecaxoxouhqui tlaylotlac teuhctli mochihuaco auh y yehuâtin in omoteneuhque Eyntin in tlahtocatico tlaylotlacan macihui yn iuh omoteneuh yn ompa inchan yn ompa Tepilhuan atlauhtlan ca oc cecni quizticate oc no centlamantli tlacamecayotl quipia yn iuh niman ye onnecitiuh tlatzintla tlayxpan yn ipan in huehuetlacamecayoamoxtli auh yehica ypampa amo no yehuatl ytech quiça amo no ytlacamecayohuan yn omoteneuh yn ahçico tlahtohuani huehue ytzcuauhtzin atlauhtecatl teuhctli in quauhtzonyotl mochihuaco tlahtocatlacamecayotica atlauhtlan ypampa yn oquichtlachihualiztica ytlahtocatlacamecayo çan cotonico opolihuico otlamico yn ipan años ytech ynic chicuey tlahtohuani yn itoca Mactzin atlauhtecatl teuhctli auh ynin tlahtohuani yn ihcuac momiquilli macihui yn quincauhtiaca omentin ypilhuan oquichtin ce ytoca catca yxtlilchamapol ynic ome ytoca quetzalpahin catca yn telpopochtin auh ynic aocmo yehuantin in ceme tlahtocatlaliloque ypampa cenca tlahueliloque catca amo tlacanemia Temimictiaya Temihminaya cemihcan yntlahhuitol tetinemia atle ypan teytztinemia auh yehuatl ypampa ynic amo quimonnecque ynic aocmo yehuantin ceme tlahtocatlaliloque yc conmocahuilique in tlahtocayotl o yhui yn yn polihuico yn cotonico yn oquichtica oquichotica ytlahtocatlaquillo yn itlahtocatlacamecayo yn oteneuh tlahtohuani catca huehue Ytzquahtzin atlauhtecatl teuhctli ^y nican hecoc ahcico ^y nican nemico ynic yehuatl in nican oquinchihuaco ytech oquizque ytlaquilihuan ytlahtocatlacamacayohuâ in chicomentin ça tepan oquitoquilico in  atlauhtecateteuhctin yn atlauhtecatlahto^q yn oncan in atlauhtlan omotlahtocatilico in tlacatl yllancuetzin ynic ome ytoca ytzcuauhtzin yn tlotli tlatquic y huecontzin yn oçomateuhctli yn huetzin teuhtli niman ic yehuatl yn omoteneuh Mactzin teuhtli yehuantin in yn oatlauhtecateuhctico yn oatlauhtecatlahtocatico motenehua tlahtocachichimecatepilhuan auh yn o yuh momiquilli omoteneuh tlahtohuani Mactzin teuhctli yc niman mictiloque tzonhuiloque yn omoteneuhque omentin ypilhuan yn itoca yxtlilchamapol yhuan ytoca quetzalpahin (auh macihui yn ompa atlauhtlan yntech in yn omoteneuhque tlahtoque ompa yntech hualmoquixtia tlacamecayotica in tlacatl señor don domingo hernandez Ayopochtzin ca amo oquichtechihualiztica ca ça cihuatechihualiztica ynic ompa tetech hualmoquixtia omonello omonepano yn imezco yn intlapallo in itlahtocatlacamacayoc omoteneuh tlahtohuani Quahuitzatzin tlayllotlac teuhctli ynic necoccampa innehuan in tlahtocatlacamecayotitech hualmoquixtia yn omoteneuhzino Don domingo hernandez Ayopochtzin ) Auh yn o yuh momiquilli omoteneuh tlahtohuani Mactzin ataluhtecatl teuhtli yc niman hualmotlahtocatlalli yn ixiptla mochiuh yehuatl yn itoca Popocatzin atlauhtecatl teuhtli yc techiuhcnauhca tlahtohuani mochiuh yn atlauhtlan contzinti oc centlamantli tlahtocatlacamecayotl yehica ynin omoteneuh Popocatzin amo yntech quiça  amo quen quinnotzaya yn omoteneuhque achtopa chicueyntin otlahtocatico atlauhtlan ypampa yn omoteneuh Popocatzin atlauhtecatl teuhctli mochiuh ca çan ce tlátlaymetl catca yhuan yn  ittatzin ynantzin çan macehualtzitzinti catca yn tatli ytoca catca quiyauhtzin yuh mihtohua çan cocoxcatzintli catca yhuan huel tenancatl huel ompa chane catca ^y quaxochtenco atlauhtlan yn axcan ye motenehua s Miguel ynic huel tlahtocatlaliloc omoteneuh Popocatzin yn ipan iii acatl xihuitl de años çan ipampa ynic hualmacoc yniqu icihuauh mochiuh tlahtocacihuapilli yn iyoca cohuanêtzin ychpochtzin in in tlacatl cohuaçacatzin Teohua teuhctli tlahtohuani catca ompa tlaylotlacan Amaquemecan ynic quihualmacac ^y ychpochtzin çan quittili yn iaxca ytlatqui quipiaya Popocatzin auh yn o yuh quihualmacac ychpotzin cohuaçacatzin ipampa yc niman tlahlocatlaliloc in Popocatzin çan ipampa cihuapilli tlahtocat ynic niman yehuâtin oquichiuhque in cacamatzin ynic Teomeca yn iuhqui intoca omochiuh ^y in ça tepan ompa canaco yn tlayllotlacan Amaquemecan ompa tlahtocatito Teohua teuhctli mochihuato ypampa yn inantzin ompa hualmohuicaca yn iuh niman ye onnecitiuh tlatzintla ynic ye centlamantli ytlacamecayo omoteneuh Popocatzin atlauhtecatl teuhctli yancuican ye no ceppa yehuatl tlahtocaquauhzonyotl omochiuh yn atlauhtlan in ça cemi oquitzacuico otlahtocatico atlauhtlan yece macihui yn iuh mihtohua ^y in çan macehualtzintli catca Popocatzin ca oquinnehnehuilico yn achtopa omoteneuhque chicueyntin otlahtocatico yn iuhqui Duquesme catca yn iuh copilli corona ca quiaya yntzontecompa ca no yuhqui ocaquitia ytzonteconpa yn omoteneuh Popocatzin ynic nelti ca tlahtohuani catca ynic yehuatl ynehuan quipiaya tzacualtitlan tenancayotl in tlahtocatachcauh catca Quauhtlehuanitzin tlaylotlac teuhctli yniqu inehuan yehuantin impan mochihuaco ynic pehualloque chalca yehuantin tepehuaco yn  omoteneuh^q in tlacatl huehue Muteuhcçuma ylhuicaminatzin yn inehuan ytiachcauh tlacaeleltzin cihuacohuatl auh yn o yuh tepeuh chalco Mexicatl yc cen ça cemi oncan cotonico oncan polihuico yn atlauhtlan tlahtocayotl aoqu ic ceppa ompa otlahtocatlaliloc ce tlahtohuani yn iuh  nepa tlatzintla hualmotlalitihuia tlahtoque auh in yehuantin in omoteneuhque tlahtoque catca yn oc tlateotocanime motenehua gê tilesme catca yn intlahtocatilizpan huel oncatca inhuelitiliz yn inpan ynmacehualhuan ynic oquinpiaco oquinpachoco ynic oquinmamaco oquimitquico yn incuitlapilhuan ymatlapalhuan tzacualtitlan Tenâca chiconcohuaca huel ynmac oncatca miquiliztetlatzontequiliztli ce quauhcalli quipiaya yn oncan teylpiaya huel quittaya mellahuac yehuantin ynic tle ^yn Justicia ^ynpan quichihuaya inmacahualhuan tenanca ynic oteyacanaco otepachoco yn ipan cetlayacatl ymaltepeuh tzacualtitlan tenanco cenca otlacamachoco yhuan otlamamauhtico otlacala//[entre líneas ^q

qui]lliloque yhuan ocaltiloque oyellimiquilloque otexilliloque otequipanolloque yn ihcuac yehuantin oc moyomahtlahtalhuiaya yn oqu iuh yyoca catca yn ayamo yuh quinhualpehuaya Mexico tlahtoque ye omotocateneuhque auh yhuan nican quezquintin Teneuhtoque yn omoteneuhque ytztlacoçauhcan chichimeca teteuhctin yn chichimeca tlahtoque yhuan in yehuantin in çâ no chichimeca teteuhctin yn  ça no chichimeca tlahtoque yn oncan omotlahtocatillico omoteneuh Tecuanipan yn ipan calpoltlaxillacalli huixtoco yhuan in yehuantin yn tlamaocateteuhctin in  tlamaocatlahtoque yn oncan omotlahtocatillico ypan nauhtlayacatl Panohuayan No yhuan nican  pouhtoc Teneuhtoc in cecenyaca cecenme in tle in xihuitl in ipan motlahtocatlallique No yhuan in tle in ^y xihuitl yn ipan mo miquillique yhuan yn quecizqui xihuitl in motlahtocatillique No  yhuan nican tocateneuhtoque yn omoteneuh teuhctlahtoque motenehua Senadoresme catca yn icizquintin yn ipan omoteneuh oc oncalpoltlaxillacalli motenehua Tlacatecpan yhuan amilco ynic cececni oncan oteuhctlahtoco// yn oyeco onemico yn oquimixtlatico yn oquinnanamiquico omoteneuhque omentin in huel yehuantin tlahtoque ynic oquinauhcahuico oquipiaco ye  huecauh yn itzinecan Tzacualtitlan tenancayotl auh in ye oncan in omoteneuh occan in tlacatecpan yhuan amilco  yn ôcan hualyetihuiya omoteneuhque Teuhctlahtoque ca no yhcuac oncan polihuico in Teuhctlahtoliztli ynic techpeuh tichalca Mexica ynic oncan in huel neci motta ca yn oc ye huecauh yn  itzinecan Tzacualtitlan tenancayotl cenca hueycan catca yn axcan ye popolihuiznequi yn ipan in xihuitl de años in ça yuhqui calpoltlaxillacalli yn iuh ypan neztica auh ynin omoteneuh tenancayotl ynitzinecan yn ihcuac hecoque ahcico ca niman yhcuac occan xeliuhque yxtlapanque in tenanca ynic cequintin ompa hualmocauhtiquizque ayotzinco auh ça tepan oncan hualmicuanique in tepopolla Texocpalco ynic no oncan Tenanco mochiuh yn axcan ye motenehua S Juan baptista ynin ce altepetl yc catqui ce gouernador oncan tlapia yhuan oncan moyetzticate Teoyotica oncan motepachilhuia in tlaçoteopixque Sto Domingo auh yn oc cequintin tenananca (!) ompa hualmocauhtiaque omoteneuh atenco ayotzinco yn axcan ye ce altepetzintli yc catqui ye motenehua Sancta catalina Martyr yhuan oncan moyetzticate teoyotica oncan motepachilhuia in tlaçoteopixque S Augustî yhuan ce alcalde oncan tlapia auh ynin omoteneuh altepetzintli Ayotzinco ompa pouhtica ytech yn altepetl Tepopolla Texocpalco Tenanco ytlatititzal ytlahuillanal ySujecto mochiuhtica auh ynic occan ytlatitizal ytlahuillanal ySujecto mochiuhtica yn omoteneuh altepetl Tenanco Tepopolla Texocpalco yehuatl yn altepetzintli xuchitepec yn axcan ye motenehua Sto Domingo yhuan oncan moyetzticate Teoyotica oncan motepachilhuia in tlaçoteopixque yn itlaçopilhuantzitzinhuan omoteneuhtzino totlaçottatzin Sto Domingo yhuan ce gouernador oncan tlapia ynî Xuchitepeca no motenanca ytohua yece amo neltiliztli yehica ypampa ca oc centlamantin oc ce tlacamecayotl quipia ca inhuan pohuan inxeliuhcayohuan in ciudad xuchimilco tlaca achtopa ompa ymacehualhuan catca yn ompa otlapachoco tlahtoque ypan etlayacatl altepetl xuchimilco yn oncan motenehua Tepetenchi yhuan Tecpan yhuan ollac yuh mihtohua ynic nican huallaque yniqu imac motlallico omoteneuh altepetl Tenanco Tepopolla Texocpalco ynic oncâ quinmomacaco yn oncan tlaylotlacateteuhctin yn tlaylotlacatlahtoque yn oncan otlahtocatico yhuan no yehuantin yn ixquichtin in cenca miequintin yn onca hualmocauhtiquizque oncan quinhualcauhtiquiz in tlahtohuani Quahuitzatzin tlaylotlac teuhctli yn tlaçotlahtocapipiltin Teuhctlahtoque moch huehueyntin yn oncan hualmocauhque yn ihcuac yancuica hecoque ahcico auh yehuantin in anoço ye ynpilhuan ymixhuihuan yn oncan quincelique quinmomacehualtihque yn omoteneuhque xuchimilca in axcan ye motenehua xuchitepeca in ye o yuh motemacato intemilticahuan ymelimiccahuan inquaxochpixcahuan quinchiuhque ynic achitzin yntlal quinmacaque Tenanca ynic ompa quintecato ompa cequintin quincahuato yn inquaxochpan tlahtoque Texocpalca yn itocayocan callayoco yhuan quauhtzontzonco yhuan xuchitepec yn oncan axcan omololoque omaltepetlalique auh ynic oncan in omotlalli gouernaçiô ca çan oquintlaócollique oquimocniuhmacaque otehuelitiltihque in Tenanca Tepopolla Texocpalco tlaca ynic ça tepan virreyes oquinmotlachicahuililique yn xuchitepeca yehica in yehuantin xuchitepeca ca amo pilloque amo tlahtocayoque catca auh yn axcan ompa gouernadorti ca çan quauhpipiltin Auh ynic occan xeliuh Yxtlapâ tenancayotl ye oncan in in motenehua tzacualtitlan tenanco chiconcohuac yn axcan ye motenehua Stiago yn oncan hecoco ahcico yn omoteneuh y ye mache huel yehuatl y centlahtocauh catca yn ixquichtin omoteneuh ytoca quahuitzantzin tlaylotlac teuhctli nican achtopa ycpac Amaquemeque tepetl motlallico yn oncan moyetzticate teoyotica oncan motepachilhuia in tlaçoteopixque Sto Domingo auh ynin Tzacualtitlan tenanco chiconcohuac Amaquemecan ca inxeliuhcayohua inhuanpohuan huel oc no yehuantin Tenanca yn otecauhque nican tzacualtitlan tenanco yn ompa omololoto yn ompa omaltepetlalito omoteneuh quaxochtenco atlauhtlan yn ipan xihuitl de años yn ihcuac omochiuh congregacion auh yn ica teoyotl ytech omopouhque yn altepetl chimalhuacan in çan no yehuantzintzin ompa Teoyotica motlapachilhuia Teopixque Sto Domingo ynic cemeyehuantzintzin ompa atlauhtlan missa quimonmottitilia Tenanca atlauhteca ynic no ce alcalde oncan tlapia yece aocmo mochtin huel Tenâca yn oncan in atlauhtlan omololoco ca cequi ytztlacoçauhque yhuan cequi tlaylotlaque Teohuacâ tlaca quaxochpique yn oncan ohualmololoque yn oncan ohualmopouhque intlan yeppa atlauhteca oncan onoque inic cepan ye tlatenancatilia ahnoço ye tlaatlauhtecatilia o izquican in nauhcan quizticate yn axcan Tenanca chalca No yhuan nican tocateneuhtoq^ yn ixquichtin tlahtocatepilhuan motenehua Principes yhuan in tlahtocateychpochhuan motenehua Princesas yn inpilhuantzitzinhuan yn omoteneuhque in tlaçotlaylotlacateteuhctin in tlaçotlaylotlacatlahtoque yhuan yn atlauhteteuhctin yn atlauhtecatlahtoque yn oc yehuantin tlateotocanime motenehua gentilesma catca No yhuan nican Teneuhtoc ynic onenepaniuh ynic oneneliuh in tlahtocatlacamecayotl in tlahtocaeztli in tlahtocatlapalli ynic nican ypan macuiltlayacatl yn oncan yc macuilcan catca tlahtocayotl ye huecauh yn itztlacoçauhcan Totollimpa Amaquemecan yhuan Tecuanipan yn Panohuayan in tlaylotlacan Teohuacan yn oc tlateotoquilizpan catca yhuan yn axcan ye christianoyopan ynic omotlalli in tlahtocahuayolcayotl cihuatica yn izquicampa yn intlacamecayoc yn omoteneuhque yzquicampa tlaçotlahtoque auh oc cenca yehuantin nican tenehuallo in tzompahuacan Tecuanipan tlahtoque catca çan quezquintin yhuan Ytztlacoçauhcan tlahtoque catca yehica ca ompa yntech yyocampayxti onancaticatqui ytlacamecayo yn omoteneuh tlacatl Señor Don domingo hernandez Ayopochtzin auh yn Panohuayan yhuâ tlaylotlacan teohuacan atle ompa quipia tlahtocatlacamecayotl çan tiquincahua yn ompa tlahtoque catca amo nican tiquintlacamecayotenehua mochintin çan yehuâtin nican tenehuallo yn oneliuh yntlacamecayo mochi nican pouhtoc teneuhtoc ma yc timotlapololti yn ac tehuatl in tichristiano macamo mitztlapololtiz xicmoneltoquiti çan huel ce nelli Dios

Nican Umpehua ontzinti oc centlamantli çan ye no tenonotzaliztlahtolli ymellahuaca yn intlahtocatlacatiliznelhuayo yn intlahtocatlacamecayo in Teteuhctin in tlahtoque in tlahtocapipiltin y huel nican intlacatyan inchan in Tulteca tzacualtitlan tenanco chiconcohuac Amaquemecan yn onemico oyeco otlahtocatico yhuan yn intlacamecayohuan oc cequinquin nemi yn axcan cahuipan nemi pipiltin yn oncan tetechpa hualquizticate Cenca tetech monequi ynic huel momatiz ycuiliuhtiez yehica in tepilhuan in teyxhuihuan in mohuapahua mozcaltia axcan yhuan in quin ya tlacatiquihui yn amo quimatia ytech quittazque quimatizque ytech concuizque conanazque yn iuh catqui tlahtocayeliztli tlahtocatlacamecayotl in campa hualla y huel yehuatl achtopa nican tlahtocaquauhtzonyotl mochihuaco conmatizque in quenî Peuh Tzintic yn imezço in intlapallo yn intlillo in huehuetque tzacualtitlan tenanca yn onemico nican ytlalticpactzinco in tlacatl Totecuiyo Jesuchristo

Itlatlalil itlatecpan in Don domingo de S Anton Muñon Chimalpain Quauhtlehuanitzin yxhuiuh yn omoteneuh tlacatl Señor Don Domingo Hernandez Ayopochtzin catca umpa ychan yquizcan yolcan yn ipan omoteneuh yc ontlayacatl altepetl Tzacualtitlan tenanco Amaquemecan Prouincia chalco auh maço nellihui yn amo ymacehual ylhuil ycnopil yniqu itequiuhti in quimocuitlahuia yn iteopancaltzin in iSancta Yglesiatzin in cenquizca yxtililoni mahuiztililoni in mocenquizca centlamachtiani in hueytettatzin S Antonio Abbad yn ipan in Tecpilaltepetl hueycan ciudad Mexico Tenuchtitlan yn oncan omohuapauh ytequiuhti ymamal mochuihua ynic quitta quimocuitlahuia yn omoteneuh yTeopancaltzin ySancta yglesiatzin Sancto in ye yxquichica cempohuallonchicuacen xihuitl axcan ypan in ticate xihuitl de Auh ynin huehuetlahtocanemiliztli in huehuetlahtocatenonotzalizamoxtlahtolli nican ye mihtoz ye motenehuaz in ye mopohuaz ca amo çan çaçanilli ca amo çan tlapipictli amo çan tlahtlaquetzalli ynic tlatecpantli ca mochi neltiliztli ca mochi omochiuh ca yuh oquitotehuaque ca yuh oquiteneuhtehuaque yuh otechtlalilitehua^q yn inhuehuetlahtol in huehuetque yllamatque in tlahtoque in pipiltin tzacualtitlan tenanca in tocihuan Tocolhuan in tachtonhuan in tomintonhuâ in topiptonhuan nican onemico yn iuhqui yn innenonotzal mochiuhtiuh yn otechcahuilitiaque ynin altepenenonotzaliztlahtolli yhuan tlahtocatlacamecayonenonotzaliztlahtolli in tliltica tlapaltica ycuiliuhtoc machiyotoc amapan ayc polihuiz ayc ylcahuiz mochipa pieloz auh ca yetlamantli ^y nican ye mihtoz ye motenehuaz in tlaçotlahtocatlacamecayotl in ipan oncatqui yn omoteneuh ynic ontlacayacatl altepetl tzacualtitlan Tenanco chiconcohuac yn ipehuayan yn itzinecan auh oc cenca yehuatl achtopa nican mihtoz motenehuaz oc cenca yehuatl  achtopa nican neztica oncan in mottaz mopohuaz yn ipan in yc centetl huehuetlahtocanemilizamoxtenonotzaliztli yn itlahtocatlacamecayotzin yn omoteneuh yehuatzin tlacatl Señor Don domingo hernandez Ayopochtzin motenehua huel oc yehuatl in chichimecatlahtocapilli catca in tzacualtitlan Tenanco chiconcohuac Amaquemecan chalco chane catca yn oquimohuiquilli tt Dios yn ipan yc mani metztli Abril yn ipan xihuitl de años ynic oncan yxquichica ^y caxtolpohualxihuitl ypan Epohuallonchiuhcnahui xihuitl in çan niman amo cana ocoton opoliuh yn itlahtocatlacamecayotzin yn ompa yxquichica ytech hualeuhtica hualpeuhtitica in tlacatl Totoltecatl Tzompachtli tlayllotlac teuhctli y huel achtopa ycentlahtocauh catca yn ixquichtin Tenanca in quinhualyacan in quinhualhuicac yn ompa ye no yc huallehuaque yn oncan miec xihuitl mochantica yn oncan motenehua Teotenanco cuixcoc Temimilolco yhuipan çacanco quin oncan in quihualcuitiquizque in Teocchichimeca ynic otocayotiloque cuixcocca Temimilolca yhuipaneca çacanca auh yn ompa chicomoztoc yc huallehuaque ca çan oqu ixquich yn ompa yntoca hualmochiuhtia heztlapictin chicomoztoca auh yn omoteneuh tlahtohuani Totoltecatl Tzompachtli tlaylotlac teuhctli in tlahtocatachcauh hualmochiuhtia ca huel oc yehuatl ompa ^ytech hualquiztica hualleuhtica yn intlacamecayopan yn imezçopan yn intlapallopan ynic motenehua intzicuehuillo intlapanca yntech hualquiça in yehuantin omentin tlahtoque chichimeca omoteneuh Totoltecatl tzompachtli tlaylotlac teuhctli ynehuan huehue ytzcuauhtzin atlauhtecatl teuhctli in ye yxquichica ompa omoteneuh ynic huallaque ynic acico nican tzacualtitlan Tenanco y huel ye nican ahcico tepiltzin tlahtohuani quahuitzatzin tlaylotlac teuhctli ca chicontlamanpa ye ixhuiuhtzin yn omoteneuhtzino tlacatl señor Don domingo hernâdez hualtzintli amo pilli catca nican tlacocalecan Tepepan tzacualtitlan Tenanco chane catca O yhui yn in quimotenehuilitia omoteneuhtzino tlacatl Señor don domingo hernandez Ayopochtzin catca auh yn i nantzin catca huehueyotzintli amo yhuan quimotenehuilitiuh yn tle y// Auh ynic omentin omoteneuh huehuetque in quineltilitihui ^y omoteneuh ytlacatiliz huehueyotzintli in camo ypiltzin omoteneuh tlacatl cacamatzin yehuatzin in tlacatl Señor Don Feliciano de la Sumpcion calmaçacatzin catca yn oquimohuiquili tt Dios Ypan xihuitl de años Yz catqui yn itlahtoltzin mochiuhtiuh yuhqui ^y yn oquimihtalhuitia in yehuatzin tlacatl huehueyotzintli tlahtohuani mochiuh in nican tzacualtitlan tenanco tlaylotlacan yn inantzin catca ytoca Yztac xuchitzin ompa tlacat in tlacpan Tepepâ yn itocayocan tentzonpolecan ynahuac ^y in S Martin ymichpoch catca ^y in ceme calpolleque tlaxillacaleque motenehua panhuaque auh in yehuatl omoteneuh ymichpoch yn itoca Ytztac Xuchitzin yn ihcuac ye otztli quimacato quitlauhtito in panhuaque yn omoteneuh tlacatl cacamatzin oqu itelpochtian quiceli ycihuauh mochiuh auh amo huel momati in tle yca ^y tle ypampa yn quimacato yn quitlauhtito pahuaque tle yc quinec in cacamatzin yn omoteneuh cihuatzintli in çan macehualpan motlacatilli amo nel ahço qualli mahuiztic cihuatl catca ahço yehuatl yc quinec yc conan yn cacamatzin ynic quimocihuauhti tle noço quittili yhuan huel quimatqui in cihuatl ye quimaca ca ye otztitihuitz piltontli ye yhtic huitz ahnoço yetihuitz ynic çan quihto cacamatzin  yn on piltontli yhtic yetihuitz ma nohuehueyo auh yn o yuh macoc cihuatzintli yc niman quixima ytlan motecan in cacamatzin ynic mihtohua ca ça tlatlapihuilli xinachtica in tlacatl cacamatzin ynic huel quimopiltzintli yn ihcuac tlacatico piltzintli ynic quitocayoti huehueyotl yyacapantzin mochiuh quizcalti quihuapauh hueyyaco auh yn ihcuac tlayllotlacan Amaquemecan canaco yn omoteneuh tlacatl cacamatzin ynic onpa tlahtocatito toehua teuhctli mochihuato ypampa yn inatzin auh yehuatl ytlaytlaniztica mochiuh Mexico yxpan in omoteneuh tlahtohuani Ahuitzotzin ynic nican tzacualtitlan tenanco tlayllotlacan quihualtlahtocatlalli Yn ipiltzin ye omoteneuh huehueyotzintli ynic yehuatl tlaylotlac teuhctli mochiuh ca atlauhtlan yn tlahtocatiquia  yn auh çan quicuilico yn in tlahtocayotl Texihxicoliztica in tlacatl Xiuhtzin tlatquic yehuatl oncan in tlahtocatizquia huel yehuatl axcahua catca yehica ca ytlaçopiltzin in catca in tlahtocaTachcauh catca ypan tzacualtitlan tenâcayotl in tlacatl Quauhtlehuanitzin tlaylotlacteuhctli tlahtohuani catca ynipan mantia Chalcayotl auh ça yteuhctlahtocauh mochiuh yn omoteneuh Xiuhtzin tlatquic o yuhqui yn in quimihtlalhuitiuh omoteneuhtzino tlacatl Señor Don feliciano de la Sumpcion calçamatzin auh ça yxquich amo tle yhuan quimotenehuilitia aquin achtopa cotzti aquin yoquichhui catca omoteneuh cihuatl yztac xuchitzin yn icihuauh mochiuh omoteneuh tlacatl cacamatzin auh yn ixquichtin ytlaçopilhuan oquîchiuh yhuan yxhuihuan yccatotonhuan omoteneuh tlahtohuani huehueyotzintli ca onoyehuatico omahuiztico in tlahtocayotica pillotica yn ipan tzacualtitlan Tenancayotl yehica ca oncan in ce ypiltzin otlahtocatico ytoca Don Joseph de castilla hecaxoxouhqui auh quillmach ynin ychtacaconetl catca amo huel ypiltzin catca in tlahtohuani huehueyotzintli catca auh ca çan no yuh yehuatzin quimihtalhuitiuh yn omoteneuhtzino tlacatl Señor Don Feliciano de la Sumpcion calçacatzin catca yuhqui yn yn oquimihtalhuitia in yehuatzin tlacatl cihuapilli catca Doña Magdalena de S Pedro xiuhcacaltzin yn inantzin catca tlacatl Don Juan Maldonado Mihiçahuitzin tlahtohuani catca ytztlacoçauhcan y huel oqu ichpotzin catca omoteneuh tlahtohuani huehueyotzintli huel yehuatzin ycamapatzinco niccan nechmolhuilitia nehuatl Don Feliciano de la Sumpcion in cihuapillim in yehuatl niuhc Don Joseph de castilla hecaxoxouhqui amo huel ypiltzin catca in tlacatl tlahtohuani huehueyotzintli yn tottatzin catca yehica y huel tipilhuan tizquintin y huel tiezçohuan Tiuhque yn Timahuiztique Tichipahuaque yn itech tiquiça huehueyotzintli auh yn Don Joseph amo quiquixti amo no techquixti yehica amo chipahuac amo no qualxayaque ca nel amo ypiltzin// in tlahtohuani catca huehueyotzintli yehica yn inantzin catca Don Joseph de castilla hecaxoxouhqui yn itoca catca achtopa yn oc tlateotoquilizpan ynic quinotzaya chimalmantzin auh yn ça tepan ic moquaatequi ytoca mochiuh Doña catalina ychpotzin in catca yn itzcahuatzin tlatquic tahtohuani catca yn itzcahuacan tlalmanalco chalco yn omoteneuh cihuapilli Doña catalina chimalmantzin quitlaxin ychtaca in tlahtohuani huehueyotzintli amo quimomachilti in quimomecatiaya cihuapilli ychtaca callaquia tecpâ oquichtli ytoca quehquetza nican tenanca o yhui yn oncan tlami yn yn itlahtoltzin omoteneuhtzino tlacatl Don Feliciano de la Sumpciô calamçacatzin auh yn iqu iuhqui ^y quimihtalhuitia Doña Magdalena de S Pedro xiuhcacaltzin ca quimotiliaya ypampa ce ynantzin catca ^y auh macihui yn iuh omihto yn yn amo huel ypiltzin catca//hueyotzintli yece ynic cenmochintin Tenanca yhuan Amaquemeque quicenpiltzintique in huehueyotzintli ynic huel tlahtocat Don Josep de castilla hecaxoxouhqui nican Tzacualtitlan Tenanco // O yehuatl in oncan tlami yn yn itlahtollo in quenin nican tzacualtitlan Tenanco yetlamantli oncatqui in tlahtocatlacamecayotl in huel cececcan quiztica auh  yn achtopa omoteneuh tlaçotlahtocatlacamecayotl ca huel ompa quihualhuicaque in canin Teotenanco hualehuaque Teochichimeca auh yn oc ontlamantli omoteneuh çan nican tzacualtilan tenanco otzintico opehuaco in tlahtocatlacamecayotl çan ^y tlanequiliztica mochiuh yn oc cequintin tlahtoque ynic quintlahtocatlalique omoteneuhque tlacpac in ye no yancuican quitzintique tlahtocatlacamecayotl yece tel amo oquichtiliztica in quicuique in tlahtocayotl mahuizçotl amo quinnehnehuilizque yn iuh yehuantin achtopa otlahtocatico in motenehuaya tlaçochichimecatepilhuan ynin  hueytiacauhchicahualiztica yn iuh yehuantin yxquichtlamantli oquichihuaco ynin chichimecanemiliztica ynin yaooquichtiliztequiuhtica ynic onemico amo quinencuique in tlahtocayotl in mahuizyotl yn ipan in tzacualtitlan Tenancayotl

Auh yn ac tehuatl in tamapouhqui yn ticpohuaz ynin altepehuehuenenonotzalizamoxtlacuilolli tzacualtitlan Tenanco ynic huelmoyollomaciz in campa on ic quixti on ic nechico in mochi yn ixquich huehuenemiliztlahtolli yn axcan nican niccentlalia nictecpichohua y ye no ceppa nicyancuilia yn iuh monequi yez auh xicmomachilti ca macuiltetl in huehueamoxtlacuiloli y yehuacauh  in tlatlalil huehuetque tlaçotlahtoca pipiltin catca ni can tzacualtitlan tenanco chiconcohuac achtopa nican niquintenehua Eyntin yn oc ynmacehual ymicnopil mochiuh yn oc inpa ahcico yn itlanextzin yn itlahtolneltococatzin tt Jesuchristo y nelli ytlaçopiltzin Dios ynic ce ytoca Don Balthasar Ahuiliçatzin ynic ome ytoca Don Diego hernandez Moxuchintzetzelohuatzin ynic Eytin ytoca Don Francco cuetzpaltzin tlaylotlacteuhctli ynic Eyntin huel ytlaçopilhuantziztin in tlacatl xiuhtzin Tlatquic tlaylotlacteuhctli tlahtocapilli ynin huel oqu itlaçopiltzin catca in omoteneuh tlacpac tlacatl Quauhtlehuanitzin tlaylotlacteuhctli tlahtouhani catca yn ipan mantia chalcayotl auh yn omoteneuhque Eyntin huehuetque tlaçopipiltin y ye christianosme mochiuhtihui ca yehuantin quimopieliaya yn altepehuehuetlahtolli yhuan huehuetlahtocatlacamecayotl yn oc in tlateotoquilizpan in tlacatecolonotzalizpan Texamatlacuilolpan quittaya oncan ypan quipiaya yn  inhuehuenenonotzal mochiuhtiuh yn oc nepa inttatzin incoltzintzinhuan tlahtoque quincahuilitiaque auh yn omoteneuh yn altepetexamatlacuilolli yhuan huehuetlahtocatlacamecayotl oquimopielique yn ixquichica oquinmonemiltilico tt Dios tlalticpac oc cenca yehuantin yn omoteneuhque omentin Don diego hernandez Mochintzetzelohuatzin ynin tlahtocapilli yuh mihtohua mespañolchichihuaya yhuan yhcuac momiquilli yn  ipan ce calli xihuitl de yhcuac manca yn cocoliztli in toyacacpa quiz eztli ce xihuitl ^y manca yehuatl in yc momiquilli yn omoteneuh Moxochintzetzellohuatzin auh yn ixquich omoteneuh Texamatlacuilloli ^y huehuetlahtocatlacamecayotlacuilloli mochi quimocahuilitia yn itlaçopiltzin omoteneuh tlacpac yn itocatzin Don domingo hernandez Ayopochtzin ynin quimomachtitzino yn amoxpohualiztli yhuan cuecuetziuhcaamatlacuiloliztli ynic yehuatzin cuecuetziuhcatlacuiloltica letratica amoxpan oquimicuilhui oncan ypan oquimopieli ynic ce libro quimochihuili in maca çâ tezcatl oncan techmotlalili auh yn ihcuac omomiquilli omoteneuhtzino Don domingo hernandez ayopochtzin yn omoteneuh altepeamoxtli libro yhuan tlahtocatlacamecayotlaculolli ni cuelle quimopialtilitehuac  yehuatl yn imontzin yn itocatzin catca Juan Agustin yxpintzin yn omomiquilli yn oquimohuiquilli tt Dios ypan xihuitl de años Ynin quimomontitzino çan nauhtlamampa ymachtzin catca ynic oncan onitlacatico nehuatl Don domingo de S Anton Muñon chimalpain quauhtlehuanitzin ynic ye no axcan oc ceppa nicyancuilia nicuicuillohua amoxpan ynin mochi huhuetlahtolli ca nel ono nomac huetzico yn amoxtli libro auh yn ipampa quimopialtilitehuac omoteneuh Don domingo hernandez Ayopochtzin yn imontzin omoteneuh Juan Agustin yxpitzin yehica ayamo quimomachiltiaya yn omentin ypilhuan tzintzinhuan oc huel pipiltzinti catca yn ihcuac yn axcan monemiltia notlatzitzinhuan Don diego hernandez yhuan don x^poual de castaneda y ye oppa gouernador mochihua Amaquemecan ca oconmanilique yehuatzintzin mochi yn onicteneuh huehueamatlacuiloli yhuan huehue libro yn inan motenehua Originales yn itech onitlacopin yn onicyancuilli ye quimopielia ca nel ymaxcatzin in huehuetlahtocatlacamecayotl yn itech oniquixti ynin huehuetlahtolli y ye onmottaz auh ynic omentin huehuetque omoteneuhque yehuatzin in tlacatl Don Franco cuetzpaltzin tlaylotlac teuhctli catca ynin no centetl yaltepeamoxtzin quimotlalilitia ahnoço yehuatl quimotlalilitia yn itlaçopiltzin yn itoca catca Don Miguel de S Tiago tetlantoloticatzin ynin yehuatl quimopialiaya yn amoxtli libro çan tepiton yece huel qualli yc tlatecpantli huel qualli yc tenonotza yn itechpa tenancayotl ynic huallaque tenanca auh ynin libro ono nomac huetzinco otechmacatia yehuatl yn ipiltzin omoteneuh Don Miguel de S tiago Tetlantoloticatzin yn itoca catca Don Juan de Sto Domingo omomiquillito Tetzcuco auh ynin libro ynic huel qualli neltitliztlahtolli yn itech tecpantica oncan ytech cequi onicquixti in huehuetlahtolli onicnehnehuilli oniccetilli yn itlahtol tlatecpaltzin yetiuh yehuatzin omoteneuhtzino Don domingo hernandez Ayopochtzin auh ynic eyntin huehuetque yehuatzin in señor Don vicente de la anunciacion nauhtlamampa yteyccauhtzin catca yn omoteneuhtzino Don domingo hernandez Ayopochtzin yn omoteneuhtzino Don vicente de la anunciacion/ Dios] ynin no yehuatl quimopielia centetl yn amoxtli libro achi huey yn ytech tlahtohua tzacualtitlan tenancayotl ynic huallaque tenanca o nomac huetzico yehuatzin ynomatzinco y nocoltzin omoteneuhtzino Don vicente de la anunciacion yn onechmotlaneuhtilica yn omoteneuh libro onicnocuepilili yn itech onicquixti ynic çan niccentetilia axcan huel oc no cenca qualli mochi neltilizhuehuetlahtolli yn itech tecpantoc ynic oc no cenca yehuatl onictocac ytech onicquixti in tlahtolli ynic oniccetilli onicnehnenehuilli yn ontetl amoxtli libros tlacpac omoteneuh^q yn iuh niman ye onmottaz yn ipan in huehue amoxtli

Auh ynin omoteneuh huehuetlahtolli yn itech tlaquixtilli tlacopintli amoxtli libro quimopialia omoteneuhtzino Don vicente de la anunciacion ^y nican ye mihtoz ye motenehuaz nicnotlatlanili ypampa nehuatl Don domingo de S Anton Muñon chimalpahin quauhtlehuanitzin nicnolhuili campa oticmoquixtili yn ixquich huehuetlahtolli Tzacualtitlan Tenancayotl nican oticmihcuilhui y huel momatzintica ypampa niquixi mati y momatzin yc timocuecuetziuhcatlacuilhuia yc niman onechmonanquilili oquimihtalhui noxhuiuhtzine xicmomachilti ynin Texamatlacuilloli huehuetlahtocatlacamecayotlacuilolli nican ticmottilia ca nechmocahuililitia y nottatzin catca machcohcoltzin Don Miguel de S tiago teuhcxacantzin catca auh çan huel quinamiqui ynin libro ynic tlatecpantli omoteneuh tlahtocatlacamecayotl ompa ychantzinco niquixtito niccopinato y nomontatzin catca Don Rodrigo de rosas Xohecatzin pilli catca Ytztlacoçauhcâ ytech ce huey libro huecapan ycalcuac manca moch oncan ytech ca ytech ycuiliuhtoc yn ytlahtollo ynic macuiltlayacatl altepetl yn itztlacoçauhcan yn tecuanipan yn Panohuayan yn tlaylotlacan Teohuacan amo noconcopin amo nic quixti auh çan iyoca noconquixti niccopin yn itlahtollo nican centlayacatl altepetl Tzacualtitlan Tenanco auh// yuh niccopin in huehuetlahtolli ça n oc ceppa oncan noconmah yn calcuac amo nel ça n oncan opoliuh ynin huey huehue libro aoc tle neci ahço çan oncan opallan auh çan iyoca noconcopin ynî ytlahtollo nican altepetl tzacualtitlan Tenanco auh çan oncan niccauh yn oc nauhtlayacatl altepetl ytlahtollo auh ynin onicteneuh huey huehue libro huel ymatica ycuecuetziuhcatlacuiloltzin mochiuh yn onicnotenehuili nomonttatzin catca Don Rodrigo de Rojas xohecatzin catca ytlan escriuanotic in Andres de S tiago xochitototzin calli xuchimilco ychan catca nican Jueztico yn ipan altepetl Amaquemecan ypan xihuitl de años yhcuac tlacenquixtilli tlacentlalili yhcuac tlaneltitlili ynin huehue tlahtolli yn ixquich nican ye mihtoz ye motenehuaz ipantzinco yhcuac tlahtocati in tlacatl Señor Don Antonio de Mendoça y huel achto visurrey mochiuhtzinoco Mexico Tenuchtitlan yhuan moch ic nohuiyan Nueva españa ye yuh matlactlonnahui xihuitl motlahtocatilia yn ihcuac ytencopatzinco nican Amaquemecan quihualmihualli omoteneuh Juez Andres de S tiago xochitototzin yhcuac ytlacauhticatca in nican omotenteuh altepetl Amaquemecan mahuaya yn omêtin tlahtoque catca ynic ce yehuatl yn Don Thomas de S Martin quetzalmaçatzin chichimeca teuhctli Tlahtoani catca yn ompa omoteneuh yztlacoçauhcan  Totollimpa Amaquemecan yn yhcuac yn ye yuh cempohuallonchicuacen xihuitl tlahtocati çan iteyccauhtzin yn inehuan mahuayan yn itoca Don Juan de Sandoval tecuanxayacatzin Teohua teuhctli tlahtohuani catca tlaillotlacan Amaquemecan yn ihcuac ^y ye yuh cenpohuallonnahui xihuitl tlahtocati in Teohuacan yehuatl pehuaya ^y yn cahuaya ytiachcauhtzin auh ynic nican hualcallac Juez quin yehuatl quinnenotzaltico quin cepan tlacualtico ynic quimicniuhtlaco auh yhuan ynin omoteneuhque omentin tlahtoque catca ca quipopollohuaya yn oc Excampa tlahtocayotl yn oncan catca huel cehcen petlatl ycpalli tlahtocayotica ynic ceccan ye oncan in in tzacualtitlan Tenanco chiconcohuac yhuan Tecuanipan yhuan panohuayan yn iuh quinequia yn iExcanixti yn aocac oncan tlahtocatizquia aocmo connequia ynic oncan ceme tepilhuâ Teyxhuihuanyxquetzalozquia ynic oncan tlahtocatizquia ynic cecenyaca cecenme quipiazque ymaltepeuh yn iuh quinequia omoteneuhque omentin tlahtoque amo çan iyocan oncan y huel yntlahtocatian y huel yyeyampa in tlahtocatizque auh ca çan no yhuan quixtocaya huel quimotechtica yn omoteneuh ompa oc Excampa tlahtocayotl y yeppa huecauh nepa ôcan oncatca huel quipoloca quitecuilica auh ypâapa yehuatl in ynic cenpohualxihuitl in ça cactimanca yn aocac tlahtocat tzacualtitlan Tenâco ça quauhtlahtolloc no yuh tlamanca yzqui xihuitl in tecuanipan yhuan Panohuayan auh yniqu ipampa yn iuh omoteneuh in ça quauhtlahtoloc yn iExcanixti ^y ynic aoaca^q tlahto^q catca in ça cactimanca auh macihui yn iuh omihto ^y in ça quauhtlahtolloc yn iExcanixti miec xihuitl auh yece ye omoteneuh ca huel yExcanixti huel quicuica quimotechtihca yn etlayacatl altepetl yhuan tlahtocayotl ynin ça yçeltin omoteneuhque omentin tlahtoque huel yuh quinequia ça huel yceltin ^y tlacamachozquia yhuan ça ^yceltin yn intecpan tlacenmachozquia y tlatecpanolozquia in tecpanozquia in tequitlacaquizquia yn ixquichtin tlaçopipiltin yn oncan tlahtocatepilhuan tlahtocateyxhuihuan yn ipan omoteneuh Excampa tzacualtitlan Tenanca yhuan Tecuanipan tlaca yhuan Panohuayan tlaca yhuâ in oncan in yzquican macehualtin moch quinmomacehualitiaya ynic cenca hueycococ Teopouhqui Techichinatz Tetoliniliztli yn techquipachohuaya ynic quinnotzaya amo cualtica tlahtolica Auh huel quinchiuhca ynca mocahcayahuaya ynic cequintin cholloca yhuan oc cequîtin yc cen yah^q yc quitlalcehuique yn altepetl Amaquemecan yn tlaçopipiltin yn iuh yehuantin tlayllotlaque Tecalco tlaca quichiuh^q nican tzacualtitlan tenanco pouhque catca auh yhcuac ompa callacque ompa mopouhque yn inxeliuhcayopan mocuepque in tenanco Tepopolla Texocpalco yc cen ompa yahque aoqu ic ohualmocuepque o yuhqui yn yn quichihuaco omoteneuhque omentin tlahtoque catca in omenico ye ypâ chritianoyotl aocac huel ynmac tlahtohuaya ynic cenca otlatollinico yhuan otlamahmauhtico yn imacuilcanixti nican ypan altepetl Amaquemecan Ynic niman oquiteylhuito Mexico yxpantzinco yn omteneuhtzino tlahtohuani Don Antonio de Mendoça visurrey auh yzcate nican Tocateneuhticate y yehuantin yahque Mexico yn quichihuato Pleyto Eyntin pipiltin ynic ce ytoca Don Pablo mocuatlahuitectzin yhuan ymach ytoca Helias de S Juan Tetzauh yllamatzin ynin omentin ce ypiltzin ce yxhuiuh in tlacatl Toyaotzin chichimeca Teuhctli tlahtohuani catca ytztlacoçauhcan ynic Ey ytoca Thoribio quimichcual tecpoyoachcauhtli ynin çan quauhpilli catca yhuan macuiltin teopan tlaca catca ynic ce ytoca Domingo xuarez fiscal catca ynic ome ytoca Pedro cuetzpal ynic Ey ytoca Melchior Ordiz Ynic nahui ytoca Joseph de Sta Maria tzilintoc ynic macuili ytoca Leonardo de S Tiago Moçauhquitta in macuiltin in yehuantin amatlacuilloque capitulos quintlalilique yn imomextin omoteneuhque tlahtoque Don Thomas de San Martin quetzalmaçatzin yhuan yteyccauh Don Juan de Sandoual Tecuanxayacatzin huel quintlalilique quimicuilhuique yn ixquichtlamantli in tle in quichihuaya ynic tlatoliniaya ynic quintlaecoltiaya yn izqui campa macehualtin yhuan yn occequi tlamantli yc tecamocahca yahuaya moch capitulo ypan quintlalilique ynic quimottitilito yn omoteneuh tlahtohuani Don Antonio de Mendoça visurrey yn o yuh quimottili ^y yc niman ypâpa yn nican quihualmihualli yn omteneuh Juez Andres de S Tago xuchitototzin ynic yehuatl tlachiaco moch quitehtemoco yn quenin catqui ynic tomacuilcantian macuitlayacatl altepetl Ama^qmecan yn iuh cacatqui ytlatlahtollo motenehua y tetzonaltepetl yn iuh huel cehcen ahxiliztli titlan ypil catca telchiuh] ticpia yhuan macuilli tlahtocayotl auh tel ynic tlamacuilcantilia tlahtocayotl motenehua teohua teuhcyotl yn ompa catca tlayllotlacan ynin tlahtocayotl amo quihualhuicaque ompa yn campa huallehuaque tlayllotlaque ynic nican motlallico Ama^qmecan amo hualpillotiaque yn  imaxiliztica auh ynic ye cecni maltepeyttoticate tlayllotlaque ynic ce tlahtocayotl quipia ca ye quin iz peuh itzintic ypan xihuitl de años auh çan oncan in ytech yn iztlacoçauhcan tlahtocayotl ohualquiz in tlahtocayotl teohua teuhcyotl inic peuh motlalli tlayllotlacn ynin omoteneuh Teohua teuhcyotl in ça tepan cencaquihueyllico quihuecapanoco quimahuizçotico in ihcuac oncan in tlahtocatico tlayllotlacan in cenca chicahuac tlapaltic in huey yaotachcauh catca i huel achtopa yehuatl ytoca mochiuh huehue Cacamatzin teohua teuhctli yehuatl in in quincenyacanaya yaoyotica Tepehualiztica yn izqui altepetl in mocentenehua chalca ynic ompa quiquetzato inquaxoch chalca yn techixco ytztapallapan caltenco yehica ynin omoteneuh huehue cacamatzin yn iuh quinequia acan Mexico yezquia (auh yn iuh conitohua yehuantin huehuetque Mexica Tenuchca yn ihcuac quimonyaochihuaya Cacamatzin oc ompa in  chapoltepec yc catca Mexica chichimeca oc yehuatl ypan y huel achto intlahtocauh catca yn itoca huehue huitzilihuitl ynin ça tepan maltic cacique yehuantin yn culhuaque yn ihcuac nauhcampa quinyaoyahualloque mexica yn oncan chapultepec auh yn ihcuac yn o yuh cacique culhuaque yn omoteneuh tlahtohuani huehue huitzilihuitl yc niman ça tepan ompa quihuica^q in culhuaque yn inchan culhuacan ompa quimictito // auh ayac ypiltzin in quicauhtia çan ic cen mixpopolotia auh ynic niman yehuantin Mexica ytencopa yn inteouh catca huitzillopuchtli huallehuaque chapultepec oncan hualmicuanique in culhuacan quin oncan in quitlallico ynic oc yehuatl quinyacanaz in Tenuchtzin oquauhtlahto ynin çan Mexicatl amo pilli cenpohuallonmacuilli xihuitl yn oncan culhuacan quinyacan Mexica yece ynin omoteneuh Tenuchtzin

macichui yn amo tlahtohuani catca yece ca yuhqui n quitlahtocapohuaya Mexica quicemittaya çan içel quitlacamatia yn ica tlein quinnahuatiaya ytlapacholhuan Mexica ynic yehuatl oncan culhuacan quihuallehualti ynic yaoyotica quinhualtocaque quinhualyacantia in Mexica quimaxitico yn oncan Tenuchtitlan yc motlallico ynic oncan oc no cenpohualloncaxtolli ypan nauhxihuitl oquinyacanaco yn omoteneuh Tenuchtzin ynic yehuatl ynehuan omoteneuh huehue cacamatzin Teohua teuhctli monamiquia yaoyotica mopehuaya necoccampa in ihcuac ayamo yuh motlahtocatlaliaya in tlacatl Acamipichtli in ye no yehuatl contzintito tlahtocayotl Tenuchtitlan oncan culhuacan quitlanico in Mexica Tenuchca ynic intlahtocauh mochiuh auh ynin omoteneuh tlacatl Acamapichtli in ipan xihuitl de años motlahtocatlalli Tenuchtitlan çâ no ypan y momiquilli tlacatl cacamatzin teohua teuhctli tlahtohuani catca nican tlaylotlacan Ama^qmecan o yehuatl in yn itlahtollo yniqu iuh quinequia acan Mexico Yezquia ynic quimonpehuaya Mexica ach quen mochihuazquia ytlacamo çan quitonallanque Tepaneca yc momiquilli omoteneuh huehue cacamatzin yehica ca nahualli catca ynin huey yn itenyo quicauhtia yn intlan yxquichtin chalca yn iyoquichtiliztica ytla ye oc nemini o yehuatl in yn itenyo ynic macuiltlayacatl yn ipan tlayllotlacayotl ynic yehuatl omoteneuh Juez Andres de S Tiago Xochitototzin mochi quitemoco in macuilcan huehuetlahtocatlacamecayotl yn iuh catqui huel cehcen tlahtocayotl ynic tomacuilcantian ticate auh yn ipampa yn ynic mochi quitemoco yn omotenuh Juez yn huehuealtepenenonotzaliztlahtolli in quenin catqui ynic tomacuilcantian ynic yehuantin nicâ huehuetque tlaçopipiltin catca in necentlaliliztica ihcuac quinemilique quicenquixtihque y huehuetlahtolli yhuan amoxpan quitecpanque camoxyhcuilloque yn iuh cacatqui macuiltlayacatl yniqu ixpan  quinextihque huel yuh quittitique y yehuatl omoteneuh Juez huel nel tiliztlahtoltlatecpanpa in quitlachialtihque huehuetque catca ca nel huel iuhque catca yn amo huel yztlacatia teyxpan huel quimellauhcatlatecpanilique in tlahtocatlacamecayotica in tlapalhuehuetlahtocatlacamecayotlacuiloltica ynic tomacuilcantian yn itechpa ynic huel cehcen ahxiliztli hecoliztli ticpia yhuan huel cehcen tlahtocayotl oncan mopia ca y nauhcanme huel ompa nican huallh tocayotiaque in can in chicomoztoc huallehuaque ynic nican huallehua^q ynic nican aahcico ynic hehecoque ^y nauhtlamanixtin huehuetque chichimeca catca ynic çan yehuatl ypan hualhuillohuac yn oc nepa tlatzintla ypehuayâ ypan centlamantli huehuetlahuiquiliztli catca ynic hualhuillohuac quihualmomacatiaque yn intlahuiquiliz yn oc yehuantin impan centlamâtin huhuetque tlahtoque catca auh çâ nimâ ayc cana quicotonque yhuan ayc huel aquin oquinpolhuica in ihquac oc yehuan// moyocatlahtalhuiaya yn ayemo can tetech pohuia ynic nican macuilcan quipiaya tlahtocapetlatl ^y tlahtocaycpalli tlahto^q ca çan mochipa ceceyaca cececni çan intech catca quihualpixtiaque yn ixquichica ihuac momiquiliaya çan quihualmomamacatiaque çan ic hualmotlalitiaque hualmocaupeuhtiaque in tlahtoque yn izquicampa ynic macuilcan catca tlahtocayotl ynic ayc ceppa campa opoliuhque tlahtoque yn ixquichica ynic oncan ypan î xihuitl de años ynic techpehuaco tichalca in tlacatl huehue Moteuhcçuma ylhuicaminatzin tlahtohuani catca Mexico Tenuchtitlan ynic nican Amaquemecan hualcallac Quin yehuatl techpolhuica yn omoteneuh nican n oncatca macuilcâ tlahtocayotl Amaquemecan yhuan yn izquican ynic mocentenehua chalco yn izquican oncâ tlahtocatihuaya yn oc oncan catca altepetl tlacochcalco atenco ihcuac micuani yn axcan ye motenehua tlalmanalco yhuan acxotlan yhuan chimalhuacan nohuiyan quipolloca in tlahtocayotl huel ixquinchica cenpohuallomome xihuitl yn aocac tlahtocat çan ocuauhtlahtolloc nohuiyan ynic cen Chalco auh yn o yuh techpeuh tichalca yn omoteneuh huehue Moteuhcçuma ylhuicaminatzin çan macuilxihuitl in timacehualhuan ticatca ynic niman onmomiquillico ypan xihuitl de años auh çâ niman ipan in yn omoteneuh xihuitl quixquetztia yehuatl yn ixhuiuhtzin oncâ hualmotlahtocatlalli in tlacatl Axayacatzin yc chicuacen in tlahtohuani muchiuh in Tenuchtitlan in tlahtocat matlactlomome xihuitl auh yn ixquichica yn amo noyac tlahtocat ynic macuilcan nican Ama^qmecan yhuan yn izquican omoteneuh ynic cen chalco çan nohuiyan ocuauhtlahtolloc auh yn omomiquillico tlacatl Axayacatzin ypan xihuitl de años auh çan niman ipa// yn omoteneuh xihuitl oncan hualmotlahtocatlalli in tlacatl Tiçocicatzin ynin tlahtocat Tenuchtitlan chicuacen xihuitl auh y no yxquichica yn anoyac tlahtocat ynic macuilcan nican Amaquemecan yhuâ yn izquican omoteneuh yc cen chalco çan ye quauhtlahtolloc auh yn omoteneuh huey tlahtohuani Tiçocicatzin ye ymiquiztempa in quintemo in yehuantin tlaçopipiltin in tlahtocapipiltin yn izquican nican tepilhuan ynic cennohuiyan chalco ynic ye no yehuatl quincuepillico yn inteuhcyo yn intlahtocayo yn inpetl ymicpal chalca in quincuillica in quinpolhica yn incoltzin catca huey tlahtohuani huehue Moteuhcçuma ylhuicaminatzin yn ihcuac techpeuh ticenchalca auh ynic quintemo tlacatl tiçocicatzin ynic quin hualteantla nican yzquican yc cen chalco yn izquintin tlaçotlahtocapipiltin yn inpilhuan ymixhuihuan in tlahtoque catca yn inpan poliuh yn inpan mantia chacayotl auh ca temoloque in campa cequintin motlatihtinemia tlahtocapipiltin yn o yuh temolloque yn o yuh nezque yc niman huicoque in Mexico tenuchtitlan quinnextito yxpan yn omoteneuh huey tlahtohuani Tiçocicatzin auh yn o yuh quimittac yn o yuh yttitiloque tlahtocapipiltin chalca yc niman quincuepilli quinmacac yn intlahtocayo in copilli corona çan oc chicomentin in quihualtlahtocatlalli yn izquican yc cen chalco yn oncan yeppa mopiaya yn achi huehueyxtiticatca tlahtocayotl yn oquinpolhuica yxquichica omoteneuh cempohuallomome xihuitl auh çan oc omentin yn quî hualtlahtocatlalli nican Amaquemecan ynic ce yehuatl in tlacatl Toyaotzin chichimecateuhctli mochiuh in ytztlacoçauhcan ynic ome yehuatl ^y tlacatl Cacametzin ynic teomeca yn iuhqui ^ytoca ^y mochiuh teohua teuhctli mochiuh yn tlayllotlacan auh yn o yuh hualtetlahtocatlalli nican chalco yn omoteneuh huey tlahtohuani tiçocicatzin yc niman momiquilli ypan xihuitl de años auh çâ niman yhcuac yn ipan in omoteneuh xihuitl oncan hualmotlahtocatlalli yn iteyccauh yehuatl in tlacatl yn itoca Ahuitzotzin yc chicuey tlahtohuani mochiuh in Mexico Tenuchtitlan quin yehuatl in quihualcencauh yn izqui altepetl ynic ye cennohuiyan chalco quîhualtlalli tlahtoque yn oncan oc quezquican polihuia yn oc quicauh yn ayemo// quintlallitia tlahtoque yn omoteneuh tlahtohuani Tiçocicatzin auh yn omoteneuh huey tlahtohuani Ahuitzotzin ye quin yehuatl quihualtlahtocatlalli nican tzacualtitlan Tenanco y tlacpac omotocateneuh tlacatl huehueyotzintli tlayllotlac teuhctli mochiuh ypiltzin in yhuehueyo mochiuh ynic ome ytoca cacamatzin teohua teuhctli yn iuh omihto tlacpac in tlacatl Ahuitzotzin çan cenquinhualtlahtocatlalli yn omoteneuh huehueyotzintli yn itoca Quauhcehcecuitzin tlamaocatl teuhctli mochiuh tlahtohuani Panohuayan in quinhualtlahtocatlalli ypan xihuitl de años auh yn omoteneuh tlahtohuani ahuitzotzin ynic macuilli ça tepan quihualla xilti nican Amaquemecan in quihualtlahtocatlalli ypan xihuitl de años yehuatl in tlacatl Miccacalcatl tlaltetecuintzin chimeca teuhctli mochiuh tlahtohuani Tecuanipan ypampa ynantzin ynic nican tlahtocatico auh yn ittatzin catca yehuatl in tlacatl Tlilpotoncatzin cihuacohuatl tlahtocapilli Mexico tenuchtitlan ynin huel ytlan catca yteyxtlaticauh ytenahnamicauh catca yn omotenuh tlahtohuani Ahuitzotzin ynin Ahuitzotzin yehuatl quihualcetilli in ome tlahtocayotl oncatca nican ypan tzacualtitlan Tenancayotl ytech cetiac yn omoteneuh huehueyotzintli ynic tlayllotlac teuhctli mochiuh auh aocmo quinec yn ahuitzotzin ynic oc ce tlahtohuani ompa motlalizquia atlauhtlan auh ytla quinequini Ahuitzotzin ynic oc ceppa quintlalizquia omentin tlahtoque in nican tzacualtitlan tenanco yn omoteneuh huehueyotzintli ye ompa tlahtocatizquia yn atlauhtlan yehica ca ompa Tepiltzin mochiuh auh ynic macoc yn oncan in Tecpan tlayllotlacan tlahtocayotl ynic tlayllotlac teuhctli mochiuh ca çan texihxicoliztica teca necahcayahualiztica yehuatl quichiuh ypan tlahto yn ittatzin omoteneuh cacamatzin teohua teuhctli yn ompa ye tlahtocatia ompa canaco yn tlayllotlacan Amaqêmecan Teohuacan auh yn oncan in omoteneuh tlayllotlacan Tenanco auh ca huel yehuatl oncan nemaque in tlahtocayotica y tlacpac ye cecni omoteneuh yn itoca xiuhtzin tlatquicatzin yehuatl tlahtohuani tlayllotlac teuhctli mochihuazquia auh yehica ce yehuatl huel oncan in Tepiltzin ytlaçopiltzin catca yn omoteneuh tlacatl Quauhtlehuanitzin tlayllotlac teuhctli tlahtohuani catca yn oncan in omoteneuh Tecpan tlayllotlacan yn ipan mantia ynic poliuh chalcayotl yn ihcuac omoteneuh techpeuh Mexicatl auh macihui yn iuh mihtohua yn techpeuh Mexicatl in tichalca yece in ça cemi yhcuac tlamico yaoyotl ayac maltic ayac ceme quimacique yn izquintin nican tlahtocatia ynic cen ypan chalcayotl auh ca çan mochintin mohuicaque quitlalcahuique yn imaltepeuh yn oncan tlahtocatia yn ihcuac oquittaque ye incallacallaqui Mexica yc quihualcenmatque yn amo huel ynmac motlaçazque Mexico tlahtoque ynic çan mohuicaque tlahtoque chalca huexotzinco tetlan mocallaquito yuh mihtohua yn ompa ya achto celiloque yn amaquemecan tlahtoque Auh tlalmanalco yhuan chimalhuacan tlahtoque ça tepan in callaquillotique ynic celiloque huexotzinco auh ça ynpilhuan in quincauhtiaque nican yzquican chalco ynic yehuantin ça tepan otlapiltillique auh yn omoteneuh tlahtohuani Quauhtlehuanitzin tlayllotlac teuhctli catca yn ihcuac // mohuicac huexotzinco ynic mihtohua panhuetz auh ca çan omentin ^y nican tzacualtitlan tenanco quincauhtia ytlaçopilhuantzintzin ynic ce ya yehuatl yn omoteneuh yn itoca xiuhtzin tlatquic Teuhctli çan icentepiltzin catca yn oquichtli ynic huel yehuatl ytech pouhticatca tlahtocayotl yn oncan in omoteneuh tecpan tlayllotlacan ca huel oncan in tlaxillacalyacatl yhuan huel achto oncan tlahtolloyan catca yuh cacicama yn omoteneuh Ahuitzotzin tlahtohuani catca Tenuchtitlan ypampa yn amo huel quipollo yn oncan in tlahtocayotl auh ynic omentin ypilhuantzintzin quincauhtia omoteneuh tlahtohuani Quauhtlehuanitzin tlayllotlac teuhctli cihuatzintli ytoca Teoxutzin ynin ycihuan mochiuh yn omoteneuh ynic o// ytoca cacamatzin teohua teuhctli ynic yehuâtin quichihuaque oncan motlacatilli in tlacatl Don Alonso gregorio Quauhtlehuanitzin tlacochcalcatl teuhctli ynin no ce ypiltzin quichiuhtia yehuatzin yn tlacatl Don feliciano de la Ssumpcion calmaçacatzin ye tlacpac omotenehu in

Auh macihui yn omoteneuh yn oc ce tlahtocayotl ompa catca yn Atlauhtlan camo cenca hueycan ca çan itoquillo mochiuhticatca y tlayllotlacan tlahtocayotl huell oncan in hueycan tlahtolloyan catca ynic tzacualtitlan tenanco auh ynic  çan itoquillo mochiuhticatca yn achi huey tlahtocayotl catca tlayllotlacan yn atlauhtlan ynic amo cenca huey catca yn ompa tlahtocayotl ypampa yn quipollo yuh cacicama yn omoteneuh huey tlahtohuani Ahuitzotzin aocac tahtohuani oncan quihualtlalli yn atlauhtlan Oyhui yn ynic hueycan catca oncan omoteneuh tlayllotlacan ynic huel oncan in yehuatl omoteneuh tlacatl xiuhtzin tlatquicatzin teuhctli ytech pohuia yyaxca catca yn oncan in tlahtocayotl tlayllotlacan catca yn quicuillique çan texihxicoliztica // Auh amo yehuantin intechpohuia yn omoteneuhque Atlauhtlan tepilhuan pipiltin amo yehuantin ymaxca catca in tlahtocayotl tlayllotlacan auh yehica ypampa ca yuh huallaque yuh huallotlatocatiaque yn oc ye  nepa ye  huecauh yn  ihquac ayemo yuh techpehuaya Mexicatl ca amo huel quimocuiliaya amo no huel quimopatiliaya yn inpetl ymicpal yn îtlahtocayo ca çan huel nononqua catca çan huel yyeyeyan momatticatca auh ynic nican quipiaya altepetl cetlayacatl barrio principal Tzacualtitlan Tenancayotl ca concahuiticatca in tlahtoque yhuan ymomextin quitzontequia yn  ipan tle y Justicia quichihuaya achtopa quicaquia in tlahtohuani tlayllotlacan in tle y// innetequipachol oncatca tzacualtitlan Tenanca auh ça tepan quicaquia çan contenotzallania in atlauhtlan tlahtohuani çan hualhuia oncan in tecpan tlayllotlacan yn ichan tlahtocatachcauh catca oncan quicaquiltiaya in tle y innetequipachol tenanca oncan quimocepanyeyecalhuiaya ynic ynehuan quitzontequizque auh no oncan quinhualnahnamiquia yn teyxtlatiliztica in consejotica yn oc omentin omoteneuhque tlacpac teuhctlahtoque in tlacatecpan Tlacateuhtli yhuan amilco tlacatehcutli quinuahcahuiaya ynic tle yn Justicia quichihuaya ypan tzacualtitlan tenancayotl ynic qualli yectli yc otlamaniltico yuhqui n çan ce yyollo catca ynic ayc omixnamiquico ahnoço omoyaochiuh^q çan cemihcac tlamatca catca in tlahtoque yhuan inmacehualhuan O yuhqui yn in tlamanca yn iuh niman ye onnecitiuh tlayxpan yn ipan in huehuenemilizamoxtli chronica

Auh macihui in yehuatl omoteneuh tlacatl huehueyotzintli yn oncan in omoteneuh tlahtocatico tlayllotlacan yece ca yuh quihtotihui yn ixquichtin huehuetque tlaçopipiltin ocatca ca ynic nican tzacualtitlan tenanco tlayllotlacan quihualtlahtocatlalli Huehueyotl yn Ahutzotzin Mexico Tenuchtitlan tlahtohuani catca ca çan tlanepantla quihuallali ynic necoccampa quipiaya tlahtocayotl nican ypan tlaxillacalyacatl tlayllotlacan yhuan ypan ynic ontlaxillacalyacatl atlauhtlan yece huel oc cenca nican tlayllotlacan yn tlahtocatico huehueyotzintli ynic tlayllotlac teuhctli mochiuh oncan in cetiac in tlahtocayotl tzacualtitlan tenanco ypan in tlahtocayotl atlauhtlan yn omoteneuh tlahtohuani Ahuitzotzin yece omentin Teuhctlahtoque ytlan quihuallalli in huehueyotl ynic amo quimocemaxcatiz omoteneuh occan tlahtocayotl yhuan ynic amo no niman quicenpoloz yn iuh nepa tlatzintla hualyetia tlahtocayotl yyocanixtli oncan quihuallali teuhctlahtoque in tlahtozque in quinahnamiquizque in teyxtlatiliztica in tlahtohuani yehuatl ypampa yn ynic mihtohua çan tlanepantla catca in Huehueyotzintli yn itlahtocatilizpan ynic ce Teuhctlahto ytlan quihuallali yn oncan in tlayllotlacan yn ahuitzotzin yehuatl yn omoteneuh y huel oncan in Tepiltzin xiuhtzin tlatquicatzin ça teuhctlahto tlayllotlac Teuhctli quihualchiuh auh ca huel yehuatl in nican tlahtocatizquia huicoca in Mexico auh ynic ome Teuhctlahto quihuallali tlahtohuani Ahutzotzin ompa yn atlauhtlan yehuatl quihuallali yn itoca Tetlatzin atlauhtecatl teuhctli quihualchiuh ynin yuhqui yn ompa tlahtocapouhticatca/ lauhtlan auh ynin omêtin omoteneuhque Teuhctlahtoque ca ymomextin mochipa quintemachiticatca quinahnamicticatca yn omoteneuh tlahtohuani huehueyotzintli amo tle huel quichihuaya amo huel mixcahuiya in tle yn quitzontequia Justiciatica intlacamo ymeyxtin quicepanhuiaya quecahuiaya tlatzontequia ynic qualli yectli otlamanitico

auh yn omoteneuh Ahuitzotzin in tlahtocat Tenuchtitlan caxtollomome xihuitl no yxquichcauh yehuatl ytlahtocatlapacholhuan mochiuhque yn omoteneuhque nican  chalco tlahtoque catca ynic niman omomiquillico ypan xihuitl de años auh çâ niman yhcuac yn ipan in omoteneuh xihuitl oncan hualmotlahtocatlalli in tlacatl Moteuhcçumatzin xocoyotl auh ynin caxtollome xihuitl in tlahtocat Tenuchtitlan no yxquichcauh// ytlahtocatlapacholhuan mochiuhque yn omoteneuhque nican Chalco tlahtoque catca auh yehuatl ipan in yn omoteneuh tlacatl Moteuhcçumatzin Xocoyotl yhcuac tlahtocati yn tenuchtitlan ypan acico in hernando cortes yn capitan hualmochiutia yn ixquichtin quinhualhuicac españoles in ça tepâ nican oquimotocayotico conquistadores auh yehuatl omoteneuh hernando cortes in ça tepan Marques del Valle mochihuaco yn callaque Mexico Tenuchtitlan ypan yc mani Metztli Nouiembre ypan xihuitl de años auh yn ipan huehuetque catca yn incemilhuitlapohual catca hecatl auh yn ipan in inMetztlapohual catca matlaquilhuitia quecholli yhcuac oncan ypan in polihuico in huey tlahtocayotl oncatca Mexico Tenuchtitlan yhuan y moch ic nohuiyan ypan nueva españa oncatca tlahtocayotl mochi poliuh y huel nelli intlahtocayo Xihuitzolli anoço copilli yn incorona catca Mexica tlahtoque yhuan nueva españa tlaca oquincuillico yn españoles auh yc niman ohualcallac yehuantin quicallaquico yn ontlahtocayotzin yn incoronatzin in huehue^ytin tlahtoque Reyes españa Auh in yehuantin omoteneuhque Mexico Tenuchtitlan tlahtoque catca ynic tinmacehualhuan ticatca tichalca çan onpohualloncaxtolli xihuitl auh yn oncan oc ceppa yc quinhualcuepillica intlahtocayo chalca in tlacpac omoteneuh tlacatl Tiçocicatzin ynic ye no cuel nican hualtetlahtocatlallica ynic oc ceppa ontlahtocatihuac chalco çan ixquich cenpohuallonmatlactli ypan nauhxihuitl ynic nimâ o ynpan acio yn omoteneuh hernando cortes capitan yhuan oc cequintin españoles yn oquihualhuicaque tlaneltoquiliztli

Auh yn ihcuac nican Amaquemecan oquiz omoteneuh hernando cortes capitan ça tepan Marques del Valle omochiuh çan yehuantin nican quinamicque yn omentin tlahtoque ynic ce yehuatl yn omoteneuh ynic ome ytoca cacamatzin Teohua teuhctli tlahtohuani catca tlayllotlacan Ama^qmecan ynic ome yehuatl yn omoteneuh tlacpac yn itoca Quauhcehcecuitzin tlamaocatl teuhctli tlahtohuani catca panohuayan auh ynin omentin tlahtoque ontecpantli yn cihua quinnechicoque in cenca cuacualtin mahuiztique in chipahuaque catca çan nican macehualtzitzinti ymichpochhuan catca quimitlanilique yn omoteneuhque tlahtoque catca yhuan oc cequintin tlaçopipiltin catca ynic quimitlanque quinmochpochtihque quinchichiuhque quinmacaque in  quenami yhcuac on quinemiltiaya tlahtoque yncihuahuan in mahuiztic cueytl yhuan huipilli yc quinchichiuhque yhuan yuh mihtohua quintenque quimaaltihque temazcalco quinyecxoteçonhuique quinyeyectzicahuazhuique quinxauhque auh// ye oquincencauhque inca tenamicque in omoteneuhque omentin tlahtoque quimonnamictihque quintlauhtihque yn españoles yhuan quimonnamictihque chicontzontli ypan matlacpohualli pesos ypâ ca in coztic teocuitlatl ynepapan cozcatl yc tlachiuhtli auh yn iyacayocan ynic cetlayacatl ytztlacoçauhcan y huel oncan motenehua amaquemecan ayac tlahtohuani catca yn ihcuac ^y auh quemaca oncatca// yn oncan in yn itech pohuia tlahtocayotl oqu ichichiyan coçoltica onoc yn ihcuac quimacaca Mexico Tenuchtitlan tlahtohuani catca Moteuhcçozatzin xocoyotl ca ytlatzin yhuanyolqui catca yece yn ihcuac nican quiz omoteneuh hernando cortes capitan ca piltontli ye quin ye chicuexiuhtia yn omoteneuh cihua yllacatzin ayemo quimati macichui yehuatl ytech catca ytztlacoçauhcan tlahtocayotl / auh ca quihtotihui in huehuetque catca/ yn ihcuac nican  quiz omoteneuh hernando cortes capitan amo quimocuiti in cacamatzin Teohua teuhctli ynic tlahtohuani catca tlayllotlacan  Amaquemecâ quitlatlani quilhui in capitan aquin tlahtohuani nican Ama^qmecan cuix tehuatl yc nimâ quinanquilli çan quihuil Ca a// nehuatl in nitlahtohuan ca ye amomiquilli yn tlahtohuani catca ytoca Ayoquantzin chichimeca teuhctli auh ca ça ypiltzin yn oncatqui ytoca cihua yllacatz ma canati yc niman canato yn ocanato yc niman connexti quittiti yn capitan hernando cortes yn oquichpiltzintli cihua yllacatzin quilhui Teotle ma ximottilli ca huel yehuatl in in tlahtohuani nican  ytztlacoçauhcan Ama^qmecan auh yn o yuh quittac Capitan yn oquichpiltzintli cihua yllacatzin yc niman quihto in capitan ynin piltzintli aocmo ytoca yez cihua yllacatz yehuatl nicmaca y notoca yn ihcuac mocuaatequiz ytoca yez Don hernando Cortes O yhui n oncan in   quimacatiquiz yn itoca Capitan yn piltzintli cihua yllacatzin ynic ça tepan yc mocuaatequi ytoca mochiuh Don hernando cortes auh ^y nican tlahtohuani catca huehueyotzintli tzacualtitlan tenanco amo tenamic amo quimottiti yn omoteneuh hernando cortes capitan yuh quihtotihui yn huhuetque catca can motlati mochololti mochtin quinhuicac yn icihuahuan ompa motlatito yn itocayocan tlacoyahualco yn icanpa xoyactepetl // ça tepan  hualmocuep ^y nican motlallico auh ça ycel nican quicauhtiaca yn omoteneuh yteuhctlahtocauh// yn itoca xiuhtzin tlalquicatzin tlayllotlac teuhctli no yhuan yehuatl tenamic Auh çan no yuh mochiuh yn Miccacalcatl tlaltetecuintzin chichimeca teuhctli tlahtohuani catca tecuanipan çan mauhcaya yuhqui n çan chollo yn oquimah ye huallaci españoles amo nican quinmochielti ye Mexico callac ytlan motlallito yn ihuayolqui huey tlahtohuani Moteuhcçomatzin xocoyotl yc cen yah aocmo yc hualmocuep ^y nican tecuanipan Ama^qmecan auh yn omoteneuh hernando cortes capitan çan omilhuitihtiquiz in mocehui nican Ama^qmecan auh y macehualtin nican quinpa //hui oncate onxiquipilli ypâ  matlactzontli ynic tomacuilcantian auh yc niman yah callac in Mexico Tenuchtitlan yn capitan ytlan motlallito in huey tlahtohuani Moteuhcçomatzin xocoyotl çan pacca yocoxca quihualnamic yn ipan omoteneuh xihuitl de años auh yn o yuh yah Mexico tenuchtitlan in capitan hernando cortes auh çan icampa yn onmomiquilli yn omoteneuh cacamatzin Teohua teuhctli tlahtohuani catca tlayllotlacan Ama^qmecan ynin ye omihto ca nican tzacualtitlan tenâco ychan catca huel ompa tlacatl yn atlauhtlan quaxochpan auh ynic ompa tlahtocatito omoteneuh tlayllotlacan Ama^qmecan çan ipampa yn icihuauh yn itoca tlahco cihuatzin tlahtocacihuapilli ompa ychan yn itztlacoçahuacan Ama^qmecan ynic oncan ytech otlacatque yn omoteneuhque omentin tlahtoque Don Thomas de Ssan Min Quetzalmaçatzin yhuan yteyccauh Don Juan de Sandoval tecuanxayacatzin auh yn ihcuac y ye momiquiliznequi yn omoteneuh tlahtohuani cacamatzin Teohua teuhctli yuh mihtohua quinnahuatitehuac yn omoteneuhque omentin ypilhuan quimilhui xihualhuiayan yn annopilhuan xiccaquican ytla ye oninomiquilli niman anyazque yn ompa tochantzinco Tzacualtitlan tenanco ompa anquipiatihui yn altepetl ompa antlahtocatitihui ca tel oc yehuantin quimati in tzacualtitlan Tenanca ca amî pilhuan yn annopilhuan ca yehuantin ompa amechtlahtocatlalizque yehica yn oncan in nicatqui ca amo tochan ca çan tocihuacan ma camo nican amo ca necahcayahualoz Ca huel ompa tochan o quichtechihualiztica in tzacualtitlan Tenanco yc niman quinanquillique quilhuique tlacatle tlahtohuanie otlacauhqui y moyollotzin otitechmocnelili ytla otimomoquilli ma yuhqui ticchihuazque ma tiyazque in tzacualtitlan tenâco yn iuh titechmonahuatilia auh yuh quichiuhque yn o yuh momiquilli tlahtohuani cacamatzin yn ompa tlayllotlacan Ama^qmecan yc niman huallaque in nican tzacualtitlan Tenâco yn omoteneuhque omentin ypilhuan quetzalmaçatzin yhuan Tecuanxayacatzin motlallico auh ynin omoteneuhque omentin tlahtocapipiltin macihui motenehua ymomextin nican tzacualtitlan Tenanca yece ye omihto tlacpac ca amo nican tlayllotlacan pouhque catca ynic ceccan yyacayocan tlahtolloyâ catca yn ipan î tzacualtitlan Tenancayotl auh ca ye huel ompa pouhque huel ompa tepilhuan catca yn atlauhtlan quaxochtenco ynic occan catca tlahtocayotl nican ypan tzacualtitlan tenancayotl yn ihcuac oc ye huecauh catca yn o yuh mihto tlacpac yn ayemo yuh techpehuaya Mexicatl auh y ye yuh otechpeuh yhcuac yc cen poliuh yn atlauhtlan tlahtocayotl yece in ompa tepilhuan pipiltin amo yc poliuhque yn itech quiça Popocatzin atlauhtecatl teuhctli catca yn iuh yehuantin nican omoteneuhque omentin ca yxhuihuan yhuan oc cequîtin miequintin ca mochintin ypilhuantzitzinhuâ yehuatl yn omoteneuh tlacatl cacamatzin Teohua Teuhctli catca motenehua atlauhteca pipiltin

Auh yn o yuh momiquilli tlacatl cacamatzin teohua teuhctli catca auh yn oc ce ytlaçopiltzin y huel yacapantzin catca ahnoço çan quimopiltzinti yn iuh omoteneuh tlacpac yn itoca huehueyotzintli tlayllotlac teuhctli tlahtohuani catca nican tzacualtitlan tenanco çan quitocatia yn ittatzin no niman yc momiquilli ypan xihuitl de años auh yn omoteneuh tlahtohuani huehueyotzintli in quexquichcauh tlahtocat ca no yxquichcauh ytlan teuhctlahto yn iteuhctlahtocauh catca (Senador ) yn omoteneuh yn itoca catca Xiuhtzin tlatquicatzin çâ no tlayllotlac teuhctli catca auh y yehuatl in çan cen momiquillique yn omoteneuh tlahtohuani huehueyotzintli tlayllotlac teuhctli yn ipan omoteneuh xihuitl de años auh yn omotenehu in Xiuhtzin tlatquicatzin tlahtocapilli catca Tlayllotlacan yn ihcuac momiquilli in quincauhtia ytlaçopilhuantzitzin macuiltin mochtin oquichtin in tlahtocapipiltin motenehuaya tlaçochichimecapipiltin y huel yehuantin in oncan in tlayllotlacan axcahuaque catca tlahtocayotica ynic ceme yehuantin in oncan tlahtocatizquia tlayllotlacâ ynic ce ytoca Tlalnahuacatzin ynic ome ytoca quetzaltecpintzin ynic Ey ytoca Ahuiliçatzin ymim ça tepan yc mocuaatequi ytoca mochiuh Don Baltasar ynic nahui ytoca Mochuchchintzetze lohuatzin ynin ça  tepan yc mocuaatequi ytoca mochiuh Don diego hernandez ynic macuilli ytoca Cuetzpaltzin ynin ça tepan yc mocuaatequi ytoca mochiuh Don franco ^y macuilixtin in ytlaçoyxhuiuhtzitzinhuan in tlacpac omoteneuh tlahtohuani catca Quauhtlehuanitzin tlaylotlac teuhctli yn ipan mantia ynic poliuh chalcayotl yn ihcuac techpeuh Mexicatl yn ipan tlacpac omoteneuh xihuitl

Auh yn omoteneuh tlahtohuani huehueyotzintli tlayllotlac teuhctli catca yn ihquac momiquilli no miequintin yn quincauhtia ypilhuantzitzihuâ yn oquichtin yhuan cihua yn oncan tlacatico ypan tlayllotlacatyotl yece amo yehuantin yntech pouhqui amo huel yehuantin ynnemac yn omoteneuh tlahtocayotl tlayllotlacan macihui yn oquipix inttatzin huehueyotzintli ye omihto ca çan texihxicoliztica quicuica ynic huel otlahtocatico nicâ tlayllotlacan Auh yn o yuh momiquilli yn omoteneuh huehueyotzintli auh çan ce xihuitl yn ayac tlahtocat nican tzacualtitlan Tenanco tlayllotla// n yn ipan in Ey calli xihuitl de años auh no yhcuac ypan in motlahtocatlalli in tlacatl Omacatzin teohua teuhctli Tlahtohuani mochiuh yn opochhuacan Tlacochcalco Tlalmanalco ynin ça tepan ynic mocuaatequi ytoca mochiuh Don hernando de guzman

Auh ypan iiii Tochtli xihuitl de años ypan in mictilloque omentin tlaçopipiltin quetzaltecpintzin yhuan tlalnahuacatzin i yehuantin in ye omoteneuh tlacpac ymomextin ytlaçopilhuantzi tzinhuan catca in tlacatl xiuhtzin tlatquicatzin tlayllotlac teuhctli tlahtocapilli in teuhtlahto catca auh ynic mictilloque ma achitzin nican toconitocan yn ihcuac yn o yuh mihto tlacpac yn o yuh huallaque nican tzacualtitlan tenanco yn omoteneuhque omentin quetzalmaçatzin yhuan yteyccauh Tecuanxayacatzin yn otlacatito tlayllotlacan Ama^qmencan yn ipilhuan omoteneuh tlahtohuani cacamatzin Teohuan teuhctli yn o yuh hullaque niman yc ye quinemilia in quenin huel quicuizque nican Tzacualtitlan Tenâco tlahtocayotl tlayllotlacan yehica ypampa ^ytech meleltiaya intech motzotzonaya yn oqu ic oncate macuiltin tlaçopipiltin yn iuh omoteneuh y huel yehuantin ymaxca ^ytlatqui yntech pouhticatca nican tzacualtitlan tenâco tlahtocayotl tlayllotlacan ye omoteneuhque yn itlaçopilhuantzitzinhuan yn omoteneuh xiuhtzin tlatquicatzin çan tentlapictica çan quintlahtolchichihuilique ynic quimonpoyomictihque quintzonhuique yn ipan in nahui tochtli xihuitl de años yn omentin y huel teachcahuan catca yn tlalnahuacatzin yhuan yteyccauhtzin quetzaltecpintzin auh ça yeyntin yn quincauhque ca noço macuiltin catca in tlaçotlahtocapipiltin auh ynic quinmictihque ynic quintzonhuique ye omihto yehuantin intemcopa mochiuh yn omoteneuhque Don Thomas de S m^jn Quetzalmaçatzin yhuan yteyccauh Don Juan de Sandoval Tecuanxayacatzin yhuan ynic huel quinchiuhque no yhuan ye huatl quimachiztico quenin quilhuito yhuicpa ontlayhuaque quitlatitlanilica ynic quiztlacatlahtolmacato omoteneuh Don hernando de guzmâ omacatzin Teohua Teuhctli tlahtohuani opochhuacan tlacochcalco tlalmanalco ynic no yehuatl ytem//pa mochiuh no quinhuallatzontequilli yniqu intlacepanhuil mochiuh ynic mictilloque ynic tzonhuilloque yn omoteneuhque omentin tlaçopipiltin ynic mahuiztli quitlazque yhuan ic xicyotl intech quitlallique yn oc Eyntin quincauhque teteyccahuan yn amo tehuanme quinmictihque yn itoca Don Baltasar Ahuliçatzin  ynic ome Don Diego hernandez Moxochintzetzellohuatzin ynic Ey Don franco cuetzpaltzin ynic aocmo ceme yehuantin otlahtocatque tzacualtitlan Tenanco ça omocnonemiltico yhuan ça opiltique ça oquinchicoquetztinenque aoc tle yc oyehuatico auh ye oc cenca yehuantin omoyehuatillico yn omoteneuhque omentin ypilhuan Cacamatzin Teohua teuhctli yhuan yxhuihuan yn iuh no yehuatl ypilhuan huehueyotzintli ca omoyehuatillico yn ipan tzacualtitlan Tenancayotl aocmo no can oquimonpohuaco yn omoteneuhque E^ytin tlaçopipiltin auh ynic huel quichiuhque yn intemictiliztequiuh yn omoteneuhque Don Thomas de S M^jn quetzalmaçatzin yn inehuan Don Juan de Sandoval Tecuanxayacatzin yhuan yxquichtin Amaquemeque pipiltin ca quicepanhuique yn ipan in  xihuitl de años yhuan ynic nican tzacualtitlan Tenanco ynic quimonmictihque omoteneuhque omentin tlaçotlahtocapipiltin ynic huel mochiuh caocac ompa conixittaque in Mexico auh y ye yuh omictilloque ynin omoteneuhque omentin tlahtocapipiltin in tlalnahuacatzin yhuan yteyccauhtzin Quetzaltecpintzin

Auh yc niman yc huel onmotlahtocatlalli yn ipan in omoteneuh xihuitl años in Don Thomas de S m^jn quetzalmaçatzin tlahtohuani tlayllotlac teuhctli mochiuh ^y nican tzacualtilan Tenâco tlayllotlacan yc oncan ye tlahtocati auh yn ihcuac nican tzacualtitlan Tenanco ye tlahtocati yn omoteneuh Don Thomas de S m^jm quetzalmaçatzin tlayllotlac teuhctli yz catqui in quichihuaya yuh mihtohua macihui yn o yuh hualla nican tzacualtitlan Tenanco ynic oncan ye tlahtocati auh yece amo niman yc quincauh in pipiltin Amaquemeque yn iztlacoçauhque ^y tlayllotlaque Teohua^q yn itlahuan ypilhuan yn icoltzin catca Toyaotzin chichimeca teuhctli tlahtohuani catca ytztlacoçauhcan yhuan yn oc cequintin pipiltin yhuayolque amaquemecan mochtin impan onquiztinenca quimonittaya ynic quintlaçotlaya inca ontlatlantinemia in quen cate auh ynic no yehuantin omoteneuhque ytlahuan cenca oquitlaçocamatque yhuan yn oc cequintin yhuayolque Amaquemeque yc motlaçocamatque yn amo yuh imca quichihuaya yn oc ce immachch intlahtocauh yn itoca Don hernando Cortes cihua yllacatzin inin çan catca yn itztlacoçauhcan Ama^qmecan ca nel oc piltontli yn ihcuac yn ayemo quimati quin chiuhcnauhxiuhtia auh yn ipampa yniqu iuh ynca quichihuaya ^y yn itlahuan yhuan yhuayolque yn omoteneuh quetzalmaçatzin chichimeca teuhctli anoço tlayllotlac teuhctli auh niman  yqu ipan yehuatl ye mocentlalia ye mononotza yn omoteneuhque ytlahuan yhuan yhuayolque pipiltin Amaqueme^q ytztlacoçauh^q ye quihtohua ye quimolhuia ma//ço ye yehuatl totlahtocauh mochihua in quetzalmaçatzin ca huel mahuiztic tlacatl cualli tlacatl ma yehuatl nican techpiaqui yn itztlacoçauhcan ca yhuiyan yocoxca in moneniltia ca tetlaçotlani yhuan Teca tlátlanini Tepan quiçani auh y yehuatl Don hernando cortes cihua yllacatz ca ye hualixtlamati yn itech pouhtica nican tlahtocayotl ma ticmictican ma quihualilhuiti in Don hernando omacatzin Teohua Teuhctli tlahtohuani tlalamanalco auh ynic niman conilhuito yn omacatzin Teohua teuhctli çan quinhualilhui yn titlanti xiquimilhuican yn amaque^qme ca amo huel mochihuaz ynic mictiloz ca oquittac in capitan hernando Cortes intla quitemoz aoc ac cuix amo niman yc techpipiloz ypampa techtlahtlatiz ma çan motlechihua macamo mictilo cuix amo tehuantin yc titlatzacuazque auh y yehuatl ypampa oniccac in quetzalmaçatzin tlayllotlac teuhctli in quinequi Amaquemeque ynic ompa ytztlacoçauhcan intlahtocauh yez ca niquitohua ynic huel tlahtocatitiuh yn ompa ypetlapan ycpalpan yn iteyccauh cihua yllacatz ynic huell mochihuaz ma çan mopatili ma ye ompa tlahtocati in tzacualtitlan Tenanco yn cihua ylacatz ma yc mixiptlayotili ^y tlaylotlac teuhcyotl ynic moyolcehuiz ma yuhqui ^y mochihua yuh xiquinnonotzati yn itztlacoçauhque auh yc niman hualmocuepque in titlanti quimonilhuico yn Ama^qmeque yn iuh oquinhualilhui Don hernando de guzmâ Omacatzin Teohua teuhctli auh yc niman yuh quichihuaque yn itztlacoçauhque pipiltin cocanaco yn quetzalmaçatzin auh çan nopohualilhuitl/ ahnoço yn iuh oc cequintin huehuetque quimachiyotihtiaque chiuhcnapohualilhuitl / yn ontlahtocatico nican tzacualtitlan Tenanco tlayllotlacan auh ynic conanaco Ytztlacoçauhcan Ama^qmecan quihuicaque ynic ompa quitlahtocatlallique chichimeca teuhctli mochiuh ypan xihuitl años yn ihcuac yn ye omihto yehualixtlamati ye matlacxiuhtiaya yn Don hernando cihuallacatzin ynic çâ texixicoliztica concuilito yn itlahtocayo yn itech pohuia chichimeca teuhcyotl y çan ontlamâpa Ytiachcauh Don Thomas de S m^jn quetzalmacatzin(sic) çan cihuatlachihualli yconetzin in yn tlahtocacihuapilli Tlacocihuatzin yyahuitzin catca yn omoteneuh Don herdo cihua yllacatzin auh yn omoteneuh Don Thomas de S m^jn quetzalmaçatzin ynic ompa motlahtocatlalito Yztlacoçauhcan Ama^qmecan ca quitlachicahuilli no yehuatl ytencopa mochiuh in capitan don Fernando cortes Marques del valle ca quimachiztique yn ama^qmeque ynic no yehuatl quimacac in chichimeca teuhcyotl ypampa huel quiximatia ycniuh ca noço quinamic yn ihcuac yancuican nican Ama^qmecan quiz capitanm yhuan ça tepan yconpadre mochiuh ce ipiltzin yn omoteneuh Don Thomas de S m^jn quetzalmaçatzin quicuaatequi yn omoteneuh Marques del valle auh y yehuatl omoteneuh Don herdo cortes cihua yllacatzin yc niman nican tzacualtitlan tenanco tlaylotlacan quihualtlahtocatlalique tlaylotlac teuhctli quihualchiuhque yn amaquemeque yn çâ niman ipan in omoteneuh xihuitl años yc quiyolcehuique ynic aoctle quihto yn ic atle quihtoz ca nel piltontli auh yn ixquichtin nican tzacualtitlan tenanco pipiltin yn ipilhuan nican quincauhtia omoteneuh tlacpac Cacamatzin teohua teuhctli Teomeca yhuan ypilhuan catca tlahtohuani huehueyotzintli tlayllotlac teuhctli catca cenca achi quezquintin catca auh amo cenca yyollocacopa ynic quicelique ynic yntlahtocauh mochiuh cihua ylacatzin ynic ye ica mocahcayahua ye quiquehquellohua auh yehica ye omihto yn ihcuac nican tzacualtittlan Tenanco hualmotlahtocatlalli ca ayemo cenca quimati ye quin matlacxiuhtiaya auh ynic nican tlahtocatico tzacualtitlan Tenanco tlayllotlacan çan chicuacenxiuhtico ynic niman quitohtocaque ypan xihuitl años yn tzacualtitlan Tenanca yhuan Amaquemeque ca quicepanhuique ypampa yuh mihtohua ynic quitlahtocatlazque cenca tlahuanaya ^y nican tenanco yhuan mihtohua çan quichololtihque in tzacualtitlan tenanca yn ipilhuan cacamatzin Teohua Teuhctli ^y nican quincauhtia yhuan ypilhuan huehueyotzintli auh ynic niman ompa yah yacapichtlan yn Don herdo cihua yllacatzin ompa intlan monemiltito yn ompa catca yhuayolque auh ça tepan ompa huallehuac y yacapichtlan ynic ye no ni cuel nican callaquico ychan ytztlacoçauhcan Amaquemecan ça onmotlallico aocmo tlahtohuani mochiuh yn iuh niman ye onneciz

Auh ye tlacpac oniquinteneuh yn eyntin tlaçotlahtocapipiltin Don baltazar Ahuiliçatzin yhuâ Don diego hernandez Moxuchintzetzellohuatzin yhuan Don Franco Cuetzpaltzin tlayllotlac teuhctli yn quimopieliaya huehuealtepetlahtolli yn huehuetlahtocatlacamecayotlahtolli mochi onomac huetzico ynic oc ceppa axcan nicyancuilia niquicuillohua amoxpan auh ynic nahuintin ye no tlacpac onicteneuh in huehuetque yehuatzin in Don Vicente de la anunciacion ynic no yehuatzin centetl quimopialiaya in achi huey huehueamoxtli yn itech niquixti huehuetlahtolli yn onicnenenehuilli oniccentetili inic ce amoxtli libro onicchiuh auh ynic macuiltin huehuetque yehuatzin  in Señor Don Bartholome de S tiago tenmahuiztzin autenetzin yn oquimohuiquilli tt Dios ypan xihuitl de años ynin no yehuatl centle quimopieliaya in huehueamoxtli libro çan achi tepiton yn itechpa tlahtohua tzacual titlan Tenancayotl ynic huallaque Tenanaca omomac huetzico ytech oniquixti cequi in huehuetlahtolli ynic ça niccentetilia axcan auh macihui yn  çan tepiton in yece huel cualli huel neltiliztli ynic tecpantica huehuetlahtolli yn itech in onicnehnehuilli yn oc cequi huehueamoxtli ynic oniccentetilli yn iuh niman ye onmottaz ytech in amoxtli // Auh ynic chicuacen huehue ca yehuatzin in miecpa tlacpac otictotenehuilique tlacpatl tlacatl Señor Don Feliciano de la Ssumpcion calmaçacatzin catca ma  quimotlamachtitzinotie in tt Dios cemihcac yn ompa ilhuicac yn oquimohuiquilli ypan xihuitl de años ynin no centetl yehuatzin cuecuetziuhcatlacuilolpan letratica amoxpan quimicuilhuitia xiuhtlapohualamoxtli libro oquimochihuilitia in ma ca  çan tezcatl oncan ytech otechmotlalilitia yn ixquichtlamantli in tle ^y nican omochiuh ye huecauh Amaquemecan çan tepiton yn oncan tetlan actica yn itech tlahtohua tzacualtitlan Tenancayotl yn itech xiuhtlapohualamoxtli yn tlahtohua ytech altepetl ytztlacoçauhcan yhuâ tlayllotlacan Ama^qmecan ahxilztli hecoliztli y huel ymaticatzinco amoxpan quimotecpanilitiuh auh ynin huehuexiuhtlapohualamoxtli oc monemiltia oc yehuatzin yyomatzinco y nechmotlaneuhtilitiuh ynic oniquixtlapan oniccopin yn iuh tecpantica xiuhtlapohualamatlahtolli// ynic no ytech onitlanénehuilli mochi oniccentlamantilli yn oc cequi onicteneuh huehuetlahtolli yn itech tlahtohua Tenancayotl yn iuh niman mochi ye onmottaz

Auh yn omoteneuh tlacpac yn ihcuac nican hualcallac omotocateneuh Juez Andres de S Tiago Xochitototzin xuchimilco ychan ynic nican quihualmihualli tlahtohuani Don Antonio de Mendoça Visurrey ynic tlachiaco yhuan tlatehtemoco yhuan tetlahtocatlallico yn oncan oqu excan poliuhticatca tlahtocayotl ^y nican ypan altepetl Ama^qmecan moch quitemoco yn tomacuilcantian yc ticate nican yn iuh cacatqui y Tetzonmacuiltlayacatl Altepetl ynin huel mochiuh yxquich ytzinecan ynelhuayocan yuh mellahuac neltiliztica quittitique yn iuh huel cécen ahxiliztli hecoliztli ticpia yzquican /niquihtohua tlaca çan nauhcan) yhuan quitemo mochi y ye huecauh huehuetlahtocatlacamecayotl yn iuh oncatqui huel cehcen tlahtocayotl ynic nican Tomacuilcantian Ticate Amaquemecâ huel iuh quittitique yhuan yttitiloque yn aquique huel oc yehuantin tlaçopipiltin in tlahtocapipiltin in tlahtcaoquichtlachihualtin no yhuan yttitiloque y yehuantin monetehua tlahtocacihuapiltlachihualti pipiltin yn oquinchiuhque tlahtocacihuapipiltin motenehua yn inpilhuan cihuatlachihualtin pipiltin moch quimittac yxpan nezque yn omoteneuh Juez yn iuh yehuantin catca omoteneuhque Don Thomas de S m^jn quetzalmaçatzin yhuan yteyccauh Don Juan de sandoval Tecuanxayacatzin auh yn imomextin in yn oncan macihui tlahtocatia Amaquemecan ce ytztlacoçauhcan ce tlayllotlacan Teohuacan yece yuh mihtohua ca çan incihuachan çan ipampa ^ynantzin yhuan ypampa yncitzin ^ycitzin ynic ompa tlahtocatia auh yn itechpa inttatzin cacamatzin ynic mihtohua oquichtlachihualti ca huel nican tepilhuâ tzacualtitlan Tenanco atlauhtlan mihtohua huel tenanca yn oquichtlachihualiztica auh ca çan cihuatica ynic ompa Tepilhuan Amaquemecan ynin huel mochi yuh quittitique yn omoteneuh Juez auh ya yehuatl ipampa yn ynic oncan quimilhui yn amehuantin quetzalmaçatzin yhuan Titecuanxayacatzin ca ancihuatlachihualtin yn axcan oncan antlahtocati Ama^qmecan ca amo cenca huel amochan ca çan amocihuachan yn amoncate ca ye oniquittac yc o noyollo pachiuh yn iuh catqui amotlacatiliz ca antzacualtitlan tenanca amatlauhteca yn oquichtlachihualiztica yhuâ no yehuatl ypampa ^y yniqu iuh quimilhui yn omoteneuh Juez yhcuac no yxpan moteylhui in Don hernando cortes cihua yllacatzin tlahtocapilli ye omoteneuh tlacpac huel yehuatl in ytech pouhticatca huel yaxca yn omoteneuh ytztlacoçauhcan tlahtocayotl auh macihui yn oncan î tlahtocatia omoteneuh Don Thomas de S m^jn quetzalmaçatzin ca çan iuhqui quipialiaya ytlahtocayo auh yehica ypampa yn omoteneuh Don hernâdo Cortes cihua yllacatzin ca oncan in oquichtlachihualli catca huel ytlaçopiltzin yehuatl catca yn tlahtohuani Ayoquantzin chichimeca Teuhctli yc teomeca yn iuhqui yntoca ^y ompa maltiqu in moyaomiquillito huexotzinco yn oc tlateotoquilizpan ypan xihuitl años yuh mihtohua ompa cuacualloc y huexotzinco yhuan yuh mihtohua ynin omoteneuh ynic Teomeca Ahoquantzin yn inantzin catca tlahtocacihuapilli Mexico Tenuchtitlan hualmohuicac quil ychpoch y huey tlahtohuani Axayacatzin auh yhueltiuh y huey tlahtohuani Moteuhcçumatzin xocoyotl ynic mihtohua ymachtzin yc quinotzaya temach catca yn Ayoquantzin auh yn o yuh moyaomiquillito ^y huexotzinco yn omoteneuh Tlahtohuani Ahoquantzin chichimeca teuhctli yc niman quimachiztito y huey tlahtohuani Mexico Moteuhcçomatzin yn quenin omoyaomiquillito huexotzinco yn imachtzin Ahoquantzin auh yn ihcuac yn o yuh yyollo pachiuh Moteuhcçomatzin auh ye niman y yehuatl omteneuh tlahtohuani Ahoquâtzin ^y nican quicauhtia ytlaçopiltzin yn itoca Don hernando Cortes cihua Yllacatzin macihui yn oc coçoltica onoc yc niman quihualmacac y tlahtocayotl y chichimeca teuhcyotl ytztlacoçahucan Ama^qmecan ynic mihtohua oc coçoltica onoc y cihua yllacatzin y macoc tlahtocayotl quihualmacac yTencopa mochiuh in tlacatl Moteuhcçomatzin Xocoyotl huey tlahtohuani Mexico Tenuchtitlan yn ihcuac ^y mochiuh ayemo huallacia yn españoles auh y yehuantin ytztlacoçauhque amaquemeque quicelica ynic intlahtocauh mochiuhca yn cihua yllacatzin ypan xihuitl de años yn ihcuac ^y ye yuh nepa nauhxihuitl moyaomiquillito huexotzinco yn ittatzin Ahoquantzin catca auh çan nauhxihuitl yn itech oncatca tlahtocayotl y chichimecaTeuhcyotl yn omoteneuh cihua yllacatzin yn itztlacoçauhcan auh çan quicahualtihque yn itlahtocayo ynic quicauh yn oc yehuatl quimaca ca ytlatzin Moteuhcçumatzin Xocoyotl auh ça tepan concuillito yn omoteneuh Don Thomas de S m^jn quetzalmaçatzin yn iuh niman ye onnecitiuh

Auh macichui yn iuh omoteneuh yn moteylhui Don hernando Cortes cihua yllacatzin yn ixpan omoteneuh Juez yn ipampa ytlahtocayo chichimecateuhcyotl ytztlacoçauhcan yn oquimaxcati yn oquicuilli y çan ontlamanpa ytiyachcauh omoteneuh Don Tomas de S m^jn quetzalmaçatzin yece aocmo huel macoc y cihua yllacatzin yn quitlania ytztlacoçauhcan tlahtocayotl yhaun aocmo no huel quiquixtilli yn tlahtocayotl omoteneuh Don Thomas de S m^jn quetzalmaçatzin ye ça quimontlachicahuilico yn Juez in inehuan yteyccauh Don Juan de sandoval Tecuanxayacatzin amo huel quinpolhuico yn oncan tlahtocatia yyeyeyan ceceyaca yn oncan tlapiaya ypan ontlayacatl alte petl yece ça quimoyoyocatlalico nononcua ynic ceceyaca yntlapacholpan yn ipan yc cecentlayacatl yn oncan tlahtocatia huel quimonnononcuaquixtico yn iuh nepa ye huecauh hualhuillohuac yn amo yhuan quimaxcatizque yn oc Excan omoteneuh tlahtocayotl Teaxca auh çan ye tel yuh tlacauh yn iuh nepa ye huecauh hualhuillohuac ynic mochipa tequitlacacoyan mochiuhtihuitz ytztlacoçauhcâ auh ynic quiyollalique Amaquemeque omoteneuh Don hernâdo cortes cihua yllacatzin ontecpantli macehualli ytech quipouh Juez yn quicaltiaya in quelimiquiliaya yc moyollali yc aocmo tle ytlah quihto // Auh yn o yuh hualcallac nican Amaquemecan yn omoTeneuh Juez Andres de Sanctiago xochitototzin aocmo ma ohuecahuac yn omoteneuh tlahtohuani Don Thomas de San Martin quetzalmaçatzin çan niman // yhcuac yn ipan xihuitl años yn onmomiquilli yn tlahtocat ytztlacoçauhcâ cenpohualxihuitl onmacuilli yxpan mochiuh yn omoteneuh Juez auh yn ipampa mochi quitemoco omoteneuh Juez ynic tomacuilcantiâ yn huehuealtepenenonotzaliztlahtolli yn iuh quenin cacatqui ceceyaca cehcentlayacatl auh yn ipampa ^y yn ixquichtin huehuetque tlaçopipiltin catca ynic tomacuilcantian in necêtlaliliztica nononqua yhcuac cececcan quinemilique quicenquixtihque ynic amoxpan quicuilloque quitecpanque camoxyhcuilloque yn iuh cacatqui macuiltlayacatl altepetl huel yuh yxpan quinextihque yuh quittitique y yehuatl omoteneuh Juez neltiliztlahtoltlatecpanpa yn quitlachialtihque yniqu iyollo pachiuh ca nel yuhque catca y huehuetque yn amo huel yztlacatia teyxpan huel quiyectlatecpanilique y tlacamecayotica y huhuetlapaltlacamecayotlacuiloltica y nauhcan huel cehcen ahxiliztli hecoliztli ticpia yequene ynic tomacuilcantian huel cehcen tlahtocayotl oncan mopia ca yzquican tlahtocayoticate auh ynic huel quicemittac quicentlalli mochi ynin huehuetlahtolli yn omoteneuh Juez Andres de s tiago xuchitototzin yhcuac ytlan escriuanotic yn Rodrigo de roças xohecatzin pilli ytztlacoçauhcan yehuatl quicuillo amoxpan yn axiliztli yn ehcoliztli yhuan yn iuh cacatqui tlahtocatlacamecayotl tomacuilcantia Amaquemecan yn quitemoco omoteneuh Juez yn quittitique in quipohuilique huehuetque tlaçopipiltin catca tomacuilcantia

Auh ^y nican tzacualtitlan Tenanco ca omentin y huhuetque tlaçopipiltin y huel quimatticatca in quenin catqui yhuehuenenonotzallo ^y nican tzacualtitlan Tenanco altepetl yn quitlapohuillique omoteneuh Juez ynic ce yehuatl yn Don Augustin de s Andres Teyoltzin Amilcatl teuhctli ynic ome yehuatl y Don Miguel de sTiago Teuhcxacantzin quittitique ynic huel ce tlahtocayotl Ticpia Titzacualtitlan Tenanca auh yn o yuh quittac yn o yyollo pachiuh omoteneuh Juez yn iuh catqui altepetl nican Tzacualtitlan tenanco yc niman quitlahtocatlalli yn Don Joseph de castilla hecaxoxouhcatzin tlahtohuani tlayllotlac Teuhctli mochiuh ypâ xihuitl de años ^y nican tzacualtitlan Tenâco ynin omoteneuh Don Joseph de castilla hecaxoxouhqui ye omoteneuh tlacpac ypiltzin catca in huehueyotzintli tlayllotlac teuhctli tlahtohuani catca ^y nican tzacualtitlan Tenanco ye omoteneuh cenpohualxihuitl yn ayac nican tlahtocat çan quauhtlahtolloc yn ihcuac ^y omoteneuh yehuantin quimixquetzaya ynic tlahtocatizquia in tlacatl Don diego hernandez moxochintzetzellohuatzin yhuan Don Franco Cuetzpaltzin yhuan Tlilcahualtzin yhuan Don balthasar Atleoneuhtzin atlauhtecatl teuhctli auh amo quicelique yn tlahtocayotl ynic ceme yehuantin tlallilozquia çan quihtoque tle yn oc ye ticnequi ynic titlahtocatizque amo ye yuhqui ynic titequipanollo in ticaltillo ^y Tellimiquillilo Yn Ticuahcuahuililo yequene Timatequillotica ma paco timahuiztililo amo ma yehuatl tlahtocati ma techonpacho ma techonpie yn toteyccauh Don Joseph de castilla hecaxoxouhqui ynic niman contlahtocatlalli yn omoteneuh Juez çan cenquîtlahtocatlalli yn ipan in omoteneuh xihuitl in Don Juan de Sto Domingo de Mendoça tlacaeleltzin tlahtohuani chichimeca Teuhctli mochiuh yn itzatlacoçauhcan Ama^qmecan yn ihcuac ^y ye yuh tlaco xihuitl omomiquilli yn ittatzin catca Don Thomas de S m^jn quetzalmaçantzin chichimeca Teuhctli ye omoteneuh tlacpac oqu ipan acico   ^yyn omoteneuh Juez Andres de S Tiago Xochitototzin yhuan no yhcuac yn ipan in omoteneuh xihuitl quitlahtocatlalli yn Don Juan Bapta Toyaotzin Tecuanipan pochtlan tlahtohuani mochiuh ypampa ynantzin ompa ychan ynin ypiltzin yn Don Juâ de Sandoval tecuanxayacatzin Teohua Teuhctli tlátohuani tlayllotlacan Teohuacan auh cenpohuallonmatlactli xihuitl yn  ayac tlahtocat Tecuanipan çan cuauhtlahtolloc macihui quimaxcatica ^y tlahtocayotl omoteneuhque tlacpac omentin tlahtoque

Auh yn ipan yc nauhtlayacatl Panohuayan no yz catqui yn omochiuh yxpan yehuatl omoteneuh Juez ynic nican ohualla Ama^qmecan yn ihcuac oquittitique yehuantin Panohuayan tlaca yn iuh catqui yn innonquaahxiliz yn innonquahecoliz ynic no huel ce ahxiliztli hecoliztli quipia yhuan ce tlahtocayotl yhuan quimittitique yn quezquîtin oncatca yhcuac oncan y huel oc yehuantin tlahtocapipiltin oquichtlahtocatlachihualtin no yhuan yn quezquintin on catca pipiltin motenehua tlahtoca cihuapiltlachihualtin mochtin quimittac yn omoteneuh Juez ynic oncan ceme yxquetzalozque ce tlahtohuani mochihuaz Panohuayan auh oc cence yehuatl quittitique yn omoteneuh Juez yn itlacamecayo Don Joseph de Sancta Maria Teuhctlacoçauhcatzin yn iuh catqui ytlacatiliz ynic çan cihuapiltlahtocatlachihualli çan itechpa ynantzin ynic pilli auh yn itechpa yttatzin çan tequihua quapilli catca ytoca Chalchiuhhecatzin ynin huel oncan chane catca y Panohuayan ychpochtzin yn tlahtohuani huehue quauhcehcecuitzin tlamaocatl Teuhctli yn quimocihuahuatica ynic oncan motlacatilli omoteneuh Don Joseph de Sancta Maria auh yn o yuh quittaqu in omoteneuh Juez Andres de Stiago xuchitototzin yn iuh catqui ytlacatiliz ytlacamecayo yn omoteneuh Don Joseph de Sancta Maria Teuhctlacoçauhcatzin ynic çan cihuatlachihualli pillotica auh yn ittatzin çan macehualli quauhpilli auh yn o yuhqui quittaqu in omoteneuh Juez huel yc amo quiceliaya çan quitlatzilhuiaya ^y çan niman amo quinequia ynic yehuatl tlahtocatzin Panohuayan ca noço huel yehuatl yn quixquetza Panohuayan tlaca ynic intlahtocauh yez auh ye oncan in yn quihto omoteneuh Juez quimilhui yn panohuayan tlaca yhuan Amaqueme^q ca nimechilya ca amo monequi yehuatl in tlahtocatzin Panohuayan ypampa caçan cichuatlachihualli auh yn iuh connequia yehuatl omoteneuh Juez Huel ce oquichtlahtocatlachihualli yn oncan quitlahtocatlalizquia Panohuayan auh ynic huel yehuatl quixquetzaya quimacaya tlahtocayotl Panohuayan yn itoca Don Mateo Tetlilnellohuatzin Tecpanecatl teuhctli ypampa huel  quittac yn itlacatiliz ynic tlahtocaoquichtlachihualli panohuayan ypiltzin catca yn tlahtohuani Quauhcehcecuitzin tlamaocatl teuhctli auh macihui yn iuh omoteneuh Juez ynic yehuatl Don Mateo Tetlilnellohuatzin quimacaya tlahtocayotl yece y yehuatl amo quicelli çan quilhui ynic quinanquilli tlahtohuanié ca cenca nimitznotlatlauhtilia ma ça yehuatl xicmomaquilli yn Don Joseph de Sancta Maria in tlahtocayotl ca nomachtzin yhuan ca ohuiya yn xuchipillan yc niman quinanquilli quihto y Juez ye nimitznolhuilia ca amo huel mochihuaz ynic yehuatl tlahtocatzin Panohuayan auh ma ye yehuatl oncan in tlahtocati// in Don Juan de oJeta Quauhcehcecuitzin yn otlacatito tlalmanalco yn itlaçopiltzin Don hernando de guzman omacatzin Teohua teuhctli tlahtohuani ca oniquittac yn itlacamecayo ca amoxhuiuh amopiltzin yn ompa oquichihuillito cihuapilli papaloxuchitzin yn ichpotzin tlahtohuani catca Quauhcehcecuitzin tlamaocatl Teuhctli ca nican Panohuayan mohuicac yn inantzin ca cenquiztica yn ihezço yn itlapallo yn iconetzin  omoteneuh Don Juan de oJeta ma xicmaniliti yn ompa tlalamanalco ma yehuatl nican quipiaqui y nauhtlayacatl altepetl Panohuayan ynic nauhcan ca tlahtocayotl ca nel yxhuiuhtzin no yehuatl in tlahtohuani catca huehue Quauhcehcecuitzin auh ynin yc tlanahuatica omoteneuh Juez in ça tepan amo huel mochiuh ynic canazquia omoteneuh Don Juan de oJeta quauhcehcecuitzin yn ompa tlalmanalco auh yc niman no ceppa quihto in Juez quilhui in Don Mateo Tetlilnellohuatzin ca ye cualli ma yhui Don Mateohe ca motencopa ye nicmaca in tlahtocayotl Panohuayan in momach Don Joseph de Sancta Maria yn amo huel yuh mochihuazquia amo nehuatl notlahtlacol ca tehuatl motlahtlacol ynic niman huel oquimacac oquitlahtocatlalli y çâ ye ypan omoteneuh xihuitl de años tlahtohuani tlamaocatl teuhctli mochiuh yn Panohuayan yn oncan in no cenpohuallonmatlactli xihuitl yn amo noyac tlahtocat çan cuauhtlahtolloc yhcuac quincauhque ^y yn itztlacoçauhcan tecpan yhuan tlayllotlacan teohuacan tecpan ynic aocmo ôpa ontecpanohua yn omoteneuh oc Excanme pipiltin ya yehuantin in y panohuayan tlaca yhuan tzacualtitlan Tenanca yhuan Tecuanipâ tlaca O yuhqui yn ynic tlacenquixtilli ynic tlaneltilili yn altepehuehuenenonotzaliztlahtolli yn ixquichtlamantli nican ye toconcaquiz Ticpohuaz yn ipan in huehuenemilizamoxtli in çaço ac tehuatl tamapouhqui yn tichristiano ynic amo tle ytlah yc timotzotzonaz Tomeyollohuaz ynic amo tiquihtoz campa oquiz yn ixquichtlamantli huehuenemiliztenonotzaliztlahtolli nican neztoc teneuhtoc huel xicmomachilti ynin huehuenemiliztlahtolli ca mochi ye huecauh neltiliztli ca omochiuh yhuan ye huecauh miequintin tlaçohuehuetque yllamatque y huel huehuetlahtolmatinime catca yn oquitlalitiaque yn oquitecpantiaque ynin huehuexiuhtlapohualamoxpan yn oquihualtlapalycuilotiaque ynic oquihualtecpancapixtiaque yn iuh oc nepa in huehuenenonotzal mochiuhtiuh yn oquineltilitiaque yn iuhqui ^y mochi yn quimattihui auh ynic huel ticmatiz ca nehuatl Don domingo de S Anton Muñon Quauhtlehuanitzin Chimalpahin mochi onictemo ynin huehuetlahtolli aquin oc quimati topan axacan tonemilizpan auh ynic amo polihuiz ylcahuiz yn ynic oc ceppa ye no nehuatl axcan nicneltilia nicyancuilia niccenteamoxtlalia oc ceppa nicacicatecpana yn iuh ye huecauh onemohuaco yn iuh otlamanico yn nican ypan yc ontlayacatl altepetl Tzacualtitlan Tenanco chiconcohuac Ama^qmecan yn hueycan in ceme yc nauhcan ticate ypan yc cemaltepetl motenehua la Provincia de chalco nican quittazque yhuan quimatizque yn axcan cahuitl ypan monemiltia tepilhuan yhuan quin ye nemiquihui yn amo quimatia yn iuh catqui yhuehuenenonotzallo yn ihuehuetlahtollo altepetl yn iuh niman ye onneciz ye onmotecpancapohuaz yn ipan in huehuealtepetenonotzaliztlahtolli Huehuenemilizamoxtli

Auh mocichui y huel yxtlamatini catca yn omotenuh yehuatl Juez Andres de stiago xuchitototzin yn iuh nican ye onneciz ye onmotaz yn izquitlamantli qualli yectli quichihuaco ynic quiyectlallico yn itlacauhticatca nican altepetl Amaquemecan yece oc mopolloco yn ixtlamachiliztica yehica ypampa ytla ye nelli huel yxtlamatini ynic quinalquixtizquia yxtlamachiliz amo quitlatzilhuizquia amo quitzotzonazquia yn itlacatiliz ynic cihuatlachihualli catca omoteneuh tlacpac Don Joseph de Sta Maria tlamaocatl teuhctli yn iuh quitlatzilhuico quitzontzon Juez auh ytla nelli yxtlamatini ynic huel conaxiltizquia yxtlamachiliz yz catqui ontlamantli neyxcuitilli omochiuh y ye hue cauh yn oc tlateotoquilizpan yn o// tlacatecolonotzalizpan ^y nican ypan altepetl Ama^qmecan ca omentin yn cihua otlahtocatico // yn ipan ontlayacatl ôcan oyehuatic opopouh// yn cihuatlahtocayotl ynic ceccan // ypan ynic ontlayacatl Tzacualtitlan tenanco chiconcohuac yn ce tlahtocacihuapilli otlahtocatico otepachoco oteyacanaco yn oqu ipan omoteneuh tlateotoquiliztli tlacatecollonotzaliztli yn otlahtocatico ychpotzin in tlahtochuani Quahuitzatzin tlayllotlac Teuhctli catca yn cihuapilli ytoca catca xiuhtotzin chiuhcnauhxihuitl yn tlahtocat auh yehica yn omotenuh tlahtohuani quahuitzatzin yn ihcuac momiquilli ayac oquichtli ypiltzinquicauhtia ^y nican ypan tzacualtitlan tenancayotl çan mochi ychpotzitzinhuan yn quincauhtia Eyntin ynic ce yehuatl yteyuhctzin motlahtocatlalli ya yehuatl yn omotenuh ytoca xiuhtotzin cihuatlahtohuani tlayllotlac Teuhctli mochiuh yn itlahtocatiâ yttatzin catca auh yn ipampa oncan in tzacualtitlan Tenanco otlahtocatico ynin cihuapilli yc oncan quimicnopilhulli quinmacehui yn tlahtocayotl y pillotl yn iconetzin tlahtohuani ytztlotzin tlayllotlac teuhctli yhuan yxhuiuhtzin Quauhtlehuanitzin tlayllotlac teuhctli yn ipan mantia chalcayotl ynic techpeuh Mexicatl yhuâ ynic cen mochiuhtin yn itech quiça yn itlacamecayohuan pipiltin y manel ça cihuatlachihualtin onyezque yn oncan in ypan tzacualtitlan Tenancayotl ca yehuantin oncan piltizque tlahtocatizque quipiazque yn altepetl ca ya yuh omotlalliyyeliz ayac oncan quitlatzilhuiz yn pilotl in motenehua yn ça çihuapiltechihualiztli yc tlacati pipiltin amo yc mahuipololoz^q ca no yehuantin yezque piltizque tlahtocatiz^q tepachozque Teyacanazque yn ipan tzacualtitlan tenancayotl yehica ca yuh oquinmacehui yehuatl yn omoteneuh cihuatlahtohuani catca xiuhtoztzin yn itech quiça auh ynic occan nican ypan ynic macuiltlayacatl tlayllotlacan Teohuacan Ama^qmecan // yn oc ce tlahtocacihuapilli otlahtocatico yn oteyacanaco yn otlapachoco yn oc no ypan tlateotoquiliztli y tlacatecollonotzaliztli ytoca Tlaco cihuatzin ychpotzin in in tlahtohuani huehue Cacamatzin Teohua Teuhctli achto yuhqui yn ytoca mochiuh yn omoteneuh tlaco cihuatzin Teohua teuhctli mochiuh// chiuhcnauhxihuitl yn tlahtocat tlayllotlacan Teohuacan yn itlahtocatian yttatzin catca huehue cacamatzin teohua teuhctli auh yn ipampa no oncan in tlatocat tlayllotlacan Teohuacan cihuapilli omotocateneuh tlaco cihuatzin yc no oncan oquinmacehui y pilotl y tlahtocayotl ynic cen ye mochintin yn itech quiça  yn itlacamecayohuan pipiltin y manel çan no cihuatlachihualtin onyezque yn oncan ypan tlayllotlacayotl Teohuacayotl ca yehuanTin oncan piltizque tlahtocatizque quipiazque yn altepetl auh ca ye yuh oneltico omochiuh yn oncan in yn iuh yehuantin y ye ymintotonhuan omoteneuh cihuatlahtohuani Tlaco cihuatzin Teohua teuhctli y çan cihuatlachihualti y tlacpac ye miecpa omotocatenehuaque omentin ynic oncan in ce tlayllotlacan otlahtocatico yehuatl yn Don Juan de Sandoval Tecuanxayacatzin Teohua Teuhctli mochiuh ynic ome yehuatl y Don Thomas de Sm^jn quetzalmaçatzin chichimeca Teuhctli tlahtohuani mochiuh ytztlacoçauhcan ynin omoteneuhque omentin tlahtoque ynic ayac motlapololtiz quichicocaquiz yn innantzin catca ça no ytoca catca tlaco cihuatzin yc teomeca ychpotzin in catca yn tlahtohuani Toyaotzin chichimeca Teuhctli ye yxhuiuhtzin in catca y tlacpac omoteneuh yn illama Tlaco cihuatzin cihuatlahtohuani catca Teohuacan yn omoteneuhque omentin tlahtoque Don Juâ de Sandoval tecuanxayacatzin teohua teuhctli yhuan Don Thomas de S m^jn quetzalmaçatzin chichimeca Teuhctli yn oncan yocanixti ynic cececni otlahtocatque maço nellihui y çan incihuachan yece in ça tepan ca no yhuan yn inpilhuan yn imixhuihuan o no oncan in tlahtocatico opiltico yn iyocampayxti omoteneuh tlayllotlacan Teohuacan yhuan ytztlacoçauhcan y ye christianoyopan yn iuh niman ye onneciz onmottaz o yehuatl in oncan tlami yn yn itlahtollo y cihuapillotica Techihualiztli

Auh ynin nican omoteneuh tlahtolli yca ynin ytla ya nelly yxtlamatini catca omoteneuh Juez Andres de Stiago xuchitototzin ynic nican tetlahtocatlallico ypan Etlayacatl ahnoço nauhtlayacatl altepetl ama^qmecan yehuatl in ytech canazquia ypan in yazquia ynic amo quitzohtzonazquia amo quitlatzilhuizquia yn itlacatiliz yn itlacamecayo ynic cihuapiltlachihualli yn omoteneuh// Don Joseph de Sancta maria tlamaocatl teuhctli ynic quitlahtocatlallico Panohuayan yehica ytla ye nican oquimatico oquittaco oytitiloc onextililoc in quenin nican ypan ontlayacatl oncan omotlahtocatillico omentin cihuatlahtoque ye huecauh yn oquipiaco altepetl o yehuatl in yn quitlatzilhuico omoteneuh Juez in tlahtocacihuapiltechihualiztli ynic piltihua çan itechpa nantli yn amo yehuatl yca ttahtli auh macihui yn iuh motenehua ^y yn cequintin pipiltin yn çan cihuapiltlachihualtin yc piltin yece yn ipan mellahuac Justicia camo tel yc mahuizpolihui ca  tel huel no monequizque yn ihtic altepetl ynic huel piltizque tlahtocatizque quipiazque yn altepetl yn canin intlacatian moteneuha yquizcan yyolcan yn innantzitzinhuan oc cenca ypan yn axcan christianoyotl yn oncan huel Teoyotica sacramentotica ochihualloque Tepilhuan ca ylta nel huel macehualtzintli Toquichtin ^ytla teoyotica sacramentotica quimonamictiz yn tlahtocacihuapilli yc pahti yc yectia yn innepilhuatiliz cualli tlacatiliztli yc tlacati yn inpilhuan ynic huel ynemac mochihuaz tlahtocayotl yn anoço gouernacion yn oncan ytlacatyâ ynnantzitzinhuan yn anoço axquitica tlatquitica yn ipan pilotl huel nemaquehque yezque yn tlahtocacihuapiltlachihualti ca amo yqu itlacahui ca amo quichicoquixtia y cualli yectli tlacatiliztli yn tlahtocayeztli y tlahtocatlacamecayotl auh ca çan no yuh tlaçotli y tlahtocapilte chihualiztli oquichtica ca no yuh patiyoque ^y cihuapiltlachihualtin auh yehica ypampa tle yn ocque eztli quipia ynpil oquichtlachihualli amo çan ye no yuhqui yn cihuatl quipia Auh ynic nelti ynin yxquich nican omoteneuh tlahtolli ma ticneh//hulican ma ytech machiyotl Toconanacan in tehuantin timacehualtin nican ypan nueva españa Titlaca ynic no ypan Tiyazque Tictocazque yn intlahtocayeztzin yn intlahtocanenahuatiltzin yn ipan mohuica y quimotoquilia y yehuantzitzin y huel oc cenca tachcahuâ tlaneltoquiliztica yhuan huel oc cenca huehueyntin ynic tlahtoque ^y Reyes y Emperadores yn omotlahtocatillico yhuan yn axcan motlahtocatilia yn ompa españa yn iuh ca imnemachtzin yn iuh ca yn intlahtocanenahuatiltzin motenehua ley yn quimotoquilia yn ipan mohuica

Auh yn ihcuac yn o yuh momiquilli Doña isabel catholica auh y yehuatl ynamictzin y cenca tlaneltocani catca catholico Rey Don Fernando yn ihcuac y ye oquimomiccamahuiztilili y miccatlatlatlauhtiliztica y cenca tlaneltocani cihuatlahtohuani Catholica Reyna Doña isabel moyetzticatca yc niman motlanahuatilli ynic niman huallazque nechicahuiquihui yn oncan tlahtocaTecpan in mochintin huehueyntin tlaca yn iteuhc yohuan yn itlahtocayohuan yn ipan tlaca yn itlahtocatlapachopantzinco auh yn ihcuac ohuallaque yn ocenquiçaco yc niman quinmonahuatilli quinmocuitlahuilli ynic yehuatzin quihtozque quitenehuazque in Doña Juana ychpotzî ynic yehuatzin oncan tlahtocatiquiuh castillan yhuan leon auh y ye o yuh quichiuhque yn yn itlanequiliz tettatzin yc niman conmomachiztilli yn ichpotzin yn ompa namiquetica yn ompa yhcuac moyetzticacta ypan tlahtocayotl condado de Flandes yn itlantzinco ynamictzin y cenca mahuiztlacatl tlahtohuani Rey Don Philipe yn ipiltin Emperador Maximiliano auh y ye o yuh quimocaquiltihque yhuan yn oqu ic ayemo hualmohuicaya oncan españa ypampa omotlapachilhui omotlahtocatilli yn ittatzin Don Fernâdo oc huel yxquichica ahcico yn ipan Metztli Abril yn ipan xihuitl de años oc onxihuitl yn ompa onmotzicotzinoca ynic nimâ hualmohuicaque oncan españa yn o yuh hualmohiicaque ^y auh yc no niman oquimocahuilli yn Tepacholiztli in tlahtocayotl yn oncan ypan omoteneuh tlahtocayotl españa yn Don Fernando auh yc niman onmopehualtihque mohuicaque ynehuantzin y Doña Germana ynic ome ycihuauh mochiuh Don Fernando mohuicaque ompa yn intlahtocayopan Aragon

Auh y catholico Rey Don Fernando quihualmohuiquililique ompa y Napoles yn incartatzin yn intlatlatlauhtiliztzin yn cihuatlahtohuani Reyna Doña Juana yn ichpotzin yhuan yn ixquichtin huehueyntin tlaca yn  iteuhcyohuan yn itlahtocayohuan conmonochilique ynic hualmohuicac ynic ye no motehuiquilico ye no ni cuel oquimopachuilhuico oquimopielico ynin tlahtocayotl españa çan tlamatca yocoxca mellahuacatlachihualiztica huel yxquichcauh chiconxihuitl auh yn oquiz ynin chiconxihuitl oncan hualmoquixti oncan hualmohuicac yn ipâ altepetl ciudad Plasensia auh ynic  niman oncâ oquihualmonochilli in tt Dios oquimomaquilli y nelli huel nelli cemihcac tlahtocayotl ylhuicac huel oncan yn itocayocan Madrigalejo ypan yc cenpohuallomome mani metztli Enero ypâ xihuitl de años ye yuh Epohuallonnahui xihuitl monemiltia tlacticpac yhuan ye yuh onpohualli ypan onxihuitl yc motlahtocatilia auh yn imiccanacayotzin ompa huicoc yn ipan huey altepetl ciudad Granada ynic ompa quimotoquillito yn intlahtocacapillatzinco ytloctzinco ynahuactzinco in cenca tlayectenehualtzintli tlahtocacihuapilli Reyna Doña isabel yn achtopa ycihuahuatzin catca yn ompa Toctoc ynacayotzin

Tochtli {} Acatl Tecpatl Calli

Ce Tochtli {} Ome Acatl oncan molpi in Xihuitl ihuan oncan temoque chachapoltin tecpatl calli Tochtli acatl tecpatl calli tochtli acatl tecpatl calli tochtli

Ce acatl tecpatl {} calli {} in ipan miquico Huitzilihuitzin Auh zan niman icon motlatocatlali in Chimalpopoca tochtli Acatl tecpatl calli tochtli acatl tecpatl calli ipan in moman temalacatl in tlalcocomoco tochtli acatl {} in ipan momiquili Chimalpopoca Auh in oyuh on momiquili niman ic omotlatocatlali in Itzcohuatzin Auh ipan mochiuh in Tlatilolco Temoc chimalli qui cahuaco in Mexico auh niman quichiuhque centetl zan noyuhque

Ce tecpatl {} Xihuitl in ipan quihualtzacque Quauhnahuaca calli Yn ipan poliuhque Atzcapotzalca ihuan Tepaneca Coyohuaque tochtli in ipan pehualloque Xochimilca acatl In ipan quipeuhque Tlatilolca Iquac tlatocatia Quauhtlatoatzin in ipan ic ceppa pehualoque Tlatilolca tecpatl in ipan quinpeuhque Mizquic tlaca calli In ipan poliuhque Cuitlahuaca tochtli acatl tecpatl calli tochtli acatl In ipan poliuhque Quauhnahuaca in oquimonpeuhque Ce Xihuitl in tequitlaque tlacalaque in ichan Itzcohuatzin tecpatl in ipan momiquilico Itzcohuatzin

Ce {} Calli in ipan motlatocatlalli in Huehue Moteuhzomatzin Ilhuicamina Quetzaltecolotl tochtli acatl tecpatl calli tochtli ipan tlachapolqualoc temoque chapoltin iquac nomayanaloc acatl tecpatl calli tochtli acatl tecpatl calli

Ce tochtli {} Inipan mayanaloc necetochhuiloc ompatla olmamaloto Cuextlan acatl nican toxiuhmolpili tecpatl calli tochtli Ipan quimaque temalacatl no iquac tlalpoliuh Tepotzcololan tlacapehualoque acatl tecpatl calli tochtli acatl tecpatl calli iquac poliuhque chalcâ ihuan iquac motlalico Capoloac tlacâ tochtli

Ce acatl {} tecpatl iquac mítotique in tetepe matlatzinco Auh iquac momiquilico in Huehue Moteuhzomatzin Auh níman ic hualmotlali in Axayacatzin calli inipan motlatocatlali Axayacatzin tochtli iquac poliuhque Cuetlaxtecâ acatl ipan pehualoque Xochitlan tlaca tecpatl calli in ipan pehualoque Chiapantlaca noíquac poliuhque Tlatilolca amo huecauh in quimopeuh Axayacatzin ca moquich nenequia in Moquihuix nehuan in teconal in tlacamopolihuizquia tochtli acatl in ipan quinpeuh Tolocan tlaca Matlatzinca ihuan iquac tlallolin cenca totocac miec in tepetl Xixitin mochpapachiuh in calli tecpatl ipan poliuhque in Ocuilteca yaochontalcohuatlan tlacâ calli nican poliuhque Ycpatepeca tochtli nican políuhque Calliymayan tlaca Matlatzinca acatl {} ipan poliuhque Xiquipilco tlaca ihuan iquac qualoc tonatiuh mochnezque izcicitlaltin auh zan no iquac quipeuhque Tochcalco tlaca

Ce tecpatl {} calli nican miquico in Axayacatzin tochtli ipan motlatocatlali in Tizocicatzin acatl ipan quitetzomanque in icalcatca Tlacatecolotl cozcaquauhtenanca Tlaollan tlaca inin ca momamal tecpatl calli tochtli nican miquico in Tizocicatzin auh niman ic ommotlalli in Ahuitzotzin acatl nican momamal in Teocalli in icalcatca Tlacatecolotl inin ca momamal Tziuhcohuaca mazateca Tlâpantlaca tecpatl iquac quinpeuhque Tziuhcohuaca ihuan Tetzapotitlan tlaca calli nican tlallolin iquac ye no quipeuhque Tlapatzínca ihuan Totoltenancotlaca ihuan atlichayacantlaca in oxihuitl macuilcan intepeuh in Ahuitzotzin Ihuac iquac monexti imoyohualitohuatzin tochtli nican teciuh mochmicque in mimichtín ihuan in ixquichtin atlanchaneque No iquac quipeuhque Quauhtepectlaca acatl Nican tlachapolqualoc temoque chachapolme

ihuan iquac quimpeuhque iztactlaolan tlaca tecpatl {} nican cocolin qualoc iquac nomayanalloc ocno ompa tlaolmamaloto Cuextlan ihuan iquac qualoc tonatiuh auh iquac noquinpeuhque Acatlantlaca

Ce calli {} ipan quipeuhque Xicochimalco tlaca tochtli ipan quimpeuhque Mizquitlan tlaca ihuan Quapilolantlaca ihuan Tzapotlantlaca Acatl tecpatl nican tlallollin cenca totocac moch tzatzayan in tlalli Iquac no quimpeuhque Nahuallantlaca calli nican poliuhque Xochitlantlaca ihuan Amoxtlantlaca tochtli nican poliuhque Chillantlaca acatl ipan quipeuhque Tequantepectlaca tecpatl nican huetzico in Acuecuexatl ínica pachiuh Mexico calli {} nican tetatacoto Malinalco in aquin amoya miec tlacatl quitzauctia mictilloc tochtli {} in ipan miquico in Ahuetzotzin

Auh {} niman ic on motlalli in Moteuhzomatzin acatl {} in ipan occepa tetatacoto auh no iquac quimpeuhque Yopiltzinca tecpatl {} iquac peuh in pochtecayotl auh no iquac quinpeuhque Totolantlaca calli {} nican temoc Tzitzimitl iquac pehualoque Pipiyolteca

Ce tochtli {} iquac poliuhque Zozolantlaca ihuan Quetzaltenanca ihuan Teuhtepeca acatl {} nican molpi in Toxiuh ic chicopa molpia in ixquichtica ompa huallaque Mexica tecpatl {} nican temoque Tlacahuilome {palomatoxcaz} calli nican in hualmoquequetzaya tetzahuitl mixpanitl ihuan iquac in temoc temimilli texihuacan tochtli {} ipan químpeuhque in Icpatepeca acatl {} ipan quimpeuhque Chichihualtatacalhan tlaca tochtli {} nican Teuhtlimoquetza yama yanaloc ihuan iquac pehualoque Iztactlalocantla acatl {} nican tetatacoto Zayyopa {la ultima vez} tecpatl {} calli {} tochtli {} ipan totomonihuac

Ce acatl {} in ipan acico Españolesme Caxtilteca Marquez del Valle ipan acico Moteuhzomatzin iquac tlatocati in nican Mexico iniquac acico Caxtilteca auh Xoloco in quin a miquito Moteuhzomatzin Quetzalecacehuaztica inquicaltitiaque in Tlatoque Teteuctin Tequihuaque Pipiltin Teocuitlacozcatl in conaquito in ipan quimamícque in Marquez

Auh niman quitoque in Pipiltin tlaquinhualnotzati in tiachcahuan auh in onyaque niman yequin nahuatia quimilhuia cenca ye ocyetoconana in yuh mochihuani Auh quitoque in tiachcahuan ma zan chicahuac mana níman quito inecahuintlacatecatl tlaxic mocaquitican in tlacatletixpancah in yuh mochiuh chololan in zan quilcaltzacque Mexica in axcan ma no yuh techiuhtin ma ce centlapal chimalli totlapialmochihua

Auh in oyuh quicac niman quito in Moteuhzoma cuixtoyaopan inticate mamotelchihua niman quito in Tlacatecatl ca ye qualli niman yeyepehua in cuicatl in teyacana telpochtequihua tenzacatl conaquia itocacatca tomahuacatl quauhtlazol in opeuh cuicatl

ye nahahuíntín on momamanato in quixohuayan niman ic contlaco huite quito in teyacama ya ce tlacatl quiyacahuítec in ixiptla Diablo auh in tlatzotzonaya niman ic quimomamahuitequito ca ontetl inin huehueuh centetl caltempan quitzotzonaya niman yenequequezallo ye ixpoliohua Auh niman ce tlacatl tlenamacac aca tliyacapan hualitzttia tzatzitihuitz quitotihuitz Mexicayé tleamayaocac íyolloquemati aquique inin mac mani malchimalli inin maquauh zanac xoyaquahuitl ínoquitaque Caxtilteca niman ie motepotztia yuhqui za mototopeuhtiaque inic callacque niman ic on mocaltzacque In ipan caltzactimanca Etzaqualiztli cempohualtica ínípan Etzaqualiztli ichtaca hualquiz in itlatol Moteuhzoma quimilhui in tiachcahuan

Auh in íquac omic Moteuhzoma niman quihualmamaltique itoca Apanecatl ompa quihuicac in huitzillan Zan ye ompa quihualtocaque ye noye ompa quihuicac inehcatitlan Zan no quihualtocaque quihualmiminque yeno ye ompa quihuicac in teopantzinco Zan no quihualtocaque ye no ceppa quihuicac in acatl iyacapan quin ye ompacanque quito in Apanecatl Totecuiyohuamé motolinia in Moteuhzoma Cuix nic mamatinemiz niman quícoque in Pipiltin Xoconanacan niman quimontequiuhtique in Calpixque quitlatique in imacayo inin ipan in ome tecpatl mochiuh in omoteneuh inic quizque Tolteca acaloco Totoltepec mocehuito inic yaque Tlaxcallan ihuan inic macalximato Tetzcoco

Auh in oyuh omotlatocatlalli Quauhtemotzin Tlacaxipehualiztli in ipan quimonpeuh Chalca ihuan Xocotitlantlaca Tozoztontli in ypan micque Pipiltin Tzihuacpopoca Xoxopehualoc Tzihuactzin Tencuecuenotl Axayaca totlehuicol inic micque itencopa in Quauhtemoc in amantlan tlenamac quimilhui in tiachcahuan ye omilhuítl in otla hualcecemilhuítia in Tzihuacpopoca ma itlanechayti níman quítoque in tiachcahuan ma caquin moyollitla calhui in Tlacatl Tlacocolizcuitizque matiquincahuacan mayauh niman ye momahuatia in tlamacazque noyehuatín in tiachcahuan in temictizque niman yequin tetemohua in oquittaque mohuehuetztlan canato quilhuia oc xihuallao niccauhtze niman oncan conhuihuitecque ihuan in izquíntin omoteneuhque

Acatl iquac qualoc Tonatiuh

Tepeitic Tonacatlalpa Xochitlalpa nechcalaquiqueo oncan onahuachtotonameyotimani oncan niquittac aya in

Ca moch nicuito ya in nicuicani ic niquimicpaxochiti in tepilhuan inic niquimahpan in çan inmac niquinten niman niquehuaya yectli ya cuicatlxvii ic netimalolo in tepilhuan ixpan in Tloque in Nahuaque auh in ahtley ymahcehuallo can quicuiz can quittaz in huelic xochitl auh cuix nohuan aciz aya in Xochitlalpan in Tonacatlalpan yn ahtley ymahcehuallo in nentlamati in tlaytlacohua in tlalticpac ca çan quitemahcehualtia in Tloque in Nahuaque in tlalticpac ye nican ic chocan noyollo noconilnamiqui a in ompa onitlachiato y Xochitlalpan a nicuicani

Ma ye tic iti in Xochitlalpan in tochan xochitlalticpac ilhuicacpa o in huelic xochiamemeyallotl onahuiaxtimani teyol quima yolilizahuachxochitl in tochan in chiappa’ oncan timalolo in teucyotl in tlatocayotl in chimalxochitl oncuepontimani Tonacatlalpan

Ay yayo xicnotlamatican Tezcacoacatl Atecpanecatl mach nel amihuihuinti in cozcatl in chalchiuhtli ma ye anmonecti ma ye antlaneltocati

Maoc achitzinca xonmotlaneuican antepilhuan huiya Tlacateuhtzin Huitzilyhuitl aya cihuacoatl y Quauhxilotl huia Totomihuacan Tlalnahuacatl aya Çan ca xiuhtototl Yxtlilxochitl y quenman tlatzihuiz quimohmoyahuaquiuh yauh ytepeuh yehuan Dios yca ye choca Teçoçomoctli ohuaya ohuaya

Yn acon anquelehuia chimalli xochitly yohualxochitli tla’chinolxochitl ye ic neyahpanalo antepilhuan huiya Quetzalmamatzin Huitznahuacatl ohuaye ho hayia yi ee oua y iaha ohuaya etcetera

Tetzilacatl ayotl cahuantoc aya amocal inmanica Huexotzinco ya yn oncan ontlapia in TecayehuatzinQuecehuatl teuctli ontlapitza oncuica çan ca ye ichan ye Huexotzinco ya ohuaya

Tleyn anquiyocoyan tlein anquilnamiqui antocnihuan macatle xicyocoyacan totech onquicaccxxxii in yectli xochitl çan iuhqui yellel in Ipalnemohua çan mochi ticyocoya mochi tiquilnamiqui ticnotlamati ye nican

Yehuan tlacatl obispon cuica oztocalitic mimilintoc in teponazxochihuehuetl comonticac

Aquin tlacatl oye’coc oztocalticcclv xochitl tzetzeliuhtoc tlacaço yehuatl in tlatoani yayaticacapiltlanitzayochi cahuazcacalacatinemi çan ca omicicuiltotopochpil ycuitlapan tetzelilacacuico Dios ychan tzontli ymapil canahuacan quatla’tlalhuayo tetehuilacachpil mamaçohua moteucçomapil

Nicuicanitl tihuehuetque ac yehuatl ye copoazcclix ytlatol Ycelteotl yn iamox yn itlacuilol in cuicatl huehuetl teponaztlcclx ayacachtlicclxi tetzilacatl ayotl ye chicahuaztli cueponqui coçahuic xochitl cahuilia xochitl tlalticpac can tonyaz can taciz can tinemiz

Ach anca yehuatl in tlatoani Neçahualpilli quacozpil quaxacaliantecuicuil ylacatztepilin quappacemixtlapalnecuilpil No nimitzahua in tlatoani in tAxayaca in quamimilpol in quauhuitzoctepol ixcocotzahual cacatzactepol tentzonpachpol mahuehueyacapol ac ço mach iuhquin tlacatl

Nihuelcuica ya ma mitoti Totoquihuaz in tennopaltitilac ahmo tlaahua pehualpol in yacatlapitzalteuccizcoyopol ye iuhqui in tlan cclxxvii

Xochhuehuetque nichualitta  a’mon iuh Totoquihuazpol elmoçoquillacacatzacpol ixquatolehexoquimilpol ac ço mach iuhquin tlacatl

Tla nimitzonahuilti tla ca nen ninentlamati a çan nicuicanitl huia icnopillotica nelcicihui mixpan y çan icnoxochitl yn çan icnocuicatl yn nimitzonehuilian tlacatl in Icelteotl Ypalnemoa ohuaya ohuaya

Canin tinemian tonelelquixtilon Ipalnemoani nohuian tichialo cemanahuacdxxiyn çan icnoxochitl yn çan icnocuicatl yn nimitzonehuilian tlacatl in Icelteotl Ypalnemoa ohuaya ohuaya

Quenmach ami tlacatl ye xiuhtecdxxv ye quihchiquin cuicatlquetzalte huehuelincdxxvi quicuecueyahua in Totoquihuatzi ma cuinca huitz ma cuinca huitz  huelin quitomaz mocuic ohuaya ohuaya

Tlachinoltepec yn ahuicacopa tixochitonameyotimoquetzaco y yehuan Dios a oceloçacatl ypan quauhtli choca y mopopoyauhtoc yyanco yliyanca y yahue a yliyyacalco yya yyeho ça ca yyahue

O ach anca oquitto in tlacatl aya in mahmana tlatzihui ayac quiyocoyan Ipalnemoa choquizilhuitl in yehuaya yxayoilhuitl aya huallaoco ya moyollo o tehuatl a in Santa Maria ohuanca etcetera dlii

Oyohualla ymanca nehcaliztla ymanca acatl xamantoc inChalco ye nica huiya huiya teuhtlin coçahuia ycallin popocato choquiztlehua ya momacehual in Chalco ye nica ohuaya

Ca ye tommoneltoca ya ohuaye teohua oo çan Quateotl a ohuaya Y çaço polihui ya moyollo cauhtimaniz y quauhatl yxpan in tlalli mocuepa ya ilhuicatl olinia oncan ye cahualo chichimecatl y Tlacamaçatl a ohuaya ohuaya

Ye mochi tlacatl y ontlaneltocatinemi nican tlalticpac ayahue çan achica yectli tixpan quiça ahuiac xochitl ohuaya

Quauhtlin tototl ye mochiuh oceloMixcoatl mizquitl icpac matlahuacalco oya tlacatl Mixcoatl pilli Neçahualcoyotzi yyoohui can ihuaya oya yoohui canihua yooya

Cohuatepec xiuhtlaquetzalla ymanican quetzalcalli onicaca aya que ye cahualoc atl in tepetl in oncan a ye quihualmatque in mexica in huehuetque yece nican Chapoltepec ica tacico oo Tolnahuacatl ye Tozcuecuex yia ohuia

Ancoc yohuayan in ac ya imatiaque ye cahualoc Atl yn tepetl in oncan a ye quihualmatque in mexica in huehuetque yece nican Chapoltepec ica tacico oo Tolnahuacatl ye Tozcuecuex yia ohuia

tlamacehuia in teteuctin Acolnahuacatl Teçoçomoctli at quenmanian a in yectla intlatol  yn azcapotzalca pipilta yio ohuiya etcetera

Çan nontlatlayocoxtica aytzi nicutzi ticihuatzintli queçomach nontlacatl y nocana momiquili no ye coltzin in Ahuitzotl yiaohuiya

Ye chicuacemilhuitl ye quimochihuili Totecuiyo in mamaça yn ixquich yollin tlalticpac yhuan yquac ye quiyocox yn achto tlacatl huixa ma yhui huel topatillo huel tixiptla mochihuaz aya yehuatl tlatoz in tlalticpac yio etcetera dcclxxxix

Yn çan chicuey tlacatl yn omocauhque yn ipilhuan Noe ye no yehuan o yn tlacaxinachoque huel mahuiztico cuix moçomaznequin Totecuiyo çan pepehualtilo ohuiya

Yn ma ixquich tlacatl ma quimolnamiquili inic topampa tonehualoc y Jesucristo in anquetzal ne’cuiele’que noconetzi  axcampa cualca a ma tictotlatlauhtilica oohuiya

Yn tladccclix mochi tlacatl oncuica ya timitzitzinti otiquetzquedccclx ye tohuehuetzi xonmittoti paladccclxi petolotzique ye mitzitaz ye totatzi obispon teuctli

In cemicac in nohuian nemian yn cacatli mochiuh yehuan totatzin om in Padre aya ymac onicaccmlxxvii in xochiyecoloz quitlatlauhtia om in Tiox aya Xam Palacisco ya aya ma oc cemilhuitl on xictlatlauhtican can huel achic ca imac ye nican tipatlantinemi yn ticacatzin ma ya ahuialo nican Tiox ixpan yn ma ya neçohualo cacatine e

Ie yca tichoca nican tinepapan tlalacueçaltzitzintin aya in huel tocolnamiquicmlxxx ya tomatzin in tlacuiloltototl cacatli mochiuh yehuan Capitan yca ye tlacat contzinitzcantlapalaqui yn icuitlapiltzin conchalchiuh a ycuilotzincmlxxxi ya tlapaltzincmlxxxiiteocuitlatl ytentzin anqui nelli huee yectli aya tomatzin ne a

Çan titlaocoxtoque tinepapantlalacueçaltzitzintin aya in huel tocolnamiquicmlxxxiii a ye tomatzin tlacuiloltototl cacatli mochiuh yehuatl Capitan a Yca ye tlacat contzinitzcantlapalaqui yn icuitlapiltzin conchalchiuh a ycuilotzin ya tlapaltzin teocuitlatl ytentzin anqui nelli huee yectli aya tomatzin en a

Ixihuinquetzalhuitzilcmxc papalotl a y Palacizco ya Acacitli teuctli in tlauhquecholhuitzitzilin papalotl a y  ton Helnanto Omacatl teuctli quetzalquiquizcopa yan quinotza quitlatlauhtia in Tiox nohueyohuan nomache

O anqui ya yehua in y amoxpetlapan oncecenquiztinemi in tepilhuan huiyan yn tlauhquecholhuitzitzilin papalotl ay in ton Helnanto Omacatl teuctli quetzalquiquizcopa yan quinotza quitlatlauhtia in Tiox nohueyohuan nomache

Inahuiya yamii nican e yn tlapal alotzin i nepapan ni yhuiyotzin noconyectia niquetzalxiloxochiocoticpac xinechittacan ixquich in cacatli yn ahua nomache a

In huel yectli niquito yan in nitlapalalotzin inn o nepapann i yhuiyotzin noconyectia niquetzalxiloxochiocoticpac xinechittacan ixquich in cacatli yn ahua nomache a

I tzon in nochocayan nixopalehuac ya nicacatli at aoc tomatian in monamiccan mochihuatiuh chalchiuhelotl tachcahuan

In nican niecoc nicacatli a ye i quiapan yn yec ytentlapaliuhquetl in ton Helnanto aya tlaoc xiquitacan tlaçotlamachcacatzin moçouhtinemi ya moxochinchamolquatlapalnemach quemach mixtlan miti y nica in ichiuh ahua conetle ahua pille xaahuiacan netle ea

Yn otépeuh Axayaca nohuian Matlatzinco Malinalco Ocuillan Tequaloya Xôcotitlan mlviii nican ohualquiçaco Xiquipilco oncan oquimetzhuitec ce otomitlmlix ytoca Tlilatl auh in oahcico quimilhui icihuahuan xitlacencahuacan in maxtlatl in tilmatli etcetera mlx Anquimacazque amoquichui oquinenotzallanmlxi ma huallauh yn otomitl yn onechmetzhuitecmomauhtihtica in otomitl quittoa anca ye nechmictizque quihualhuica in huepantli in tlaxipehualli in maçatl ic quitlapaloco in Axaya momauhtitihuitz auh çan oquitlauhtique yn icihuahuan Axayaca  

Nequi ye ontzatzi a in tochcauhtzin in ye Motelchiuhtzin tocnihua quilmach ye oc yohuac ticanatihui tatlamemel huel tetehuilotic xiuhtehuiltic ho in quetzalitzacuecueyocatimani ye ic tonaci o oncan tecomatla aya anen tla xiye mach no noxicotaz ye Nanahuatl nicauhhe Titlacatecatl tiCuitlachihuitl huel toltecatic teocuitlatica ya in tlacuilolli ye tahuicoltzin conicuilota Axayacatl teuctlitocenmantazque ye ic tonaci

In tlapalihuinxochinquahuitl a cuepontimani ya Tiox ye ichan i yn conchichintinemi in tépilhuan i yn teuctli on Anahuacatl ayaanqui tlacateccatl yn Cuitlachihuitl in ye onmotlamachti a ylhuicatlytic ayyo ohuaya ohuaya

In quetzalchalchihuitl i anqui xihuitl tlapaque in tépilhuan in mexica yn huexotzinca yn in teuctli on Anahuacatl aya anqui tlacateccatl yn Cuitlachihuitl in ye onmotlamachti ya ylhuicatlytic ayyo ohuaya ohuaya

Çan ye quittohua on Achitometl çan ye quihtlani yehua cuepchinamitla ya huitzilaztatl yn yacacintli cohuatlon moyahualotihuitz yn ye on tlaquiça ya   ahminqui maçatl huiya yca quimamaliz ychan i yca quitlanihtoque atlo yan tepetl in cemanahuaqui ohuaya

Ohuayayo xicnotlamatican Tezcacohuacatl Atecpanecatl mach nel amihuihui in cozcatl yn chalchihuitl i ma anmonenecti ma antlaneltocati etcetera

Çan niquinmahuiçohua ya a ilhuicac in chaneque on a yn ageloti onxochicuicotocon yn chalchiuhtetzilacatl oncahuantimani ye ichan o y yehuan Tiox a ohuaya ohuaya

A iztac huexotl ymapan aya can totlatohua yehua acatl iztac ymancan tolin iztac chalchihuitl ymanca Mexico nican ea a ohuiya

Iztac huexotl ymapan aya çan tontlatohua yehua acatl yztac ymancan tolin iztac chalchihuatlmccc ymanca Mexico nican ea a ohuiya

Ho nichcoquetlamcccxxi nimaçatl Omitochin amcccxxii moçotochin ma quaquahuemcccxxiii maçatli yatantili aya ohua

Xochinpetlatl necahuililotiuh aya yn ayoc ymatian Teçoçomoctli acolnahuacatl oahcico ytlatol conmahuiçoa ho in ton Maltin Coltes teuctli a in ton Palacizco ya conayachia ye itlatoltzin in Jesu Quilisto yyao hueya hueyao

Çan huel achitzinca on hualpalehuilo in Dios in tlalticpac ye nican catli Tlacahuepan o o catli Cuitlachihuitl on Anahuacatl aya ca ypampa miqueon in Dios ma oyaque on in Dios ma oyaqueo n motlamachtitihui oo

Yacue nonantzin nontlaocolmiqui o ye nican ye noquichua can ahuel niquitotia in malacatl ahuel nocontlaça in notzotzopaz noca timoqueloa noconetzin yao ohuiya

Ye conahua in tlatohuani Axayaca yn ahuel oquinpeuh in michuaque ca noço Tlaximaloyan in hualmocuep Auh amo çan quexquichtin in pipilti in tiacahuan yn ompa omique cequintin çan hualcholoque ic çan inhuehuetiliz yn ahmo chicahuac ytech motlami a in cuicatl yc quimahua Huehue tlacatl in tlatohuani Chichicha

Quenmach in tinechiuhmcdxxx noyecoltzin ayye maca oc ic ximochichihuan huel ahtitlacatl tle in ticnenelo ye noyollotzin ticxochimalina ye motlatol yyao ohuia

Nahuilylama namonan nicahualylama nichpochylama ypan nochihua omcdxxxi nichalcotlacatl aha a ili nimitzahuiltico noxochinenetzin noxochicamopalnenetzin yyaho ohuia

Ompa ye nihuitz a çan ca xiuhquilani çan ca nimaçatl ca nictzetzelohua ya noxochiuh o

Oceloquauhtzatzitiuh Tezcacohuacatl a Mocuiliyatzin yahao

Nitoztlatlanilli ohu ancan ye ninentzin moca ye nichoca ahuayao ach ca ompa nihuitz in Taminchoquincalimdxxxvii maçatl yiao yahue yaohaye

Çan nicihuatzintli notlapalicpacxochiuh o anca nonehuellimdxxxix ach ca ompa nihuitz tamichoncalli maçatl in yiao yahue yao haye

Calpantlacatl in tlamacazqui huallalauh hualmotlatlali an tochinantitlan Teyeyectzin Aytzin Texochitzin Texochimecatzin

Tla xicaquimdlxviii teuctli Tecayehuatzine huel tontlamahuiçoque hi yecxochitla Axayacatl tecutli hocan omani a teocuitlaxochilmdlxix yn tlapallihuixochitl ontlatlatlatzcati

Huel noconmahuiço huay ye chalchiuhuatapallacatl o o ye ytech ayo ompapactica Xochcatzin mocuicatia y quinanquilia y acatzanatzin oxiuhcoyol

Huel quinànalquixti yn iquaxicaltzin, ynic huel nohuian quicocoyotz yn itlaçomahuiztzontecontzin. Auh niman yc hualxàxahuan, hualpipican. Yn itlaçoezçotzin quimoquentimoman. Yn itlaçoxayacatzin huel ic chapan; huel yc pàpaltic yn itlaçotzoncaltzin, yn itlaçotentzontzin, ynic ytech hualpipicaya; huel ye çoçoquitic nohuian ytlacapantzinco hualtetemoc. Auh niman yc ymactzinco contecaque ce acatl yn iuhquima teotopilli, no ce tlàtocamitl ypan pohuia. Auh niman ynic oycpalcopan quimotlalilìque, yn yuhquima tlàtoca petlatl tlatoca ycpalli ypan pohuia. Yc niman ye yxpantzinco motlanquaquetza, ynic ycatzinco mahuiltìtzinoa yhuan quimixtetlàtlatzinilia ytlaçoyxtzinco; yxayacapantzinco chichicha, auh conmocuililiaya yn acatl ymactzinco. Onoya yc quimoquahuìhuitequilia, auh quimolhuiliaya. Ma ximopaquiltitie, ma mitzmopiali yn totecuiyo, ynti yn tlatocauh judiosme.

Tla xicyttacan quenin huel cenca mopinahualtiticaya, yn ìquac oncan teyxpan quimoquechilìque yn inepantla yn àmo çan tlapohualtin tlaca, auh ynic oquimochichihuilìque mochi tlacatl yc ycatzinco huetzcaz. Yn imatzin y ylpiticac, onacticac yn ixocohuitztlàtocayotzin, yn ixocohuitztetepeyotzin, auh ymactzinco onolticac yn ácatl, auh yn itlaçotlactzin omache tetzotzonaloc, omach nànalquiz, yn ica yn mécatl yn tehuitequiliztli. Auh aoc huel momelauhtzinohua, ça mocototzahuiltìticac, ça motololtìticac; ça teyyçahuicatzintli, yhuan ça eztitlan yn maquiltìticac, yn omache moezpachihuiti; yn oc noma cequi pipicaticac yn itlaçomahuizezçotzin.

Oca nican, anquittazque, anquiximatizque ¡tlacacohuanimee! Yn itlahuelilocayo, yn iteuhyo, yn itlàçollo, yn itzitzicaz, yn iàhuauh yn tlàtlacolli. Ca nel yn iuh oquipolo ynyn iqualnezca, yn imahuizço, yn ilhuicatl. Ecce Agnus Dei, ecce quitollit peccata mundi. Tla xicyttacan yn iuh quimopolhuia, yn ipampa yc quimotlatlacolpòpolhuililiz yn tlalticpactli, yz cemanahuactli. Huel mahuiçohua ticatca yn tlalticpac tlacatl (quimìtalhuia yn tlàtohuani David) auh àmo quima yn tleyn oquichiuh. Omoneuh, yanhui, auh ynic otlatlaco, oquinmopòti. Yn ma nènenque, tochtli, maçatl yohui, oquitocac omomaçacuep. Auh ye yca ynic huel melahuacayopan quimìtalhui, yntla achtopa ytohuani Jeremías. Cutui sussum, et non erat homo, ca huel onicnematcanemili auh huel oniquixàxili ynic oniquixtemo, niman acan ma nel ce tlácatl onicyttac, yn aço tlacaneci, ye yca ca omoch momanènencacuepque, omoch momaçacuepque yn ica yn intlàtlacol, auh ¡tlaçomahuizprofetae! macàmo ximonenci. Anmiquiti ynic timotlatétemoliz; ma yc yxquich ynic tiquinmotetemolia tlaca. Ecce homo. Iz ca yn oquichtli.

Ca ynic occeppa quinemactiz, caxcatiz yn imahuizço, yn iteucyo, yn itlàtocayo oquipolòca yn ica yn itlatlacol yn tlalticpac tlacatl

Yn itlapechco, ympetlaçolpan amotlatlacol, amotlapilchihual ynteuhtitlan yntlàçoltitlan amactoque ynic anmomapatla, yn anquìtoa. Hominemnon habeo. Ca ayac onca oquichtli, ca ayac aquin tlácatl huel noca mochihua. Ecce homo. Ca yz ca yn oquichtli. ¿Yn anquitemachitoque yn huel ytepotzco, yn huel ycuitlapan amechhuica, amechmama yn ompa yn iteoameyaltepapacayan yn isacramento aca xicteaaltiayan, auh oncan yezçoticatzinco amechmopàpaquiliz, amechmaaltiliz, yhuan yntlacàmo xicmocahualtican, tlacàmo xictopehuacan, ca amechmomaquiliz y cenquizcapatilizçotl?

Auh yn oyuh quimotlatzontequililìque yn totecuiyo. Niman yc conmanilìque ynyaotiàcahuan, yn iyaoquizcahuan Pilato, auh yn oyuh quimoquixtililìque yn tlapaltilmàtli ynic ycatzinco omahuiltique. Occeppa conmaquililique yc conmochichihuilìque yn yeppa ytlaquentzin ynic huel yca mochi tlacatl quimiximachiliz, ye yca ca nel yxayacatzin

Ca quimotopehuilitihue yn tiàcahuan tlahueliloque; ca tlahuizca mactlac cochcamac mititlan, chimaltitlan maquititiuh; ca yhuantzinco mantihui yn ichtecque hualtlatotoca. Mochi tlacatl hualquiça yn ìtic onoc altepetl ynic tlamahuiçoz, ynic quittaz yn quenin miquiz tlayyyohuiltiliz, miquiztlatzacuiltiloz yz cen oquichtli yz cenca mochi tlacatl moteçahuia yn itenyo. Y nohuian cacahuantoc yn itoca. *

Auh niman ye yc hualca yacatia yntetlayyyohuiltiliz, tlapitzalli ye yc pehua; yn tecpoyotl ynic ceppa tzatzi, tetlacaquitia, quìtohua. Ma mochi tlacatl xiqualcaquican, ca yèhuatl ynyn tlatzontectli yn tlanahuatia moneltiliz, yn tlàtohuani Poncio Pilato, yn iyxiptla yn huey tlàtohuani emperador, Tiberio Cessar, yn tlapachohua, yn teuctlatzontequi yn nican.

cemanahuacatl, yteuchuacan ytzontecoyocan, yhuan ynic quimotechtia ynin mauh ynin tepeuh judios tlaca yn motlàtoca, nènequi tlanahuatilo ynic ypampa mictiloz quauhnepanoltitech. Màmaçohualtiloz, tlayyyohuiltiloz yn ompa tzompantepec, yn nepantla omen ychtecque.

¡Tlacatle, cihuateuctzintle! yn tleyn choquiztlàtolli nimitzhualnohuiquililia, yn nonenepil àmo quìtoa. Ca huel tetlahuel totoneuh yn tleyn yc nimitznottilico, ca huel yc chichinacaz yn mixtzin, yn moyollotzin, yntla oticmocaquiti nel oc hualca yez ynic ticmottiliz ca axcan pehua yn momiquiztzin

Auh axcan tlami yn monemiliztzin. ¡Yyo tenantzine! yc ¡nocihuatzintle! ca yc axcan oyn mantic, yn mitzmotenehuili Simeon, yn ixquahua yn itztetepontli, yn tlachichtli, yn quitòtonehuaz, yn quinànalquixtiz yn motlaçoyoliatzin. Ma xicmomachilti notecuiyo ¡cihuapillè! ca yn tlacatl yn motlaçocenteconetzin, oquimonamaquìtzino yn Judas. Auh yn tiachcauh, yn totlayacancauh Pedro, aocmo conmocuititzino, auh yn occequin ytlamachtilhuantzitzin.

yn itlaçoconetzin, yn tlalpan nonoquìtiuh ynic oncan quimohuiquilia. Auh ye cequi tlacatl hualnecuepalo. Yn oquimottilique yuh quimohuiquilia, yece yn yèhuan acame ycnohuaque, ycnoyolloque cihuatzitzintin yni mixconecia, ca quinmotlaocoltiliaya, quinmotlatlaniliaya yn campa oquimottililìque yn itlaçoconetzin. Adiurobosfilie hierusalem sirvenatis dilectum meum, ut nuntietis ei quia amorelangueo.

yn itlaçoconetzin, yn tlalpan nonoquìtiuh ynic oncan quimohuiquilia. Auh ye cequi tlacatl hualnecuepalo. Yn oquimottilique yuh quimohuiquilia, yece yn yèhuan acame ycnohuaque, ycnoyolloque cihuatzitzintin yni mixconecia, ca quinmotlaocoltiliaya, quinmotlatlaniliaya yn campa oquimottililìque yn itlaçoconetzin. Adiurobosfilie hierusalem sirvenatis dilectum meum, ut nuntietis ei quia amorelangueo.

yamanqui, yece ça totolcatiuh; aoc huel tlatenquixtia; aoc huel yyo quicui. Oca yn iuhqui nicneztiuh, ca niman ayac huel quitlaçotlaz, no ce quelehuiz, yece ca mochi tlacatl atle ypan quitta, quitelchihuia. *

Yn ica yn iuhquin cenca tetotoneuh tlatoli, yc oquimononochilìtiaque yz cemicacychpochtzintli, tocihuapilcatocatzin oytech onmopachihuitita yn canin ye quimohuiquilìtihue yn itlaçomahuizconetzin yn oncan yxquich ytlapaltzin quimochihuili, ynic quimottiliz. ¡Yyo, Santa Mariatzine! ca ynic amo mitztequipachozque, ca ynic amo mitztonehuizmacazque, amo tixpantilo atle ticaquitilo ynic yahuiloa yn ica tlahuahuanaloz yn motlaçoconetzin Isaac. Auh ye yca iz çan yohualtica mochan hualquiça ynonamic Abraham. Yece yn Tèhuatzin ¡notecuiyoe, tlacatle, cihuapille ylhuicac cihuateuctzintli! ca mitzmocaquitia, ca mitzmixpantilia yhuan mitzhualmohuiquilia yn huel ynepantla tonatiuh, ynic huel mixteloloticatzinco ticmottiliz yn tleyn huel cenca quicocoz, quipatzmictiz yn motlaçotlaocolyollotzin.

Yn oyuh axohualo yn ompa, tetlatzacuiltiloyan, tzompantepec motenehua Monte Calvario, yn oncan tlatzacuiltiloya yn tlahueliloque, aquallachihualeque. Yn huel conyacati yèhuatl; ynic niman quimopepetlahuilique, quimoquixtililìque yn incololtzin yn totemaquixtìcatzin, auh ynic huelo ynacayotitechtzinco, çaçaliuh yn ica yn eztli, yhuan ynic mecatica oxixipeuh yn itlaçomahuiznacayotzin ca nel ypan oytztic, ohuahuac yn eztli huel otechtzinco tlatzico, yn inechichiuhtzin, auh yn tlahueliloque tetlayyyohuiltiani yn tlahuelcopa quimocopinilitiquizque; ynic niman occeppa moch xipehuatiquiz yn itlaçomahuiznacayotzin, ynic occeppa hualyayan ¿Cuix ynic oquimomecatetzotzonilique, ynic huitztlacotica, tepozmecatica oquimohuahuaçomilique nohuiampa, hualtotochcopin yn itlaçomahuiznacayotzin ça yuhquima nacatlatetectli, ynic necia ça moca eztli yn nohuiampa hualpipìpicaya?

ça tlacatzalan ça netotopehualo; ça xoxoquihui yn tlaca; niman yc netenhuitequiliztica, netenpapahuiliztica, tlacahuaquiliztica quehuatiquetzque yn totepehualiz ychiquayapan yn eecaticpac omoteca, ynic mochi cemanahuacatl quittaz. Motlahuiznextia tepan, moteca yn teocuitlaylhuica quachpamitl yn iteyacanaya yn christianome ymauh yntepeuh. Ynin tlaçomahuizquauhnepanolli yn ompa motec ¡yn maxàx! ynic yn oncan yntetlayyyohuiltiliz chichic apan hueliaz tzopeliaz.

Yn cemanahuactli oixycatihuetz, yn tlalli molinia; yn ithic tlatzitzquili tlanapaloni huihuiyoca, auh yn cenquizcachipahuaca ychpochtlatlactzintli çan tlamattimani. Çan yey ye yehuan yca timani. Yn tetl teteyni, auh mocemàcitica yn iyollotzin yn itlaçomahuiznantzin; ca yn itlaçoyollotzin ca yuhqui yn ma ce huey teoachichicatl omocuep, auh yn iacueyo ynic poçonia; ynin atl huel onàcia yn ithic, yece yn atlacàtl

¡yyo! yn ipan yn noyollia, yece yhuan yn ipan yn notlacnacayo. Yn cemicac ychpochtzintli ynic huel neltiliztli, ynantzin, ca huel quimocenquizcatlaçòtiliaya yn itlaçoconetzin, ynic çan huel yni ynecenmixcahuiltzin, ynic oquimochihuili, ynic oquimotlacatilili yn amo oquichtlaca necetiliztica, yequene concempanahuia ynic huel quimocenquizcatlaçòtilli; y niman ayac, aca occe yuhqui tlácatl yc otetlaçotlac, yn huel ytechtzinco tecuinticatca, tlayoticatca yn tetlatlaçotlaliztli (ynic ommonenehuilia yn itlatlaçotlaliz catca yn san Pablo; çan yuhqui yn ceuhticatca).

¡yyo! yn ipan yn noyollia, yece yhuan yn ipan yn notlacnacayo. Yn cemicac ychpochtzintli ynic huel neltiliztli, ynantzin, ca huel quimocenquizcatlaçòtiliaya yn itlaçoconetzin, ynic çan huel yni ynecenmixcahuiltzin, ynic oquimochihuili, ynic oquimotlacatilili yn amo oquichtlaca necetiliztica, yequene concempanahuia ynic huel quimocenquizcatlaçòtilli; y niman ayac, aca occe yuhqui tlácatl yc otetlaçotlac, yn huel ytechtzinco tecuinticatca, tlayoticatca yn tetlatlaçotlaliztli (ynic ommonenehuilia yn itlatlaçotlaliz catca yn san Pablo; çan yuhqui yn ceuhticatca).

quimocepanyttititzinoa, yn huel cecen tlani acitica ytòtonehuiz, yn itlaçoyollotzin. Niman yc quimotlapòlhui yn itentzin yn ichcaconetlatlacatzintli, auh yn ica ytlaçonenepiltzin yz ça ¡yyo! cauhticatca; quimoyolalili yn itlaçonantzin, quimolhuili. Mulier ecce filius tuus. Cihuatzintle ca oncan ca on yn moconetzin. Auh yn itlaçotlamachtiltzin quihualmolhuili: ca oncan metztica on yn monantzin,¡Yyo cenquizcaychpochtzintle! yn omache timopatzmiquili. ¿Quenin huel nimitznoyollaliliz, yntla nimitznolhuili¡nonantzine!, yn ìquac ye ticmopolhuiayn moconetzin? ca huel ye cenca totonehuaz; yn motozcatlantzin, yn moyollotzin ca huel yc teteyniz, yntla yuh xicmocaquitiani yn. Yntlacamo nimitznonahuàtilitehua yn ye, yc niyauh, yz cenca hueyac òtli nictocaz; ca huel yc tlatlapehuiaz yn mototonehuiztzin. Ma nimitznotocayotili yn amo ye ¡nonantzine!yz çan ye ¡cihuatzintle! ca oncan ỳcac on yn moconetzin. Ynin ca ye que occe conypantili yc hualmotlapehui yn itotonehuiztzin cemìcac ychpochtzintli, ynic yc quimopatililia yn teotl Dios ypiltzin, yn ica yn oquichtli, yn tlalticpactlacatl, ypiltzin; yn temachtiani yn ica yn tlamachtili, yn tlatohuani yn ica yn tetlan nenqui.

Yn huel mocemàciticatca yn ichichicayo yn itlayyyohuilizpa tlayltzin ynic huel yca yn ticxotlaltizque yn totetlaçòtlaliz, yhuan ynic huel titoyolchicahuazque yn ipan yn tonetoliniliz, yn tochichinaquiliz. Auh niman yc yhuicpa hualmocueptzino yn altepetl auh huel chicahuacatzàtziliztica, quimolhuili, sitio. Namiqui. ¿Tleyn in ¡noteohue, notlatocahue!?¿quenin ye huel oc hualca mitzmotequipachilhuia yn amiquiliztli, yn àmo ye yn cruz yn itech timomamaçohualtiticac? ¿Auh yn àmo yhuicpa timototoneuhtzinoa yn cruz, ye huel mitzmototonehuilia yn amiquiliztli? Ca melahuacayotica ca yn amiquiliztli mitzmopatzmictilia, ca yn ticmamiquitia; camo ye yn átl ca yèhuatl yn nopatica, oc hualca ye yn nopalehuiloca yn amo ye ynic timotonalcehuitiz. Niman yc onmotlalotiquiz ceme yn tlahueliloque oncan; catca concuic ce achichinaloni yc conchichin conaqualti xococátl, auh ytentzinco compacho yn omache motenhuaquilti. ¡Yyo! oamocentlahueliltic yn antlacentelchihualti yn ixquich átl amechmomaquilli yn ompa quauhyxtlahuacan, yn tlalcahualpan, y texcaltitech amechhualmotlapolhuilili ¿ynic quimocehuiliz ỳamamiquiliz yn axcan tleyca yn àmo anquimomaquilizque manel ye çan tepitzin? yntlacatle anquipia yn átl, xichuicacan ynon atl achichinaloni. Yn ixmemeyaloyantzinco yz cemìcac ychpochtzintli, ca yèhuatzin amechmomaquiliz àmo çan quexquich yn iyxayotzin yn quimitiz ynic huel mopachihuiliz.

Yn huel mocemàciticatca yn ichichicayo yn itlayyyohuilizpa tlayltzin ynic huel yca yn ticxotlaltizque yn totetlaçòtlaliz, yhuan ynic huel titoyolchicahuazque yn ipan yn tonetoliniliz, yn tochichinaquiliz. Auh niman yc yhuicpa hualmocueptzino yn altepetl auh huel chicahuacatzàtziliztica, quimolhuili, sitio. Namiqui. ¿Tleyn in ¡noteohue, notlatocahue!?¿quenin ye huel oc hualca mitzmotequipachilhuia yn amiquiliztli, yn àmo ye yn cruz yn itech timomamaçohualtiticac? ¿Auh yn àmo yhuicpa timototoneuhtzinoa yn cruz, ye huel mitzmototonehuilia yn amiquiliztli? Ca melahuacayotica ca yn amiquiliztli mitzmopatzmictilia, ca yn ticmamiquitia; camo ye yn átl ca yèhuatl yn nopatica, oc hualca ye yn nopalehuiloca yn amo ye ynic timotonalcehuitiz. Niman yc onmotlalotiquiz ceme yn tlahueliloque oncan; catca concuic ce achichinaloni yc conchichin conaqualti xococátl, auh ytentzinco compacho yn omache motenhuaquilti. ¡Yyo! oamocentlahueliltic yn antlacentelchihualti yn ixquich átl amechmomaquilli yn ompa quauhyxtlahuacan, yn tlalcahualpan, y texcaltitech amechhualmotlapolhuilili ¿ynic quimocehuiliz ỳamamiquiliz yn axcan tleyca yn àmo anquimomaquilizque manel ye çan tepitzin? yntlacatle anquipia yn átl, xichuicacan ynon atl achichinaloni. Yn ixmemeyaloyantzinco yz cemìcac ychpochtzintli, ca yèhuatzin amechmomaquiliz àmo çan quexquich yn iyxayotzin yn quimitiz ynic huel mopachihuiliz.

Ca ye huel ocècenquiz, ye omoçemàcic yn totonehuiztli, yn tlayyyohuiliztli; yn ihuian oacoquizta. Ca ye huel omotzonquetz, ca ye omoch mocemàcic ynic yca oneltix, opopouh, onixtlauh yn itlacamachocàtzin yn otlaçomahuiztàtzin. Auh ye otlan, ye otzonquiz yn ineltica, yn ichihualoca yn otemaquixtiliz. Ye omomahuizquauhpano, ye omotzonman, ye omaaxilti yn mochi; tlanezcayotl, tlatauhtli, tlateneuhtli yn iteotlamahuiçollo, yn ichichiuhca yn huehuetlanahuatilli tlacacahualli, ca ye yc omotlachicahuilli yn yancuic yn ica yn imiquiz yn tlanahuatiani, yn tlacacauhqui; yn huehuetestamento yc omotlachicahuili yn yancuic oquimochihuili yn axcan ypan momiquilia, ynic otlacauhta, ynic otlanahuatìta. Ye omochiuh, ye omoneltili yn ixquich quexquich oquimotecpanili yn teotlamatiliztzintli, yn tleyn quìtlania yntla oc tlatzontequiliztli yn ipan tlàtohuaya yn teycnoyttaliztli, auh oquimàceuhca, àcic yn acan tlanqui teotlaçotlaliztli. Ma ye cuele, ma ye yxquich ma ye yuhtia tetàtzine, yn titeocemicatilicecatzintli, ma ye opachiuh yn mixitzin, yn moyollotzin; ma ye opopouh, ma ye onyxtlauh, ma xicmocelili ynic yca mocaxtlahuilia tlalticpactlàcatl. Motlapiltzin ca ye oc hualca onotiquixtlauhque, yn àmo yxquich totech ocatca. Ma no tehuan xicmìtalhui ¡noteohue, notlatocahue! Consumatum est.

() Ye mopilo in Tonatiuh in ocalaque in Teopixque ipan cemilhuitlapohualli matlactli omey cohuatl in iquechol Tecpatl ipan in xiuhtlapohualli yei Acatl (Ms¨ f¨ v¨)

() Auh ca huel iquac acachto huallaque inic calaquico in Huey Tecpan Mexico in Españoles ca huel oquipantili ce Acatl iz cemilhuitlapohualli iz cemilhuitonalpohualli iz ce Acatl Auh zan no huel oquipantili in xiuhtlapohualli zan noyehuatl iz ce Acatl Oc moztla ipan tlamatlactetiliz inquitocayotia ilhuitl Quecholli Auh in Ohuallathuic ye iquac in otlamatlactetili in Quecholli ipan Ome Calli iz cemilhuitonalpohualli Auh in oacic cempohualilhuitl iquac huel oquipantili in ilhuitl Quecholli Auh niman ye quihualtoquilia in motocayotia Panquetzalitztli no cempohualilhuitl (Ms¨ f¨ v¨ + LG¨ p¨ )

Capitulo Oncan mitoa in icacoca in imelauhca itoloca iz cempohualli Semanas in in (Ms¨ f¨ v¨) tonalpohual in ye huecauh huehuetque inic caxíltia iz ce xiuhtlapohualli in ye mochi in tonalpohualli Ca in iquac omacic inic ceppa tzonquiza iz cempohualli semana (matlactli omey tonatiuh iz cecen Semana) no cuel oc ceppa itechpehua iz ce cipactli zan ye no cuel yuh Cen yatiuh in itlapohuallo inyuh otic hualitotiquizque zan huel ipan tlami matlacpohualli ihuan yepohualli () tonatiuh Auh in oc iacica mochihua oc macuilpohualli ipan macuilli () tonatiuh inic huel maci ce xihuitl in caxtolpohualli ipan yepohualli ipan macuilli tonatiuh () ihuan chicuacen horas Auh ca iquac tzonquiza iz ce xiuhtlapohualli in iquac itech onaci in quitocayotia Nemontemi in iquac omopouh in Nemontemi niman ic compehualtia in tlein xihuitl in nahui xihuitl ca yehuatl in Calli niman yehuatl in Tochin niman yehuatl in Acatl niman yehuatl in Tecpatl cahuel oncan quipantilitiuh in itech icuiliuhtiuh in tonalpohualli Oc macuilpohualli ipan macuilli tonatiuh concuitiuh in tonalpohualli in otiquitoque cempohualli semanas matlactli tonatiuh omey Auh zan nocuelceppa yuh yatiuh in itlapohuallo in yuhqui otiquitoque inic amo tepolo iz zan melahuac ic mopouhtiaz in tonalpohualli ca iquac otzonquiz occeppa zan no itech pehua iz ce Cipactli

Auh ca in Xiuhtlapohualli ca nanahui in tentiuh in ic ce cacalli in ic ome ca Tochin inic ey ca Acatl inic nahui ca Tecpatl ca in ye mochi ca ompohualli on matlactli omomexihuitl Ca matlactli omome yn calli in iquizayampa in tonatiuh pohui auh no matlactli omey in Tochin Mictlan copa pohui auh no matlactli omey in Acatl Icalaquian in Tonatiuh pohuí auh ca no matlactli omey in Tecpatl iz Cihuatlan pohui in ye mochi años in xihuitl molpia Capitulo Nican mítoa in quenin momatiz ihuan macicacaquiz in ontlamantli in huel yehuatl in Tonalli in tlayacana ihuan inic ontlamantitiuh in motocayotia Iquechol Auh ca otic hualitotiquizque in ipan in Tonalamatlapohualli iz ceceyaca ic omoteneuhque in intotoca iz cecemilhuitl tlahuica in tonalli tlayacattitica cecempantitica Auh niman yehuatl inic ompantitica in motocayotia Iquechol quitoznequí ihuical ixeliuhca Auh inic huel momatiz inic macicaquiz ca in yehuatl in tonal tocaitl in tlayacattitica in acachtopa moteneuhtica ca oncan pehua in itequiuh in yohualnepantla in iquac xelihui in yohualli ihuical in aquin in tlein Citlalin acachto moteneuhtica

() Iniquac in iz ceppa nonoca Oceloqualoque ipan Nahui Ocelotl in Tonatiuh auh in quiquaya chicome malinalli initonacayouh catca auh inic nenque centzon xihuitl ipan matlacpohual xihuitl ipan yepohual xihuitl ipan yenocaxtolxihuitl occe auh inic tequanqualoque matlac xihuitl ipan ye xihuitl inic popoliuhque inic tlamito auh iquac poliuh in Tonatiuh auh inin xiuhcatca ce Acatl auh inic peuhque in qualoque in cemilhuitonalli Nahui Ocelotl zan no ye inic tlamito inic popoliuhque Inin Tonatiuh nahui Ehecatl itoca iniquehi inic oppa onoca yecatocaque ipan nahui Ehecatl in Tonatiuh catca auh inic poliuhque yecatocoque Ozomatzin mocuepque inincal no in quauh moch ecatococ auh inin Tonatiuh zan no yecatococ auh in quiquaya matlactlomome cohuatl inin tonacayouh catca auh inic nenca caxtolpohual xihuitl ipan yepohual xihuitl ye no ipan nahui xihuitl inic popoliuhque zan cemilhuitl in ecatocoque nauh Ecatl ipan cemilhui tonali inic poliuhque auh inin xiuhcatca ce Tecpatl Inin Tonatiuh nahui Quiahuitl iniquehi inic etlamantli nenca nahui quiahuitl in Tonatiuh ipan auh inic poliuhque tlequiahuiloque totolme mocuepque auh no tlatlac in Tonatiuh moch tlacac inincal auh inic nenca caxtolpohual xihuitl ipan matlac xihuitl omome ¨¨¨ auh inin xiuh ce Tecpatl auh icemilhui tonali Nahui Quiahuitl inic poliuhque Inin Tonatiuh Nahui Atl itoca auh inic manca atl ompohual xihuitl on matlactli omome iniquehi inic nauhtlamantinenca ipan nahui Atl in Tonatiuh catca auh inin xiuhcatca ce Calli auh icemilhuitonalli Nahui Atl inic poliuhque (LG¨ p¨ )

Ca izcatqui itlatlauhtiloca in aquin amoxpouhqui Ma xicmomachilti ma xicmocaquilti in tactehuatzin in tamoxpohuani ca cenca necnomachiliztica ic nimitznotlazotlatlauhtilia ca in ixquich tlamantli in ipan icuiliuhtoc in iamoxtlallo in itlanca in ipoliuhca in tzonquizca in Mexicayeliztli inic omanca in teoatl tlachinolli inic oquimpeuh in Capitan Hernando Cortes Marquez de Valle inic yehuatl oquicalaquico in yancuican ic oc hualcalac in Mexico Tenochtitlan inic ohualcalac in iteotlanextiltzin in iteotonameyotzin in Totecuiyo icel Teotl Dios Jesuchristo in ineltococatzin in iximachocatzin in iteotlanel toquiliztlatoltzin ca amo mochi tlacatl quimati in aoccan nemi yoli tlacati ihuan in aquique yolizque tlacatizque in iquin on in ompa itztioalotiuh ca amo in machiz in quenin omochiuh ca in yehuantin in ye huecauh tlaca in imxicpan in imatian omochiuh caye omochtlanque omomiquilique in oquittaque in oquimahuizoquê in ixquich tlamantli oimpammochiuh Auh ca aocaque {aocac ya ne ¨¨¨} ca ye oyaque in canin ximohuayan ye oquimmotlatili in Totecuiyo Dios Auh inin amoxtli

Auh ca in nehuatl ca nicnotlacatzintli ca ninotolinicatzintli ca zan nitetozcatemilti ca zan nitetlaocolti in itechpa in nocnotlacayo canin quauhtla zacatla nicnotemolitine mi in tlein notech monequi iz zan itzalan nicquixtitiuh inin notlatequipanoliz ca inaquique ixtlamatque ca huel nelli ca niquinchoctiz niquintlaocoltiz ca nohuicpa tlaocyazque ihuan ic moyolehuazque inic nechycnelizque inic nechtlaocolizque _ inic nechyollalizque Auh ca zan itencopatzinco in Totecuiyo Dios inic yehuatzin onechmopalehuili inic onechmochicahuili ca amoma oc nitelpochtli ca ye onino tachcauhtili aocmo {oninohuehuetili} nichicahuac ihuan aocmo cenca neci in notlachializ ye ociauh ye oc ihiyocauh in notlacatiliz yoliliz ociauh oihiyocauh in notlalnacayo Auh ca yehuatzin in Totecuiyo Dios onechmochicahuili inic oniccencauh in ixquich tlamantli nican ipan in amoxtli icuiliuhticâ Auh ihuan cenca nimitznotlatlauhtilia in aquin tamoxpouhqui macamo quen ticchíhuaz in moyollotzin macamo noca tihuetzcaz macamo noca ticamanaloz ihuan  macamo tinechtlatzonhuiliz ca intla occenca itla ticmati intla oc itla amo nicacicamati in amo onictlali

Nehuatl nicnotlacatl

Auh ca ye otic hualitotiquizque in campa ohualquiztihuallaque in Azteca in Chicomoztoca Meciti Auh ca nican huel imonecyan inic tiquitozque in quenin quinhualquixti in quenin quinhualhuicac in huei tlacatecolotl tetzauhteotl ca in yehuantin in oncan huel chanchiuhticate in maltepeitoticate in oncan tlatotocati in oncan in Aztlan Chicomoztoc in huel yehuantin Azteca Chicomoztoca ca in macehualhuan catca in Mecitin atenca in tlatlamacahuan in otiquinteneuhque in tlatoquê Azteca ca in macehualhuan in tlatlamacahuan _ ocatca in Mecitín Atenca Auh in yehuantin in tlatocahuan cenca quintoliniaya cenca quinmotlacahuatiaya in momoztlae ye quimmaca in ixquich atlan mochihua in michin in cuêyâtl in têcuitlatl in izcahuitli in ocuiltamalli in axaxayacatl tlaxcalli Auh ihuan in acocolin ahuauhtli Auh niman yehuatl in canauhtli tlalalacatl tocuilcoyotl atzitzicuilotl apopotli yacatzintli ca cenca ic quintoliniaya in ixquich quimitlaniliaya iz zaye mochi in píxca in atotolin in imihuiyo ihuan in tlauquecholihuitl ca yeppa huei atenhuaque tlatlamani huei in atezcatl in quitocayotia metztli iapan huelquiyahualoticatca Auh ihuan cenca quincocoliaya cenca quintlaelittaya oquimpopolozquia oquimpehuazquia Auh in inteyacancauh ocatca tiacauh itoca catca Huitzilopochtli huei Tlacatecolopixqui intlayecolticauh in huei Tlacatecolotl tetzauhteotl cenca quitlacanotzaya quimottitiaya in Huitzilopochtli inic zatepan oquimixiptlati in Tlacatecolotl tetzauhteotl inic za itoca omochiuh Huitzilopochtli

Auh inic ontlamantli in aquique tiacahuan in oquichtin in tequihuaque in quachiquequê ca yehuatl in inintoca yezquê in tlamanimê inic namechnahuatia Auh in yehuantin in atle motlazotilizque in tlamachtilmatli maxtlayacatl in tlacuiloltilmatli in quetzaltlalpiloni iz zazoque nami in intlahuiz in inchimal ca cenca imochiuhyan inquetzalli in tlazochalchihuitl in ompan amacitihui ammacozque ic amechtlayecoltizque ca amo maquimati in necaliliztli amo caci camati in yaoyotl amo mimati in ixquichtin ye oncan onoque in otlalmaceuhque in acachto nepapan tlacâ on can ye tentinemi ye nem¨¨ohualquiztiaque in oncan anquiztiazque ca ye huel yehuecauh in mochintin nepapan tlaca ompa ye _ tentinemi ye nemoa ye tlatocatihua cenca xochitlalpan atle monectoc moch oncan imochiuhyan Auh in aquique yaotequihuazque atle inquaxoch atle quintlacahualtizque iz zazo tlein quinequizque moch quichihuazque iz zazo quezquin izcahuahuan yezque iz zazo can conannaxque in aquin cihuatl ayac maquintlacahualtiz moch iz cen nemac mochihuaz in izquitlamantli in qualli in yectli in ahuiac in xochitl in iyetl in cuicatl iz zazo ixquich

Auh inic etlamantli in aquíque mamaltin yezque quintizaozazque quimihuípotonizque quimpatizque tomahuac mecatl ic quinxillaxilpizque quimaztapilotizque cenca quintlaqualtizque quintomahuazquê cecempohualilhuiticâ in quimmictizquê inic ilhuichihualozque mitotitinemizquê Auh in íquac imoztlayoc miquizque cenyohual tozozque tlaquazque mitotiz que tlahuanazque in âzo âcâ quinequiz cihua cochiz macozquê in ahuianimê cenca miequintin onyexquê iz cihuatlahueliloquê in ahuianime Auh cenca zan huelyehuatl in quauhyotl in oceloyotl ic tlamamani in yaoyotl ic antlamamauhtizque ye ica iz cenca mochi tlacatl quinequiz quelehuiz in tiacauhyotl

Auh inic chicuacentlamantli huel huecapan imomoztli teocalli temamatlayoticaz in oncanic tlecoaz in tlacpac oncan icaz tlalnepantla in techcatl huei tetl tlaxixintli in oncan quimeltequizque in mamaltin ihuan oc cenca miec in tlacatecolotl ic oquinahuati in Huitzilopoch in omoch eixahui/ quineltilitinenque in oquichiuhtinenque cenca mochteizahui temamauhti in tlacatetolonahuatilli in ic oquinahuati in Huitzilopoch in amo moch nican micuiloa iz zan mocotona Auh zan oc yehuatl tiquitozque inic oquinhualyacantia in tlacatelotl iniquac oncan oquinhualquixti in Aztlan Atezcapan in oncan in _ Mecítin ca iniquac oncan ohualquizque ca quitoa huel cenxiquipilli ihuan macuiltzontli in ye mochin toquichtin cihuâ telpopochtin in oncan ohualpanoque in ilhuicaatl ixeliuhyan inecauhyan ocotlalhuactiaz in atle atl ocatca iniquac ohualpanoquê in ye mochintin Mecitin niman oncan oquimilhui in tlacatecolotl oc oncan onxiuhtixque oncan oc moch quichihuazque in ixquich yaotlatquitl chimalli macquahuitl tlahuiztli huei mitl in atlatica ic motlaza in amo tlahuitolli zan oc yehuatl in patlahuac itzmitl huel cemmatl in tomahuac acatl mamazoa in atlaticâ ic motlaza zan momahuia

Auh ca iniquac in canin otlaqualittac in tlactecolotl in quexquich quitocazque in azo yeilhuitl noce nahuilhuitl acachto conilhuia in itetlayecolticauh in Huitzilopoch inic quincaquiltia in ixquichtin in imacehualhuan inic quinnemachtia inic amo motequipachozque yeica ca cenca tlaihiyo huica in ipampa in itlaqual Auh yece in tlacatecolotl quimmacatihuitz in ixquich tlamantli intechmonequi ca ompa quimoncuilia in canin quimati in oncâ in qualoni in tonacayotl in iquac cana impan tlathui in oncan icâc in ímomoz in izacapepech in tlacatecolotl oncan quitta iz cintli tlaxcalli tamalli chilli iztatl ayotli ihuan in ixquich qualoni niman oncan mochi tlacatl quinmamaca in inteyacancauh in intlatocauh Huitzilopochtli ca moch nohuian iuh quinchiuhtihuitza in tlacatecolotl inic quintlaqualtitihuitz in Mecitin in canin ohuican quauhtlâ texcallâ hualquixtihui yeica ca quinyacantihuitz in tlacatecolotl quauhtli quimonahualtitihuitz impan patlantihuitz quinyacana ca iuh oquinanahuati in ite _ tlayecolticauh in Huitzilopoch in intlatocauh mochiuhtihuitz in Mecitin in quilhui ca mamech yacantiaz in campa anyazque /zan ximechi¨¨tihuian Auh in iquac oncan/ quauhtli ipan niquiztaz namechtzatzilitiaz in campa anyazque zan xinechitztihuian Auh iniquac oncan onacito in canin onitlaqualittac in amotlalitihui oncan ninotlaliz oncan annechittazque aocmo nipatlaniz inic niman oncan xicchihuacan in nomomoz in nocal in nozacapepech in canin one huaticatca Auh oncan mochi tlacatl mocaltiz ammotlalizque auh ca nohuian iuhqui oquihual chiuhtia in tlacatecolotl Auh inic amo cenca tic hueyaquilizque inin tlatolli zan ixquich ce ticentzonquixtia in izquican ohualtepeuhtiaque in Mecitin Auh ca yeehuatl in itech icuiliuhticâ in temalacatl yahualtic tlahuahuanaliztetl in oncan mani in inahuac in Iglesia mayor Mexico

Auh ca in yehuatl in acachto icac in icpac in itzontitech catica ca yehuatl in nezca in Mecitin Auh in occe tlacatl in icpac onoticac ca yehuatl in canin altepehua in opehualoc in malli mochiuhtica ca oncan icuiliuhticâ in tetlacuiloltitech in itoca in cana altepetl cececni cacalloticac nohuian quiyahualotica in patlahuac temalalachtli ca aocac quimati in tlein totocayocan ca nel omochmicque in huehuetque in oquimatia in itlatlatollo in tetlacuilolli

Auh ca otihualitotiquizque in ixquitlamantli inic oquinahuati in tlacatecolotl in itetlayecolticauh Huitzilopoch ca in ixquich cahuitl in onenca ihuan in quezquican ohualtepeuhtia ca izquican moch oquineltili in itlanahuatil in tlacatecolotl in inyollo in imezzo in mamaltin ixpan quihuenchiuhtihuitza ihuan quiquatihuitze in innacayo in mamaltin inic yehuantin oquiteittitique in Mecitin inic tlacanacaquani itencopa in huei tlacatelotl Auh ca amo quimatia in ixquich ic nohuian ônôâca ca amo tlacanacaquani ocatca auh ca in quihuenchihuaya in imixpan inteohuan catca ca zan yehuatl in imezzo in ixquichtin yoyolimê ic centlapanahuia in huei huentli in zozoltin quinquechcotonaya imixpan in imiz tlacateohuan catca yeica ca acan mania in yaoyotl in necaliliztli acan quaxochtli icaca zan mochi tlacatl cecencatca in intlalmacehualpan in acachto ohuallaque in tetahuan in tenanhuan omochiuhque in omotlacaxinachoque

acazomo aca amehuantin anquittatihui in oniquito in onicteneuh in canin anepantla in canin metztli iapan xochitlalpan tonacatlalpan ca iuh quitoa ca iuh quitenehua in toteuh in tetzauhteotl ca oc huecauhtica in acitihui in aquique amocotoncahuan amohuampohuan Auh ca ye anquimati ye niman Colhuacan otopan mochiuh in xihuitl inelpiayan ye ompohualxihuitl ommatlactli omome in iquac tihualquizque in Aztlan in Chicomoztoc in oncan otechpopolozquia in totlatocahuan in totecuiyohuan ocatca in Aztecâ in Chicomoztocâ in Altepechiuhticate

Auh yece macihui in timiquiz inic totlan tonahuac yez in moyolia ca amo ic mitzxiccahuaz in toteachcauh tetzauhteotl ca in momiyoitic in moquaxical itic ca oncan motlaliz ca oncan mopampatlatoz iuhquimma zan oncan tiyoltica ic quimatizque in ixquixtin macehualtin ca iquac intla itla quinemizque in tlenamacaquê in huehueintin mozauhquê tlamacazquê tlenamacaquê ca tiquimilhuiz ca tiquinnahuatiz in tlein quichihuazque ic tiquinyollaliz in ixquichcahuitl otlatocatiazque ihuan iquac in acitihui in ompa annemactilo anepantla metztli iapan xochitlalpan tonacatlalpan in oncan tepehuazquê in oncan tlatocatizque in oncan tlayecotilozque in oncan macozquê in quetzalli in chalchihuitl in tonacayotl ic tlayecoltilozque oncan cemanahuac ic tlamauhtitiezquê in teoatl tlachinolli mitl chimalli ca ye otinahuatiloc inic tic huenchihuax tohuicpa tixpan in inyolllo in imezzo in aquique mamaltin ye oc anquimacizquê _ ihuan in ixquichtlamantli ic oticnahuatiloc in totlayecoltiloca mochihuaz ca yehuatl mochi ic tiquintlaquauhnahuatiz in ixquichtin monecacahualhuan tiquincauhtiuh ma iuh xiquinnahuati in iquac oquiz in moyolia inic otimic ma tepetlacalco quitocacan in monacayo oncan oc nauhxihuitl onoz in momiyo occenca palani tlalli mocuepa in monacayo catel oncan tiquinnotzaz in motetlayecolticahuan tlenamacaque in iquac mitzquixtilizque niman topco quimilco quitiemazque in momiyo momozticpac teocalticpac quitlalizquê qualcan yeccan onoz in iquimillo in itopyo in momiyo

In itzonquizalizhnan nozo itlamilizhuan in tlacatl ca nahui

In tlacatl qui pia in ineltococatzin in Jesucristo ca oqui monetólti itech in isanto necuatequiliz

Catle huel achtotipa itlatlalil in tlacatl

Tleinic itlamiliz ochihualoc in tlacatl

Ipan in tlatzontequililiz ilhuitl hualmoizucah ica cenca huey netimaloliztli ihuan tlátocamahuiztiliztli inic tech motlatzontequililiz ihuan quin momaquiliz cécen tlacatl in yuh itlachíhual auh in cualtin quin momaquiliz cemícac yoliliztli ipampa oqui pixque in itenahuatiltzin ihuan in amo cualtin quin momaquiliz tonehuiliztli ihuan cemícac miquiliztli ipampa amo oquin mopielíque

In aquin amo tlamelahuaca chihualiztica temahuizpoloa nozo in ichtacáyotl qui nextia nozo iztlacatlátoltica qui tenquixtia

Nacatl Carne

Tlacatl Hombre persona individuo

In itech onactica ihuan ontzauctica in Imelahualoca ihuan in Icaquiztica in izquitlamantli nepapan Teotlatolli ihuan Teotemachtilli in cemixquich in Teotlaneltocani in Christianô Tlacatl ca huei inahuatil huei imamal inic cacicamatiz quichicahuacaneltocaz ihuan quitequipanoz inic momaquixtiz

Auh in axcan Nopilhuanè matel amîtic xontemocan ma amoyollocaltitlan amoma xoconcalaquican ximocuitihuetzican ihuan maxinechilhuican Quemmach amehuantin anhuelitizque in izquitlamantliin anquichihuazque îhuan anquitequipanozque intlacâmo anquimati ihuan ancácicacequi Quenami anhuelitizque anquimonemiliztizque ihuan anquicxitocazque in nepapan qualli in nepapan yectli intlacâmo anquimatî catli in qualli catli in âmo qualli Auh ipampain ô namechtecpanili ihuan macehualcopa onamechcuepili ihuan onamechîcuilhui in amomexîcatlâtolcopa yehuatlin Nemachtiloni in itech onacticâ in izquitlamantli in itech ompohui in cemixquich in Teotlaneltocani Christianô Tlacatl Noihuan nican îcuiliuhtimani in cecentlamantli in imelahualoca in icacoca in icaquiztica in Teotlâtolli inic ancâxilizque ihuan anquimelahuacamatizque in çaço itla âmo ancâcicacaquî ânoçe in itech ammoyoltzotzonâ amomeyolloâ ammoyolmâmalacachoâ canoço ca in ixquich in Teotlâtolli huel chipahuacayotica huel melahuacayotica nican cececniquizticâ cecentlatlamantiticâ inic âmo ancôhuicanextizque ihuan inic çann man ammocenyolpachihuitizque

Auh itechcopai ticmatizque ihuan tictoyollotizque câ in ipan mochi inon Ilhuitl motenehua Temporas nohuian in ipan in Ocimotztlayoc motenehua Invigilias in cequintin in Santôme ihuan in ipan in cemixquich in Neçahualizcahuitl in motenehua Quaresma noihuan in Cecenviernestica in chichicueilhuitica Xiuhpan quiztiuh ca nelli ca ipan mochi inon Ilhuitl manel Domingo no oPielo Ilhuitl yez hueliti ç nen çan ilihuiz quiquaz Nacatl Auh intla in çaço aquin çannen quiquaz ca temictiani tlâtlacolli quichihuaz ic cenca quimoyolîtlacalhuiz in Dios

Tel ca nelli ca inîquac in itlacatilitzin in Totecuiyo Jesu Christo huel ipan motlaliz in Viernes quiniquac mochi Tlacatl huelitiz in ipan inon Viernes quiquaz nacatl Canoço yuh otechmotlaocolili in Tonantzin Santa Iglesia inic tictopaccamahuiztililizque in Itlaçotlacatilitzin in Toteotemaquixticatzin Jesu Christo

Zanyenoyuhqui ticmatizque Ca ye mochi Tlacatl in nican Mexîco Chanê noço Tepehuâ Auh manel âmo nican Mexîco Chanê yez yece nican Mexico pohui ca in Itlapohual Itlatilanal omochiuh in quimotlaca machitia in Toteopixcatlâtocatzin Señor Arzobispo in nican Mexîco moteyacanilia Ca nelli ca mochi yehuatlin Tlacatl in Cecensabadotica in cahuipan quiztiuh hueliti quiquaz nacatl iniquac ipan in Sabado âmo motlalia noço Quaresma noçe Temporas anoço Vigilia Auh intla âço itla in ye omoteneuh Sabadotica motlaliz ca nelli ca niman ayac huel nacaquaz caçan monacacahualtiz inic âmo quimoyolîtlacalhuiz in Dios

In itech îcuiliuhtoc Imilhuitzin in Santôme ihuan in oc izquitlamantli in cecexiuhtica quiztiuh Auh in Pieloni Ilhuitl in intech ompohui in Macehualtin inic Missa quicaquizque ca ome Cruztica momachiotia inyuhquin auh in Pieloni Ilhuitl in amo intech pohui in Macehualtin ca çançe Cruztica momachiotia in quenamî in Noihuan cecemilhuitica motenehuaz cuix pielo noço âmo pielo Ilhuitl auh in ipan cecenvigilia motenehuaz cuix neçahualo ânozo çan nacacahualo câ âmo moquaz nacatl in yuy ye tlacpac omoteneuh

In cemixquich in Teotlaneltocani in Christianotlacatl ca huei imamal huei inahuatil inic tlateomatiliztica quimahuiztiliz in Imiquizquauhtzin in Totecuiyo Jesu Christo ca yehuatl in Santa Cruz in itech otlazotic otlacauh in Iteoyollotzin inic momiquiliz ihuan techmomaquixtiliz in itechpa in totlâtlacol ihuan intechpa in Toyaohuan in Mictlan Tlatlacatecolô

Subtileza Inic centlamantli Ca yehuatl in Nalquiçaliztli ic in Tlacemicnopilhuani in quemmachami Tlacatl manel nacayôcatzintli hueliti cennonohuian calaquiz noço quiçaz ca noçonel niman âtle in mâitla huel quitzicoz quelleltiz noço quitzacuiliz

In Tlalticpactlacatl in Itzonquizaliz in Itlamiliz ca nauhtlamantli

Cecenchristianotlacatl cenca huel quimocuitlahuiz inic momoztlaè quimomahuiztililiz ihuan quimotlatlauhtiliz in Yehuatzin Santo in Itocatzin quimopielia ihuan ic motocayotia

Tetl Auh cuix Titlaneltocani Cuix Tichristianotlacatl

Ten Ca quemmacátzin Ca Nitlaneltocani Ca Nichristianotlacatl in ipaltzinco in itetlaocolilitzin in Totecuiyo Jesu Christo

Tetl Tlein quîtoznequi Tlaneltocani nozo Christianotlacatl

Tetl Catlehuatl in oc huel achtopa huei inahuatil ihuan ineixcahuiltequîuh in Tlaltipac Tlacatl

Tetl Auh tlêic ochihualoc in Tlalticpac Tlacatl

Ten Ca in ipan in Tetlatzontequililizilhuitl inîquac ontlamiz in Cemanahuac occepa nican hualmohuicaz in Totecuiyo Jesu Christo cenca huei netimaloliztica ihuan Tlatocamahuizotica inic Techmotlatzontequililiz ihuan inic in Cecentlacatl quimotlacuepcayotililiz in yuh itlachihual Aun in qualtin quimmocemmaquiliz in cemîcac pápaquiliztli Gloria auh in amo qualtin quimocemmaquiliz in cemicac tonehuiztli ihuan in aic cahuiz miquiliztli

Ten In aquin âmo melahualiztica temahuizpoloa noço in ichtacayotl çan nen quiteixpantilia ânoço iztlacatlâtolli quitenquixtia

Ten In quexquich yuh quinemitiâ in Melahuacatlacâ

Tetl Auh inîquac aca tlacatl iyollocacopa ca zan ipinahuiztica nozo inemauhtiliztica quitlatia quixpachoa manel centetl temictiani in itlâtlacol tleipan mochihua

Ten Ca moyolchicahuaz inic quimocuitiz ixquich in itlátlacol in oquixpachô ca nel mochi tepôpolhuiloni auh niman aic hueliti in Teyolcuitiani aca occe tlacatl quimixpantiliz No ihuan quimocuitiz in ye quezquipa çannoyuh tlátlacoltica omoyolcuiti ihuan otlaceli

Tetl Auh intla ca nelli ca inin Teoteyectililoni Sacramento ca yehuatl in niman âmo îtoloni Teoichtacatlamahuizolli in zan impaltzinco in Teopixque ipan Missa mochihua tlein nel in oncan in toyollo îtic ticnemitizque

Tetl Azomâ tiquitta ca in Teotl Dios ca cettiticâ inic Teotl Dios ihuan ca Yeittiticâ inic in Personasme Anozo tiquitta In quenami in Totecuiyo Jesu Christo ca nelli Teotl Dios ihuan ca nelli Tlacatl Oquitzintli

Tetl Auh inic noyollo ompachihuiz nimitztlatlania Intla acâ huel huei Tlâtlacoani Tlacatl quichihuaz inin Neyoltequipacholiztli Contricion ihuan âhuel in imiquiztempan moyolcuitiz amono huel quimoceliliz occentetl Teyectililoni Sacramento ihuan zanyenoyuh momiquiliz ma xinechilhui Inin tlâtlacoani Tlacatl cuix tlâtlacolpôpolhuiloz Cuix momaquixtiz Anozo in ompa centlani Mictlan huetziz

Ten Ticmatiz Noteicatzinê ihuan ma ic moyollo ompachihui Ca çacenca huel nelli çacenca huel melahuac ca inin Tlâtlacoani Tlacatl cá tlâtlacolpôpolhuiloz ca momaquixtiz ca quicnopilhuiz in cemîcac in Ilhuicac pâpaquiliztli Gloria ihuan ca niman âmo centlani Mictlan huetziz

NICAN MOTENEHUA in Tepiton Teotlâtolli in mochi Christianotlacatl huel quimoyollotiz itencopa quimatiz quimelahuacacaquiz ihuan quichicahuacaneltocaz in ocyecenca inîquac moyolcuitiz Auh in quezquipa quiyehuacaquiz inin Teotlâtolli nozo in Neyoltequipacholiztli zacno izquipa quicnopilhuiz ompohualilhuitl in Tlaihiyohuilizcaxahualiztli

Tetl Auh inîquac in Tlalticpactlacatl miqui cuix noihuan miqui in Ianima in quenamî miqui in Itlalnacayo

Tetl Auh tlein quichihuaz in Christianotlacatl inic qualli ic quimoceliliz in Santissimo Sacramento

Cenca huel totech ommonequi ihuan ma ic ompachiuhtie in Toyollo Ca inîquac acâ Piltzintli in ayamo yuh omoquaatequi ca huellanauhtoc huel miquizôhuititicá ca huel îciuhca miquiz auh niman ayac monextia in Teopixqui inic quimoquaatequiliz ca nelli ca iquacon in cemixquich Tlacatl in zazo aquin yez ma Caxtiltecatl ma Macehualli ma Oquichtli ma Cihuatl ma huei Tlacatl ma Piltontli intla yê ixtlamatqui ca nozo mochi Tlacatl hueliti quiquaatequiz inon Piltzintli inic momaquixtiz Auh zanyenoihui intlacayac occe Tlacatl monextia in quiquaatequiz ca immanel in Itâtzin nozê in Inantzin in Piltzintli yez onhueliti quimoquaatequiliz Ca nel yuh tech monahuatilia in Dios Auh intlacamo no yuh tictequipanozque inîquac huel tetech ommonequi ca nel ca in yehuatzin in Dios cenca huel tictoyolîtlacalhuizque

Auh intla in Piltzintli âhuelquizaz âhuellacatiz ca zan huel in Imatzin nozo in Icxitzin quinextiz ca iquacon ma acachtopa motlapachô in Mixiuhqui auh zatepan ocyequalli yez in ma Cihuatl Temixihuitiani ánoze occel Cihuatl quiquaatequi in Piltzintli in ipan in Imatzin anozo Icxitzin in tla nel in yehuatl in Cihuatl quimati in quenami mochihua in Tequaatequiliztli auh in tlacamo quimati ma in zazo acâ occe Tlamatini Tlacatl quimoquaatequili Auh zan no yuh achtopa quitlaliz in Iyollo inic tequaatequiz intla onhueliti ihuan in quenamî onhueliti Auh zatepan quitecatiáz in Atl ipan in Imatzin nozo in Icxitzin in Piltzintli ihuan ic quinánamictitiaz in Teotlátolli in yuh ye nican omoteneuh

Auh in itechcopai cenca huel nicnotlatlauhtilia in cemixquich in Christianotlacatl in ipaltzinco in Iteoezotzin in Totecuiyo Jesu Christo in ma in Cecentlacatl quimocuitlahui in quimomachtiz ihuan itencopa quimatiz inin Tequaatequiliztli Auh in occencayê quimatizque in Titicî in Tepâtianî ihuan in Cihua Temixihuitianî inic quimomelahuacanemiliztizque inîquac ommonequiz Auh in ipampa nican icuiliuhtimani in quenamî momelahuacatequipanoz inin Tequaatequiliztli inic mochi Tlacatl quimatiz quimiyollôtiz ihuan in imonequian quimonemiliztiz Ca nozo nel ic cenca huel tiquintopalehuilizque in motoliniâ in Pipiltzitzintin ihuan âmo zanquenamî tictohuellamachtilizque in Toteotzin ihuan in Totlazotemaquixticatzin Jesu Christo

Ma cenquizcayectenehualo in cenca huel Neteotiloni Mahuiztililoni Teotlamahuizolli Sacramento in îtictzinco huel cemáciticá ommoyezticâ in Totecuiyo Jesu Christo huel nelli Teotl Dios ihuan huel nelli Oquitzintli Ocnoihuan ma cenquizcayectenehualo in teîtic in Iyancuicannetlalilitzin in Icenchipahuacatlacatililocatzin in Cemîcac Ichpotzintli Tlâtocacihuapilli Santa Maria in Dios Itlazomahuiznantzin ihuan Tocihuatecuiyotzin in Itetzínco aic mâquemman oácic in Tlacatzintiliztlátlacolli Ma yuh mochihua Jesusê

Vitzilubuchtli çan maceoalli çan tlacatl catca naoalli tetzaujtl atlacacemelle teixcuepanj qujiocoianj in iaoiutl iaotecanj iaotlatoanj ca itechpa mitoaia tepan qujtlaça yn xiuhcoatl in mamalhoaztli q n

] yn iquac tlaiaoaloaia motocaiotia paynal ipampa ca cenca qujtototzaia qujmotlalochtiaia Auh in maceoalti qujtocaia qujtlalochtocaia coiohujtiuja qujcaoatztiuja teuhtli qujquetztiuja tlalli qujpototztiuja iuhqujn tlaixqujqujça tlalli tetecujca auh ce tlacatl qujnapalotiuja Auh ynjc muchichioaia teuquemetiuja quetzalapanecaiutl in contlalitiuja ixoacalichioale ixcitlalichioale mixcitlalichiuh xiuhiacamioa vitzitzilnaoale eltezcaoa xiuhchimale

Tlaloc tlamacazquj ynjn ipan machoia in qujiaujtl ca iehoatl qujiocoaia qujtemoujaia qujpixoaia in qujiaujtl yoan in teciujtl qujxotlaltiaja qujtzmolinaltiaja qujxoxuvialtiaja qujcueponaltiaja qujzcaltiaja in quaujtl in çacatl in tonacaiotl Yoan no itech tlamiloia in teilaqujliztli in tlaujtequjliztli Auh ynjc muchichioaia tlaixtlilpopotzalli tlaixolhujlli motliloçac ixmichioave ixmichioauhio auachxicole aiauhxicole aztatzone chalchiuhcozque poçulcaque notzitzile aztapilpane

Cioacoatl tequanjj yoan tetzaujtl tetetzaujanj icnoiutl qujteittitia ca mjtoaia victli mecapalli qujtemacaia ic temotlaia Auh ynjc moteittitiaia motenextiliaia iuhqujn tecpan cioatl nanacoche iitznacoche iztaian moquetza iztaian actica iztacatla ycaia iztazticac vel panj qujquetza yn ij

] njman ce tlacatl onmaqujaia yn jeoaio yn nepantla oalmoquetzaia vmentin ycuexoã qujujcaia qujtzatzacutiujia motiçauique motlotloujtecque çan pepetlauhtiuj in memecamaxtli amacalli in qujmama mahmalacaquetzallo ichcaxochiio hiujquetzallo vmpa concaoa in tocititlan quauhtlapechco contlaliaia yn jeoaio Auh ynjc nechichioale motenolcopi tlaxapuchtli qujmotlatlalili yn jcamapã ichcaxochioa çoiatemale cuechcueie mocuechcueti ic mitoa citlalli ycue citlalcueie quavîvih tzetzeliuhquj yn jujpil quauhtzetzeliuhquj iztac quavihujio quauhteuitzço yn jchimal teucujtla ytixapo totoicxiio popoa jzqujce

] ilhujtinemj qujcujcatia in calpoleque ycujcacaoan Auh in vel ixiptla iquac mjquja tlacotli cioatl in qujcoaia iehoan qujnextiaia yn anamacaque yn atl yc motlaiecultia yn acaltica atlacuj yn acaleque yn apantlaca yoan acalquetzque tianquizco in qujtechieltia atl No iuh qujchichioaia no iuh qujtlamamacaia no iuh qujcencaoaia iuh tlantiuja yn miquja ytocaiocan tlalocan yn vncan inteupan tlaloque queltetequja In jquac y no cenca qujmaujztiliaia yn motecuçuma ixpan tlenamacoia yn jxiptla qujtlacotonjlia iuh qujtoaia qujiauhtlatlanj in tlacatl qujtlamacehuja yn jmaceoal yoan vncan mocnelilmati ynjc qujmahujztiliaia atl qujlnamiquja ca ic tinemj ca tonenca yoan ic muchioa yn ixqujch tetech monequj No iuh qujmaujztiliaia yn jxiptla tonacaiotl yn jtoca chicome coatl yoã yn j xiptla iztatl ytoca Vixtocioatl ic qujlnamjquja yn ie tlamanjxti [fol v

] yn mojolmelaoaz in tlapilchioale achto qujtlacaqujtia in tlapouhquj qujlhuja Ca ytechtzinco njnaxitiznequj yn tlacatl yn totecujo yn tloque naoaque yn totecujo y ioalli yn ehecatl ytoptzin ypetlacaltzin njcnottitiliznequj Qujlhuja yn tlapouhquj otimotlacnelili qujnaoatia ynjqujn oallaz qujpepena in tonalli qujtta yn jamux yn jtlacujlol qujtta yniqujn qualli tonalli yn ieccan in qualcan mjtoa qujtonalpepenja Auh yn ie yquac in ie ynaoatilpan iancujc petlatl quicoa yoan copalli yoan quaujtl yn tlamauizti in tlamaceuhquj çan ichan yn moiolmelaoa ie vmpa iauh in tlapouhquj Auh anoce teujc iauh in tlamaceuhquj iancujc petlatl in moteca vellachpano yn vncan motlalia yoan tletlalilo njman copalli contema in tleco in tlapouhquj qujnotza in tletl qujlhuja Teteu ynnan teteu inta veueteutl njcan oallatia in cujtlapilli [fol

] yn atlapalli yn maceoalli njcan chocatiujtz tlaocuxtiujtz moteupouhtiujtz ancan omalauh ancan omotepetlami ancan oqujnamic yn vitlallotl in tocatzaoalli yn çacamitl a qujiolitlacoa qujtequjpachoa Tlacatle tTotecujoe Tloquehe Naoaquehe manoço xicmocujli ma xicmocaqujti yn inentlamachiliz yn maceoalli Njman qujnotza yn moiolmelauhquj in iehoatl tlapouhquj qujlhuja Tioalmovicatia yujctzinco iixpantzinco in Tloque Naoaque ticmolhujlico ticmomaqujlico yn miiaca in mopalanca ticmotlapolhujlico in motop im mopetlacal a ma no ceppa ieh njcan timatoiauj timotepexiuj ma ixpantzinco ximopepetlaoa ximomamaxauj in Tloque Naoaque in Totecujo in Ioalli in Ehecatl A cujx tictlacaittaz in Totecujo a cujx mitztlacanotzaz ca ioalli ca ehecatl Auh ynjn quentiujtz ma xictlapo im motop in mopetlacal ma xicpoa in monemiliz in motlachioal yvin [fol v

] yvin conjtoa yn iuh qujchiuh im ma ca çan vtli cencan qujtocatiuh yn itlachioal yn iuhuj cencan qujtocatiuh Auh yn otlamito yn itlatol y no muchi qujto ytlachioal qujnanqujlia in tlapouhquj yn ixtli yn nacaztli muchioa in teujujti in tepatilloti qujlhuja O ca ticmononochilia ca ticmomaqujlia in Tloque Naoaque im motlachioal in monequavitec Auh ynjn ca izca yn taiz yn ticchioaz yn iquac temoa yn iquac temo cioapipilti anoçe yn iquac ymilhujuh cioapipilti yn ixcujname naujlujtl timoçaoaz timocujtlaxculçaoaz timotenoatzaz Auh yn iquac vel ilhujtl in ie oallatujh in ioaltica tiçacatlaçaz titlacoqujxtiz ynjn motlapilchioal iuh ticnamictiz y auh ynjn iuh namique ez y auh in quenjn ticnequjz iuh ticnequjz intla tiçacatlaçaz iehoatl in teucalçacatl tiqujxtiz anoço tlacotl Auh aço monacazco in titlaqujxtiz anoço monenepilco Auh [fol v

] ynjc tiqujztiz ca amo ma çan titlamaçeoa ca teuhtli tlaçulli in tictlaça tictlacoçoz ticcujtlacueponjz yn monenepil mixpampa ticaqujz motzintlan in ticqujxtiz in tictlaçaz aço çan cecen in ticqujxtiz anoço çan ticcenqujxtiz tictlatlaçalhujz yn aço centzontli aço vntzontli in ticqujxtiz tlacotl ic poliujz in motlatlacul in motlapilchioal im monequal Auh intla çan xicca yn itlapichioal tlamaceuhquj qujlhuja timotenoatzaz titlacatlaquaz timocujtlaxculçaoaz naujlhujtl anoço qujlhuja titlatotiz timoteteuhcaoaz titepiqujz anoço qujlhuja ca nel vctli yn ipan otitlaneçomalti tiqujnqujxtiz in totochtin Auh qujlhuja ynjc qujnaoatia yn iquac tiaz yn titlamaceoaz ioaltica atle motech vetztiaz tipetlauhtiaz yn momaxac amatl tlaitzcopeoalli in mantiaz centetl micampa motzintlampa mantiaz Auh yn iquac tioalmocuepaz vmpa tocontlaçaz yn imixpan totecujoan yn teteu ym mamacue [fol

] mochichinoz ipampa in iancujcan oqualoc oauhqujltamalli ynjc otlamanaloc Auh in pipiltotonti muchintin qujntlaxqujaia yn aca coatl cujiatl xoujli axolotl tototl in çaço tlein oc acic ioioli ycamac contlaçaia in tlecujlli ic mitoaia motlaxquja yn Tota Auh yn oiooac noujan tlatlaoanaia in vevetque ylamatque iuh qujtoaia qujtlatoiaujliaia yn tletl texcalceuja Auh nauhxiuhtica yn oc cenca maujztililoia ilhujuh iquac motecujotiaia yn Motecuçuma ixpan yn iteucal Xiuhtecutli itocaiocan tzonmulco Auh in iquac hy vel muchi tlacatl vel no ixqujch tlacatl qujpaloaia qujltequja in vctli in pipiltotonti ic motocaiotiaia pillaoano yoan vncã qujntlatiaia qujntlamahujtiaia in pipiltotonti Ce cioatl ce oqujchtli in qujntemoaia pilhoaque qujntlauhtiaia tehoantin qujnmamatihuja [fol v

] cioatl ipan oqujchcochiz mitoaia qujntlaçulmictia yn ineçaoaliz ic qujtemacaia tetech qujtlaliaia qujteilhujltiaia qujtemaceoaltiaia in xochiciujztli yn menexoaliztli tlapalanaltiliztli quexiliujliztli yujcpa nêtoloa nenetoltiloia ynjc qujceujz ynjc qujquanjz ynjc qujcaxaoaz cuculiztli Auh yn iquac ilhujqujxtililoia ipan xochilhujtl achtopa navilhujtl nexochiçaoalo in cequjntin ic moçaoaia chilcaoaia qujn nepantla tonatiuh in tlaquaia centlaquaia ioalnepantla qujmattiuh tlacujlolatulli in qujia xochitontli yn ipan ca moxochiçaoa muchi qujqua in velic çan no nepantla tonatiuh qujmattiuh Auh yn aca çan qujxcaviaia in iotlaxcalli qujquaia atle chilli no nepantla tonatiuh qujmattiuh yc tlamacujlti yn ilhujqujxtililoia iquac ce tlacatl qujmixiptlatiaia conmaqujaia yn itlatquj ipan mitotiaia qujtlatzotzonjliaia qujcujcatiaia yoan [fol v

] in ie nepantla tonatiuh tlacotonaloia neçuoaia tlacoqujxtiloia yoã tlamanjliloia yn iteupan macujltetl in qujchiujliaia tamalli mitoaia tlacatlaqualli cenca vevey ipan ycatiuh xuchmitl yn aca quauhcaxitl ynjc conmanjliaia yoan contoqujliaia oc no macujltetl tamaltepitoton mollotiuja yoan vntetl tzoalli y iol poujia no cecnj quauhcaxtica mantivia centetl tliltic centetl tlatlauhquj Auh yn aca izqujtl anoço necuzqujtl anoço xonecujlli papalotlaxcalli iotlaxcalli tzoallaxcalli tzoalchimalli tzoalmitl tzoalmaquaujtl tzoalnenetl yoan noujan oalcaoaloia in mamalti njcan Mexico moteneoa maltequjme yn ixqujch techiaoalotoc yn iautenoaque yn iaotenco onoque qujnoalcaoaia yn inmalhoan yn intlaaxioan inmaltequjhoan muchioaia njcan qujnpiaia yn calpixque in cacalpixque [fol

Injc caxtolli capitulo ytechpa tlatoa yn teutl yn itoca Omacatl

Injn Omacatl vitznaoac teutl catca yn itech tlamiloia in piqujliloia qujtoaia ca iehoatl imactia in cooaujtl in tecooanotzaliztli in tetlacamatiliztli in tetlatlaqualtiliztli ymatiian muchioaia [fol v

] yn innecentlaliliz yn innecenqujxtiliz teoaiolque techã vicoia vmpa maujzmachoia necujtlaujloia yn ixiptla Auh no qujtooaia yntlacamo maviztililo yn iuhqujma cooanotzalo tlavelcuja tecochpa anoço tecochizpan teaoaia qujlhujaia yn aqujn qujtemiquj In tehoatl tleyca yn amo tinechmavizmati njmitztlalcahujz auh iene njcmati in tlein mopan njcchioaz Auh intla cenca moçuma yn iquac tlaqualo miecpa tzontli qujtetololtia in atl in tlaqualli ipan Auh yn aquî yn mitoa teuqua miecpa mococoa ynjc qujtolinja melcima ycopac milacatzoa in atl meltepotlamia in iquac tlaqua auh yn tlanenemi motepotlamia motecujnja motlavitequj Auh ynjc ilhujqujxtililoia yn aqujn teuqua achtopa qujchioaia teumimilli yiomiio in teutl catca çan tlacatl teupixquj calpole cenmolicpitl ynjc hujviiac vel totomaoac mimiltic Auh [fol

] yn aiamo nemamaco oc achtopa tlatlaqualo atlioa tlaoano auh yn otlathujc conjtitzopinja yn omacatl conmictia njman ic nemamaco netlatlapanjlo nexexelhujlo in teumimilli iquac quaqualo iuhqujn ic tetzoiotiloia tetlacaqujtilo tetlalhujlo temolcaoaltilo ca yn aqujque macoia yn iquac ie ilhujuh qujçaz mocujtlaxcol ixtlaoaia mopopooaia ipampa ca ontlaxtlaoaia In inechichioal catca ihvitzoncale quauhtzoncale yoã yquauhquen tenchil naoaio ycuechin ielpancozquj cyli tezcatlatlapanquj yn ixaiac yn inechichioal ytiçanacoch ytiçachimal amapaio itlachiaia ymac catca ytolicpal acacpalli

] Teutl catca çan quavitl yn iteupan catca ytocaiocan tlacujlocan in vncan yteupan miec yn apaztli tzatzacutimanca motocaiotia itlilauh Auh yn aqujn mococoaia piltontli vmpa qujujcaia yn iteupan Ixtlilton centetl qujtlapoaia yn apaztli conjtiaia yn itlilauh ic patia in piltontli Auh yn aqujn qujtotiz copaltica in conanaia ynjc qujvicaia ychan yn ixiptla çan tlacatl in muchichioaia In oacic ychan tlatotiz teytotiz njman tlatlaqualo atlioa yn otlaqualoc njman mitotia yn Ixtlilton yn omitoti yn onmaceuh calitic oncalaquj iehoatl qujtlapoa in vctli navilhujtica tzacutimanca ic mitoaia tlaiacaxapotla vitzmana Njman yc vmpeoa yn ie tlaoano occepa oalqujça itoalco qujtlapoa yn itlilauh no tzacutimanca navilhujtica ic macujlilhujtl in qujtlapoa ic mitoaia ic moteneoaia intla tlaçolli yntla tocatzoalli yntla [fol

] otlaltechpachiuhque ixqujch tlacatl qujnotza in puchteca yoan in tlatoque ic moteittitiaia mitoa mocxipaca cenca qujmaviztiliaia yn itopil yn itlacçaia Yiacatecutli cana in calpulco qujquetzaia achto qujtlamanjlia yn iquac tetlaqualtia yoan intlacanelmo tecoanotza qujtlamanjlia in çan muchipa yn itlaquaia Auh intla aca tealtiz iehoatl caltiaia qujxeoaia yn iteouh Yiacatecutli anoço ceme iehoantin yn mocheoaia in qujn moteutiaia in chiconqujahujtl anoço chalmecacioatl yoan ac xomucujl yoan nacxitl cochimetl iacapitzaoac aiac qujiocuja yiollo tlama yn aço ce anoço vme ca altiz tlacatl vmpa concovaia yn tlacanecujloca Azcaputzalco motlahtlatilia motlapapatilia qujncuecuepa qujmihitta yn qualtin qujncoazque yn acan quenamique in tlacaiectli in tlacamelaoaque yn acan cucuxque yn atle intlaciuhca ynjc iehoan qujnmictizque [fol v

] itztoli xomali yoan yn iquac ilhujuh qujçaia iuh mitoa tepapaca tealtia tepan qujtzetzeloa tepan qujpixoa yn aoachtli cenca tlaihtlanjliloia Auh no ce tlacatl ipan qujxeoaia tlacotli in qujmictiaia cexiuhtica qujchichioaia ymac mantinenca xoxoujc xoxouhquj xicalli vncan ie tinemi atl vexotica ic teatzelhvia Auh yn iquac amo ilhujuh yn çan nenmaian oc noce qujxiptlaiotiaia qujchichioaia yn iquac tla aca petlachiuhquj qujnequj ychan qujtotiz qujnepieltiz vmpa qujvicaia in calpuleque teatzelhujtiuh teaoachvitiuh iuhqujn ic qujtlanjliaia ynjc qujmicneliz Yoan iuhqujn yvic mocujtlaxculixtlaoaia yn açaca ie vnca itlatquj iaxca qujtoaia macamo njcnenqua macamo njcnenpolo macamo njcnjxcauj yn nocneliloca ma onqualo ma onjoa ma onpopoliuj ma ic onmitoti [fol

] in toteouh Napatecutli maça quen njnonemitiz yn aciuhquj njcochiz aciuhquj njneoaz iehequjmati yn açocitla nechmomaquliz qujmomacaviliz ic qujxquentiaia ce quachtli yn ixiptla muchioaia ic oalqujça yn ichan auh ic muchi tlacatl tlatlaquaia yn ioanjolque Auh yn icalpulco in vmpa pialoia yxiptla cenca tlamauztiliaia tlâceliaia in petlachiuhque muchipa petlateteca icpalteteca tlatzetzeloa tlachpana tlacujcuj tletlalia muchipa copaltema tlatetzcaliuhtoc tlatetzcaliuhtimanj atle vetztoc çe tlaçolli Auh yujn yn muchichioaia motiloçac mixtlilpopotz mixtlilhuj michchiaujticac amacale yiamacuexpal amamaxtle tzitzile iztaccaque atlacueçonanchimale aztapiltopile

No ynoan pouj intech tlamiloia yn tlaloque ynjc mitoaia tepicto çan qujmonpiquja qujmixiptlaiotiaia in tetepe in çaço catle tepetl Auh in aqujn coaciujia oaoapaoaia quaquauhtia cocototzauja anoço yn aqujn atlan miqujznequj ehecatl ipan moquetza atla vncan monetoltiaia ynjc tepiqujz in qujnpiqujz Quetzalcoatl in Chalchivitl Icue in Tlaloc Popucatepetl Iztactepetl Poiauhtecatl yoan in çaço quezqujtetl tepetl in qujnteneoaz in qujpiqujz Auh in qujnpiquja in qujmixiptlatiaia in tetepe çan tzoalli qujntlacatlaliaia qujntlacatlachieltiaia tlacatlachixticatca qujntlantiaia aioachtli auh in qujmixtelolotiaia aiecutli in quenami yntlatquj in qujmixiptlatiaia in qujnpiqujia [fol

F Izcatquj in quenjn oqujpeoaltique in tlaueliloque yn aqujmatinj yn tlateutoqujliztli Ce tlacatl tlatoanj vnnenca ipiltzin çan vel izel ipiltzin itelpuch in cëca qujtlaçotlaia auh in telpuchtli mic auh yn itatzin cenca ic omotequjpacho [fol

] ca cenca qualli moiollotzin in tlatlacoanj amo njman tiqujnmopopolhuja amo njman tiqujnmotlatlatilia çan oc tiqujnmonemachtilia tiqujmononochilia ynjc qujcaoazque yn imaqualnemiliz ynjc motetzinco pachiujzque A Totecujoe in iehoantin tlateutocanjme in motlalpantzinco nemia cenca otiqujnmotlaelittili yn ipampa yn imaqualnemiliz ipampa ca cenca tequalanj teiolitlaco in qujchiuhtinenca ca tonalpouhtinenca tetlacujcujtinëca mecatlapouhtinenca tlaulchaiauhtinenca Auh in tlatlacateculo in tzitzitzimi imixpan tlamictiaia yoã yn inpilhoan qujnmictiaia in ca mostlaoaia yn imispan in tetlaxinti in quauhtlaxinti yoan qujquaia in tlacanacatl in iehuantin in vecauhtica tiqujnmuchieli ynjc qujcuepazque yn imaqualnemiliz auh ipampa yn amo qujnecque in qujcuepazque yn innemiliz otiqujnmopupulhuj oqujtzacutiaque yn intlauelilocaio oqujnpopoloque in momaceoaltzitzinhoan in xp^ianome

In teutlatolli omoteneuh in amispan omomelauh notlaçopilhoane ca cenca chicaoac vel tetlanextili tetlachialti Injc vel iximachoz in tlateutoqujliztli in ca cenca tetlapololti vel mictlan tetlaz vel vei yiolitlaculocatzin in Dios in toteiocuxcatzin totemaqujsticatzin Auh yn axcan ynjc vel injollo pachihujz yn amo cenca chocaoac in imix yn injollo oc monequj oc achi njcmelaoaz in teutlatolli in tlacpac omicujlo ynjc muchi tlacatl qujmatiz ca in tlateutoqujliztli [fol

B Tla xicmocaqujtican notlaçopilhoane in teutlatolli ca teutlanestli ynjc vellachiazque in tlaiooaian nemi in mixcueptinemi yn tlateutocanjme in qujtocatinemi ymiztlacatlatol in diablo yn velyta yn iztlacatiliztli Auh ynjc vel qujmiximachilizque yn inteouh yn intlatocauh in qujmotenqujstili in teutlatolli yn neltiliztlatolli ipampa in tlacpac onjcteneuh in tlacpac onjqujto in teutlatolli yn vncan neztica melaoatica yn quenjn otzintic opeuh in tlateutoqujliztli no yoan vncan neztica in ca miectlamantli netlapololtiliztli netolinjliztli ixpopujutiliztli ipan ovetzque yn tlateutocanjme C In iehoatl in teutlatolli in teutlanextli techmachtia techcaqujtia ca njman amo velitiz in miequjntin iezque teteu ca çan vel çe in çan vel izeltzin teiocujanj ipalnemoanj novian tlatoanj auh in teutlatolli yn tlacpac omicujlo itech neztica izcatquj [fol v

D Injn ca ic vel neztica ca amo teutl in Vitzilubuchtli amo teutl in Tezcatlipuca amo teutl in Tlaloc yn anoço Tlalocatecutli amo teutl in Quetzalcoatl amono teutl in Cioacoatl amo teutl in Chicomecoatl amono teutl yn Teteujnnan amo teutl in Tzaputlatena amono teteu in cioapipilti anoço cioateteu amono teutl in Chalchiuhtli Icue amono teutl in Vixtocioatl amono teutl in Tlaçulteotl amo teutl in Xiuhtecutli Macujlsuchitl amo teutl Vmacatl amono teutl Istlilton Tlaltetecujn amo no teutl in Opuchtli amono teutl Xipe Totec amono teutl Yiacatecutli amo teutl Chicüqujavitl amo teutl Chalmecacioatl amo teutl in Acxumocujl amo teutl Nacxitl amo teutl Cochimetl amo teutl in Iacapitzaoac amo teutl in Napatecutli amo teutl tepictoton amo teteu yn Tonatiuh amo teutl in Metztli in cicitlaltin aiac teutl in Tlaltecutli amo teutl yn teuatl yn ylhujcaatl amo teutl Auh yn ie muchintin yn njcan Nueua España neteutiloia ie vecauh njman aiac teutl ca muchintin tzitzitzimi culeleti iuhca in teutlatolli Omnes dii gentium demonja qujtoznequj In isqujchtin yn qujnmoteutia yn tlateutocanjme muchintin [fol

G Izcatquj yn oc no ce diablo qujmoteutitiaque in ueuetque yn itoca Tlaloc anoço tlaloque itech tlamiloia in qujiaujtl qujtoque Ca iehoãtin qujxoaltiaia qujcueponaltia qujzcaltiaia in quaujtl in çacatl auh in ie muchi tonacaiutl No yoan [fol

] yntech tlamiloia in tlalloque in teilaqujliztli tlavitequjliztli ipampa yn in diablome qujmilhuj qujstiliaia yn ipan quavitleoa anoço atlcaoalo in veuetque in iquac xiuhtzitzqujloia in ipam imilhujuh tepeticpac mictiloia miequjntin pipiltzitzinti in moteneoaia tlacateteuhti in iehoantin yn ontecuezcomeque in qualli intonal no yoan temoloia patiutiloia mitoaia ca iehoantin vel tlaçonextlaoalti Injn ca cenca vey yoan cenca temamauhti tlatlaculli in qujchioaia in veuetque yn impampa diablome in tzitzitzimi in culeleti in iehoan tlaloque momotia ca iehoanti qujtemaca in qujaujtl yoan in isqujch tonacaiutl ic cenca omotlapololtique in veuetque yoan cenca oqimoiolitlacalhujque yn Dios ca çã vel izeltzin techmomaqujlia in tisqujchti cemanaoac titlaca in iehoatl qujavitl ynjc muchioa yn isqujch tonacaiutl ca iuhca in teutlatolli izcatquj Dabo vobis pluujas temporibus sujs et terra germinabit germen suum et pomis arbores replebentur Leujtici Motlatoltia in totecujo Dios qujmitalhuja Namechnomaqujliz in qujavitl in cecexiuhtica yn imonecian (intla uel anqujmonemiliztizque notenaoatil in tlacatle tlateutoqujliztli anqujchioazque) auh in tlalticpactli notencopa tlaxoaltiz tlatlaaqujllotiz auh in xochiqualquaujtl notencopa cenca moxochiquallotiz cenca tlaaqujz In amoculhoan amo qujmattiaque [fol v

] in totecujo Dios qujtotiaque in veuetque ca Tlapallan ia in Quetzalcoatl oc vallaz oc chielo injn ca amo nelli ca iztlacatlatolli ca omic yn inacaio njcan tlalticpac otlaltic otlaçoltic auh yn ianjma oqujmotlatzontequjlili yn totecujo Dios mictlan qujmotlaxili vmpa ca cemicac tleco tlaihiioujz

] ipan cioacuchiz anoço cioatl ipan oqujchcuchiz qujtoaia qujtlaçolmictiaia yn ineçaoaliz ic tetech qujtlaliaia in suchiciujztli in menexoaliztli in tlapalanaltiliztli in quexiliujliztli In ipampa hi yujc nenetoltiloia ynjc qujceujz ynjc qujquanjz in cuculiztli ipampa qujlhujq'xtiliaia qujneçaujliaia qujtlamanjliaia Injn ca vey yn innetlapololtiliz in veuetque yn ipampa iuhquj qujchiuhtinenca ca atle qujpiaia atle qujmatia in teutlatolli Auh in axcan ma uel xicmatican çan vel izeltzin izel teutl Dios motepatilianj moteiolitilianj aiac oc ce in iquac itla topan muchioa in tecoco in tetolinj çan vel izeltzin tlatlauhtiloz temuloz iuhca in teutlatolli in tlacpac omito C Oc no ce diablo qujmoteutiaia in veuetque yn itoca Omacatl in qujtoaia ca iehoatl ymactia in covaiutl in tecoanotzaliztli ynjn necentlaliliz in teoanjolque techan vicoia vmpa maujztililoia in ixiptla oc cenca miectlamantli itech oqujtotiaque ytech oqujtlamitiaque in amoculhoã in cucuneiutl in pipillutl in iztlacatlatolli in teuetzqujti in njman amo neltoconj Çan no iehoatl Istlilton anoço Tlaltetecujn inteouh catca in veuetque vncatca yn itlilauh no yoan qujlmach itequjuh tlaiacaxaputlaia vitzmanaia oc no miectlamantli itech tlamiloia yoan miectlamantli neaviltiliztli in qujchioaia yn inchã qujvicaia yn Istlilton ic neci ca cenca techoctique vel tetozqujtenque in vevetque iehica ca qujneltocaia yn amo [fol

Iioiave cenca chocan noiollo vel njxaio njxtlan moteteca iuhqujn teciujtl pixavi njxaio ynjc njqujlnamiquj ca cenca miectlamantli iztlacatlatolli ynjc iztlacaviloque in njcan Nueua España tlaca ca amo çan centzonxiujtl ca amo çan vntzonxiujtl ca cenca ie uecauh Iioiaue cenca noiollo toneoa vel iuhqujn tlatla noiollo injc njqujlnamictimotlalia yn quenjn cenca vei yn itecuculiliz in tzitzimitl in Satanas injc techcuculia yn tlalticpac titlaca iehica vel yiollocopa vel ixqujch ytlapal qujchioa ynjc qujtemotinemi yn topoliujliz in totlanjtlaçaloca yn totelchioaloca in tipilhoã Adan injn ca teiztlacaujliztica tecanecaiavaliztica teichtacamictiliztica yn iuh qujchiuhtinemi Iioiave totecujoe Diose yn iquac njqujtztimotlalia in motlatlaliltzin yn vuj moteutetlatzontequjliliztli ca cenca njnomauhtia cenca njnjçauja totecuyoe Diose yn isqujch cavitl in oic inca mocacaiauhtinë in Satanas in Nueua España tlaca tleica yn amo tiqujnmocujtitzino ca cenca miec yn iiztlac yn itenqualac in tlaioalli in impan oquîçotlac injn ca ic omitzmoiolitlacalujtzino ic mocpatzinco onë yn Satanas auh in timuchinti in cemanaoac titlaca cenca otechaujlqujxti cenca otechpinauhti Auh in nehoatl ca cenca njqualanj yn ipampa injc oiuh qujchiuh in Satanas ic cenca njmitznotlatlauhtilia totecujoe ma xicmolpili ma xicmocaltzacujli in Satanas injc aoqujc oc cepa iuhquj qujchioaz Auh no cenca ic njmitznotlatlauhtilia ynjc tiqujnmomaqujliz yn njcan tlaca yn mograciatzin tiqujnmomaqujliz in vei moteutlanetzin yn amo machiuhquj catca in tlatlaculli in tlaioalli çan oc cenca ic tlapanaujz

yoan cecen quachtli yoan macuiltetl tequachtli in qujtlaliaia cecen tlacatl njman ie tlaolli cen tzincopincatontli yoan mamacuilpoalli cintli in cecen tlacatl quinextiaia

auh in caltiaia in Vitzilobuchtli ioalnepantla in aiamo maltia achtopa necocololo auh ce tlacatl mochichioaia in ixiptla in Vitzilobuchtli itoca Ysobuch conmaquja in itlatquj in ce xivitl ipan ocatca

] cocuj in atl xoxovic xicaltica auh in ocoxopilo atl ixpan conmana çatepan concuj in acatl xoxouhquj celtic navi conaquja xicalco nappa in concui atl ic qujxamja ic caltia auh in oconalti niman ie no ceppa itlan aquj quinapaloa cenca quitlapichiliaia

] no motolinia vel vmpa onqujça in netoliniliztli vel totoneoa vel chichichina yn jniollo in jnnacaio vel iniacacpa quiqujça in jnnetoliniliz injc ce xivitl quitlaça moçaoa injc mocexiuhcaoa ice tlacatl ceiola quitlaça in tlatlatia in tlavia cenca miec in polivi intlatlatil quavitl iceioal yoan miec in ocotl tzomonquj injc tlaviloia yoã quinextiaia chilli tomatl iztatl aiooachtli yoan atl tlaqualli

in conia njman ie ic quiteilhuja nicnottiliznequi in tlacatl Quetzalcoatl

njman quilhuique nepa xiauh veventone mococoialtia in tlacatl ticamanaz njman njman qujto in vevëto ca amo ça nicnottiliz ça itech ninaxitiz

auh njman ie ic quinonotza in Quetzalcoatl quilhuia nopiltzintzine aquin ovalla vevento mitzmotilico iuhqui mopevil ma iuhqujn amotlaçal ma in tictotoca ça njman amo iaznequi quitoa ca ça nicnottiliz in tlacatl

] quilhui noxviuhtzine tlacatle quen ticmomachitia in monacaiotzin ca njcan catquj in patli yn onimjtzalnotquilili ma xicmiti auh njman quito in Quetzalcoatl tla xioallauh veventze otiquihjiovi oticciauh ca ie macuil ie matlac in nimichia

njman qujto in Quetzalcoatl campa niaz veventze njman quilhuj in vevento ca ça tiaz in vmpa Tullan Tlapalan ca tlacatl vmpa tlapia ie vevetlacatl ãmononotzazque auh in iquac tioalmocuepaz oc ceppa tipiltontli timuchioaz njman ic moioleuh in Quetzalcoatl auh in vevento ie no ceppa qujlhuj tlaoque xocõmiti in patli njman qujto in Quetzalcoatl veventze ca amo miquiz njman quilhuj in vevëto ma ça xoconmjti timotoliniz ma çan nel noço mixquac xocontlali motonal motoliniz ma çan achito xoconmopalolti

auh injchpoch Vemac cenca qualli cenca mjec tlacatl in tulteca in queleviaia in quitlania in qujmocioaoatizquja çan aiac quitlavelcaquili in Vemac aiac qujmacac

njman ie ic tlatemolo cëmanaoac auh in iquac aiac neci njman ie ic tzatzi in tecpoiotl in Tzatzitepec quito tultecaie at canah anquitta chilchonamacac Tovenio xiqualvicacan qujmotemolia in tlacatl

auh in ie iuhqui njman ic ompa ia in Texcalapan yoan ixq'ch tlacatl ia in maceoalli auh in ocëquiz [fol r /r

Izcatquj oc centlamantli yoan in quichjuh in tlacateculotl quil ceppa tequioa ipan moqujxti qujnaoatiaia in tecpoiotl in tzatzinj injc ontetzatziliz cematonaoac injc oalviloaz quitoaia in tecpoiotl ma ixquich tlacatl oallauh ma ixqujch tlacatl oalolinj in maceoalli vmpa antlamativitze in Xochitla chinantecoz tlatecoz njmã ie ic vitze in jxquichtin maceoaltin oallamatiaque in xochitla (auh injc moteneoa Xochitla quil xochimjlpa catca in Quetzalcoatl) auh in ocenqujxoac in ocenquizque in otecpichauhq' in tulteca njmã ie ic temictia tevivitequi tecuexcochvivitequj in tequioa vel miec amo çan tlatlapoalli in jmac mjc in qujntlatlati auh in oc cequjntin in çan [fol r /r

Izca oc centlamantli in mochiuh in tlacateculotl tianquiznepãtla in oalmotlalia quimotocaioti Tlacavepan anoço Cuexcoch vncã qujtotiaia iuhqujn piltontli (quilmach iehoatl in Vitzilobuchtli) imac quiquetzaia in quitotiaia auh in oquittaque in tulteca niman ie ic ivjc oxoqujvi ivic onmotepeoa in quittazque vel mjec tlacatl in vncan quequeçaloia in patzmiquia in qujnpatzmjctiaia auh in ie mjecpa iuh muchioa in miequjntin ie miquj in qujttaia in teitotia [fol v /v

auh in iquac ie mjec tlacatl ic miquj yn jiaca njmã ie ic qujmilhuj in tulteca çan ie no ie tlacateculotl qujto injn mjcquj ma vetzi ma motlaça ca ie tlaixpoloa yn iiaializ ma movilana

auh in tulteca njmã ie ic qujmecaiotia njman ie ic quivilana auh in iquac ie quivilana haqueoa cenca ietic in achtopa atle ipan qujtta ca qujmoxictica çatepan njmã ie ic tzatzioa auh qujto in tecpoiotl ma ixqujch tlacatl oallauh anquioalcuizque amovepanmecauh motlaçatiuh in mjcquj

auh in axcan ca omitzalmanili in Mjctlan tecutli in Aculnaoacatl in Tzõtemoc yoan in Mjcteca cihoatl ca omitzalmotetzonti ca omjtzalmocpalti ca nel vmpa tocenchan vmpa tocenpopolivjian vmpa tlatlalpatlaoa ca oiccen onquiz ca otonmovicac in quenamjcan ximooaian in vilooaian in apochqujiaoaiocã in atlecalocan caocmo ceppa miloch monecuepal ticchioaz caocmo tioallamatiz in monica motepotzco in macujl in matlac ca otiqujmonjcnocauhteoac otiqujmontlacacauhteoac in mopilhoan in moxvican caocmo tihoallamatiz y çaço quen popolivizque ca motech tonacitivi motech tonpachivitivi in macujl [fol v /v

Jntla telpuchcali caquja qujnetoltia qujcëcaoa in atl in tlaqualli qujnnotza qujncentlalia qujntlatlauhtia in telpuchtlatoque tlatlatlauhtia in piloaque quitoa Ca njcan amechoalmotlalilia in totecujo in Tloque Naoaque A ca njcan anquimocuilia anquimocaquitia ca oqujmomacavili in totecujo ce cozcatl quetzalli a omecavi piltzintli aviz nelle axcan motetzaoaltiznequj ie peioctzintli cujx malacatl tzotzopaztli ymac tictequilizque ca amaxcatzin ca amoconetzin ca amopiltzin

] in iovalli in ehecatl in tlacatl in telpuchtli in Iaotzin in Titlacaoan in Tezcatlipuca aço achitzin qujmotoctiliz in iehoatzin totecujo

O tlacauhquj in amoiollotzin a ca nican tictotlacaquililia in totecujo in tlacatl in telpuchtli in iolla in ehecatl in iavtzin a ca iehoatzin in aqujmotlatlauhtilia in anqujmonochilia ca iehoatl yn anqujmomaquilia in amocozquj in amoquetzal in amotlatlacatilil ca çan tequjtl ticcuj ticcana yn anqujmomaquilia in totecujo ca çan tictotlacaqujlilia quen ie qujmonequiltitica auh quen qujmonequjlilitica in iehoatzin totecujo in amocozquj in amoquetzal ha nelli mach in tinentlamati in timacehoalti ha tlaiooaian in titlatoa quen ic qujmomachililitica in totecujo in Tloque Naoaque in Piltzintli quechichioaloc que naoatiloc [fol r /r

] cillo in tlatoque teucujtlacillo in jnchalcaaiauh in quaquachicti in chalcaiauh mjtoa xoxocoio yn jc mjtoa xoxocoio veveypupul in itech qujpipiloa icpatetl yn iqc ie onaqui tonatiuh njman tleteca in quilhuja cujcacalco tlehquazco in tletletlalia telpupuchtli in ie tlaixmiqui njman peoalo in cujco muchitlacatl mjtotia ixqujchica yn oquiz iooalli xeliui yn oonquiz iooalnepantla

] nican anoalmouicatiaque amocxitzin anquioalmanilique aço tlacotl çacatl cana oanquioalmocxinamiquilique aço cana amocxitzin oanqujoalmocuelhuique oanqujoalmotecujnilique

ca njcan amechoalmotlalialia in totecujo anqujmocuilia anqujmocaqujltia a ca nelle axcan centetl cozcatl quetzalli oqujmomac vili in toteujo in Tloque Naoaque titemiqui ticochitleoa a ca nelle axcan tle oniez in piltõtli in conetontli cujx malacatl tzotzopaztli aticmacazque ca amaxcatzin ca amotlatquitzin yn axcan ivictzinco tiqujtoa in tlacatl in Topiltzin in Quetzalcóatl in tlilpotõqui calaquiz in calmecac in choquizcali in jxaiocali in tlaoculcalli in vncan izcaltilo oapaoalo in totecuiooan in tepilhoã

] Ca njcan tonconcuj toconana in amihjiotzin in amotlatotzi ma çatehoan titottati ma tictolhujltocati ma tictomactocati in njcan oalquiça in amihjiotzin in amotlatoltz injc ica injc ipampa anmonëtlamachitia in amocozquj in amoquetzal ca çan tictotlancaquililia in totecujo in topiltzin in Quetzalcoatl in tlilpotonquj anca quen qujmonequililia in amocozquj in amoquetzal auh anca quen amechmonequililia yn amehoantin anca quenami iez in cozcatl in quetzalli mach tocontotenitalhuizque in ma iuhqui y in ma iehoatl y ma tictocentemachilicã in totecujo in Tloque Naoaque quen techmonequililia ma oc titlancentemachica Niman quivica in piltontli in teupan amatl copalli in quitquj in pilhoaque in tlatoque anoço pipilti maxtlatl tilmatli cozcatl quetzalli chalchivitl in quivenchioaia Yn jc notlacatl çan amatzintli copaltzintli anoço yiauhtli in quitquj in jnven muchioa yn oconvicaque [fol r /r

Injc ij muchioa muchi tlacatl tlachpana in vel oc iooa

Jnjc in iooalnepantla in iquac mjtoa iooalli xellivi muchi tlacatl meoaia tlatlatlauhtiaia yn aquin tlacochcaoa yn amo hiça njman ica necentlalilo qujçoçoia ynacaztitech yielpa ymetzpan itlanitzco vel ica maviztli vetzi

auh in manel motolinja in manel icnotlacatl in manel quicentzacuj icnotlacatzintli ynãtzin ytatzin intla ie vel quichioa in jnnemiliz yn jnnaoatil tlamacazque iehoatl ano iehoatl Quetzalcoatl tocaiotilo aço Totec tlamacazquj [fol r /r

Achto tonalpoalli ytoca ce cipactli vel ipeuhca vel itzin in cemjlhujtlapoalli ynjc vmpeuhtiuh ôtlatocatiuh ioan injc ontlantiuh ce xivitl Injn matlactetl vmei in tonalli in iuhquj itlavilanoan muchioa yn jtech povi iehoatl in vme acatl ey calli navi cuetzpali macujlli coatl chiquacen mjqujztli chicome maçatl chicuei tochtli chicunavi atl matlactli itzcujntli matlactli oce oçomatli matlactli vmome malinalli matlactli omej acatl In jzqujtetl in tonalli iuh mjtoaia muchi qualli in aqujn ipan tlacatia pilli mjtoaia tecutiz tlatocatiz motlacamatiz mocujltonoz motlamachtiz Auh intla maceoalli ipan tlacatia oqujchtiz tiacauhtiz maviztiz panvetziz motleiotiz onca qujquanj iez auh intla çioatl ipan tlacati no motlacamatiz [fol r

] icnoiotl netolinjliztli qujtztinemj âcan ixtona in tlalticpac âcan tlalticpac ca âcan motztica âcan vel oqujchpia ic mjtoaia çã njman iuh qujz iuhquj iioliliz iuhquj itlacatiliz iuhquj itonal iuhquj ipan malti iuhcan tlacat âtlacacemelle in jtonal ca tequanj tequantonale Etc Auh in naolin qujtonaltiaia iuh qujtoaia itonal in tonatiuh cenca qujmaviztiliaia in Motecuçuma yn jquac y moquetzaia naolin tlacotonaia tlenamacaia yn ixpan ixiptla tonatiuh qujtlaliaia itoca cueçaltonameiotl auh in nepantla tonatiuh mjquja mjctiloia in mamalti auh in aqujn ipan tlacatia atle vel inezca vme vitz qujtoa Yntla oqujchtli aço tlamaz anoço iaomjqujz in iuh qujtoaia ca ica mozcaltia in tonatiuh ic muchi tlacatl tlamaceoaia yn jquac y in vncã y cenvetzi ipanoca aiac mocaoa aiac ixcavi vel mochi tlacatl in oqujchtli in çioatl im piltzintli monacaztequia mjçoia mjtoaia ic [fol r

Injc ei capitulo itechpa tlatoa injc etetl machiotl in jtoca ce maçatl yoan in qualli tonalli in qujmomaceviaia yn jpan tlacatia in toqujchti in cioa auh intlacamo inpan neltiaia çan iehoantin in tlatziviliztica qujpoloaia

Injc expa moquetza tonalli iehoatl in ce maçatl no matlactlomej [fol v

] qujvica iehoatl in vme tochtli ey atl navi itzcujntli macujlli oçomatli chiquacen malinalli chicome acatl chicuei ocelotl chicunavi quauhtli matlactli cozcaquauhtli matlactli oce olin matlactlomome tecpatl matlactlomei qujavitl

In izqujtetl in tonalli mjtoaia qualli ieccan auh tel cequj iitla actiuh itzalan actiuh injc itlacauhtiuh in iuh moteneoaz vncan mjtoa inneneixcaujltoca injc tecpantivi in aqujn ipan tlacati pilli in tetzon in teizti in tetzicueuhca in tetzicueoallo in tetlapanca in tetechpa qujz iol in teujtztzo in teaoaio in tetentzon in teixquamol in teezço in tetlapallo tlatocaiotia oalmoteniotiaia ipal atlioaia ipallaqualoia tetlauhtiaia qujtemacaia tetech qujtlaliaia in tilmatli in maxtlatl in tlalpilonj in teçacatl in nacochtli auh intla çan maceoalli ipan tlacatia no [fol r

] iuhquj ypan muchioaia oallacnopilhuiaia oalqujçaia oalnemja oqujchtia tiacauhtia tecâcaoaia teihicaoaia amo mopatzaoallanj âcan tlatzimpiloa âcan tetzacuja âcan teiccauhti xocoioti amo patzactzintli noviian mochamauhtiuh tlachamauhtiuh tachcauh icatiuh tlaiacatitiuh panj îcatiuh conqujxtilitiuh yn jnemjliz âcan pinaviztlamati atle qujmamati aiac qujmamati atle qujtzicololtia amo pipinonemj âcan tzinqujzcatlaiecoa atle qujcioatlamachtia Auh intla çioapilli anoço çã maceoalli ipan tlacatia no iuh mâceoale catca teoqujchtlamachti iuhqujn oqujchpovi teacotlaz atle ic tenentlamachti amo tenmachonj amo tecuetlaxo Auh no ioan mjtoa in aqujn ipan tlacati ce maçatl qujlmach c ca momauhtiaia çan jmaviz in qujmattinenca çan imauhcac in nemja çan mamauhcanenca vel iolmjquja in jquac qujcaquja [fol v

] tlatlatzinjliztli anoço tlavitequjliztli tlapetlanaliztli tlapetlanjllotl njman âconiecoaia vel qujçaviaia qujcujcujtiuetziltia qujmavizcujtia in onotlapetlan onotlatlatzin Auh iuh qujtoa in qu man in quenmanjan ça ipan neltiaia ca imaviz contocaia ipã ontlamelaoa ça imaviz qujtlamachiliaia ca inemauhtil ipan oniauh vel vitecoia ipan muchioaia in qujmacaci in qujmamattinemj Auh intlacanelmo xopantla çan tonalhujteco no ioan in jquac atlan maltia vncan mjquja ilaqujlo ixtelolococopinalo iztitlatlaxo izticocopinalo ic mjtoa ca nel iuhquj itonal iuhquj ipan motlacatili in iuhquj maçatl cenca momauhtianj çan no iuhquj in aqujn itonal catca vel mauhca tlacatl mavitzoco ic çan yca mellaquaoa in joaniolque yn jtaoan aqu commatia Auh ioan mjtoa no vncan ceppa ipan temoia [fol r

] aoc onmomatoca aoc onmopepetla aoc onmoquapepetla intlanel cana momaiavi mjxtoxaoa moiacatoxaoa motlanquatoxaoa motlanquaxipeoa momapvztequj mocxipuztequj Etc aocmo qujmati aocmo qujtecococamati aoccan tlacacemelle aoccan tlacaiectli yn jxaiac auh in jma ça cuecuechca ça viviioca papatlaca ioan in jtlatol aocmo m mati ça cuecuechca çan tlatlaoancatlatoa ça much tlacaçollatolli in jcamacpa qujça in qujcacamacaoa çan jc nemj in tetzatzilia in tetlacaqujtia in tepinauhtia in teaoa much qujtoa in aitolonj oiouhtinemj tzatzitinemj moqujchitotinemj momamantinemj mocamatzaiana in cujca atle qujmauhcaitta atle qujmamati much qujcujtivetzi cacocuj cacoleoa in tequanj in tetl in quavitl iteuh iquauh ietinemj tlacatl qujcocomonja tlacatl qujcuecuetlanja vtli qujtzatzacutinemj icnoiotl qujmjttitia in jpilhoan muchipa qujnmamauhtia [fol v

] iê itequjuh ilhujtl ynemac catca in tlatlaquetzaliztli in cacamanalli in teellelqujxtiliztli tececemeltiliztli amo no ic tlaqualanja in tlein icacamanal in jtlatlaquetzal injc queoa vetzqujztli injc tlauetzqujtia mvch tececemelti mvch tlapactia mvch tepac mvch teiolipan mvch mouelcaquj aiac qujiolitlacoa auh intla noço itla teiolitlaco qu man qujcamacaoa ic motenpatilia in ainemachpan tlein qujtotiuetzi çan no ie compatia âneztica in tleinton ic convellalia ic contlamachia itlatol ic amo tlaqualanja ipampa iuh mjtoa ca nel iuhquj itonal iuhquj ipan tlacat in oçomatli ca teaavilia mochi tlacatl icnjuh tececemjcnjuh nênequjztontli

Chicome acatl mjtoaia qualli in aqujn ipan tlacatia in oqujchtli in cioatl mâceoale ilhujle nemaque neçinj in jtech monequj onca in jaxca in jtlatquj in jioca auh in tlein mâailia moch tlaçaloa moch oniehoati atle nenqujça atle nenpolivi in jnecocol yn jçiaviz in aitlaaxcanvil in jtlapaliviztica qujtta

Moquetza ce suchitl ioan yn jzqujtetl ytlavilanoan injc matlactetl vmei tonalli muchiuhtica in yehoatl contoqujlia vme cipactli yoan ey acatl navi calli macujlli cuetzpali chiquacen coatl chicome mjqujztli chicuei maçatl chicunavi tochtli matlactli atl matlactli oce ytzcujntli matlactlomome oçomatli matlactomey malinalli in jzqujtetl in mjtoaia amo qualli auh yoan mjtoaia achi qualli Injc motta in aqujn ipan tlacatia pilli in anoço çan maceoalli cujcanj papaqujnj tlatlaquetzani totoltecatl muchioaia [fol r

] in jxqujch cujcanj mâceoalcujcanj in cujcatlalianj in cujcapiqujnj auh in tlatzotzonquj in vevetzonquj teponaço teponaçoanj cujcaito cujcaanquj cujcatlazquj yoan in mapipitzoanj auh in teiacanquj in teiacananj mjtotianj motlaqujtotianj tlamoiaouhquj tozcacuecuechoanj tocujlechoanj tlacocoloanj moch iehoan intech povia intech açia in mjtoa ixpampa vitz itlaqualtzin in tlaqualtectli in quatecujcujlli xocotamalli tenextamalli tetamalli tlatzincujtl tamaltetl vei tlaqualli quauhtlaqualli tlaxcalmjmjlli tlacuelpacholli tlaçiiocuepalli tlaxcalcototztli totolqujmjlli tamalmjmjlli tamalatl tamalcuecuechtli papaiaxtlaxcalli papaiantlaxcalpacholli nacatlaoio Auh in jquac otlatziuh in ocontlatzilhuj mâceoaliztli njman qujcalaqujaia qujtlatiaia in vme suchiquavitl auh iquac oc centlamãtli ic qujxiptlaiotiaia qujchichioaia çan no suchiquavitl iehoatl tlatlaia qujtlatiaia qujtecaviaia ic cactimomanaia cactiuetzia tlamattimomana in altepetl [fol r

] aoc ac tlaolinja tlachalanja ipampa ca omotlati otlatlac in suchitl auh tel in ceceiaca inchan pipilti tlatoque vel cujcoia pacoaia çaniio çaniiocan in tecpan mocaoaia in mâceoaliztli in mochi tlacatl in cempaquja

Injc chicuei capitulo itechpa tlatoa injc macujltetl machiotl in jtoca ce acatl auh amo qualli tonalli in jtech ca qujlmach in aqujque vncan tlacatia intla vncan tlacatia injc chicunauhtetl calli in jtoca chicunavi cipactli qujtoaia qujlmach cenca techicoitoanj ioan teteixpanvianj auh qujlmach injn machiotl iehoatl itonal in quetzalcoatl ipampa in tlatoque in pipilti vncan muxtlaoaia ioan tlamanaia

Moquetza ce acatl tonalli ic mocempoa in amo qualli in amo [fol v

] ieccan izqujlhujtl qujtoqujlitica yn jpan vme ocelutl ioan ei quauhtli navi cozcaquauhtli macujlli olin chiquacen tecpatl in jzqujtetl in tonalli mjtoaia amo qualli amo ieccan qujlmach itonal catca itonalpan in quetzalcoatl Iehica in quetzalcoatl i ehecatl ipan mjxeoaia injc tevtocoia auh in jquac in moquetzaia ce acatl tonalli cenca tlamaviztiliaia in tlatoque in pipilti tlamanaia in calmecac yn jtocaiocan mexico ca vncan pialoia in jxiptla Quetzalcoatl ixpan qujtlatequjliaia qujtlamâmacaia much iquac qujcencaviliaia itech qujtlaliliaia in jzqujtlamantli inechichioal yn iamatlatquj ioan ixpan qujtequjliaia suchitl yetl qujcopaltemjliaia atl tlaqualli qujmanjlia iuh qujtoaia vncan qujtonaltia qujtonalquechia in Quetzalcoatl Auh injc mjtoa amo ieccan in aqujn ipan tlacatia pilli anoço maceoalli atle cenca imâceoal ilhujl catca çan iuhqujn ehecatl ipã povia inemjliz êcatocoia atle itlaanca inelhoaio mochioaia ipampa in jtonalpan quetzalcoatl êecatl otlacat ca njman iuhcan oqujz no iuhquj ipan muchioaia intla çioatl auh injc qujpâtiaia tonalpouhque [fol r

Moquetza ce mjqujztli ynjn mjtoaia qualli tonalli auh ioan achi amo qualli in iuh neçiz nican ipan itlatollo ca mjtoa in jquac y vncan qujtonaltiaia in Tezcatlipuca cenca tlamaviztiliaia in tlatoque tlamanaia tlacotonaia ceceniaca yn jncalitic in jmjxcoian in cacalpulco in moteneoa in teucalli in teucalco iuh qujtoaia ca iehoatl in jpal tinemj in titlacaoan in tlalticpaque in tlaltecue in axcan itonalpantzinco ic muchi tlacatl vncan tlatemachiaia nentlamatia tlaocuiaia injc qujcneliz auh amo çanjoque in tlatoque iuh qujchioaia y no iehoan in tiacaoã in tequjoaque yoan in mocujltonoa in motlacamati ioan in aqujn qujmatia ca itonal moquetza in titlacahoã no tlatonaltiaia tlamanaia in jchã in jcalpulco ypampa injc cenca tlatemachiaia ca vncan tlaitlanjliloia [fol r

In contoqujlia in cononcaiotia in tlaoncaiotia itoca vme maçatl [fol v

] iuh mjtoaia iuh qujpantiaia iuh qujneltiliaia amo qualli tonalli çan icnoiotl qujtemaca in aqujn ipan tlacatia atle imâceoal muchioaia çan muchipa motolinjtinenca auh cenca momauhtianj vel mauhquj mâmauhquj mauhcatepetla mavitzoco mauhcaçonequjnj mauhcaiollo mjinaia mjinaxtinemj motenetlatilia teueuecapavitinemj mocujcujtivetzi iuhqujn âatonavi viviioca yn jtla ovi tlatolli mauhca tlatolli qujcaquj mjçavia in aca tlaquauhtlatoa anoço aca tlacocomotza tlatiticujtza çiiocopinj iztaia iuhqujn aoc ezço ça iuhqujn amaztalli yiollo chôcholoa yiollo papatlaca iuhqujn tlacacalatztiuetzi iiollo iten papatlaca iten viviioca aocmo iuhquj qujça in jtlatol intla ça itla iiollo conmati intla itla yiolipan intla itla iiollo contoca Auh in ey tochtli iuh mjtoaia qualli in aqujn ipan tlacatia neçi in qujquanj âneztica âmachiztli in campa qujcnopilhuja in jmâçeoal iuh mjtoa in iuhquj tochin âneztica in jtlaqual çacatl xiuhtzintli eloçacatl in qujmoquaqualtia popoçocatoc ceceliztoc cecelia cecelpatic itzmolinj oalitzmolintiuh xoxoujxtoc xoxopaleoatoc xixinmaltic xixinmaliuhtoc xixiuhcaltic popotzauhtoc [fol r

] pepettoc âpoliviztlanquj çã çacatla çacatitlan in jnemjan in jqujçaian in jtlaquaquaian tochin âoachquâqua aoachchichina qujioiomeuhtica qujn tlatlaniomeuhtica in jtlaqual No iuhquj in maceoalli in tlacatl in jtonalpan ei tochtli amo neztica in quenjn neci itlaqual âneztica in quenjn ipan oallauh ineuhca ycemjlhujtiaia Auh in nauj atl iuh mjtoa amo qualli tonalli çan icnoiotl qujtemaca in aqujn ipan tlacatia acan aviaia in jiollo çan tlaçiiauhtin ca qujhiiovitinenca auh intlaçanoço itla ymâceoal çan iuhqujn atl onqujça onatoco onamoiaoa No iuhquj in macujlli itzcujntli amo no qualli iuh mjtoa vncan qujtonaltiaia in mjctlan tecutli itonalpan catca No iuhquj in chiquacen oçomatli amo no qualli iuh mjtoa qujn cen vncã qualtiaia in izqujtetl in tonalli yn jpan chicome malinalli yn aqujn ipan tlacatia in jzqujlhujtl in omoteneuh aiamo caltiaia aiamo qujtocamacaia qujn cen jpan maltiaia in chicome malinalli ipampa iuh mjtoa qujlmach muchipa qualcan yn jpan chicome tonalli in vncan tlachicometi chicometioaia vncan ca teilhujl temâceoal auh in aqujn ipan otlacat njmã vel iquac caltiaia qujtocamacaia

] Auh in chicuei acatl ioan chicunavi ocelotl iuh mjtoa njman amo qualli tonalli tequantonalli in aqujn ipan tlacatia çan netolinjliztli in qujmaceoaia auh aiamo caltiaia qujn jpan qujmattiuja in matlactli quauhtli vm contlachieltia injc qujieccanqujxtia itonal in aço ca itla imâceoaltitiuh intla nemjz auh iece camo caxaujz oc ivivi in qujcujz in qujttaz toneujztica

] tlenamacac itla oittililoc aço momecati in moteneoa tlaçolchiuhque in caço catle in ovi oqujtlaco no iehoan in mamaltin cequjntin vncan mjquja mjtoa ca iehoan inca mozcaltiaia in motecuçoma inca motonalchicaoaia inca moquetzaia inca moqujxtiaia iuh mjtoa iuhqujn oc ceppa inca mopilqujxtiaia ynjc vecaoaz inca motleiotia momaujzçotia motequantlalia ic motlamauhtilia Auh in aqujn ipan tlacatia qujmacacia injc vncan temoa auh qujn jpan in ei cipactli maltiaia vncan achi qujqualtilia in jtonal iuh mjtoa ca qualcan in jpan ey cipactli No yoan mjtoaia in aqujn ipan tlacatia pilli naoalli mochioaia tlâciuhquj qujtoznequj amo tlacatl itla qujmonaoaltiaia itla ic mocuepaia aço tequannaoale Etc auh intla maceoalli no iuhquj itequjuh catca aço totoli aço coçamatl anoço chichi ipan moqujxtiaia in çaço tlein inecuepaliz ynaoal mochioaia muchi itequjuh qujcenmama qujcemololoa in jxqujch tlauelilocaiotl cioanotzquj xochioa çioatlatole tempachioace tetlatlacuepili teiolmalacacho teioiolmalacacho teiollapan teioiollapan tetlatlaneltoqujti ioan tlacatecolotl tetlatlacatecolovia tepoloa tlâtlalpoloa tecacalochpana [fol v

] In jpan nauhecatl tonalli mjtoa qualli ioan amo qualli ca vncan mjctiloia qujnquechmecanjaia qujnquechtzonviaia qujnmecanjaia qujnpiloa qujncuexcochvivitequj qujnquatepipitzinja in moteneoa tlaçolchiuhque in tetlanxinque çan iooan in mjctiloia in oallatvi ie tlacujtlapoçaoa atlan qujmonmamaiavi No ioan cequjn vncan mjquja in mamalti iuh mjtoa ca iehoan inca mozcaltiaia in Motecuçoma (in iuh omoteneuh) ipan ce qujauitl in vncan temoa auh ie no vncan tepopoloaia in omoteneuhque tlatlacateculo in nanaoalti auh injc imacaxoia in ipan in tonalli nauecatl in tlecalco noujian caaqujaia in tlacateculoxocovitztli qujpopotzaqujaia qujcâcacatztzaia iuh mjtoa ca ic qujnpeviaia Auh in iehoantin pochteca in moteneoa acxoteca in oztomeca in motlacamati iê qujveimatia qujmaviztiliaia ca vncan qujtotonjaia in jxqujch tlaçotli qujtlatiaia in chalchiujtl in chalchiuhtli in quetzalchalchiuhtli in ololiuhquj in tomatic in acatic in ie ixqujch cozcatl in cozcapetlatl in patlaoac in pitzaoac xiujtl auh in jxqujch nepapan ivitl in quetzalli  in vel iaque in vel vitoliuj in patlaoac in viiac in qujlhuja cezciacatl içan moteca auh in çan totocujtlapiltic ioan in qujlhuja [fol r

] quetzaliacatl in çan tepitoton in chilchotic ioan in tzinjtzcan in teoquechol in axcan mjtoa tlauhquechol ioan in xiuhtototl in aiopal in toztli in tozcujcujl in çaquan in cochoivitl in chamolin in cujtlatexotli in coçôtli in xiuhapalli Etc yoan in tequaneoatl in tequanpetlatl auh in aquaujtl in atzaccaiotl in ie mochi intlatquj in teintoc in teucali tlaçotilmapan qujcentecaia qujcuecuentiliaia qujtlatlamantiliaia qujviujpanaia qujtetecpanaia vncan tlenamacaia tlacotonaia iehoatl injc mjtoa tlatotonja auh in jquac otlatotonjque in otlenamacaque cemjlhujtl catepan tlatlaqualo aatlioa mopixtoque in pochteca veuetque nepielotoc tlachichinalotoc tlanecutoc tlaaujaxtoc puctleoatoc  puctli mantoc tlaqualli qujqujztoc atle monectoc iehoatl injc mjtoa ca tlatonaltia tlatotonja in puchteca Auh in oiooac tlatlaoano mocecentlalia in puchteca veuetque in puchteca ilamatque intla otlaiujntic vncan qujmopopoaltia qujmeeoaltia ic mjxmotlatoque yn innecujltonol yn intlaiecoliz yn jmoqujchtiliz oc cenca iehoatl in canjn icac imjcxi qujtoznequj in canjn acitinemj in quexqujch in conmati in quexqujch imjloch innecuepal ic [fol v

] no çac in jz moqujxtia muchi tlacatl cecentetl itlatol atle ipan qujmotztilitoque amo commopovilitoque in jnnecujltonol yn jnnetlamachtil huel nononqua mutachcauhnequj mocecentecpoa cecentecuti cecenme momati mocecocamati nononqua motlatalhuja aiac vel inoan tlatoa aiac vel inpal onmocencamavia intlacamo oztomecatl intlacamo veca matinj ioan intlacamo cenca mocujltonoa intlacamo ontlaaaquj ichan intlacamo tecoanj intlacamo tealtianj intlacamo câcatzcatoc nânatzcatoc ichan cacaxtli intlacamo poctecontica aiotectica atlioa ichan et a Ipampa injc ceceniaca tlatonaltiaia puchteca in jncacalitic in jpan jn tonalli navecatl

] No ioan mjtoa aiac vel maoaia anoço motlaujtequja motepotlamja motecujnja moxoquechaquja moxocuetlanja mocxicueloa ic tlatenmachililoia îtoloia ma qujcencuj ca omonauecauj qujtoznequj ca nauecatl in jpan omococo No ioan mjtoa in aqujn ypan tlacatia qujpãtiaia qujnemactiaia in tonalpouhque iuh qujtoaia mocujltonoz ioan tiacauhtiz oqujchtiz tlamauhtiz tlamamauhtiz momaujzçotiz tonalchicaoac iez auh aiamo caltiaia in jpan chicome coatl iuh qujtoaia oc cenca vel ipan qujtonalchicaoaia injc cenca mocujltonoz injc mâceoale nemaque ilhujle mochioaz ipampa in chicome coatl ca qujxiptlatiaia in tonacaiotl in tlaolli motqujtica qualonj ioan in iuh qujtoa in chicometioaia ipan tonalli muchipa qualcan Auh in qujoaltoqujlia macujlli calli ioan chiquacen cuetzpalin iuh mjtoaia njmã amo qualli tonalli in jonteixtin y intlatoaian macujlxochitl ioan mjctlan tecutli in aqujn ipan tlacatia in oqujchtli in çioatl njman atle imâceoal mochioaia çan oalnenenqujçaia motqujtica netolinjliztli in ilhujl in jmâceoal ynemac ioan çan tlatolli cololotinemj tlatolli cololhujtinemj tlatolli itlaqual tlacatl qujcaoatztinemj çan jc nemj in tlacatl qujcuecuetlanja tlacatl qujcocomonja iuh mjtoa [fol r

In jpan chicuei mjqujztli amo qualli no ioan in chicunavi maçatl njman amono qualli tonalli iuh mjtoaia ca in chicunavitioaia [fol v

] ipan tonalli njman amo qualcan in aqujn ipan tlacatia in oqujchtli in çioatl njman atle ilhujl imâceoal mochioa iehoantin vncan tlacati in çan tlatlaneçomaltia tp'c tlaneçomaltitinemj çan tlatlaueliloc iollotlaueliloc teuhtli tlaçolli cololotinemj tlalli cololotinemj atlacanemj iztlacattinemj tlaavilqujxtitinemj aiac qujmauhcaitta aiac ixco tlachia aiac qujxitta aiac qujxtilia aiac qujmamati aiac tle ipan qujtta aiac tle cõpoa aiac compoa cenca iz moqujxtia vel ixquaujtl yixquauhti acan ixmavi nônoviia aquen tlatta atle ipan tlatta âtlatlacatlatoa tetenquauhti tetennemj tenxaxacalpul camaxacalpul tlatolcampax tetenpatztlatoa tetentlamati yiztlacati atle vel ixpan mjtoa amo iollotlaquaoac amo tetenpachiuhquj amo motenmamati iollocamachal atle uel itic tlalilo nenepilmaxal tenênenxotla nenepilixtlapal tepapantlaça teixnecujloa teixtlaça teueuetlaça amo patzaoallanj axicchioaliztli çan iee ipan mjxpoa çan iee qujcemmati çan iee icentequjuh in tlatlauelilocaiotl much ichivil much itequjuh tetlâtlanxima yichtequj tlâtlaixpachoa tlatlanaoalchioa tetlâtlaixtoqujlia tetlâtlaxiqujttilia teoovicanaquja tetlatlanamjctia tetlatlacolnamjctia [fol r

] tlatlachtacanamaca teiichtacanamaca teiichtacaujca tenanaoalhujca tenanaoalnotza much aitlaqual in qujqua teca nenemj tecacalpanoa tepan cacalactinemj njman iuh qujça njman iuh mozcaltia in aquen tlatta in atlacacemelle njmã ipan pilpeoa njman ipan mooapaoa in auel monotza aiel qujcaqujz in tlatolli çan ie tenananqujlia tepan qujcuepa tlatlauelchioanj mjixtlaça moquaquatlaça iixcueloa mjixcueloa vel qujmaxilti iiolaçic tlaueliloc vel iollocujcujtla âtentlacatl tentlaueliloc muchi tlacatl qujtenjmacaçi qujtlatolimacaçi aiac qujtenaci aiac vel qujtempanavia iee injc mjtoa atlacacemelle çan tlatolli ilhujl tlatolli itlaqual aiac itlacatocaia noviian tetenco caca tepan onoc tepan cenmantoc injc aujlqujzquj tlaitolli tlaztlacolli noviian mauhcaitto in jnemjliz in jtlachioal ca nel iuhcan tlacat in tlaçoltitlan teuhtitlan qujtoznequj ca çan motqujtica aujlqujzcaiotl in jnemac atle qualli atle iectli auh in nen ic qujqualtiaia qujqualtiliaia tonalpouhque in iuhquj itonal ipan otlacat qujn jpan qujtlatlaliliaia in matlactetl tochtli injc ipan maltiz qujtocamacazque qujtoaia intla nemjz aço ça itla imâceoaltiz iecê camo caxcanviz [fol v

] oçomatli ipampa injc cenca qujtonalchicaoaia qujuecapanoaia itonal ca iuh mjtoa cenca qualcan in tonaltzonco in jca tlantica tonalli in qujtlamjtica tonalli in iuh ipan moteneoaz itlatollo Auh in qujtoqujlia matlactloce atl ioan matlactlomome itzcujntli ioan in tlatzonqujxtia matlactli vmej oçomatli izqujtetl qualli muchi qujcentilinja quj'cenvilana qujncenteteoana qujncentlatalhuja in matlactli tochtli ic nauhteixtin qualtin Mitoa in aqujn vncan ipan tlacatia in jzqujtetl in tonalli cenca tlacnopilhujanj muchioaia oalqujçaia oalnemja in tlalticpac qujtoznequj amo patzactzintli amo çan tetzacuja amo tlatzinpiloa amo çan can nenemj vel iximacho teixpan icac moteniotia momaujzçotia injc mocujltonoanj injc maujztli injc tetlaocolianj injc teca muchioanj auh injc tiacauh injc chicaoac injc iaotlaueliloc injc amo tetlaçaltoca amo ixmauhquj ioan injc mozcalianj ixe iollo iollotecujcujl iolizmatquj ioliztlamatquj tlanemjlianj toltecatl m matinj ioan vellatoa vellacaquj iuhqujn mjtic qujte  itlatol choqujzço tlaocollo vel teitic açic teiollapan teiollali vel mocaquj muchi tlacatl [fol v

] mocem chictivi oncemoti onmotoca onmototocatiuj onjchictiuj aocac mocaoa in oc ce conpeoalti mjqujztli mjqujliztli iuhqujn otli patlaoac qujmonquechilia yoampooan icetcaiooan itlapancaiooa itzicueoallooa ycotoncaoa icotoncaioa iezçoan itlapalloa iuhqujn ipan tlatlatzinj in teta in tenan iioca moquetztiqujça motztimotlalia mjxaioujtoma injc oqujmonpolo ypilhoan ça itolol ymalcoch qujchiuhtica centlamjc qujmattica qujcentlamjtica oiaque in intech oatlamatia in jntech ocuecuenotia in oqujmonpopoaia in jxco oqujnmanaia in oqujtepeujtinenca in ocololhujtinenca in oqujtetepeujaia ocoololhujaia oqujmomactocac omonelchiuh ie on ma nelli omopilhoati ie on ma nelli oqujmjttac iehoatl injc mjtoa amo qualli tonalli çan tequanj motqujtica icnoiotl auh in aqujn ipan tlacatia aiamo caltiaia qujn jpan caltiaia in ey oçelotl cemjlhujtonalli iuh qujtoaia in tonalpouhque ca muchipa qualcã in eitioaia amo netenmachoia iehoatl injc qujoallatotoqujliaia   tonalpouhque injc achi vncan qujqualtiliaia itonal in jpan tlacatia ce malinalli Auh in qujtoqujlia vme acatl tonalli qujtoaia vel qualli in tonalli ipampa ca no vncan qujtonaltiaia yn [fol r

] Tezcatlipuca titlacaoa injc qujtlaliaia ixiptla itoca Omacatl çan no ivi in mjchioaia ic qujchichioaia injc qujtlaliaia auh in aqujn qujnequja qujtlaliaia in jxiptla Omacatl matlacpoaltica in qujpiaia ychan ipan in qujtlaliaia vme acatl tonalli auh intla ie itla vel maailia in aqujn oqujtlali qujtoznequj intla ie tlapiuja ixneçi iaxca itlatquj aocmo qujcaoaliztlamatia çan qujcentlaliaia qujcencalaqujaia in jchan vecauhtica qujpiaia auh intla ie oqujnec in qujcaoaz in aocmo qujpiaz çan no ipan in qujcaoaia vme acatl tonalli çan iee qujmattiuja in jtonal ipan in qujtlaliaia no ipan in qujcaoaia vmpa concaoaia in jteupan in jcalpulco omacatl qujtlenamaqujlitiuh auh vmpa canatiuh in aqujn oc iê oqujnec qujpiaz ichan qujcujcatiaia in calpuleque ic tetlatlaqualtia in chane tlatlaqualo aatlioa yn jchan auh in oiooac tlatlaoano çan ie iuh tlatlalilli çan ie iuh tlatecolli çan vncan tectica çan ie vncan tlantica çan ie vncan qujmattiaia in matlacpoaltica pialoia techan iquac calaquja no iquac qujçaia auh mjtoa in aqujn ipan tlacatia qujtoaia mocujltonoz motlacamatiz ioan vel muchioaz in jnetlaiecoltiliz in tlein maailiz amo nenqujçaz vel [fol v

] telpuchtle notelputze telputztze ca otiqujmontemo otiqujmontzatzili otiqujmonnenotzallan in monaoan in motahoan in puchteca in oztomeca in jaque ca njcan imjxco ymjcpac titlachia tiqujmonjximati â mjtzcavilizque â mjtzmacazque in cententli yn cencamatl in jntlatquja yn jntlamamaia in jntlacazcaltiaia in jntlacaoapaoaia injc otlamaviçoque in iuhcan in quauhtla in çacatla auh injn ca njcan cententli cencamatl ic njmjtziollalia ic njmjtzchicaoa in tinopiltzin inic njmona njmota injc timonanmati injc timotamati timotolinja ca ie tonmoquetzaz ie tocontlalcaviz in altepetl in mochan in mexico in tlatilulco anoço in tenuchtitlan ie tiqujmoncauhtiaz ie tiqujmõcauhteoaz in mooaniolque ie tontlacauhteoaz in mochan in mocalitic in moqujzcan in moiolcan y' moquechtetzon ionocan in momanaoal anoço momatetzon ie toconnamjqujz in ce coatl in vtli melaoac in vchpantli ie tocontocaz ie toconnamjqujz in jxtlaoatl in vei tlalli Timotolinja nopiltze telpuchtle ma ximellaquaoa can nel timonemjtiz cujx njcan timomjqujliz ma cana ixtlauhto popouhto in jnchoqujz yn jntlaocol   in motechiuhcaoan in veuetque in njcan ic mjtzapana ic mjtzqujmjloa a oiuhiaque in motechiuhcaoan ca inteoauh intlachinol oqujmattiaque oqujchiuhtiaque [fol r

] injc ie vmpeoa veca oc noviian qujnemjtia qujtlâtlattitia qujtlâtlachieltia in jntlatoltica in iuhcan quauhtla çacatla in amaxcanvia in puchtecaiotl in oztomecaiotl

] tontlachixtica ie mjxtlalopan ie mjxnentla ie mjxonjcac in vmpa tontlamatiznequj in iuhcan in quauhtla çacatla in aoacan in tepeoacã aocmo tle ic tontlapolotiaz aoc tle ic tonjxmamauhtiaz tonjxmjmjctiaz aoc tle mjtztzicololtiz aoc tle mjtzixtilquetzaz ca ic noviian tonjtztica in iuhcan intlaiecoaian intlacotia in oztomeca ca amo ticmati anoço ie iccen mjtzixcaoa in monaoan in motaoan aço ie iccen tiauh aço ie cana tonuetzitiuh aço cana atlauhtli ixtlaoatl itic timaqujltitoz timopopoliujtitoz aço cana tictlantoz in altepetl aço ie cenmanian mjxco mocpac ontlâtlachia ca tel iuh qujmattiuh in moiollo ca moiollo itlan ietiuh ca ic timellaquauhtiuh yn jnchoqujz yn jntlaocol in monaoan in motaoan auh intla oqujtla tomâceoal in tiveuetque in açoc mjloch monecuepal ticmochiujliqujuh ca oc ceppa timjtziximatizque Auh in axcan tlê ticmomachitia ma iiolic xoconmotoqujli in vtli ma itla toconjcxinamjc ca amo  tlacacemelletoc ca tequãiotoc motequaniotitoc amo tlaca onoc in çacatl in tlacotl ma ivian inmatitech xiqujmonantiuh xiqujmonâantiuh xiqujmonololotiuh xiqujmotepeujtiuh xiqujmoncenqujxtitiuh xiqujmônechicotiuh in moteiccaoan ma tiqujmonnoxiccaujli [fol v

] ma xiqujmonnotztiuh injc contecujlizque in çacatzintli in pepetzintli ioan injc contetlalilizque inteicpaltzin in campa neceujloian ca tel ixqujch o in otiqujnmacaque in tihiio in totlatol in iuhquj in tlacaoapaoaia in quauhtlaca in çacatlaca in puchteca in jaque eta ca aocmo monequj in quexqujch timjtzcaqujtizque ca ça njcan achitzin ic timjtzonchicaoa ma iocuxca itlã xonmaqujlti in tlaihiioviliztli ma ixqujch motlâpaltzin tle ticmomachitia nopiltze in jquac otlatlauhtiloc njman no ic cen camatzintli ic tlacuepa ic tlananqujlia qujtoa Oannechmocnelilique in oceloqujchtle otlacauhquj in amoiollotzin ac nehoatl ac njnomati in njcan cen camatzintli njqujcnopilhuja yn amotechicaoaliztzin in amotenaniotzin amotetaiotzin ca nocontlapoa in amoxillantzinco amotozcatlantzinco actica in cepouhtoc in cepoatoc in cuelpachiuhtoc in iuhquj quetzalli in vel vitoliuhquj in vel iaque auh in iuhquj chalchiujtl in ololiuhquj in vel petlaoac in iuhquj teoxiujtl in tlamatilolli in uel cuecueioca aço cana namechonnotlaxililiz ca ic nonnapantiuh noxillan notozcatlan onactiuh noiollo itlan onietiuh in amonaiotzin in amotaiotzin in amono anqujmaxcaujlique Eta

] qujmitlacalhuja qujmopopolhuja mjtoa ineviian conmocaujlia qujmotlâçolmjctilia Eta yn aqujn ipã otlacat in aiamo caltiaia qujn ipã caltiaia in Ey maçatl iquac qujtocamaca ipampa ie mjieccan omjto in eitioaian tonalli in jquac tlacemjlhujtiltia qujqualittaia in tonalpouhque iehoatl ic contlatotoqujliaia vmpa qujtlatequjniaia vmpa contlachieltiaia injc cenca qujtonalchicaoaia Auh in qujtoqujlia vme mjqujztli iuh qujtoa amo qualli atle vncã ca mâceoalli Auh in ey maçatl iuh qujtoa qualli tonalli ie omjto in eitioaia muchipa qualcan vncan ca tlacnopilhujliztli in iuh qujteilhujaia tonalpouhque Auh in navi tochtli in tlanauhcaiotia tonalli in nauhcaiopa tlavica tlacemjlhujtiltia amo no qualli iuh qujtoa in jzqujcan tlanauhcaiopan tonalli muchi amo qualli atle vncan ca qualli nemactli

Auh in contoqujlia chiquacen itzcujntli amo no qualli ipan machoia ie omjto in quenamj inieliz vncan tlacati in jpan muchi chiquacen tonalli çan atle qualli in jnemac muchioa çan iê qujcenmama qujcemololoa in tlacatlatolli in aujlqujzcaiotl muchi iecaujltilo cujtilo mamaltilo intech ontzopi ioan iehoan qujtecujtia qujteecaujltia [fol v

] motqujtica necujltonolli netlamachtilli in iuh qujtoaia tonalpouhque auh in aqujn vncan tlacatia much qujnemactiaia in papaqujnj iez âaujenj tecêceltianj tececemeltianj camanale camanaloanj vetzqujztli queoa cemjcnjuhtli tecêcemjcnjuh muchi tlacatl itlaço novian vel tetlan motlalia noviian tepal vntlaqua ontlachia aiac qujiolitlacoa ipampa in iuhquj itonal oçomatli auh intla cioatl cenca mocujltonoz itla uel mailiz uel muchioaz in jtiamjc vellanecujloz vel motlacâtiz qujhimatiz qujtlâtlamachiz in jtiamjc in jtlaca amo actiuetziz amo caxaoaz vel mochioaz in jnanauh in tlein qujmonanauhtiz ipampa in chicometioaia tonale ca iuh ca inemac Auh in chicuei malinalli no achi qujqualittaia çan novian iuhquj in ixqujch chichicueey tonalli Auh in chicunavi acatl çan njman amo qualli ipampa qujlmach itlatoaia itlacemjlhujtiltiaian Tlaçolteutl motqujtica tlaçolli in aqujn vncan tlacati ie omjto njman atle qualli qujmâçeoa çan vncan ca itelchioaloca iquequeloloca icuecuenochichioaloca iaujlqujxtiloca Eta Noviian iuhcan jn in jzqujcan chicunavitioaia in iuh ie mjieccan omjto [fol v

] Auh in jpan matlactli oçelotl ie vel qualcan in iuh ie mjieccan omjto itlatollo iuh qujtoa qujlmach in matlactioaian tonalli in izqujtetl tlamatlactetilia tonalli vncan itlatoaia in Tezcatlipuca in jpan machoia tto in aqujn vncan tlacati cenca qujqualittaia qujtoaia ca tematian in otlacat imatian itlatoaia in tlacatl totecujo Tezcatlipuca intla nemjz ca mâceoale iez ic njman iquac caltiaia auh intla qujnequjzque iniollotlama in oc conchololtizque qujn c vmpa qujmattivia in tonaltzonco iquac caltiaia in jpan matlactlomej olin ipampa in mochi tonaltzontli cenca qujqualittaia ic cenca uel vncan qujntonalchicaoaia in jpan qujmaltiaia Auh in matlactli oce quauhtli ioan matlactli omome cozcaquauhtli iuh qujtoa onteixti çan chico qualli amo çan centettitica vme vitz qujtoa in aqujque ipan tlacatia in onteixti tonalli qujn çen jpan qujmaltiaia in tonaltzontli vmpa qujqualtiliaia in jntonal Iehoatl in in njcan cencalpan tonaltzontli matlactli omej olin injn oc cenca qujqualittaia ipampa in qujtlamjtica yn jca tlantica ica tzonqujztica matlactli omej tonally auh in quenamj imâceoal vncan tlacatia ie mjieccan omjto

] much ixpan qujtequjliaia qujtotonjaia qujtlenamaqujliaia qujtlacotonjliaia in moteneoa quetzalquemjtl xiuhtotoquemjtl tlauhquecholquemjtl tozquemjtl vitzitzilquemjtl auh ça qujtoqujlia qujtzacuja in aocmo cenca tlaçoivitl in iuhquj aztaquemjtl tzanaquemjtl muchi nononqua qujtecaia qujtlatlamantilia qujcuecuentilia qujvivipana Eta auh much ie in tlaçotilmatli ipan qujtecaia vncan cemjlhujtia iehoatl injc mjtoa qujtlatotonjlia in Vitzilopuchtli ioan vncan tlamanaloia vncan qujtecaia in jxqujch ventli in moteneoa tlacatlaqualli ioan in jxqujch iectli in tlachichioalli tlaqualli in   tlatocan oalqujçaia ioan in çan calla maceoalpã oaleoaia oalqujcaia auh çan achitonca in vncan vnmanj vncan onoc vncan onmoteca njman ic qujquanja çan ic concujtimanj ic conjquanjtimanj intech povi in calpulveuetque qujmoxexelhuja qujmomamaca quecizqujcan qujmjquanjlia vntetlamj aiac ixcauj muchi tlacatl itech açi in vncan tlamaceuhque in mocexiuhçauhque in jtech m totinemj in qujneçaujlia Vitzilopuchtli auh in Motecuçoma in jxqujch tlaçoxochitl in nepapan xochitl in velic in aviiac vncan qujmana in iolloxochitl in eloxochitl [fol r

] iuhquj intla çioatl maçeoale iez nemaque ilhujle vel itla mailiz oniez in qujquaz in qujz vnca qujquanj iez mocujltonoz motlacamatiz ioan oqujchnacaio chicaoac oqujchtlamatiz moqujchpoaz oqujcheoaz teoqujchtlamachti iez ioan much inemac vellatoz motlatolimatiz vel tenonotzaz vellatoltecpanaz yieieian icacatian in qujtlaliz tlatolli vel ixè iollo mozcalianj iez Eta Auh in vme qujavitl ioan ei xochitl nauj cipactli macujlli êcatl chiquacen calli chicome cuetzpalin chicuei coatl chicunavi mjqujztli matlactli maçatl matlactloce tochtli matlactli omome atl matlactlomej itzcujntli in jxqujch in çan moch iuhquj in jtlatollo omjto ç much umpa itztiuh çan much vmpa tlachia çan much vmpa tlaujca çã ie centetl çan centettitiuh in jtlatlatollo in jtoloca in iuh tecpantiuh in vncan tlacecemjlhujtiltitiuj cecenteme tonaltin in jnieieian ic tecpantiuj in ce in vme in ei ixqujchica injc onacitiuh injc ontlatlantiuh tonaltzontli matlatlactlomeei

] aca ipan opeuh mococoa qujteilhujaia in titici ca tlanaujz aocmo qujçaz ca omotenamjcti ipan oqujzque in cioapipilti ca intemoian imêcoian in opeuh ca oeleujloc auh no ioan mjtoa intla aca qualli yiollo in qualli itonal ioan qualli itlachieliz vncan qujtlacalhujaia qujtoaia ca çan oqueleujque oqujnmonamjcti in cioapipilti Auh in aqujn ipan tlacatia iê qujqualittaia qujtoaia intla oqujchtli ipan otlacat ca moteaaujltiliz motececemeltiliz vncan tlâelittoz muchi tlacatl icnjuh iez ioan aço cujcanj mjtotianj ânoço tlacujlo itla ic totoltecatiz ipampa ca njman iuhquj in jtonal ce oçomatli iuh qujtoa çan ie much iuhquj in jzqujtetl oçomatli in ie mjieccan omjto in quenamj innemac ipan tlacati Auh in vme malinalli njman amo qualli qujtoa tequanj in aqujn vncã tlacati cenca vel mopilhoatia iuhqujn tetl icaque iuhqujn m chaiatza ipilhoan çan iê amo ce moquetza can much vnmjctiuj Eta (in iuh omjto) Auh in ei acatl ioan nauj ocelutl macujlli quauhtli chiquacen cozcaquauhtli chicome olin chicuei tecpatl chicunavi qujaujtl matlactli suchitl matlactloce cipactli matlactlomome hecatl matlactli vmei calli in jxqujch in cencalpan tonalli çan ie much iuhquj [fol r

] tlalli qujpototztiuetzi âquen cõmati içiuhca motlaloa oc ceppa tepantli quêcaujtiqujça qujmatocatiqujça vncan oqujz in tlatolli ic neâio in iquac acame omoqualanjque aço ic momjctiznequj qujmolhuja nocne ompa on tlalli ic njmjtzujtequjz tlalli tiqujtototztiuetziz timocuetzpaltempictiuetziz No ioan vellachictic in jnacaio pipinquj tepitztic chicaoac chicactic qujlhuja tlâtlalhoa tlâpaliuj tlâpaltic pupuxtli ioan vel motlaiecoltia iêel âçan centetl in qujmocujtlauja in jpan mjxpoa vel noviiampa mocuecuepa in tlein ic motlacamatia mjiec in qujmonanauhtia in catleoatl vel onmuchioaz âneztica âmachiztli injc neci itech monequj Auh in vme coatl ioan ei mjqujztli inic tecpantiuh navi maçatl macujlli tochtli chiquacen atl chicume itzcujntli chicuei oçomatli chicunavi malinalli matlactli acatl matlactloce ocelutl matlactli vmome quauhtli matlactlomei cozcaquauhtli in jxqujch in injc ontlatlantiuh vme ey çan centetl in jtoloca in vncan izqujtetl qualtitiuh ioan âqualtitiuh tonalli in oqujz in cencalli tonalli

Niman oalmoquetza in ce olin injn qujtoaia çan chico qualli in aqujn vncan tlacati in oqujchtli in çioatl in vellamaceoa in vel monotza in uel mooapaoa iehoatl qujçaia qujttaia in jmaceoal in jnemac auh intlacamo vel monotza intlacamo uel mozcalti çan jcuepca in qujmonamjctiaia icnoiotl itech eoatinemj çan nentlacatl acan petzitl çan quauhtlamelaoa âanemj çan iuh onioa acan ixtona Eta Auh in vme tecpatl ioan ei qujaujtl navi suchitl macujlli cipactli chiquacen hecatl chicome calli chicuei cuetzpali chicunauj coatl matlactli mjqujztli matlactloce maçatl matlactlomome tochtli ioan injc tlãtica matlactlomej atl qujn cen vnpa qualtiaia ic quiqualittaia in tonaltzontli in iuh mjieccan omjto yn ontlan jn cencalpan tonalli

] oc tlaujzcalpan in qujtlatiaia amatl in mjtoa ic qujtlamaca tletl qujvicatiuh qujtocatiuh in copalli cecenpetlacalli ovnpetlacalli in contepeoa tleco chipaoac iztac copalli ioan qujncotona çoçoltin iuhqujn tlecujlixquac tlâpatlaca tlapapatlaca ieço nemamaiaooa tlalli ic neujujteco tlecujlixquac qujtzitzicujtza qujnonoquja in jmezço ioan no achto tlecujlixquac qujtotoiaoa in vctli auh çatepan tlecujlnacazco nauhcampaixti qujtotoiaoa auh in çan maceoaltzintli in motolinja çan copalxalli in tleco qujtema auh in ça iequene qujtzacuja in molhujicnotlacatl tequjicnotlacatl in âavia in auellamati çan ie in jauhtli tleco qujtepeoa ic qujtlamaca in jxcoian itleuh ioan mjtoa in tlatoque vncan motecutlaliaia motlatocatlaliaia in jpan in ce itzcujntli auh ipan motequaltiaia motecpacaia motlatocapacaia in nauhacatl iquac noviian oalhuja in altepetl ipan tlatoque coanotzalo ic machitilo in iancujcan tlatoanj omotlali mjiec injc oalhuj in jntetlapaloaia in jntetlapalol qujoalcuj qujoalitquj in macuextli in tilmatli in suchitl in jetl in çaço tlein imamaujzço yximachoca imaltepeuh in campa in quexqujchca oaleoa qujtlamamaca qujtlatequjlia in tlatoanj ioan qujtlapaloa qujtlatlauhtia oalmotlalia in jntechiuhcaoan in tecutlatoque [fol v

] aço çan tepan in tlaiecoa aço çan tecujtl in qujtzaqua injc cujtiloque in victli mecapalli injc victique mecapaltique iquac njman vmpa onmaaltia in chapultepec injc qujncaoa intlatlacul auh in aqujn ipan tlacatia injc qujtonalittaia qujtoaia mocujltonoz ipal iez qujtlamaujçalhujz in totecujo aço tecoaz tealtiz aço quezqujpa cujcujcaz teitotiz uh injc qujtocamacaia qujn no ipan qujmattiuja in naoacatl iquac qujtlatlaqualiaia qujxicvenquaqualiaia in pipiltotonti ipampa in vncan motlatocapaca in netlatocapacaian tlatoque altepeme No ioan mjtoa in jpan in ce itzcujntli in jxqujchtin chichime qujnquatlaviaia in itzcujneque in jtzcujnnemjtique Auh in qujtoqujlia vme oçomatli ioan ey malinalli navi acatl macujlli oçelotl chiquacen quauhtli chicome cozcaquauhtli chicuei olin chicunauj tecpac matlactli qujaujtl matlactloce suchitl matlactlomome cipactli matlactli vmei hecatl in jzqujtetl in cencalpã tonalli ça ie much iuhquj in jtoloca omoteneuh injc cecemjlhujpã tlapoaltitiuh in quenamj innenemac ipan tlacati ie omomelauh mjieccan vel omonenexti auh in jquac onqujz in njman ic oalmoquetza

Auh intla cioatl çan ie no iuhquj in jmaceoalti in jtech eva injc movitequj in jtech motzotzona atle vel ai avel qujtotia in malacatl avel colinja auel cacocuj in tzotzopaztli maoolol matetepo ixqujqujmjl ixtepetla vetzqujztomac âquetztzana çan ic nemjntlapitzaoa itzic qujtlatlatztzatinemj tentlaueliloc âtentlacatl [fol v

] nen tontlatlatozque titlatolçacamuzque in amo çan tlatolxaqualli tlatolnechicolli tlatolnenel iliviztlatolli çan nen tlatolli toconnemjtizque ticcueptinemjzque ioan injc amo çan ieehoatl tiqujtotinemjzque ticcueptinemjzque ticcujtlacueptinemjzque in jxqujch omjto omoteneuh ça njcan onmocenteneoa onmocencamaitoa in tlatolli ca çan ie much iuhquj in jtlatlatollo ixqujch omoteneuh in iuh tetecpantivi in vncan qualtitiuh tonalli ioan in achi qualtitiuh ioan in njman amo qualtitiuh in jxqujch ic ontlatlantiuh matlatlactlomeei ipampa in ça njcan onmocentlalia izqujteme cencalpã tonaltin in qujnpeoaltitica ce calli ioan vme cuetzpalin ei coatl nauj mjqujztli macujlli maçatl chiquac tochtli chicome atl chicuei itzcujntli chicunauj oçomatli matlactli malinalli matlactloce acatl matlactlomome ocelutl matlactlomei quauhtli auh in jquac ontlan izqujlhujtl in njman oalmoquetza

In ce cozcaquauhtli injn cozcaquauhtli mjtoa veue tonalli ca quezqujcan omjto in iuhquj itlatlatollo in aqujn vncan tlacatia qujquallittaia qujtoa veuetiz ilamatiz qujtlamjz qujtlamjteoaz in paqujliztli ioan mocujltonoz tlamaujçoz in tlalticpac auh tel çan no ipantia in aqujn iuhquj ipan mochioaia iehica ca mjec tlacatl mjquja in jpan tlacatia auh intla onca poliujnj popoliujnj in qualonj tenechicolonj tecentlalilonj tetemolonj teiximachonj tetlacamachonj tecoanotzalonj njman iquac caltia in jpan itonal ic qujnotza Cozcaquauh auh intlaca ie tle popoliujz oc conchololtia in pilhoaque oqujc onmotlamachia oqujc conjhimati in jxqujch monênênequjz qujn jpan caltia in chicome hecatl

Auh in contoqujlia vme calli ioan ei tecpatl nauj qujavitl macujlli suchitl chiquacen cipactli chicome hecatl chicuei calli chicunauj cuetzpalin matlactli coatl matlactloce mjqujztli matlactlomome maçatl matlactli vmei tochtli

] nauj malinalli macujlli acatl chiquacen ocelotl chicome quauhtli chicuey cozcaquauhtli chicunauj olin matlactli tecpatl matlactloce qujavitl matlactlomome suchitl matlactlomei cipactli in jquac onuetz intequjuh in in ontequjcauhque in oconmotlaxilique in tlanenemjtiaia in jzqujlhujtl vncan tlaotlatoctia njmã oalmoquetza ontequjana

In ce hecatl inin ce hecatl qujtoa amo qualli vncan qujtonaltiaia in moteneoa quetzalcoatl in jxiptla catca hecatl hecamalacotl auh in aqujn vncan tlacatia qujtoa intla pilli naoalli iez amo tlacatl tlâciuhquj nenonotzale impanj neçi ca tlacatl iecê amo qualli itlacauhquj itla qujmati tlacatecolotlatolli tlacatecoloiotl teîpitzanj texoxanj tetlachiujanj tetlanonochili tetlateononochili much ichiujl [fol r

] tlaqujxtizque qujchichioaia in jxiptla ce hecatl qujniacantiuja iniacac imjxpan icatiuja ioan qujtqujtiuj in jmacpal moçioaquetzquj in jti ic iauh in auel mjxiuj iquac qujcujliaia in qujn onmjquj çan oqujchteccacuja ioaltica in qujtequjliaia iooalli itic auh injc qujtocaia amo ichan çan vmpa concaoaia in vtlica vncan in uel omaxac contoca qujnêcaliltitiuj ipan necalioatiuh coiovitiuj injc qujujca auh injc qujoalqujxtia ichan amo ixcopa in jcal çan qujcujtlacoionja in calli vmpa qujqujxtia injc concaoa vmaxac auh in ieoantin in temamacpalitotique in jquac cana tepolozque ichtequjzque ce tlacatl conquechpanoa conmoquechpanoltia in jmacpal mocioaquetzquj iehoatl in in jopuch iopuchma in jquac oacito techan in aiamo calaquj calitic oc ie achto itoalnepantla ic tlaujtequj in macpalli ic oppa tlaujtequj in oacique caltempan qujujtequj in calixquatl in tlaixquatl njman iee in tlaquetzalli ic conmocaoa in tlecujlixquac oc ceppa vncan tlaujtequj in jquac in iuh mjtoa njman aocac naoati aocac uel mopoçaoa vel ioiolmjquj in chaneque auh in cequjn çan vel cocochmjquj tlacotaliuj tlaquaqualaca iuhqujn  neacatzaianalocochioa auh intla ça oc aca nenitztoc aoc vel molinja [fol r

] ipampa in ça njcan ixco tonqujça toconchôcholhujtiqujça toconchuechcholhujtiqujça Aiocmo vmpa tontlavica aiocmo toconiehoailhuja yn omoteneuh injc nononqua tlatollotoque izqujteme tonalti yc çan njcan ommocentlalia onmotecpichoa onmonechicoa onmocenqujxtia onmototoqujlia tiqujmonnenetzollalia tiqujmonnenetechçaloa tiqujmonnenetechtlalia ic çan onnenetzolcate nenetechcate nenetech çaliuhticate moquequetzticate mototocaticate mototoqujliticate yn jzqujteme njcan cencalpan tequjppaneque in iehoatl vme calli ey cuetzpalin navi coatl macujlli mjqujztli chiquacen maçatl chicome tochtli chicuei atl chicunavi ytzcujntli matlactli oçomatli matlactli ôce malinalli matlactli omome acatl matlactli omey ocelutl Yn jquac oontlan  izqujlhujtl yn intlapoalpan yn jntlacecemjlhujtiltiaian njman oalmoquetza

] iehoãti qujntlaoanilia qujntlatoiavilia yn vevetque yn ilamatque ic mochochoqujztlapaloa meellaquaoa eta Auh mjtoa yn aqujn vncan tlacati atlacacemelle intla oqujchtli tiacauhti oqujchti âquen tlatta âquen tlatlatta aiac ixco tlachia çan jioqujchio ytiacauhio in conpopoa yn jxco quimana njman aiac qujmotlaçaltoca motepanaviltoca aiac tle compoa motepololtoca atle ontepoa cenca iz moquixtia yoã njmã âtentlacatl vel tepâpatzoa tepâpatzaoa tetlîtlivia tequjqujnatza mîitleoa moquâquacuecuechoa motlâtlamachiztia motlatlamachitoca motlatlanitztia movevellatoltoca moieiectlatoltoca âmot panavillanj momamachotla temâmachotla moiêiectoca âteiectoca tet patztlatoa motêtencuepa tlatlatolcuepa tlatlatolmalacachoa much ychivil much qujmopanjtia much quimolhujltia much vel itech muchioa in tlatlauelilocaiotl yn ehi iujntiliztli yn avilqujzcaiotl auh in qu man intla otlatlatziviti vico calaqujlo iaomjquj eta

] Çan ie no iuhquj intla cihoatl vel tentlaveliloc camatlaveliloc ahtentlacatl tenxaxacal camatlatecoa cenca ipac cenca ivelmach yn tentlavelilocaiotl vel tepapacanj tenovjiantocanj tepacçotlaoanj iuhqujnma chichi aiac vel qujiacaolinja qujiacapeionja yntlaca itech onaci njmã quitlecavitiquiça ytech mopiloa quiteteuhtzitzquja quixtataca qujxmomotzoa qujxcocotona qujxcocototza qujxcujcui quixnamoia quitztzeltilia quitzotzona quixtitipitza quitzitzilitza quiquatitipitza quiquatzitzilitza iuhqujn tequaiztatlapana tequamomotzoa tequaçacamoa tequaçacapi tequavivilana tequavivitla teiacatzotzona teiacachachaquanja tetlantzotzona tetlanpepetla tetenaana teitztzotzona tetlatzatzaianilia tetlatetetzomuchilia qujtetetzomotza achchiqujtlalia cêcêçotl qujvica qu tzeltilia yntetilma inteujpil teixnamoia

] cevi xotlatica oalantica oaoalantica mopipitztica vel qujcpeoa vel ic peuhtica yoan aiac vel ontlecuj Auh intla aca ontlecujznequj tletlecujc amo qujmaca injc amo qujtleiocujlizque piltontli in otlacatl ixqujchica in ontlamj navilhujtl anoço in oc izqujlhujtl caltizque

] ahtlavelmati Auh in cana tel çan ie no yui vel moveichioa tonacatica miequja tlapiviia suchitl in qualonj iuhqujn papachivi tlalpan aci tlalpan actimoteca tlalpan acitimoteca yn jcococauh ipalnemoanj iuhqujn tlaxoxocoiaxtoc yn vmpa oalquiça tlaqualli ixqujch pupuxcavi in tamalli tamalpupuxcauhqui yn temaco auh in vmpa yonoia itecôia ivipanaloian suchitl iuhqujn tlavevelixtimanj tlaavjiaxtimanj aiac mopatzaoallanj aiac patzactzintli ieznequi muchi tlacatl iuh connequi in ma ça vel onixpatlaoa onteiooa onitauhcaiooa in maca tle ic õmopinauhti ompinavizcui ompinaviztlamati ommomamati ontzinquiça ommixtilquetza ic tevicpa ontzicolo muchi tlacatl cecentetl ic qujmati quitlamachia quiveilia yn itecoanotzaliz muchi tlacatl cec tetl ic quicueponia ic tetlamaviçoltia nonõqua mîcauhtiuh mîcauhcaiauh in coaiotl macoctiuh macoquetztiuh mopanavitiuh mopapanavitiuh nepanaviltoco [fol v

] nepapanavilo noçac yn âconnequj acõ âquinequi aqujn maca quinequi yn ma vel onvetzi onquiça itlaocul auh yn aiamo muchioa muchi tlacatl mot mati tlat mati tlaveymati çan iê in qujmati ic motequipachoa q'nmattinemi in qu mach nenti onquiçaz contlalcaviz ynetequipachol macaiac tle ic conitotiaz conixaoatiaz conjxmotlatiaz onahioz onteputzcomoniloz auh in ie oallathui coatioaz nepieloz tecoanotzaloz c ca neahamanalo netetequipacholo tlatlacencaoalo vchichioalo ithoalchichioalo tlatlaixmanalo tlatlaltemalo tlatlacujcujoa tlaatemalo tlaavililo tlaatzelhujlo tlaixxalhujlo tolquatecteco tlapipilolo tolquatectli moteca mopipiloa i' vncã netotiloz tlatzetzelolo y'in iehoã intequiuh incocol cocoltilo in cujcanjme auh in cequjn tlavivitla totolhuivitla totolchichioa itzcujnmjctia itzcujnchichinoa itzcujnchichioa nacachichioa nacapaoaci côcontlatia in cequjn yietlalchioa yietlalxaqualooa [fol r

] yietema teçacatica auh in nextitlan iehoan intequjuh yn ilamatque quichioa tamalli piqui tamaloa tlatlaoiotia quatecuicuilli quichioa nacatlaoio nacatamalli quichioa cequjn tamalpaoaci cequjn nextamalpaca cequjn açaçaca atlatlacuj ateteca cequjn cacaoatl quixamanja cacaoateci tlacuechoa cequjn tlanextlamalneloa cequjn molchichioa chilixca chichilixca çan iuh ceiooal in nemoa tozçolo tozçoa totozçolo tlavilli quiztoc chachalacoatoc auh yn otlavizcalleoac njman ie ic tlatlachpano petlateteco icpalteteco çacapechtli moteteca motevimoloa tlatenvimollolli ie ic tlaonoc ie omocuecuentilli in ixqujch monenequiz ie omotetecpanque ie in mâmania omotêtequippantique in tlatequipanozque in tenamiquizque aocmo quen ipã in tecoanotzqui in tecoanotzanj ça ixqujch ynecuitlavil in teca muchioa tepantlatoa in maca onxiccaoalo onjxcaoalo ie vncan ie ic hicac yn teyiemacac in [fol v

] mopatlativi in iehoatl Ey olin tecpatl qujiavitl suchitl cipactli hecatl calli cuetzpalli coatl miquiztli maçatl yn õtlan jn tonalli njma

] tlacentoca tlacencoltoca yn jxqujch netlaiecoltiloni cenca yiehel motlacujtlavianj cochiçanj tlâcelianj âçan centlamãtli in qujxtoca yn ipam mixpooa njmã âmo ciiauhcanequinj âmo tlatziuhcanequini amo tlaquelchioanj vel quitemachia in cemilhujtl in ceiooal amo n vetzi amo avetzi in itlapaliuiz vellaixnextia injc qujtemoa ycochca yneuhca yn icemilhujtiaia yn iotlatocaia yn in ca yn n caiotl in nemoanj in nemoalonj yn otlatoconj vehca õmotlachielia ixpan õtlachie yn ma quenmanjã ytech eoa itech motzotzo qujmonamjcti netoliniliztli icnoiotl quj'tetzontia qujntlapachilhuja qujntlatlamachia yn ipilhoã much iê in qujmauhtia in ma qu manjan itla ipan oalla tlacatlatolli tetlatoleviliztli tetlatolchichivililiztli tetlatoltequililiztli netlaixtoquililiztli tetlaixtoquililiztli yn aço itla ic quitzouizque quitzouilizque yaxca ytlatquj quixtocazque qujxtoquilizque anoce itla ic teilhujloz tlatoleviloz teixpannemitiloz vncan tlacalaquiz [fol v

] tlapopoliviz tlaixpoliviz tlaamoiaoaz can nen onmanaz can onmaiaviz can onmaçooaz tlê concuitivetziz vel motêtetzõtia monepacholtia quitetzontlalia yn inenca muchi iê ynjc motlamauhcaittilia in ma qu mã ipan oalla in temuxtli heecatl in temamauhti cocoliztli in coaciviztli in cocototzaviliztli in oapaoaliztli quâquauhtiliztli yn anoço ixcocoliztli ijchichitinaliztli in teixcuecueponj in teixcatatili teixpatzauh teixcacaxo tlaiooaiantetlali anoço qualocatl xochiciviztli itla veypalanaliztli anoço toçanpotzalli coatetl in tequechtlanmotlalia motlattilia tequechtitilo tequechtitiqujlo tequechmomotzolo anoço tlaelli eztlijcuiltic anoço tozcamiiaoaciviliztli yçaoaquiliztli nanaoatl eta anoço tetechquineoaliztli iollotlavelilocatiliztli Jehoatl in ynjc âmotlatlalia ynjc mocnelia ynjc monavilia yoan qujnnavilia qui'mjcnelia yn ipilhoã yn jxvioan ynjc motlâtlamachitinemj auh intla millacatl tlachiuhquj elimjcquj' [fol r

] vncan in tlaoncaiotia atl yoã Ey itzcuintli oçomatli malinalli acatl ocelutl quauhtli cozcaquauhtli olin tecpatl quiavitl suchitl

] aço monamacaz motlanamjctiz anoço ipilhoan ceme qujnmonamaqujliz qujntlanamjctiz qujntlatlaculnamjctiz icnoiotl calaqujz in jnextitlan ín jtlecujllan atl neneciz in jchan Yn jq'c oiuh ipan muchiuh y njman ic iauh qujttaz in tonalpouhquj vmpa quellaquaoa qujtlapaloa qujlvia Timotolinja xole xolotze telpuchtle tiacave ca nel tictemoa tiqujtlanj in mellaquaoaloca ca ic otiualla in timotezcaujco in timamuxvico xicchie in tlein oticmomaceuj ca amo iuijan qualli amo tlacaiectli amo tlacaçemelle ca iuh conjtotiuj in techcauhtiuj in vevetque ca ujctli mecapalli icnoiotl quitemouja ioan anoce ie ixqujch aço titlatlatziujti aço ie muztla viptla moçomaz monenequjz in jpalnemoanj ma xicmotlatolchieli ca iuh machiotica in tonal amapan in vncan tictlapielia in cujtlapilli atlapalli cujx çan nel njmjtzihiçaviz njmjtmamauhtiz Ca mopan oqujnec in tlacatl totecujo camo motlacaiocoia in tequanj timotolinja ca nel iuhcan timotlacatili ca iuh ca motonal in amo tlacacemellecan Auh injn ca oneltico aço ie tocommaujçoz in quenamj momaceval ma ximellaquaoa ma titlaocux ixqujch motlapal oc motepitziollo oc mochoqujz motlaocul ipan xonie Ca izca ça [fol r

] iniollo ipampa aço itla qualtzin in jpan ic oniazque aço itla ipan mopovatiuj itla qualli qujcnopilujzque Auh in ie oqujcacque in juhquj ommjmjctoc ic vetzca tlatlapitzaoa in juhquj ixillan ijomotlan onquaquauhti in juhquj mocacanaoa paquj vevetzca iuhqujn ontlanavi iuhqujn ocevetzi aocac naoati ça tlatoliuj ça tlaquechpiliuj aiocmo tenaoatili ic qujmatia aço itla ovi inpan ie ommuchioaz itla ouj ie conmonamjctizque anoço ceme aca ie mjqujz aço ie vitz cocoliztli anoço cana inpan ie oalmotzaquaz In jnpan muchioa yn aço cana tepetzalan atlauh itic ixtlaoatl itic quauhnepantla quauhiooacatla quauhitic quaujtl itic auh intla puchteca oztomeca nenemjnj iuhquj inpan omochiuh in jnpan ovevetzcac oactli qujtoaia Aço ie itla commonamjctizque aço ie ontlaatoctizque anoço ie acame tlaveliloque inmac ie ommaqujzque ichtecque tetlacujcujlique tetlaçaltique tetlanamoelique inmac ie ontlatlaçazque qujntlacujcujlizque qujntlacencujlizque [fol r

] in inteouh yiacatecutli Vncan ixpan tlamaceoa mjço monacaztequj tlacoqujxtia ça qujmocemmacatoque in tlein inpan ie ommuchioaz auh aocac ontlamati aocac itlamatia intla iuhquj inpan muchioa in juhquj ic oqujntetzauj oactli Auh anoçe çan maqujça acaço tle inpan muchioa in vncan in nemauhtiaia ín jnmaujzcujian omochiuhca Intlacatle inpan omochiuh ic occeppa achitzin oalmoiolizcalia oalaquetza onmoquaahaiouja ic ommotonallalilia injc intech oacca maujztli auh in mauhcatlaca teteiccaoa in amo tonalchicaoaque in amo tonallapaliuj ça ie in qujmattiuj in qujmamattiuj aocmo paquj aocmo tlatoa aocmo naoati aoccan auja in jiollo ça tlanauhtiuj in nenemj ça imjtic tlacujcujlotiuj in tleinmach qujlnamiquj aiocmo iujian in oc nen achi qujtoca tlalli ça ie in qujmati aço qujncana in ie commonamjctizque in tlein vel qujtoznequj [fol v

] iehoatl ipan mjxeoaia in tezcatlipuca injc teca mocacaiaoaia teca maujltiaia qujtoa In aqujn qujttaia in mjhiujntia in jiollo qujmati in amo momauhtianj in tonallapaliuj vel ic momotla qujmomaca aiocmo qujcaoa injc vel qujttaz qujtlacanotzaz vel itech mopiloa itech motlapaltilia injc qujtoca qujteputztoca qujtlalochtoca ipampa injc vel caciz qujttaz in quenamj itetzauh in juh conjtoa in aqujn vel cacia in qujttaia aiaxcan in vel itech pachiuj oc qujtotoca nouja qujnemjtia noujan caaxitia Iquac in oqujciammjcti cana otlica qujoalmuchieltia auh in ie qujtta in ie qujtzticac iuhqujn tlacatl quechcotonquj quechcotoctic quechtepultic ioan elchiqujuhtlapanquj ellapanquj in juh conjtoa qujlmach iehoatl in caqujzti ielchiqujuh iuhqujn ommonamjquj onmocacamapiquj ommopipiquj onchachaquanj Auh ie iehoatl in yn [fol v

] eei anoço ie nauj qujmaca vitztli ic qujnextia qujnezcaiotia ca tlamatiuh in iavc amo nenqujcaz ízquj caciz in oqujtenevili in oqujmacac vitztli ic much vncan qujmaceoaltia in tlalticpac paqujliztli neiollaliliztli in xuchitl in jietl in netlamachtilli in tilmatli ín tençacatl in tlalpilonj Auh yoa mjtoa iuhca in nenonotzalli in tlatlatolli in aqujn amo qujtlatlatoltia çan vel njman qujcotonjlia qujtlatzcotonjlia in ijollo ixpampa iehoa motlaloa in oqujcotonjli yiollo cana qujtlatia vel qujqujqujmjloa qujtepitzilacatzoa qujnjquac in otlathujc qujttac in qujteittitia intla qualli intla iectli in conjtta iztac ivitl in molontica anoço vitztli aço çe anoço vme ic qujnextia ca qualli in jmaceoal omuchiuh Auh intlacamo qualli in conjtta tecolli anoço tzotzomatli íc qujnextia ín çan icnoiotl netolinjliztli oqujmaceoalti Auh in aqujn amo cenca tonallapaliuj in amo [fol v

] itzin amo itzitzin in mauhcatlacatl amo can vel cana çanijo qujcaquj çan icampa ontlacuecuetlaxoa ontlacuecuechcaoa amo vel qujtoca çan onciammjquj onmociauhcanequj mjmjquj in jnacaio ça vtlica chachapantiuh aiocmo vel nenemj ic qujmati in çan oqujtetzauj ioaltepuztli çan ica onmocacaiauh ica ommaujlti aço cocoliztli mjqujliztli anoço icnoiotl tlacujutl tlatlaculli in oqujmacac injc oqujmotlac

No ioan netetzaujloia in tochin in jquac aca ichan calaquja qujtoa in mjllaca in mjlpan tlaca ie tlalpoliujz in jchan Anoço ie aca choloz ie contocaz in tochtli in maçatl ivuj ie tochtiz ie maçatiz ie motochtiliz ie momaçatiliz Injc muchichiuh tochin nacazpapatlactic tentipontic tentetepontic eliztac ioan çan cujtlapiltetepontic

No ioan in epatl netetzaujloia in jquac aca ichan calaquj anoço vncan mopilhoatia qujtoa ie mjqujz in chane ipampa iuh qujtovaia ca amo inentla amo inemja in calla in techan ca mjlpan çacatla memetla nonopalla in jnemjia in jqujçaia No ipan qujmatia ca ixiptla in tlacateculotl tezcatlipuca auh in jquac mjexi in teiexi qujtoaia omjex in tezcatlipuca Auh intla aca canaznequj in ace qujtoca çan ic qujqueloa ic ica mocaiaoa cenca qujquetza cacoquetza in jcujtlapil auh qujnjquac intla ie uel itech onaci njman ic qujualiexi iuhqujn aca tlaalpichia vel neci vel itto in jiel iuhqujn aiauhcoçamalotl ic moquetza auh vel temaoa tetechaquj in ijel aiaxcan tecaoa ic vetzi ic tlaxo ic tlaçalo [fol r

Auh mjtoa in aqujn ahqujmamatcaoa in amo iolizmatquj in amo nenonotzale in jquac oqujttac çan conchicha anoço cujtlatl ic contepachoa auh amo tle ic qujcnelia çan no qujtelchioa itla netolinjliztli ic qujteopoa ic qujmotla ic qujueipoloa aço victli mecapalli quittitia Auh in aqujn çan vel mauhcatlacatl qujmottitia njman amo coniecoa in jtemamauhtiliz vel çotlaoa iolmjquj aocmo chiche vel icopac tlaoaquj icamac tlapoliuj icamac tlaçaçalia aocmo tlapalti aocmo tlapaltia in jcamac [fol v

No yoan tetzaujtl catca tetetzaujaia in tlacanexqujmjlli iuh mjtoa çan ie muchi ieh inaoal inecuepaliz inenextiliz in tezcatlipuca in jquac ittoia çan momjmjlotiuh qujqujnacatiuh tehtentiuh In aqujn qujttaia ic qujetzanuja in ie mjqujz aço iavc anoço çan tlalmjqujz anoçe ytla amo qualli ie qujmonamjctiz ipan vetziz In aqujn amo iollochicaoac in amo iollatlapaliuj in çan mauhcatlacatl intla oqujmottiti çan ixpampa [fol r

In jquac tlallolinj centlamantli neci innetlapololtiliz in njcan tlaca in jquac tlallolinj njman iciuhca qujnquechaana in jnpilhoan injc yciuhca quaquauhtiezque injc yciuhca manazque qujlmach intlacamo qujnquechaanazque iciuhca ayaxcan quauhtiazque yaoan qujtoaia qujvica in tlallolinjliztli in tlacamo qujquechaanazque yoan qujmjxalpichiaia Auh yn jncal in jntlaquetzal in jncuezcon in jnxuc in ye ixqujch intlatquj muchi catzelhuja auh intla ytla oqujlcauhque yc maoaia qujlmach qujvica in tlallolinjliztli yoan ixqujch tlacatl ycaoacaia montenvitequja yc qujnmachiltiaya in amo qujmati

] tenquatic iez in jconeuh Auh injc qujpaleviaia otztli ytztli ixillan contecaia qujl ic amo tenquaiviz in piltontli Amono vel qujquaquaz in chapuputli qujl ic amo motentzoponjz in piltontli in jquac otlacat Yoan amo vel iooal nenemiz qujl cenca chocanj iez in jconeuh no iuhquj in toqujchtin amono vel iooal nenemjz anoçe itla qujmonamjctiz aço mjmjqujz Auh injc amo iuh ipan muchiooaz otztli xaltetl anoço tleconextli ixillan qujtema anoço iztauhiatl Auh in toquichtin xaltetl anoço picietl iehica qujl no vncan qujcuj in qujtoa aiomama Auh injc neci aiomama ycujtlapanca iuhqujn posatontli iuhqujn texotic anoçe cuetzpaliciviztli Injc neci cuetzpalicivi piltontli ceceiooal in choca yoan yquexilco yciacac motlatlalia nacatotonti ololtotonti melactotonti Auh injc pati qujxoxotla qujqujqujxtia in nacatotonti Ioan in otztli in jquac aiamo vel tlacatl motlalia in jconeuh qujntlacaoaltiaia in jquac oalmomana metztli injc amo conacopaittazque qujmjlhujaia macamo xoconjttacan in metztli mjmjqujz anoçe tenquaiviz in amoconeuh

Tlacatle totecue tloquee naoaquee iooalle ehecatle a ca nelle [fol v

Tlacatle totecujoie a ca nelle axcan ca ie iauh ca ie poliuj in maceoalli ca ie xaxamaca ca ie ixpoliuj im maceoalli in cujtlapilli yn atlapalli ca ie xamanj ca ie teinj in piltzintli in conetzintli yn aia qujmomachitia in tlalli in tapalcatl cololoa in tlalli ijxco ca in quaujc onoc in quauhtentoc ca [fol r

Tlacatle totecujoie tloquee naoacaie ca ie qujtimaloa ca ie qujmotlamachtia ca ie qujmocujltonoa auh ca ie qujtlamachtia in quavitl in tetl in moçomaltzin in moqualantzin in nelli mach in pôpocatoc in chîchinauhtoc in jtech ticmotlalilia in jtech ticmopachilvia injc ipan ticmopixaluja in jpan ticmotzetzelvia in acatl in aoachio auh injc itech ticmopachiluja in atl cecec in tzitzicaztli in tlancoliuhquj

Auh iz nelle axcan tlacatle totecujoe iooalle ehecatle moiocoiatzine titlacaoane quen qujnequj in tecujtimoiollotzin quecin tocommonênequjltia cuix ie oticmomacaujlli in mocujtlapil in matlapal cujx ie ixquich cujx ie iuhquj cujx ça iaz cujx ça poliujz in maceoalli [fol v

Hiyo tlacatle totecujoe tloquee naoaquee icnooacatzintle aviz nelle axcan manoço omelleltzin qujz manoço omocujltono ma omotlamachti in quaujtl in tetl in mocujtlapiltzin in matlapaltzin in maceoalli auh in matzin in motepetzin a ca oinacaztech ticmanjli ca oijomotlan timopilotzino ca oitech pachiuh in atl cecec in tzitzicaztli a ca onelle axcan ca ocontlamachti in tetzicunolti in tecujtiuetz in tlancoliuhquj a ca oipan ompixauh ca oipan vivixauh ontzetzeliuh in acatl [fol v

Tlacatle totecoe in mahan piltontli conetontli in atl in tepetl aço oqujcac aço omononotz aço oinoma yiomotlan inacaztech man aço oconmoluj in quexqujch aco oinoma quavitl tetl qujmomacac qujmotocti aço omaoac omononotz injc momactzinco mociauhpouhtoc in mociauhquetztoc in tlatetôtoc

Manoçoc ixqujch tlacatle totecoe tlaçopille tlaçotitlacatle manoçoc centetl ma oc itlaiecol ma oc xicmopantili xicmoteteuhtili manoço iloti ma cuepi im melleltzin in moqualantzin ma ceuj in moçomaltzin in motlaveltzin ma omelleltzin qujz Cujx tel amjcovaz campa çan ie nel nen onviloaz ca totequjuh in mjqujztli ca techcenmâceuh auh ca mjqujztequjtihoaco in tlalticpac ca ontocoz ca itech onaxioaz in motechiuhcauh in mjctlan tecutli in cueçal [fol r

Tlacatle totecoe ma oc iehoatl xicmottili in quaujc onoc in tlalli ixco ca in aia qujmomachitia motolinja in jcnotlacatl in nentlacatl in aauja in avuellamati auh in aic totonja in aic iamanja auh in aic vellamati in jiomjo in jnacaio in çan cen tôtoneoatinemj in ça çen chichichinacatinemj in jiollo aço cana ticmonequjltiz in quauhtli in ocelutl aço vmpa iaz in tonatiuh ichan aço qujtocaz in quauhtleoanjtl in cujcujliujc in tiacauh aço teatlitiz tetlamacaz in topã in mjctlan in jlvicac

Manoço ie ixqujch ma otimaviltitzino tlacatle totecue tloquee naoaquee tlalticpaquee moiocoiatzine titlacaoane ma qujça [fol v

] in poctli in aiavitl ma cevi in tletl in tlachinolli ma momanan tlalli ma tlato ma moçoçooa in quechol in çaquan ma mjtznotza ma mjtztlatlauhti ma mjtziximati Ca ixqujchtzin injc mjxpantzinco njvetzi injc mjxpantzinco njnomaiauj njnotlaça in anequetzaloian in aqujxooaian in temauhtican in maviziocan ma melleltzin njcquetz ma motlavueltzin ipan nja Tlacatle tlaçopille totecue ma ximotlacotili ma ximotequjtili

Tlacatle totecoe tloquee naoaquee ipalnemoanje ioalle ehecatle totecoe titlacaoane iaotzine a ca nelle axcan mjxpantzinco njnoquetza mjxpantzinco naci in titloque in tinaoaque cententica ac cencamatica njmjtznotza njmjtztzatzilia in jca in jpampa in cujtlapilli in atlapalli in nentlacatl in aqujmatinemj in nennemj in nencochi in nenmeva in qujnenquixtia in motlacatzin in moiooaltzin a ca ticmocujlia ticmocaqujtia a ca tlaciavi a ca tlaihijovia in maceoalli vmpa onqujztinemjn tlalticpac timalivi in jcnopillotl in jcnotlacaiutl [fol v

] in nentlacaiutl aommonamjquj in jquechtlan in jquezpan pilcac in jtzotzomatzin in vmpa oallauh ehecatl vmpa qujtquj vmpa qujmalacachoa vmpa qujmana acanjn moqujxtia nelli mach in toxomj in oaçomj injc qujmjxtemolitinemj in cochcaiutl in neuhcaiutl cenquaujtl cemjxtlavatl mantiuh aviz nelle qujtimaloa in cujtlaxcolpitzactli ytech motetecatinemj itech icoiocatinemj in jcoaiotzin nelli mach in omjçauhtinemj in cicujliuhtinemj aujz nellehoatl can tequjaoatlan qujquequetza in chilçolotl in jztatapalcatl auh iz in acan ommaqujtia can techinantitlan can texomolco can tecaltech itolol imalcoch qujchiuhtica tençaquaoatica itentzin qujpalotica yiztitzin qujtoponjtica çan avic moteijttilia çan tecamacpa motztilitica Auh tlacatle totecoe in jvetzian in jcochian iuhcan o nelli mach in qujhijovia nelli mach [fol r

Tlacatle totecoe iooalle ehecatle manoço tlacaoa in moiollotzin ma xicmocnoittili ma xicmotlaocolili ma xicmjximachili in momaceoaltzin motolinja in movictzinco elciciuhtinemj in mjtzmonochilia in mjtzmotzatzililia in mjtzmotemolia in movictzinco nentlamati

Tlacatle totecoe totonque iamanque tzopelique aviaque necujltonolle netlamachtille manoço xicmocnoittili ma xicmotlaocolili ca momaceoaltzin manoço [fol v

] in nelli icnotlacatl in nelli icnopilli in nelli motolinja in motloctzinco in monavactzinco mocalaqujanj in mopiloanj in mopechtecanj yn jtolol in jmalcoch qujchiuhtinemj tlalticpac in nelli qujtoa in nelli mjtzmomaqujlia in jniollo auh in at oncuecuenotiz in axcan mixpantzinco njcquequetza ha conjttaz hat oconmottitiliz in nelli vel iehoatl ijlujl imâceoal in toneviztli in chichinaqujztli in jcnoiotl auh in jxpopoiotl in côcototztli acommaviçoz auh acontimaloz auh havmpa onqujçaz in tlalticpac anelli mach in toconmotlatlachialtiliz auh hano iquac tzicunoz ha iquac mocujtiuetziz in ie cecec itech eoa in ie toneoa in ie chichinaca in jiollo in jnacaio a iquac motlattaz a iquac motztimotlaliz auh ie cujx oc vncan ca oconcauh ca otlatlaco ca omjxpantzinco tlacolo tlaujltec

Auh in axcan tlacatle totecoe tloquee [fol v

] naoaquee manoço tlacaoa in moiollotzin manoçoc achitzinca mopaltzinco oncochitleoa ontemjctlamati ma oc xoconmjnecujltili in maxcatzin in mocococatzin in motechcopatzinco vitz in tzopelic in aviac in totonquj in iamanquj in motzmolinca in mocelica in iehoa in jcnotlacatl in N ca ie ixqujch cavitzintli y in movicpatzinco elciciuhtinemj in nentlamattinemj in maceoalli in motzotzona in mocacapanja in toxomj in hoaçomj in toneoa in chichinaca in jiollo in jnacaio in jcnotlacat in nentlacatl in aavia in avellamati in cococ in teopuhquj qujmati a ca iuh catca atzintli ca ie nelli ca iuhquj ca aiac nelli ilujle aiac qujtoz maceoalle ca çan timoteicnoittilia ca çan timotepepenjlia ca cujtlatitlan ca tlaçultitlan timoteanjlia timotequjxtilia timotepapaqujlia timoteahaltilia auh çan timoteicnomachitia quauhtla çacatla in ticmanjlia in ticmonamjqujlia in mocnjuh in motlaiximach

Tlacatle totecoe manoço qujnequj in moiollotzin in [fol r

Tlacatle totecoe tloquee naoaquee ioalle ehecatle moiocoiatzine monenequje titlacavane iaotzine a ca nelle axcan ca ioli ca tlacati ca molinja ca mopitza ca momamali in teuatl in tlachinolli a ca camachaloa ca tentlapanj in tlaltecutli auh ca oalmomana in quauhxicalli in quappiaztli in tlapotonjlli in anemjuhquj aviz nelle axcan maviltiz in tonatiuh in tlaltecutli [fol r

Tlacatle iaotzine titlacaoane tezcatlipucae ioalle ehecatle manoço ivijan iocuxca texillan tetozcatlan maqujltitiaz in ac iehoatl auh in quezquj oticmomaceujli [fol r

Auh in axcan tlacatle totecoe titlacaoane ma ivian iocoxca yxillan itozcatlan imacochco ommoteca in tonan in tota in tonatiuh in tlaltecutli ma quioalmanjli ma qujoalmocelili auh ca timotlacotilia ca timotequjtilia tlacatle totecoe in ie ixqujch nepapan quauhtli ocelutl in toneoa in chichinaca in jiollo in nentlamati in mjtzmonochilia in mjtzmotzatzililia in amo qujtlaçotla in jtzontecon in jelchiqujuh in teca qujmotla in teca qujtepachoa in mjqujznequj manoço achitzin xicmottitili in qujnequj in queleuja in tiçatl in jvitl manoço xicmomachiotili in tonatiuh inan in tonatiuh ita in teatlitiz in tetlaqualtiz in tetlamacaz in topan in mjctlan in jlvicac auh in qujpiaz in quappetlatl in ocelopetlatl in qujpachoz in tlacateccatiz in tlacochcalcatiz [fol r

] ma xicmonantili ma xicmotatili in quauhtli in ocelutl in cenquaujtl in cemjxtlaoatl mantiuh in qujmottitia in texcalli in atlauhtli in jmac maniz in quauhxicalli in quappiaztli in tlapotonjlli auh in mjtzmotlatotonjliz in qujtotonjz auh in qujtimaloz in chimalli in tlaviztli in tençacatl in tlalpilonj in nacochtli in cuecueiochtli in matemecatl in cotzeoatl in maxtlatl in tilmatli in quemjtl auh in qujtotonjz in jlviltiz in jmaceoaltiz in qujcnopilviz in qujmaceoaz in chalchiuhtli in teuxiujtl in quetzalli auh in teucujtlatl in motzmolinca in mocelica in motzopelica in maviaca in motechcopatzinco vitz in monacaiotzin auh in ie ixqujch in quauhtlj in ocelutl manoço achitzin qujcnopilvi ma achitzin itech matilivi in tiçatl in jvitl ma xicmottitili in tlamaviçolli macamo mavi in jiollo ma caujiacamati ma qujtzopelicamati in jtzimjqujliztli ma ica in jiollo cavilti in necoc tene in tlapotonjlli [ fol v

Ma tlacaoa in moiollotzin tlacatle totecoe teutle teimatinje techichivanje ma ximotlatlatlalili ma ximotlatecpanjli ma ximotemamanjli ma necujltonolo ma netlamachtilo ma veia ma vecapanjvi in quappetlatl in ocelupetlatl ma motequaiotl ma motleioti in teuatl in tlachinolli ma ioli ma tlacati in quauhtli in ocelutl in tonatiuh iteavilticauh in jtetlamacacauh [fol r

Tlacatle totecoe cujx timotlacatolinja cujx timocnjuhtolinja ca iuli ca tlacati in mocnjuh can tlamjc mocnjuh [fol r

] auh injn maceoalli quen omjtzmotlachialtili cujx ticmotlanevilia cujx ica timotlatemolia in maceoalli in amo tlacamati in avmpa eheoa auh in aihivia in nentlacatl in çan qujpictinemj tlalticpac

Auh injn tlacatle totecoe tloquee naoaquee iooalle ehecatle ipalnemoanje teiocoianje tehimatinje totecoe ma tlacaoa in moiollotzin ma xicmocnelili ma xicmotlavilili motolinja in maceoalli in ixtepetla in jxpopoiotl ma xicmottitili in ocutl in tlavilli in tlanextli in catlehoatl onaiz in catlehoatl conchioaz in catlehoatl contocaz tehoatzin toconmomachitia anca quen toconmonequjltiz anca quen ticmjmachiliz anca quen qujtlaçaz qujqujxtiz in iooalli in tlacatli in cemjlvitl

Tlacatle totecoe ma tlacaoa in moiollotzin cujx onmotlacaiocoia intlan oc itla qujmavilti intla itla ic mjxpantzinco tlacolo tlaujltequj in petlapan in jcpalpan in vncan motepapaqujlitica in vncan manj in matlalatl in toxpalatl in [fol r

Macanoçomo iehoatl qujtonjz caquetzaltiz manoço ivian iocuxca in mjtzommotlapialili tlacatle totecoe ma ivian mjtzonmotlatlatlalilili mjtzonmotlatetequjlili in petlapan in jcpalpan in momaviziocan a ma noço xicmjtalvi ma xicmonequjlti ma tlacaoa in moiollotzin totecoe macamo çan cuel itla onai itla conchioa ma ipan xioalmoqujxtitiuh ma xiqualmomachititiuh auh iequene manoço xicmonequjlti ma teixco nen in tlalticpac ma çan noço [fol r

] cuel xicmomacavili ma ie ontlamati ma ie xoconmjvali in jxtlaoatl inepantla in jxtlavatl itic in teuatenpan in tlachinoltenpan ma ie ontlamati in tonatiuh ichan ma onchalchiuhtitiuh ma onteuxiuhtitiuh ma ommaqujztitiuh in jiollo in jnacaio in conmaca in tonatiuh macamo ommjçoloteoa auh macamo teixco teicpac onnemj onnentiuh Tlacatle totecoe teimatinje techichioanje ma tlacaoa in moiollotzin

] in jcpalpan in tetecuti in tlatoque in tlacatl in Acamapichtli in Tiçocic in Avitzotl in veve motecuçoma in Axaiaca in njcan onjcatiuh in Motecuçoma in Ilujcamjna auh in ie ixqujchtin in tetecutin in tlatoque in otlatqujco in otlamamaco in oqujmaviçoco auh in oqujtimaloco in petlatl in jcpalli in tecujotl in tlatocaiotl auh in ovel mjtzontlatetequjlitiaque in ovel mjtzonmotlatlatlalililitiaque in titloque in tinaoaque in timoiocoia in timoquequeloa auh in oconquetzteoaque in vei qujmjlli in vei cacaxtli in vei tlamamalli in tlatconj in tlamamalonj in etic in temamauhti in aixnamjqujliztli in aieoaliztli in jteputzco in jcujtlapan contlaliteoaque concauhteoaque in jntzon in jmjzti in ocuel achic qujmontzonteconacocujco in oqujmonteiotico in axcan oqujmontocac in oqujmomma in otoconmotlatili in otiqualmotzatzilili

] in onelli mach ipan qujçoçooaco in jahaz in jcujtlapil in onelli mach ipan mohonoltitivia auh manoce cuel ma cactimanj ma iooatimanj in matzin in motepetzin ca inencauhian ticmuchivilia tlacatle totecoe

Aviz nelle axcan quen qujnequj in moiollo cujx cactimanjz cujx iooatimanjz in atl in tepetl cujx inencauhian ticmuchiviliz a ieh motolinja in tlatqujtl in tlamamalli in cujtlapilli in atlapalli ca inan ca ita qujtemoa ca inan ita qujnequj ca mopachollanj a nelle motolinja in cenquavitl in cençacatl mantiuh in teutlalli qujtoca in jxtlaoatl qujnamjquj in qujmjxtemolia in qujtemoa y' qujcuj in qujtepoloa in qujlitl in quavitl in tlacotl

] Tlacatle totecoe tloqu e naoaquee manoço tlacaoa in moiollotzin ma xicmomacavili ma xicmonextili ma xicmomachiotili in ac iehoatl in mjtzonmotlapialiliz in tlatqujz in tlamamaz in oneticiviz in conaviltiz in atl in tepetl in jmetzpan contlatlalitiez in conaviltiz in contlavivitequjliz in atl in tepetl manoço xicmomacavili tlacatle totecoe ca onnemj in N manoço iehoatl xicmomacavili manoço iehoatl xicmomachiotili ma iehoatl compia y ma iehoatl achitzinca xoconmotlaneuhtili in mopetlatzin in mocpaltzin auh in motecuiotzin in motlatocaiotzin manoço iehoatl xicmocnoittili xicmopepenjli ma xicmanjli in cujtlatitlan in tlaçultitlan auh ma xicmotleiotili ma xicmotequaiotili tlacatle totecoe ma tona ma tlatvi xicmuchivili

Tlacatle totecoe tloquee naoaquee iooalle ehecatle a ca quavitl ca tetl itic titlachia titlamati auh aviz nelle axcan ca titic titlamati titic titechcaquj ticcaquj ticmati in tlein titic tiqujtoa in tiqujlnamjquj in tix in toiollo iuhqujn poctli aiavitl mjxpantzinco moquetza

] ie melaoac tlacatle totecoe tloquee naoaquee tehimatinje techichioanje teiocoianje ca oicnopillavelilocat ca ie cuecuenocivi auh ca oivintic ca oxocomjc ca oic ontlapolo in maxcatzin in mocococatzin in otoconmjnecujltili in oixtlan in oitentlan toconmoq'xtilili

] momaviziocan auh iz tlaavilqujxtia in puchtecaiopan in vncan moxillan motozcatlan mamaiavi in cenquavitl in cençacatl manj in jcnoquauhtli in jcnoocelutl in chocatinemj in tlaocuxtinemj in mjtzmotemolia in mjtzitlanjlia in motzmolinca in mocelica in maviaca in motzopelica in aticacaoa in jpan timolpihtoc auh iz nelle axcan tlaavilqujxtia in vevetitlan in aiacachtitlan in vncan titlaoculnonotzalo in vncan titlanjlilo in mellel in mjhijo in motlatol in vncan tinotzalo in vncan titlatlauhtilo auh in vncan qujmocotonjlia in jmjqujz in aavia in avellamati in toneoatinemj in chichinacatinemj in jiollo in jnacaio auh iz tlaavilqujxtia tlateuhiotia tlatlaçollotia auh tlaitonja in vncan taujltilo auh in vncan titenechicoa in vncan titemachiotia in vncã titeicujloa in vncan titetlillotia titetlapalotia in vevetitlan [fol v

Tlacatle totecoe tlein connequjz moiollotzin auh quecin toconmonenequjltiz ma xicmonequjlti at amo teca papaqujliztli auh at amo teca ahavializtli injc mjxpantzinco njnotlaça anca çan itlacujcujliloca in atl in tepetl auh ca çan ivelmanca in tlalli ma nelli motlaueltzin moqualantzin njmjtzneujlili ma njcolinj in moçumaltzin in moqualantzin auh ma melleltzin njcquetz in njmaceoalli ca tetl ca quavitl itic timotlamachitia timotlachialtia

Tlacatle totecoe tloquee naoaque ca oticmocujli ca oticmocaqujti ca omjxpantzinco qujpouh omjxpantzinco qujtlali in jiaca in jpalanca in maceoalli injc hacemelle auh anoço omocatzinco ommaviltico anoço mjxpantzinco otlaviltequjco oontlacoloco aço inoma ixcoian conmoquequechilico in atoiatl in tepexitl aço oompa ommotlaçaco auh aço oommaqujco in mecatl in tzonvaztli aço oconcujco in cocototztli in jxpopoiotl in palanaliztli in tzotzomatli in tatapatli aço onelle axcan tlacatle totecoe tloquee naoaquee aço vel oommoholpico aço cententli aço cencamatl oqujlochi oqujtolo oqujcamapacho ca ixcoian mjhieco mocaiauh ca ticmotztiliticac tlacatle totecoe iooalle ehecatle câ çan in oonvitza [fol v

Auh in axcan tlacatle totecoe tloquee naoaquee manoço omjtzmoteupovili manoço omjxtzinco mocpactzinco nen in maceoalli cujx ilotiz cujx cuepiz in motlaueltzin in moqualantzin manoçoc centetl manoçoc itlaiecul in maceoalli motolinja ha ca tel nelleh mocujtivetzi ca tzicunoa in ommocuepa in commati in conjlnamjquj in tlein oax in tlen oqujchiuh ha ca choca ca tlaocuia ca ijollo conqua in conmati injc omjtzmoiolitlacalvi injc omjxtzinco mocpactzinco nen ca mocujtiuetzi ca mjçavia manoço oc iloti in motlaveltzin in moqualantzin manoçoc chico iauh tlacatle totecoe ma axcan ma njcan xicmahaltili xicmopâpaqujli ma ontemo ma xocommaqujli in matlalapan in toxpalapan in jlvicaapan in axoxovilco in vncan timotepapaqujlia in vncan timoteahaltilia auh ma iauh ma choca ma tlavcuia [fol v

Auh in axcan ca njcan oticmomaqujli oticmononochili in tlacatl in totecujo in tloque naoaque in machê iolitlacolonj in mache çomale qualane in çan muztla viptla mjtzonmotlatiliz in mjtzonmocxipachilviz in mjtzonmjoaliz in tocenchan in mjctlan in vmpa oalneneciuhtoc in vmpa oalamatatacatoc in monan in mota mjctlan tecutli in mjtzalamjctoc in mjtzalteuciuhtoc auh mjtzonmomaqujliz motech contlaliz in iehoatl in molvil in momaceoal in otictemoli totecujo in otiqujtlanjli in jxpopoiotl in cocototztli in tzotzomatli in tatapatli in ajaçulli auh in jcnoiotl ticciaviz tiqujhijoviz vmpa onqujçaz in tlalticpac toneoaz chichinacaz in moiollo in monacaio moiacacpa qujqujztiaz in [fol v

Auh cujx tictlacaitta in tloque naoaque in telpuchtli in moiocoia in titlacava in Tezcatlipuca ca iooalli ca ehecatl xochpana xitlacujcuj chico tlanavac xitlavica xitlateca tictlaçaz tictecujnjz in tlacatl in telpuchtli ca topan moqujxtitinemj ca novian monemjtia ca ieleltzin [fol v

Tlacatle totecoe tlamacazque xoxouhque tlallocatecutle yiauhioe copalloe a ca nelle axcan ca omotoptenque ca omopetlacaltenque [fol v

Auh iz in maceoalli in cujtlapilli in atlapalli ca ie ixpolivi ca tlaixquatolpôpoçaoa tlatençaquava tlaomjçavi tlacoloivi tlachichiqujlivi ça tlatenpitzaoa tlaquechticeoa in cujtlapilli in atlapalli ixquatolçaçamactzin monemjtia in piltzintli in conetzintli in moquequetza in movilana in tlalli in tapalcatl cololoa in tlalli ixco ca auh in quavic onoc in vapaltentoc ca ie muchi tlacatl commati [fol r

] in toneviztli in chichinaqujztli ca ie muchi tlacatl conjtta in tecoco

Auh in axcan tlacatle totecoe tlalocatecutle tlamacazque quen qujnequj in moiollotzin cujx oticmomacavili cujx ie iuhquj cujx ie ixqujch cujx ça aocmo cujx ça iaz cujx ça poliviz in cujtlapilli in atlapalli in maceoalli cujx cauhtimanjz cujx iovatimanjz in atl in tepetl cujx ie ixqujch cujx ie iuhquj cujx oitoloc in topan in [fol r

Auh injn tlacatle totecoe in axcan ca nelli in tecoco in ie conjtta in ie commati in ie qujtimaloa in maceoalli in cujtlapilli in atlapalli in jtconj in mamalonj in tlamamalli ca ie vel vmpa onqujça nelli vel ie vmpa onqujça nelli vel ie conjhiiovia nelli vel ie côciavi nelli vel ie commati in jomjo in jnacaio ie vel itech onaci in jiollo in tecoco amo çan ceppa amo çan oppa mjqujztli in ie qujiecoa in ie qujtta auh njman ie ieh in iulcatzintli

Auh in axcan tlacatle tlatoanje xoxouhque olloe yiauhioe manoço xicmonequjlti manoçoc monacaztitlanpatzinco xicmottili in maceoalli ca ie iauh ca ie polivi ca ie ixpolivi [fol r

Auh ma mocujltono ma motlamachti in iulcatzintli in xiuhtzintli ma tlato ma papatlaca ma tlachichina in quechol in çaquan auh macanoçomo imelleltzin in tlaveltzin oalmoquetzatiuh ca tonalpitzavatoc in maceoalli qujmomauhtilizque qujmjçavilizque macamo motlatlaveltitzitzinoca ma çan iehoatl qujmanjlica qujmovitequjlican in ie innemactzin in jpan iol in jpan tlacat in vmpa pouhquj tlaloca in jmaxcatzin in jnnemactzin macamo ica maviltizque in cujtlapilli in atlapalli in cenquavitl in cençacatl mantiuh in cemjxtlaoatl t timanj

]in xoxovixtoc in quavitl in metl in nopalli in jxqujch ixvatoc ca itlaanca ca ijulca in maceoalli ca inenca in jcnotlacatl in nentlacatl in aiavia in avellamati in tlacnocavalli in aoalnecinj in jcochca in jneuhca in jcoaioiotzin itech motetecatinemj yn jtech icoiocatinemj

Tlacatle tlaçopille tlamacazque ma tlacaoa ma tlacoti in moiollotzin ma xicmoiollalili in tlalli ioan in jxqujch itech nemj in tlalli ixco qujztinemj

Tlacatle totecoe tloquee naoaquee iooalle ehecatle otlacauhquj in moiollo aço tinechmotlanevilia in njmaceoalli in njtlapalivi in cujtlatitlan in tlaçultitlan nonemja in anjcemelle in njteuhio in njtlaçullo

Tlacatle tloquee naoaquee otlacauhquj in [fol v

Ça ie ixqujchtzin tlacatle totecoe tloquee naoaquee iooalle ehecatle teiocoianje tehimatinje techichioanje njnotolinja quen njcnochiviliz in matzin in motepetzin quen njcchioaz in tlatqujtl in tlamamalli in cujtlapilli in atlapalli ca njxpopoiotl ca njnacaztzatza ca anommati in njxco in nocpac auh ca cujtlatitlan tlaçultitlan nonemja auh ca qujlitl ca quavitl nolvil notequjuh

] in vtli in njctocaz catle in njochioaz macamo xicmjnaili macamo xicmotlatili in tezcatl in ocutl in tlavilli ma nehoatl ovican njtlavica ma quauhtla ma texcalla njcvica njccalaquj in tlatqujtl in tlamamalli ma tochin maçatl yiovi njcnamjcti njqujttiti auh ma itla nopan olin ma teuatl ma tlachinolli nopan molinj moiocux ma apiztli ma maianaliztli nopanti quen nen quen njcnochiviliz campa njcnoviqujliz campa njccalaqujz in tlatquitl in tlamamalli omuchiuh onotlaueliltic quen vel nehoapul in anjnozcalia in anjnjmati auh ma nopanti ma cocoliztli nopan moman quen mach nenti in ie inencauhian ticmuchivilia in titloque tinaoaque quen mach nenti in ie cactimanj in ie iooatimanj in matzin in motepetzin

Tlacatle totecoe iooalle ehecatle macanoçomo cen ximovica ma xioalmoqujxtitiuh ma xiqualmomachiti in jcnoacatzaqualli in tlachcujtetelli ca njmjtznochialia in mocnocha in mocnochialoca ca movicpatzinco njnentlamati ca njmjtznotemachilia ca njqujtlanj ca njctemoa ca njctemachia ca njmjtzitlanjlia in mjhijo in motlatol injc tiqujnxox injc tiqujmjpitz in mocnjoa in motlaiximachoan in vel mjtztlatlatlalilitoque in mopetlapã in mocpalpan in momaviziocan in vncan topuchtilo in vncan titzcactilo in vncan timotevivitia in vncan timotepatillotia in vncan [fol v

Tlacatle teiucoianje tehimatinje techichioanje cujx nonnoiocoia in njmaceoalli in quenjn nonnemjz in tlein nonaiz in tlein noconchioaz in mopetlapan in mocpalpan in momaviziocan in quenjn toconmonequjltiz auh in quenjn tinechonmonequjliliz ca iehoatl nonaiz ca iehoatl noconchioaz [fol v

Tlacatle totecoe ca mocemmactzinco njnocaoa njnotlalia ca amo njnotquj ca amo njnomama camo njnoiocoia ca njxpopoiotl ca njtlaiooalli ca njxomolli ca njcaltechtli ma tlacaoa in moiollotzin ma xicmonequjlti ma achitzin ma tepitzin ma icpiticatzintli njcnopilti nomaceoalti in mocotzin in motlaviltzin in motezcatzin injc temjcteuh cochitleuhteuh achica cemjlvitl tlaxoxopeoaliztli vevetzcaiutl chocholocaiutl njmjtzonnochivililiz in mopetlapan in mocpalpan in momaviziocan

Tlacatle totecoe ma xioalmoqujxtitiuh ic avel in onontlapolo ic avel mononovitic auh ic avel in onopan tlacaoacac tlacatle totecoe ca nel njmonetlaxonjuh ca njmotlatlapitzal in maca nocnopil in maca nomaceoal ca njmoten ca njmocamachal ca njmjx ca njmonacaz auh ca njmotlan ca njmozti tinechmuchivilia [fol r

Tlacatle tlatoanje tlaçotitlacatle tlaçotzintle tlaçotle chalchiuhtle teuxiujtle maqujztle quetzalle a ca tioalmovetzitia a ca njcan mjtzalmotlalilia in tloque in naoaque in jpalnemoa A ca nelle axcan ca oiaque ca omotecato in motechiuhcaoan in machcocolvan in oqujnpolo in oqujntlati in totecujo in ie nachca ommantiuj in tlacatl in N auh in tlacatl in N etc ca oconquetzteoaque ca oconcauhteoaque in qujmjlli in cacaxtli in tlatconj in tlamamalonj in etic in aeoaliztli in aixnamjqujliztli

A ca iz onjcatiuh in tlacatl in tlatoanj in tlacatecutli in N in oc uel achic in oachitzinca otlatlaneuh in altepetl in oqujmotlanevi in atl in tepetl in oqujtemjc in oqujcochitleuh ca oqujoalmonochili ca oqujoalmotzatzilili in tlacatl in totecujo ca oconmotoptemjli ca oconmopetlacaltemjli in tloque in naoaque

Auh in axcan tlacatle totecoe ca tona tlatvi qujchioa in totecujo in tloque naoaque a ca tehoatl mjtzmapilhvia mjtzmachiotia ca omjtzicujlo ca omjtzmachioti [fol r

Tlacatle totecoe tlaçotitlacatle ca omjto in topan in mjctlan ca oitoloc ca omoquapano in tlatolli a ca tehoatl otê omopan vetz ca otê mopã ia in jhijo in jtlatol in totecujo in tloque in naoaque ca otê mjtzmapilvi cujx nel timotlatiz cujx timjnaiaz cujx canapa toiaz cujx teixpampa teoaz auh cujx no ie te timocujliz ac ticmati in totecujo auh ac titemati ac tiqujnmati in totecujoan in tetecutin in tlatoque in pipilti auh in aoaque in tepeoaque in tloqueque naoaqueque in otlamapilvique in otlatoque in otlatlalique in otlapepenque in oqujntlatolti in oqujncamachalolti in totecujo in aotlacavetz in aotlacaqujz in jnten in jntlatol in oteutlatoque injc tehoatl omjtznantique mjtztatique in atl in tepetl

] tlacatle totecoe nopiltzintzine ma aco ximolpi ma aco ximotetzilo ma ximuchichioa ma itlan xaquj in qujmjlli in cacaxtli ma tlaieiecavi ma cuepi ma popovi in jhijo in jtlatol in totecujo aço vel achi tictoctiz in tlatqujtl in tlamamalli auh aço no achica cemjlvitl temjqujz cochitleoaz aço mjtzmotlaneviz in atl in tepetl

Auh injn tlacatle tlatoanje totecoe nopiltzintzine ma ixqujch motlapaltzin xicmuchivili ma ixqujch xicmanjli auh ma ixqujch mjhiiotzin xicmuchivili ma oc xonelcicivi ma oc xontlaocuia ma oc xoconmotlaoculnonochili in totecujo in tloque in naoaque a cujx tlacaitto ca iooalli ca ehecatl ma oc itlan xonmocalaquj ma oc xonchoca ma oc xonelcicivi auh ma oc ivian ma oc iocuxca in jpetlapan in jcpalpan in jmaviziocan in tloque naoaque ma xoconana ma xoconnotza in jxaiotzin qujmatentivitz auh in jtonal qujcujcujtivitz macamo xonjxtomava

Auh ma nocuele titlaixitta ma no ie titlauhchiuh ca mjtzmotlantia ca mjtzmoztitia in totecujo ca titequanjuh ca titequacauh ca titlatzonteccauh ma qualan in aqujn ma moxicon aqujn cujx timotlacaiocuja ca monaoatil cujx tlacatlatoz in totecujo ca ie tehoatl ticmati

] xoconchioa ma oc mochoqujz ma oc motlaocul ipan xonie ma oc xonchoca ma oc xonelcicivi ma oc ie xontlateumati in quen macujl in quen matlac in quen mjtznequjlia in totecujo Quen tictlaçaz quen ticquixtiz in iooalli in tlacatli in cemjlhvitl manoçoc ivian in petlapan icpalpan ma xontetlatlauhtitie ma xontepepepetlatie ma aca ticchocti ma aca tictlaoculti ma aca tictzatziti auh ma aca ica timoquavitec auh ma ticnexti in motlavel in moqualan ma aca tictlavelnotz titlamauhtiz titlaiçaviz Ma no cuele taavillato ma ticacamanalo xictli tictlaliz ca aocmo motequjuh in ahavillatolli in çan camanallotl

Ach ca ie ticentlamantli ie tixtilli ie timacaxtli titequanjuh timavizio titleio auh titlaçotli timaviztic titlaçotitlacatl tipialonj timalhvilonj tixocoiomachonj Ma monevia ma mjxcoian timopatili timocevi ma xictli tictlali in petlapan in jcpalpan auh in tecuiopan in tlatocaiopan

Tle ticmatcatzintli tlacatle tlatoanje nopiltzintzine totecoe tlaçotitlacatle in maca çan cana panoaia ma oc xonmocxiieiecotzinotiuh ca amo ivian ieccan ca amo yvian qualcan in petlapan in jcpalpan in jmaviziocan auh in tlalticpac ca tlaalaoa ca tlapetzcavi ca aiac onqujzca ca moquatoc ca nenepanjuhtoc in tzoaztli in tlaxapuchtli in xomecatl in çacaqualli in çacamjtl ma oc ontlanto yn jioiave in totecoe ma oc ontlamj in melciciviliz Maca xoconvelicachioa maca xoconpaccachioa in cochiztli auh in nel cueitl vipilli tle iez quexqujch qualiztli ca mjqujztli ca cocoliztli ma xonmocujcujtivetzto ma xoconmamatto ma xocontetemjcto in motequjuh

Tle ticmatcatzintli tlaçotitlacatle totecoe ma njqujtlaco in moiollotzin ma motlaveltzin ma moqualantzin njqueuh ma moztitzin ma motlantzin itech njqujz ca çan ixqujchtzin ic mjxpantzinco njnalaoa njnotepotlamja njnotlavitequj auh ic ixpantzinco njtlacoloa njtlaviltequj njtlacueiacxolhvia in totecujo in iooalli in ehecatl ca njcan ca ca techmocaqujltia ca qujmocujlia ca qujmocaqujtia in cententli in cencamatl in aiuhcaiutl in njcqujxtia in aiuhcaivtl in popolonj in tzatzacuj in aiieian in aytlaliloian in njqueoa in njctlalia in njqujtoa

Iece ic popovi ic ixtlavi in naiotl in taiotl auh iece iuhcatzintli iece ixqujchtzin ic njtlatlauhtia in tlacatl [fol v

] in totecujo ca qujmocujlia ca qujmocaqujtia ca iehoatzin njcnomaqujlia ic ixpantzinco njtlavenchioa ma ximotlacotili ma ximotequjtili tlacatle totecoe tlatoanje

Tlacatle totecoe tlaçotitlacatle tlatoanje tzontle iztitle maqujztle tlaçotle chalchivitle teuxivitle cujx titemjquj cujx ticochitleoa cujx nanacatl in tiqujtta in ticmati in axcan in topan qujmoiocolia in topan qujmotemovilia in totecujo

Tlacatle totecoe ca iehoatl in camjctoc in qujteuciuhtoc in atl in tepetl ca ynan ca ita qujnequj ca chocatoc ca tlaocuxtoc ca mopachollanj yn tlatqujtl in tlamamalli in axcan [fol r

Ca ixqujchtzin ic momatzin mocxitzin njcpachoa njctlatlauhtia in moiollotzin in monacaiotzin tle ticmatcatzintli totecoe tlatoanje tlaçotitlacatle ma ximotlacotili ma ximotequjtili ma xicmonânamjqujli in tlacatl in totecujo auh ma itlan ximaqujlti in matzin in motepetzin

O ye tlacauhquj in jiollotzin ca njcan njtemjquj njcochitleoa manoço popovi ma ixtlavi yn jhijotzin in jtlatoltzin in iehoatl tloque naoaque auh ma ixtlavi in jntlatol in aoaque in tepeoaque tlein qujtta in ma yuh cioatioa cujx vel malacatl cujx vel tzotzopaztli Ca anommati in njxco in nocpac auh ca avel cententli cencamatl njcqujxtia in jhijotl in tlatolli auh ca nelle axcan ca cujtlatitlan ca tlaçultitlan nonemja auh at amo nelli nonemja in vncan tlacaoa yiollotzin totecujo

Connanqujlia qujlvia Totecoe tlaçotitlacatle timococotzinoz njmjtznotlaxiliz njmjtznjtonjlia njmjtznamanjlia motzontecontzin melchiqujuhtzin noconeoa Ma mjtzmotlamatcatlalili [fol v

Ma oc ie ie qujmomachitia in totecujo cujx vel achitzin ticmotoctiliz in atl in tepetl ma oc titlatemachican totecoe tlatoanje nopiltzintzine ma oc tictotemachilican in teiocoianj in tehimatinj in techichioanj Tle ticmomachiticatzintli tlacatle totecoe tlatoanje ma ximotlacotili ma ximotequjtili

Ic matlactli omey capitulo vncan mjtoa in tlatolli injc tlatlatlauhtiaia injc tlacuepaia in oc ce tlacatl in jquac amo tlatoaia tlatoanj iehoatl qujtoaia in aço aca vey pilli anoço tecutlato anoço yoaniulquj in tlatoanj [fol r

A ca njcan ticmomaqujlia in tlacatl in tlacatecutli yn N in xocoiotl in jnvitzio in jmavaio in jnnecauhca in tetecutin in tlatoque in ie nachca onmantivi auh ca ticmotlatlauhtilia aco ticmolpilia aco ticmotetzilhvia a manoce iuhquj aquj tlaltzintli aquj çacatzintli ipan ticmotemjlia

] cujx timjqujz intlacatle xococonj ma iuhtia ma iuhtia nopilhoane ma iuhtia quauhte oceloe can tica in otiqujnecu xiqujlcaoa xicmocaoalti ca amo ic timjqujz auh maço nel ivi in ticaoaltilo cujx nelli mach ça cenca tipipialo xoconj xoconqua iuh xinemj in juh tinemjz in quenjn qujnequjz moiollo ma iuh xonai ma juh xoconchioa

A ca ie moietztica in tlacatl in totecujo in tetl in quavitl itic tlachia in tehitic tlachia in tehitic tlamati macaço njmjtzitta macaço njmjtzmati ca ie mjtznextiz panj tlanezian mjtztlaliz in totecujo teuhtica tlaçultica in tineciz ichtequjliztica chicotlatoltica auh nel aoc timotlacaiocoiaz timomecanjz timatlacomolviz timoztoviz timotepexiviz ach ca noço nel ie maquja nel toiooaz titzatziz titlacaoatzaz auh in omellelacic cana vtlica tivetztoz tivilantoz ca tonanoz [fol v

Ca qujmocujli qujmocaqujti itech acic in atl itic monoltitoc in tlacatl in xocoiutl in tlacatecutli in jlvicamjna in motecuçoma auh ca conmotlacotonjlili ca qujz yn jt tzin in jtlatoltzin ca contequjuhti ca itech concauh in tlacatl tlatoanj in quauhtitlan in tlacatecutli in aztatzon macivi in çan itiachcauh macivi in çan itla catca in tlacateccatl ca amo mjxittaque in totecujiooan ca onmecanjloc ca mecatl conieco in tlacateccatl in ça ie ixqujch in çã ie ijo ipampa in motlatlaoantitinenca

Vi ach cujx tequjtl in octli auh in teuhtli in tlaçulli cujx nemovalonj in tetopco in tepetlacalco maiaviliztli ma ie xontlamatican ma ie xontlaelevican in jxtlaoacan in teuatenpan in tlachinoltenpa in vncan ioli in vncan tlacati in tonatiuh inan in tonatiuh yta in tlacateccatl in tlacochcalcatl in catlitia in qujtlamaca in tonatiuh in tlaltecutli auh yn ijlvil in jmaceoal in chimalli in tlaviztli in nacochtli in tentetl in tençacatl in tlalpilonj auh in matemecatl in cotzeoatl auh in jxqujch qujtta in jxqujch qujmaceoa in cozcatl in quetzalli auh in muchi ijlhvil imaceoal in muchi ynemac in muchi caci yn jtotonca in jiamanca in tloque naoaque in muchi ijlvilti in celic in aviac yn jtzmolinca in jcelica totecujo in jcenvic muchioa in xuchitl in ietl in atl in tlaqualli in maxtlatl in tilmatli in quemjtl in muchi qujcemaci in calli in tlalli auh in acovic in tlalchivic itto in nelli nammacho [fol r

] tlacatl in tlatoanj in mjtznotza in mjtztzatzilia inomatca in mjtzmaca in mjxpan qujtlalia in mjxpan qujchaiaoa in chalchiuhtli in teuxiuhtli in anemjuhquj in atemaconj in ateilhvilonj in jpan molpilitoque in totecujooan in tetecutin in tlatoque in apixque in tepepixque in iehoantin inca manj tlalli ca otlapouh in toptli in petlacalli ca otontlachix in vncan cepoatoc cuelpachiuhtoc in tlatconj in tlamamalonj in jnpial in jnnelpil in totecujovan in vel intop in vel inpetlacal auh in vel innaoatil

] yn tinane in titate in at titecpiltontli in at tiquappilli in at noço netlacamatcapan in at totoncapan iamancapan tijol titlacat intlaca ticcuj intlaca ticana intlaca ticcaquj in mjtzmaca in monan in mota ca njcan mjtzmonomatcavilia in tlacatl in tlatoanj in atl in tepetl auh ac oc mach ie in ticcaqujz aqujn vitz aqujn ticchia aqujn tictlacamatiz auh acaço toconanaz acaço toconcujz ca ie te tocõmati auh ca ie mopatiuh muchioa auh ac oc mach ie in ticcaqujz intlaca ticcaquj yn auh amo çan ie otovitic amo çan ie omotlaveliltic amo çan ie ie ixqujch amo çan ie ie iuhquj amo titlaneçomalti amo ie itla vitz at ie timotetzavia at ie iz vitz in jquauhtzin in jtetzin totecujo at noço oticmjcivitili in jxpopoiotl in cocototztli in palanaliztli at noço in jcnoiotl in aiaçulli yn tatapatli tonmottaz [fol v

Auh quenjn noço qujnequj moiollo mjtzmotlacaittitiz in totecujo mjtztlacanotzaz tlacatlatoz tlatoz auh cujx ie vel toconcujz cujx ie uel toconanaz in jten in jtlatol auh cujx ic pachiviz in moiollo cujx ic tonvellamatiz auh cujx yc vellommotlaliz moiollo

Tlaveliloque cujx nelli mach ca cenca moca tlaliloc naoatiloc in mauh in motepeuh in tlacatl in tlatoanj in xocoiotl in tlacatecutli in njcan tictlacecenmanjlia in titlamomoiaoa in jxillan in jtozcatlan

Tle anqujmomachitia ca ixqujchtzin ic njcnopalevilia in tlacatl in tlatoanj in atl in tepetl ma amoiollotzin motlali nopilhoane

Tlacatle tlatoanje totecoe a ca njcan qujcuj ca njcan cana in mocujtlapil in matlapal a ca njcan qujmocujltonoa qujmotlamachtia in oalqujça in oalchitonj in achitzin in tepitzin in mjhijotzin in motlatoltzin a in mjtzmomaqujli in mjtic qujmaqujli in totecujo in tlaçotli in maviztic in anemjuhquj in moxillantzinco in motozcatlantzinco in cepoatoc in cuelpachiuhtoc

Auh anoço conahacaqujzque acaço tle ipan conjttazque ca ie iehoan conmati anca ie imoujcauh anca otlaneçomaltique ca tel ie cvel patiooa ca otimoqujxtizino tlacatle totecoe tlatoanje ca nel aiuh [fol v

Auh ca iz monoltitoque in jnanoan in jtaoa in atl in tepetl in mjtzopuchtia in mjtzitzcactia tlaçotitlacatle totecoe ca oqujz ca oalchiton ca oqujcacque in tlatconj in tlamamalonj in tlaçotli in maviztic in anemjuhquj in qujpialia in qujtqujlitoque in atl in tepetl

] tloque naoaque in tlacatl in iooalli in ehecatl cenca xoconmaca in moiollo in monacaio ma nen chico ticquetz in mocxi auh ma mjtic titlato ma itla mjtic tiqujto ma tichicotlato monexiuhtlatilco ca quavitl tetl yitic tlachia tlacaquj in totecujo auh ca nel moiocoia ca moquequeloa ytla mopan qujoalmonequjltiz

Injc vncamatl yvian tetloc tenaoac ximonemjti maca xixtomaoa maca xicica ma muchi tlacatl mjxtil mjmacax ma itla ic teixco teicpac tinen auh ma no itla ic teujc tehoa ma atimotlatlamatcachiuh ma xîtolõ quenjn titoloz ma ça iuh xipolivin quenjn tipoliviz ma tictecuepili in mahan ticoatl ma atimotlatlamatcachiuh ma tevic teoa ma titehecavitivetz çan motech xoconpacho çan motech xoconmatelo ca mjtzitzticac in totecujo ca iehoatl mjtzmotlaqualanjliz ie motzoncujtzinoz çan [fol r

Izcatquj in motequjuh in ticchioaz in ceiooal in cemjlvitl xitlateumati mjiecpa ivictzinco xelcicivi in iooalli in ehecatl xictlaitlanjli xicnotza xictzatzili ivictzinco ximaçoa oc cenca in movetzian in mocochian ma ca velic cochiztli xicchiuhto xiçateoa ximocujtiuetzi in iooalli xelivi momolicpi motetepon ic xitlacça ximeuhtiqujça motolol momalcoch xicchioa xicnotza xictzatzili in tlacatl in totecujo in iehoatzin in iooalli in ehecatl ca mahaviltitzinoa in iooaltica mjtzcaqujz auh vncan [fol r

Auh intlaca qualli molhvil momaceoal in iooaian timacoc injc tâpanoc in jpan tijol in jpan titlacat vncan qualtiaz iectiaz qujmocuepiliz in tlacatl in totecujo in tloque naoaque auh iooalli xiqujtzto ximeuhtiqujça ximaçouhteoa xipopoxiuhteoa ximjxamj ximomatequj ximocamapaca xiccujtivetzi in ochpanoaztli in ochpanalli itlan xaquj maca xiiamanjxto maca xitotonjxto xitecamapaca oc cenca iehoatl in tlenamactli ma ticxiccauh ca ic tlaitlanjlilo in totecujo ca itlaoculnonotzaloca

Auh in ie iuhquj in otimocencauh ca tlein ticchioaz ca tlein toconcujtivetziz mocioatequjuh cujx ie in atl in metlatl cujx ie in malacatl in tzotzopaztli vel xiqujtta in atl in tlaqualli in quenjn iecavi in quenjn muchioa in quenjn iectia quenamj in [fol v

Auh ic titlaçotiz intla ça nen haneiocol cana mjtzmopovili totecujo in at ie timalivi icnotecpillotl auh ie iehoatl vel xiqujtta vel xonmopacho in vel ic cioatequjtl in malacatl in tzotzopaztli vel xonmjxtzaiana quenjn tultecati quenjn amantecati quenjn tlatlamachicujloa quenjn tlatlapalpoa quenjn tlatlapalaquja in mopitzitzioan in motecujiotzitzioan in totecujiooan in civapipilti quenjn nexiiotilo quenjn nequatzomalo quenjn neoctacatilo [fol r

] molhvil ca amo monemac in qujlitl in quavitl in chilçolotl in jztatapalcatl in tequjxqujtlaltzin tequjaoatlan ticquequetzaz ca tipilli ie vel xonmjxti yn in malacatl in tzotzopaztli in atl in tlaqualli

Iz a ça nen o haneiol aioc tlacatencopa aca mjtzmapilhviz motech tlatoz intlacatle veli quen nenti amo ic tioalixmotlalozque auh intla otechmotlatili totecujo amo ic tonteputzcomonjlozque amo mjctlampa ic tonaiozque

] mocpac matiz in otiqujttac yn aqujn amjoan amoneoan anmopopolivitizque ma ticcauh xictzitzquj itech ximopilo ma nel icnotlacatl ma nel icnoquauhtli icnoocelutl ma nel icnotiacauh in anoço icnotepiltzin in aço ie tlaciauj ma ic tiqujhix ca amechmjmachiliz amechmochichiviliz in totecujo in tehimatini in teiocoianj in techichioanj

Hotzin cocotzin tepitzin conetzin nochpuchtzin ca otoconmocujli ca otoconmanjli yn jhijotzin in moconetzin in tlacatl in motecujotzin otoconcujc in anemjuhquj in atemaconj yn [fol r

] jxillantzinco in jtzocatlantzinco cepoatoc cuelpachiuhtoc ca tel amo mjtzmotlanevilia ca tiezio ca titlapallo ca tineiximachiliz in tlacatl maço ticioatzintli ca tixiptla

Auh njman ie izcatquj ca nel titecpiltzintli injc tinemjz amo avic titlachiaz amo tinanacaztlachiaz amo mjxquatitlanpa titlatlachiaz amo no ie titoloxochton tiez amo no tictlatlavellaliz in mjxtelolo amo tictlavelmanaz in moxaiac muchi tlacatl xicpaccaitta auh in no ieh ic aiac moxictiz in jmonecian xictlavelmana in jhijotl

Auh ca icnooacatzintli in tlacatl in totecujo intla otax intla oticcchiuh intla oipan tia motlavical auh intlacamo njman mjtzmonextili tloque naoaque aoc ic yvian tiez aoc ic yvian tinemjz qujiollotiz in totecujo in oqujchtli ça quaqualanjz tlatlaveaz

] totecujo in amjximati oqujmaviçoque in xuchitl in jietl in maxtlatl in tilmatli in quachtli in quemjtl auh in tlalli in calli in oqujmaviçoco auh in amjximati oqujmaviçoque in atl in tlaqualli in nepapan auh in oqujtimaloco in chimalli in tlaviztli in teçacatl in tlalpilonj in nacochtli in tentetl auh in jmjxpan onemamauhtiloco cujx ic oquen muchiuhque o cujx oaquetzque cujx ocuecuenotque in mjtoa cujx oatlamatque cujx oatlamatico cujx ic teixco teicpac onemjco cujx ic aiac tle ypan oqujttaco in tlalticpac

Xiccaquj aiac aquetzquj aiac cuecuenotl aiac cuecuech anoço mjtoa cuecuetz in otlatocat auh aiac ilihviztlacatl aiac yciuhcatlacatl [fol v

Auh in juhque yn injque yn iaomjcque vel maviçolo vellaçocamacho in tlalticpac auh no c ca vel elevilo no vel intech neiolcocolo injc muchi tlacatl qujnequj qujtemoa quelevia injn mjqujztli cenca iecteneoalo

Auh njman ie iehoantin in elaqujlo ioan in jnpan tlatlatzinj in viteco ca iuh conjtotivi in vevetque ca iehoantin in qualli in iollo in jnpan tlatlatzinj in viteco ca qujnnequj qujmelevia in tlaloque vmpa qujnvica in jnchan in tlalocan vel itloc inaoac nemj in tlacatl in xoxouhquj in ollo in jauhio tlamacazquj in tlalocatecutli ca nel noço tlaloca in calaquj in vico in viteco vmpactivetzi cemjcac xopan in nemj aic tlacuetlavia cemjcac tlatzmolinj tlacelia cemjca tlaxoxovia

] in motetepatzca ca hiciuhca oaquj no tiuhquj in otoconmotetequjmacac tlalticpacaiotl amo ça tinentlacatl auh aça cuel moiacacujtlapil pilcatinemj titlanpixqujtinemjz tixonauhtinemjz tipineoatinemjz

Izcatquj muchiuh ce tlacatl anoc ilpiloc vevenpul quaztapapul ipampa tepan ia tetlaxi auh tlatlanjloc in cujx noma qujnequj tlalticpacaiotl qujto ca qujn ieie itlati in qujnequj tlalticpacaiotl ipampa in jpiltian in jtelpuchtian acan oqujttac cioatl ano ic ocana tlalticpac tlama ie ichicaoalizpan ie ivevetilizpan in qujn oqujttaco tlalticpacaiotl

In jpan tlacatl neçaoalcoiotzin omentin [fol r

Tacatl tlatoanj totecujo ma xicmocujli ma xicmocaqujti in amoqujchtzitzinti ca amehoantin antlatzivi ca amehoantin anmocaoanj in amo mjciuhcapoloque ca ie ixqujch [fol v

Injc etlamantli cenca moiolic in titlatoz cenca ticnematcaviz amo ticiuhcatlatoz amo ticicaz amo no tipipitzcaz injc amo mopan mjtoz ca tiqujqujnton tiqujqujnapil ca tipipitzton amo no titzatziz injc amo tixolopitli tixtotomac timjllacatl titequjmjllacatl ipan timachoz çan tlaco çan tlanepantla in ticvicaz in ticqujxtiz in mjhijo in motlatol auh ticqualtiliz in ticiamanjliz in motlatol in motozquj

Injc chicontlamantli injc timuchichivaz injc timotlaquentiz amo timotopalquetzaz amo timoxancachichioaz amo motech tictlaliz in topal tilmatli in topallaquemjtl in tlamachio auh amo no iehoatl motech tictlaliz in tzotzomatli in tatapatli in aiaçolli in ahaiavia in avellamati qujtimaloa in qujmaceoaltia in qujlviltia totecujo injc qujtlamaceoaltia in jcnotlacatl in nentlacatl in haiavia in avellamati in toneoa in chichinaca in cenquavitl in cemjxtlaoatl tentimanj in qujmjxtemolitinemj in qujlitl in quavitl in cimatl in tlaneloatl amo tictlaieiecalviz amo [fol r

] qualli tonalli iehoatl in acatl oçumatli cipactli quauhtli calli

Auh in otlathujc in ie iquac tlapaliuhcati in oqujchtli ioan in mocchotia cioatl njman ie ic calaquj in tlacouanotzalti Achtopa iehoantin calaquj in telpuchtlatoque in tiachcaoan in ontlaquaque çan cacaoatl in quj ca in octli camo quja Auh in ie ixqujch tlacatl in vevetque in jlamatque iquac in nepantla tonatiuh in calaquj nececenquetzalo in tetlamaco in teamaco in texuchimaco in teiiemaco

] in cioamontli njman ie ic commâma njman ie ic contlatia in tlepilli ic neztiuh in ie ujco ioqujchoacan nenecoc mamantiuj in qujtlavilia auh in jxqujchtin yoaiulque cioatl qujtepeujtiuj cololujtiuj juhqujn tlalli cuecuetlaca icampa auh in ie qujvica iuhqujn cemjxtli ivic muchi tlacatl qujtta auh in cequjntin qujmjlvia in jmjchpuchvan

] Muchipa omentin in tlatlatlauhtia in tlatlapaloa In oc ce tlacatl vevetlacatl tlatoa qujtoa qujmjlvia in vexiuhti

Noxviuhticatzine tlaçotitlacatle maqujztle chalchiuhtle teuxivitle tzontle iztitle [fol r

] A ca nel axcan amjtzmolnamjqujlia in teutl in tlatoanj in tloque naoaque a mjtic qujmaqujliznequj in ioliliztli mjtzmocozcaiotiliznequj mjtzmoquetzallotiliznequj cujx otonelciciuh cujx otonchocac cujx oivic tonmaçouh cujx otoconmotlaitlanjlili in totecujo in iooalli in ehecatl in iooalli xelivi in tlacoiooan auh cujx otoncochiçac cujx oitlan tonac in ochpanalli auh in tlenamactli cujx vncan omjtzmocaqujti cujx vncan omjtzmocnoittili in totecujo cujx ic itolo in topan in mjctlan in iooaian in mjtic qujmotlaliliznequj in totecujo in ioliliztli cujx ie nelli cujx oqujmacauh in tlacatl in topiltzin in quetzalcoatl in teiocoanj in techioanj auh cujx oqujto in vme tecutli in vme cioatl cujx omoquapano in tlatolli

Achtopa nepanotl monotza motlapaloa motlatlauhtia in pilhoaque ce vevetlacatl tlatoa aço telpucheque anoço ichpucheque qujtoa

A manoço nelle axcan ma icuexanco ma iteputzco xicmotlalilican in amantecatl in toltecatzintli in ticitzintli ma cententica ma cencamatica xicmotlatlauhtilican ma qujcuj ma qujximati in amonaniotzin in amotaiotzin ca njcan monoltitoque in pilhoacatzitzinti in cozqueque in quetzaleque cujx aocac tlacatl ma qujn amonjcatzinco in quen polivizque can nel oc amechonmanjlizque in oamechmopolhvi totecujo auh injn ca oc amechonmocnopilhvilia tle anqujmomachitia

] Niman qujoallalia in ticitl qujtlatlauhtia oalmotlalia in vevetque in jlamatque ce ylamatlacatl in tlatoa qujlhvia in ticitl

Ic cempoalli onchicome capitulo vncan mjtoa in quenjn ce ylamatlacatl in telpucheque anoço ceme in jchpucheque qujnonotzaia qujtlatlauhtiaia in ticitl injc qujceliz in jtech qujcaoaia in otztli ioan in quenjn tlananqujliaia in ticitl injc qujcelia in tlatolli auh njman ie iehoatl in jzqujtlamantli qujlviaia in otztli injc amo cenca qujtolinjz in piltontli in jquac tlacatiz injc vel iciuhca mjxiviz mjiec in moteneoa in neiollotilonj cenca qualli in tlatolli in juh tlatoa cioa ioan cenca quâqualli in metaphoras

] auh iehoantin in nantin in tati mjtzmopilmaqujlia in axcan manoço nelle axcan manoço itech xicmaxitili in ixuchicaltzin totecujo in vncan motetetzavilia in nantli in tecitzin in tlacatl in iooalticitl manoço qujcuj manoço qujmottiti in temazcaltzintli anca ça nel ie cuel ei navi metztli in chipinpiltzintli quen ticmottilia ma ne tontlacocolizcujtiti acacemo pacholonj

] onotlaueliltic in njlama quen vel nehoatl in annechmomapilujlia in auel ixtli in auel nacaztli in atle vel onchivililo in totecujo in anjnozcalia in anjtlacaquj ca onovac ca ieloac ca tlaxquaoatoc in jtultecaoan totecujo in jxeque in nacaceque aviz in pialeque in qujxox in qujmjpitz in tlacatl in totecujo in vel itlanaoatilhoan aviz in oc ceppa no iehoantin qujnmovivitia qujnmopatillotia in vel itlatequjpanocaoan in jnmachiz yn in jntequjuh yn in njcan njccuj njccaquj

Aviz nelle axcan quen oannechmjtalhvique aço itencopatzinco in totecujo in tloque naoaque in tlacatl in iooalli in ehecatl aço vncan nechmaqujlia aço ie vncan nopoctlan naiauhtlan aço omotlatziviti in totecujo aço onjtlatlatzivilti

Ic conjtotivi in vevetque in njcan tlaiooa ie tlaneci ie tlatvi in mjctlan hiça meheoa in mjmjcque auh in oinmac concauhque cioa in mjcteca in iehoatl tonatiuh njman no cecemmanj oalhvi oaltemo in tlalticpac qujoalcuj qujoaltemoa in malacatl in tzotzopaztli in tanatli in jxqujch cioatlatqujtl qujoaltemoa injc tlaztlacaviaia in tzitzimjtl in coleletli mjiecpa monextiaia moteittitiaia iuhqujnma ie mocioaquetz qujnotza qujmottitia in jnamjc [fol r

Otimotlalticpacqujxti noxocoiouh noqujchpiltzin notelpuchtzin intla cioatl qujlvia nochpuchtzin noxocoiouh cioapilli oticmjhijovilti oticmociavilti omjtzalmjhoali in motatzin in tlacatl in tloque naoaque in teiocoianj in techioanj otimaxitico in tlalticpac in vncã qujhijovia in vncan qujciavi in mocotoncaoan in movilteccaoan in tona in ceoa in eheca in amjcoaian in teucioaian in âhavialoian in avellamachoian in imjhijoviaia in jciauhian in jteupouhcan noxocoiouh cujx vel achi tictlaliz tonatiuh [fol r

Qujnotza in teutl in chalchivitl icue in atl qujlvia in ticitl Tlacatl totecujo chalchivitl icue chalchiuhtlatonac ca oiecoc in maceoalli â ca oqujoalmjoali in tonan in tota in vme tecutli in vme cioatl in chicunauhnepanjuhca in vmeioca â quenamj ic ochichioaloc quenamj omacoc in iooaian quenamj qujtqujtivitz [fol r

] quenamj ic mapantivitz quenamj ic molpitivitz aviz acaço cemelletivitz aviz quenamj ynequal inequavitec itech ietivitz in jnan in jta tle itliltica tle icatzaoaca tle iaquallo itech ietivitz in piltzintli in nantli in tatli ca ie momactzinco ma xiqualmanjli ma xicmahaltili ma xicmopapaqujli ca oc ie tehoatzin ticmomachitia ca oc momactzinco caoalo ma xicmjquanjlili in jtliltica in jcatzaoaca in jaquallo in jnan in jta Auh in acaço cemelletivitz mâ atoco mâ polivi in tlein itech ietivitz in aquallotl in aieciotl ma qualtia ma iectia ma chipaoa in jiollo in jnemjliz injc pacca iocuxca monemjtiz tlalticpac mâ atoco in teuhtli in tlaçulli mâ atoco ma polivi injc omotlaloc ca oc momactzinco tlacatl totecujo Chalchiuhcioatl chalchivitl icue [fol v

] in temjxivitianj in jmac tlacatioanj qujlvia intla ilama tlatoa qujtoa Noconetzin totecujo tlaçotitlacatl otimotlacotili otimotequjtili oticmonanamjqujli in cihoapilli in Cioacoatl in qujlaztli aviz nelle axcan ca omecavi ca otlalticpacqujçaco in jaxcatzin in jtlachioaltzin totecujo in ie macujl in ie matlac in ticchialia totecujo aviz in ceiooal in cemjlvitl in otoconmattinenca in quenmach nenti in tlacotiz in tequjtiz in cioacoatl in qujlaztli quenmach nenti â oic onjcatia in ijtitzin in tochpuchtzin in toconetzin quenmach nenti oqujmovicalti in ijtitzin quen nen tiqujtoanj tle tiqujtoanj ac tictolhvianj Axcan ca otlacauhquj in ijollotzin totecujo otechmocnelili njcan ijxco icpac titlachia in cozcatl in quetzalli in omecavi motolinjcatzintli motolinjtzinoa â quen qujmonequjlilia in totecujo cujx monoltitoz cujx motetzaoaltiz [fol r

] anmotlachialtia in jnvitzio in jmaoaio in cultin in citi in jntzicueoallo in jntlapanca in ie nachca onmantivi in vevetque in jlamatque â njcan nellehoatl ipaltzinco titemjctlamati ticochitleoa in totecujo ijxco icpac titlachia in mecavia in cozcatl in quetzalli in piltzintli in nican omotlapanalti A njcan nellehoatl nelle axcan in njcan in jcnotlaleoalco in jcnoacatzaqualco mocozcatlatlapanjlia moquetzaltemjlia in tlacatl totecujo in teiocoianj â in tlacatl in quetzalcoatl â njcan amoquechtlan amotozcatlan amomac qujmotlalilia in cozcatl in quetzalli in anemjuhquj in maviztic in tlaçotli in anecovilonj in acan ca amjxpantzinco amomactzinco qujmotemjlia in patlaoac in quetzalli in vel iaque in xopaleoac

Intla tlatocaconetl intla tlatocapilli intla tlaçopilli intla çan noço tecpilli ilvilo Intla oqujchtli tlatlapaloa qujlhvia Noxviuhticatzine tlacatle totecoe tlaçotzintle tlaçotitlacatle chalchiuhtle maqujztle teuxivitle quetzalle [fol r

] tzontle iztitle oticmjhijovilti oticmociavilti otijoculoc in vmeiocan in chicunauhnepanjuhca omjtzpitz omjtzmamal in monan in mota in vme tecutli in vme cihoatl auh nelli iehoatl â in tlacatl in topiltzin in Quetzalcoatl A otioalioaloc in njcan tlalticpac in jciauhcan in jtoneuhcan in jchichinatzcan in jteupouhcan in cococ in teupouhquj iqujztocan ijehoatocan in vncan in mjhijovia in mociavi in timalivi in toneviztli in chichinaqujztli

Tlacatle totecoe tlaçotitlacatle aço titocnopiltiz aço titomaceoaltiz aço achica cemjlhvitl timjtztotlanevitzinozque aço mjtzicnopilviz in atl in tepetl auh acanoçomo acaço tle ilhvilli acaço tle maceoalli [fol r

Totecoe tlaçotzintle tlaçotitlacatle oticmjhijovilti oticmociavilti otimaxitico ma tlaltech ximaxiti ma ximocevitzino otimaxitico totecoe tlaçotitlacatle

Nimjtznjtonjlia â mopantzinco njqualvicaz njqualolinjz in temuxtli in ehecatl motlantzinco njqujquanjz in quavitl in tetl ma ximotlacotili ma ximotequjtili totecoe cihoapille tlaçotzintle ixqujchtzin popolonj tzatzacuj aijeian aitlaliloian ic njmjtznotlapalvia njmjtznociauhquechilia tle ticmatcatzintli tlaçotitlacatle totecujoe

] in tlaçotli in maqujztli in teuxivitl in ololivic in vel popoca in chalchiuhtli in acatic in xictic in vel qujltic in vel icucic in quetzalli in vel iaque in xopaleoac â njcan anpilhoacateuhtlamattoque auh manoço xoconcujltonocan manoço xocontlamachtican in cozcatl in quetzalli in tzicueoallotl in tlapancaiotl in tzontli in jztitl in tlaçotli ma oc xonpilhoacateuhtlamattocan auh manoço nelle oc ioan ontlanto in choqujztli in jxaiotl in tlaoculli in tlatlauhtli Ma oc nelle axcan xoconmotlaoculnonochilitocan in teoutl in tlatoanj in tloque naoaque in moiocoia  in moquequeloa quenmach nenti teutl qualo tlatlatzinj otopan qujoalmonequjlti oçan techonmanjlilico in tlacatl totecujo quenmach nenti ochoqujztli tlaoculli qujmotemovili in jpalnemoa A manoço nelli a ie tocontomactocacan â in njcan tictemjquj ticcochitleoa in piltzintli [fol v

Çatepan qujtlapaloa in pilhoa in tatli qujnotza qujlhvia Tlacatle totecoe noxviuhticatzine tlaçotitlacatle njmjtznococolhviz nimjtznotlaxiliz â ioan njmjtznotlalcaoaltiliz ca titlacoti ca titequjti â ca oc [fol r

] nelli tehoatzin tinetlaxonjuh titlatlapitzal tonmuchioa in tloque naoaque in totecujo in iooalli in ehecatl ca oc toneticivi ca oc tonmjtonja in petlapan in jcpalpan in vncan aiatlamattivi in aontlaiecotivi in tiqujnqujmjlpatla in tiqujncacaxpatla in totecujiooa in mjtzmocavilitivi oc tehoatzin toconmotlapialilia in totecujo oc tehoatzin toconmotlaveltetequjlilia in petlapan in jcpalpan in jmaviziocan ca çan achitzin njcan aiuh qujzcaiotl aiuh tlancaiotl ic mjxpantzinco njnalaoa njnotepotlamja njctlapaloa njctlatlauhtia in momatzin in mocxitzin in mjxtzin in moiollotzin in jca in jpampa in otlaocux in otlacauhquj ijollotzin in tlacatl in totecujo in tloque naoaque in jpalnemoanj in oqujmomacavili in oqujoalmjoali in cozcatl in quetzalli in moneiximachiliz in meziotzin in motlapallotzin in motzontzin in [fol v

Tlacatle nopiltzintzine totecoe tlaçotzintle tlaçotitlacatle motzontecontzin melchiqujuhtzin njqueoaz njmjtznotlapololtiliz njmjtznotlalcaoaltiliz ma ximotlacotili ma ximotequjtili ixqujchtzin ic njctlapaloa in motecuiotzin in motlatocaiotzin noxviuhticatzine tlaçotitlacatle

Noxviuhticatzine tlacatle totecoe ca timotlacotilia ca timotequjtilia njmjtznotlalcaoaltiliz njmjtznotlapololtiliz in njcan mjxpantzinco nâci njnoquetza A ca nechoalmjoali onechoaltopeuh in tlacatl in mjccauhtzin in tlatoanj in N in nachca in tlapializtli mjtzonmuchivililia in N ca conmjtalhvia Tla xoiatiuh xiqualmottili in tlacatl in mjccauhtzin in tlacoti in tequjti xiqualmotlatlauhtili in jpampa in otlaocux in otlacauhquj in jiollotzin totecujo in oqujmomacavili in jaxcatzin [fol v

Ca ixqujchtzin in anqujmocaqujtitzinoa injc anmotlatlauhtitzinoa in antotecujiooan ma ximotlacotili ma ximotequjtili tlacatle tlatoanje totecujoe

Niman oalmoquetza ce vevetlacatl qujtlananqujlilia in piltzintli ioã in pilhoa ioan no qujntlananqujlilia in vevetque in jlamatque in tetatzin qujcentlananqujlilia qujtoa Oticmjhijovilti oticmociavilti nopiltzintzine ca njcan tlacaoa in moiollotzin in monacaiotzin ticmocavilia in monaniotzin in motaiotzin in amechmocavililitiaque in amechmomaqujlitiaque [fol v

] monoltitoque in njcan qujmjhijoviltitoque in nanti in tati in vevetque in jlamatque in tzonjztaque in quaiztaque in oc iehoantzitzin inmatian muchioa in omecavi piltzintli in jntzon in jmjzti in totecujiooan in oqujnpolo in oqujntlati totecujo onjcan tocôcencujque in anemjuhquj in maviztic in tlaçotli in monaiotzin in motaiotzin njcan otocontlapoque in toptli in petlacalli ovalqujz ovalchaiaoac otococecenmanque in anemjuhquj in mjtictzinco caquj qujtlali in totecujo in mjtzmoiollotili maço cana tocontlatlazti maço tictlachitonjliti in totecujo njcan tontlanenqujxtia njcan titlanenpoloa Auh ieehoatzin in tlacatl in tlacoti in tequjti in oc cuel achic in cemjlhvitl qujtlânevia in totecujo in jca tlatemoa oconmocujli oconmanjli î cententli î cencamatl in chalchiuhtic in tlaçotic in maviztic in monaiotzin in motaiotzin in mjtictzinco caquj in mjtziolloti [fol r

] in totecujo in tloque naoaque iuh timuchiuhtzinoz ô ca iehoatl ô injc ie achica injc ie cemjlhvitl anqujmotlamaviçalhvilia in totecujo iehoatl ô injc ie antzonjztaque in ie anquaiztaque injc ie anpipinque iehoatl injc oamechmoteutlalili in tloque naoaque oticmocnelili in tlacatl in xocoiutl in N ac qujcuepaz ac qujlochiz in monaiotzin in motaiotzin mach oc tlachicaoa mach oc tlapipinja ca motlanemjuhiantililia in totecujo ca motlapilqujxtilia Ixqujchtzin aiuh tlancaiotl aiuh qujzcaiotl aitlaliloian aijeian nen nehoatl njccuepa njqujlochia in monaiotzin in motaiotzin ma xicmocevili in momatzin in mocxitzin ma tlaltech ximaxiti ma ximocevitzino

In vevetlacatl qujtlacuepililia qujtlananqujlilia in tlatoanj in noço aqujn maviztic in aqujn vei qujtoa Tle ticmatcatzintli nopiltzintzine ca mjtzalmjoali in tlacatl in tlatoanj in tlacoti in tequjti in nachca in tochan in N ca tiqualmotqujlitia in jhijotzin in jtlatoltzin in maviztic in tlaçotli in tlaçotic tiqualmomapiqujlitia in anemjuhquj in tlaçoqujzquj in acan ca iceio î cenqujztica chalchivitl teuxivitl injc motlatlauhtitzinoa in totecujioan in tetecutin in tlatoque injc ica in jpampa î ce cozcatl î ce quetzalli in oqujmomacavili in totecujo in ocentetl iol otlacat in chalchivitl in oce ixoac in quetzalli

In jquac tlacachioa î ça ie ixqujch tlacatl Izcatquj injc motlapaloa injc tlapalolo piltzintli ioan in tenantzin ioan in jlamatque vevetque Achtopa conjxtlapoa njman qujpepepetla in piltzintli qujlvia Oticmjhijovilti oticmociavilti noxocoiove notelpuchtze anoco nochpuchtze otimaxitico in jtlalticpactzinco totecujo in vncan toneoalo in chichinacoa in aijavixcan in avellamatcan [fol v

Auh intlacamo qualli tonalli intla tequantonalli ipan otlacat in jpan omecavi piltzintli intlacamo no qualli in vncan tlatoa in jpan cemjlhvitl intlacamo qualli in jtlatqujcaio intlacatle iqualtica î cemjlhvitl qujioliuhtlamachtia in quenamj iez piltzintli qujmjlhvia

Auh intla cihoatzintli maltiz qujcencavilia in jxqujch icioatlatquj in malacatl in tzotzopaztli in tanatli in tzaoalcaxitl in quatzontli îxijotl ycueton ivipilton [fol r

Niman ie ic conjiava in âco in jlhvicac conjtoa Ca izcatquj in motlaiocultzin in otiqualmjoali no tiqualmomacavili in toneoaia in chichinacoian in tlamaceoaloian in tlalticpac ma xiqualmuchichivili ma xiqualmîpichili in titlacatl in tometecutli in tomecihoatl injc oppa cacocuj in conjiaoa ilhvicac qujtoa

] iooalli iolinca in jchioaloca in in tevevelli in chimalli in tlacochtli in pitzaoac in tlanololli in maviltiloca in moioviloca ma xicmoiocolili in tlein ticmoiocolilia in quenamj ijlhvil imaceoal inemac cujx vel motechtzinco aciz cujx vel vmpa iaz cujx matitiuh in muchan in avialoian in vellamachoia in vnpa paquj avija vellamati in quauhtin in ocelo in tiacaoan in iaomjcque in mjtzaviltitinemj i mjtzoiovitinemj cujx vel intech aciz motolinja in maceoalli ma xiqualmocnoittili tlacatl tlatoanj

Auh in cihoapiltontli qujcencavilia cuetontli vipiltontli ioan in jxqujch cioatlatqujtl tanatontli malacatl tzotzopaztli much itoalnepantla qujoalteca In jquac maltia cioapiltontli iancujc caxic qujteca in atl in ticitl njman qujpepetlaoa [fol v

Tlacatle totecujoe tloquee naoaquee a ca izcatquj in mocujtlapiltzin in matlapaltzin in maceoalli movictzinco qujtqujtivitz qujtotivitz qujvenchiuhtivitz in nantli in tatli ca tel amo ticmotlanevilia ca maxcatzin motolinja manoço xicmocelili anoço achica njcan ochpanoaztli tlacujcujliztli mjtzmuchivililiz in njcan mochantzinco in tlamaceoalizcali in choqujzcali in jxaiocali in vncan moxillantzinco mocozcatlantzinco [fol v

] mamaiavi in tepilhoan in vncan tinotzalo in vncan titzatzililo in vncan titlaoculnonotzalo in vncan titlanjlilo in mjhijo in motlatol manoço xicmocnelili ma xicmocelili ma intech xicmopovili ma inioan povi in tlamaceuhque in tlamacazque in motecque Tlacatle totecujoe tloquee naoaque ma tlacaoa in moiollotzin ma xicmopovili in tlein ticmopoviliz in tlein ticmocuepiliz

] in calmecac mjtzpouh in ochpanoaztli in tlacujcujliztli ticmochivililiz in tlacatl in totecujo in topiltzin in Quetzalcoatl auh injn axcan ca iz oncatquj in monantzin in motatzin mjtzonmacaoa mjtzonjiaoa in vnpa tipouhquj in vnpa titlatqujtl in vnpa taxcatl

Tla xiccaquj nopiltze noxviuhtze tzontle iztitle xocoiotle ca otimoioliti ca otimotlacatili in tlalticpac ca omjtzalmjoalli in tlacatl in totecujo auh amo ieppa tiuhqujn tioalla y amo ieppa vel timomapatla amo ieppa vel timaçoa quemaca omjtzmotetzavili in monantzin ca omotlan qujhijovi omotlan qujciauh omotlan cochiaiaticatca oaxixpalanticatca auh ijaiotzin injc omjtzmotetzavili auh ie tiuhcatzintli y ie quenteltzin timotlachialtiznequj ie timoholinjznequj

Tiqujxcaviz itlan taqujz ticmocujtlaviz in ochpaoaztli in tlacujcujliztli auh njman ie iehoatl in jatzin in jtlaqualtzin tloque naoaque mach nelli motlacatlaqualtia in totecujo a çan ventzintli itlan xaquj in metlatl in atl in venchioaliztli auh ximotetlacamachiti maca oppa tinotzalo iehoatl in pillotl in velnenotzaliztli in nezcaliliztli in tlaimacaxiliztli in mauhcanemjliztli auh njman ie iehoatl in iocuxcanemjliztli maca xixtomaoatinemj [fol r

Iquac mjtoa intla aca ie vei tlacatl noma pipillotl qujnemjtia in ie telpuchtli noma motetecomolhvia anoço mjtzpepetzinalhvia auh in ie ichpuchtli noma icoconeuh ietinemj noma moçoqujtlaxcalhvia in iehoatl in ca pipilpan timalli

] aço itla ic onechiolitlaco cenca njcaoa njcpinauhtia intla itla ijchtacatlachioal njcmachilia teixpan ic njcpinauhtia ic njqujxmotla in jquac iuh muchioa in mjtoa njnotocvivitla

Iquac mjtoa intla itla aiamo cenca vel icucic tiqujciuhcaquativetzi in jquac cenca ie tonteucivi in juh qujchioa coiotl in çan xoxouhquj qujtetexoa elotl ca no iuh muchioa in jquac aca cenca ie onapizmjquj intlanel aiamo cenca vel icuci tlaxcalli anoço nacatl iuhquj qujquativetzi auh intla aca ic tlatlatzoviz anoço ic tepinauhtiznequjz ic mjtoa iquac Cujx itleuh ietinemj in coiotl

Iquac mjtoa intlacatle in njcquaz auh aço aca nocnjuh achitzin ipal onjcqua itlaqual aço aca nechtlatlanja in cujx onjtlaqua auh ie ic noconnanqujlia Tepaltzinco onjtzopilot

Intechpa mjtoa in jquac acame tlaoana in aca cenca choca auh in aca teaoa tetzatzilia in aqujn tetzatzilia in anoço mochoqujlia mjtoaia ie iuhquj itoch Ipampa ca in ie vecauh in octli intech qujtlamjliaia in totochtin in qujnmoteotiaia vevetque No itechpa mjtoa in aqujn cenca tetolinjanj in anoço tlatlacatzintli in muchi tlacatl qujtlaçotla macivi in amo tlaoanquj no mjtoaia Ie iuhquj itoch qujtoznequj ie iuhquj yieliz

Iquac mjtoa in jquac pipixco in muchi tlacatl iauh mopixqujliz no vel mjtoa in jquac muchi tlacatl iauh in jmjlpan in jquac elimjco

Itechpa mjtoa in aca tlatoanj ipan calaquj aca maceoaltzintli njman mjtoa Injn tlatoanj amo icnopilpan nemjtiliztli qujtoznequj amo icnotlacatl ichan calaqujz çan no tlatoanj in monequj ichan calaqujz No itechpa mjtoa in aca amo tlamaviçoanj aço itlatzin maco aço tlaqualtzintli çan atle ipan qujtta çan qujtelchioa aço patiio in qujnequj aço totolin qujnequj njman ic mjtoa Aicnopilpan nemjtiliztli

Çaçan tleino iztactetzintli quetzalli conmantica Xonacatl

Çaçan tleino quaztalcomoctzin quetzalli conmantica çan ie no iehoatl in xonacatl

Çaçan tleino ça cemjlhvitl otzti Malacatl

Çaçan tleino tliltic tetl itzon jc icac ontlacactoc mjctlan Ca pinacatl

Çaçan tleino ineitotiaian qujtitique cotztique Ca malacatl

] In tlavilli in ocotl in machiotl in octacatl in coiaoac tezcatl mjxpan njcmana

Injn tlatolli itech mjtoaia in aqujn vel qujpia in jchtacatlatolli piallatolli anoço in jtla aqualli ijxpan muchioaia aiac vel qujnextiliaia vel toptli vel petlacalli mjtoaia Vel qujpia in tlatolli anoço tenemjliz

Injn tlatolli itechpa mjtoaia in tlatoanj in anoço pilli in amo mellaoacatlatoa in tlein cenca tepinauhti qujtoa in amo monequj qujtoz ilujloia Ximocaoa ximjmati teixpan [fol r

Injn tlatolli intechpa mjtoaia in maceoalti in mjequjntin no uel itechpa mjtoaia in ça ce tlacatl in jquac [fol r

] tla aca pilli ipiltzin qujchichitia ce tlacatl cioatl auh çan oommjc in piltontli ic mjtoaia Ontlaxamanj ontlapuztec anoço ticitl in çan jmac ommjquj in jquac qujpatiznequja ilviloia Otontlaxamj otontlapuztec

Injn tlatolli itechpa mjtoaia in vel tenonotza tlatoanj anoço pilli anoço tecutlato ilviloia in aqujn nonotzalo Ma xoconcuj in tlatolli in vel patlaoac in vel xopaleoac in juhquj quetzalli omjtzmocnelili in tlacatl in tlatoanj

] tlatolli ic tenonotza ioan tecoco tlatolli amo çan ivian tlatoa ioan cenca muchi tlacatl momauhtia aocac naoati cenca muchi tlacatl vel qujcaquja

Injn tlatolli itechpa mjtoaia in aqujn aiocmo ichan nemj aiocmo qujtlacamati in jtatzin in jnantzin ça choloa in jquac qujnonotzaznequj ça campa qujqujztinemj aiocmo ichan motlalia ça canpan  çeçemjlvitia ça canpan cocochtinemj iuhqujn tochtli omuchiuh maçatl omuchiuh ic ilviloia in aqujn Otitochtiac otimaçatiac otimochocholti otimoquaquaquauhti oticnamjc in tochtli iovi in maçatl iovi

Injn tlatolli itechpa mjtoaia in tlacateculotl Tezcatlipuca mjtoaia Cujx vel amechnotzaz in tlacatl in Tezcatlipuca in Vitzilopuchtli ca çan iuhquj in ehecatl auh in iooalli qujmonaoaltia cujx vel amechtlacanotzaz

Injn tlatolli intechpa mjtoaia in mocnonemjtia in jcnotlaca mjtoaia Xictlaocoli in jcnotlacatl in motolinja in ijztitzin qujmotlanqualtitinemj in jmatzin qujmocozcatitinemj in techinantitlan in tequjiaoac monenemjtia

qujtoznequj in aqujn cenca muzcalia muchi vel qujtta muchi vel qujcaquj moteneoa vel ixe vel nacace amo tle iztlacatlatolli qujcaquj çan vel neltiliztli in qujcuj

Injn tlatolli itechpa mjtoaia in aqujn vellatocati ivian in tecuti pilti cenca mjmati cenca tlachia cenca mozcalia cenca tetlaçotla cenca temaviztilia ioan aiac qujtelchioa in motolinja manel ixpupuiotzin macuecuetzin vilatzin quapupultzin itzotzomatzin icnotlacatl in aoalneci in jcochca in jneuhca auh in aoalneci in jquezpan pilcaz in jquechtlan onpilcaz in techinantitlan in tequjiaoac moquequetza in jmatzin qujmantinemj in tequjiaoatla in tecaltech in aoneoa in aonmaci

Injn tlatolli itechpa mjtoaia in cacaoatl iehica ca tlaçotli catca acan necia in ie vecauh amo quja in maceoaltzintli in jcnotlacatl ipampa [fol r

Injn tlatolli itechpa mjtoaia injc iancujcan acico chichimeca vevetque in oc quauhtla in oc çacatla oqujtenque in jntlacouh in jnçacapech mjtoaia Vncan iancujcan oqujtecateoaque in jnçacapech in jntlacopech in totechiuhcaoan in tocolvan in chichimeca injc quauhtitlan çacatitlan motetecatinenque in oc tzivactla in oc nequametla

Injn tlatolli itechpa mjtovaia in tlein cenca maviztic muchioaia in jtechpa in aic cenca muchioa in juhquj iquac celilo totecujo inacaiotzin iuh mjtoa In axcan cenca tlamaviçolli in muchioa matzaianj in jlvicatl tentlapanj in tlalli macaiac vetzcatia macaiac maviltitia ma muchi tlacatl mauhca ie mauhca ica viviiocatie viviiocatica in ijxpantzinco teoutl tlatoanj

Veue motecuçoma ic macujlli tlatocat in tenochtitlan cempoalxihujtl ipan matlacxihuitl quipeuh qujiauchiuh in jxquich chalcatl ioan quauhnaoac ioan in ixquich moquauhnaoacaitoa ioan maçaoacan ioan ipan mochiuh in vei maianaliztli nauhxiujtl in manca injc mjtoa Necetochuiloc tepan moiaoac in jxquich mexicatl ioan tepanecatl ioan acolhoacatl

] xaltepec izoatlan xochtlan amaxtlan mapachtepec xoconochco aiutlan maçatlan coioacan

Motecuçuma ic chicunaui tlatocat in tenochtitlan caxtolxiuitl ipan nauhxiuitl ipan muchiuh maianaliztli oxiujtl in manca in aocmo qujauja ic noujian tepan cenman in mexicatl cenca netolinjloc in maianaliztica Çã no iehoatl ipan mochiuh in oncan cujcacali catca in tenochtitlan cuicac ce nepantla tecoc in tlaelnapaloa queuh Veiah noqueztepole uel xomjtotia atlã tiuetztoçe In muchiuh y ie iuh oalmachizti in Españoles Çã no iehoatl ipan mochiuh cioacoatl chocatinenca ioaltica mochi tlacatl qujcaquja in chocaia qujtoaia No nopilhoantzitzi ic çan ie namechnocaujlia Çan no iehoatl ipan mochiuh Çe [fol r

] tlacatl çihoatl ichan tenochtitlan mjc ica cocoliztli njman motocac yitoalco ipan qujtemanque ie iuh nauilhuitl motocac in cihoatl micquj mozcali ioaltica cenca tlamauhti in vncan motocaca tlatatacco motlapo auh in tetl ic motemanca vêca veuetzito auh in iehoatl cihoatl ino iuh mozcali njman qujnonotzato qujlhujto in motecuçuma in tlein qujttac qujpouili qujlhuj Ca inic onjnozcali njmjtzilhujco Ca ie ixqujch ca tehoatl moca tzonqujça in tlatocaiotl in mexico ca tehoatl mopan mantiaz in altepetl mexico Aqujque in ie uitze ca iehoantin tlalmaceoaqujuj iehoantin onozque in mexico auh in iehoatl mjcca çihoatl ie no cempoalxiujtl oçe inen ioan occe qujchiuh iconeuh oquichtli

] in tenochtitlan nappoalilhujtl o iuh açico in Españoles mexico Iehuatl ipan muchiuh in oalla vei cocoliztli i cenca ic mjcoac in noujian altepetl ipan in jtoca vej çaoatl vej totomonaliztli in aic ceppa omottac in ma ic onecocoloc in mexico vel mochi tlacatl quîtlacalhuj inj xaiac injc qujquiztic chachaquachtic muchiuh aocmo motocaia in mjmjcque ça muchi atlan qujmontlaçaia ca in jcoac cenca noujian atlan catca in mexico ioã cenca tlaiaxtimomã injc hijaxque mjmjcque

Tlacateutl ic vme tlatocat in tlatilulco cempoalxiujtl ipan caxtolxiujtl omej ipan muchiuh injc peoaloc ixqujch aculhoacatl ioan coioacatl

¶ Injc ei tlatilulco tlatoanj Quauhtlatoa ic ei tlatocat in tlatilulco cempoalxiujtl ipan caxtolli omej xiujtl qujnnamjcticatca no vmentin tlatoque catca in tenochtitlan iehoatl itzcoatl ioã veue motecuçuma Ipan muchiuh injc poliuh injc peoaloc azcaputzalcatl ioan coaixtlaoacã ioã cuetlaxtlan ioan quauhtlinchan ioan xochmjlco ioan in jxqujch quauhnaoacatl

] ioan oxiujtl in ixqujch ica ipan axcan xiuhtonalli vm acatl

] oçeloquauhtlatlapanquj tilmatli quappachixcoliuhquj tilmatli tlallecaoazio tilmatli tlamachmoiaoac tilmatli xomoiujtilmatli tentlapallo xomoiujtilmatli quappatlacio iztac xomoiujtilmatli tenjxio xomoiujtilmatli elotic cujtlaichujtilmatli xiuhtlalpilli tenjxio tonatiuhio tilmatli tenjxio quauhtzonteconio tilmatli mamanquj teuatl tlachinoltilmatli oacalxuchio tilmatli eloxuchio tilmatli tlapaltecuxuchio tilmatli acucuxuchio tilmatli cacaloxuchio tilmatli cuetlaxxuchio tilmatli iztac xomoiujtilmatli nacazmjnquj iztac xomoiujtilmatli cujtlachixio tlapaliujtilmatli tlamachio cujtlachixio tilmatli quauhaaujtzoio tilmatli tenjzqujxuchio tilmatli quaxoxotilmatli vevej tilmatli pepechtli quachpepechtli vevej tilmatli neoatzalonj quaxoxoacatlamachio maxtlatl tianqujzio maxtlatl quauhtetepoio maxtlatl xiuhtezcaio maxtlatl acapapaloio maxtlatl [fol v

] centzonmaxtlatl tlatlatlapalpoalli cempoalçotl acahecacozcaio quappachmaxtlatl acan tlamachio nochpalmaxtlatl ocelotzontecoio oceloxicalcoliuhquj maxtlatl quauhtzontecoio acaiujtemalacaio maxtlatl acatlamachmoiaoac maxtlatl

] iztac teçacatl xiuhtototica tlamjntli iztac teujlotl in jntenco caquja coztic teucujtlatl in jcallo

Coztic teçacatl in apoçonalli teucujtlatica tlacallotilli chalchiuhteçacanecujlli coztic teucujtlatl ic tlatzincallotilli teucujtlatempilolli coztic atototempilolli coztic teucujtlatl quauhtempilolli coztic teucujtlatl xiuhcoatempilolli coztic teucujtlatl aujctempilolli coztic teucujtlatl temalacatentetl teuxiujtl coztic teucujtlatl icallo chalchiuhtencololli coztic teucujtlatl icallo chalchiuhquauhtentetl coztic teucujtlatl itzincalllo apatlactempilolli coztic teucujtlatl metztempilolli coztic teucujtlatl chalchiuhiacamjtl teuxiuhiacamjtl chalchiuhcozcatl ololiuhquj tlacenqujxtilli tlaçecotl coztic teucujtlachaiaoac cozcatl chalchiuhtlacanaoalli iitic manj quetzalmachoncotl tlaçotlanquj nepapan tlaçoiujtica ioan coztic teucujtlaio coztic teucujtlacotzeoatl [fol v

Veuetl aiacachtli coztic teucujtlatl tetzilacatl coztic teucujtlatl cujcanjme mjtotianj teponaçoanj ueuetzonanj tlatzotzonquj cujcaitoanj tlaujzpetlacalli in vncan mopiaia in ixqujch omjto

Veuej toptanatli in vncan mopia in chalchiuhtentetl in teucujtlanacochtli in teucujtlacozcatl tzoncalli xaiacatl teucujtlaacaçoatl coztic teucujtlatl xuchiquaujtl momanaia in tecpan itoalco inezca catca ca maçeoaz in tlatoanj tezcatanatli tziquaoaztanatli olmaitl injc motzotzona teponaztli

] in jtech tlachmatl vntetl in tlachtemalacatl manca in aqujn ollamanj vncan tlacalaquja vncan qujcalaquja olli njman ic qujtlanj in jxqujch tlaçotli tlatqujtl auh muchintin qujntlanj in jxqujchtin tetlatlattaque in vncan tlachco itlaujcallo in olli maieoatl nelpilonj queçeoatl

] ioan quaujlacatzoque in qujpaqujltia mjiec tlamantli in jntlachioal teuetzqujti ioan maujztic in jca ixocpal tlanjpa injc tlâmati çe tlacatl tomaoac in quanmjmjlli in qujtotia ica ixocpal aquetztoc acopa in conmaiauj quammjmjlli ça iehoatl in jxocpal ic tlamati mjiec tlamãtli in tececemelti in qujchioa vncatca imaachoan ixoloan in qujnujcatinenca in qujmehellelqujxtiaia tzapame villame tepotzome teachme qujnpiaia quaquauhti oçelome cujcujtlachtin ocotochtin nepapan tototl

¶ Iztac totonquj tlaxcalli tlacuelpacholli vei tlaxcalli quauhtlaqualli tlaxcalpacholli iztac nexiopapaio tlaxcalmjmjlli tlacepoalli tlaxcalli quatecujcujlli tamalli iztac tlatzincujtl iztac tetamalli tlatzincujtl chichiltic quatecujcujlli tamalli nexiotamalli quatecujcujlli tamalatl quauhnextli totolnacaqujmjlli xocco tlapaoaxtli anoço tlatentli nacatlaoio tamalli [fol r

] chilcozio cihoatotoli tlatleoatzalli çolin tlatleoatzalli tianqujztlaqualli iztac tlaxcalli etica tlaoio totolin patzcalmolli chiltecpiio totolin chilcozio totolin chilchoio totolin maçanacatl tlatentli citli molli tochtli molli nacatlaolli patzcallo maçanacatl patzcallo totoizqujtl tepitoton totome canauhtlaoatzalli canauhtlapaoaxtli atzitzicujlotlapaoaxtli nacatlacectli tlatetzoionjlli nacamolli patzcallo chilcoztlatonjlli chiltecpinmolli xitomaio chilcozmolli xitomaio chilchomolli xitomaio tlamamollalli xitomaio iztac amjlotl chilcozio tomaoac xoujli patzcallo cujatl chilchoio axolotl chilcozio atepocatl chiltecpiio mjchpili chiltecpijo tzicatanatli inamjc papaloqujlitl chapolin chichiaoa meocujli chiltecpinmollo [fol v

] chacali patzcallo topotlimjchi patzcallo tlacamjchin patzcallo maçaxoccomolli iztac mjchio tlatlauhquj teçontzapotl ixochiqual maçaxocotl chichiltic coztic tlaztaleoaltic eheiotzapotl xicotzapotl quauhcamotli camotli aoacatl atztzapotl nochtli tlatlatlapalpoalli iztac coztic chichiltic xoxoctic camopaltic matzatli quammochil capoli xilotl elotl exotl mjiaoatamalli tlaixnamjctilli oauhtli ioan capoli elotlaxcalli anoço xantlaxcalli xilotlaxcalli oauhqujltamalli necutlaxcalli nochtlaxcalli necutamalli queçeoatlaxcalli tzoallaxcalli tzoalli tochizqujtl aiotlatlapanalli olchicalli elotl tlapaoaxtli tlaoatzalli oauhqujlmolli tonalchillo itzmjqujlmolli tonalchillo oauhtzontli tonalchillo tzaianalqujlitl xonacatl [fol r

] hijacaqujlitl eloqujlitl moçoqujlitl nacaztochqujlitl achochoqujlitl ujtzqujlitl chichicaquilitl iztac xoxocoioli xoxocoiolujujlan axoxoco acujtlacpalli aioxochqujlitl aionanacatl aioiacaqujlitl aiotepitoton mexixqujlitl popoiauhqujlitl nopaltepitoton mjchteuhio toçanmolli totonquj atolli mjiec tlamantli nequatolli chilnequatolli chilcozio quauhnexatolli tlatzincujtl iztac xocoatolli chichiltic chilxocoatolli mjltomatl inamjc eheioatolli oauhatolli izqujo mjchioaoatolli necuio itztic atolli chiantzotzolatolli chilchopanj anoço chiltecpinpanj iztac chianatolli chilcozpanj chianpitzaoac atolli aiohoachpanj chillo tlaçiocuepalatolli chiantzotzollo ioan chianio chiltecpinpanj in jxqujch tlamantli y tlaqualli icalitic oalqujça tlatoanj

Auh in momoztlae ice tlacatl calpixquj qujtequjlia in tlatoanj in jtlaqual macujltzontli in nepapan tlaqualli in totonquj tlaxcalli in jztac quatecujcujlli in chichiltic tamalli in vej tlaqualli tlaxcalmjmjlli ioan cenca mjiec tlamantli in jmollo in jvical in totoli çolli maçanacatl tochi çitli tuçan chacali topotli tlacamjchin njman iee in jxqujch necutic xochiqualli

Auh in jquac in otlaqua tlatoanj njman ic moxexeloa in jxqujch tlaqualli nononqua tlaqua in altepetl ipan tlatoque ioan in jxqujch cemanaoacatl in tlatocatitlanti in moiautitlãque in tlaçopipilti in tecutlatoque achcacauhti tequjoaque tiacahoan tiachcahoan telpuchtlatoque teupixque tlamacazque cujcanjme in quezqujtlamantli ixoloa iiahachhoan [fol r

] ¶ Injc capitulo vncan mjtoa in tecpancalli in tlatocacalli ic mopia tlatocacalli vej tecpan in vncan ca tlatoanj ixqujch tlacatl vncan tecpanoa vncan motzontequj in tlein tequjtl anoço iauiotl ioan vncan atlioa tlaqualo injc vnca tecenqujxtia tlatoanj

Tecpilcalli vncan catca vncan tecpanoaia in pipilti tiacahoan oqujchti in iauc matinj in tlatoanj intla aca itla qujmachili pilli in manel cenca tlaçopilli tiacauh intla otetlaxin njman qujtlatzontequjlia injc teixpan tetepacholo tetica mjquj motecuçuma tlatocati ce tlacatl tlaçopilli itoca Vitznaoatl ecamalacotl tetlaxi in oconteixpaujque ixpan motecuçuma njman qujoallatzontequjli injc teixpan tetepacholoc

Achcauhcalli vncan catca in achcacauhti in tiacahoan in jtemjcticaoan catca tlatoanj iehoantin qujtzonqujxtiaia in aqujn tlein ipan omotzontec quauhnochtli atempanecatl tezcacoacatl auh in jtla qujtlacoaia qujtzacutiuja mjquja

Cujcacalli vncan catca in tiachcahoan in telpuchtlatoque vncan tlatecpanoaia injc qujchiaia tlein tequjtl auh in momuztlae in jquac ie calaquj tonatiuh tlamaçeoaliztli ipan qujmatia çan petlauhtiuja injc viia cujcacali injc oncujcoanooaia çanijo inquech in onactiuja iuhqujn matlatl ic tlachiuhtli imaztaxel conmantiuj tochacatl injc qujlpia intzonchichilicpatl ioan ixiuhnacoch ioan intempilol [fol r

Mixcoacalli vncan tecpanoaia in jzqujtlamanti mâcehoalcujcanjme in tenochca ioan tlatilulcatl vncan qujtlatolchiaia in tlatoanj in aço mâçeoaz aço itla cujcatl qujiehecoz aço itla iancujc cujcatl qujmomachtiz mochi ic moçencauhticatca in cujcanjme in jxqujch monequj teponaztli olmaitl veuetl aiacachtli tetzilacatl çoçoloctli teponaçoanj veuetzonanj cujcaitoanj teiacanque ioan in ixqujch tlamantli mâcehoallatqujtl intla uexotzincaiotl meoaz cujcatl in iuh muchichioa vexotzinca ioan in iuh tlatoa motlaiehecalhuja in jca cujcatl ioan ica inechichioal intlatquj

] oal in iuhquj intlatquj Çan no iuhquj intla cuextecaiotl meoaz cujcatl motlaiehecalhuja in jntlatol ioan mocuj tzoncalli in qujntlaiehecalhuja intzon injc quacoztique ioan xaiacatl ixtlamjoa iacaujcole tlantziquatic quapatlachtic içan jtilma Can no iuhquj in oc çequj cujcatl

Neanonj mecamaxalli quatzontli xiiotl otlatl tzotzopaztli cacalaca patlaoac tzotzopaztli pitzaoac omjtzotzopaztli tzotzopaztepiton ic tlamachioa teçacatl tlaujteconj malacatl tzaoalcaxitl tiçatl xaxalmalacatl ic iujtzaoa ichcatanatli tochomjtanatli icpatanatli iujtanatlj iujtecomatl tzatzaztli tlacujlolquaujtl injc qujcujloa icpatl in qujqujti tlapalcaxitl in vncan qujpatla intlapal amamachiotl in vncan cana tlein tlamachtli qujchioa vitztli injc qujuitzcuj icpatl tlaqualchioa achioa qujnomauja vncate in jnnahoan in qujmjzcaltia [fol r

Niman ic qujoalnotza in tlacuchcalcatl in tlacateccatl in tiacahoan qujnnaoatia in iuh teumacazque in quezqujcan calaqujz iauqujzquj in quezqujlhujtl monenemjz in quenjn iautecoz ioan qujnnaoatia injc iehoantin iautlatozque qujnnaoatizque in jxqujch in quauhtloçelotl injc mochichioaz injc moçencaoaz in jca iauitacatl ioã tlaujztli

Auh in iehoatl tlatoanj njman qujnnonotza in jxqujchtin calpixque petlacalcatl aztacalcatl quauhnaoac calpixquj oaxtepec calpixquj cuetlaxtecatl tochpanecatl tziuhcoacatl tepequacujlcatl hoappanecatl coaixtlaoacatl tlappanecatl tlachcotecatl matlatzincatl ocujltecatl xilotepecatl atotonjlcatl axocopanecatl itzcujncujtlapilcatl atocpanecatl aiotzintepecatl [fol r

] in ixqujchtin tiacahoan in tequjoaque no cemjlhujtl qujmjtztiuj in jxqujch iauqujzquj in tenochcatl no cemjlhujtl qujmjtztiuj in jxqujch iauqujzquj tlatilulcatl no cemjlhujtl qujmjtztiuj in jxqujch aculhoacatl no cemjlhujtl qujtztiuj in jxqujch tepanecatl no cemjlhujtl qujtztiuj ixilotepecatl no cemjlhujtl q'mjtztiuj in jxqujch moquataitoa çan no iuj in oc cequj altepetl motetecpana iujian iocuxca in otlatoca

Auh in achto in caçi malli in maliacatl çan njman vncan imjxpan qujmjctia in teteu tecpatica queltetequj

] injc tepal oicnopiltic Vitzilobuchtli injc otlamaloc ioan omjcoac auh in tlatoanj njman qujnnaoatia in tecutlatoque injc qujtemachtitiuj injc qujtecaqujtitiuj in jnchan in jzqujnti oiaumjqujto injc choqujlilozque in jnchachan in oiaumjqujto ioan qujtecaqujtia in jnchan in quezquj otlamato iauc ic vncan qujcujia in maujziotl in jpampa oqujchiotl ioan qujmomaceujaia in jxqujch iteicneliaia in tlatoanj in tlaçotilmatli in maxtlatl in atl tlaqualli ioan tlaujztli ioan teçacatl nacochtli oc cenca qujmjcneliaia in tlaçopipilti in tlatoanj intla otlamato qujmaca calpixcantli ioan in jxqujch tlaçotli necujltonolli in [fol v

Auh intla acame qujmocujcujlia ce malli qujtoa ce tlacatl ca nomal in oc ce tlacatl no qujtoa ca nomal intlacamo ce tlacatl itech nelti aiac no qujmjttac in quenjn tlamaque iehoantin qujntlatzontequjlia in tonatiuh itlatocahoan aiac tle onqujça in jmomextin in qujmocujcujlia in malli iuh qujtzontequj in quauhtlatoque in mallatoque aiac ce itech pouhquj iez in malli vitzcalli qujpoaia calpolco qujcaoaia in jchan tlacateculotl

In tlatoanj oc cenca qujmocujtlaujaia in tetlatzontequjliliztli qujcaquja in jxqujch in jneteilhujl ioan in jchoqujz in jnentlamachiliz in jnetolinjliz in cujtlapilli atlapalli in jcnotlacatl in motolinja in maçeoalli auh injc uel qujneltiliaia in tlatoanj in teneteilhujl anoço tetlatlacul qujmjxquetzaia qujnpepenaia in jtecutlatocahoan iehoantin in tlaçopipilti in tlaiecultilo in oncã in qujnj in qujquanj in mocujltonoa ioan tiacaoan oqujchti in iauc omozcaltique mjiec tlamãtli tecoco netolinjliztli oqujmaujçoque auh in jzquj tlamantlj qualli neoapaoaliztli nezcaltiliztli [fol v

Auh in jcoac oqujmjxquetz in tlatoanj in jtecutlatocahoan qujnmacaia vntetl in tlatocacalli in teccalli in vncan iezque in vncã tetlatzontequjlizque in vncan qujcaqujzque in jxqujch tlamãtli tlacatlatolli in centetl teccalli [fol v

Çioacoatl tlacochcalcatl vitznaoatlailotlac ticociaoacatl pochteca tlailotlac ezoaoacatl mexicatl [fol r

] tezcacoacatl acatliacapanecatl mjlnaoatl atlauhcatl ticociaoacatl çioatecpanecatl tequjxqujnaoacatl iehoantin y in tecutlatoque qujnemjliaia qujchiquja qujpetlaoaia in tlacatlatolli qujntemoaia in machiceque in tlaneltilianj in aço ie nelli anoço tlatolchichioalli in caqujtilo tlatoanj in aço can tlapic aca quauhcalco otlaliloc

] teçacatl anoço chalchiuhtentetl in conaquja itenco coztic teucujtlanacochtli in caquja inacazco auh in cozcatl conteca aço chalchiuhcozcatl anoço cozcapetlatl teuxiujtl itlaactoc macuextli imac qujtlalia vei chalchiujtl ipan ca anoço vej teuxiujtl anoço coztic teucujtlamatemecatl quetzalecaceoaztli tlaçotlanquj injc mjtotia injc maceoa tlaçotilmatli in qujmololoa in qujmoquentia tlaçomaxtlatl in qujmomaxtlatia njman ic no qujcencaoa qujntlauhtia in ixqujchtin tlatoque ioan pipilti in oqujchti tiiacaoan ioan tecutlatoque ioan achcacauhti ioan tiiacaoan oqujchtin ioan tiachcaoan ioan [fol v

Auh intla aca motolinja icnotlacatl oqujchiuh oqujtlali quezquj [fol r

Auh in jcoac in omocencauh nenonotzaliztli tlapepenaliztli in ocentet tlatolli in ac iehoatl tlaçopilli in oanoc in oixquetzaloc in tlatoanj iez njman no iquac ixquetzalo pepenalo in qujpaleujzque in jtlan iezque in tlaçopipilti in jtecutlatocahoan iezque motecutlalia motocamaca tlacochcalcatl vitznaoatlailotlac pochtecatlailotlac ticociaoacatl in ie iuhquj in omocencauh tlapepenaliztli [fol r

] njman ic uj in canazque in teupixque papaoaque in campa catquj oixquetzaloc tlatoanj njman qujcujtiuetzi teixpan mochi tlacatl qujtta njman ic qujujca imjxpan tecutlatoque petlauhtiuh conaquja xicolli xoxouhquj ioã qujmamaltia iietecon in jmamaxoxouhquj njman ic conjxtlapachoa ic qujquaqujmjloa neçaoalquachtli xoxoctic omjcallo njmã ic conmana icpaxiqujpilli in vncan tentiuh copalli omjcallo xoxoctic ioan conaaqujlia iancujc in jpoçolcac xoxoctic in jquequetzil njman imac contequjlia in jtlema no mjccatzontecomaio injc tlacujlolli amocujtlapile

Auh in iehoantin tecutlatoque tlacochcalcatl vitznaoatlailotlac pochtecatlailotlac ticociaoacatl njman no hiçiuhca qujnchichioa in teupixque papaoaque ceceiaca qujmaquja tliltic ixicolli ioan imjietecon tliltic in jmama ioan qujmaaqujlia impocolcac iztac njman ic qujmontlapachoa qujmonixqujmjloa cecenme ica neçaoalquachtli tliltic omjcallo ioan qujmonmaca icpaxiqujpilli tliltic omjcallo in vncan temj copalli ioan intlema tlexochtli ontentiuh njman ic no qujntlecauja cecenme qujntlacoaantiuj in teupixque papaoaque injc qujntlecauja iicpac vitzilopuchtli injc cecenme concuj in copalli contema in jntlemaco in vncan tentiuh tlexochtli cacocuj in tlemaitl in jixpã vitzilopuchtli qujpopochuja

Auh in ixqujchtin tiacaoan tlamanjme qujnmaujziotia mjiec tlamãtli injc qujmjcnelia qujntlauhtia in tlaçotilmatli ioan maxtlatl ioan teçacatl ioan tlalpilonj ioan qujntocamaca injc maujztililozque injc tlacamachozque injc oqujchti tiacahoã

In tlatoanj qujmocujtlaujaia ipan tlatoaia in tianqujztli ioã ixqujch tlanamactli impampa cujtlapilli atlapalli maçeoalli ioan ixqujch aoa tepeoa in jcnotlacatl in motolinja injc amo quequeloloz injc amo xixicoloz injc amo ica necacaiaoaloz injc amo nexictiloz injc motlacouja in anoço itla qujmonamaqujlia qujtecpanaia injc nononqua monamacaz icecentlamantli tlanamactli çan iieeian çan ioonoian amo ixneliuhtoca qujmjxquetzaia in tianqujzpan tlaiacanque in qujmocujtlaujaia in jpan tlatoaia in tianqujztli ioan ixqujch tlanamactli icecëtlamantli tlanamactli tiamjctli ipan manca qujmocujtlaujaia cecentlamantin tlaiacanque in innecujtlaujl catca injc aiac [fol r

Nexoauhtli chichiltic oauhtli mjchioauhtli Iztac chia tliltic chiã chiantzotzol iztatl totoli vexolotl çioatotoli çoli tochi çitli maçatl canauhtli atzitzicujlotl pipixcan [fol v

] tlalalacatl

Capoli aoacatl maçaxocotl xaxocotl camotli quauhcamotli teçontzapotl eeiotzapotl atzapotl tzapotl texocotl nochtli mjzqujtl itlaaqujllo chiancaca cacomjtl çimatl aiotlatlapantli chaiotli aiooachtli quauhaiooachtli ioan iztac mjchin cujatl axolotl aoauhtli axaxaiacatl tecujtlatl izcaujtli ioan iztac quauhamatl ioã copalli ioan olli ioan tenextli ioan itztli ioan tlatlatilquaujtl ioan quaoacatl quammjmjlli vapalli tlaxamanjlli victli vitzoctli tlateconj aujctli matlaquaujtl menelhoatl ichtli ioan cuetlaxtli ioan cactli ioan tepoztli quauhxelolonj ioan tepozcoiolomjtl [fol r

] ioan tepoztli tlacujcujoalonj ioan tepoztlaquauhicujlolonj ioan in ixqujch tlamãtli qujlitl qualonj xonacatl tzaianalqujlitl vitzqujlitl oauhqujlitl oauhtzontli itzmjqujlitl qujllanenel iztac xoxocoioli xoxocoiolujujlan nopalli xoconochtli axoxoco aioiacaqujlitl aionanacatl aioxochqujlitl eçoqujlitl exotl elotl xilotl ooatl mjiaoatamalli elotlaxcalli ioan in jxqujch qualonj tlaxcalli tamalli necutamalli necutlaxcalli vei tlaxcalli tlaxcalmjmjlli

Auh in iehoantin tianqujpan tlaiacanque intlacamo qujmocujtlauja intequjuh totoco ioan caoaltilo in jntequjuh Auh intla aca tlachtectli qujnamaca aço tlaçotilmatli anoço chalchiujtl intla oiximachililoc intlacamo qujnextiz in aqujn qujcohujli in tlein tlachtectli qujtzacutiuh mjquja iuhquj tlatzontequjliaia in tlatoque tecutlatoque ic mjmacaçia in tlein tlachtectli aiac vel qujcoaia in jntequjuh catca tianqujzpantlaca qujchioaia iiaujtacatl in tlaxcaltotopochtli ioan pinolli ioan texoatzalli ioan nextamalhoatzalli injc ipan tequjtia tianqujztli ioan in tianqujzpan tlaiacanque in tlaixquetzalli oqujchti ioan çioa in tequjtlatoque catca

Auh in jcoac ie mochioa iauiotl in ie necalioa anoce ie tlamalo uel conjttitia vel contlachieltia in vmpa tlamaz aço njmã tepallama anoço njman vel ce caçi ipampa ca cenca necujtlaujlo ca mjiec tlacatl in jtiacauh mochioa

Auh intla oalmjtoz iaujotl in atlixco aço vexotzinco intla oc ceppa vmpa tlamazque cenca ic vel panuetzi ic cenca uel qujnmaujztilia in motecuçuma ipampa ca ipilhoan in ontlamaque in onmoteniotique in oconmjiaoaiotique in pillotl in quauhiotl in oceloiotl ic oncan in qujça in tlatocati in qujpachoa altepetl auh qujnjquac intlan qujntlalia ytlan tlaqua in motecuçuma in qujnmaca coztic teçacatl anoço coztic tencololli anoço xoxouhquj teçacatl anoço xoxouhquj tencololli anoço chalchiuhtencololli anoço chalchiuhtentetl anoço tlanjtentetl njman ic quetzallalpilonj teucujtlatica tecpaio ioan teucujtlatl in jpepeiocio anoço çaquan tlalpilonj ioan cuetlaxnacochtli ioan tlaçotilmatli iehoatl in tlatocatilmatli in jtzcooaio anoço ixnextentlapallo anoce iujticatetecomaio [fol r

Auh intla mjqujz tlatoanj iehoantin ceme analoia injc iehoantin qujpachozque altepetl Auh çan no iehoantin cequjntin ontlalilo tlacxitlan in vncan tecutlatoa in tlatzontequj in qujtzõtecticate mjqujztli tlacochcalcatl tecutli anoço ticociaoacatl tecutli aço çioacoatl tecutli anoço tlillancalquj tecutli

Auh inic naui caci ieh icoac quitequioacaxima in motecuçoma motocaiotia tequioa auh no icoac compeoaltia in tequioacatocaitl aço mexicatl tequioa anoço tolnaoacatl tequioa anoço cioatecpanecatl tequioa in isquich tequioacatocaitl auh uel icoac contlalia impetlapan icpalpan in quauhcali in vmpa cenquiztoque in ueuei tiacahoan in vmpa cate in tlacochcalcatl in tlacateccatl in ticociaoacatl tocuiltecatl atenpanecatl iehoantin quauhiaca i tëçacaoaque cuitlasnacochique quauhtlalpiloni inic ontlalpiloque

] panuetzi inic ueitiacauh in itoca quauhiacatl niman quimaca in motecuçoma xoxouhquj tëçacatl ioan tlalpiloni aço iztac teucuitlatl in itecpaio ioan cuetlasnacochtli ioan chichiltic cuechintli

Auh no icoac maco in tilmatli chicoapalnacazminqui ioan cuetlastilmatli Auh intla ome cacitiuh in atlisco anoco vexotzinco ie ic centlamamauhtia icoac quimaca in coztic tëçacatl iiomesti quititlani in xoxouhqui tëçacatl

¶ In tenan tlaueliloc in amo qualli tlacanexquimilli xolopitli tonalcochqui maxixilopauax tlanëpopoloani tetlaixpachilhuiani tetlanaualchichiuiliani tetlanaualpolhuiani tlaxiccauani tlatlatziuhcauani tlatlauelcauani aquen tema haquen temati haquen motecuitlauia hateca muchiua hatle ipan tlachia teatoiauia tetepexiuia teixpopoiotilia tochin maçatl yiuui quiteittitia quitetoctia patlauac vtli quitenamictia

¶ In qualli in tlacatl oquichpiltõtli çiuapiltontli yiel yiehel yitzqui tzicuictic yolizmatqui uel monotza notzaloni tecacqui tlatlacamatquit

¶ Teaui in atlacatl iollococole iollocuicuitla qualaxpul temputzpul tempilopul tenxiquipil haitloc monequi tetlauelitta tequalancaitta tetlailitta haiel teitta

¶ Machtli in aqualli iztlacatini yztlaccoxoc yztlacatl tlapiquini iollocamachal necoc tene ichtequi tlaquequeloani yztlaccomoc yztatl in iiollo iztlactli yn iiollo Auel ca yiollo iollococoxqui iolloitlacauhqui tlaquequeloa yztlacati tlauana tetlatolçaçaca tetlanencati tetlanenqui

] tlillo tlapallo teio tocaie hecauhio amuxtli tlacuilolli teneuallo itolo tzonteconacocuiua xijutl octacatl quitecauilia

¶ Monculli tzone izte qualli monculli tlaiecole axcaoa tlatquioa In amo qualli monculli motolinia icnotlacatl nentlacatl quihiiouia quiciaui toneoa chichinaca in iiollo in inacaio

¶ Textli tetex ioliamanqui iolceuhqui motlaecultiani tlaayni toltecatl tlatlacatl tlacamelaoac

¶ Vepolli cioatl in teuepol oquichtioa icue mamale tlamamale In qualli uepolli tlatlacatl tepaleuiani teceuiani tececeuiani ¶ In amo qualli uepolli techalania

¶ Veue ueuentzin ueuetlacatl tzoniztac quaiztac chicaoac uecauhtlacatl uecauitz tlaztlacole tlaiecole In qualli ueue tenio mauizio tenonotzale alcececaoa tzitzicace tlatole teizcaliani quiteilhuia quiteneoa in uecauhiotl quitemanilia in coiaoac tezcatl in necoc xapo quitequechilia in tomaoac ocutl in apocio Yn tlaueliloc ueue tlapiquini iztlacatini tlaoanqui ichtecqui teupilueue xoxoloueue topalueue auilueue totonpotlaueue iztlacatini tlapiqui

¶ Ilama ilamatzin ilamatlacatl caliollutl tlacpeoalli tlapixqui In qualli ilamatzin tenotzani tetzatziliani tlauilli ocutl tezcatl xiutl octacatl Amo qualli ilama xomulli tlaiooalli caltechtli mixtecomatl teca mocaiaoa teauilquistia

¶ Telpuchtli in telpuchtli iectlooquichtli qualloquichtli qualnezqui qualtepul tzomuctic tzicuictic popuxtli camanale tlaquetzale In uelca yiollo telpuchtli tlatlacamatini paccanemini iocuxcanemini hatlaquelmatini yiel tetlacamati tlatequipanoa chipaoacanemi mimatcanemi ¶ In tlaueliloc telpuchtli mixitl tlapatl nanacatl muchiuhtinemi cuecuech iollotlaueliloc tlaquequelotinemi tlaquetztinemi tlaxocotinemi camanalotinemi

Piltontli in piltontli celic nane taoac cemoquichtli centeconetl teiccauh teach machtiloni notzaloni titlanoni In qualli yiollo piltontli tetlacamatini tlacaquini temauhcaittani mauhqui mopechtecani mopechteca tetlacamati temauhcaitta momachtia ¶ In tlaueliloc piltontli çã niman uel hatlacatl hatlacaquizqui hacemelle iolloitlacauhqui tlaueliloti chocholoa ichtequi iztlacati tlatlaculchioa tlaueliloti

¶ Tlacatl in tlacatl uei uecapan mauiztic imacaxtli tlamauhtia tlacamachoni In qualli tlacatl tetlaçotlani teicnoittani tlaocullo tetlaçotla teicnelia tlamauhtia In amo qualli tlacatl tetequipacho temauhti imacaxtlaqui tlauiuiiotza [fol v

¶ Tecutli Jn tecutli tlatzontequini tlatzontecqui tlatlaliani tetlatlaliliani haquequelli ixtleio ixtequaio teixmauhti ihiio In qualli tecutli melaoac mecoc tlacaquini necoc tlatlachiani nouiãpa tlacaquini melaoacatlatzontequini tenepantla quiçani amo teixittani aiac quimacaci [fol r

] melaoacatlatzontequi nepãtla quiça amo tlaixitta ¶ In tleueliloc teuctli teixittani tecocoliani tlachicotlaliani motlaxtlauiani tençulpotoniloni tlauhchioani tlauhchioa tlachicotlalia

¶ Pilli in pilli yeciollo tlaçotli in iiollo piltic in inemiliz tlolole malcoche mimatqui mocxiiehecoani tlaçotli tlaçoio tlatlacatl iectli quelli tlacamelaoac uel ca in iiollo iecnemilice chipaoacanemice tlamatini mimatini

¶ Tecpilli Jn tecpilli tlaçotli uel tlaçotli tlaçotli yn iiollo muchi tlacatl itlaço aiac itzcuin iuiiaio iocuxcaio tlatlaçotla tlamauiçoa tlamauiztilia tepepetla tetlãtlatlauhtia ¶ In tlaueliloc in amo qualli tecpilli iliuiz tlacatl hamozcalia [fol v

¶ Tlaçopilli chalchiuitl maquiztli teuxiuitl quetzalli tlaçotli tlaçotitlacatl xocoiutl malhuiloni tlamaluilli chonequiztli hatzoio hateuhio uel quiztica tepiltzin ¶ In qualli tlaçopilli mauiztililoni tlaçotlaloni pialoni tlamauiztiliani tetlaçotlani temauhcaittani amo teixcoieoani amo teixconemini iocuxcanemini tlaiuiianchioa tlaiuiiantlalia muchi iectli muchi qualli muchi mauiztic in quitoa in quiteneoa in quitenquixtia in que ¶ In amo iectli tlaçopilli aiuiiaio quauhio teio in itlatol in inemiliz in iieliz teaman tetequipacho ixcultic in itlatol hanaoatl tonquimil tonpotla texiuhtlati tetequipacho

] machtiani mixtlamachtillani momachtia tlilli tlapatli quitoca tezcatl ocutl tlauilli quimana quiquetza ¶ In tlaeuliloc tetzon tetlapololtiani tlaixmamateloani iuintitl tlaoanqui xocomicqui mixitl tlapatl nanacatl muchiuhtinemi quiquatinemi moquatlaça haquetza

¶ Tentzontli tetentzon in tet tzon mozcalia tlanonotzalli tlazcaltilli tlamachtilli ¶ In qualli tentzontli tenonotzani teizcaliani qualloi iectli machiutl quitetlaliliani xiutl octacatl tlilli tlapalli tezcatl ocutl iectli machiutl tetlauilia tetlanextilia teiacana tlaiacana

¶ In tlaueliloc quachic iaotzintopolto nacamalhuiani nacatlaçotlani [fol v

] momalhuiani mauhq' in iiollo mauhqui mauhcatlacatl tlatzinquistia momauhtia tlacioatlamachtia tlacioatilia tlamauhcaçonequiltia tlacomonia

] quiiocoia quipitza quimamali in teuatl in tlachinolli tlauizteca tlauiztlatoa hitacateca hitacatzatzi hitacatlatoa huteca hutemoa tlacxitoca quitlalia in iaoxacalli in quauhcalli in iaotianquiztli quimana in iaotlapixque cana in tlapepentli quintecpana in tlatlacaanque in mopachoq' in tetzaoac tetlatoltia quittilia in campa uel iaz toiaouh ¶ In xolopitli tlacateccatl tlacochcalcatl tlaouitilia tlamictia atoiatl tepexitl quiteittitia

] tlapouhqui ca tlamatini amuxe tlacuilole &In qualli tlapouhqui tetonalpouiani tlacxitocani tlalnamiquini tonalpoa tetlalnamictia ¶ In tlaueliloc tlacateculotl teiztlacauiani teca mocacaiaoani iztlacatlatole naoallatole tlacatecolotlatole tetlapololtiliztlahtole tetlapololti tetlapololtia teiztlacauia teca mocaiaoa

¶ Tlacateculutl in tlacateculotl mocuepani naoale tecocoliani tepoloani tecocollaliliani tepan mîçoni tepãmictiani tepãtiani teeuillotlatiani alcecec quiquiztoc ehecatl moteteuilacachoa in ichan cococ tepouhqui iilhuil inemac motolinia icnotlacatl nentlacatl ahommonamiqui in iquechtlan in iquezpan cocotontinemi tlaciaui quihiiouia ompa onquiça in tlalticpac tetlacateculouia [fol v

¶ Ichtecqui in ichtecqui motolinia icnotlacatl nentlacatl cococ teupouhqui cõcotoc mõmotz apiztli icnoiutl apizteutl iollo itlacauq' iztlaccomoc tlanemilia tlaztlacoa tecalxapotla tlamachicoluia nenëciui iolcapani tlaztlaqui quihiztlaqui ichtequi tlanaoachioa tlaixpachoa tlainaia

] tlatlatzcotoni in iiollo oltlaluitotoc tlatequipanoa tlaay çacamoa elimiqui tlaxiuhtlaça tlateuhchioa tlapopuxoa tlaixteca tlacuenteca tlacuecuenteca tlamolonia tlaxotla tlaxoxotla tlaquaxochquetza tlaquaquaxochquetza xopançacamoa tlaxopanchioa tlãtiana tlacuemitaca tlatacaxtlalia toca tlapotzallalia atoca quauhtoca tlapixoa hetlaça tlatzotzopitza tlatzotzoputza tlatacaxtlaloa tlatlaluia tlaxilotlapana tlacincuecuextlaça ohoapuztequi oacui xilotzaiana cacamatzaiana tlaãquetzaltia tlacotzana miiaoacui elocui tlacinpotztequi pixca tlaxipeoa tlazoaiotlaca ochoa tlaochoa tlaochollalia mocincozcatia tlaçaca tlacuezcomatema tlapixoa tlachaiaoa tlaxioania [fol v ) tlatequi tlapuztequi tlacotona tlauitequi tlaquequeça tlaacana tlahecaquetza tlahecamotla ¶ In amo qualli tlalchiuhqui tlaquelmatini tlaquelchioani tlatëmatini aontlaecoani tlatziuhqui quitenmatqui iollo tlaueliloc tlaueliloc tëtecuinpul tëtëtlapul xoxolopul aompa heëoa millacatl tequimillacatl xixicui tlaquani tequitlani tzotzoca tlãtlametl motzol atlaixcauhquj amo cotontlani auel in macequi ië uel in me tlatziui tlatziuhcaoa tlaquelmati tlaquehecoa tlaquelchioa

¶ Tlacatl in tlacatl mauiztic mauizio imacaxtli ixtilli pochutl aueuetl ceoallo ecauhio malacaio In qualli tlacatl tepan quiçoani in iahaz in icuitlapil tetlaçotlani tepiani tepan quiçoa in iahaz in icuitlapil [fol r