yn yehuatl yn quitocayotiaya tetzahuitl Huitzillopochtli quicaquia yn tlatohuaya yn Azteca auh yhuan quinanquilliaya auh yn amo quittaya auh yn în Tetzahuitl Huitzillopochtli oquinotz yn inteyacancauh yn intepachocauh yn inquauhtlatocauh yn Azteca yn oncan catca onoya yn ipân yn itic huey altepetl ciudad Aztlan yn quauhtlahto ytoca Yztac Mixcohuatzin auh quilhui yn yehuatl Huitzillopochtli yn Iztac Mixcohuatzin tlaxihuallauh Yztac Mixcohuatze yn axcân ca monequi cenca huel totech monequi nimitznahuatia ma nimân xontlatecpana yn iuh ônyez yn iuh onmochihuaz auh ihuan ynic tiquinmonhuicaz miyec tlacatl motlaonyazq yn Azteca Auh ma ixquich chicome calpolli yehuântin yn huel tlapaltique yn chicahuaque yn huehueyntin tlaca ma hualca yxachintin ynic miyequintin yn macehualtin Auh ca yehica ypampa ca tiazq yn axcan ca titotecatihui ca titotlallitihui yhuan titepehuatihui tiquinpehuatihui yn ipan nohuian cemanahuatl yn ye onoque macehualtin auh yehica ypampa yn nehuatl ca neltilliztica nelli namechilhuia ca namechihuatiuh antlahtoq anpipiltin antetecuiyohuân anyezque yn ixquichica nohuianpa cemanahuac auh ynic antlahtoque anpipiltin anyezque ca anquînpiazque anquintzitzquizque amo çan quexquichtin atzonquizque atlanque yezque yn amomacehualhuan yezque yn amechtlayecoltizque yn amechtlacallaquilizque yn amechmacazq yn amo çan achi yn amo çan quexquich yn hualca tlapanahuia yn chalchihuitl yn coztic teocuitlatl auh yn quetzalli yn quetzalliztli yn tapachtli yn tlapaltehuillotl auh yn tlaçotli tlaquentli

  Auh yhuan yn amotlacahuan miyec onyezque quinnemiltizque auh y nepapa yhuitl yxiuhtototl yn tlauquechol yn tzinitzca yn ye yxquich yn tlaçoyhuitl auh ytlapapalcacahuatl yn tlapapal ychcatl ca mochi anquittazque canel notequiuh yc onihuallihualloc Auh ca yehuatl ica ynin yn itlatol Huitzillopochtli ca nimân oquinquixti yn Iztac Mixcohuatzin teuhctli ye chicome calpoltin yn onpa onoya Aztlan auh yehuantin ynin chicome calpolli y macehualtin yn quihualquixti auh no ceceyaca quinpieya ce ce ynteohuan ynic mitohua motenehua ca oc no cequintin yn quihualhuicaq yn inteohuan auh no yhuan ynic mitohua motenehua yn chicome calpolli yn Mexica yn huallaq ompa Aztlan auh ynic ce calpolli Yopica ynic ome calpolli Tlacochcalca ynic ey calpolli Huitznahuac ynic nahui calpolli Cihuatecpaneca ynic macuilli calpolli Chalmeca ynic chiquacen calpolli Tlacatecpaneca ynic chicome calpolli Yzquiteca yhuan quihualhuicaq y mochintin hualcepayaque yn ihueltiuh yn Huitzillopochtli ytoca Mallinalxoch yn oncân quihualcauhtiquizque Michhuacân yn oncan Pazquallo ynic çatepan oncan huallehuac ynic motlallico yn oncan Malinalco quinhualhuicac yn ixquichtin yn imacelhuahuân yn motenehua Malinalca Auh yc niman ya huallehua ye huallolini yn huehuetq Chichimeca Azteca yn chicome calpoltin ye omito tlacpac ontzon xihuitl ypan matlacpohualxihuitl ypan matlactli onnahui xihuitl ynic catca onca anepantla aytic yn ipân hueyaltepetl ciudad ynitocayocan Aztlan yehica yn oncân ycac yn huey azquahuitl ynic yehuatl ypampa motenehua Aztlan auh yhuan ye o yuh nepa ya chiuhcnauhpohualxihuitl ypan onxihuitl ya qui ynic nemico nican Tollan yn Topiltzin Acxitl Quetzalcohuatl ynic ya ca ye omito tlacpac ca huey apan callaquito yquac

Auh nimân no quitoque in Azteca ca ye qualli ma tamechtohuiquillican Auh in Colhuacan yn iuh quitohua quin oncan huel quihuallantiquizque yn diablo yn Tetzahuitl Huitzillopochtli yn oquimoteotiaya yn Azteca yn huallaque yhuan ce cihuatl itoca Chimalma ompa quihualhuicaque yn Aztlan Chicoccân hualquiztiaque yn Azteca ynic hualnenenque auh no yhuan yn chicuey altepeme yn Chichimeca Teocolhuaque çan ic mochintin ônmocetilica yn Azteca oncan quihuallantiquizq yn Teocolhuacân ca quihualhuicaya ca hualcepanhuia auh ynic hualquizque oncan Teocolhuacân ynic hualnenenq çân ya yehuatl yn ipan ce tecpatl xihuitl yn tlacpac omoteneuh auh ynic hualleuhque yn oncan Teocolhuacân ca nahuintin yn quihualmamaque yn diablo yn itoca Tetzahuitl Huitzillopochtli yn ye quimoteotia Azteca auh yzca yntoca yn omoteneuhque Nahuintin teomamaque yn quihualmamaque Huitzillopochtli ynic ce tlacatl ytoca Quauhcohuatl ynic ome ytoca Apanecatl ynic ey ytoca Tezcacohuacatl ynic nahui ytoca Chimalma yc ye huitze yehualnenemi yn ipan ce tecpatl xihuitl

V Tecpatl xihuitl Nican ypan in yn acico yn Azteca in itzintla huey quahuitl auh in yehuantin yn teomamaq yn itoca Quauhcohuatl yhuân yn itoca Apanecatl yhuan yn itoca Tezcacohuacatl yhuân yn itoca Chimalma yn oacico yn quahuitl ytzintla nimân noncan motlallique ynin cenca tomahuac yn quahuitl niman noncan contlallique ytztintla ynin tlalmomoz ypan contlallique yn diablo Huitzillopochtli yn ocôntlallique niman concuique yn imitac auh yc niman ye tlaquazquia yn Azteca yniquac niman yn ynpan poztec yn huey quahuitl auh nimân nic quicauhque yn quiquazquia cenca huecauhtica yn oc totoloticatca yn Azteca Auh nimân quinnotz oncan yn diablo yn Huitzillopochtli quimilhui xiquinnahuatican yn amech huica yn chicuey altepeme yn Colhuaq xiquimilhuican camo tiazq yn campa otiazquia ca çân nican titocuepazque auh niman oquinnahuatique yn Colhuaq yn chicuey altepeme auh yn oyuh quimilhuique cenca yc tlaocoxque yn chicuey altepeme ynic oquinnahuatique auh niman oquitoque yn chicuey altepeme Totecuiyohuane campan tiazque ca ça tamechtohuiquillizque Niman no ceppa oquimilhuique camo huelitiz ca ça hanyazque auh yn oquicacq yn Colhuaque niman yc achto hualpeuhque ynîn yn omoteneuhque chicuey altepeme yn Colhuaque quimoncauhque yn oncan huey quahuitl ytzintla yn inpan poztec auh huecauhtica yn ompa

VI Tochtli xihuitl Nican ypan in yn omomiquilli yn Qualtzin Tlayllotlac teuhctli yn quipacho Tenâncayotl onpohualxihuitl onmatlactli ypan on xihuitl Auh ça niman yquac motlahtocatlalli yn ipiltzin yn itoca Quauhuitzatzin tlayllotlac teuhctli Chapantica ynic motlahtocatlalli in iuh quitohua huehuetque auh no yhuân yquac motlahtocatlalli yn Itzquautzin Huehue Atlauhtecatl teuhctli yn imomextin quipachoque Tenancayotl ynin ça ya oc oncan yn Cuitlatetelco

I Tochtli xihuitl Nican ypan in yn tlahtohuani Quauhtlix oquimilhui yn Mexica ximocaltican yn oncan Tiçaapan auh yn omocaltique mochi yn ipan ce Tochtli xihuitl auh yn oconchiuhque yn incal Mexica Niman no ceppa oquimilhui yn Quauhtlix yn Mexica ximoteocaltican tamechmacazque yn iyollo yez auh niman oquipehualtique yn inteocal Mexica auh ye tlatlaco quinemiltia yn oquinyollotilique yn înteocal yn ica cuitlatl poxaqua yhuitl quimichme auh yn oquittaque Mexica yn amo qualli yn oquiyollotillique yn inteocal niman oquiquixtique oquimayauhque oquitoque amo yehuatl monequi yn ca huitztli ca yyetl ca acxoyatl yn iyollo yez auh yn iquac yn oquipantlazque

yn iteyccauhtzin Atonaltzin Chichimeca teuhctli yn ihuan momimihque yn Atonaltzin yn Quahuitzatzîn Tlayllotlac teuhctli auh yn çatepan yn omottaque yn omonenehuillique yneneuhque ynic Chichimeca nimân quimotlapanique yn tepetl Amaqme ynic nimân quitlallique yn altepetl Amaquemecan yn ipan în xihuitl yhuan quitlallique yn ixquich quaxochtli yc ye cate ye tlahtocati

XIII Acatl xihuitl Nican quinhualtocaq yn Mexica yn colhuaque yc motlallico yn Atiçapan oxiuhtica

{Auh çan chitatli yhtic matlac yn quinhuapahuaya ynpilhuan Chichimeca Tetzcuca auh yn quihuapauh Colhuacan ychan yn cihuapilli ytoca Papaloxuchitzin nahuatlacatl yeuatl coçolco qui ¨¨¨yancuican quimachti nahuatlatolli yn tultecatlahtolli yhuan quitilmahti quimaxtlati achtopa auh yn intlatol achtopa catca yn Tetzcuca ca chichimeca tlahtolli popolocaya auh quin yehuatl in achtopa onahuatlato yn Techollalatzin Coxcotzin Auh quin chiuhcnauhxiuhtia yn momiquillico ytatzin Tlaltecatzin Quihnatzin momiquilli }

  ytoca Calpilcatl ytoca Tolnahuacatl ytoca Matlaomi ytoca Acaten ytoca Tolnex yn itoca yn Apepetz ompa mic yn Apepetzpan motenehua Auh oc cequintin yzcate cihua ytoca Tolxochcihuatl ytoca Atencatzincihuatl ytoca Tequixquipanecatlcihuatl ytoca Quetzalmoyahuatzin yehuatl in y nican mixihuico yn motenehua Mixiuhcan çan no yehuatl yn quitemato yn oncan motenehua Temazcaltitlan auh yn iconeuh ytoca Contzalân oc cequintin quitohua ytoca Cohuatl ycue Auh yn Xiuhxahual niman ye quitohua ma titotlatlamallican auh ye omito yn tlacpac in iquac yn ohuacico yn Chichimeca yn Azteca yn Colhuaque yn iquac yn otlachichiuhque yn tenochtli ytzintla ca çan oc tolxacaltzintli yn inxacal yn oncân mochantique Auh niman yc conpehualtique in ye motlatlamallia yn ipan în omoteneuh yey tochtli xihuitl y nican toltzallan yn acatzallan auh chicue xihuitl yn çan oc motlatlamalliaya auh yn quiyahuallotoque yn tlalhuactli ypan tlaca yn huallachiya ye tlapopotztoque yn atlitic {auh ca} yuhquîn in tzoyac yehuatoc yn quihuallinecui ca mieyequintin ynic micque {yhuan} popoçahuaque auh yhuan miecpa yn quinpehuazquia ahuel quinchihuaya cenca tlapaltique catca yn Mexica

yn Chalca yn Yacapichtlan ocuel quinahuati yn Quetcanauhtli yn diablo quilhui Quetzalcanauhtle ye huitze techanazque yn Chalca cenca techtlatlauhtizque auh ye ticeyaz ma tihuiyan auh onacique in Yacapichtlan in Chalca ye choca yn ixpan Tlacatecolotl ye quinotza ye quitlatlauhtia auh quimilhui yn Quetzalcanauhtli ohuaquimocnellilique yn amoteouh yn amotlahtocauh ma tihuian niman ye huitze oncan quiçaco yn diablo yn oncan tzaqualtzintli ytic auh quen quicac quen quimol yn itoca Temizteuhctli yn in ipiltzin yn tlahtohuani yn Huehue Teuhctli Chichimeca teuhctli oncan quinamiquito yn tzaqualtzintli ytic yn diablo ynic quinamiquito yn quimacac chalchiuhquauhyahuallolli ynic quitlatlauhti quilhui noteohue notlahtocahue otontequitito otontlacotito tel ca matzin ipa ca motepetzin ipa auh quilhui yn teomama yn Quetzalcanauhtli yn diablo tla xictlatlani yn Temizteuhctli cuix itla quinequi Nimân ye quilhuia yn Quetzalcanauhtli yn Temiztzin cuix itla ticmonequiltia Yc quinanquilli quito yn Temiztzin cahamo ca ç nicnotlapalhuico ca çan ntlatlauhtillico ÿn nh yn notlatocauh ahu ¨¨¨çân yehuatzin quin ¨¨¨hiltia yn acitla nechm ¨¨¨lliliz

yn tlatquicayotl ca çan nantiz ca çan tatiz yn quemanian ypampa yn amo quimacac yn amo cez yn tlacatecolotl çan yehuantin quinmacac in itoca xochpoyo yhuan yn itoca Tetzauhquacuilli yhuan yn itoca y nauhtene yn itahuan yezque auh yaqui yn diablo auh yc motlallico yn ipetlapa yn icpalpa yn Temiztzin ye teohua teuhcti yc chiquacen in mochiuh yn tlahtoque yn quipachohua altepetl Amaquemecan

mononotzque quihtoque ma quicaqui yn totlatol ÿn teuhctli yn Huitzillihuitl yn Quatlecohuatl yhuan yn Tlacateuhctli yn Itzcohuatl ma yc hualmotlalli ma yhuihui ma mitica ma chimaltica yn techitta yn tahuaq yn titepehuaque O yhui n yn quallanque yn Anahuaca yn ipampa yn Chalco tlahtoque auh quicacque yn Huitzillihuitzin yhuan Quatlecohuatzin yhuan yn Itzcohuatzin yn iuh quitohua yn Anahuaca in ye quinyaoyahuallozque in yaoyotica cênca momauhti yn Huitzillihuitzin yn ihuân Quatlecohuatzin yhuan yn Itzcohuatzin quitoque camo ticmati yn queni ynic oyaque yn tlahtoq ca çan otechiztlacahuico maço huillohua ma quimanati yn tlahtoque ma motlalliqui yn ôncan yn inchantzinco auh in yehuantin yn onechiztlacahuico yn tlapalpopol ma quinmictiti yn quexquichtin yn i mochintin yn omotenmacaq ma mochintin quimmictiti ayac mocahuaz auh niman quicaque yn Anahuaca yc moyolcehuique ayocmo quichiuhque yn yaoyotl yn quitohuaya yn quichihuazquia yn îpan Mexica auh niman yc onehuaque in Mexica yn achcacauhtin yn quinmictizque yn cuezconpixque auh yn cacalloc yn quinquatetzotzonaco mochintin yn pipilhuan yn inhuayolq auh in yehuatl yn tlahtohuani yn Toci teuhctli anoto caxitico yn Mexico Tenochtitlan auh quilhui yn tlahtohuani yn Huitzillihuitzin yhuân

ma yehuatl teohua teuhctli mochihua auh conmacaque yn Aoquantzin yn tlahtocayotl yn teuhctzontli yhuan yn xihuitzolli conaquique ynin ontlamantli yuhqui corona ypan pohuia yhuan yn ixquich ynic netlahtocatlalliloya yxquich comamacaque auh in yehuatl yn Cohuaçacatzin ca oc cenca piltzintli yn iquac ayamo yehuatl quichichiuhque çan yehuatl quichichiuhque yn cihuapilli yn inantzin yn Cohuaçacatzin ytoca yn cihuapilli Tlacocihuatzin contlallilique yn teuhctzontli yhuan yn xihuitzolli yhuan yn ixquich tlamantli tlahtocayotl conmamaque ÿn cihuapilli auh in yehuatl yn itoca Cohuatzin teuhctli yn Mamalhuaçocan ychan yn xochipixqui no quinahuatique yn Huitzillihuitzin yhuan yn Itzcoatzin quilhuique ynic quinahuatique Cohuatzin momac motepozteco ticcahua tictlallia yn piltzintli yn Cohuaçacatzin oc tiquizcaltiz tichuapahuaz auh ÿn tle ÿn tequitl oc tehuatl tiquitoz tixiptla oc motech ticahua yn teohuateuhcyotl auh yn quenmanian yn oyxtlamatito yn piltzintli ticcahuilliz yn ipetl yn icpal auh yz ca yn cihuapilli timitzmaca ye mocihuauh yuhquin mopiltzin ticchihuaz yn Cohuaçacatzin auh yuh quinnanquilli y nican Mexico Tenochtitlan tlahtoque yn Cohuaçacatzin teuhctli yniuh quichihuaz

yn Cohuaçacatzin yhuan yn Toci teuhctli auh yn yehuântin yn cuezconpixque yhuân yn oc cequintin yn quimotenpotica yn an amo micque cenca momauhtique quitoque ye huitz yn tequachcauhtli yn Toci teuhctli auh yn Amaquemecan yn Aoquantzin yhuan ÿn Cohuaçacatzin yhuan yn inantzin yn cihuapilli yn Tlacocihuatzin teyacapan yn tlahtoque yn iuh momatque quinmictitacizque ynic acitihui auh yn Tlalmanalco ytoca Toçanteuhctli yn oquinmotenpotica yn cuezconpixque yn oquihualmatque in ya hui yn Chalco tlahtoque yc cenca tlaltecuin yxquich tlacatl momaquixti yn Chalca yn Amaquemeque yn pipiltin yn tiyacahuân yn achcacauhtin yn tequitlahtoque yn ixquichtin yn quinmotenpotica yn cuezconpixque mochintin momaquixtique yn ompa yaque motecato yn itocayocan Huitzillac yn Amomollocco auh onyaque acito yn tlahtoq ye cate auh in yehuantin yn Amaquemeque yn Chalca yn momaquixtito yn ômpa yn Amomollocco yn iuh momatque ye quinyaotlatlalhuia yn Amaquemeque yn Chalca ompa ye quinpehuatihui yn ônpa cate in Amomolloco nimân ye mononotza ye quimolhuia campa in tiyazq yntla ticallaquican tetlan in Huexotzinco ca toyaopan auh yntla noce tocuitlahuic titocuepacân yntla tihuiyan in Amaquemecan cuix amo ça temac tihuehuetzitihui auh oncan in momoyahuaque yn canpa yayaque auh oc cequintin hualyaque hualmocuepque yn ôncan Amaquemecan O yuhqui yn ynic momoyahuaque yn Chalca yn Amaquemeque ynic axcan mitohua motenehua yn Amomollocco Nexexelloloyan ca ypampa

IV Tochtli xihuitl Nican ypan in yn momiquillico Huitzillihuitl tlahtohuani Tenochtitlan ynîn ypiltzin yn Acamapichtli yn tlahtocat cenpohualxihuitl ypan chiquacen xihuitl auh çân niman iquac motlahtocatlalli yn ipiltzin yn itoca Chimalpopocatzin auh yn Itzcohuatzin tlacateccati ytlan quinanamiqui auh yn ipilhuan quincauhtia yn tlahtohuani Huitzillihuitl yn tlahtocapipiltin macuiltin ynic ce ytoca Teotlatlauhqui ynic ome ytoca Huehue Cuitlahuatzin ynin ompa tlahtocatito yn Itztapallapan ynic ey ytoca Huehue Moteuhcçoma Ylhuicaminatzin ynic nahui cihuatl ytoca Yaocihuatl ynin ompa quihualmitlani yn Cohuatlychan tlahtocapilli ytoca Toyaotlancatzin ynîn ipiltzin yn Huehue Cuixtecatl tlahtohuani Cohuatlychan auh yc ompa tlacatito yn itoca Huehue Tepollomitzin auh macihui yn ompa quichihuato yn inântzin y Cohuatlychan camo ma ompa ne ca çan nican Mexico nemico ytlan yn itlatzin

Auh çâ no ypan in yn IV Tochtli xihuitl y motlahtocatlalli Quauhtlehuanitzin Tlayllotlac teuhctli tlahtohuani Tzaqualtitlan Tenanco Amaquemecan ynin ypiltzin yn Itztlotzin Tlayllotlac teuhctli auh yehuatl tlahtocatizquia yn inyacapâ yn itoca Huehue Chimalpahintzin auh çan mocauh ynic mitohua motenehua Huehue Chimalpahintzin Mocauhqui {auh no yquac yn ipan in motlahtocatlalli ÿn Totequixtzin tlahtohuani Opochhuacan Chalco }

{yn in neltiliztli} Nican ypan in yn miquico yn Huehue Teçoçomoctli tlahtohuani Azcapotzalco yn tlahtocat epohualxihuitl auh quincauhtia yn ipilhuan macuiltin ynic ce ytoca Acolnahuacatl Tzaqualcatl ynin oncan quihuallatocatlalli yn Tlacopan ynic ome ytoca Quaquapitzahuac ynin oncân quihuallatocatlalli yn Tlatillolco ynic yey ytoca Epcohuatzin ynin ompa contlahtocatlalli yn Atlacuihuayan ynic nahui ytoca Maxtlatzin ynin ompa contlahtocatlalli yn Coyohuacan ynic macuilli ychpoch ytoca Ayauhcihuatl ynin /¨¨¨/ conmitlani yn Huitzillihuitl yn Tlahtohuani nican Tenochtitlan yn iqu iz quichihuaco yn tlahtocapilli Chimalpopoca in yehuantin in yn nican omoteneuhque tlahtoque ca oc yehuatl quintlahtocatlallitehuac ÿn omoteneuh yn inttatzin Teçoçomoctli auh çâ niman ipan in yn xihuitl motlahtocatlallico yn Maxtlatzin yn Azcapotzalco ynin cenca tlahuelliloc catca ynic ya Azcapotzalco çan temiccatlapalloto ynic ompa motlahtocatlalli yxiptla mochiuh yn ittatzin omomiquilli ompa onehuac yn Coyohuacan yc ye tlahtocati yn Azcapotzalco

Auh ca yuhqui hin yn oquipehualtique yaoyotl ynic peuh çan quihuallitlan chinamitl yn Maxtlaton tlahtohuani yn Azcapotzalco conilnamiqui yn iuhqui tlayecoltique Mexica yn ittatzin catca Teçoçomoctli yn quinequia çan no yuh quichihuazguia yn iuh quichiuh yn pan Mexica yn Teçoçomoctli yn quihuallinque chinamitl yn conmacaya yn ompa Azcapotzalco ca yuhqui hin in ye quitohua Maxtlaton aquique y notlalpa yn omotlallico yn oncân ye onoque ma hualhuian ma oc cepa quihualhuicacan chinamitl yc hualtecpancallaquizque auh oncan huallapachotiaz ypan yn canauhtli yhuan yn quachilli yhuan yn cîncohuatl yhuan cenpohualxochitl yn izquitlamantli mochihua chinanpa yzquitlamantli ypan hualmochiuhtiaz auh yhuan yn aztatl {auh} yhuan quinhualhuicazq yn incihuahuan nican mocehuiquihui yn oquinnahuati yn ittahuan Maxtlaton niman quimonilhuico yn Mexica yn oquicaque nimân ye choca yhuân yn Itzcohuatzin niman ye quitohua can ticcuizq

niman yc ye tetlahuizmaca quimilhuia yn itahuan camo tlaca ca yz popollihuizque auh niman ye quimilhuia yn diablo Huitzillopochtli yn Mexica yn axcan ye techmictizque xiccuitlacoyonican yn calli ompa xiquiçacan auh niman yuhqui quichiuhque yn Mexica quitlacoyonique yn calli niman n ompa mochquizque yn Mexica auh yn oquimittaque aoc aque niman ye yc tlacahuaca yc niman ye quitohua Tlacopanecaye Atzcapotzalcaye ye onquiça yn totetzanhuan xonnenemicân xiquintzitzquiti auh yn Mexica niman iqu intech motlapalloque yn Tlacopaneca yn Azcapotzalca çan oc yncaltenco yn quimoncahuato miyec in mic macehualli auh yn o ymellelquiz niman ye yc huitze omotlallico yn in xacalco auh niman quimhuallihua yn ittahuan yn Maxtlaton quimilhuico yn Mexica moztla anpopollihuizque auh yn oquicaque yn Mexica niman ye yc momitia quichiuhq yn tlatzontectli yhuan cueptli yn quimohuitique yc quitocayotique yn Cuepopan ynic axcan motenehua Cuepopan auh ynic moyaochichiuhque yc tlamico in xihuitl

I Tecpatl xihuitl Nican ypan in in yequene huel cocoltic yaoyotl in Tepanohuayan yn Azcapotzalco yquac pehualloque yn Azcapotzalca auh yn yehuantin Mexica yn ipan in xihuitl in ye yuhqui yn omocencauhque yn iyaotlatquitica auh niman ye ic huitze yn Tepaneca yn Azcapotzalca yn quinpehuazque Mexica oncan huitze oncan tlamatihuitze yn Cuepopan auh in ye huallacia yn oncan mamani yn ixacal Mexica auh niman n ic quintepotztique onca ye micalli {Ynin neltiliztli oncân tlapalehuico micalico Neçahualcoyotzin tlahtocapilli }

Auh no yquac yn ipan in xihuitl yn iuh quitohua cequintin huehuetque Mexica ypan in yn chiquacen tochtli yn tzintic yaoyotl y peuh yn momah ynic quinpeuhque Chalca yeomito ipan VI Tochtli xihuitl yn tzintic yaoyotl auh cenpohual xihuitl yn tzauhticatca yn Chalco auh ca yuhqui in yn opeuh yaoyotl yn quimoni/¨¨¨/huaque nahuintin yn Mexica pipiltin yn Chalco yzca yntoca yn moteuhctitlanque ynic ce ytoca Tezcacohuatl ynic ome ytoca Huitznahuatl ynic ey ytoca Huecamecatl ynic nahui ytoca Mexicatl teuhctli yn moteuhctitlanito yn tencopa ÿn Huehue Moteuhcçoma Ylhuicamina yhuan ÿn Tlacayelel Cihuacoatl /¨¨¨/ onmocnoytohuaya huehuey quahuitl yn tictocayotia huepantli yhuan huapalli yn itech monequiz ynic motlapachoz yn ical yn Huitzillopochtli auh achto quimôncaquiltitiquizque yn Tlalmanalco tlahtoque yn itoca Quateotl tlahtohuani Ytzcahuacan ynic ome ytoca Toteoci teuhctli

tlahtohuani oncan yn Acxotlan Calnahuac auh yn Amaquemecan tlahtoque yehual yn itoca Huehue Aoquantzin Chichimeca teuhctli tlahtohuan Amaquemecan Ytztlacoçauhcan ynic ome ytoca Cohuaçacatzin Teohuateuhctli oncan tlatocati yn Teohuacan Amaqmecan auh ÿn Tzaqualtitlan Tenanco Amaquemecan tlahtohuani ytoca Quauhtlehuanitzin tlayllotlac teuhctli auh yn Atlauhtlan Tenanco tlahtohuani ytoca Popocatzin Atlauhtecatl teuhctli auh yn Tequanipan Amaquemecan tlahtohuani ytoca Quetzaltototzin yehuantin in yn Chalco tlahtoque yn quincaquiltito yn inteuhctlatol yn Mexico tlahtoque auh ynic çan omocnoyttohuaya yn Huehue Moteuhcçoma yn ihuan Cihuacoatl Tlacayeleltzin yn Chalco yehica ca ycohuapan catca yn iquaquin in ayemo ytepehualpan auh yn oqu ic ayamo quimonihuaya yn inteuhctitlanhuân yn Chalco yn Moteuhcçoma yhuân Cihuacohuatl Tlacayeleltzin ca achtopa quinnotzque y nohuiân altepetl ypan tlahtoque in ya yntepehual in ya ytech pohui altepetl Tenochtitlan ca huel yhyoma yn huallaque yn omoteneuhque altepetl ypan tlahtoque quicaquico yn inteuhctlatol yn Moteuhcçoma yhuan Cihuacoatl Tlacayeleltzin auh yz ca yntoca yn tlahtoque y nican huitza Mexico ynic ce Neçahualcoyotzîn tlahtohuani Tetzcoco ynic ome Acolnahuacatl Tzaqualcatl tlahtohuani Tlacopa yn iqu ey Ytztlollinqui

tlahtohuani Coyohuacan ynic nahui Xillomantzin tlahtohuani Colhuacan ynic chiquacen Tepanquizqui tlahtohuani Tepetenchi Xochmilco ynic chicome Quequecholtzin tlahtohuani Tecpan yn çan ya ompa Xochmilco ynic chicuey Tzompan Teuhctli lahtohuani/ tlahtohuani Cuitlahuac ynic chiuhcnahui Xochitlollinqui ynîn çan no Cuitlahuac tlahtohuani ca ometicatca yn tlahtoque ynic matlactli Quetzaltototzin Mizquic tlahtohuani o ca yehuantin in yn altepetl ypan tlahtoq yn quicaquico yn inteuhctlatol yn Moteuhcçomatzin yhuan Cihuacohuatl Tlacayeleltzin nican quinnahuatique nicân quinmacaque yn intequiuh yn tle yn quichihuazque yn itech monequiz yn inteouh yn Huitzillopochtli auh ca yuhqui hin ynic tequimacoque altepetl ypan tlahtoque auh ca ça no yehuatl {yca} yn Chalco ynic omocnoyttohuaya tlahtoque Mexico auh çan ic quallanque yn Chalco tlahtoque ynic quintequitlalhuito auh ca yehica ypampa ca ayemo ytepehualpan yn Mexicatl Tenochcatl ca çan oc ycohuapan catca auh ca yehuatl in ynic peuh yaoyotl ynic hualmotzauhc Chalco ynin quallantli yaoyotl yc motlalli ca oc yehuatl ytlapehualtil ytlatzintil yn Quateotl tlahtohuani Chalco Tlalmanalco y nehuan yn Toteoci teuhctli Tequachcauhtli tlahtohuani Acxotlan Calnahuac auh yn oyuh peuh yaoyotl Niman ipan in VI Tochtli xihuitl yn momiquilli yn omoteneuh Quateotl tlahtohuani Ytzcahuacan Chalco Tlalmanalco yn tlahtocat

IV Tochtli xihuitl Nican ypan în polliuhque yn Cuetlaxteca oc ypan yn in peuh yaoyotl yn Huehue Moteuhcçomatzin Ylhuicamina auh yehuatl quitlamico in Axayacatzin auh ça no yquac yn ipan in xihuitl yn tepeuh yn Axayacatzin yn itocayocan Totonacapan Quaxoxouhcan {Ynin nelli ypan }

VII Calli xihuitl Nican ypan in ipan yn pehualloque Chiapan tlaca Auh no ypan in yn xihuitl yn iquac polliuhque Tlatillolca {yn in nelli ypân} amo huecauh yn quimonpeuh Axayacatzin ca moquichnenequia yn Moquihuixtli tlahtohuani Tlatilolco ynehuan yn itoca Teconal ÿn tlacamo yehuatl Quaquauhtzin yn ipan tlato ca huel popolihuizquia auh yn oyuh pehualloque Tlatilolca yc no poliuh yn tlahtocayotl auh çan tlaquallizpan quihuallalique yn onpoliuhque ya yquac ÿn quin yacac in tlatoltique Tlatilolca auh in yehuatl Moquihuix y teocalticpac tlecoque yhuan yn itepotzo yquetzalpatzac yn comaquiticaca ycpac yn ical yn intlacatecolouh ÿn quimoteotiaya Tlatillolca yhuân yn itepotzo auh ynic ompa ycpac tlecoque yn inteocal ompan tlecohuayan ynic tlayxnamiquia auh ompa ynpan tlecoque yn Mexica Tenochca ompa quinhualmimilloto quihualmayahuito yn Moquihuixtli yhuan itepotzo auh çan no Tlatillolco ychan ytoca Quetzalhua

IX Acatl xihuitl Nican ypan in quinpeuhque Tollocan tlaca Matlatzinca yehuatl tepeuh yn tlahtohuani Axayacatzin yhuan yquac tlallolin cênca totocac miyec yn tepetl xixitin yn huihuiton auh moch papachiuh yn calli {tlallolin}

tlalli quixotlac yn Axayacatzin yn Chalco Amaquemecan ytocayacân Xocoyoltepec yhuan Oztoticpac yntech pouhqui yntonal yn Mexico tlahtoque catca auh no yquac tlamato Ahuilliçapan yn Neçahualpilli tlahtohuani Tetzcoco yn cacito ça no tlahtohuani auh ça no ypan in yn xihuitl in momiquilli yn Tlaçolyaotzin tlahtohuani Huexotlan auh çan niman n iquac motlahtocatlalli contlallique yn itoca Cuitlahuatzin tlahtohuani Huexotlan

 ynin amo español amo huel oncan ychan yn España auh ca ye ompa chane ompa huallehua yn itlahuillanalpa ym apan yn altepetl yn motenehua Genova yn altepetl ytoca Neruy yn in huel oncan ychan yn Christoval Colon ynin huey tlalmatini in yhuan hueyamatini ynic mitohua motenehua cosmographo ca mochintin quinmachtiaya yn atlan nemia yn marineros Auh ypan in yn xihuitl yn oquipehualti in ye quinmitlanillilia inhuellitzin yhuan yntepallehuillitzin yn tlahtoque Don Fernando yhuan Doña Isabel ynic huallaz nican ypan Nueva España ynic quinextiquiuh yancuic tlalli yn intechtzinco pohuiz tlahtoque España auh yece amo niman iciuhca quimomaquilliq yn inhuellitzin maço nellihui yn tetech quimocahuilliaya tlahtoque ynic quittazque quinemillizque yn tle yn quitlani yn aço huel mochihuaz auh yece amo no huel quittaya quinemilliaya yn intech quimocahuilliaya ÿn tlahtoq ynic ça no ye quitlacohuaya quitzaqua ÿn tlatollli auh ynic on tlamantli ynic amo yciuhca quimomaquilliq yn inhuellitzin tlatoque ynic huallaz nican ca yehica ypampa no yquac mania yaoyotl yn ipan in xihuitl yn ompa Granada ynic çan quilhuiq ma oc tlami ma oc tzonquiça yn yaoyotl Granada auh niman mitoz mottaz yn monetequipachol yehica ypampa oc cenca pollihui yn tomin auh ynic moyolleuh ynic cenca quinec

huallaz yn quinextiquiuh tlalli nican auh yuhqui in nenemia {ce tlacatl} yn ipan hueyapan yn quinenemiltia huey acalli {calachixqui} auh yece yn itoca amo huel momati yhuan campa tlacat amo huel mellahuac momati auh cenca chicahauc yn ipan hualla yn ahehecatl huallitztia tonatiuh yquiçayampa auh cenca huecauhtica yn manca yn ahehecatl ynic amo huel omotzicoque cana auh yca yn inemachilliztica yn oquinhualhuicac acico yn oncan ycallaquiampa tonatiuh auh ypampa yc quittaco yn atentli yhuan yn tlalli nican ypan yâncuic cemanahuac auh yuh quitohua yn ipohualloca ynin tlatolli yn tlacatl yn anenemia acaltica amo quiz amo can amo ypan moquetzaco yn tlalli çan quihuallitac auh yc no ceppa mocuep auh maço nellihui yn ye no cuel huecahuac yn atitlan ya ompa yn tonatiuh yquiçayampa auh ynic cenca huecahuac in ipan in ynetequipachol ynic anene ynic huecahuac yhuan ypân quiz ypan mochiuh hueymayanaliztli apizmiquiliztli auh ynic ompa atenquiçato yn atenco ytocayocân Madera yn oncan acito ça quexquichtin yn momaquixtiq cenca mochtin mococohua ynic mochintin momillique Auh oncan catca yniquac yn ipan omito omoteneuh atentli yn Don Christoval Colon ye omoteneuh huey tlamatini yn itechpa tlalli yhuân yn atl yn quenin ca auh ynin yn queni yn iuh oquimittac yn cênca yntech tlamonequi yn cênca motollinitihuitze ynic quihualhuica

acalli yc quicentlalli quinpapaquilti yn ichan yn quinenemiltiaya acalli auh ynic yehuatl yn queni yc huitz yn aocmo chicahuatihuitz onmomiquilli ça quexquichcauhtica auh yn oqu ic ayamo momiquilliaya ynic cenca quihuellamachtiz yn oquimocallotilli yhuan ynic oquipallehui ynic quicnelli yn oquimomacehui auh yehuatl ynic quimacac amatl yn çan no yehuatl oquichiuh yehica ypampa ca cenca huey no amatini oncan quicuillo yn quenin caca tlalli yhuan yn ipan yn ixquichtlamântli quittac yn huell oquinemilli ynic oquittac ynic yehuatl Don Christoval Colon huel quipaccacelli yehica yn iuh omito omoteneuh ca çan no yuhqui yn itequiuh ynic nemia ynic moyolleuh ynic quilnamic yn quinextiquiuh yancuic tlalli ynic niman mononotzque mixtlatique yn imochtin oc cequintin tlaca huey tlamatinime atitlan yn iuhqui yhuellitilliz Auh ynic oquilnamic yn quitemoz yn intepallehuiliz yn aca ceme tlahtoque Christianos ynic yca yntoca monextiz yn tlalli yâncuic Auh yece ye omito yn iquaqu in huell oqu ipan nemia yn tlahtohuani Don Fernando Rey yn yaoyotl yc manca yn Granada auh yehuatl ypampa ynic mieccampa tetlatlauhtito ynic amo çan nen nemiz quitlatlauhtito yn Portugal tlahtohuani Don Juan Segundo amo quinec auh no quitlatlauhtito yn tlahtohuani

X Calli xihuitl Nicân ypan in tlallolin yhuan yquac ye no quinpeuhque yc oppa yn Tlapantzinca yhuan Totoltenanco tlaca yhuan Atlchayahuacan tlaca yn oxihuitl macuilcan yn tepeuh yn Ahuitzotzin yhuân no yquac monexti yn quitocayotitiaque huehuetq moyohuallitohua auh no yquac in ipan in xihuitl quiz in itocatzin Temaçatl yn Quauhnahuac auh ompa yn mac huetzito in Xochmilca ômpa quitetecque

Auh no yquac yn ipan in xihuitl tlamato y Neçahualpilli tlahtohuani Tetzcoco yhuan tlamato yn Totollapaneca yn Huexotzinco yn ye mochi Huexotzinca yhuan Coçolteca yn mamaltin quintemacac yn Ahuitzotl yn ompa Quauhnahuac ynca momamal yn diablo ycal auh no yquac yaomiquito Atlixco yn Ilhuicaminatzin tlahtohuani Xochmilco auh niquitohua oc ceppa ypan în pehualloq Huexotzinca

Reyes España yn Don Christoval Colon yn quimomaquillique ey yn Castilla acalli tlayaochichiuhtli yhuan chiquacenpohualli yn itehuicalycnihuan Españoles tlaxtlahuilloque yhuan mochi ynixquich acalco monequiz yhuan yc quitocamacaque ynic General hualmochiuhtia ca quinhualpachotia yn Españoles Auh ynic ompa huallehuaq ynic hualquizque ynic hualmacallaquiq yn oncan neacallaquilloyan ytocayocan de Palos de Noguel ypan viernes yc mani metztli Agosto yn ipan omoteneuh xihuitl auh yc niman ypan hualquizque yn tlalli yn itocayocan en La Gomera auh ynic onpa quihualcenmatque ynic ohualhueyapannenenque ynic ohuallaque yn tonatiuh ycallaquiânpa yatihuitze hueyanentihuitze ya huecauhtica ye achi quexquichcauhtica ynic cênca nentlamattihuitze ynic cênca hueca ynic amo huel neltilliztica yn amo huel mellahuacatica ynic nenemi huey apan auh ypan viernes ynic mani metztli otubre yn çan ya ypan xihuitl de ye ometzillini yn ye tlatlalneci tlahuizcalpan yn quinextiq tlalli ynic mochintin mopapaquiltique ynic cenca moyollalique ynic ohuacico ye ypan tlacatli ynic quitlamellahualtique yn acalyacatl yn tlaltenco ynic oncan ohuacalquizque yn atenco ytocayocan Guanahami oncan huallehuaq oc ceccan oyaque niman n ic ocallaquico yn oncan ça no acalquixohuayan yn itocayocan Sanctiago de Cuba yhuan oncan motecaque motlallique

yc quihualmonamiquilliq in yehuantzitzin tlahtoque Reyes Don Fernando yhuan Doña Isabel catholicos auh cenca mopapaquiltique yn ipampa yn itenonotzalliz ymixpantzinco quitlalli quinmocaquiltilli ynic nimân cenca tepan cahuan tepan actimotecac ynin in ynic mochi nohuian España auh in yehuantzitzin tlahtoq Reyes cenca quimomahuiztillilique yn Don Christoval Colon yhuân yc nimân quimomaquilliq yancuic tocaytl ynic ytoca Almirante de las Indias yhuan ytlahuiz y armas ynic pilli quimochihuilliq ynic quitlalli yn quiyahuallotoc tlatolli yn letras yn quitotoc ypampa yn Castilla yhuân ypampa yn Leon in yancuic cemanahuatl oquittac yn Colon

Auh niman in yehuântzitzin tlahtoq Reyes Don Fernando yhuan Doña Isabel Catholicos yc oquimotlallilique yn intlalnamiquillitzin yn intechpa yn innemilizcuepalloca yn macehualtîn ynic niman comomachiztillique yn innetequipacholtzin yn Sancto Padre ytocatzin Alexandro Sexto auh ynic no cenca huey papaquiliztica netimaloliztica yn quihualmocelili yn quihualmonamiquilli tlatolli yn quimocaquilti yn oc cênca cêntlamantli yancuic tlatolli ynic quinhualmotitlamilili in iBullatzin yn ipampa ynic quimochicoxelhuia ynic quimillochchicotlaxillia yn çan inenomazhuiliztlanequillitzintica yn iuh ytech onca yn ipan Bulla yn intech quimopohuilli yn mellahuac yn tlahtocayotl yn ipan {yn mochi} yn ixquich yn oquinextique yhuân yn oc ompa titzihui yn quinextizque auh ynic amo tle yqu inpan yazq yn tlahtoque Reyes yn Portugal

motlalliquihui yn oncan atentlipa yn çan ye motta mana yn itlanequillitzin Sancto Padre auh ynic yntech monequiz yc motlanahuatillique yciuhca mochichihuaz caxtolli omome yn Castilla acalli yhuan yxquich etzontli ypan caxtopohualli yn tlacatl yaz auh matlactli omome clerigostin yhuân ce teopixqui San Benito ca yvicariotzin ypampatzin hualmochiuhtia yn Sancto Padre yhuan ompa hualquizque huallaque yn ixquichtin tlachichiuhq officiales yhuan tlalchiuhque yhuân quihuallacallaquique yn mochi yn ixquich nepapan yn quaquahueque yn ichcame ÿn tentzoneque ynic moxinachozque oncan auh çan no yuhqui quihualhuicaque yn tlaolli ÿn trigo y ceuda yhuan yn oc cequi yn iyacho nepapan quillitl auh ynic ompa hualquizque huallehuaque yn itocayocan Cadiz ypan Miercoles ynic cenpohualli onmacuilli mani metztli Setiembre yn ipan omoteneuh xihuitl de auh yn achto tlalli yn ipan in yc hualnenenq hueyapan yn quinextico ca oncan cecni atenco yn quintocayotique La Dominica yehica ypampa ca yn quinextique ca Domingo ypan ynic ye ylhuitl mani Noviembre auh ynic oncan ypan niman oquipanahuiq oc cequi atentli yc niman n ômpa yaq yn Españoles ompa cate ynic ompa acito yn atenquixohuayan yn itocayocan de Navidad yc cêmpohualli onchicuey mani metztli Noviembre auh niman quicac quimattacico yn Don Xr oual Colon Almirânte

yn quenin yehuantin macehualtin oquinmictique yn cenpohualli oncaxtolli ypan ey tlacatl yn oncan macauhca yn i mochtin Capitan Diego de Arana auh yn ipampa ynon {in iuh} quitohua ca ye ypampa ynic mocepayxnamicque ynic monetechchallanique yn amo yllocacopa yn amo ytlanequiliztica yn Capitan ynic quiçaya ÿn quihuatlacuicuilliaya yhuân quinhualtolliniaya yn macehualtin auh ynic quinmictique yn oc cenca tlapanahuia miyequintin in yehuântin macehualtin hueca yn amo ytlan ynin yaocatl Españoles auh yn çatepan quinyaoyahualloco {oncan} yhuan quintlatillique ynin yaocatl yn itic catca yehica çan moch quahuitl auh yn ixquich tlacatl Españoles yn itic catca yc mochtin momayauhque yn hueyapan ynic omochtin oncan micq atitlan

netequipacholliztli yn ipan in ynic quinexti tlalli niman yc hual mocuep yn oncan ytocayocan Isabela ynic oncan ohuacico ypan yc cenpohualli onchiuhcnahui mani metztli Setiembre oncân oquitztacico on oacico oncan yn iteyccauh ytoca Don Bartolome Colon ey yn acalli oquihualhuicac yn ompa Castilla ynic cenca opapac auh yehica ypampa aoqu ic oquittaya yn ica ompa quititlan Ynglaterra yn oc ompa Castilla yc catca auh yc nimân contocamac ynic Adelantado mochiuh yn ompa ypan tlalli yn quin connextito

VI Tochtli xihuitl Nican ypan in miquico yn Chiauhcohuatl tlahtohuani catca yn Chiapantzinco yn Huexotzinco {Ypan in VI Tochtli xihuitl momiquillico ÿn Matlaccouatzin tlahtohuani catca Hecatepec yn tlahtocat xihuitl yn in ypiltzin yn Veve Chimalpilli ymatian Ahuitzotzin } {No ypan in ÿn Tochtli xiuitl motlahtotlalli ynic ome Chimpilli Hecatepec ypan ce ocelotl }

VII Acatl xihuitl años Ypan in nican quiz yn Acuecuexatl ynic apachiuhque Mexica amo ciaya yn tlacatl Tepiltzotzomatzin tlahtohuani catca Cuyohuacan yn huallaz Mexico auh yc {ypampa} quimictique ytencopa yn Ahuitzotl tlahtohuani catca Tenochtitlan auh yn tlacatl Huitzillatzin tlahtohuani catca Huitzillopochco no ypâmpa mictilloc yn Acuecuexatl ynin huel neltilliztli yn ipan xihuitl

ypan otlecoc yn tzohualli oquittac yn iuhqui yn quichihuaya oquihuitec yxayacapan in diablo ixiptla yc opeuh in yaoyotl oquallamque yn tlamacazque yn telpopochtin niman oquinpehualtin yn Capitan Don P de Alparado Tonatiuh ynic ye quinmictia yn mococollohuaya yn mitotiaya yn atecaya yn tiacahuan yn Mexica auh yn ontemictique Españoles niman yc mocaltenq yn caltzauhcticatca quitlamique yn Etzalqualiztli yn cênpohual tlapohualli auh ypan Tecuilhuitontli in ye no achi hualquiquiça auh ypan Huey Tecuilhuitl in yeneque quichiuhque yn yaoyotl yn mixnamique yn Tenochca yn i mochtin Españolesme auh ynic quizque Españoles oyaque auh oncan oyxpoliuhque yn Tolteca Acalloco yc otenque yn acallotli auh miec yn oncan poliuh yn intlatqui yn Castilteca caxtoltecpântli yn ôncân yxpoliuhq in Españoles yxquich y Huexotzinca yn Tlaxcalteca oncân cequi opoliuh yn quicecênquixtica ÿn coztic teocuitlatl auh ça quexquich yn quiquixtique yn tetlahuicalhuan yn Huexotzinca yn Tlaxcalteca auh ynin y mochihu in ca yohualnepantla auh yn tlatlalchipahuac ye cate acuenco in Españoles auh ompa cemilhuitl yn quiyaoyahualloq auh ytlamian ÿn Huey Tecuilhuitl ynic oyaque yn Tepotzotlan niman yohualnepantla y no olimq y no yaque in Tepotzotlan yn itecpanchan yn tlahtohuani catca yn itoca Quinatzin ye no yohuan in yaque Españoles ¨¨¨

Nican ompehua ontzinti nican mottaz nican nic liuhtoc in cenca cualli in cenca nezcaliltlahtolli in itechpa tlahtohua yn inelhuayo in itepecho in itzintica yn itauhca yn itlahtollo in ipohualloca in huehuenemiliztli motenehua Chronica yn iuh nelhuayotica in yuh tzintitica yn yuh peuhtica huehuetlahtolli in huehuenemiliztenonotzaliztli yn icemihtauhca yn icentlahtollo yn icenpohualoca yn itepecho yn inelhuayo in ipan ceme yn macuiltlayacatl inic macuilcan xeliuhtica tzontecoyotica tlahtocayotica yn tecpilaltepetl ini motenehua Chalchiuhmomozco Amaquemecan Chalco yn oncan ypan yc ontlayacatl yn quitocayotia Tzacualtitlan Tenanco Chiconcohuac yn iuh tzintitica in yuh peuhtica in yuh quihtotiaque in yuh quitlalitehuaque inin huehuetlahtol in ye huecauh onemico in tlaçohuehuetque in tlaahtoque in tlaçotlahtocapipiltin catca yn illque in huehueyntin Teochichimeca catca yhuâ in iz ça tepa onemico in tocihuan in tocolhuâ tonhuan in tomintonhuan in topiptonhuan chichicahuan in yuhqui yn innenonotzal motiuh yn otechcahuilitiaque yn intechcopa iça in tineme axcan cahuipan Ayc polihuiz cahuiz mochipa pialoz ticpiazque yn tepilan in titeixhuihuan in teteyccahuan in titeminnhuan in titepiptonhuan in titechichicahuan n titetentzonhuan in titeyxquamolhuan in titeteyztihuan in titetlapallohuan in titehezçohua in titlayllotlacatepilhuan in ipan otiyolque otitlacatque inic cetlaxillacalyacatl motenehua Tlayllotacan Tecpan y huel oncan catca yhuel oncan omotlahtocatillico yn izquintin in tlaçohuehuetque in tlaçotlahtoque Chichimeca in tlayllotlacatlahtoque in tlayllotlacateteuhctin ynic mihtohua inin tlahtolli Tlayllotlacan Tecpâ pielli auh yehica in ye huecauh ca chicuacen calpoltlaxillacalli macehualli oncatca yn ipanin omoteneuh ce tzontecontlayacatl motenehua Tzacualtitlan Tenenco yhuan ome tlahtocayotl ypan catca oncan ipan inic ome calpoltlaxillacalli motocayotia Atlauhtlan yece yn oncan in catca tlahtocayotl çan tlahtoquilotl mochiuhticatca yn ipan Tenancayotl auh ca yehuatl huel tachcauh catca in tlahtocayotl in ipan catca calpoltlaxillacalyacatl Tlayllotlacan oncan hueycan Tecpan catca ynic oncan huel pielli omochiuh ynin huehuenemiliztlahtolli nican ye motenehuaz yn iuh niman ye onneciz auh yn omoteneuh Atlauhtlan ayc ompa ticuililozque yehica ca nel amo yehuantin yn pialmochiuhtiuh in ye motenehuaz huhuenemiliztlahtolli yhuan nican tocateneuhtoque yn izquintin yn aquique yn cenca huehueyntin oquichtin tiyacahuan yn cenca tlapaltique chicahuaque in tlaçohuehuetque in tlaçotlahtoque in tlaçotlahtocapipiltin in motenehua Teochichimeca Heztlapictin Aztlan tlaca Chicomoztoca quinehuayan tlaca Tzotzôpan tlaca Teotenanca cuixcocca Temimilolca Yhuipaneca Çacanca ca nahuintin in yn ehcoque yn ahcico in tlaltemoco in tlalmecehuaco ynic ontlamantin in huel achtopa tlatzonilpico cococayotica ^y nican Tolteca tzacualtitlan Tenanco in quahuatl ymancan yn chiconcohuatl yyonoyan Auh ye omoteneuh ca macuilcan quiztica macuilcan xeliuhtica macuil tlayacatl ynic tzontecoyotica macuilli tlahtocayotica ynin ce altepetl mochiuhtica yuhqui yn yn catqui y huel achto yc cetlayacatl y huel quiyacatihtica yn iuhqui ymiyahuayocan mochiuhtica altepetl ynic ce tlahtocantli oncan catca huey tecpan ytocayocan ytztlacoçauhcan Chalchiuhmomozco huel oncan in yn achtopa yc quinotzque Totolimpa Amaquemecan auh ynic ontlayacatl yn iuhqui yc occan ymiyahuayocâ mochiuhticatca altepetl ynicc occan tlahtocantli oncâ catca no huey Tecpan catca ye oncan in yn omoteneuh ytocayocan Tolteca tzacualtitlan tenanco chiconcohuac Auh ynic Etlayacatl ynic Excan tlahtocantli oncan catca ytocayocan Tecuanipan auh ynic nauhtlayacatl ynic nauhcan tlahtocantli oncan catca ytocayocan Panohuayan auh ynic macuiltlayacatl ynic macuilcan tlahtocantli oncan ytocayocâ tlayllotlacan auh ynin omoteneuh ynic macuilcan quiztica ynic çan cepan catqui inic amo hueca mocauhtoque ynic çan netechantoque in macuiltlayacatl in macuilcan tlahtocayotl ynic macuilcan quiztica xeliuhtica altepetl yn icenmacuilcanixtican ic mocennotza mocentocayotia chalchiuhmomozco Amaquemecan ytenyocan ymachiyocan in totolimpa quauhtlitempa in cepayauhtenco in motenehua xilliquehuac xuchithualco Ayahuithualco yn iztac çolli inmellan yn cohuatl ymomanayan yn ocellome ymnemiyan yn tamoanchan xuchitl icacan yn oncan hecoque ahcico in tepehuaco huel achtopa in ye cuel teyxhuihuan Temintonhuan no nahuintin yn huehueyntin y no cenca tlapaltique chicahuaque y tlaçohuehuetque in tlaçotlahtoque in tlaçotlahtocapipiltin in motenehua Teochichimeca ytztlacoçauhque Tololimpaneca Amaquemeque ynin nahuintin ca huel yehuantin yn achtopa nican tlaltemoco yn tlalmacehuaco yn tlatzonilpico cococayotica yn oncan quitzintico quinelhuayotico quitepechotico quitlalico yn omoteneuh centlayacatl altepetl ytlacoçauhcan chalchiuhmomozco ynic ye no quitocamacaco yca oc centetl yancuic tocaytl ynic quitocayotique Amaquemecan ytemcopa mochiuh yn inteouh catca yn itoca Totollin ye omoteneuh nahuintin in Chichimeca huallaque ce tlahtohuani hualmochiuhtia yhuan Eyntin tlaçotlahtocapipiltin y hualteyacanque yn tiyacacahuan hualmochiuhtiaque yn quitzintico yn quitlallico altepetl ynic ce in tlahtohuani hualmochiuhtia yehuatl in tlacatl Atonaltzin yn iteuhctoca hualmochiuhtia yn ipan quitlahtocatlallique quitocayotique chichimeca teuhctli ynic ome ahçico huel ytiachcauhtzin yehuatl yn tlacatl tliltecatzin tlahtocapilli yn iteuhctoca hualmochiuhtia in ipan quiteuhctlahtocatlallique chichimeca yaotequihua auh ynic Ey ahçico çâ no ynteyccauhtzin yehuatl yn innepantla hehua in tlacatl ytoca Mapihuatzin yn iteuhctoca hualmochiuhtia in ipan teuhctlahtocatlaliloc cohua yaotequihua auh ynic nahui ahcico huel yntlatzin yehuatl yn tlacatl xuchitzin auh ynin omoteneuhque nahuintin ahcico chichimeca auh ca oc cenca yehuantin no nican huel teneuhticate yn omentin omoteneuhque tlaçotlahtoque yn tlacatl Atonaltzin chichimeca teuhctli yhuan yn  tlacatl Tliltecatzin Chi chimeca yaotequihua yn itechpa ynin tlahtocatlacamecayotica ynic quenin huel yehuantin tlahtocaquauhtzonme tlahtocatlacaxinachtin mochihuaco in tlahtocatlacamecayotica yn ipan yc cetlayacatl ytztlacoçauhcayotl yhuan ypan inic macuiltlayacatl yn omoteneuh Tlayllotlacayotl yehica yn oncan in tlahtocanelhuayotl in tlahtocayotl yc peuh motlalli çan oncan hualla çan oncan hualquiz yn itztlacocauhcan y conpehualtico tlahtocayotl yn itoca Temiztzin teohua teuhctli çan oncan yntech hualquiça yn itztlacoçauhcan tlahtoque ynic mihtohua çan ic cectiticate ynin tlahtocatlacamecayotica auh yn omoteneuhque omentin tlahtoque yn Atonaltzin chichimeca teuhctli yhuan Tliltecatzin chimeca yaotequihua ca huel yehuantin yntech hualpeuh hualtzintic yn intlahtocatzintitlizpehualiz in intlahtocatlacatiliz yn intlahtlocatlacamecayo yn iuh tzintitica yn iuh peuhtica in motenehua ingeneraçion yn izquintin in tlaçochichimecateteuhctin in tlaçochichimecatlahtoque yhuan teohuacateteuhctin teohuacatlahtoque motenehua reyesme yhuan tzompâhuacateuhctin tzompahuacatlahtoque// quezquintin yn tlaçochichimecatepilhuan yn omotlahtocatillico ypâ yc cetlayacatl altepetl ytztlacoçauhcan yhuan tlayllotlacan y tzompanhuacan Tecuanipan Auh yn omoteneuh ynic ontlayacatl ypan Tolteca tzacualtitlan tenanco chiconcohuac yn oncan hecoque ahcico Bin ye cuel  temintonhuan yn ça no nahuintin y no cenca huehueyntin y no cenca tlapiltique chicahuaque yn amo panahuiliztin in tlaçohuehuetque yn tlaçotlahtoque in tlaçotlahtocapipiltin in ça no motenehua Teochichimeca Tulteca tzacualtitlan Tenâca chiconcohuaca ynin no nahuintin ca huel no yehuantin yn achtopa in çan cenacico çan huel nimâ hualtetocatiaque in no nican tlaltemoco in tlalmacehuaco in tlatzonilpico Cococayotica yn oncan quitzintico quinelhuayotico quitepechotico quitlallico yn omoteneuh yc ontlayacatl altepetl Tulteca tzacualtitlan tenanco chiconcohuac Amaquemecan chalco ye omoteneuh no nahuintin in yn chichimeca huallaque omentin yn tlahtoque hualmochiuhtiaque yhuan omentin tlaçotlahtocapipiltin yn ohualteyacanque in tiyacahuan hualmochiuhtiyaque in quitzintico in quitlallico yc ontlayacatl altepetl ynic ce in tlahtohuani tlahtocatachcauh hualmochiuhtia yehuatl in tlacatl Quahuitzatzin yn iteuhctoca hualmochiuhtia in ipan quitlahtocatlallique quitocayotihque tlayllotlac teuhctli ynic ome ahcico tlahtohuani yehuatl in tlacatl huehue ytzquauhtzin yn iteuhctoca hualmochiuhtia yn ipan tlahtocatlaliloc Atlauhtecatl teuhctli ynin omoteneuhque omentin huel tlahtoque catca auh ynic e^ytin ahçico çan teuhctlahto yehuatl in tlacatl Quachipaçoltzin yn iteuhctoca hualmochiuhtia yn ipan Teuhctlahtocatlaliloc Tlacateuhctli auh ynic nahui ahçico çâ no teuhctlahto yehuatl in tlacatl Teccizmitl ynin yn iteuhctoca hualmochiuhtia yn ipan Teuhctlatocatlaliloc Amilcatl teuhctli auh ynin omoteneuhque nahuintin ahçico Chichimeca auh ca oc cenca yehuantin no nican teneuhticate yn oc no omentin omoteneuhque tlaçotlahtoque in tlacatl Quahuitzatzin tlaylotlac teuhctli yhuan in tlacatl huehue ytzcuauhtzin Atlauhtecatl teuhctli yn itechpa ynin tlahtocatlacamecayotica ynic quenin huel no yehuantin tlahtocaquauhtzonyome tlahtotlacaxinachtin mochihuaco in tlahtocatlacamecayotica yn ipan yc ontlayacatl tzacualtitlan Tenancayotl chiconcohuac yhuan ycalpoltlaxillacalocmapan motenehua atlauhtlan huel yehuantin intech hualpeuh hualtzintic yn intlahtocatzintilizpehualiz yn intlahtocatlacatiliz yn intlahtocamecayo yn iuh tzintitica yn iuh peuhtica in motenehua ingeneraçion yn izquintin in tlaçotlaylotlacateteuhctin in tlaçotlaylotlacatlahtoque motenehua Reyesme yhuan  atlauhtlan Duquesme in tlaçochichimecatepilhuan yn omotlahtocatillico ypan yc ontlayacatl altepetl Tulteca tzacualtitlan Tenenco yhuan ymapan atlauhtlan ynic occan catca tlahtocayotl yn ipan tzacualtitlan Tenancayotl auh yn oc occan ypan calpoltlaxillacalli in motenehuaya tlacatecpan yhuan amilco ye omoteneuhque yn oncan ahçico çan Teuhctlahtoque motenehua Senadoresme yn oncan ocatca atle copilli corona quitlaliaya yn oncan oteuhctlahtoco ynic mihtohua çan teuhctlahtoloyan catca ynic nauhcan tlahtolloyan catca ypan Tenancayotl yhuan ça no cotonico ça no popolihuico ça no tlamico yn intlacamaceyo yn omoteneuhque teuhctlahtoque yn oyeco yn otlahtoco yn ipan omoteneuh occan calpoltlaxillacalli tlacatecpâ yhuan amilco catca oncan cotonico popolihuico yn ipâ XII calli xihuitl años in ihquac techpeuh tichalca in tlacatl huehue Moteuhcçuma ylhuicamina chalchiuhtlatonac Tlahtohuani Mexico Tenuchtitlâ ynehuan yn itlahtoca Teyxtlaticauh yn itlahtocatenanamiccauh catca y huel ytiyachcauh catca in cenca tlapaltic chicahuac yn amo panahuiliztli catca in huey yaotachcauhcatca in tlacatl Tlacaeleltzin cihuacohuatl auh yn omoteneuhque oc omentin tlahtoque in tlacatl Quahuitzatzin tlaylotlac teuhctli yhuan yn itehuapauhcauh yn itlahtocateyxtlahticauh yn itlahtocatenánamicauh catca tlacatl huehue ytzcuauhtzin Atlauhtecatl teuhctli ca amo can ocotonico amo can opolihuico amo can otlamico yn iuh niman ye onnecitiuh yn itlahtocatlacamecayo ca oncatqui ca yoltica in ye ixquichica ye centzonxihuitl ypan chiuhcnauhxihuitl axcan ynic ompa itech hualpeuhtica y yehuatl tlacatl Totoltecatl Tzompachtli tlaylotlac teuhtli y huel achto intlahtocauh hualmochiuhtia Teotenanca ynic ompa huallhuaque ynchan in oncan motenehua cuixcoc Temimilolco yhuipan Çacanco Teotenanco auh yn omoteneuh tlahtohuani Totoltecatl Tompachtli tlaylotlac teuhctli yehuatl in yttatzin catca yn omoteneuh tlacatl Quahuitzatzin tlaylotlac teuhtli ^y nican hecoc ahcico ^y nican nemico ynic yehuatl nican oquinchihuaco ytech oquizque ytlaquillohuan ytlahtocatlacamecayohuan yn nahuintin ça tepan oquitoquillico tlahtoque in oncan in omotlahtocatilico ^y tlacatl nuchhuetzin yhuan in tlacatl cihuatlahtohuani Xiuhtoztzin yhuan in tlacatl ytztlitzin yhuan in tlacatl Huehue Chimalpahitzin mocauhqui ynin yehuatl tlahtocatizquia tlaylotlacteuhctizquia auh çan quicauhque in tle ynic quicauhque Tenanca ynic oquitocayotique mocauhqui auh ye yehuatl tlahtocatlaliloc yn iteyccauhtzin yn itoca Quauhtlehuanitzin yehuantin in yn otlaylotlacteuhctico yn otlaylotlacatlahtocatico motenehua tlahtocachichimecatepilhuan auh y ye nican ça tepan çan nahintin yn amo ytech quiça yn amo ytlacamecayohuan yn omoteneuh tlacatl tlahtohuani Quahuitza teuhctli yn nican otlahtocatico tlayllotlacan macihui çâ no tel  tenanca yece atlauhtlan chaneque ompa tepilhuan yn eyntin yehuatl yn tlacatl huehueyotzintli tlaylotlac teuhctli mochihuaco yhuan in tlacatl Don Thomas de San Martin tlaylotlac teuhctli mochiuhca in tenanco chicoconohuac auh çan chiuhcnauhpohualilhuitl yn ontlahtocatico auh ça tepan ni cuele ompa tlahtocatito yn itztlacoçauhcan ompa Chichimeca teuhctli mochihuato ypampa ynâtzin ynic Eyntin tlahtohuani mochihuaco nicâ tzacualtitlan tenanco yehuatl yn tlacatl Don hernando cortes cihuayllacatzin ytztlacoçauhcan tlahtocatepiltzin quihualpatlato çan quicuilito yn itlahtocayo ^y yn omoteneuh Don Thomas de San martin Quetzalmaçatzin ynic nahuintin tlahtohuani mochihuaco nican tzacualtitlan tenâco yehuatl yn Don Joseph de castilla hecaxoxouhqui tlaylotlac teuhctli mochihuaco auh y yehuâtin in omoteneuhque Eyntin in tlahtocatico tlaylotlacan macihui yn iuh omoteneuh yn ompa inchan yn ompa Tepilhuan atlauhtlan ca oc cecni quizticate oc no centlamantli tlacamecayotl quipia yn iuh niman ye onnecitiuh tlatzintla tlayxpan yn ipan in huehuetlacamecayoamoxtli auh yehica ypampa amo no yehuatl ytech quiça amo no ytlacamecayohuan yn omoteneuh yn ahçico tlahtohuani huehue ytzcuauhtzin atlauhtecatl teuhctli in quauhtzonyotl mochihuaco tlahtocatlacamecayotica atlauhtlan ypampa yn oquichtlachihualiztica ytlahtocatlacamecayo çan cotonico opolihuico otlamico yn ipan años ytech ynic chicuey tlahtohuani yn itoca Mactzin atlauhtecatl teuhctli auh ynin tlahtohuani yn ihcuac momiquilli macihui yn quincauhtiaca omentin ypilhuan oquichtin ce ytoca catca yxtlilchamapol ynic ome ytoca quetzalpahin catca yn telpopochtin auh ynic aocmo yehuantin in ceme tlahtocatlaliloque ypampa cenca tlahueliloque catca amo tlacanemia Temimictiaya Temihminaya cemihcan yntlahhuitol tetinemia atle ypan teytztinemia auh yehuatl ypampa ynic amo quimonnecque ynic aocmo yehuantin ceme tlahtocatlaliloque yc conmocahuilique in tlahtocayotl o yhui yn yn polihuico yn cotonico yn oquichtica oquichotica ytlahtocatlaquillo yn itlahtocatlacamecayo yn oteneuh tlahtohuani catca huehue Ytzquahtzin atlauhtecatl teuhctli ^y nican hecoc ahcico ^y nican nemico ynic yehuatl in nican oquinchihuaco ytech oquizque ytlaquilihuan ytlahtocatlacamacayohuâ in chicomentin ça tepan oquitoquilico in  atlauhtecateteuhctin yn atlauhtecatlahto^q yn oncan in atlauhtlan omotlahtocatilico in tlacatl yllancuetzin ynic ome ytoca ytzcuauhtzin yn tlotli tlatquic y huecontzin yn oçomateuhctli yn huetzin teuhtli niman ic yehuatl yn omoteneuh Mactzin teuhtli yehuantin in yn oatlauhtecateuhctico yn oatlauhtecatlahtocatico motenehua tlahtocachichimecatepilhuan auh yn o yuh momiquilli omoteneuh tlahtohuani Mactzin teuhctli yc niman mictiloque tzonhuiloque yn omoteneuhque omentin ypilhuan yn itoca yxtlilchamapol yhuan ytoca quetzalpahin (auh macihui yn ompa atlauhtlan yntech in yn omoteneuhque tlahtoque ompa yntech hualmoquixtia tlacamecayotica in tlacatl señor don domingo hernandez Ayopochtzin ca amo oquichtechihualiztica ca ça cihuatechihualiztica ynic ompa tetech hualmoquixtia omonello omonepano yn imezco yn intlapallo in itlahtocatlacamacayoc omoteneuh tlahtohuani Quahuitzatzin tlayllotlac teuhctli ynic necoccampa innehuan in tlahtocatlacamecayotitech hualmoquixtia yn omoteneuhzino Don domingo hernandez Ayopochtzin ) Auh yn o yuh momiquilli omoteneuh tlahtohuani Mactzin ataluhtecatl teuhtli yc niman hualmotlahtocatlalli yn ixiptla mochiuh yehuatl yn itoca Popocatzin atlauhtecatl teuhtli yc techiuhcnauhca tlahtohuani mochiuh yn atlauhtlan contzinti oc centlamantli tlahtocatlacamecayotl yehica ynin omoteneuh Popocatzin amo yntech quiça  amo quen quinnotzaya yn omoteneuhque achtopa chicueyntin otlahtocatico atlauhtlan ypampa yn omoteneuh Popocatzin atlauhtecatl teuhctli mochiuh ca çan ce tlátlaymetl catca yhuan yn  ittatzin ynantzin çan macehualtzitzinti catca yn tatli ytoca catca quiyauhtzin yuh mihtohua çan cocoxcatzintli catca yhuan huel tenancatl huel ompa chane catca ^y quaxochtenco atlauhtlan yn axcan ye motenehua s Miguel ynic huel tlahtocatlaliloc omoteneuh Popocatzin yn ipan iii acatl xihuitl de años çan ipampa ynic hualmacoc yniqu icihuauh mochiuh tlahtocacihuapilli yn iyoca cohuanêtzin ychpochtzin in in tlacatl cohuaçacatzin Teohua teuhctli tlahtohuani catca ompa tlaylotlacan Amaquemecan ynic quihualmacac ^y ychpochtzin çan quittili yn iaxca ytlatqui quipiaya Popocatzin auh yn o yuh quihualmacac ychpotzin cohuaçacatzin ipampa yc niman tlahlocatlaliloc in Popocatzin çan ipampa cihuapilli tlahtocat ynic niman yehuâtin oquichiuhque in cacamatzin ynic Teomeca yn iuhqui intoca omochiuh ^y in ça tepan ompa canaco yn tlayllotlacan Amaquemecan ompa tlahtocatito Teohua teuhctli mochihuato ypampa yn inantzin ompa hualmohuicaca yn iuh niman ye onnecitiuh tlatzintla ynic ye centlamantli ytlacamecayo omoteneuh Popocatzin atlauhtecatl teuhctli yancuican ye no ceppa yehuatl tlahtocaquauhzonyotl omochiuh yn atlauhtlan in ça cemi oquitzacuico otlahtocatico atlauhtlan yece macihui yn iuh mihtohua ^y in çan macehualtzintli catca Popocatzin ca oquinnehnehuilico yn achtopa omoteneuhque chicueyntin otlahtocatico yn iuhqui Duquesme catca yn iuh copilli corona ca quiaya yntzontecompa ca no yuhqui ocaquitia ytzonteconpa yn omoteneuh Popocatzin ynic nelti ca tlahtohuani catca ynic yehuatl ynehuan quipiaya tzacualtitlan tenancayotl in tlahtocatachcauh catca Quauhtlehuanitzin tlaylotlac teuhctli yniqu inehuan yehuantin impan mochihuaco ynic pehualloque chalca yehuantin tepehuaco yn  omoteneuh^q in tlacatl huehue Muteuhcçuma ylhuicaminatzin yn inehuan ytiachcauh tlacaeleltzin cihuacohuatl auh yn o yuh tepeuh chalco Mexicatl yc cen ça cemi oncan cotonico oncan polihuico yn atlauhtlan tlahtocayotl aoqu ic ceppa ompa otlahtocatlaliloc ce tlahtohuani yn iuh  nepa tlatzintla hualmotlalitihuia tlahtoque auh in yehuantin in omoteneuhque tlahtoque catca yn oc tlateotocanime motenehua gê tilesme catca yn intlahtocatilizpan huel oncatca inhuelitiliz yn inpan ynmacehualhuan ynic oquinpiaco oquinpachoco ynic oquinmamaco oquimitquico yn incuitlapilhuan ymatlapalhuan tzacualtitlan Tenâca chiconcohuaca huel ynmac oncatca miquiliztetlatzontequiliztli ce quauhcalli quipiaya yn oncan teylpiaya huel quittaya mellahuac yehuantin ynic tle ^yn Justicia ^ynpan quichihuaya inmacahualhuan tenanca ynic oteyacanaco otepachoco yn ipan cetlayacatl ymaltepeuh tzacualtitlan tenanco cenca otlacamachoco yhuan otlamamauhtico otlacala//[entre líneas ^q

qui]lliloque yhuan ocaltiloque oyellimiquilloque otexilliloque otequipanolloque yn ihcuac yehuantin oc moyomahtlahtalhuiaya yn oqu iuh yyoca catca yn ayamo yuh quinhualpehuaya Mexico tlahtoque ye omotocateneuhque auh yhuan nican quezquintin Teneuhtoque yn omoteneuhque ytztlacoçauhcan chichimeca teteuhctin yn chichimeca tlahtoque yhuan in yehuantin in çâ no chichimeca teteuhctin yn  ça no chichimeca tlahtoque yn oncan omotlahtocatillico omoteneuh Tecuanipan yn ipan calpoltlaxillacalli huixtoco yhuan in yehuantin yn tlamaocateteuhctin in  tlamaocatlahtoque yn oncan omotlahtocatillico ypan nauhtlayacatl Panohuayan No yhuan nican  pouhtoc Teneuhtoc in cecenyaca cecenme in tle in xihuitl in ipan motlahtocatlallique No yhuan in tle in ^y xihuitl yn ipan mo miquillique yhuan yn quecizqui xihuitl in motlahtocatillique No  yhuan nican tocateneuhtoque yn omoteneuh teuhctlahtoque motenehua Senadoresme catca yn icizquintin yn ipan omoteneuh oc oncalpoltlaxillacalli motenehua Tlacatecpan yhuan amilco ynic cececni oncan oteuhctlahtoco// yn oyeco onemico yn oquimixtlatico yn oquinnanamiquico omoteneuhque omentin in huel yehuantin tlahtoque ynic oquinauhcahuico oquipiaco ye  huecauh yn itzinecan Tzacualtitlan tenancayotl auh in ye oncan in omoteneuh occan in tlacatecpan yhuan amilco  yn ôcan hualyetihuiya omoteneuhque Teuhctlahtoque ca no yhcuac oncan polihuico in Teuhctlahtoliztli ynic techpeuh tichalca Mexica ynic oncan in huel neci motta ca yn oc ye huecauh yn  itzinecan Tzacualtitlan tenancayotl cenca hueycan catca yn axcan ye popolihuiznequi yn ipan in xihuitl de años in ça yuhqui calpoltlaxillacalli yn iuh ypan neztica auh ynin omoteneuh tenancayotl ynitzinecan yn ihcuac hecoque ahcico ca niman yhcuac occan xeliuhque yxtlapanque in tenanca ynic cequintin ompa hualmocauhtiquizque ayotzinco auh ça tepan oncan hualmicuanique in tepopolla Texocpalco ynic no oncan Tenanco mochiuh yn axcan ye motenehua S Juan baptista ynin ce altepetl yc catqui ce gouernador oncan tlapia yhuan oncan moyetzticate Teoyotica oncan motepachilhuia in tlaçoteopixque Sto Domingo auh yn oc cequintin tenananca (!) ompa hualmocauhtiaque omoteneuh atenco ayotzinco yn axcan ye ce altepetzintli yc catqui ye motenehua Sancta catalina Martyr yhuan oncan moyetzticate teoyotica oncan motepachilhuia in tlaçoteopixque S Augustî yhuan ce alcalde oncan tlapia auh ynin omoteneuh altepetzintli Ayotzinco ompa pouhtica ytech yn altepetl Tepopolla Texocpalco Tenanco ytlatititzal ytlahuillanal ySujecto mochiuhtica auh ynic occan ytlatitizal ytlahuillanal ySujecto mochiuhtica yn omoteneuh altepetl Tenanco Tepopolla Texocpalco yehuatl yn altepetzintli xuchitepec yn axcan ye motenehua Sto Domingo yhuan oncan moyetzticate Teoyotica oncan motepachilhuia in tlaçoteopixque yn itlaçopilhuantzitzinhuan omoteneuhtzino totlaçottatzin Sto Domingo yhuan ce gouernador oncan tlapia ynî Xuchitepeca no motenanca ytohua yece amo neltiliztli yehica ypampa ca oc centlamantin oc ce tlacamecayotl quipia ca inhuan pohuan inxeliuhcayohuan in ciudad xuchimilco tlaca achtopa ompa ymacehualhuan catca yn ompa otlapachoco tlahtoque ypan etlayacatl altepetl xuchimilco yn oncan motenehua Tepetenchi yhuan Tecpan yhuan ollac yuh mihtohua ynic nican huallaque yniqu imac motlallico omoteneuh altepetl Tenanco Tepopolla Texocpalco ynic oncâ quinmomacaco yn oncan tlaylotlacateteuhctin yn tlaylotlacatlahtoque yn oncan otlahtocatico yhuan no yehuantin yn ixquichtin in cenca miequintin yn onca hualmocauhtiquizque oncan quinhualcauhtiquiz in tlahtohuani Quahuitzatzin tlaylotlac teuhctli yn tlaçotlahtocapipiltin Teuhctlahtoque moch huehueyntin yn oncan hualmocauhque yn ihcuac yancuica hecoque ahcico auh yehuantin in anoço ye ynpilhuan ymixhuihuan yn oncan quincelique quinmomacehualtihque yn omoteneuhque xuchimilca in axcan ye motenehua xuchitepeca in ye o yuh motemacato intemilticahuan ymelimiccahuan inquaxochpixcahuan quinchiuhque ynic achitzin yntlal quinmacaque Tenanca ynic ompa quintecato ompa cequintin quincahuato yn inquaxochpan tlahtoque Texocpalca yn itocayocan callayoco yhuan quauhtzontzonco yhuan xuchitepec yn oncan axcan omololoque omaltepetlalique auh ynic oncan in omotlalli gouernaçiô ca çan oquintlaócollique oquimocniuhmacaque otehuelitiltihque in Tenanca Tepopolla Texocpalco tlaca ynic ça tepan virreyes oquinmotlachicahuililique yn xuchitepeca yehica in yehuantin xuchitepeca ca amo pilloque amo tlahtocayoque catca auh yn axcan ompa gouernadorti ca çan quauhpipiltin Auh ynic occan xeliuh Yxtlapâ tenancayotl ye oncan in in motenehua tzacualtitlan tenanco chiconcohuac yn axcan ye motenehua Stiago yn oncan hecoco ahcico yn omoteneuh y ye mache huel yehuatl y centlahtocauh catca yn ixquichtin omoteneuh ytoca quahuitzantzin tlaylotlac teuhctli nican achtopa ycpac Amaquemeque tepetl motlallico yn oncan moyetzticate teoyotica oncan motepachilhuia in tlaçoteopixque Sto Domingo auh ynin Tzacualtitlan tenanco chiconcohuac Amaquemecan ca inxeliuhcayohua inhuanpohuan huel oc no yehuantin Tenanca yn otecauhque nican tzacualtitlan tenanco yn ompa omololoto yn ompa omaltepetlalito omoteneuh quaxochtenco atlauhtlan yn ipan xihuitl de años yn ihcuac omochiuh congregacion auh yn ica teoyotl ytech omopouhque yn altepetl chimalhuacan in çan no yehuantzintzin ompa Teoyotica motlapachilhuia Teopixque Sto Domingo ynic cemeyehuantzintzin ompa atlauhtlan missa quimonmottitilia Tenanca atlauhteca ynic no ce alcalde oncan tlapia yece aocmo mochtin huel Tenâca yn oncan in atlauhtlan omololoco ca cequi ytztlacoçauhque yhuan cequi tlaylotlaque Teohuacâ tlaca quaxochpique yn oncan ohualmololoque yn oncan ohualmopouhque intlan yeppa atlauhteca oncan onoque inic cepan ye tlatenancatilia ahnoço ye tlaatlauhtecatilia o izquican in nauhcan quizticate yn axcan Tenanca chalca No yhuan nican tocateneuhtoq^ yn ixquichtin tlahtocatepilhuan motenehua Principes yhuan in tlahtocateychpochhuan motenehua Princesas yn inpilhuantzitzinhuan yn omoteneuhque in tlaçotlaylotlacateteuhctin in tlaçotlaylotlacatlahtoque yhuan yn atlauhteteuhctin yn atlauhtecatlahtoque yn oc yehuantin tlateotocanime motenehua gentilesma catca No yhuan nican Teneuhtoc ynic onenepaniuh ynic oneneliuh in tlahtocatlacamecayotl in tlahtocaeztli in tlahtocatlapalli ynic nican ypan macuiltlayacatl yn oncan yc macuilcan catca tlahtocayotl ye huecauh yn itztlacoçauhcan Totollimpa Amaquemecan yhuan Tecuanipan yn Panohuayan in tlaylotlacan Teohuacan yn oc tlateotoquilizpan catca yhuan yn axcan ye christianoyopan ynic omotlalli in tlahtocahuayolcayotl cihuatica yn izquicampa yn intlacamecayoc yn omoteneuhque yzquicampa tlaçotlahtoque auh oc cenca yehuantin nican tenehuallo in tzompahuacan Tecuanipan tlahtoque catca çan quezquintin yhuan Ytztlacoçauhcan tlahtoque catca yehica ca ompa yntech yyocampayxti onancaticatqui ytlacamecayo yn omoteneuh tlacatl Señor Don domingo hernandez Ayopochtzin auh yn Panohuayan yhuâ tlaylotlacan teohuacan atle ompa quipia tlahtocatlacamecayotl çan tiquincahua yn ompa tlahtoque catca amo nican tiquintlacamecayotenehua mochintin çan yehuâtin nican tenehuallo yn oneliuh yntlacamecayo mochi nican pouhtoc teneuhtoc ma yc timotlapololti yn ac tehuatl in tichristiano macamo mitztlapololtiz xicmoneltoquiti çan huel ce nelli Dios

Nican Umpehua ontzinti oc centlamantli çan ye no tenonotzaliztlahtolli ymellahuaca yn intlahtocatlacatiliznelhuayo yn intlahtocatlacamecayo in Teteuhctin in tlahtoque in tlahtocapipiltin y huel nican intlacatyan inchan in Tulteca tzacualtitlan tenanco chiconcohuac Amaquemecan yn onemico oyeco otlahtocatico yhuan yn intlacamecayohuan oc cequinquin nemi yn axcan cahuipan nemi pipiltin yn oncan tetechpa hualquizticate Cenca tetech monequi ynic huel momatiz ycuiliuhtiez yehica in tepilhuan in teyxhuihuan in mohuapahua mozcaltia axcan yhuan in quin ya tlacatiquihui yn amo quimatia ytech quittazque quimatizque ytech concuizque conanazque yn iuh catqui tlahtocayeliztli tlahtocatlacamecayotl in campa hualla y huel yehuatl achtopa nican tlahtocaquauhtzonyotl mochihuaco conmatizque in quenî Peuh Tzintic yn imezço in intlapallo yn intlillo in huehuetque tzacualtitlan tenanca yn onemico nican ytlalticpactzinco in tlacatl Totecuiyo Jesuchristo

Itlatlalil itlatecpan in Don domingo de S Anton Muñon Chimalpain Quauhtlehuanitzin yxhuiuh yn omoteneuh tlacatl Señor Don Domingo Hernandez Ayopochtzin catca umpa ychan yquizcan yolcan yn ipan omoteneuh yc ontlayacatl altepetl Tzacualtitlan tenanco Amaquemecan Prouincia chalco auh maço nellihui yn amo ymacehual ylhuil ycnopil yniqu itequiuhti in quimocuitlahuia yn iteopancaltzin in iSancta Yglesiatzin in cenquizca yxtililoni mahuiztililoni in mocenquizca centlamachtiani in hueytettatzin S Antonio Abbad yn ipan in Tecpilaltepetl hueycan ciudad Mexico Tenuchtitlan yn oncan omohuapauh ytequiuhti ymamal mochuihua ynic quitta quimocuitlahuia yn omoteneuh yTeopancaltzin ySancta yglesiatzin Sancto in ye yxquichica cempohuallonchicuacen xihuitl axcan ypan in ticate xihuitl de Auh ynin huehuetlahtocanemiliztli in huehuetlahtocatenonotzalizamoxtlahtolli nican ye mihtoz ye motenehuaz in ye mopohuaz ca amo çan çaçanilli ca amo çan tlapipictli amo çan tlahtlaquetzalli ynic tlatecpantli ca mochi neltiliztli ca mochi omochiuh ca yuh oquitotehuaque ca yuh oquiteneuhtehuaque yuh otechtlalilitehua^q yn inhuehuetlahtol in huehuetque yllamatque in tlahtoque in pipiltin tzacualtitlan tenanca in tocihuan Tocolhuan in tachtonhuan in tomintonhuâ in topiptonhuan nican onemico yn iuhqui yn innenonotzal mochiuhtiuh yn otechcahuilitiaque ynin altepenenonotzaliztlahtolli yhuan tlahtocatlacamecayonenonotzaliztlahtolli in tliltica tlapaltica ycuiliuhtoc machiyotoc amapan ayc polihuiz ayc ylcahuiz mochipa pieloz auh ca yetlamantli ^y nican ye mihtoz ye motenehuaz in tlaçotlahtocatlacamecayotl in ipan oncatqui yn omoteneuh ynic ontlacayacatl altepetl tzacualtitlan Tenanco chiconcohuac yn ipehuayan yn itzinecan auh oc cenca yehuatl achtopa nican mihtoz motenehuaz oc cenca yehuatl  achtopa nican neztica oncan in mottaz mopohuaz yn ipan in yc centetl huehuetlahtocanemilizamoxtenonotzaliztli yn itlahtocatlacamecayotzin yn omoteneuh yehuatzin tlacatl Señor Don domingo hernandez Ayopochtzin motenehua huel oc yehuatl in chichimecatlahtocapilli catca in tzacualtitlan Tenanco chiconcohuac Amaquemecan chalco chane catca yn oquimohuiquilli tt Dios yn ipan yc mani metztli Abril yn ipan xihuitl de años ynic oncan yxquichica ^y caxtolpohualxihuitl ypan Epohuallonchiuhcnahui xihuitl in çan niman amo cana ocoton opoliuh yn itlahtocatlacamecayotzin yn ompa yxquichica ytech hualeuhtica hualpeuhtitica in tlacatl Totoltecatl Tzompachtli tlayllotlac teuhctli y huel achtopa ycentlahtocauh catca yn ixquichtin Tenanca in quinhualyacan in quinhualhuicac yn ompa ye no yc huallehuaque yn oncan miec xihuitl mochantica yn oncan motenehua Teotenanco cuixcoc Temimilolco yhuipan çacanco quin oncan in quihualcuitiquizque in Teocchichimeca ynic otocayotiloque cuixcocca Temimilolca yhuipaneca çacanca auh yn ompa chicomoztoc yc huallehuaque ca çan oqu ixquich yn ompa yntoca hualmochiuhtia heztlapictin chicomoztoca auh yn omoteneuh tlahtohuani Totoltecatl Tzompachtli tlaylotlac teuhctli in tlahtocatachcauh hualmochiuhtia ca huel oc yehuatl ompa ^ytech hualquiztica hualleuhtica yn intlacamecayopan yn imezçopan yn intlapallopan ynic motenehua intzicuehuillo intlapanca yntech hualquiça in yehuantin omentin tlahtoque chichimeca omoteneuh Totoltecatl tzompachtli tlaylotlac teuhctli ynehuan huehue ytzcuauhtzin atlauhtecatl teuhctli in ye yxquichica ompa omoteneuh ynic huallaque ynic acico nican tzacualtitlan Tenanco y huel ye nican ahcico tepiltzin tlahtohuani quahuitzatzin tlaylotlac teuhctli ca chicontlamanpa ye ixhuiuhtzin yn omoteneuhtzino tlacatl señor Don domingo hernâdez hualtzintli amo pilli catca nican tlacocalecan Tepepan tzacualtitlan Tenanco chane catca O yhui yn in quimotenehuilitia omoteneuhtzino tlacatl Señor don domingo hernandez Ayopochtzin catca auh yn i nantzin catca huehueyotzintli amo yhuan quimotenehuilitiuh yn tle y// Auh ynic omentin omoteneuh huehuetque in quineltilitihui ^y omoteneuh ytlacatiliz huehueyotzintli in camo ypiltzin omoteneuh tlacatl cacamatzin yehuatzin in tlacatl Señor Don Feliciano de la Sumpcion calmaçacatzin catca yn oquimohuiquili tt Dios Ypan xihuitl de años Yz catqui yn itlahtoltzin mochiuhtiuh yuhqui ^y yn oquimihtalhuitia in yehuatzin tlacatl huehueyotzintli tlahtohuani mochiuh in nican tzacualtitlan tenanco tlaylotlacan yn inantzin catca ytoca Yztac xuchitzin ompa tlacat in tlacpan Tepepâ yn itocayocan tentzonpolecan ynahuac ^y in S Martin ymichpoch catca ^y in ceme calpolleque tlaxillacaleque motenehua panhuaque auh in yehuatl omoteneuh ymichpoch yn itoca Ytztac Xuchitzin yn ihcuac ye otztli quimacato quitlauhtito in panhuaque yn omoteneuh tlacatl cacamatzin oqu itelpochtian quiceli ycihuauh mochiuh auh amo huel momati in tle yca ^y tle ypampa yn quimacato yn quitlauhtito pahuaque tle yc quinec in cacamatzin yn omoteneuh cihuatzintli in çan macehualpan motlacatilli amo nel ahço qualli mahuiztic cihuatl catca ahço yehuatl yc quinec yc conan yn cacamatzin ynic quimocihuauhti tle noço quittili yhuan huel quimatqui in cihuatl ye quimaca ca ye otztitihuitz piltontli ye yhtic huitz ahnoço yetihuitz ynic çan quihto cacamatzin  yn on piltontli yhtic yetihuitz ma nohuehueyo auh yn o yuh macoc cihuatzintli yc niman quixima ytlan motecan in cacamatzin ynic mihtohua ca ça tlatlapihuilli xinachtica in tlacatl cacamatzin ynic huel quimopiltzintli yn ihcuac tlacatico piltzintli ynic quitocayoti huehueyotl yyacapantzin mochiuh quizcalti quihuapauh hueyyaco auh yn ihcuac tlayllotlacan Amaquemecan canaco yn omoteneuh tlacatl cacamatzin ynic onpa tlahtocatito toehua teuhctli mochihuato ypampa yn inatzin auh yehuatl ytlaytlaniztica mochiuh Mexico yxpan in omoteneuh tlahtohuani Ahuitzotzin ynic nican tzacualtitlan tenanco tlayllotlacan quihualtlahtocatlalli Yn ipiltzin ye omoteneuh huehueyotzintli ynic yehuatl tlaylotlac teuhctli mochiuh ca atlauhtlan yn tlahtocatiquia  yn auh çan quicuilico yn in tlahtocayotl Texihxicoliztica in tlacatl Xiuhtzin tlatquic yehuatl oncan in tlahtocatizquia huel yehuatl axcahua catca yehica ca ytlaçopiltzin in catca in tlahtocaTachcauh catca ypan tzacualtitlan tenâcayotl in tlacatl Quauhtlehuanitzin tlaylotlacteuhctli tlahtohuani catca ynipan mantia Chalcayotl auh ça yteuhctlahtocauh mochiuh yn omoteneuh Xiuhtzin tlatquic o yuhqui yn in quimihtlalhuitiuh omoteneuhtzino tlacatl Señor Don feliciano de la Sumpcion calçamatzin auh ça yxquich amo tle yhuan quimotenehuilitia aquin achtopa cotzti aquin yoquichhui catca omoteneuh cihuatl yztac xuchitzin yn icihuauh mochiuh omoteneuh tlacatl cacamatzin auh yn ixquichtin ytlaçopilhuan oquîchiuh yhuan yxhuihuan yccatotonhuan omoteneuh tlahtohuani huehueyotzintli ca onoyehuatico omahuiztico in tlahtocayotica pillotica yn ipan tzacualtitlan Tenancayotl yehica ca oncan in ce ypiltzin otlahtocatico ytoca Don Joseph de castilla hecaxoxouhqui auh quillmach ynin ychtacaconetl catca amo huel ypiltzin catca in tlahtohuani huehueyotzintli catca auh ca çan no yuh yehuatzin quimihtalhuitiuh yn omoteneuhtzino tlacatl Señor Don Feliciano de la Sumpcion calçacatzin catca yuhqui yn yn oquimihtalhuitia in yehuatzin tlacatl cihuapilli catca Doña Magdalena de S Pedro xiuhcacaltzin yn inantzin catca tlacatl Don Juan Maldonado Mihiçahuitzin tlahtohuani catca ytztlacoçauhcan y huel oqu ichpotzin catca omoteneuh tlahtohuani huehueyotzintli huel yehuatzin ycamapatzinco niccan nechmolhuilitia nehuatl Don Feliciano de la Sumpcion in cihuapillim in yehuatl niuhc Don Joseph de castilla hecaxoxouhqui amo huel ypiltzin catca in tlacatl tlahtohuani huehueyotzintli yn tottatzin catca yehica y huel tipilhuan tizquintin y huel tiezçohuan Tiuhque yn Timahuiztique Tichipahuaque yn itech tiquiça huehueyotzintli auh yn Don Joseph amo quiquixti amo no techquixti yehica amo chipahuac amo no qualxayaque ca nel amo ypiltzin// in tlahtohuani catca huehueyotzintli yehica yn inantzin catca Don Joseph de castilla hecaxoxouhqui yn itoca catca achtopa yn oc tlateotoquilizpan ynic quinotzaya chimalmantzin auh yn ça tepan ic moquaatequi ytoca mochiuh Doña catalina ychpotzin in catca yn itzcahuatzin tlatquic tahtohuani catca yn itzcahuacan tlalmanalco chalco yn omoteneuh cihuapilli Doña catalina chimalmantzin quitlaxin ychtaca in tlahtohuani huehueyotzintli amo quimomachilti in quimomecatiaya cihuapilli ychtaca callaquia tecpâ oquichtli ytoca quehquetza nican tenanca o yhui yn oncan tlami yn yn itlahtoltzin omoteneuhtzino tlacatl Don Feliciano de la Sumpciô calamçacatzin auh yn iqu iuhqui ^y quimihtalhuitia Doña Magdalena de S Pedro xiuhcacaltzin ca quimotiliaya ypampa ce ynantzin catca ^y auh macihui yn iuh omihto yn yn amo huel ypiltzin catca//hueyotzintli yece ynic cenmochintin Tenanca yhuan Amaquemeque quicenpiltzintique in huehueyotzintli ynic huel tlahtocat Don Josep de castilla hecaxoxouhqui nican Tzacualtitlan Tenanco // O yehuatl in oncan tlami yn yn itlahtollo in quenin nican tzacualtitlan Tenanco yetlamantli oncatqui in tlahtocatlacamecayotl in huel cececcan quiztica auh  yn achtopa omoteneuh tlaçotlahtocatlacamecayotl ca huel ompa quihualhuicaque in canin Teotenanco hualehuaque Teochichimeca auh yn oc ontlamantli omoteneuh çan nican tzacualtilan tenanco otzintico opehuaco in tlahtocatlacamecayotl çan ^y tlanequiliztica mochiuh yn oc cequintin tlahtoque ynic quintlahtocatlalique omoteneuhque tlacpac in ye no yancuican quitzintique tlahtocatlacamecayotl yece tel amo oquichtiliztica in quicuique in tlahtocayotl mahuizçotl amo quinnehnehuilizque yn iuh yehuantin achtopa otlahtocatico in motenehuaya tlaçochichimecatepilhuan ynin  hueytiacauhchicahualiztica yn iuh yehuantin yxquichtlamantli oquichihuaco ynin chichimecanemiliztica ynin yaooquichtiliztequiuhtica ynic onemico amo quinencuique in tlahtocayotl in mahuizyotl yn ipan in tzacualtitlan Tenancayotl

Auh ynin omoteneuh huehuetlahtolli yn itech tlaquixtilli tlacopintli amoxtli libro quimopialia omoteneuhtzino Don vicente de la anunciacion ^y nican ye mihtoz ye motenehuaz nicnotlatlanili ypampa nehuatl Don domingo de S Anton Muñon chimalpahin quauhtlehuanitzin nicnolhuili campa oticmoquixtili yn ixquich huehuetlahtolli Tzacualtitlan Tenancayotl nican oticmihcuilhui y huel momatzintica ypampa niquixi mati y momatzin yc timocuecuetziuhcatlacuilhuia yc niman onechmonanquilili oquimihtalhui noxhuiuhtzine xicmomachilti ynin Texamatlacuilloli huehuetlahtocatlacamecayotlacuilolli nican ticmottilia ca nechmocahuililitia y nottatzin catca machcohcoltzin Don Miguel de S tiago teuhcxacantzin catca auh çan huel quinamiqui ynin libro ynic tlatecpantli omoteneuh tlahtocatlacamecayotl ompa ychantzinco niquixtito niccopinato y nomontatzin catca Don Rodrigo de rosas Xohecatzin pilli catca Ytztlacoçauhcâ ytech ce huey libro huecapan ycalcuac manca moch oncan ytech ca ytech ycuiliuhtoc yn ytlahtollo ynic macuiltlayacatl altepetl yn itztlacoçauhcan yn tecuanipan yn Panohuayan yn tlaylotlacan Teohuacan amo noconcopin amo nic quixti auh çan iyoca noconquixti niccopin yn itlahtollo nican centlayacatl altepetl Tzacualtitlan Tenanco auh// yuh niccopin in huehuetlahtolli ça n oc ceppa oncan noconmah yn calcuac amo nel ça n oncan opoliuh ynin huey huehue libro aoc tle neci ahço çan oncan opallan auh çan iyoca noconcopin ynî ytlahtollo nican altepetl tzacualtitlan Tenanco auh çan oncan niccauh yn oc nauhtlayacatl altepetl ytlahtollo auh ynin onicteneuh huey huehue libro huel ymatica ycuecuetziuhcatlacuiloltzin mochiuh yn onicnotenehuili nomonttatzin catca Don Rodrigo de Rojas xohecatzin catca ytlan escriuanotic in Andres de S tiago xochitototzin calli xuchimilco ychan catca nican Jueztico yn ipan altepetl Amaquemecan ypan xihuitl de años yhcuac tlacenquixtilli tlacentlalili yhcuac tlaneltitlili ynin huehue tlahtolli yn ixquich nican ye mihtoz ye motenehuaz ipantzinco yhcuac tlahtocati in tlacatl Señor Don Antonio de Mendoça y huel achto visurrey mochiuhtzinoco Mexico Tenuchtitlan yhuan moch ic nohuiyan Nueva españa ye yuh matlactlonnahui xihuitl motlahtocatilia yn ihcuac ytencopatzinco nican Amaquemecan quihualmihualli omoteneuh Juez Andres de S tiago xochitototzin yhcuac ytlacauhticatca in nican omotenteuh altepetl Amaquemecan mahuaya yn omêtin tlahtoque catca ynic ce yehuatl yn Don Thomas de S Martin quetzalmaçatzin chichimeca teuhctli Tlahtoani catca yn ompa omoteneuh yztlacoçauhcan  Totollimpa Amaquemecan yn yhcuac yn ye yuh cempohuallonchicuacen xihuitl tlahtocati çan iteyccauhtzin yn inehuan mahuayan yn itoca Don Juan de Sandoval tecuanxayacatzin Teohua teuhctli tlahtohuani catca tlaillotlacan Amaquemecan yn ihcuac ^y ye yuh cenpohuallonnahui xihuitl tlahtocati in Teohuacan yehuatl pehuaya ^y yn cahuaya ytiachcauhtzin auh ynic nican hualcallac Juez quin yehuatl quinnenotzaltico quin cepan tlacualtico ynic quimicniuhtlaco auh yhuan ynin omoteneuhque omentin tlahtoque catca ca quipopollohuaya yn oc Excampa tlahtocayotl yn oncan catca huel cehcen petlatl ycpalli tlahtocayotica ynic ceccan ye oncan in in tzacualtitlan Tenanco chiconcohuac yhuan Tecuanipan yhuan panohuayan yn iuh quinequia yn iExcanixti yn aocac oncan tlahtocatizquia aocmo connequia ynic oncan ceme tepilhuâ Teyxhuihuanyxquetzalozquia ynic oncan tlahtocatizquia ynic cecenyaca cecenme quipiazque ymaltepeuh yn iuh quinequia omoteneuhque omentin tlahtoque amo çan iyocan oncan y huel yntlahtocatian y huel yyeyampa in tlahtocatizque auh ca çan no yhuan quixtocaya huel quimotechtica yn omoteneuh ompa oc Excampa tlahtocayotl y yeppa huecauh nepa ôcan oncatca huel quipoloca quitecuilica auh ypâapa yehuatl in ynic cenpohualxihuitl in ça cactimanca yn aocac tlahtocat tzacualtitlan Tenâco ça quauhtlahtolloc no yuh tlamanca yzqui xihuitl in tecuanipan yhuan Panohuayan auh yniqu ipampa yn iuh omoteneuh in ça quauhtlahtoloc yn iExcanixti ^y ynic aoaca^q tlahto^q catca in ça cactimanca auh macihui yn iuh omihto ^y in ça quauhtlahtolloc yn iExcanixti miec xihuitl auh yece ye omoteneuh ca huel yExcanixti huel quicuica quimotechtihca yn etlayacatl altepetl yhuan tlahtocayotl ynin ça yçeltin omoteneuhque omentin tlahtoque huel yuh quinequia ça huel yceltin ^y tlacamachozquia yhuan ça ^yceltin yn intecpan tlacenmachozquia y tlatecpanolozquia in tecpanozquia in tequitlacaquizquia yn ixquichtin tlaçopipiltin yn oncan tlahtocatepilhuan tlahtocateyxhuihuan yn ipan omoteneuh Excampa tzacualtitlan Tenanca yhuan Tecuanipan tlaca yhuan Panohuayan tlaca yhuâ in oncan in yzquican macehualtin moch quinmomacehualitiaya ynic cenca hueycococ Teopouhqui Techichinatz Tetoliniliztli yn techquipachohuaya ynic quinnotzaya amo cualtica tlahtolica Auh huel quinchiuhca ynca mocahcayahuaya ynic cequintin cholloca yhuan oc cequîtin yc cen yah^q yc quitlalcehuique yn altepetl Amaquemecan yn tlaçopipiltin yn iuh yehuantin tlayllotlaque Tecalco tlaca quichiuh^q nican tzacualtitlan tenanco pouhque catca auh yhcuac ompa callacque ompa mopouhque yn inxeliuhcayopan mocuepque in tenanco Tepopolla Texocpalco yc cen ompa yahque aoqu ic ohualmocuepque o yuhqui yn yn quichihuaco omoteneuhque omentin tlahtoque catca in omenico ye ypâ chritianoyotl aocac huel ynmac tlahtohuaya ynic cenca otlatollinico yhuan otlamahmauhtico yn imacuilcanixti nican ypan altepetl Amaquemecan Ynic niman oquiteylhuito Mexico yxpantzinco yn omteneuhtzino tlahtohuani Don Antonio de Mendoça visurrey auh yzcate nican Tocateneuhticate y yehuantin yahque Mexico yn quichihuato Pleyto Eyntin pipiltin ynic ce ytoca Don Pablo mocuatlahuitectzin yhuan ymach ytoca Helias de S Juan Tetzauh yllamatzin ynin omentin ce ypiltzin ce yxhuiuh in tlacatl Toyaotzin chichimeca Teuhctli tlahtohuani catca ytztlacoçauhcan ynic Ey ytoca Thoribio quimichcual tecpoyoachcauhtli ynin çan quauhpilli catca yhuan macuiltin teopan tlaca catca ynic ce ytoca Domingo xuarez fiscal catca ynic ome ytoca Pedro cuetzpal ynic Ey ytoca Melchior Ordiz Ynic nahui ytoca Joseph de Sta Maria tzilintoc ynic macuili ytoca Leonardo de S Tiago Moçauhquitta in macuiltin in yehuantin amatlacuilloque capitulos quintlalilique yn imomextin omoteneuhque tlahtoque Don Thomas de San Martin quetzalmaçatzin yhuan yteyccauh Don Juan de Sandoual Tecuanxayacatzin huel quintlalilique quimicuilhuique yn ixquichtlamantli in tle in quichihuaya ynic tlatoliniaya ynic quintlaecoltiaya yn izqui campa macehualtin yhuan yn occequi tlamantli yc tecamocahca yahuaya moch capitulo ypan quintlalilique ynic quimottitilito yn omoteneuh tlahtohuani Don Antonio de Mendoça visurrey yn o yuh quimottili ^y yc niman ypâpa yn nican quihualmihualli yn omteneuh Juez Andres de S Tago xuchitototzin ynic yehuatl tlachiaco moch quitehtemoco yn quenin catqui ynic tomacuilcantian macuitlayacatl altepetl Ama^qmecan yn iuh cacatqui ytlatlahtollo motenehua y tetzonaltepetl yn iuh huel cehcen ahxiliztli titlan ypil catca telchiuh] ticpia yhuan macuilli tlahtocayotl auh tel ynic tlamacuilcantilia tlahtocayotl motenehua teohua teuhcyotl yn ompa catca tlayllotlacan ynin tlahtocayotl amo quihualhuicaque ompa yn campa huallehuaque tlayllotlaque ynic nican motlallico Ama^qmecan amo hualpillotiaque yn  imaxiliztica auh ynic ye cecni maltepeyttoticate tlayllotlaque ynic ce tlahtocayotl quipia ca ye quin iz peuh itzintic ypan xihuitl de años auh çan oncan in ytech yn iztlacoçauhcan tlahtocayotl ohualquiz in tlahtocayotl teohua teuhcyotl inic peuh motlalli tlayllotlacn ynin omoteneuh Teohua teuhcyotl in ça tepan cencaquihueyllico quihuecapanoco quimahuizçotico in ihcuac oncan in tlahtocatico tlayllotlacan in cenca chicahuac tlapaltic in huey yaotachcauh catca i huel achtopa yehuatl ytoca mochiuh huehue Cacamatzin teohua teuhctli yehuatl in in quincenyacanaya yaoyotica Tepehualiztica yn izqui altepetl in mocentenehua chalca ynic ompa quiquetzato inquaxoch chalca yn techixco ytztapallapan caltenco yehica ynin omoteneuh huehue cacamatzin yn iuh quinequia acan Mexico yezquia (auh yn iuh conitohua yehuantin huehuetque Mexica Tenuchca yn ihcuac quimonyaochihuaya Cacamatzin oc ompa in  chapoltepec yc catca Mexica chichimeca oc yehuatl ypan y huel achto intlahtocauh catca yn itoca huehue huitzilihuitl ynin ça tepan maltic cacique yehuantin yn culhuaque yn ihcuac nauhcampa quinyaoyahualloque mexica yn oncan chapultepec auh yn ihcuac yn o yuh cacique culhuaque yn omoteneuh tlahtohuani huehue huitzilihuitl yc niman ça tepan ompa quihuica^q in culhuaque yn inchan culhuacan ompa quimictito // auh ayac ypiltzin in quicauhtia çan ic cen mixpopolotia auh ynic niman yehuantin Mexica ytencopa yn inteouh catca huitzillopuchtli huallehuaque chapultepec oncan hualmicuanique in culhuacan quin oncan in quitlallico ynic oc yehuatl quinyacanaz in Tenuchtzin oquauhtlahto ynin çan Mexicatl amo pilli cenpohuallonmacuilli xihuitl yn oncan culhuacan quinyacan Mexica yece ynin omoteneuh Tenuchtzin

macichui yn amo tlahtohuani catca yece ca yuhqui n quitlahtocapohuaya Mexica quicemittaya çan içel quitlacamatia yn ica tlein quinnahuatiaya ytlapacholhuan Mexica ynic yehuatl oncan culhuacan quihuallehualti ynic yaoyotica quinhualtocaque quinhualyacantia in Mexica quimaxitico yn oncan Tenuchtitlan yc motlallico ynic oncan oc no cenpohualloncaxtolli ypan nauhxihuitl oquinyacanaco yn omoteneuh Tenuchtzin ynic yehuatl ynehuan omoteneuh huehue cacamatzin Teohua teuhctli monamiquia yaoyotica mopehuaya necoccampa in ihcuac ayamo yuh motlahtocatlaliaya in tlacatl Acamipichtli in ye no yehuatl contzintito tlahtocayotl Tenuchtitlan oncan culhuacan quitlanico in Mexica Tenuchca ynic intlahtocauh mochiuh auh ynin omoteneuh tlacatl Acamapichtli in ipan xihuitl de años motlahtocatlalli Tenuchtitlan çâ no ypan y momiquilli tlacatl cacamatzin teohua teuhctli tlahtohuani catca nican tlaylotlacan Ama^qmecan o yehuatl in yn itlahtollo yniqu iuh quinequia acan Mexico Yezquia ynic quimonpehuaya Mexica ach quen mochihuazquia ytlacamo çan quitonallanque Tepaneca yc momiquilli omoteneuh huehue cacamatzin yehica ca nahualli catca ynin huey yn itenyo quicauhtia yn intlan yxquichtin chalca yn iyoquichtiliztica ytla ye oc nemini o yehuatl in yn itenyo ynic macuiltlayacatl yn ipan tlayllotlacayotl ynic yehuatl omoteneuh Juez Andres de S Tiago Xochitototzin mochi quitemoco in macuilcan huehuetlahtocatlacamecayotl yn iuh catqui huel cehcen tlahtocayotl ynic tomacuilcantian ticate auh yn ipampa yn ynic mochi quitemoco yn omotenuh Juez yn huehuealtepenenonotzaliztlahtolli in quenin catqui ynic tomacuilcantian ynic yehuantin nicâ huehuetque tlaçopipiltin catca in necentlaliliztica ihcuac quinemilique quicenquixtihque y huehuetlahtolli yhuan amoxpan quitecpanque camoxyhcuilloque yn iuh cacatqui macuiltlayacatl yniqu ixpan  quinextihque huel yuh quittitique y yehuatl omoteneuh Juez huel nel tiliztlahtoltlatecpanpa in quitlachialtihque huehuetque catca ca nel huel iuhque catca yn amo huel yztlacatia teyxpan huel quimellauhcatlatecpanilique in tlahtocatlacamecayotica in tlapalhuehuetlahtocatlacamecayotlacuiloltica ynic tomacuilcantian yn itechpa ynic huel cehcen ahxiliztli hecoliztli ticpia yhuan huel cehcen tlahtocayotl oncan mopia ca y nauhcanme huel ompa nican huallh tocayotiaque in can in chicomoztoc huallehuaque ynic nican huallehua^q ynic nican aahcico ynic hehecoque ^y nauhtlamanixtin huehuetque chichimeca catca ynic çan yehuatl ypan hualhuillohuac yn oc nepa tlatzintla ypehuayâ ypan centlamantli huehuetlahuiquiliztli catca ynic hualhuillohuac quihualmomacatiaque yn intlahuiquiliz yn oc yehuantin impan centlamâtin huhuetque tlahtoque catca auh çâ nimâ ayc cana quicotonque yhuan ayc huel aquin oquinpolhuica in ihquac oc yehuan// moyocatlahtalhuiaya yn ayemo can tetech pohuia ynic nican macuilcan quipiaya tlahtocapetlatl ^y tlahtocaycpalli tlahto^q ca çan mochipa ceceyaca cececni çan intech catca quihualpixtiaque yn ixquichica ihuac momiquiliaya çan quihualmomamacatiaque çan ic hualmotlalitiaque hualmocaupeuhtiaque in tlahtoque yn izquicampa ynic macuilcan catca tlahtocayotl ynic ayc ceppa campa opoliuhque tlahtoque yn ixquichica ynic oncan ypan î xihuitl de años ynic techpehuaco tichalca in tlacatl huehue Moteuhcçuma ylhuicaminatzin tlahtohuani catca Mexico Tenuchtitlan ynic nican Amaquemecan hualcallac Quin yehuatl techpolhuica yn omoteneuh nican n oncatca macuilcâ tlahtocayotl Amaquemecan yhuan yn izquican ynic mocentenehua chalco yn izquican oncâ tlahtocatihuaya yn oc oncan catca altepetl tlacochcalco atenco ihcuac micuani yn axcan ye motenehua tlalmanalco yhuan acxotlan yhuan chimalhuacan nohuiyan quipolloca in tlahtocayotl huel ixquinchica cenpohuallomome xihuitl yn aocac tlahtocat çan ocuauhtlahtolloc nohuiyan ynic cen Chalco auh yn o yuh techpeuh tichalca yn omoteneuh huehue Moteuhcçuma ylhuicaminatzin çan macuilxihuitl in timacehualhuan ticatca ynic niman onmomiquillico ypan xihuitl de años auh çâ niman ipan in yn omoteneuh xihuitl quixquetztia yehuatl yn ixhuiuhtzin oncâ hualmotlahtocatlalli in tlacatl Axayacatzin yc chicuacen in tlahtohuani muchiuh in Tenuchtitlan in tlahtocat matlactlomome xihuitl auh yn ixquichica yn amo noyac tlahtocat ynic macuilcan nican Ama^qmecan yhuan yn izquican omoteneuh ynic cen chalco çan nohuiyan ocuauhtlahtolloc auh yn omomiquillico tlacatl Axayacatzin ypan xihuitl de años auh çan niman ipa// yn omoteneuh xihuitl oncan hualmotlahtocatlalli in tlacatl Tiçocicatzin ynin tlahtocat Tenuchtitlan chicuacen xihuitl auh y no yxquichica yn anoyac tlahtocat ynic macuilcan nican Amaquemecan yhuâ yn izquican omoteneuh yc cen chalco çan ye quauhtlahtolloc auh yn omoteneuh huey tlahtohuani Tiçocicatzin ye ymiquiztempa in quintemo in yehuantin tlaçopipiltin in tlahtocapipiltin yn izquican nican tepilhuan ynic cennohuiyan chalco ynic ye no yehuatl quincuepillico yn inteuhcyo yn intlahtocayo yn inpetl ymicpal chalca in quincuillica in quinpolhica yn incoltzin catca huey tlahtohuani huehue Moteuhcçuma ylhuicaminatzin yn ihcuac techpeuh ticenchalca auh ynic quintemo tlacatl tiçocicatzin ynic quin hualteantla nican yzquican yc cen chalco yn izquintin tlaçotlahtocapipiltin yn inpilhuan ymixhuihuan in tlahtoque catca yn inpan poliuh yn inpan mantia chacayotl auh ca temoloque in campa cequintin motlatihtinemia tlahtocapipiltin yn o yuh temolloque yn o yuh nezque yc niman huicoque in Mexico tenuchtitlan quinnextito yxpan yn omoteneuh huey tlahtohuani Tiçocicatzin auh yn o yuh quimittac yn o yuh yttitiloque tlahtocapipiltin chalca yc niman quincuepilli quinmacac yn intlahtocayo in copilli corona çan oc chicomentin in quihualtlahtocatlalli yn izquican yc cen chalco yn oncan yeppa mopiaya yn achi huehueyxtiticatca tlahtocayotl yn oquinpolhuica yxquichica omoteneuh cempohuallomome xihuitl auh çan oc omentin yn quî hualtlahtocatlalli nican Amaquemecan ynic ce yehuatl in tlacatl Toyaotzin chichimecateuhctli mochiuh in ytztlacoçauhcan ynic ome yehuatl ^y tlacatl Cacametzin ynic teomeca yn iuhqui ^ytoca ^y mochiuh teohua teuhctli mochiuh yn tlayllotlacan auh yn o yuh hualtetlahtocatlalli nican chalco yn omoteneuh huey tlahtohuani tiçocicatzin yc niman momiquilli ypan xihuitl de años auh çâ niman yhcuac yn ipan in omoteneuh xihuitl oncan hualmotlahtocatlalli yn iteyccauh yehuatl in tlacatl yn itoca Ahuitzotzin yc chicuey tlahtohuani mochiuh in Mexico Tenuchtitlan quin yehuatl in quihualcencauh yn izqui altepetl ynic ye cennohuiyan chalco quîhualtlalli tlahtoque yn oncan oc quezquican polihuia yn oc quicauh yn ayemo// quintlallitia tlahtoque yn omoteneuh tlahtohuani Tiçocicatzin auh yn omoteneuh huey tlahtohuani Ahuitzotzin ye quin yehuatl quihualtlahtocatlalli nican tzacualtitlan Tenanco y tlacpac omotocateneuh tlacatl huehueyotzintli tlayllotlac teuhctli mochiuh ypiltzin in yhuehueyo mochiuh ynic ome ytoca cacamatzin teohua teuhctli yn iuh omihto tlacpac in tlacatl Ahuitzotzin çan cenquinhualtlahtocatlalli yn omoteneuh huehueyotzintli yn itoca Quauhcehcecuitzin tlamaocatl teuhctli mochiuh tlahtohuani Panohuayan in quinhualtlahtocatlalli ypan xihuitl de años auh yn omoteneuh tlahtohuani ahuitzotzin ynic macuilli ça tepan quihualla xilti nican Amaquemecan in quihualtlahtocatlalli ypan xihuitl de años yehuatl in tlacatl Miccacalcatl tlaltetecuintzin chimeca teuhctli mochiuh tlahtohuani Tecuanipan ypampa ynantzin ynic nican tlahtocatico auh yn ittatzin catca yehuatl in tlacatl Tlilpotoncatzin cihuacohuatl tlahtocapilli Mexico tenuchtitlan ynin huel ytlan catca yteyxtlaticauh ytenahnamicauh catca yn omotenuh tlahtohuani Ahuitzotzin ynin Ahuitzotzin yehuatl quihualcetilli in ome tlahtocayotl oncatca nican ypan tzacualtitlan Tenancayotl ytech cetiac yn omoteneuh huehueyotzintli ynic tlayllotlac teuhctli mochiuh auh aocmo quinec yn ahuitzotzin ynic oc ce tlahtohuani ompa motlalizquia atlauhtlan auh ytla quinequini Ahuitzotzin ynic oc ceppa quintlalizquia omentin tlahtoque in nican tzacualtitlan tenanco yn omoteneuh huehueyotzintli ye ompa tlahtocatizquia yn atlauhtlan yehica ca ompa Tepiltzin mochiuh auh ynic macoc yn oncan in Tecpan tlayllotlacan tlahtocayotl ynic tlayllotlac teuhctli mochiuh ca çan texihxicoliztica teca necahcayahualiztica yehuatl quichiuh ypan tlahto yn ittatzin omoteneuh cacamatzin teohua teuhctli yn ompa ye tlahtocatia ompa canaco yn tlayllotlacan Amaqêmecan Teohuacan auh yn oncan in omoteneuh tlayllotlacan Tenanco auh ca huel yehuatl oncan nemaque in tlahtocayotica y tlacpac ye cecni omoteneuh yn itoca xiuhtzin tlatquicatzin yehuatl tlahtohuani tlayllotlac teuhctli mochihuazquia auh yehica ce yehuatl huel oncan in Tepiltzin ytlaçopiltzin catca yn omoteneuh tlacatl Quauhtlehuanitzin tlayllotlac teuhctli tlahtohuani catca yn oncan in omoteneuh Tecpan tlayllotlacan yn ipan mantia ynic poliuh chalcayotl yn ihcuac omoteneuh techpeuh Mexicatl auh macihui yn iuh mihtohua yn techpeuh Mexicatl in tichalca yece in ça cemi yhcuac tlamico yaoyotl ayac maltic ayac ceme quimacique yn izquintin nican tlahtocatia ynic cen ypan chalcayotl auh ca çan mochintin mohuicaque quitlalcahuique yn imaltepeuh yn oncan tlahtocatia yn ihcuac oquittaque ye incallacallaqui Mexica yc quihualcenmatque yn amo huel ynmac motlaçazque Mexico tlahtoque ynic çan mohuicaque tlahtoque chalca huexotzinco tetlan mocallaquito yuh mihtohua yn ompa ya achto celiloque yn amaquemecan tlahtoque Auh tlalmanalco yhuan chimalhuacan tlahtoque ça tepan in callaquillotique ynic celiloque huexotzinco auh ça ynpilhuan in quincauhtiaque nican yzquican chalco ynic yehuantin ça tepan otlapiltillique auh yn omoteneuh tlahtohuani Quauhtlehuanitzin tlayllotlac teuhctli catca yn ihcuac // mohuicac huexotzinco ynic mihtohua panhuetz auh ca çan omentin ^y nican tzacualtitlan tenanco quincauhtia ytlaçopilhuantzintzin ynic ce ya yehuatl yn omoteneuh yn itoca xiuhtzin tlatquic Teuhctli çan icentepiltzin catca yn oquichtli ynic huel yehuatl ytech pouhticatca tlahtocayotl yn oncan in omoteneuh tecpan tlayllotlacan ca huel oncan in tlaxillacalyacatl yhuan huel achto oncan tlahtolloyan catca yuh cacicama yn omoteneuh Ahuitzotzin tlahtohuani catca Tenuchtitlan ypampa yn amo huel quipollo yn oncan in tlahtocayotl auh ynic omentin ypilhuantzintzin quincauhtia omoteneuh tlahtohuani Quauhtlehuanitzin tlayllotlac teuhctli cihuatzintli ytoca Teoxutzin ynin ycihuan mochiuh yn omoteneuh ynic o// ytoca cacamatzin teohua teuhctli ynic yehuâtin quichihuaque oncan motlacatilli in tlacatl Don Alonso gregorio Quauhtlehuanitzin tlacochcalcatl teuhctli ynin no ce ypiltzin quichiuhtia yehuatzin yn tlacatl Don feliciano de la Ssumpcion calmaçacatzin ye tlacpac omotenehu in

Auh macichui yn iuh omoteneuh yn oc ceppa macoco cuepilliloque yn intlahtocayo yn îmahuizço chalco tlahtoque catca yece ca ça yuhqui yn ompa Tetlahtocamacehualhuan mochiuhque Mexico Tenuchtlitlan ompa ça tetlahtocatetlapacholhuan ça temac yn catca ca ça quexquich ynic mahuizçoque mochiuhque yhuan aocmo yxquich ynic huelitia nican chalco yn iuh omoteneuh tlacpac quenin catca achtopa nican tlahtoque catca oc tlatzintla yn ayemo yuh nican hualtepehuaya Mexica yn iuh cenca ymixcoyan oncatca huey inhuelitiliz ynic moyocaytquiya mo yocamamaya tlahtoque chalca catca auh macihui in yehuantin in omoteneuhque in ça tepan oc ocuepilliloco tlahtocayotl chalca ynic motlallique nican tlahtoque in motenehua ye tepehualtin catca ca ça ompa tetlahtocatlatititzalhuan mochiuhticatca ça ompa intech ontlatemachiticatca ynic tle yn quinhualnahuatiaya quichihuazque in huehueyntin tlahtoque catca Mexico tenuchtitlan ynic ôpa hualpacholloya nican tlahtoque catca

auh yn omoteneuh Ahuitzotzin in tlahtocat Tenuchtitlan caxtollomome xihuitl no yxquichcauh yehuatl ytlahtocatlapacholhuan mochiuhque yn omoteneuhque nican  chalco tlahtoque catca ynic niman omomiquillico ypan xihuitl de años auh çâ niman yhcuac yn ipan in omoteneuh xihuitl oncan hualmotlahtocatlalli in tlacatl Moteuhcçumatzin xocoyotl auh ynin caxtollome xihuitl in tlahtocat Tenuchtitlan no yxquichcauh// ytlahtocatlapacholhuan mochiuhque yn omoteneuhque nican Chalco tlahtoque catca auh yehuatl ipan in yn omoteneuh tlacatl Moteuhcçumatzin Xocoyotl yhcuac tlahtocati yn tenuchtitlan ypan acico in hernando cortes yn capitan hualmochiutia yn ixquichtin quinhualhuicac españoles in ça tepâ nican oquimotocayotico conquistadores auh yehuatl omoteneuh hernando cortes in ça tepan Marques del Valle mochihuaco yn callaque Mexico Tenuchtitlan ypan yc mani Metztli Nouiembre ypan xihuitl de años auh yn ipan huehuetque catca yn incemilhuitlapohual catca hecatl auh yn ipan in inMetztlapohual catca matlaquilhuitia quecholli yhcuac oncan ypan in polihuico in huey tlahtocayotl oncatca Mexico Tenuchtitlan yhuan y moch ic nohuiyan ypan nueva españa oncatca tlahtocayotl mochi poliuh y huel nelli intlahtocayo Xihuitzolli anoço copilli yn incorona catca Mexica tlahtoque yhuan nueva españa tlaca oquincuillico yn españoles auh yc niman ohualcallac yehuantin quicallaquico yn ontlahtocayotzin yn incoronatzin in huehue^ytin tlahtoque Reyes españa Auh in yehuantin omoteneuhque Mexico Tenuchtitlan tlahtoque catca ynic tinmacehualhuan ticatca tichalca çan onpohualloncaxtolli xihuitl auh yn oncan oc ceppa yc quinhualcuepillica intlahtocayo chalca in tlacpac omoteneuh tlacatl Tiçocicatzin ynic ye no cuel nican hualtetlahtocatlallica ynic oc ceppa ontlahtocatihuac chalco çan ixquich cenpohuallonmatlactli ypan nauhxihuitl ynic nimâ o ynpan acio yn omoteneuh hernando cortes capitan yhuan oc cequintin españoles yn oquihualhuicaque tlaneltoquiliztli

Auh yn ihcuac nican Amaquemecan oquiz omoteneuh hernando cortes capitan ça tepan Marques del Valle omochiuh çan yehuantin nican quinamicque yn omentin tlahtoque ynic ce yehuatl yn omoteneuh ynic ome ytoca cacamatzin Teohua teuhctli tlahtohuani catca tlayllotlacan Ama^qmecan ynic ome yehuatl yn omoteneuh tlacpac yn itoca Quauhcehcecuitzin tlamaocatl teuhctli tlahtohuani catca panohuayan auh ynin omentin tlahtoque ontecpantli yn cihua quinnechicoque in cenca cuacualtin mahuiztique in chipahuaque catca çan nican macehualtzitzinti ymichpochhuan catca quimitlanilique yn omoteneuhque tlahtoque catca yhuan oc cequintin tlaçopipiltin catca ynic quimitlanque quinmochpochtihque quinchichiuhque quinmacaque in  quenami yhcuac on quinemiltiaya tlahtoque yncihuahuan in mahuiztic cueytl yhuan huipilli yc quinchichiuhque yhuan yuh mihtohua quintenque quimaaltihque temazcalco quinyecxoteçonhuique quinyeyectzicahuazhuique quinxauhque auh// ye oquincencauhque inca tenamicque in omoteneuhque omentin tlahtoque quimonnamictihque quintlauhtihque yn españoles yhuan quimonnamictihque chicontzontli ypan matlacpohualli pesos ypâ ca in coztic teocuitlatl ynepapan cozcatl yc tlachiuhtli auh yn iyacayocan ynic cetlayacatl ytztlacoçauhcan y huel oncan motenehua amaquemecan ayac tlahtohuani catca yn ihcuac ^y auh quemaca oncatca// yn oncan in yn itech pohuia tlahtocayotl oqu ichichiyan coçoltica onoc yn ihcuac quimacaca Mexico Tenuchtitlan tlahtohuani catca Moteuhcçozatzin xocoyotl ca ytlatzin yhuanyolqui catca yece yn ihcuac nican quiz omoteneuh hernando cortes capitan ca piltontli ye quin ye chicuexiuhtia yn omoteneuh cihua yllacatzin ayemo quimati macichui yehuatl ytech catca ytztlacoçauhcan tlahtocayotl / auh ca quihtotihui in huehuetque catca/ yn ihcuac nican  quiz omoteneuh hernando cortes capitan amo quimocuiti in cacamatzin Teohua teuhctli ynic tlahtohuani catca tlayllotlacan  Amaquemecâ quitlatlani quilhui in capitan aquin tlahtohuani nican Ama^qmecan cuix tehuatl yc nimâ quinanquilli çan quihuil Ca a// nehuatl in nitlahtohuan ca ye amomiquilli yn tlahtohuani catca ytoca Ayoquantzin chichimeca teuhctli auh ca ça ypiltzin yn oncatqui ytoca cihua yllacatz ma canati yc niman canato yn ocanato yc niman connexti quittiti yn capitan hernando cortes yn oquichpiltzintli cihua yllacatzin quilhui Teotle ma ximottilli ca huel yehuatl in in tlahtohuani nican  ytztlacoçauhcan Ama^qmecan auh yn o yuh quittac Capitan yn oquichpiltzintli cihua yllacatzin yc niman quihto in capitan ynin piltzintli aocmo ytoca yez cihua yllacatz yehuatl nicmaca y notoca yn ihcuac mocuaatequiz ytoca yez Don hernando Cortes O yhui n oncan in   quimacatiquiz yn itoca Capitan yn piltzintli cihua yllacatzin ynic ça tepan yc mocuaatequi ytoca mochiuh Don hernando cortes auh ^y nican tlahtohuani catca huehueyotzintli tzacualtitlan tenanco amo tenamic amo quimottiti yn omoteneuh hernando cortes capitan yuh quihtotihui yn huhuetque catca can motlati mochololti mochtin quinhuicac yn icihuahuan ompa motlatito yn itocayocan tlacoyahualco yn icanpa xoyactepetl // ça tepan  hualmocuep ^y nican motlallico auh ça ycel nican quicauhtiaca yn omoteneuh yteuhctlahtocauh// yn itoca xiuhtzin tlalquicatzin tlayllotlac teuhctli no yhuan yehuatl tenamic Auh çan no yuh mochiuh yn Miccacalcatl tlaltetecuintzin chichimeca teuhctli tlahtohuani catca tecuanipan çan mauhcaya yuhqui n çan chollo yn oquimah ye huallaci españoles amo nican quinmochielti ye Mexico callac ytlan motlallito yn ihuayolqui huey tlahtohuani Moteuhcçomatzin xocoyotl yc cen yah aocmo yc hualmocuep ^y nican tecuanipan Ama^qmecan auh yn omoteneuh hernando cortes capitan çan omilhuitihtiquiz in mocehui nican Ama^qmecan auh y macehualtin nican quinpa //hui oncate onxiquipilli ypâ  matlactzontli ynic tomacuilcantian auh yc niman yah callac in Mexico Tenuchtitlan yn capitan ytlan motlallito in huey tlahtohuani Moteuhcçomatzin xocoyotl çan pacca yocoxca quihualnamic yn ipan omoteneuh xihuitl de años auh yn o yuh yah Mexico tenuchtitlan in capitan hernando cortes auh çan icampa yn onmomiquilli yn omoteneuh cacamatzin Teohua teuhctli tlahtohuani catca tlayllotlacan Ama^qmecan ynin ye omihto ca nican tzacualtitlan tenâco ychan catca huel ompa tlacatl yn atlauhtlan quaxochpan auh ynic ompa tlahtocatito omoteneuh tlayllotlacan Ama^qmecan çan ipampa yn icihuauh yn itoca tlahco cihuatzin tlahtocacihuapilli ompa ychan yn itztlacoçahuacan Ama^qmecan ynic oncan ytech otlacatque yn omoteneuhque omentin tlahtoque Don Thomas de Ssan Min Quetzalmaçatzin yhuan yteyccauh Don Juan de Sandoval tecuanxayacatzin auh yn ihcuac y ye momiquiliznequi yn omoteneuh tlahtohuani cacamatzin Teohua teuhctli yuh mihtohua quinnahuatitehuac yn omoteneuhque omentin ypilhuan quimilhui xihualhuiayan yn annopilhuan xiccaquican ytla ye oninomiquilli niman anyazque yn ompa tochantzinco Tzacualtitlan tenanco ompa anquipiatihui yn altepetl ompa antlahtocatitihui ca tel oc yehuantin quimati in tzacualtitlan Tenanca ca amî pilhuan yn annopilhuan ca yehuantin ompa amechtlahtocatlalizque yehica yn oncan in nicatqui ca amo tochan ca çan tocihuacan ma camo nican amo ca necahcayahualoz Ca huel ompa tochan o quichtechihualiztica in tzacualtitlan Tenanco yc niman quinanquillique quilhuique tlacatle tlahtohuanie otlacauhqui y moyollotzin otitechmocnelili ytla otimomoquilli ma yuhqui ticchihuazque ma tiyazque in tzacualtitlan tenâco yn iuh titechmonahuatilia auh yuh quichiuhque yn o yuh momiquilli tlahtohuani cacamatzin yn ompa tlayllotlacan Ama^qmecan yc niman huallaque in nican tzacualtitlan Tenâco yn omoteneuhque omentin ypilhuan quetzalmaçatzin yhuan Tecuanxayacatzin motlallico auh ynin omoteneuhque omentin tlahtocapipiltin macihui motenehua ymomextin nican tzacualtitlan Tenanca yece ye omihto tlacpac ca amo nican tlayllotlacan pouhque catca ynic ceccan yyacayocan tlahtolloyâ catca yn ipan î tzacualtitlan Tenancayotl auh ca ye huel ompa pouhque huel ompa tepilhuan catca yn atlauhtlan quaxochtenco ynic occan catca tlahtocayotl nican ypan tzacualtitlan tenancayotl yn ihcuac oc ye huecauh catca yn o yuh mihto tlacpac yn ayemo yuh techpehuaya Mexicatl auh y ye yuh otechpeuh yhcuac yc cen poliuh yn atlauhtlan tlahtocayotl yece in ompa tepilhuan pipiltin amo yc poliuhque yn itech quiça Popocatzin atlauhtecatl teuhctli catca yn iuh yehuantin nican omoteneuhque omentin ca yxhuihuan yhuan oc cequîtin miequintin ca mochintin ypilhuantzitzinhuâ yehuatl yn omoteneuh tlacatl cacamatzin Teohua Teuhctli catca motenehua atlauhteca pipiltin

Auh yn o yuh momiquilli tlacatl cacamatzin teohua teuhctli catca auh yn oc ce ytlaçopiltzin y huel yacapantzin catca ahnoço çan quimopiltzinti yn iuh omoteneuh tlacpac yn itoca huehueyotzintli tlayllotlac teuhctli tlahtohuani catca nican tzacualtitlan tenanco çan quitocatia yn ittatzin no niman yc momiquilli ypan xihuitl de años auh yn omoteneuh tlahtohuani huehueyotzintli in quexquichcauh tlahtocat ca no yxquichcauh ytlan teuhctlahto yn iteuhctlahtocauh catca (Senador ) yn omoteneuh yn itoca catca Xiuhtzin tlatquicatzin çâ no tlayllotlac teuhctli catca auh y yehuatl in çan cen momiquillique yn omoteneuh tlahtohuani huehueyotzintli tlayllotlac teuhctli yn ipan omoteneuh xihuitl de años auh yn omotenehu in Xiuhtzin tlatquicatzin tlahtocapilli catca Tlayllotlacan yn ihcuac momiquilli in quincauhtia ytlaçopilhuantzitzin macuiltin mochtin oquichtin in tlahtocapipiltin motenehuaya tlaçochichimecapipiltin y huel yehuantin in oncan in tlayllotlacan axcahuaque catca tlahtocayotica ynic ceme yehuantin in oncan tlahtocatizquia tlayllotlacâ ynic ce ytoca Tlalnahuacatzin ynic ome ytoca quetzaltecpintzin ynic Ey ytoca Ahuiliçatzin ymim ça tepan yc mocuaatequi ytoca mochiuh Don Baltasar ynic nahui ytoca Mochuchchintzetze lohuatzin ynin ça  tepan yc mocuaatequi ytoca mochiuh Don diego hernandez ynic macuilli ytoca Cuetzpaltzin ynin ça tepan yc mocuaatequi ytoca mochiuh Don franco ^y macuilixtin in ytlaçoyxhuiuhtzitzinhuan in tlacpac omoteneuh tlahtohuani catca Quauhtlehuanitzin tlaylotlac teuhctli yn ipan mantia ynic poliuh chalcayotl yn ihcuac techpeuh Mexicatl yn ipan tlacpac omoteneuh xihuitl

Auh yc niman yc huel onmotlahtocatlalli yn ipan in omoteneuh xihuitl años in Don Thomas de S m^jn quetzalmaçatzin tlahtohuani tlayllotlac teuhctli mochiuh ^y nican tzacualtilan Tenâco tlayllotlacan yc oncan ye tlahtocati auh yn ihcuac nican tzacualtitlan Tenanco ye tlahtocati yn omoteneuh Don Thomas de S m^jm quetzalmaçatzin tlayllotlac teuhctli yz catqui in quichihuaya yuh mihtohua macihui yn o yuh hualla nican tzacualtitlan Tenanco ynic oncan ye tlahtocati auh yece amo niman yc quincauh in pipiltin Amaquemeque yn iztlacoçauhque ^y tlayllotlaque Teohua^q yn itlahuan ypilhuan yn icoltzin catca Toyaotzin chichimeca teuhctli tlahtohuani catca ytztlacoçauhcan yhuan yn oc cequintin pipiltin yhuayolque amaquemecan mochtin impan onquiztinenca quimonittaya ynic quintlaçotlaya inca ontlatlantinemia in quen cate auh ynic no yehuantin omoteneuhque ytlahuan cenca oquitlaçocamatque yhuan yn oc cequintin yhuayolque Amaquemeque yc motlaçocamatque yn amo yuh imca quichihuaya yn oc ce immachch intlahtocauh yn itoca Don hernando Cortes cihua yllacatzin inin çan catca yn itztlacoçauhcan Ama^qmecan ca nel oc piltontli yn ihcuac yn ayemo quimati quin chiuhcnauhxiuhtia auh yn ipampa yniqu iuh ynca quichihuaya ^y yn itlahuan yhuan yhuayolque yn omoteneuh quetzalmaçatzin chichimeca teuhctli anoço tlayllotlac teuhctli auh niman  yqu ipan yehuatl ye mocentlalia ye mononotza yn omoteneuhque ytlahuan yhuan yhuayolque pipiltin Amaqueme^q ytztlacoçauh^q ye quihtohua ye quimolhuia ma//ço ye yehuatl totlahtocauh mochihua in quetzalmaçatzin ca huel mahuiztic tlacatl cualli tlacatl ma yehuatl nican techpiaqui yn itztlacoçauhcan ca yhuiyan yocoxca in moneniltia ca tetlaçotlani yhuan Teca tlátlanini Tepan quiçani auh y yehuatl Don hernando cortes cihua yllacatz ca ye hualixtlamati yn itech pouhtica nican tlahtocayotl ma ticmictican ma quihualilhuiti in Don hernando omacatzin Teohua Teuhctli tlahtohuani tlalamanalco auh ynic niman conilhuito yn omacatzin Teohua teuhctli çan quinhualilhui yn titlanti xiquimilhuican yn amaque^qme ca amo huel mochihuaz ynic mictiloz ca oquittac in capitan hernando Cortes intla quitemoz aoc ac cuix amo niman yc techpipiloz ypampa techtlahtlatiz ma çan motlechihua macamo mictilo cuix amo tehuantin yc titlatzacuazque auh y yehuatl ypampa oniccac in quetzalmaçatzin tlayllotlac teuhctli in quinequi Amaquemeque ynic ompa ytztlacoçauhcan intlahtocauh yez ca niquitohua ynic huel tlahtocatitiuh yn ompa ypetlapan ycpalpan yn iteyccauh cihua yllacatz ynic huell mochihuaz ma çan mopatili ma ye ompa tlahtocati in tzacualtitlan Tenanco yn cihua ylacatz ma yc mixiptlayotili ^y tlaylotlac teuhcyotl ynic moyolcehuiz ma yuhqui ^y mochihua yuh xiquinnonotzati yn itztlacoçauhque auh yc niman hualmocuepque in titlanti quimonilhuico yn Ama^qmeque yn iuh oquinhualilhui Don hernando de guzmâ Omacatzin Teohua teuhctli auh yc niman yuh quichihuaque yn itztlacoçauhque pipiltin cocanaco yn quetzalmaçatzin auh çan nopohualilhuitl/ ahnoço yn iuh oc cequintin huehuetque quimachiyotihtiaque chiuhcnapohualilhuitl / yn ontlahtocatico nican tzacualtitlan Tenanco tlayllotlacan auh ynic conanaco Ytztlacoçauhcan Ama^qmecan quihuicaque ynic ompa quitlahtocatlallique chichimeca teuhctli mochiuh ypan xihuitl años yn ihcuac yn ye omihto yehualixtlamati ye matlacxiuhtiaya yn Don hernando cihuallacatzin ynic çâ texixicoliztica concuilito yn itlahtocayo yn itech pohuia chichimeca teuhcyotl y çan ontlamâpa Ytiachcauh Don Thomas de S m^jn quetzalmacatzin(sic) çan cihuatlachihualli yconetzin in yn tlahtocacihuapilli Tlacocihuatzin yyahuitzin catca yn omoteneuh Don herdo cihua yllacatzin auh yn omoteneuh Don Thomas de S m^jn quetzalmaçatzin ynic ompa motlahtocatlalito Yztlacoçauhcan Ama^qmecan ca quitlachicahuilli no yehuatl ytencopa mochiuh in capitan don Fernando cortes Marques del valle ca quimachiztique yn ama^qmeque ynic no yehuatl quimacac in chichimeca teuhcyotl ypampa huel quiximatia ycniuh ca noço quinamic yn ihcuac yancuican nican Ama^qmecan quiz capitanm yhuan ça tepan yconpadre mochiuh ce ipiltzin yn omoteneuh Don Thomas de S m^jn quetzalmaçatzin quicuaatequi yn omoteneuh Marques del valle auh y yehuatl omoteneuh Don herdo cortes cihua yllacatzin yc niman nican tzacualtitlan tenanco tlaylotlacan quihualtlahtocatlalique tlaylotlac teuhctli quihualchiuhque yn amaquemeque yn çâ niman ipan in omoteneuh xihuitl años yc quiyolcehuique ynic aoctle quihto yn ic atle quihtoz ca nel piltontli auh yn ixquichtin nican tzacualtitlan tenanco pipiltin yn ipilhuan nican quincauhtia omoteneuh tlacpac Cacamatzin teohua teuhctli Teomeca yhuan ypilhuan catca tlahtohuani huehueyotzintli tlayllotlac teuhctli catca cenca achi quezquintin catca auh amo cenca yyollocacopa ynic quicelique ynic yntlahtocauh mochiuh cihua ylacatzin ynic ye ica mocahcayahua ye quiquehquellohua auh yehica ye omihto yn ihcuac nican tzacualtittlan Tenanco hualmotlahtocatlalli ca ayemo cenca quimati ye quin matlacxiuhtiaya auh ynic nican tlahtocatico tzacualtitlan Tenanco tlayllotlacan çan chicuacenxiuhtico ynic niman quitohtocaque ypan xihuitl años yn tzacualtitlan Tenanca yhuan Amaquemeque ca quicepanhuique ypampa yuh mihtohua ynic quitlahtocatlazque cenca tlahuanaya ^y nican tenanco yhuan mihtohua çan quichololtihque in tzacualtitlan tenanca yn ipilhuan cacamatzin Teohua Teuhctli ^y nican quincauhtia yhuan ypilhuan huehueyotzintli auh ynic niman ompa yah yacapichtlan yn Don herdo cihua yllacatzin ompa intlan monemiltito yn ompa catca yhuayolque auh ça tepan ompa huallehuac y yacapichtlan ynic ye no ni cuel nican callaquico ychan ytztlacoçauhcan Amaquemecan ça onmotlallico aocmo tlahtohuani mochiuh yn iuh niman ye onneciz

Auh ye tlacpac oniquinteneuh yn eyntin tlaçotlahtocapipiltin Don baltazar Ahuiliçatzin yhuâ Don diego hernandez Moxuchintzetzellohuatzin yhuan Don Franco Cuetzpaltzin tlayllotlac teuhctli yn quimopieliaya huehuealtepetlahtolli yn huehuetlahtocatlacamecayotlahtolli mochi onomac huetzico ynic oc ceppa axcan nicyancuilia niquicuillohua amoxpan auh ynic nahuintin ye no tlacpac onicteneuh in huehuetque yehuatzin in Don Vicente de la anunciacion ynic no yehuatzin centetl quimopialiaya in achi huey huehueamoxtli yn itech niquixti huehuetlahtolli yn onicnenenehuilli oniccentetili inic ce amoxtli libro onicchiuh auh ynic macuiltin huehuetque yehuatzin  in Señor Don Bartholome de S tiago tenmahuiztzin autenetzin yn oquimohuiquilli tt Dios ypan xihuitl de años ynin no yehuatl centle quimopieliaya in huehueamoxtli libro çan achi tepiton yn itechpa tlahtohua tzacual titlan Tenancayotl ynic huallaque Tenanaca omomac huetzico ytech oniquixti cequi in huehuetlahtolli ynic ça niccentetilia axcan auh macihui yn  çan tepiton in yece huel cualli huel neltiliztli ynic tecpantica huehuetlahtolli yn itech in onicnehnehuilli yn oc cequi huehueamoxtli ynic oniccentetilli yn iuh niman ye onmottaz ytech in amoxtli // Auh ynic chicuacen huehue ca yehuatzin in miecpa tlacpac otictotenehuilique tlacpatl tlacatl Señor Don Feliciano de la Ssumpcion calmaçacatzin catca ma  quimotlamachtitzinotie in tt Dios cemihcac yn ompa ilhuicac yn oquimohuiquilli ypan xihuitl de años ynin no centetl yehuatzin cuecuetziuhcatlacuilolpan letratica amoxpan quimicuilhuitia xiuhtlapohualamoxtli libro oquimochihuilitia in ma ca  çan tezcatl oncan ytech otechmotlalilitia yn ixquichtlamantli in tle ^y nican omochiuh ye huecauh Amaquemecan çan tepiton yn oncan tetlan actica yn itech tlahtohua tzacualtitlan Tenancayotl yn itech xiuhtlapohualamoxtli yn tlahtohua ytech altepetl ytztlacoçauhcan yhuâ tlayllotlacan Ama^qmecan ahxilztli hecoliztli y huel ymaticatzinco amoxpan quimotecpanilitiuh auh ynin huehuexiuhtlapohualamoxtli oc monemiltia oc yehuatzin yyomatzinco y nechmotlaneuhtilitiuh ynic oniquixtlapan oniccopin yn iuh tecpantica xiuhtlapohualamatlahtolli// ynic no ytech onitlanénehuilli mochi oniccentlamantilli yn oc cequi onicteneuh huehuetlahtolli yn itech tlahtohua Tenancayotl yn iuh niman mochi ye onmottaz

Auh macichui yn iuh omoteneuh yn moteylhui Don hernando Cortes cihua yllacatzin yn ixpan omoteneuh Juez yn ipampa ytlahtocayo chichimecateuhcyotl ytztlacoçauhcan yn oquimaxcati yn oquicuilli y çan ontlamanpa ytiyachcauh omoteneuh Don Tomas de S m^jn quetzalmaçatzin yece aocmo huel macoc y cihua yllacatzin yn quitlania ytztlacoçauhcan tlahtocayotl yhaun aocmo no huel quiquixtilli yn tlahtocayotl omoteneuh Don Thomas de S m^jn quetzalmaçatzin ye ça quimontlachicahuilico yn Juez in inehuan yteyccauh Don Juan de sandoval Tecuanxayacatzin amo huel quinpolhuico yn oncan tlahtocatia yyeyeyan ceceyaca yn oncan tlapiaya ypan ontlayacatl alte petl yece ça quimoyoyocatlalico nononcua ynic ceceyaca yntlapacholpan yn ipan yc cecentlayacatl yn oncan tlahtocatia huel quimonnononcuaquixtico yn iuh nepa ye huecauh hualhuillohuac yn amo yhuan quimaxcatizque yn oc Excan omoteneuh tlahtocayotl Teaxca auh çan ye tel yuh tlacauh yn iuh nepa ye huecauh hualhuillohuac ynic mochipa tequitlacacoyan mochiuhtihuitz ytztlacoçauhcâ auh ynic quiyollalique Amaquemeque omoteneuh Don hernâdo cortes cihua yllacatzin ontecpantli macehualli ytech quipouh Juez yn quicaltiaya in quelimiquiliaya yc moyollali yc aocmo tle ytlah quihto // Auh yn o yuh hualcallac nican Amaquemecan yn omoTeneuh Juez Andres de Sanctiago xochitototzin aocmo ma ohuecahuac yn omoteneuh tlahtohuani Don Thomas de San Martin quetzalmaçatzin çan niman // yhcuac yn ipan xihuitl años yn onmomiquilli yn tlahtocat ytztlacoçauhcâ cenpohualxihuitl onmacuilli yxpan mochiuh yn omoteneuh Juez auh yn ipampa mochi quitemoco omoteneuh Juez ynic tomacuilcantiâ yn huehuealtepenenonotzaliztlahtolli yn iuh quenin cacatqui ceceyaca cehcentlayacatl auh yn ipampa ^y yn ixquichtin huehuetque tlaçopipiltin catca ynic tomacuilcantian in necêtlaliliztica nononqua yhcuac cececcan quinemilique quicenquixtihque ynic amoxpan quicuilloque quitecpanque camoxyhcuilloque yn iuh cacatqui macuiltlayacatl altepetl huel yuh yxpan quinextihque yuh quittitique y yehuatl omoteneuh Juez neltiliztlahtoltlatecpanpa yn quitlachialtihque yniqu iyollo pachiuh ca nel yuhque catca y huehuetque yn amo huel yztlacatia teyxpan huel quiyectlatecpanilique y tlacamecayotica y huhuetlapaltlacamecayotlacuiloltica y nauhcan huel cehcen ahxiliztli hecoliztli ticpia yequene ynic tomacuilcantian huel cehcen tlahtocayotl oncan mopia ca yzquican tlahtocayoticate auh ynic huel quicemittac quicentlalli mochi ynin huehuetlahtolli yn omoteneuh Juez Andres de s tiago xuchitototzin yhcuac ytlan escriuanotic yn Rodrigo de roças xohecatzin pilli ytztlacoçauhcan yehuatl quicuillo amoxpan yn axiliztli yn ehcoliztli yhuan yn iuh cacatqui tlahtocatlacamecayotl tomacuilcantia Amaquemecan yn quitemoco omoteneuh Juez yn quittitique in quipohuilique huehuetque tlaçopipiltin catca tomacuilcantia

Auh yn ipan yc nauhtlayacatl Panohuayan no yz catqui yn omochiuh yxpan yehuatl omoteneuh Juez ynic nican ohualla Ama^qmecan yn ihcuac oquittitique yehuantin Panohuayan tlaca yn iuh catqui yn innonquaahxiliz yn innonquahecoliz ynic no huel ce ahxiliztli hecoliztli quipia yhuan ce tlahtocayotl yhuan quimittitique yn quezquîtin oncatca yhcuac oncan y huel oc yehuantin tlahtocapipiltin oquichtlahtocatlachihualtin no yhuan yn quezquintin on catca pipiltin motenehua tlahtoca cihuapiltlachihualtin mochtin quimittac yn omoteneuh Juez ynic oncan ceme yxquetzalozque ce tlahtohuani mochihuaz Panohuayan auh oc cence yehuatl quittitique yn omoteneuh Juez yn itlacamecayo Don Joseph de Sancta Maria Teuhctlacoçauhcatzin yn iuh catqui ytlacatiliz ynic çan cihuapiltlahtocatlachihualli çan itechpa ynantzin ynic pilli auh yn itechpa yttatzin çan tequihua quapilli catca ytoca Chalchiuhhecatzin ynin huel oncan chane catca y Panohuayan ychpochtzin yn tlahtohuani huehue quauhcehcecuitzin tlamaocatl Teuhctli yn quimocihuahuatica ynic oncan motlacatilli omoteneuh Don Joseph de Sancta Maria auh yn o yuh quittaqu in omoteneuh Juez Andres de Stiago xuchitototzin yn iuh catqui ytlacatiliz ytlacamecayo yn omoteneuh Don Joseph de Sancta Maria Teuhctlacoçauhcatzin ynic çan cihuatlachihualli pillotica auh yn ittatzin çan macehualli quauhpilli auh yn o yuhqui quittaqu in omoteneuh Juez huel yc amo quiceliaya çan quitlatzilhuiaya ^y çan niman amo quinequia ynic yehuatl tlahtocatzin Panohuayan ca noço huel yehuatl yn quixquetza Panohuayan tlaca ynic intlahtocauh yez auh ye oncan in yn quihto omoteneuh Juez quimilhui yn panohuayan tlaca yhuan Amaqueme^q ca nimechilya ca amo monequi yehuatl in tlahtocatzin Panohuayan ypampa caçan cichuatlachihualli auh yn iuh connequia yehuatl omoteneuh Juez Huel ce oquichtlahtocatlachihualli yn oncan quitlahtocatlalizquia Panohuayan auh ynic huel yehuatl quixquetzaya quimacaya tlahtocayotl Panohuayan yn itoca Don Mateo Tetlilnellohuatzin Tecpanecatl teuhctli ypampa huel  quittac yn itlacatiliz ynic tlahtocaoquichtlachihualli panohuayan ypiltzin catca yn tlahtohuani Quauhcehcecuitzin tlamaocatl teuhctli auh macihui yn iuh omoteneuh Juez ynic yehuatl Don Mateo Tetlilnellohuatzin quimacaya tlahtocayotl yece y yehuatl amo quicelli çan quilhui ynic quinanquilli tlahtohuanié ca cenca nimitznotlatlauhtilia ma ça yehuatl xicmomaquilli yn Don Joseph de Sancta Maria in tlahtocayotl ca nomachtzin yhuan ca ohuiya yn xuchipillan yc niman quinanquilli quihto y Juez ye nimitznolhuilia ca amo huel mochihuaz ynic yehuatl tlahtocatzin Panohuayan auh ma ye yehuatl oncan in tlahtocati// in Don Juan de oJeta Quauhcehcecuitzin yn otlacatito tlalmanalco yn itlaçopiltzin Don hernando de guzman omacatzin Teohua teuhctli tlahtohuani ca oniquittac yn itlacamecayo ca amoxhuiuh amopiltzin yn ompa oquichihuillito cihuapilli papaloxuchitzin yn ichpotzin tlahtohuani catca Quauhcehcecuitzin tlamaocatl Teuhctli ca nican Panohuayan mohuicac yn inantzin ca cenquiztica yn ihezço yn itlapallo yn iconetzin  omoteneuh Don Juan de oJeta ma xicmaniliti yn ompa tlalamanalco ma yehuatl nican quipiaqui y nauhtlayacatl altepetl Panohuayan ynic nauhcan ca tlahtocayotl ca nel yxhuiuhtzin no yehuatl in tlahtohuani catca huehue Quauhcehcecuitzin auh ynin yc tlanahuatica omoteneuh Juez in ça tepan amo huel mochiuh ynic canazquia omoteneuh Don Juan de oJeta quauhcehcecuitzin yn ompa tlalmanalco auh yc niman no ceppa quihto in Juez quilhui in Don Mateo Tetlilnellohuatzin ca ye cualli ma yhui Don Mateohe ca motencopa ye nicmaca in tlahtocayotl Panohuayan in momach Don Joseph de Sancta Maria yn amo huel yuh mochihuazquia amo nehuatl notlahtlacol ca tehuatl motlahtlacol ynic niman huel oquimacac oquitlahtocatlalli y çâ ye ypan omoteneuh xihuitl de años tlahtohuani tlamaocatl teuhctli mochiuh yn Panohuayan yn oncan in no cenpohuallonmatlactli xihuitl yn amo noyac tlahtocat çan cuauhtlahtolloc yhcuac quincauhque ^y yn itztlacoçauhcan tecpan yhuan tlayllotlacan teohuacan tecpan ynic aocmo ôpa ontecpanohua yn omoteneuh oc Excanme pipiltin ya yehuantin in y panohuayan tlaca yhuan tzacualtitlan Tenanca yhuan Tecuanipâ tlaca O yuhqui yn ynic tlacenquixtilli ynic tlaneltilili yn altepehuehuenenonotzaliztlahtolli yn ixquichtlamantli nican ye toconcaquiz Ticpohuaz yn ipan in huehuenemilizamoxtli in çaço ac tehuatl tamapouhqui yn tichristiano ynic amo tle ytlah yc timotzotzonaz Tomeyollohuaz ynic amo tiquihtoz campa oquiz yn ixquichtlamantli huehuenemiliztenonotzaliztlahtolli nican neztoc teneuhtoc huel xicmomachilti ynin huehuenemiliztlahtolli ca mochi ye huecauh neltiliztli ca omochiuh yhuan ye huecauh miequintin tlaçohuehuetque yllamatque y huel huehuetlahtolmatinime catca yn oquitlalitiaque yn oquitecpantiaque ynin huehuexiuhtlapohualamoxpan yn oquihualtlapalycuilotiaque ynic oquihualtecpancapixtiaque yn iuh oc nepa in huehuenenonotzal mochiuhtiuh yn oquineltilitiaque yn iuhqui ^y mochi yn quimattihui auh ynic huel ticmatiz ca nehuatl Don domingo de S Anton Muñon Quauhtlehuanitzin Chimalpahin mochi onictemo ynin huehuetlahtolli aquin oc quimati topan axacan tonemilizpan auh ynic amo polihuiz ylcahuiz yn ynic oc ceppa ye no nehuatl axcan nicneltilia nicyancuilia niccenteamoxtlalia oc ceppa nicacicatecpana yn iuh ye huecauh onemohuaco yn iuh otlamanico yn nican ypan yc ontlayacatl altepetl Tzacualtitlan Tenanco chiconcohuac Ama^qmecan yn hueycan in ceme yc nauhcan ticate ypan yc cemaltepetl motenehua la Provincia de chalco nican quittazque yhuan quimatizque yn axcan cahuitl ypan monemiltia tepilhuan yhuan quin ye nemiquihui yn amo quimatia yn iuh catqui yhuehuenenonotzallo yn ihuehuetlahtollo altepetl yn iuh niman ye onneciz ye onmotecpancapohuaz yn ipan in huehuealtepetenonotzaliztlahtolli Huehuenemilizamoxtli

Auh mocichui y huel yxtlamatini catca yn omotenuh yehuatl Juez Andres de stiago xuchitototzin yn iuh nican ye onneciz ye onmotaz yn izquitlamantli qualli yectli quichihuaco ynic quiyectlallico yn itlacauhticatca nican altepetl Amaquemecan yece oc mopolloco yn ixtlamachiliztica yehica ypampa ytla ye nelli huel yxtlamatini ynic quinalquixtizquia yxtlamachiliz amo quitlatzilhuizquia amo quitzotzonazquia yn itlacatiliz ynic cihuatlachihualli catca omoteneuh tlacpac Don Joseph de Sta Maria tlamaocatl teuhctli yn iuh quitlatzilhuico quitzontzon Juez auh ytla nelli yxtlamatini ynic huel conaxiltizquia yxtlamachiliz yz catqui ontlamantli neyxcuitilli omochiuh y ye hue cauh yn oc tlateotoquilizpan yn o// tlacatecolonotzalizpan ^y nican ypan altepetl Ama^qmecan ca omentin yn cihua otlahtocatico // yn ipan ontlayacatl ôcan oyehuatic opopouh// yn cihuatlahtocayotl ynic ceccan // ypan ynic ontlayacatl Tzacualtitlan tenanco chiconcohuac yn ce tlahtocacihuapilli otlahtocatico otepachoco oteyacanaco yn oqu ipan omoteneuh tlateotoquiliztli tlacatecollonotzaliztli yn otlahtocatico ychpotzin in tlahtochuani Quahuitzatzin tlayllotlac Teuhctli catca yn cihuapilli ytoca catca xiuhtotzin chiuhcnauhxihuitl yn tlahtocat auh yehica yn omotenuh tlahtohuani quahuitzatzin yn ihcuac momiquilli ayac oquichtli ypiltzinquicauhtia ^y nican ypan tzacualtitlan tenancayotl çan mochi ychpotzitzinhuan yn quincauhtia Eyntin ynic ce yehuatl yteyuhctzin motlahtocatlalli ya yehuatl yn omotenuh ytoca xiuhtotzin cihuatlahtohuani tlayllotlac Teuhctli mochiuh yn itlahtocatiâ yttatzin catca auh yn ipampa oncan in tzacualtitlan Tenanco otlahtocatico ynin cihuapilli yc oncan quimicnopilhulli quinmacehui yn tlahtocayotl y pillotl yn iconetzin tlahtohuani ytztlotzin tlayllotlac teuhctli yhuan yxhuiuhtzin Quauhtlehuanitzin tlayllotlac teuhctli yn ipan mantia chalcayotl ynic techpeuh Mexicatl yhuâ ynic cen mochiuhtin yn itech quiça yn itlacamecayohuan pipiltin y manel ça cihuatlachihualtin onyezque yn oncan in ypan tzacualtitlan Tenancayotl ca yehuantin oncan piltizque tlahtocatizque quipiazque yn altepetl ca ya yuh omotlalliyyeliz ayac oncan quitlatzilhuiz yn pilotl in motenehua yn ça çihuapiltechihualiztli yc tlacati pipiltin amo yc mahuipololoz^q ca no yehuantin yezque piltizque tlahtocatiz^q tepachozque Teyacanazque yn ipan tzacualtitlan tenancayotl yehica ca yuh oquinmacehui yehuatl yn omoteneuh cihuatlahtohuani catca xiuhtoztzin yn itech quiça auh ynic occan nican ypan ynic macuiltlayacatl tlayllotlacan Teohuacan Ama^qmecan // yn oc ce tlahtocacihuapilli otlahtocatico yn oteyacanaco yn otlapachoco yn oc no ypan tlateotoquiliztli y tlacatecollonotzaliztli ytoca Tlaco cihuatzin ychpotzin in in tlahtohuani huehue Cacamatzin Teohua Teuhctli achto yuhqui yn ytoca mochiuh yn omoteneuh tlaco cihuatzin Teohua teuhctli mochiuh// chiuhcnauhxihuitl yn tlahtocat tlayllotlacan Teohuacan yn itlahtocatian yttatzin catca huehue cacamatzin teohua teuhctli auh yn ipampa no oncan in tlatocat tlayllotlacan Teohuacan cihuapilli omotocateneuh tlaco cihuatzin yc no oncan oquinmacehui y pilotl y tlahtocayotl ynic cen ye mochintin yn itech quiça  yn itlacamecayohuan pipiltin y manel çan no cihuatlachihualtin onyezque yn oncan ypan tlayllotlacayotl Teohuacayotl ca yehuanTin oncan piltizque tlahtocatizque quipiazque yn altepetl auh ca ye yuh oneltico omochiuh yn oncan in yn iuh yehuantin y ye ymintotonhuan omoteneuh cihuatlahtohuani Tlaco cihuatzin Teohua teuhctli y çan cihuatlachihualti y tlacpac ye miecpa omotocatenehuaque omentin ynic oncan in ce tlayllotlacan otlahtocatico yehuatl yn Don Juan de Sandoval Tecuanxayacatzin Teohua Teuhctli mochiuh ynic ome yehuatl y Don Thomas de Sm^jn quetzalmaçatzin chichimeca Teuhctli tlahtohuani mochiuh ytztlacoçauhcan ynin omoteneuhque omentin tlahtoque ynic ayac motlapololtiz quichicocaquiz yn innantzin catca ça no ytoca catca tlaco cihuatzin yc teomeca ychpotzin in catca yn tlahtohuani Toyaotzin chichimeca Teuhctli ye yxhuiuhtzin in catca y tlacpac omoteneuh yn illama Tlaco cihuatzin cihuatlahtohuani catca Teohuacan yn omoteneuhque omentin tlahtoque Don Juâ de Sandoval tecuanxayacatzin teohua teuhctli yhuan Don Thomas de S m^jn quetzalmaçatzin chichimeca Teuhctli yn oncan yocanixti ynic cececni otlahtocatque maço nellihui y çan incihuachan yece in ça tepan ca no yhuan yn inpilhuan yn imixhuihuan o no oncan in tlahtocatico opiltico yn iyocampayxti omoteneuh tlayllotlacan Teohuacan yhuan ytztlacoçauhcan y ye christianoyopan yn iuh niman ye onneciz onmottaz o yehuatl in oncan tlami yn yn itlahtollo y cihuapillotica Techihualiztli

Auh ynin omoteneuh tlahtocacihuapilli yn o yuh momiquilli yachtzin omotocateneuh Don Enrique Quarto auh yc niman yehuatzî macoc in castillan yhuan leon tlahtocayotl yn omoteneuh tlahtocacihuapilli Doña isabel Catholica cihuatlahtohuani Reyna mochiuhtzino ynehuantzin yn inamictzin Don Fernando Catholico quinto tlahtohuani Rey mochiuhtzino// ypâpa yn icihuahuatzin Aragon ychantzinco ompa conmoquichitlani yn omoteneuhtzino cihuatlahtohuani auh ynin omoteneuh cihuatlahtohuani y motlahtocatilli cenpohuallonmatlactli ypan ce xihuitl y momiquillico ypan xihuitl de años auh y quincauhtia ychpotzitzinhuâ nahuintin yn inehuantzin quinchiuhque ytlaçonamictzin Don Fernando catholico ayac oquichtli quichiuhque auh yn imichpotzitzinhuam ynic ce ytoca Doña isabel ynin ompa mohuicac yn Purtugal ynamic mochiuhca yn tlahtocapilli Don Alonso ypiltzin in tlahtohuani Rey Don Juan çâ no Segundo yn ompa chane Purtugar auh yn omomiquilli Don Alonso yc no cuel ceppa yn tlahtocacihuapilli Doña isabel conmonamicti in tlahtohuani Rey Don Manuel y ça no ompa chane Purtugal

Auh yn ihcuac yn o yuh momiquilli Doña isabel catholica auh y yehuatl ynamictzin y cenca tlaneltocani catca catholico Rey Don Fernando yn ihcuac y ye oquimomiccamahuiztilili y miccatlatlatlauhtiliztica y cenca tlaneltocani cihuatlahtohuani Catholica Reyna Doña isabel moyetzticatca yc niman motlanahuatilli ynic niman huallazque nechicahuiquihui yn oncan tlahtocaTecpan in mochintin huehueyntin tlaca yn iteuhc yohuan yn itlahtocayohuan yn ipan tlaca yn itlahtocatlapachopantzinco auh yn ihcuac ohuallaque yn ocenquiçaco yc niman quinmonahuatilli quinmocuitlahuilli ynic yehuatzin quihtozque quitenehuazque in Doña Juana ychpotzî ynic yehuatzin oncan tlahtocatiquiuh castillan yhuan leon auh y ye o yuh quichiuhque yn yn itlanequiliz tettatzin yc niman conmomachiztilli yn ichpotzin yn ompa namiquetica yn ompa yhcuac moyetzticacta ypan tlahtocayotl condado de Flandes yn itlantzinco ynamictzin y cenca mahuiztlacatl tlahtohuani Rey Don Philipe yn ipiltin Emperador Maximiliano auh y ye o yuh quimocaquiltihque yhuan yn oqu ic ayemo hualmohuicaya oncan españa ypampa omotlapachilhui omotlahtocatilli yn ittatzin Don Fernâdo oc huel yxquichica ahcico yn ipan Metztli Abril yn ipan xihuitl de años oc onxihuitl yn ompa onmotzicotzinoca ynic nimâ hualmohuicaque oncan españa yn o yuh hualmohiicaque ^y auh yc no niman oquimocahuilli yn Tepacholiztli in tlahtocayotl yn oncan ypan omoteneuh tlahtocayotl españa yn Don Fernando auh yc niman onmopehualtihque mohuicaque ynehuantzin y Doña Germana ynic ome ycihuauh mochiuh Don Fernando mohuicaque ompa yn intlahtocayopan Aragon

Auh yn ihcuac ypan in cahuitl yn on yuh hualmohuicaque in tlahtohuani Rey Don Philipe Primero yn inehuantzin cihuatlahtohuani Reyna Doña Juana oncan motlahtocaTecpanchantitzinoco y motenehua Villa de Valladolid ynic niman oncan oquinmotlacamachiltihque yn inmacehualhuâ ynic intlahtocahuan omochiuhtzinoco yhuan yn inconetzin Don Carlos yntlahtocapillo mochiuhtzino in castillan tlaca yhuan Leon tlaca auh amo onmohuecahualtico çan onmomiquillico in tlahtohuani Rey Don Philipe Primero oncan yn ipan altepetl ciudad Burgos ypan yc mani metztli SepTiembre y çâ ye ypan omoteneuh xihuitl de años çan nahui Metztli yn onmotlahtocatillico oncan españa ynic niman omocnocihuatilli Doña Juana yc cen aoqu ic omonamictitzino yc no niman quimocahuilli in tehuiquiliztli y tepacholiztli yn oncan ypan tlahtocayotl auh yc nimâ ompa motlalitzinoto yn itocayocan Tordesillas oncan quihualmohuiquilli yn imiccanacayotzin yn inamictzin ocatca oncan tococo ynic oncan ça yceltzin monemiti cenquizcacualyecycnocihuanemiliztica y huel yxquichica onpohuallonmatlactli xihuitl auh y teytquiliztli y tepacholiztli yn ipan in tlahtocayotl españa ytechquimocahuilitia y teoyotica tlahtohuani cardenal oncan españa Don fr Franco Ximenez Teopixqui catca San Franco no yhuan ^ytech quimocahuilitia yn itenánamiccahuan yn iconsejotzin tlaca yn ocyxquichica ynic ye no hualmocueptzinoz tlahtohuani Rey Catholico Fernando ytlaçottatzin ynic quimopieliquiuh tlahtocayotl ypampa yxhuiuhtzin Don Carlos yn oqu ic ompa moyetzticatca Flandes ytlantzinco yn iahuitzin Doña Margarita ompa ytlahtzinco mohuapauhtzinohuaya

Auh ypampa ytlapachocatzin yGouernadortzin quimochihuilitia yn ipan tlahtocayotl españa in Teoyotica tlahtohuani Cardenal Adriano Obispo yn ipan altepetl Tortosa yqu i cepan mochintin yn itlahtocatenahnamiccahuan yn itlahtocaconsejotzin tlaca yn oncan Valladolid Auh ye no ceppa hualmohuicac hualmocueptzino yn oncan españa y Emperador ypan xihuitl de as ynic oncan ypan huey tecpilaltepetl Seuilla quimonamictitzinoco y cenca mahuiztlacatzintli Emperatriz y huel nelli cihuatlahtohuani Reyna y huel christiana Doña isabel y huel ymicnopiltzin ^y macehualtzin ynic ymichpotzin mochiuh y huel oquichtlapalticatzintli Don Manuel tlahtohuani Rey moyetzticatca yn ompa Portugal ypan xihuitl yn quin iz tlayxpan de años ynic oncan quimochihuillique quimotlacatililique y huel tlaneltocani tlahtohuani Catolico Rey Don Philipe Segundo ynic Teomeca Totlahtocatecuiyo omochiuhtzino

Auh yc ye no mocueptzino yn ompa Alemaña ynic ompa Emperador mochiuhtzinoticatca quimopieli in Roma tlahtocayotl auh no yxquichcapa ompa hualmotlahtocatiliaya yn españa inic oncan Rey hualmochiuhtzinoticatca yn oncan españa tlahtocayotl camo Emperadoryotl ca çan mihtohua Reynoyotl

Auh y cenca huey tlapiltic tiyacauh y huel tlaneltocani catholico Emperador y huel netlamachtilylnamiconi Don Carlos Quinto y momiquillico ypan yc mani Metztli octubre ypan xihuitl de años ye yuh onpohualloncaxtolli ypan Exihuitl yhuan ypan chicome Metztli ye monemiltia tlalticpac Auh yhuan ye yuh onxihuitl omotzauhctzino yn oncan Teopixcacalli monasterio de S Juste yn oncan moyetzticate tlaçoteopixque frayles ypilhuantzitzin Sanct Hieronimo yn ipan altepetl La Vera de Plasencia ynic oncan y cepâ yntloctzinco ynahuactzinco cenquizcacualyecsanctoTeoyotica monemitiaya y cenca oquichyoTica Tiyacauhyotica omahuizyohuac nican tlalticpac quimocahuilli quimotelchihuilli yn itlahtocayotzin ynic huel cualtica yectica oquichyotica tiyacauhyotica quimocuiliz mahuiyotl cemihcac yn ompa ylhuicac in  tt Dios oquimocencahuilili ynic quimoxtlahuililiz quimocuepcayotililiz yn ica yn amo can tlanqui tzonquizqui omochiuh cococ teopouhqui noteliniliztli tlayhiyohuiliztli yn quimihiyohuilti quimochihuili ynic quimomanahuilli ynic quimohuecapanilhui in totlaneltoquiliz Sancta fe Catholica

Ce acatl {} tecpatl iquac mítotique in tetepe matlatzinco Auh iquac momiquilico in Huehue Moteuhzomatzin Auh níman ic hualmotlali in Axayacatzin calli inipan motlatocatlali Axayacatzin tochtli iquac poliuhque Cuetlaxtecâ acatl ipan pehualoque Xochitlan tlaca tecpatl calli in ipan pehualoque Chiapantlaca noíquac poliuhque Tlatilolca amo huecauh in quimopeuh Axayacatzin ca moquich nenequia in Moquihuix nehuan in teconal in tlacamopolihuizquia tochtli acatl in ipan quinpeuh Tolocan tlaca Matlatzinca ihuan iquac tlallolin cenca totocac miec in tepetl Xixitin mochpapachiuh in calli tecpatl ipan poliuhque in Ocuilteca yaochontalcohuatlan tlacâ calli nican poliuhque Ycpatepeca tochtli nican políuhque Calliymayan tlaca Matlatzinca acatl {} ipan poliuhque Xiquipilco tlaca ihuan iquac qualoc tonatiuh mochnezque izcicitlaltin auh zan no iquac quipeuhque Tochcalco tlaca

Ce tecpatl {} calli nican miquico in Axayacatzin tochtli ipan motlatocatlali in Tizocicatzin acatl ipan quitetzomanque in icalcatca Tlacatecolotl cozcaquauhtenanca Tlaollan tlaca inin ca momamal tecpatl calli tochtli nican miquico in Tizocicatzin auh niman ic ommotlalli in Ahuitzotzin acatl nican momamal in Teocalli in icalcatca Tlacatecolotl inin ca momamal Tziuhcohuaca mazateca Tlâpantlaca tecpatl iquac quinpeuhque Tziuhcohuaca ihuan Tetzapotitlan tlaca calli nican tlallolin iquac ye no quipeuhque Tlapatzínca ihuan Totoltenancotlaca ihuan atlichayacantlaca in oxihuitl macuilcan intepeuh in Ahuitzotzin Ihuac iquac monexti imoyohualitohuatzin tochtli nican teciuh mochmicque in mimichtín ihuan in ixquichtin atlanchaneque No iquac quipeuhque Quauhtepectlaca acatl Nican tlachapolqualoc temoque chachapolme

Auh niman quitoque in Pipiltin tlaquinhualnotzati in tiachcahuan auh in onyaque niman yequin nahuatia quimilhuia cenca ye ocyetoconana in yuh mochihuani Auh quitoque in tiachcahuan ma zan chicahuac mana níman quito inecahuintlacatecatl tlaxic mocaquitican in tlacatletixpancah in yuh mochiuh chololan in zan quilcaltzacque Mexica in axcan ma no yuh techiuhtin ma ce centlapal chimalli totlapialmochihua

ye nahahuíntín on momamanato in quixohuayan niman ic contlaco huite quito in teyacama ya ce tlacatl quiyacahuítec in ixiptla Diablo auh in tlatzotzonaya niman ic quimomamahuitequito ca ontetl inin huehueuh centetl caltempan quitzotzonaya niman yenequequezallo ye ixpoliohua Auh niman ce tlacatl tlenamacac aca tliyacapan hualitzttia tzatzitihuitz quitotihuitz Mexicayé tleamayaocac íyolloquemati aquique inin mac mani malchimalli inin maquauh zanac xoyaquahuitl ínoquitaque Caxtilteca niman ie motepotztia yuhqui za mototopeuhtiaque inic callacque niman ic on mocaltzacque In ipan caltzactimanca Etzaqualiztli cempohualtica ínípan Etzaqualiztli ichtaca hualquiz in itlatol Moteuhzoma quimilhui in tiachcahuan

Auh in íquac omic Moteuhzoma niman quihualmamaltique itoca Apanecatl ompa quihuicac in huitzillan Zan ye ompa quihualtocaque ye noye ompa quihuicac inehcatitlan Zan no quihualtocaque quihualmiminque yeno ye ompa quihuicac in teopantzinco Zan no quihualtocaque ye no ceppa quihuicac in acatl iyacapan quin ye ompacanque quito in Apanecatl Totecuiyohuamé motolinia in Moteuhzoma Cuix nic mamatinemiz niman quícoque in Pipiltin Xoconanacan niman quimontequiuhtique in Calpixque quitlatique in imacayo inin ipan in ome tecpatl mochiuh in omoteneuh inic quizque Tolteca acaloco Totoltepec mocehuito inic yaque Tlaxcallan ihuan inic macalximato Tetzcoco

[1r=] Ninoyolnonotza, campa nicuiz yectli auiacaxochitl? ac nictlatlaniz? manoço yehuatl nictlatlani in quetzalhuitzitziltzin, in chalchiuhhuitzitzicatzin, manoço ye nictlatlani in çaquanpapalotl, ca yehuantin inmachiz ommati campa cueponi: in yectli ahuiac xochitl, tla nitlahuihuiltequi, in nican acxoyatzinitzcanquauhtla, manoce nitlahuihuiltequi in tlauhquecholxochiquauhtla oncan huihuitolihui, ahuachtonameyotoc in oncan mocehcemelquixtia, aço oncan niquimittaz, intla onechittitique nocuexanco nictemaz ic niquintlapaloz in tepilhuan, ic niquimelelquixtiz in teteuctin.

2. Tlacaço nican nemi; ye nicaquivii in ixochicuicatzin iuhquin tepetl quinnahnanquilia, tlacahço itlan in meya quetzalatl, xiuhtotoameyalli oncan mocuicamomotla, mocuicanananquilia; in centzontlatoltoço’ quinnananquilia in coyoltototl, ayacachicahuacatimani in nepapan tlaçocuicanitotome oncan quiyectenehua in Tlalticpaque huel tetozcatemique.

nepapan tlaçoahuiac xochitl tlaçohuelic xochitl ahahuachquequentoc ayauhcoçamalotonameyotimani Oncan nechilhuia xixochitetequi in catlehuatl toconnequiz ma melel quiça in ticuicani tiquinmacataciz in tocnihuan in teteuctin in quelelquixtizque in Tlalticpaque

Auh nicnocuecuexantia in nepapan ahuiac xochitl in huel teyolquima in huel tetlamachti nic yhtoxiv aya manoço aca tohuanxv tihualcalaquini ma cenca miec in ticmamani auh ca tel ye onimatico nitlanonotztahciz imixpan in tocnihuan nican mochipa tiqualtetequizquein tlaçonepapan ahuiac xochitl yhuan ticuiquihui in nepapan yectli yancuicatl ic tiquimellelquixtizque in tocnihuan in tlalticpac tlaca in tepilhuan quauhtliya ocelotl

7. Auh nic yhtoaya tlacaço amo qualcan in tlalticpac ye nican, tlacaço oc cecni in huilohuayan, in oncan ca in netlamachtilli, tle çan nen in tlalticpac tlacahço oc cecni yoliliz Ximoayan ma ompa niauh, ma ompa inhuan noncuicati in nepapan tlaçototome ma ompa nicnotlamachti yectli ya xochitl ahuiacaxochitl in teyolquima in çan tepacca teahuiacayhuintia in çan tepaccaauiacayhuintia.

Onihualcalac nicuicani nepapan Xochitlalpan huel teellelquixtican tetlamachtican oncan ahuachtonameyoquiauhtimani oncan cuicuica in nepapan tlaçototome oncuicatlaça in coyoltototl cahuantimani in intozquitzin in quellelquixtia in Tloque in Nahuaque yehuan Dios ohuaya ohuaya

Oncan nicaquixxiii in cuicanelhuayotl in nicuicani tlacahço ahmo quin tlalticpac inpeuh yectli yan cuicatl tlaca’ço ompa in ilhuicatlytic hualcaquizti in conehua in tlaçocoyoltototl in quimehuilia in nepapan teoquecholme çaquantototl oncan tlacahço quiyectenehua in Tloque in Nahuaque ohuaya ohuaya

Auh nohuiampa nictlachialtia in noyollo auh tlacaço nelli in amo ixquich quehua in tlaçotototl tlacaço ye oc tlapanahuia in ilhuicatlitic yyollo in Tloque in Nahuaque mochiuhtica ca in tlacamo teuhyotiuh in notlalnamiquiliz aço huel quinalquixticayttaz o in tlamahuiçolli in ilhuicac ic papaqui in ilhuicac tlaçototome ixpan in Tloque Nahuaque ohuaya etcetera

Yc motoma’tocuic xochiahuiacayhuinti in toyollo aoc ticmatixxxv ynic nepapan xochicuicatl ic ticcehcemeltia in Tloque Nahuaque quen ahtontlaelehuian tinocniuh ma nohuehuetitlan ximoquetzaya nepapan xochitl ic ximapanaya chalchiuhocoxochitl mocpac xicmanaya xic ehuayanxxxvi yectli yan cuicatl ic melelquixtia in Tloque in Nahuaque

caquizti in intenyo in incahuanca campa neltiazque Ca çan titlacatico ca ompa huel tochan in canin Ximoayan yn ocapaxlv in yolihuayan aic tlamian

Nictlapalihmatia nicxoxochineloaya yectli yan cuicatlan cozcapetlaticaya chachalchiuhquetzalitztonameyo xopaleuhtimania xopanxochicuicatl onilhuicaahuiaxtimani o xochitlenamactli onmilintimani onayauhtonameyotimanio xochiahuachtitlan nihualcuicaya nicuicani

Tlein mach oamaxqueon in antocnihuan in anchiapanecaotomi omach amelel ahcic ynic oamihuintique o octicatl in oanquique ic oamihuintique xiqualcuican in amoma in anhuehuetztoque o ximozcalican o in antocnihuan nipa tiazque in tochan o xopantlalpan ye nican maquiça yn amihuintiliz on xitlachiacan o ohuican ye anmaquia o

Quemach amique o in motimalotinemico y in tlalticpac yn ayac contenmati o in atlamachilizneque o tlacaço can moztlacahuia on in a’mitztenmatiin tiTloque in tiNahuaque inic momati o ca mochipa tlalticpac nemizque o ninotlamattimotlalia o niquimitta o tlacaço mixitl tlapatl oquique o ic nihualnelaquahua in ninotolinia o tlaca’ço ompa in Ximohuayan neittotiuh o çaço tiquenamique o quiniquac ye pachihuiz ye toyollo a

Yca yeninapana o tlaocolxochicozcatl on nomac onmanian elcicihuilizchimalxochitl on nic ehuayaxciii in tlaocolcuicatl oo nicchalchiuhcozcahuicomana yectli yan cuicatl nicahuachxochilacatzoa y nochalchiuhuehueuh ilhuicatl ytech nictlaxilotia in nocuicatzin in nicuicani ye niquincuilia yn ilhuicac chaneque o çaquantototl quetzaltzinitzcantototl teoquechol in on tla’toa quechol in quicecemeltia in Tloque in Nahuaque

Yn nepapan xochitl conquimilo conihuiti ye noyollo niman nichoca ya ixpan niauh in tonan in Santa Malia civ

Tlahuizcalteochitlacxiv oncuepontimani yn ixochiquiyaopan in Tloque in Nahuaque onahuachtotonameyotimani in teyolquima a ma xiqualitacan in ahtle ipan ontlatao çannen cuepontimani o ayac mah aca quelehuia o yn antocnihuan amo çannenya xochitl yoliliz tlapalneucxochitla etcetera cxv

Quiyolcayhuintia ya in teyolia çan oncan ye omania çan oncan ye oncuepontimani a quauhtepetitlan yn yahualiuhcancopa y ixtlahuatl itica oncan inemanaya oc teoatl tlachinolli a oncan ynepoyahuayan in teoquauhtli oncan iquiquinacayan in ocelotl ypixauhyan in nepapan tlaçomaquiztetl ynemomolotzayan in nepapan tlaçopilihuitl oncan teintoque oncan xamantoque in tepilhuan

Ça can ye oncan çan quinchoquiztlapaloa o anqui huitzmanatlcxxiv in çan ye iuh Motelchiuh onyacxxv o anquin ye mochin ha in tlaylotlaqui ah in Tlacotzin ah in tlacateuctli in Oquihtzin y hui hui ica çan ye conyacauhqui in Tenochtitlan ohuaya

Yn ma ontlachialoya in ma ontla’tlamahuiçolo in tlapapalcalicxxxvi ma nican y Ypalnemoa ytlayocol yehuan Dios ohuaya etcetera

Tley anquiyocoya anteteuctin y huexotzinca ma xontlachiacan Acolihua’can in quatlapanca oncan ye Huexotla Ytztapallocan huia ye yohuatimani atlo yan tepetl a ohuaya etcetera cliii

Quetzalipantica oyohuiloa ahuiltilon Ipalnemohua Ixtlahuacan in Tapalcayocan a ohuaya ohuaya

Moquetzalizquixochintzetzeloa in icniuhyotl aztacaxtlatlapantica ye onmalinticac in quetzalxiloxochitl Ymapan onne’nemi conchi’chichintinemih in teteuctin in tepilhuan a etcetera clxxxii

Çan teocuitlacoyoltototl o huel yectlin amocuic huel yectli in anquehua anquin ye oncan y xochitl yiahualiuhcan y xochitl ymapan amoncate yn amontlátla’toa yeehuaya ohui ohui ilili y yao ay yahue ho amaha ilili ahua y yaohuia

Çan mitzyananquili omitzyananquili xochincalaitec y in Aquiauhtzin in tlacateuhtli ayapancatl yahuayie etcetera clxxxv

Yn nepapan xochiquahuitl on ycac aya huehuetitlan aay iahue can cantica ya quetzaltica malintimani ya yecxochitl motzetzeloa ya ohuaya ohuaya

Ma xicaquicancxcviii a yçahuaca ye tlatoa xochiquahuitl ymapan motzetzelotica qui in teocuitlaxochicoyol ayacac ihuitzil in quechol Monencahuatzin teuctli caquaehcacehuaztlapaltica onmoçoçouhtinemi patlantinemi xochihuehuetitla ohuaya etcetera

quetzalizquixochitl ca ye ontzetzeliuhtoc xochiithualco yehua papalocalitec y yaoo ayahue ohuaya etcetera

Yn huel yectli oncuicatl ycahuaca yehua conehua ye icuic Tlapalteuccitzin aya huel ahuia yxochiuh tzetzelihui xochitl cacahuaxochitl yio ohuia

Aquin nehua nipatlantinemi yehuaya notlatlalia nixochincuican cuicapapalotl aya ma nellel quiça ma noyol quimati a ohuaya

Çan nixotlatlapia namocniuhtzin huia xochintlapalyzhuatica nocotzoma noxochintlapixacaltzin ynic nonpactica ye cuecuentla yehuan Dios ma xonahuiacan ohuaya

Tlaoc cenca xompacta xochincocozcapatzine tel ca yehuatl teuctli cuix occepa ye tonnemiquiuh yn iuh quimati moyol hui çan cen tinemico ohuaya ohuaya

Oya nihualacic xochinquahuitl ymapan ayahue nixochihuitzil ninoyacahuilitica ynic nompactica tzopelic huelic noten ohuaya

Yaya papa ilili xontlacaquican ye hualtemoya in tota Dios can ca ye ichan ocelocacahuehuetl comontoc aya in tetzilacacuicatl oncahuantoc ye oncan ohuaya ohuaya

Can yeic nichoca yan ynic tontlatzihui Ypalnemohuani chalchihuitl tlapani quetzalli poztequi a timoquequeloa o antaque antle ypan titechmati titechpopolohua nican a

Yxquich in cueponi mopetlapan mocpal ypan in tecpillotl yntlahuatlccxvii ytec in teucyotl tlatocayotl ye ic malinticac in moyaoxochiuh can cocahuic xochitl ccxviii

Yn ma onnentlamati techcocolia in techmictiani ximotlapalocan moch onpa toyazque Quenonamican

Teicnohuica teicnocemilhuitiltia yn Ipaltinemi yehuan Dios anqui ycococauh ontemocniuhtiaccxliv ypetlapan quenman tlacahuaz yn Icelteotl in Ipaltinemi ye nican

Nican ompehua Huehue cuicatl yn nepapaquilizcuic tlatoque

Ye monecuiltonol moteicnelil huelon nemohua Ypalnemohuani Tlalticpacque timohuihuixoa y timotzetzeloa nican moqu i nochan moqu i nocal ymancan quemon in tlalticpac ynic ye nemohua mopetlapan momahuiçocan ayac çan quittoa monahuac tonteicnoytta tontemopepenia

At tiqualani in nipa ticac at tiqualani in nechcapa ticac tlacuel tla xictotoma xochimecatica nauhcampa ca cenca huel xihxilttomonilpitica noyollo noyollo quen anquichihuazque

Aquin tlacatl oye’coc oztocalticcclv xochitl tzetzeliuhtoc tlacaço yehuatl in tlatoani yayaticacapiltlanitzayochi cahuazcacalacatinemi çan ca omicicuiltotopochpil ycuitlapan tetzelilacacuico Dios ychan tzontli ymapil canahuacan quatla’tlalhuayo tetehuilacachpil mamaçohua moteucçomapil

Ach anca yehuatl in tlatoani Neçahualpilli quacozpil quaxacaliantecuicuil ylacatztepilin quappacemixtlapalnecuilpil No nimitzahua in tlatoani in tAxayaca in quamimilpol in quauhuitzoctepol ixcocotzahual cacatzactepol tentzonpachpol mahuehueyacapol ac ço mach iuhquin tlacatl

Xochinquahuitl timochiuh timaxelihui tihuitolihui oya timoquetzaco in yehuan Dios y ixpan timomati tehuan nipapancclxxxix xochitla ohuaya ohuaya

Yxco nontlatlachia nepapan quauhtlin ocelotl ye no nic yximatin chalchiuhtli ya in maquiztli ya ohuaye

Annochipa tlalticpac çan achica ye nican ohuaye ohuaye Tel ca chalchihuitl no xamani no teocuitlatl in tlapani oo quetzalli poztequi yahui ohuaye annochipa tlalticpac çan achica ye nican ohuaya etcetera

Man quahuitototlccxciii yiehuaya çan tlacochtlin tototl tiiapatlantihuitz Ypalnemoa o aya timoquetzacon mochial ymanca motzaqual ymanca timopohpoa ya çan timotzetzeloa ya huehuetitlan ye nican etcetera ccxciv

Quen quittoan Ypalnemoa aoc achitzinca yn ipetlapan in yehuan Dios huian a in oncan amechycnocauhtehuac chichimecatl Neçahualpilla ohuaya ohuaya

Yn tamoan icha xochitl ye icaca ompa ye ya huitze yan toteuchua huiya tiMoteuççomatzin in Totoquihuatzin yn anme’coque ye nican xochiithualli ymanca huel anconehua y yectlin anmocuic yapa yatantilililin tlacuicuilolcaliticpan ahuitze ohuaya ohuaya

O anca amehuan yn ancoholinia anmoxochihuehueuh moxochayacachy yn ame’coque ye nican xochithualli manca huel anconehua y yectlin anmocuicyapa yatantilililin tlacuicuilolcaliticpan ahuitze ohuaya ohuaya

Çan ye huitz ye huitz in papalotl huia ye ompatlantihuitz ye moçoçouhtihuitz xochiticpac nemi a ye ontlachichina ma yahuia ic y iolcueponia xochitla ohuaya Etcetera

A yn ilhuicalitic oncan tonoc o in Dios in tetatzin nepapan xochitl tocontimaloa ayanca hui yaha yya yyaha ohuaya etcetera

Nihualacic ye nica ye niYohyontzi huiya çan nicxochehelehuia yeehuaya inxochintla’tlapanaco yan tlalticpac ye nica nocoyatlapana in cacahuaxochitl nocoyatlapana ycniuhxochitl i ye tehua monacayon tetepiltzin Neçahualcoyotl teuctli Yohyontzin i yya’o ohuili yya ayyo yao ayyaha yohuiya

Çan nicyatemotihuitz mocuic in yectli yhuan nicyatemohuian titocnihuan aya ma onpapacohua yehua icniuhtlamachoya yyao ohuili etcetera

Nehco nehco ya yapapa yapapa ompa ye nihuitz huiya yn ilhuicatl a ytic o atl icuiliuhya tlahuizcalla in yehua oani nitlapal huan ca no in nicuicanitl huiya xochitl in noyollocccxxii ya nicmana nocuic a ohuaya ohuaya

Çan nihualacico in quiyapancccxxiii ohuaya çan nicahahuiltico yehuan Dios yn nicuicanitl huiya xochitl in noyollo ya nicmana nocuic a ohuaya ohuaya

Ala yyan que ac machon machon hue tehua on tilhuicateotl in yehuan Dios i quexquich moxochiuh quexquich mocuic ycayan nonteahuiltiya y in coyapano yn nicuicanitl acccxxiv ohuaya etcetera

Yn moch oncan nimacoc yn nehcacehuaz huia yn noquetzalin poyoma y ye nochiquacol yn namaxochihui yn amoxcalla ymanca tlauhcalli imancan i quexquich moxochiuh quexquich mocuic ycayan nonteahuiltiya y in coyapano yn nicuicanitl a ohuaya

Yn cacahuaxochitl o nicnocozcati nepapan xochitl y nonahuia nonnittotia coçahuic xochitl y quetzalyxochio in ye nochiquacol yn ne’cacehuaz huiya in nicahuiltico nichuehuetzquitia yehuan Dios huiya in nicuicanitl a ohuaya ohuaya

Yn quauhpetlapan ocelopetlapa ontlatlauhtilo ya a in Santa Maria ohuaya etcetera

Timoxiuhquecholtzetzeloa Ypalnemoa a ohualacico in çaquanpapalotl calitic ayahue xochie’cacehuaztica conehcapehuia in Moteucçomatzin çan can ye nican xochinpetlapan o ohuaya ohuaya

Çan tlapalxilotl oncuepontihuitz huiya ic onmalintihuitz in quetzalizquixochitl çan nichualaxitia xochiithuall imanican ohuaya

Nepapan tlacuilol noyollo yehua nocuic ay yeehuaya çan noconahuiltico niccemeltian Ypalnemohuani çan can ye nican xochinpetlapan o ohuaya etcetera

Xiuhycuiliuhtimani quauhpetlatl onoc y xochithuall imanicatoconcenquixtian Ypalnemoani nepapan xochitica yehuan tzetzeliuhtimani ya ohuaya

Çan ye oncan o ohuaye yxochinquiapan yehuan Dios huiya ytlacuilolcalitec oncan ya icac y xochitla olinticatca ohuaya ohuaya

Yhcahuaca yohui yyo ohuili yectli yaohaye nepapan xochitl çan quitzetzeloa ya huel a huey aquin a mani ohuaya etcetera

Yn nepapan quauhtli in nepapan ocelotl huiya nepapan tepilhuan quimellaquahua in Moteucçomatzin tequimiloayaxiyaontlamatican yxtlahuatl ytec ay ohuiya

Dios aya in mopalnemoani canin ya tinemi ya ilhuicac in tinemi tlalticpactlintoconyanapaloa yehua Anahuatl in momac onmani ohuaya etcetera

Xochinquiahuac y xochithualli manica oncan ontzatzi tlayapapa’huiya o ancuicanitl ahuayya ohuaye yyao ayye ohuaye a huayyao huiya

Oye’coque hue ohualacic in nepapan tototl xoxohuic in tototl coçahuic in tototl teocuitlaxochitototl niman ye tlauhquechol ye hueloncuico ye ichan y yehuan Dios y yyao etcetera

Papalocalitic y ye amoxcalitic ychan Dios y tlauhcalitic y oncan oncuica y heco a yehuan Santa Maria in mochipa ichpochtli tlaoc xiyacaquican a ylili ohuaya o

Titlapalizquixochitl aya ticueponticac in Mexico nican huiya motech tlachichina in quetzalianpapalotl a yn tlalticpac y motech tlachichina in quauhtli an tototlo in patlantinemia ohuaya ohuaya

Titlapalyhuixochitlcccxcii aya ticueponticac y Mexico nica huiya tonahuiaxtimani cemanahuac y tepan motecaya ohuaya etcetera

Çan mochi nicyoyocoya yehuaya ninenentlamaticon tlalticpac y niMoquihuitzi nic eelnamiquin ahuillotl in papaquizyotl aya cuix tictlamitazque yehua ohuaya

O anca ye tehuatl aya ypan ticçohua ya ypan ticyectia in ye mocuitlapil yn ye matlapal aya yn momacehual y cemihcac in çan tontlatoa yehua Mexico nica huiya ohuaya

Çan moquetzalahtlapal o çan timoçoçoa tzinitzcan yhuitica timilacatzoa in tayopalquechol xontlachichina nican aya y ye xochitl in tlalpan aci ye nica ohuaya ohuaya

Macan nimitznotza totatzin o Ypalnemoani in ninentlamati aya maçan titocniuh a ma tocontolhuican y yectli motlatol ma toconytoca yca nitlaocoya yeehuaya noconyatemoa moxochiaahuiliz o in mocuicapaquiz y ye monecuiltonol huiya o ayiahue yao ayiaha ohuaya ohuaya

Ahuillotl y mach ticpolotehuazque otiaque ye nica huiyaicniuhtihuaquiuh toxochipapac yec icnihuani mantonahuiaca ohuaya etcetera cdxliii

Yn maoc ompapaquin toyollo yehuaya antocnihuany tiazque yehua ohuaya ohuaya

Çan Mixcohuancalitec a ycehua ya amapancalcomocuicati a ye hualmotzatzilia in Tlacahuepantzi Ixtlilcuechahuac cuicanahuatilo ye onnahuatilo yn icniuhyotl aya yhuan nahuatilo yn tecpillotl a ohuaya etcetera

Tollan aya huapalcalli manca noçan in mahmani coatlaquetzalli ya quiyacauhtehuaccdlxxxv Nacxitl topiltzin on quiquiztica ye choquililo in topilhuan ahuay ye yauh in polihuitiuh nechcan Tlapallan ho ay

Nechcayan Cholollan oncan tonquiçaya Poyauhtecatitlan in quiyapanahuiya y Acallan onquiquiztica ye choquililon in topilhuan ahuay ye yauh in polihuitiuh nechcan Tlapallan ho ay

Yn Tlapallan aya mochieloca monahuatiloca ye Cochiztla o anca Caçaniocdxciii ayao ayao etcetera

Ayyanco ayyanco ayamo aye ayhuiya ayanco ayyanco ayamo aye ahuiya que ye mamaniz mocha moquiapana o quen ye mahmaniz moteuccalla  ticyaycnocauhqui nican Tollan Nonohualco ya yya y yao ay

Y ye quin tichoca ya teuctlon Timalon que ye ma’maniz mochan moquiapana o quen ye mahmaniz moteuccalla ticyaycnocauhqui nican Tollan Nonohualco ya yya yyao ay

Yn tlapapalxochicentli niyol aya nepapan tonacáxochitl moyahua ya oncuepontimoquetzaco yan aya aya ye teo ya ixpan tona a Santa Maria ayyo

Çan ca teucxochitl ahuiacay’potocaticac mocepanoa yan toxochiuh ayye ayaoo hui yoncan quiya itzmolini ye nocuic celia notlatollaquillo ohua in toxochiuh ycac y quiapani ayao

Tel cacahuaxochitl ahuiac xeliuhtihuitz a ihpotoca ya in ahuiyac poyoma’tlin pixahuia oncan nine’ne’nemi nicuicanitl yye ayao ohui yonca quiya itzmolini ye nocuic celia notlatollaquillo ohua in toxochiuh ycac y quiapani ayao

Tlacuiloltzetzeliuhticac moyoliol tiMoteucçomatzi nichuicatihuitz nictzetzelotihuitz y o huetzcani xochinquetzalpapalotl moquetzaliçouhtihuitz noconihtotia chalchiuhatlaquiquizcopa niyahueloncuica chalchiuhhuilacapitztli nicteocuitlapitza yaho a ylaya ohaye ohuichile amiyacale

Ohuaya yehe nipatlantinemi a ixpan Dios a ninoçoçohua ya tlauhquechol çaquan quetzalintlayahualolpapalotl mopilihuitzetzeloa teixpanaxochiatlaquiquizcopa ohtlatoca ye nocuic yyancoili etcetera

Çan niquintocaz aya niquimiximatitiuh nohueyotzitzinhuan chalchiuhquechol y çan ca xiuhquechol in teocuitlapapalotl in cozcatototl ontlapia ye onca Huexotzinco atzalan ayome

Huecapan nihcac nicuicanitl huiya çaquan petiadxx tolin imanica ye ninemia nicyeyectian cuicatla in nicxochiotia ya yaho yahi

Ma xochitl oyecoc ye nican ayyahue çan tlaa’huixochitla moyahua ya motzetzeloa anca ço yehuatl in nepapa xochitl ayio Çan comoni huehuetl ma ya nehtotilo etcetera dxxxix

Yn quetzalpoyomatl a yc yhcuilihuic noyol nicuicanitl in xochitl ayan tzetzelihui yyaandxl cuel in cuiyama xonahuiacan ayio çan noyolitic ontlapani on cuicaxochitl nicyamoyahua ya y xoochitla etcetera

Niquetzaltototl niyecoya ye iquiapan Ycelteotly xochiticpac nihueloncuica oo nicuicaihtoa paqui ye noyol ahuay etcetera

Yn yancuica oncan quixima Ipalnemoani ca ye Nonoalco Ahuilizapan i in teuctli yehua Neçahualpilli y yece ye oncan aya in Tlacochtenanpan Atlixco ayio

Yyeho aye icnotlamati noyollo çan ninonoalcatl çan can nicolintototldxlvi o nocamapan aya mexicatl in cayio

Onquetzalpipixauhtoc motlachinolxochiuh yn Ipalnemoa çan ca nicolitototl o nocamapan aya mexicatl in cayio

Yn oncan tlahuizcalli milintimani mochan aya moxochiuh aya Dios aya chalchiuhcueponi maquiztzetzelihui on netlamachtilo ya in cayio yn oncan yao nepapan izhuayo moxochiuh aya Dios a etcetera

Candxlviii nican temoc y xochimiquiztli tlalpan aci yehua ye nican in Tlapalla quichihuan tonahuac onoque ohuaca canyyanca yio

Candlxv tiye’coc ye nican imixpan o teteuctin aya timahuiztlachihualla monequetzca noxiuhtoz quetzalpetlapan tonihcaca çan tonnetlanehuilo ticahualoz tiyaaz o ximoaz etcetera

Chalchiuhtli noyollo toto etcetera teocuitlatl noxochiuh yca ninapana ya in nepapan xochitl i noxochiuh a niquitquitehuaz quenmanian yyee totiquiti totitlon cuicatl yyohuiya tiquiti etcetera

Ma huallachia nica o huexotzincatl y quauhpetlapan a onayatla’toaya in mexicatl ye teh tic ytoayadlxxx yancayo

Ayao aya ohuaye nicnotlamati a a mopinoa yhui petlacotl nihuicaloni can in Tlapalla poctlantihuatoc ompa ya noyaz niyaz nipolihuitiuh cozcatozpetlac ninotecatiuh

Chalchiuhtica yan tlapahuiadci teocuitlayantlapanqui anca ye moxochiuh Ypalnemoa in oncan ye onmani a cócotl ixpan y ahcan iuhqui mania moxochiuh in chimalli xochitla ohuaya

Toncohuili toncohuili tecpan oncoçahuia xochitl ontzetzelihui chimalli an papalotl man tlachichinaya moquahuixochiuh tonatimani a xelihui a xelihui a mochimallixochiuh ye ic ye chocan teuctli yan Quateotl ohuaya

Çan tonilhuiçoloa tontlalycuiloanAcolihuaca Moteucçomatzin yn onca ye tlatzihuin yn Ipalnemoa ye tihuicalo y çan can ye Chalco yhuapalcala ytec y in oncan ye mitznahuati a y in tlatquic in Quateotl a ohuaya etcetera

Ma xicyocoya xichoca xic elnamiqui in Toteoci teuctli ma ya hualaqui a in Nahualapan itzmolinin quetzalhuexotl y aya tlami in itlatol in Teçoçomoctli o ayia yiohiyoayio ohuaye o huaya

Quauhatlapaltzin aya a in tAcxoquauhtzin Tepanquizcatzin aya Cohuatzi teuctli ya ohuaya

Xochitl yahualihuiya amoxcalitec y papalocalitec y tlalla ycuilihuiya moyahua mocuic moyahuaya motlatol çan cacahuantoc yin totatzin Ycelteotl Ypalnemoani ohuaya

Nepapan in moquechol papalotl papalocalitec y tiyaontlatoa y yatantalili

Çan nocontlapehpenia mocuic ohuaye nichalchiuhnepanoa yeehuaya nicmaquiznepanoan teocuitlachacallotoc ica ximapanan tehuayan pale y ça ye monecuiltonol y xochitl a ohuaya

Yn anteopixque y man nemechtlatlani e  candclvi ompa yehuitz teyhuinti xochitl teyhuinti cuicatl yyectlon cuicatl y çan ca ompa ye huitz yn ichan ohuaye ilhuicatl ytec y çan ca ychampa ye huitz nepapan xochitl a ohuaya

Ono yecoc xochitl xopanixochitl totonatimani ehuaya nepapan y xochitl moyollo monacayo yehuan Dios a ohuaya

Acon anquinequi moxochiuh aya in yehuan Dios Ypalnemoani ymac onmania Miccacalcatli mimilihuin cueponi coçahuia xochitl totonatimaniye etcetera nepapan y xochitl moyollo monacayo yehuan Dios a ohuaya

Çan niquimahuiltia in tocnihua aya chalchiuhcalico xochinpetlapan yticpa huehuetzcan tla’tohuaya in cuicanitl ahua yyao yia yiao ayyaha ohua

Xochinpapalotl tepan ahuia man tlachichina ya toxochiuh o tomacxochiuh y tencacehuazhuia tacaieuh o ic malintimani yhuan ahuiaxtimadclxxxi huehuetitla o xonahuiacan a ohuaya

Tlapapal cuextecayotl

Yn ma ontlachielo ya tomachuane ticcahua tlapalizquixochitl moyahua yehua oncan temoc yn itlayocol yehuayan Dioxi cemanahuaqui dccxix

Yn quetzalcalitec hotenco ya oncan ye tonca yn tichpochtli Santa Maria queçohuel oncan ticyatlacatili yn Dios ypiltzin nepapan cozcatl ma yca ya man tlatlauhtilo ya

Çan timotimaloa ynic aya iuhquin cozcatl toyahuaya ye momactzinco moyetztica in Dios piltzintli nepapan cozcatl ma yca ya man tlatlauhtiloya dccxxi

Yn quetzalpetlatipan aya tonca ca ye mocha ilhuicacihuapilli yehua nepapan in maquizteoxiuhcalitequi tontlatlauhtiloyan tlapalchalchiuhihhuitl moxochicuentaxtzin ticpouhtinemi a ypan ypan aya timitztlatlaocoltemotinemi ya ylilili yahuiya

Yn nepapan tototl yn moquecholhuan Tiox tzatzihua ya nica a aquin huel iuhquin tlahuizcalli patlantinemi a angeloti oncuiya dccxxvii gloria in excelsis Deo xahuiaca xompaquica ane

O anquin huel iquac topan temoc yn ilhuicac tlanextli ya nepapan xochitl moyahuaya oncuica ay in moquecholhuan Dios gloria in excelsis Deo xahuiaca xompaquicaan e

A yn oquicaque in oriente in teteuctin i inilhuicapa onilhuiloque aya tlalticpac ca omonexti temaquixtiani teocuitlatl copalli ya mirra concuique ye ic onacico ya im Pelemdccxxviii coniximatque nelli Tiox nelli oquichtli ya

Yn tla timochi titlamahuiçocan ticcahuane onca Belem huel ixpoliuhtoc quetzalli yan cozcatl chalchiuhteuh oncan xamanque yn pipiltzitzinti papalmaquizcozcaticadccxxx a motimolotiaqui ylhuicatl ytec aya yn tepilhuan an a

Yn choquizcuicatl momamalintoc tlayocolxochitica a ymelel quiça in motlaçohuan Dios tlapapalmaquizcozcatica a motimolotiaqui ylhuicatl ytec aya yn tepilhua an a

Chalchiuhizquixochitl ynmanca nontlachichina ya nitlacuilolcozcaquetzaltototl nictzinitzcanamatlapaltzetzeloancuicayecahuiloyotica can nonpahpatlantinemi oo ahuayia oo aylili yancaya

On nepapan in cozcanenelhuatica nicxeloa ye oncan noncuicapehpena ya nitlacuuilolcozcaquetzaltototl nictzinitzcanamatlapaltzetzeloa cuicayehcahuiloyotica çan nonpa’patlantinemi oo ahuayia oo aylili yancaya

Çan ca tlauhquecholtlapalayauhtimani a oncaan y ye mochan i tiSanta Maria ayia yeooo ayia yeha

Y çan ca xiuhquechol nepapan tototl chachalaca ya yca tontatlauhtilo yan i tiSanta Maria

Y iaho yaho yiahue a ihuic temoc San Gabriel ye quitemohui oo a ynic tlatlauhtilo ya a y Santa Maria Ave Maria an o ticihuapille tlatocacihuapille yxquichcapa ya timitzontotlaçoyectenehuili ya ho

Yn tlapapalmaquiztototl motzetzelohua ya Espiritu Sancto ya a impa ye temoc apostolosme çan ipaltzinco Totecuiyo in Dios a

Ontonacaxochitlahuizcalehuaticac onca ye tonca yehua yan Dios ilhuicatl ytec aya nepapanchalchiuhchayauhtoca yn motlayocol tiqualtzetzeloa aic tlamiz in cuepontoc xochitl yectlon cuicatl tlapitzalotoc angelota in mohuicpatzinco titotepechteca timacehualtadccxxxviii a Ycelteotla ya nepapanchalchiuh

Xiuhtlapallacuilolamoxtli mancan aya maquizcozcapetlatl yonoca ypan tonca aya tinopiltzin teuctli don Diego aya ahuayie ahuayiancoya

Maquizquecholli quetzalli ya macpan tica ya timatlapalçohua Quenonamican a y don Pilipe ocentiya oo nopiltzine

Oyohualli xochitla yeehuaya tlachinolxochitl a cuepontimani ya chichimecapa ytech ye tonemiya tixochilhuitl ocentiya oo Ocentiya oo Nopiltzine

Yn ahua nohueyohua nacico yan nican i y san Pilipe Azcapotzalco niquecahuico nepapan ihuitl çaquan patlantihuitz ayaiya yan caya

Nixiuhquecholpapalotl patlantihuitz aya notozca nahuac oya anqui nica anqui nicaana xinechnanquili ya tixochayacachtototl xiyatlapitzaya tocuic toxochiuh ticyamana y san Pilipe notozca nahuac oya anqui nica anqui nicaana

Nimitznohuiquiliz totecatihui in tocochiyan xochiatlapandcclxxviii Tamohuacha yn tinenemi Xolotzin yia oohuiya

Nican ompehua Tequihquixtilizcuicatl ypan tlacueptli teotlatolli yc oquiz ilhuitzin San Pilipe yquac yn oahcico España ytetlauhtiltzin Su magestad in tlahuiztli quimomaquilia altepetl Azcapotzalco Tepanecapan ypan xihuitl yehuatl oquitecpan don Francisco Placido governador Xiquipilco auh y xihuitl ypan omeuh Yquac Governador yn Azcapotzalco don Antonio Valeriano

Macuililhuitl ye ipan ohuaye ochihualoque yn atlan chanequidcclxxxviii niman yeehuan o nepapan tototl patlantinemi yiao ohuiya

Yn izcatqui ca onamechmacac nepapan in quahuitl aayiahue in motlaaquiloti ya a cemanahuac onoqui nepapan celiztoc y xihuitl ye nicaana ya mochi ca xinemican

Yn ye cemani yehuaya in mopixohua in tlalticpac tlaca çan no iuhqui tlapihuique nepapan o o yn tlatlacolli yehuaya ye ica y ca oppa omoqualanalti in Dios ocapacho ye cemanahuatl yio ohuiya

Cihuacuicatl ytechpa ynezcalilitzin Totecuiyo quitlali don Baltasar Toquezcuauhyo Colhuacan tlatohuani quitlauhti y nican Azcapotzalco tepanecapa tlatohuani don Diego de León tocnotlatemol ypan xihuitl años

Yn ye huey pascua techmaquixti omozcali Totecuiyo ma ompapacoa titlachihualhuany teocuitlatica y antlachinolquatechone’quedcccxi noconetzi axcampa qualcan a ma tictotlatlauhtilica oohuiya

Tlatlapalcacamaxochitl tozcuicuiltzetzelihui moxochiotzin topan onpixahui ma yca yca ma neyahpanalo a'niuctzitzinhuan tlalticpac nica cecentlamantihua

Toznenexochiçaquanpapalocihuatl don Palacisco izca moxochitzi ma xonmitotiya oncuica cuican tla’tla’machmoyahuacmoxochiacuetzin ye nohuipiltzi ye ipan aya xiquimonitoti ye mopilahuiltilhuan ichpopotzitzinti cuix mochipa ye nica ca çan totlaneuhcon tlalticpac nica cecentlamantihua yiohuiya

Aytzinicutzin nocihuapotzi tozpapatzi titlatlapalxochitl a nimitzonmama nopilahuiltiltzi tocnotlatemol don Diegoton i tla nimitzitoti iz ca moxochitzin yhuaan mocuictzi tla nimitzonehuili ololotzi aytzin etcetera dcccxvi

Yn ye o ya xamoquetzaca a in ye ompoaltonaldcccxx ca yic onneçahualo ya anteocuitlanepapamichime anqui nelli ye axcan moquetza mozcali o Jesucristo yn Ipaltinemi yn ahua nomatzi yn a o anqui ça nelil ya ye’coc yn ilhuicaquin yn mayauhcampa motlalito  ytatzin in Dios ahua nomatzin yn a

Acalla moçoma Ypalnemoani in quetzalxomomichini matlac in ye quiça y in Temilotzini yn oonanoc tlapalxohuili ton Helnanto yn don Petolo in ye nelli huey pochotl ytech teçohuaque acacueptitlani acon ah calaquiz ca timitzitzinti ohuio ha

Çan tlacateccatl  tiTemilotzini tiquiyanotza mocnihua tiquelnamiqui ye ic malintoc cococ ycaya mochoquiz aya yn oonanoc tlapalxohuili

Yn michçaquantzin xalmitzitzintin ampapactoque xiuhacanelhuatl ye ytlan aya in quetzalacpatl y in cuecueyahuatoc

Yn titlapaltecuicitzini quetzalli an atzalan ticnocahualoc tiSan Joan otiyadcccxl ilhuicatl ytec ye Jerusalemdcccxli gloria ticmati ya yan cuix nican tocha obispo ya yn pahpacohua ma yahuiltilo Ypalnemoa çan ca ye nican i yn teocuitlachacalin i tlapapalmichin i otiya oniya ilhuicatl ytec

Nompehua ya nocuica ya an a xochinquiyapan i noconahuiltia y yehuayan Dios ye xiuhquecholmichçaquantzitzin cuecueyocatinemi ye chalchiuhatitlan i xompaquica ahua tomachuan e

Y xihualquiça timitzitzinti tla timochin tontihtotican i ye iquiyapa yehuayan Dios ye ixpan aya tonquiçatihui obispon teuctli yancayio

A ilhuicatl a ytec ye hualmotzatzilia Ayoquan michin i atetetzonatlauhcatl ahua conetle a ypan ye tlapan atliyaitec chalchiuhacalli ya yn tepiltzin Ce Tochtli cozcamichi onnecuepaloc yn quine nopiltzi nomache

O anca nicahuanee acatitlan tonoque man titotlatican ye no cepa huitze amoxtli yn cuedccclxxvii çan nohuiya tlaxixiltihuitze can nelpa toyazque yn nepapan atlan tonoque yyancayome ho ahua yyahue ma xinechyayttacan y natepocatzin ma ya oc nicaan onehuato ya nictlanquiquizcuicatia ahua teuctzintle Jesu Christoin Ipalnemohua ya yxquich tiyanemi hue

Teocuitlapapalotlacuilomichini tontlachichina ya ye coçametl ytequi ya cuix occeppa yhuin cuicatl aya man timitzonpiqui ca man timitzehuacan aya ma moca tontellaquahua ca

Oncuicapehua ya quitzintiya o yn obispo cemanahuac nemi a yn moteyo ya quetzal tolini xelihuia yn motlatol chalchiuhatatapalacaxochitli ma ic tonahuiyaca hoy

Yn tla xihualhuiyani yn atlan amochan in quetzalteuh nepapan o anmimitzitzinti ye cuicatiloya a Dios ahua nomatzine anahuaca michino yn Tapian ayio

O ayac ye quimitta tlamach mani ye incuic yxochiuh achilin an tlapalacaxochitl tonalaxochitl ayca onmitotiya chalchiuhatlacuilolme quimocuicati ya xochcatzin

Yn tlapapalatlacueçona yntlan tonemi ya Achichimatzine xonmahuilti mamacaxochiuhcmi ycaya

Ceyohual in tlatzontequin Dios onteyttohua onteyhua ca ompa ximoa tocnihuane tocnihuane xompapaqui hue

Ca yohualli ixelihuiacmxix ye temo ya o yn Spiritu Santo no tiXesucristo on ca oncan anaya y moxacal ymancatonehcoya onilhuiço ca moxxochin tlapaltototl yn Icelteotl e ohua nomatzine y a

Tla ticmahuiço ca tihuexotzinca pipiltzitzintine ticcahuane onca oncan aya y moxacal ymanca tonehcoya onilhuiço ca moxxochin tlapaltototl yn Icelteotle ohua nomatzine y a

Yn tlapalomixochitl y ye xochitl tlatlatzcatimani a çan tiquincecenquixti a oo a yca titapana çan tipipiltzitzinti o xiuhquecholceceliztoc ohuao aye

Ma xihuallacan ticcahuane yn man toconteocuitlaamatlayehuacacmxxi yn topapalomatlcmxxii ic tellel onquiçaz ohuao aye

Yn nepapan yhuian tlatlapalpouhtoque in toncozcaçotoque ic tontopechteca yc tocontlatlauhtia oa in Santa Malia yn mochipa ichpochtli yez ayancayancaya

Tlaatlapalilpitoqui tlayolcopixauhtoc yn motlatola amoxcalitec yn Dios aya oncan mitznonotza mitzoyatlatlauhtia in Patilime ye topampan timomacehualhuan a

Timoquetzalyyectia toncuicmxxx ya teixpan timoquetza ya amoxtli mahtlapal an ticçocohua ya tixiuhcoyolinpapalotl y ya pelesitente çan toncuicatinemin tlacuilolapan i çan timotzetzeloa ya tlapalcamopalcamil cecelia moyool yyancaya yectli ya mocuic yectli ya moxochi ya toztlapalhuiconticac ytlan tonnenemi tonquiquiztinemiquetzalacaxochiatitla tontlatlatoayan tlapalcamopalcamil cecelia moyool

A o xoxopan on tinemi tlalli ya ycpac tomachuuan ticcahuane man tocontetequi ca ca camopalcaxtlatlapaxoxoochitla ya can cuel achic onneneneco ya

A yhuan ommomalin cuepontimani ya tolciymaxochitl man tocontetequi ca ca camopalcaxtlatlapa xoxoochitla ya can cuel achic onneneneco ya

Çan nixochintlatlayocoya nihuexotzincatl ye nipiltzintli ye nItztolinqui noconelnamiqui Ce Totzicmxxxiii oncan ye poliuh atly a ytec ylhuicaapan xitlaneltoca ca ahua tomachuane

Yn çan no iuh ye quichiuh Nozcacauhtzin oo apa hualhuetz ye Tenochtitlan i ymatiya ye yehua Malques xitlaneltoca ca ahua tomachuane

Yn ma xonmittoti ma mellel onquiça tla yaa ontzitzili ca moquaoximayatzi an tinoMatzin titon Palacisco nepapan cozcatl y ylacatziuhqui mocacalatzin y ayeo ho aya yeha

Ahua teotle xiuhtotoahuachpixahui a a yn motlayocol tiHuanitzin y tiquimilnamiqui miccatzitzinhuae ye iquiapan Ycelteotl yquixoxochimacato in tlatohuani yehuan pelaloz ahua tocnihuane

Ma ya papaquihua ma ic momalina tlayocoliacmxlvi techtlamacehui o anqui ye tozcauhtzin San Palacisco ya anqui ye axcan ye itech ahcic ymahuiçon Dios teucyotl oo anqui tlatocayotl ylhuicatl ytec çaquancalco quetzalcalitec conayatlali Ycelteotl y ma yca ya an netlamachtilo y tipipiltzitzinti ya

Yn ma on nahahuialo ticcahua o antecpilhuan i yn ma hualnequetzalo yn ma ya oncenpantihua tictlatlauhtizque Ycelteotl y çanio y ye onca ytloc ynahuaque ao ceceliztoqui a yn iye xochitl oncan toconhuitequizque in tecoçauhtic xochipapalotl ohaye ho aya yeha

Tlatlapalpoalti a yn pipiltzitzinti y huexotzinca y camohpaltic huitztecolxochipaltic aya ixpan onquiça Ycelteotl y çanio y ye on can çan tzinitznican y celiztac ooy cempoalxochitl ontozyhuimomoyahuatimani ye oncan y çan can xiuhquecholayauhtonan mamatlallahuizcallehuatoc ytech ye oncuica teocuitlachopiltzi quimonahuilti a y ye ixquich ytlaçohua ye iquecholhuan Dios hoaye hoaya yha

Ma xihualla’lacan papalome o antlantlachichina ye onnetlamachtilo ye iquiapa Xesuchristoye ixquich ytlaçohua ye iquecholhuan Dios hoaye hoaya yha

Yn tlapapalamoxtli moyollon tipala Petolo yn quexquich mocuic yn toconehuili a

Xochiaatepa panahui ya oo San Quilistopal ça ye quipanahui ya o yn tlaçoteotl Jesu Quilisto xochinpapalomatlahuique

Xochiatempan çan mitztlacanotza y yehuan Dios San Quilistopal çan ye ixquich oo ca ye o ticnapalo a yn ilhuicatl o y cemanahuaqui xochipapalomatlahuique

Xamelaquahuaca tihuexotzinca pipiltzitzintine tla tontahuiltican yyahue tla tonquetzalhuitzitzilpapalomatlahuican tla tiquinmonchiacan yyahue in tlacaço no yehuatl in palacmlvi Petolo in totlaçotatzin yqui tlatlatztihuitz in tocenteucyo ya Icelteotl a

Tla tonhuiya tohuiya hui tipipiltzitzinti tla tocontequican tlapapalxochitl ma ic tontitotican yyahue in tlacaço no yehuatl in pala Petolo in totlaçotatzin yqui tlatlatztihuitz intocenteucyo yn Icelteotl a

Tonpapactoque in toncuicacuicuicatoque a hue titlalacueçaltzitzin a y xiuhquecholcapolticpac aya anqui nel ye oncan in toconchichixtoque in huey a in Malquex yaya in tomatzin a

Xochitl tlapaltototl ya cacantzatzi ye totatzin in Padre aya a ymac onicac yn xochiyacoloz quitlatlauhtia on in Tiox aya Xam Palacisco ya ma oc cemilhuitl on xictlatlauhticançan cuel achic ca ymac ye nican tipatlantinemi yn ticacatzitzin ma ya ahuialo nican Tiox ixpan yn ma ya neçohualo cacatine e

Ie yca tichoca nican tinepapan tlalacueçaltzitzintin aya in huel tocolnamiquicmlxxx ya tomatzin in tlacuiloltototl cacatli mochiuh yehuan Capitan yca ye tlacat contzinitzcantlapalaqui yn icuitlapiltzin conchalchiuh a ycuilotzincmlxxxi ya tlapaltzincmlxxxiiteocuitlatl ytentzin anqui nelli huee yectli aya tomatzin ne a

Çan titlaocoxtoque tinepapantlalacueçaltzitzintin aya in huel tocolnamiquicmlxxxiii a ye tomatzin tlacuiloltototl cacatli mochiuh yehuatl Capitan a Yca ye tlacat contzinitzcantlapalaqui yn icuitlapiltzin conchalchiuh a ycuilotzin ya tlapaltzin teocuitlatl ytentzin anqui nelli huee yectli aya tomatzin en a

In huel e compaqui a çan noyollo ya in nitlaçocacatzin nito Helnanto mach nicyaohuicaz yectli ya xochitl in ma ic ninahpantiuh quenmanian nican yn auh yn amo çan ninelaquahua noconyta ya xochincapolxochitl on quetzali a xeliuhticac on tzinitzcan yn xotlaticac on chalchiuhitzmolintoc ya no cuel ye no huitz huitzitziltzin yn papalotl in pipiyoltzinixquich tlachichina nepapan xochinquahuitl ommochiuhtimani ye nica

In ye ica nichoca in nitlaçocacatzin niton Helnanto mach ye nicyahuicazcmlxxxiv in yectli ya xochitl yn ma ic ninapantiuh Quenonamican

In niquetzaltzihuactototl oncuica yan in cacatzin in ton Helnato onquetzalpepetia mamatlapaltzin ynin motentzin tictzetzeloa yan yn ixpan Tiox yn Ipaltinemi nohueyotzine e ahua nomache

A oncan tiannemiancmlxxxvii in xopancacatzin in Palacizcoyan conquetzalpepetiancmlxxxviii mamatlapaltzin ynin motentzin tictzetzeloa yan yn ixpan Tiox yn Ipaltinemi nohueyotzine e ahua nomache

In tlaca nelli on in tlacuilolapan ninoyeyectia çan ninotzetzeloa aocac ye nocniuh nicacatzin yn amoxpetlatipan oncan on titlacuiloa çan niton Helnanto in timamanahuiltiacmlxxxix in nohueyohuan nomache e etcetera

Ixihuinquetzalhuitzilcmxc papalotl a y Palacizco ya Acacitli teuctli in tlauhquecholhuitzitzilin papalotl a y  ton Helnanto Omacatl teuctli quetzalquiquizcopa yan quinotza quitlatlauhtia in Tiox nohueyohuan nomache

O anqui ya yehua in y amoxpetlapan oncecenquiztinemi in tepilhuan huiyan yn tlauhquecholhuitzitzilin papalotl ay in ton Helnanto Omacatl teuctli quetzalquiquizcopa yan quinotza quitlatlauhtia in Tiox nohueyohuan nomache

In noncuicatolotica on çan nixochitlatlaocoxtica ymapan in chalchiuhcapoltzin in niXochitlalacoçaltzin in niton Helnanto oc xonahuiacan anca çan totlaneuh in ticacatzitzinti nohueyohuan nomache

Oc nontzatzatzitica in nontlatetoticacmxciv ymapan in chalchiuhcapoltzin yn niXochitlalacueçaltzin in niton Helnanto oc xonahuiacan anca çan totlaneuh in ticacatzitzinti nohueyohuan nomache

In paqui noyollo noconitoyan nomatzin ton Helnanto teuctli ma xochiantlapalaqui ye motlamachitlaçocacatzi in tlaoc ompaqui nican niin

Yn quetzalli yan ye momoyahuan ya mocuitlapil ton Helnanto teuctli anmoxoch i an motlapal aqui ye motlamachitlaçocacatzi in tlaoc ompaqui nican niin

Inahuiya yamii nican e yn tlapal alotzin i nepapan ni yhuiyotzin noconyectia niquetzalxiloxochiocoticpac xinechittacan ixquich in cacatli yn ahua nomache a

In huel yectli niquito yan in nitlapalalotzin inn o nepapann i yhuiyotzin noconyectia niquetzalxiloxochiocoticpac xinechittacan ixquich in cacatli yn ahua nomache a

O anqui momacehual yeco oliniamiv yn Ipaltinemi icpac ontlatoa xochitapachcacatzin in ton Xoano an

Teocuitlacácatzine chalchihuitl ye motentzin o quetzallim a a matlapaltzin tompapatlantinemi tontlatlatoa ye nican a

In huel nimitzmahuiçohua nomatzine chalchihuitl ye motentzin am o quetzallim aa matlapaltzin tompapatlantinemi tontlatlatoa ye nican a

Çan niquittoa yan can yya ic icnotlamatihua çan nitetlacauhtzin niton Helnanto in ma oc tomacon manian in tlapalhua’calxochitl on yn antepilhuan in toconcauhtehuazque a in quenmanian yanco yancayame

Çan temac nipapatlani nicoyoltototl  ninellaquahua niteuctli yehua niton Helnanto nichoca yan campa nel toncalaquilizque ticahuane ye tomachhuan

Ca titlaocol toncuicayan ahua conetle e titon Helnanto ca imac tipapatlani in tlatoani Cozman moztla huiptla quen quinequiz yiollia

In noncuicaamoxtlapal ya noconyaçocouhtinemi nixochialotzin nontlatetotica in tlacuilolcalitic ca

In niquetzalaapetzcacatzin teocuitlacapoltitech aya  nopipilotinemi a nitlapalcacatzin in oay ye yo

Ninahuiltitinemi yan teocuitlacapoltitech aya nopipilotinemin nitlapalcacatzin oay e o ym

In topapaqui nomache in titon Helnanto toconquetzalitztoltzetzeloa yectli a mocuic in ixpan Tiox ye timahuilia çan ticacatzine a

In cuix occepa ye nican ompapatlantinemiquiuh a yn cacatzin Xihuan Pelez aya annomachhuane tlalacuiçaltzitzintin e at çanio yn nican maoc onnecuicuicanenonotzalo huehuetitlan naya çan tiazque yn ya ychan yehuaya in Tiox a ea

In nican niecoc nicacatli a ye i quiapan yn yec ytentlapaliuhquetl in ton Helnanto aya tlaoc xiquitacan tlaçotlamachcacatzin moçouhtinemi ya moxochinchamolquatlapalnemach quemach mixtlan miti y nica in ichiuh ahua conetle ahua pille xaahuiacan netle ea

In xopantla tihuala pa yamilmxxiv ypan totecaco in Tiox aya ye acuecuentla in ton Helnanto ma nicyahuica ya chalchiuhelotl xiuhquecholxilotl cueponton aya man amatlapaltitlan nicteca ya ma nicaxiti quetzaloyametl ymapan aya ahua conetle ahua pille xaahuiacan netle an

Maquiznelhuayoticac tzinitzcan ahua izhuayo y tlaaquillo yn ahua quahuitl ymapan momalacachoa mopipiloa yam xihuinquetzalcacatzin ton Helnanto ahua tzatzapol quiquatinemi a

Cecnipa quahuitl ymapan aya oncan ye nimianmxxvii quetzalchitoctzin quauhtotopotzin ny quahuitl  yc o tiauh yn oncan quauhyehuiloa tlacaço yehuatl yn Acacitzin tlaquicmxxviii aya etcetera

Tlatlamantitihui inic Ximoa ylhuicatl ytic ticacatzin in nepapan niquittoa nican inin ma nel huel quetzalli niquixhualtia mach yc nitlaçoyazmxxxi ayac tlaquahuac nomache

Totolinico ya nican y Xochitlalpan ticacatin yn nepapan niquihtohua yn nican inin ma nel huel quetzalli niquixhualtia mach ye nitlaçoyaz ayac tlaquahuac nomache

Chalchiuhtlacuilolli o in cuicaamoxtli onquetzalxilohuitoliuhtoc in yectlon cuicatl xochinpapalocalli ya yc ompa hualtemo in cuicatl ompa niccaquia nicuicanitl yehua in itlatol ilhuicac ye ichan angelota ha etceteramxxxviii çan nepapa çan itica yao ontzauctica ca xochipapalocalia yc ompa hualtemo in cuicatl ompa niccaquia nicuicanitl yehua in itlatol ilhuicac ye ichan angelota ha çan nepapa çan itica yao ontzautica ca xochipapalocalia

Ixochiamil ipan can ye onnemi in patlantinemi a ca yehua in Tiox yxiuhquechol icpitzin inteocuitlatlapal ica tlapetlania in huehuetitlan xopancalitic cuicatlapayahuitl mania etcetera

In chalchiuhxaltomacocozqui a ca yehuan Dios ixiuhquechol icpitzin inteocuitlatlapal ica tlapetlania in huehuetitlan xopancalitic cuicatlapayahuitl mani a

Tiquetzaltototl titlauhquechol tompapatlantinemi yn Ipalnemohua timohuihuixoa timotzetzeloa nican moicnochan moicnocal a imancan ohuaya ça ye monecuiltonol moteicnelil in tlalticpac huel onemoa timohuihuixohua timohuihuixoa timotzetzeloa nican moicnochan moicnocal a iman can ohuaya ça ye monecuiltonol moteicnelil in tlalticpac huel onnemoa timohuihuixohua

Moquetzale’cacehuaz tic e’capahuia  ye tlachia in cozcatl in ye tlachia in quetzalli y ye nemalinalo ayahuitl çan topan mani ma quiça om a yectli xochitl ma momac onmani a on xochimalintocamocuic amotlatol

Xiuhtlaquetzalli mochiuhticac in Santa Malia ilhuicac tlaquetzalli mochiuhticac yehua in Tiox anconapaloa calli ma nican anconpachotimani Anahuatl o a in ilhuicatl ahuaya etcetera

Quenonamican cono ye ichan i ma itquihua in cuicatl i çanio nican y iz ca anmoxchiuh aya mopapaleuh ic tonahuiltia in matlatzincatl in Toloca in Tlacotepecmxlviii in ma onnetotilo ohuaya ohuaya mxlix

O ylacatziuh ya om moxochiuh aya mopapaloouh ic toconahuiltia in matlatzincatl in Toloca in Tlacotepec a ohuaya mliii

Ça ye netlapalolo in tépilhuan in âcolihuaque in antepaneca ohuaya etcetera

Yn otépeuh Axayaca nohuian Matlatzinco Malinalco Ocuillan Tequaloya Xôcotitlan mlviii nican ohualquiçaco Xiquipilco oncan oquimetzhuitec ce otomitlmlix ytoca Tlilatl auh in oahcico quimilhui icihuahuan xitlacencahuacan in maxtlatl in tilmatli etcetera mlx Anquimacazque amoquichui oquinenotzallanmlxi ma huallauh yn otomitl yn onechmetzhuitecmomauhtihtica in otomitl quittoa anca ye nechmictizque quihualhuica in huepantli in tlaxipehualli in maçatl ic quitlapaloco in Axaya momauhtitihuitz auh çan oquitlauhtique yn icihuahuan Axayaca  

Yaopapaquinitzin tlahuiznenequitzin ayyahue in quachic aya Yxtlixochitle xonmittoti a in quauhquiahuac Mexico nican y Mocueçalizchimal o Cuecueyayan Temalacatitlan yn ximochicahuacan netle ya

Tla oc xonmitoti o toOquizteuctlimlxxxi titlatohua ya xictzotzona in teocuitlahuehuetl xiuhtlemiahuayo concauhtehuaque’ in teteuctin tlatoque auh ooya yehuatl ye xiquimonahuilti in nepapan tlaca tonahuac onoque tlaxcalteca yn meetlo ye huexotzinca y meetla

Tel huelmlxxxiii yc aye onez Mexico ye nican Cuitlachihihuitl aya in tla’tohuani yhuan ylteuctli Tepixohuatzine anqui mochtin ye micuiloque ye in chimaltitech oo nepapa tlaca tonahuac onoque tlaxcalteca yn meetlo huexotzinca yn meetla

In quauhtli ya pipitzcan a ocelotl chocatica tinopiltzin Macuilmalinalli çan ye oncan Poctlan Tlapallan yeco y achihuamcix a yn mexica y mehetla

In quetzalaxomotzin ompapatlanti a noxochihueyotzin yn Tlacahuepantzin aya çan quitocan tochin teuctlapaliuhquetl y yn cuexteca meyetla

Oyatihuintique notatahuan tlapalyhuintitl y ma nemaytitotilo ya çan ca ye ichan huehuexochihuaqueh ho ça quetzalchimaleque

Çan ye onnentlamati y noyolio nitlahpalihuiquetli a niNezahualpilya çan niquintemoanachihua anaya oyahquin teuctli Axochiquetzal aya yahqui tlapaliuhquetl ylhuicaxoxohuic ichan tlatohuatzin yn Acapipiyol mach oc quihualyaxochiaoctli yya ye nican nichoca yca ohuana

Yn huel monequi Ipalnemoani ye tlatlapanalo in tapiloltzin timexicame

Ye tlauhquecholxochitica yeh i yacaxochitl tzinitzcan a ocoxochitl ye ic conmamalintaz ymecapaltzin yca ya quimotimaloa in tenochcame ayahue etcetera

Ha in Quauhtemoctzin in Coanacoch uca a yn Tetlepanquetzatzin quimocaquilique nepapan tlaca ynic onnemacoc tlacochihcuiliuhtoc tenaxa haya notlatquentzino a etcetera

Ye hualmoquetzaya yn a itlani ymac onmani a in teocuitlacopa huel cuecueyoca in quetzalatl quimoitilia in mexicame huel papaqui y tla tonehua in pixoley Amen

Nichoca ehua icnotlamati amcxli nicuicanitl oc nicyatlapan noxioapitzapilotzin

Yn quitlalya ma xochiatitla niyaichoca ehua onicatlapan yn noxiuhapetz aya

Yn canon nican catca yaya o aya a in intlil intlapal motlachihualhuan on atlamemeleque a in teteuctin oyyaye

A yn tlachinolaçacayatzin ha ica contecazque ha ynic tequitizque tenochcame ya ha yaha yacayome mcxliii o anqui ya huel yehuantin ha inpan ya mochiuh ha in Quauhtemoctzin in Coanacoch uia aaTetlepanquetzatzin quimocaquilique nepapan tlaca

Ma tictzinitzcanahuechotihuianmcxliv ahuachotiuh in tzaqua can on in ye tohuicoltzin xoconteocuitlaquemachhuimolocanin tomecapal aya ma itlan tonaquican tatlamemel aya yhuicpa in Pelatol haya

Ye chalchiuhatica ontzetzelihui pipixahui noneapanaltzin ye itech aya

Onacaxochiamatlapalceliztiuh ye ontzactiuh on xitlacuilolli a yn napiloltzin ic noconmemeya xinechitacan nohueyohuan

Ton palay Xihuan in opixpoh aya conteocuitlapayoyectia conatzetzelota atlo yan tepetl yaye

Ye mach aya nelli anca oyaqui in totlaçotatzin in obispo aya conteocuitlapayoyectia conatzetzelota atlo yan tepetl y yaye

Yn ma tonhuian on in Chapoltepetlan in quetzalatempan xiuhquecholçeliztiuh macpalxochitl ic ontzactiuh tochalchiuhhuicoltzin ahua nicahuan ma oc amoyolic ma antlatlapanti yc techonahuazque in totecuioan yyaye

Y ma huel yc on tlatotoyacatiuh yyohuaya y ma huel ximimattihuian ompa tocenquiça in tenochtli aya ymanca yn Mexico in xiuhquecholceliztiuh macpalxochitl ic ontzactiuh tochalchiuhhuicoltzin ahua nicahuan ma oc amoyolic ma antlatlapanti yc techonahuazque in totecuioan yyaye

Ma xoconmahuiçocan yn antocnihuan yn anhuexotzinca ça ypan mochiuhtica a ypapa yehuaya çan yehuan Dios ye contlatolhui ya yohuaya ohuaya

Ça yeehuaya ypetl ça yeehuaya cpallomclii ypan onca yehuaya a y Papa yehuaya çan yehuan Tiox ye contlatalhui amcliii yay ohuaya ohuaya

Hoch aquin o teocuitlatzatzazco oncan onhuetztoc yn tlacaço yehuatl a i Papa ya çan ca yxiuhtlacalhuaz yetoqui yc onntlamomotlatoc ahui in cemanahuaqui ohuaya etcetera

Ach in onca ye ichan çan yehuayan Papa ya teocuitlapapaloycuiliuhtimani a ontotonaticac ohuaya ohuaya

Tlaztalli moteca tlahuizcalli moquetza tontlachia yn atlitic y mixayauhtitlan i ye oncan mahahuili a mahuiltitinemi papalomimichti ohuaya etcetera

Ma xicyaithuacan yn antocnihuan i ylhuicaaxochitl o o moyahuatimani ye oncan maahuilia maahuilitinemi papalomimichti ohuaya ohuaya

Mixayauhtitlani ye tontlachia y ma ximotlapalocan yn tiCoayhuitl y çan ca titlatol huiya ma xoconmatican atl in xoxoquiuhtimani ay ohuaya ohuaya

Quen can moma o yn Motelchiuhtzin huiya a inpan ye tlapan ym acalli a atl quiyahuicacon yn Coçamelcomclxvii yn ohuaya ohuaya

Tla xoconyacaquican anhuexotzinca çan hual ixiptla y Xan Jihuan paha yn huey citlali ontzatzi a yehuaya conittoa ximocencahuacan ca ye huitz on a in nelli teotl a yn tlatohuani an coyananquilia in nepapan tlaçototome ohuaya ohuaya

In çan qui ya ichan y  tlapapaloztocalli cacan y yahue çan yehuan ya Papa ya teocuitlatica ya a on tlacuilolli ya techonyaithuiti yamclxxxi ohuaya ohuaya

Yn ma xicaquican in antepilhuan i tonahuac onoque can in ma iuhcan ohua ca ye iuhcan yn ichan Tiox in Loma aya oncan ontlapiya on ca yehua ya Papa yan  ohuaya ohuaya

A oncan ya onoqui ca yehua yn tenan yn itoca yn Santa Sellaya a yn Loma aya oncan ontlapia on çan yehuaya Papa ya ohuaya ohuaya

In tlapalihuinxochinquahuitl a cuepontimani ya Tiox ye ichan i yn conchichintinemi in tépilhuan i yn teuctli on Anahuacatl ayaanqui tlacateccatl yn Cuitlachihuitl in ye onmotlamachti a ylhuicatlytic ayyo ohuaya ohuaya

In quetzalchalchihuitl i anqui xihuitl tlapaque in tépilhuan in mexica yn huexotzinca yn in teuctli on Anahuacatl aya anqui tlacateccatl yn Cuitlachihuitl in ye onmotlamachti ya ylhuicatlytic ayyo ohuaya ohuaya

O anca ye oncan Tiçaapan i cococ quimatito mexica on yn chichimeca y ohuaya

Ye nican Tollan Tlapallan quichihuaz in tonahuac onoque ye nican polihuizque in tonahuac onoque ye nican tzanatl yhcahuacayan cohuatl yçomoca ya çan michin patlani ya ye nican

Cuepontimani yan yn nepapan xochitl ahcemellecan in totlatohua on tiMoteucçoma y ohuaya

I niman iuh quinahuati a yn Huitzilihuitl ye nican polihuizque in tonahuac onoque ye nican tzanatl yhcahuaca yanye nican cuepontima ya nepapan xochitl ahcemelecan yn totlatohua on tiMoteucçoma y ohuaya

Ça nihualla o caya yehuaya çan nitlaylotlaqui maça yhui yehua maça oanquittoque in tonahuac onoque onchalchiuhtlapaniz toyollo yehua ytloc ynahuac Ypalnemohuani ohuaya

Yn mach oc quihualmati a yn tlacateuctli in Moteucçomatzin a yn Cuitlahuatzinn i ximotlapalocan anmexica yn antepilhuan y quen quittoa Ypalnemohuani ohuaya

Çan tomotlamachti ya  Ymopalnemoani in tlalticpacqui ma niman oc an xiquimilcahuan i yn mexica yn yn Tlatilolco yn teocuitlapantica ontlahuizcalehuaticac yn a yn tlaylotlaqui ohuaya ohuaya

Çan coyachichina ya nepapan xochitl in mahuilia mahuili on xochitla ycpacan ohuaya

Timalintihuitz xochincuahuitl on huehuetzca ni xochitl a yn Tamoanchan xochpetlapan ayahue mimilihui xochitl a nelhuayoxochitl ayehuaya xochitl y quetzal yticpan toncuica titlaylotlaqui tahuiaxticaqui timalinticaqui ahuayyao ayyayye ma tahuiacan a ohuaya

Tlachinolpoctli on chimalcocomoca ehuaya oyohualteuhtlehuayaonnenehuixtoc yn moxochiuh yaotzin ycahuacan ye oncan nepapan in quauhtli yn ocelotl a ohuaya

Yaoxochiatlapan aya ye chimalpapalocalli manca huiya a oncan in tlacochtica quipoa contlatlaztica inteoaxochiamoxtlacuilol yn Moteucçomatzin a oncan in Mexico quipatlan tonacatiçatl ahuayyao ohuaya

Yn ye cem iyaye on capan tlatlaya tehuehuelin poctlan Teotihuacan ayyahue in noconitta nicnopilli mihuitzetzelohuaya in teopan iyanihuayayyo ya cohuion

Tlacuilolamoxtica ya ycuiliuhtimani a motlauhcalitiqui tlapalihuixochitica yan onahuiaxtimanioncan ya nemiyan nepapan tototlmccxxix ontlachichina yan ompatlantinemi ye mochan a ohuaya ohuaya

Xochintlacuilolcalimccxxxiii manicana ya xochipapalocalitiqui oncan ye mochan aya cuicatl ye tiyol tiMoteucçomatzin xochitl ticueponico in tlalticpacqui tonteahuiltico a ye huehuetitlan ye nican ohuaya ohuaya

Ixquich moquechol aya yxquich tiquinnechicohua oncan ye mochan a ya in papalotl y huitzitzilin a ontlachichina ya ma ahuilitinemi huehuetitlan ye nican ohuaya ohuaya

Cuicatotoma yn quelelquixtia on yehuan Tiox çan ca yehuan o in quihualaxitia nepapan xochitl yc onahuiaxtimani yn atl o ya tepetl Mexico nican a ohuaya ohuaya

Yn tla xicaquicanmccxlix aya niquehuaz nocuic nicahuilticon Moteucçoma y ya tatantilili y papapapapa a chalan chala challa ye macça tilli ye macçan qualca a ohuiya xiuhtlaquetzalli cacan Mexico yan tlilapana a yztac huexotl yn ye ihcacan o anca ye oncan mitztlamacehuique yn mocolihuan çan ye Huitzilihuitl Acamapich yca xichocayan Moteucçoma y a yca tocompia y ypetl ycpal in yehuan Tiox eha a huiya

A oncan tlilapan a oncann amochcoyan tocoyachihua y Mexico nican ye tontlamaceuh a oncan ticyaytac in mocococauh tiNeçahualcoyotl e etcetera

A iztac huexotl ymapan aya can totlatohua yehua acatl iztac ymancan tolin iztac chalchihuitl ymanca Mexico nican ea a ohuiya

Nepapan quauhizyuayoticac ye mohuehueuh Ypalnemoani ontzinitzcanicelizticac ayyahuen yca mitzonahuiltia a in tepilhuan huiya a oach i ye iuhcan cuicaxochithuallmccliv imanican a ohuaya etcetera

Tzinitzcan in çaquan ye tlauhquechol yc an tictlatlapalpohua ye mocuic Ypalnemohuani tiquimoquetzalti ya yn mocnihuan i yn quauhtin nocelo ye tiquimellaquahua ohuaya etcetera

Çaquan quetzaltototl çan tiquimonnechicohua a in tepilhuan huiya yn ixochipoyon a yn yehuaya niquinmaca niquimoncozcati a on in nepapan xochitl yn icniuhyotican ya titoyximati huehuetitlan a etcetera mcclix

Ypan tzetzeliuhtica qui yehuaya pixauhtica qui yn itzquiyehuitlimcclxiv tlacochquiyehuitlimcclxv ye nelli ye on çan tlemimiyahuatl pixauhticacon ayac huel ye ihuic ye onmotlapalohua yyo ayya an ohuaya etcetera

Nihualchoca y nihualicnotlamati çan nicuicanitl huiya tlaca anichuicaz yn toxochiuh ohuaya ma ic ninapantiaz can o Ximohuaya huaye nihuallaoco ya ohuaya ohuaya

Quetzalpapalocalco ompa ye nihuitz aya on ye mitomamcclxvii ye nocuic ahuayya onhuiya nepapan xochitl yn nepapan tlacuilolli y ye noyol nicuicanitl aya on ye nictoma ye nocuic ohuaya ohaya

Nican in nepapan quauhtli ypolihuiyan momaquizcal i tonaticac ye oncan ychan tota Tiox a ohuaya ohuaya

Xonmellaquahuacan antocnihuan an tontotlapalohuamcclxx yn oncan yn oncuihua tleyotl yn mahuizçotl yn oncuihua yn tecpillotl çan onmacehualo xochimiquiztlomcclxxi ohuaya ohuaya

Ilhuicatlahuizcalli in yehuan can nepapan niccahuaca tototl tlaçoquecholtihua yan xiuhçaquantihua on ohuaya ohuaya

In tlapapaltzihuaccalaytic oncan ye onoqui xochioctli coni yan Tlacahuepan ooa ye oo aya yca

Ma oc xonmittotiyan tlapaliuhquetl aya cuix opa nemohua niquittohua nihuintico nicihuatl ayeo ayyayya

Ic onmapanti ya in quetzalaxochitl in tlachinolxochitlo y Mactlacuiyatzin o ceyaque Quenonamican yyao ayaque yahuayyea

In hueli noxaxahual nonecpacuiyel aya niTeucxoch nicihuatl tihuanmcclxxxi mihtotia in tollamaz ma tlapalihuitihua toxochinnahualhuan tocepan tihuintiquemcclxxxii anopilohuan ana

Can tiye’coque ye nican tihihuintique aya niTeucxoch nicihuatl tihuan mihtotiya in tollamazme tlapalihuinti toxochinnahualhuan ticepan tihuintique anopilohua ana

In quetzallaxomotzin tonpapatlanti ya tinoxochihueyotzin in Tlacahuepantzin aya çan quitocac ynta Quenonamican ana

E chalchiuhtica ycuiliuhtoc atl in tepetl Huitziltepetitlan ticozcaçoyan quetzalichaala tiyamanca ya yn Icelteotl Tiox y noteouh aya Jesu Quilisto Aya ohua Ayc polihuiz moteyo yehuan tAxayacatzin ye tlauhquechol çaquametl ye neçoçohualo xochintlapalan a yn tepilhuan a nopilohua aya ohuaya

In mach o quihualmati can o ychan teuctlapaliuhquetl Ahuitzotl y chalchiuhcozcan quetzalin patlahuac a ça ca quimaca yehua Ycelteotl etcetera

In tlaca aya cuihuan moxochiuh o Ypalnemohuan teuhtlin popocayn yxtlahuatl ytic yn oncan tiquincozcati o yc tiquimapan ca chimalli xochitli yn Acolihuacan Nezahualpillo in Totoquihuatzin mitica chimaltica yehua ontlatohua teuctli yn Ahuitzotl a ohuaya ohuaya

Ycuic in Acolhuacan in Neçahualcoyotzin ic quitlapaloco in Huehue Moteucçomatzin Mexico yquac mococohuaya

In tla xicaquinmccxcv aya niquehuaz nocuic nicahuiltico Moteucçoma yatatan tilili y papa pa papa a challa chala challa ye ma cçan tilli ye ma cçan qui nalle aaohuiya xiuhtlaquetzalli cacan xiuhtlaquetzalli ca Mexico yan tlillapan aya

A oncan tlilapan a oncan amochcoyan toconyachihua in Maxocomccxcviii nican ye tontlamacauh a oncan ticyaytta quin in mocococauh tiNeçahualcoyotl ea a aohuiya

Iztac huexotl ymapan aya çan tontlatohua yehua acatl yztac ymancan tolin iztac chalchihuatlmccc ymanca Mexico nican ea a ohuiya

Xiuhtlaquetzalli yan mochiuhtica quin ye san a aya ilhuicatlaquetzalli mochiuhtica quin yehuan Tiox huiyan a conpachotimani a in tlalimcccix maniqui ye connapaloa Anahuatl on am ilhuicatl ahuaya ohuiya

Nepapan xochitl a nictzetzeloa ho ho noncuicamanaco xochitla yhuintihuayamcccxv

Tohohuemcccxvii nepapa xochitl a oc oc moyol quimati tla nimitzhuica hiyao

Çan tonallo quetzalli papachihui hoo ihuitl moyahua ya amoxcallo inmancamcccxx chitalalala xochitl millitoqui ao

Xochinquahuitl malinticachuiconticac ya pixahui in ticcacomcccxxvi ye moquiapan a Ycelteotl ymapan ye tonnemi quetzalli coxcox ha toncuicatinemi hiyao hamao hama hohohiyaya

Çaquanpapalotl a coyachichina ya xochitl cueponqui noyollo ha nicuihuan y ye izquixochitl ye nictzetzelohua ya yahoyyayan

Çan ye niquetzaltototl ça niyapatlantihuitz ayaohua ca ompa ye nihuitz yahoahiyean

Hohua niah aya yehuaya huel xicaquimcccxxxvii ye nocuic cuicaichtequini quen ticuizmcccxxxviii noyol timotolinia iuhquin tlacuilolli huel xictlilani huel xictlapalaquiya at ahyhuetzian timotolinia ayyo

Quetzalpapalocalcamcccxl ompa ye nihuitz ayaoo ye nictoma ye nocuic etcetera mcccxli

Nepapan tlacuilolli ye noyol in nicuicanitl ayao ye nictoma ya nocuic a ohuaya o Achi yhuic tonahuia o achin ic tonpapactinemimcccxlii toyollo in tlalticpacqui ye niYoyontzin nixochiyeyelehui yao nixochicuihcuicatinemi ohuaya ohuaya

Nihualchoca nihualicnotlamati ça nicuicanitl huiya tlaca ahnicuicaz in noxochiomcccxliii ohuaya ma ic ninapantiaz can o Ximohuaya ohuaya nihuallaoco ya ohaiya ohuaya ça no iuhqui xochitli aya  ypan momati in tlalticpacqui çan cuel achic tocontotlanehuiya a y xopanxochitlo xonahahuiyacan ohuaya nihualoyocoya ohuaya ohuaya

Ma ya hualmoquetza in tohuehueuh ma ya hualmoquetza in cuicanitl aya çan ye quitzetzelohua ya nepapan xochitl on onnecuiltonoloc onetlamachtiloc in ixochihui yxpan i yn Ipalnemohuani ohuaya ohuaya

Ma ximotlapalocan antepilhuan teteucti in Huanitzin i in Mayehuatzin in Cohuanacoch amo macehualli ohua aic polihuiz yn amoteyo ya in Mexico nican a ohuaya ohuaya

Çan michoquiztlapaloamccclii a yn tepiltzin Oquitzin i quihualitohua y xichueyli in moyollo in tlalticpacqui mach aca ayaz can o ye ichan i ohuaya etcetera

In ma ic neapanalo o antepilhuan anteteuctin ayahue ychoquiz tlatelolotihuitza aya ca quitemohui yn Ipalnemoani çaniman yehua yectli ya xochitl çaniman yehua coçahuic xochitla ohuaya ohuaya

Ma nicnocozcati nepapan xochitl ma nomac ommani a ma nocpacxochiuh in ticcauhtehuazque tlalticpac ye nican can tictotlanehui a ooh tiazque ye ichan ohuaya ohuaya

Nepapan quahuizhuayoticac in mohuehueuh ça yehuan Tiox ohuiya a ontzinitzcacelizticac ayiahue yca mitzonahuiltia in tepilhuan o ach in ye iuhcan cuicaxochithuall imanica ohuaya ohuaya

In tlapalihuixochitl oncuepontoc ye onca huia ycahuaca ontlatohua ye yehuaya in quetzalayacachtototl a in Tlacotzin teocuitlaxochintototl Oquitzinyn patlantinmi a o ach in ye iuhcan a cuicaxochithuall imanca ohuaya ohuaya

Çan tzinitzca in çaquan ye tlauhquechol yc a tictlatlapalpoa ye mocuic Ipalnemoani tiquinmoquetzaltia in mocnihuan i in mexica y yc tiquimellaquahua ohuaya ohuaya y yanqui yancohui yo xahue quen oconchihuaci n ma huel nimiqui a ma niquetzaltototl ya pantiuhmccclxix ylhuicatlytic ohuaya ohuaya

Xochinquauhppetlapan Teoxinmac y xochitica quilacatzoa yectli yan

Can anhui can anhui yhuihuayan yaonahuac teopan ayya hayyahue oncan aya onteycuiloa ya yehua tonan Itzpapalotl ixtlahuacan yyoo hohui aayahue mccclxxvi

Tlaic xonteyapana ya tla ic xontecuiltono a Icelteotl Dios ho xochiithualpan ye nican ah ayyahue ça ye icnoxochitl y ca ye icnomoyahua moyahuati’cac yaho ayye ayyahue

Xoncuica ya Xiuhtlapaltic chalchihuitl amoxtlacuilolli moyolion ahua chichimecatl Moteucçomatzin tlaço çaquanquechol patlantinemi a xochiayahuiyan

Nixochinentlamati a haa ahtle nocuic Nitechalotepehua quenmach amique in tocnihuan o quilmach tlapalchalchiuhtica ya on tlahcuilolli y yollo yehuaya ayaoo ayyo

Niquimonelehuia ha oyamoman ya incuic aya Çotolocan tlaca quilmach tlapalchalchiuhtica  on tlahcuilolli y yollo yehuaya ayaoo ayyo

Amotlapaltecuiznacoch ancontimalotoque anmexica y çaquanotonxacallitec ooo etcetera mcccxc

In nepapan xochitl matlahuahcaltica yan y xonmitotican y teteuctin tlatohuanime xomiximatican huehuetl ymanican y çanio nican chalchiuhtlapaltototl Jesu Christo in ma oc toconcuicati no yyao hueya hueyao

Ye ipetlapan yehuan Dios nihuallayocoya ye nimexicatl niquimilnamiqui in tepilhuan teteuctin aya Oquizteuctli Coayhuitl ToXihuan yyao etcetera mcccxcv

titinemi ticçohua moahtlapal ichan Dios in catli in teuctli a Coayhuitl in don Joan in çan yca ya onnehuihuia in teucyotl mahuiçotl yyao etcetera

In tlaca ayoppatihua a in Mexico y nemoa yao connequi a toyollo tlapapalxochitl yhuan in cuicatl mochalchiuhomichicahuaz ompa icnoyohua moyolio o yyao hueya hueya o

Tla xicaquican anootomi antocnihuan tlanel aço chalchihuitl on manell aço quetzallica çan ontlapaniço oncan çan poztequiz y ayao ya ohuia ayao ya huia ohuiya

Intlatlalil chalca ic quimopapaquiltilico in tlatohuani in Axayacatzin ca noço yehuatzin oquimmopehuili in maçan cihuatzitzintin

Yectli yan xochitl y yehuaya ma nocpacxochiuh ma ic nipana nepapan i noxochiuh aya nichalcatl nicihuatl ahuayyao ohuaya

In quetzalizquixochitl in ye tlauhquecholcacaloxochitl y çan moxochiquachpetlapan tiyaonoc ye oncan ytic y yyoyyo aocmo hui yao aylili

Cuix noço tinechcouh tinechmocohui noconetzin cuix tlapa’patlaco nahuihuan ye notlahuan çaço tictlacanequi ye no tiqualani xolotzin ye noniauh in nochan noconetzin yyao ohuiya

Niquimelehui Xaltepetlapan ye huexotzinca tzo incuetlaxtlamalin tzo incuetlaxtetecuecuex niccecentlamittaz aytzin ay aytzin yyao etcetera mcdxxvii

Moxochinpetlapan moyeyeyan xolotzin yhuian xoncocochi xonyayamani noconetzin titlatohuani tAxayaca yao ohuaya

Quauhpetlapan ocelopetlapan onehuatica in amocol in Axayaca contlachinolpipitztica yn itlecatzin ma huel yhui quen tel popocatica huee

Nicuicanitl an an nixochipapalotl aya ninochiuhtiaz teixpan a nipatlantiaz ayyahue a yhuan niyahuia nocuic noxochiuh haa

Onca yahue aya nepapan tototl moyahuatimani ylhuicaatl ymanca yectli y atl a ytempa aya oncan niehua noca yehua notayohuan ma xiyahui mochan a ompa ye Cuextlan ho hanca yahue

Yahue aya çan nentlamati noyollo nAhuitzotl ohuayee nichoca ya canmcdlxv o cuel niquimittaz in teteuctin Neçahualcoyotl a Moteucçoma o aca yahue aya Onca yahue aya niteuctlapaliuhquetl huelin noncuica ya cozcahui molihui niquehua ya ohuaye nichoca ya can oc huel niquimittaz in teteuctin Nezahualcoyotl an Moteucçoma o hanca yahue aya

Notemic ypan nihui ya Mictlan aya niquintlacayttac yn nachcahuan tlapalihuime a yn tepiltzino in Tlacahuepano can a nemi moteyo ya nah tihtoloya mocuic ayo nemi a çan ca Tenochtitlan o hanca yahue

Içamcdlxvii nichoca oo yca nicnotlamati nachcahuan tlapalihuime a in tépiltzin can a nemi moteyoya can a titoloya mochica yo nemi ya çan ca Tenochtitlan ho hanca yahue

çan noconyayehua ya yca ya nompaqui a niPapaloxochmayan itlana ya noncuica ya y noxochiyecolli ahuiliz nicmana ya noocuicayhtohua ya

Ca ye notlapalcuetzin oo o ye no çan iquechquen oya aya niChampotzin notoncocihuatlmcdlxxxviima noquetzal manalli ma ypan niquinahua yn tollamazme ohaye ohaye

Oncuico ya in ixpan aya ye Santa Malia nopiloa ma nicyahuica ya chooquililo ya ylacatzoa huicalo ya nopetlacouh nicmatentiaz choquizxochitla nicahuatiuhmcdlxxxix çan tocnoman imcdxc nepapan xochitli maya ya huiche ontlamiz ya ilhuitl o haca yahue

Ya nichoca yn mach nictlamicin nicuicanitl nepapan xochitl maya huiche ontlamiz ya ilhuitl o haca yahue

Ontlapalhuiconticaca huimolihui molihuiaquetzalizhuayoticac nitzetzelohuamcdxcii yxochimcdxciii yehehuan Dios aya hoo oyo hoya ohuaye

tecpipiltan cuicanahuatilo ya chalchiuhapan ayao ayie ahuin toxochihuan

Xiuhquechol milinia xochiatl poçonia chalchiuhtli tlapania yca ye huicalo tecpilli Tlacahuepantzin ayocac tlatohua tlallihuintihuamdii tlama maleque yehtla

Çan ye xochincuicatl topan moteca o xiuhpapalotl ye nipatlantia xochitl yao quihuinti ye noyollo quetzal ye xochitl cuepontimani a ymapan ye nonemi noxochinahuala

Tapachtli nonenepil chalchihuitl i ye noten ninomati a niQuetzahchiuchctzinmdxxix notatahua nicçohuan notlapal a in teixpan in nichoca yaquenin tiazque a ilhuicatlitican onca yahue aya

Pacticac noyoltzin nitoncocihuatl nontehuehuelitztihcac cocotzinpan i çan ye notlapalcuetzin Nanotzin ninoyeecquetza ya ohu ayac nopillotzin ye niquetzalxocha nicempolihuia yaoo

Çan ça yuhqui nonan catca ya aya niquiçaco notoncocihuatl çan ye notlapalcuetzin nanotzin ninoyeehquetza ya ohu ayac nopilotzin ye niquetzalxocha nicempolihuia yaoo

Çan nicihuatzintli notlapalicpacxochiuh o anca nonehuellimdxxxix ach ca ompa nihuitz tamichoncalli maçatl in yiao yahue yao haye

Ye ca onihualah ca onicuito yah ye ma xonmotlapalo ye cihuatzintle tla xicualcui ya tla xictemaca ya yn man copatica in man tacatica ya ma ya onihualo in teteuctin ayyo etcetera mdlii

In notzinitzcanhuicoltzin ye çomdliv huel quatzinmdlv tlapalhuacalxochitl y ma yca ya onilacatziuhtihuitz Notecotzin tla xicualcui tla xictemaca ya yn man copatica in man tacatica ya ma ya onihualo in teteuctin ayyo etcetera

In conittoa netle ma tiyayatihui an ye otlapilchiuhque ye huexotzinca ye motlahuan ye oquitlatlapanque ye ço huel qualtzin in moxiuhtoto ye mohuicoltzin y ma ye ninahpantiuh huel intlahçoyecmatitech mantiaque y Huehuetzin quixiuhtotoixquatecpiltzin oncha’chayahuata

Iye nonnentlamattica noyehyeyan tlapalihuixochitlnimitzontehtequi a ye onca tehuatzin cuix otacitoya atempantzinco alchayahuacan motlaocolxochiuh ma ye ximapantiuh nimitzontemohua ya

Yeho tonacico ahua conetle nomatzine ye chalchihuapa yn mitztapallatlmdlxii ye ymanican chachallacatimani nepapan tototl tla xitlamahuiço tiTecayehuac nomatzine netle netle pipilte

He tla xia nomache tla tocotatimdlxiii yn teuctli yehua don Alonso tontlamahuiçozque yn chalchiuhapan quetzalhuexotitlan chachallacatimani nepapan tototl tla xitlamahuiço tiTecayehuac nomatzine netle netle pipilte

He otihuallaque timitztlapalloco timotlahua tidon Alonso Axayacatzin Mach oc onhuitze yn o pipilti yn Don Lucas yn Don Antonio Acachina ma titlaocox nomatzine

Yn ma melel quiça tla tocontequica atlacueçona yn tecoztic tomiyoltic acaxochitl tlatlapaltic tla xia nomache pipilte

Tla xicaquimdlxviii teuctli Tecayehuatzine huel tontlamahuiçoque hi yecxochitla Axayacatl tecutli hocan omani a teocuitlaxochilmdlxix yn tlapallihuixochitl ontlatlatlatzcati

mani coyaochina y quapachtototl y xochitototl ayean

Hocan toconitaque xochiatenpam motlatlalia Tlapalçehuatzin oca homani a teocuitlaxochitl yn tlapallihuixochitl ontlatlatlatzcatimani coyachichina y quapachtototl y xochitototl ayean

Yn ahua nomache a pipiltin o hueyotzin aya xiuhquecholhuitzilintzino yn don Pedro yn Motecuçomatzin coyachichinato chalchihuaxochitl yn ompaya a yn Caxtillan omapatzetzelohua ya

Y huel omoçouhti a yc ompatlanti a yehuan tomatzin o yn Pedro yn Moteucçomatzin coyachichinato chalchihuaxochitl yn ompa ya a yn Caxtilla omapantzetzelohua ya

Tla oc timocehualhuiti quetzalahuehuetl ya ytlan o mapano moyacalhuiticate acatzanatzitzintin a

Huel noconmahuiço huay ye chalchiuhuatapallacatl o o ye ytech ayo ompapactica Xochcatzin mocuicatia y quinanquilia y acatzanatzin oxiuhcoyol

Hompa tinenemi amdlxxi ye xiuhquechol chalchiuhapa huellin tlatohua on xicaquicamdlxxii hana quetzallaxoque moçouhtinemi a

Huel yectli tototl ho ma tzetzelohua mopopoyahua ya aqui nica ya xiuhquechol chalchihuapa huellin tlatohua ho xicaquicamdlxxiii hana quetzallaxoque moçouhtinemi

Hi ma tihui a onontlamahuiço yn Mexico huel teçemeltican ynic qualcan o xochiçaquantonatimani a y chalchihuapa tla xia nomachemdlxxiv pipilte

Hin ahuamdlxxv nicauh yn Tecayehuatzin ma tihui an ma mellel onquiztihua onontlamahuiço yn Mexico huel tecemeltica yn i qualcan oxochiçaquantonatimani a yn chalchiuhapa tla xia nomache pipilte

Honteocuitlatzilintimani ya yhuehuetzi on chalchiuhcoyoltica ya onicahuacatoqui yxochinteponaz yehuan tomatzin o yn don Alonso teuctli a nepapan ihuitica quetzalmoyahuaticac ya ycuic yxochihua ya ompa ya nococaquimdlxxvii nihuexotzincatli a yllilli aye ahua ho aye

Y nepapann ihuitica quetzalçaquan ica yoquamana ye ocani yn tepilhuan i nepapan tlacuiloltica ya quixoxochimana yn tecpillotl teucyotl mahuizyo y nica ya ypaltzinco Dios ahua conetl aya ya nelli ya nomache tihuexotzinca ye

Y coçahuic xochitica ya ma neyapanalo yn coyollizquixochitica ya ma netotillo ya tihuexotzinca a ma tocpacxochihui yn chalchiuhyyexochitl e aya ca çanio ye nica tlalticpac aya ya nelli a nomache tihuexotzinca ye

Ayac quiuhqui quauhtli a ya Huexotzinco Mexico nican i chimalla xochitica oquimomoyauh nepapan totome aya Marques oyohualxochitica ya homitotitinemico nican ahua ya nella

Quetzaltolpatlactipan quiyeyectia yatlapaltzin a yn don Alonso Axayacatzin o quetzalitzpepetlaca ytepatlactzinmdlxxxii ohuaya yeho

Hi mamatlaltic huexocauhtzin nohueyotzin yn don Joano yn im Itztlollinquimdlxxxiii quiyeyectia yyamatlapaltzin conahuatzetzelohua ha yeho ohuaya yeham

Ho motzetzelohua ya coquetzalçoçohua quiyeyectia yyamatlapaltzin conahuatzetzelohua ha yeho ohuaya yehan

He quimdlxxxv ye nohueyo hua yn tepilhuan huel conquetzalchalchiuhxiuhtotoycuillohua y iectli amdlxxxvi yn cuicatzin hocona ya tlapalyzquixochitica ya hon netotilo ha yehan

Huel ontzimitzcapepetzcatinenemi ayaho xiuhtotopatlantinemi yn tepilhuan i honcan aya tlapalyzquixochititlanca yamdlxxxvii ho netotillo ha yehan

Iaopapac ynitzin tlahuiznenequitzinmdxcviii ayyaue yn quachic aya Yxtlixochitle xonmitoti a o quauhquiauac Mexico nican y mocueçalizchimalo Cuecueyaua yan Temalacatitlan ximochicahuacan netleyan

Tla oc xomitoti o toOquizteuctli titlatohua ya xictzotzona yn teocuitlahuehuetl xiuhtlemiyahuayoconcauhtehuaque yn teteucti tlatoque auh ya yehuatlmdcxi yc xiquimonahuilti yn nepapan tlaca tonahuac onoque tlaxcalteca yn meetlo ye huexotzinca yn meetla

Telhuelic aye onnez Mexico ye nican Cuitlachihuitl aya yn tlatohuani yhuanylteuctli Tlachtepec tlali tocati Tepixohuatzine anqui mochtin ye omicuiloque ye in chimaltitech o nepapan tlaca tonahuac onoque tlaxcalteca yn meetlo ye huexotzinca yn meetla

Auh yntla ypampa yn momahuizçotzin ynic cenca titlaçòtzintli, ca ça huel ¡yyo! ce yn monequia ynic titechmomaquixtiliz. Auh yece yntla ticyttacan yn acan tlanqui yn huel nanalquizqui motetlaçòtlaliztzin yhuan yn àtlapohualli tonepapantlàtlacol, totlapilchihual, ca huel companahui, ynic monec mitzmohuitequilizque màtlactzontli yhuan ontzontli yhuan màtlacpohualpa.

Otla xicyttacan ¡tlàtlacohuanimee! Yn oyuh antlachiuhque, yn oyuh antlatecaque yn itepotzinco, yn icuitlapantzinco yn totecuiyo Jesucristo. Ma amechhuihuiyotza, ma amechyyyoçahui, ma amechmauhti yn amotlàtlacol, yn amotlapilchihual. Ca nel ye anquitta, ye anquimahuiçoa yn quenin teotl Dios, yn icuitlapantzinco, yn itepotzinco quimotzacuiltilia yn itlaçopiltzin yn tlàtlacolli. Yntla yn ìquac tlàtohuani quitlatzacuiltia yn itlacauh auh yn ipiltzin atlatlacolle huihuiyoca, miçahuia quenin oc hualca ynic monequi momachtiz, miçahuiz yn tlacòtli yn ìquac quitta yn huiteco yn itlaçopiltzin, ylhuice yntla yn itlaçopiltzin ypampa huiteco yn itlàtlacol, yn itlapilchihual yn tlacòtli. Ma xicylnamiquican yn itlazontectzintli yn totemaquixticatzin, yn quimìtalhui. Servus quiscit voluntatem domini sui, et non fecit,

Ca huel oquaquauhpitzauh, ca ocecepocac yn itlaçomahuiznacayotzin, ca ça oncan mochapaniltìtihuetz. Yn ipan yn itlaçoezçotzin yn tlalpan opepeyahuac; ça yuhqui yn çoquiatitlan, yn iycxitlantzinco omoman yhuan cequi ye ocuel tetetzahuac, yuhqui yn tlapalçoquitl. Oncan huahualantoc; ca nel ça nacatetzintli yn oncan oc nen yxquich ytlapaltzin quimochihuilia, ynic quimixtemolia, motlatlachialtia yn campa oquittazque ynì quein tlahueliloque yn itlaçotlaquentzin, yn itlan colololtzin, auh quen tel huèca, xomolco, yn conmottili huetztoc.

In ica yn motlaçoezçotzin ticmaaltiliz, ticmopàpaquiliz, yn icatzahuaca, yni yyaca, yn ipalanca, yn toyollia. Auh ca huel tèhuatzin ticmonomahuiliz, ynic yca yn motemaquixtiliz tlaquentzin ticmololhuiliz, ticmotlaquentiliz, ynic tlatlacoltica opepetlauhticatca, auh tèhuatzin yn ica yn moteotequaltiliztzin ticmoyayamaniliz. Yn ima, ynicxi ocòcototzauhca ynic huel yectli, qualli quichihuaz, mitzmotlayecoltiliz. Auh yèhuatl ypan yaz, quitepotztocaz yn iohui yn moteotlatecpantzin, yn moteotlanahuatiltzin. *

Yn oyuh ontlan yn tetlayyyohuiltiliztli. Yn iyaoquizcahuan yn Pilato niman yc conmanilìque yn totemaquixtìcatzin. Auh ynic ycatzinco mahuiltizque, ahuiazque, ca manalozque. Niman yc conmaquilìque ce chichiltic tatapàtli, yn ye huel oyçoliuh, yn otlapalquiz. Auh çatepan oc no ce tlàtoca tlapaltilmàtli, ypan conmololhuilìque (yn ìquac yn ynneololol, yntlaquen catca yn tlàtoque yn iuhquima xiuhtilmàtli quetzalapanècayotl, yn intonal catca). Auh niman yc conanque xocohuitztlacotl yn teoatenco mochihuaya, yn huel tequàqua yn huel tenànalquixti ynic yàyacahuitztic. (Yn yuh quimonextilili yn ilhuicac cihuapilli

yn yèhuatzin, yn itlaçotzin san Anselmo); yc yca quichìchiuhque ce yuhquima tetepeyotl, tlàtocayotl, ca (yn yuh quimìtalhuia san Bernardo) ynic necia yuhquima ytecaxtic yn yuhqui sombrero, yn huel mocemitquiticatca yn tlatecpan, yhuan yn pani ca yn huel tetepitztic ahuatl yhuan huel tetzatzapinihuitztli ahuel mochi ca yntlapal (yn iuh quimìtalhuia san Anselmo). Ycpactzinco conteteuhaquìque. Nel ye yca cetzin acan topilli, quitètehuìque, quipàpachòque ynic huel ytzonteconticpactzinco moyecman, auh miec yn huitztli ynic cacalac yquaxicaltitechtzinco, pòpoztec auh occequi (yn iuh quimìtalhuia san Bernardo).

Huel quinànalquixti yn iquaxicaltzin, ynic huel nohuian quicocoyotz yn itlaçomahuiztzontecontzin. Auh niman yc hualxàxahuan, hualpipican. Yn itlaçoezçotzin quimoquentimoman. Yn itlaçoxayacatzin huel ic chapan; huel yc pàpaltic yn itlaçotzoncaltzin, yn itlaçotentzontzin, ynic ytech hualpipicaya; huel ye çoçoquitic nohuian ytlacapantzinco hualtetemoc. Auh niman yc ymactzinco contecaque ce acatl yn iuhquima teotopilli, no ce tlàtocamitl ypan pohuia. Auh niman ynic oycpalcopan quimotlalilìque, yn yuhquima tlàtoca petlatl tlatoca ycpalli ypan pohuia. Yc niman ye yxpantzinco motlanquaquetza, ynic ycatzinco mahuiltìtzinoa yhuan quimixtetlàtlatzinilia ytlaçoyxtzinco; yxayacapantzinco chichicha, auh conmocuililiaya yn acatl ymactzinco. Onoya yc quimoquahuìhuitequilia, auh quimolhuiliaya. Ma ximopaquiltitie, ma mitzmopiali yn totecuiyo, ynti yn tlatocauh judiosme.

Ca niman àmo huel neltoconi, ynic huel tlaca yn yolopan huetziz, ynic huel yn yollopan temoz yn ixquich, yn àmo çan tlapohualli. Yhuan yn niman àmo ylnamiconi tlahuelotl, ye yca ca yn intla aca huel cenca tlacentelchiuhtli huel teyaouh ypan nelti nica huel, ye yca quitlaocoltizquia, quipoxahuazquia yn iyollo, çaço aquin manel ye huel cenca tepitztic, tlaquactic yeni. Yece ca ynic ye in tlacatecolotl yn moch quiyoyocaya ynin tetlayyyohuitiliztli auh ca teotl Dios yn quimiyyyohuiltiaya, ma no ce ynic niman atle yca ytla tetlayyyohuitiliztli, techichinatzaliztli, papachihuiaya, yxhuiaya

Otla xicyttacan; ca yz miquititicac yn teoychcaconetzintli, ynic ycatzinco tlahuahuanoz yn ipo yni patilo, mochihuaz yn Ysaac. "Interbepus horemcornibus". Yco tzitzquiloc yn itzontecontzin otlatlatzinco;yca mac omaqui yn tequanhuitztapayolli, ca yn teotl Dios quimotelchihuili yn tlalli yn ipampa ytlàtlacol yn achto tota, Adan. Maledictaterra in operetu, spinas, et tribulos germinabit tibi. Auh ynin tlatelchihualiztli ytzontecontzin ypan huetzi yn totemaquixtìcatzin Jesucristo. Yèhuatzin ypantzinco quimocelilia, ytechtzinco quimopachilhuia yn tohuitztzo, yn tàhuayo, ynic yn oc ompà tiztihui yn totlalyollo. Yn oyuh màhuili; yn ica ytlaçoezçotzin xotlaz, cueponiz, motlaaquilotiz yn ica yn quallachihualotl, yn yectilizçotl yhuan yntlayectlatlaliliz tzontequilizçotl. Ma ye yc pinahua, ma momàmati, ma mocuitihuetzi yn christiano, yn tlaneltocani (yn icuitlapil, yn iàtlapaltzin totecuiyo Jesucristo) ynic aocmo mochòchonequiz, ynic aocmo mococonematiz yn motlatlaçotlaz.

Ca nel yn itzontecon ohuitzyohuac, oàhuayohuac¿Quenin huel oc quitemohua yn itla huel mach yn itla ylpàpaquiliz, yn iaahuilnemiliz, yn itequitlaqualiz, yn itequiatliliz, yn ixocomiquiliz? Yntla quitta yn itzontecon cenca huel cuitlatitica, cenca huel ca pani totonehua yn ipampa yn yehuatl ytlàtlacol. Yn maca çan ymatzin, ycxitzin, ytlactzin. Yèhuatl , quimocuitlatitiquililia, quimotlapanililia yn ica yn itlahuelilocayo, yn itlapilchihual. *

chichatinenque. Yn omache huitztica huahuaçomaloc; yn ezpipipicaticac yn cana yn quin oc noma pipicaticac tlatlapaltic, chichiltic, auh yn cana ye otlitlilehuac, ye ohuàhuac. Auh yni yz cenquizcamahuizychcaconetzintli; yylpiticaca yn itlaçomatzitzin àhuel quimopòpohuilia. Ynixtzinco mocuenyotiaya, pipicaya eztli, auh ye yca ynic tlatlapachiuhticatca ynin ontetl ylhuicac tlanextli, yn huel yc aocmo huel motlachialtiaya yz ça eeztentimanca; ca ce ynic monexiltiaya yuhquima aocmo tlacatzintli, ca yuhquima totonehuiz, chichinaquiz tlayxiptlayotl yn no ymatica yn ìquein tlahueltolteca, tlahuelcacuilòque yhuan yn àqualla tzontequini ynic yuh oquimìcuilhuìque, ynic yuh catzintli yehuatl, yn iuh momatia aço yc moyolcehuizque.

Aço quinmotlaocoltiliz yn iyaohuan, auh ynic huel àmo omoyollohuazque, ynic amo momatizque. Aço aca teococoxqui monec ynic quimixpantiz, quimilhuiz. Ecce homo, ca niman àcan tepiton oquintlaocolti yn totecuiyo ytotonehuiztzin, ychichinaquiliztzin neci, ca quimocentlatalhuilia yn imiquiztzin. Yntla ynic yuh moyetzticatca yn huel ic moma yn Pilato, aço ye yxquich ynic quincehuiliz yn intequanyollo, yn ìqueyn ytecocolìcatzitzihuan, quenin oc hualca yc huelitiazquia yn tèhuantin, titlaneltocanime, yn timacehualhuan, yn tiquìtoa huel tictotlaçotilia ¿Toyollo tlapanizquia, techchoctizquia, techtlaocoltizquia yn itotonehuiztzin, yn ipatzmiquiliztzin?

Oquimopolhui yn itlacanezcayo. Auh macihui yz ça yequene yuhqui, yn niman aocmo yximachoni, yece ça oc quiximati yn Pilato, auh quìtoa. Ecce homo. Tla xicyttacan, ca yz ca yn oquichtli, yz çan huel yz cel ynemac, ymacehual ynin tocaytl, mocel oquichtli ¡yyo teococoxquee! yn ica lixac amonoque yn noncan nepapacaloyan ¡yyo tlàtlacohuani, popolie yn anxococoxque, yn anmacocoxque, yn anxonecuiltin, yn anmaylacatztin, yn ancocototztin, yn anhuillatzitzin! ¿Ye quezqui xihuitl ynic antlayyyohuìtoque, ynic anmococòtoque?

Yn itlapechco, ympetlaçolpan amotlatlacol, amotlapilchihual ynteuhtitlan yntlàçoltitlan amactoque ynic anmomapatla, yn anquìtoa. Hominemnon habeo. Ca ayac onca oquichtli, ca ayac aquin tlácatl huel noca mochihua. Ecce homo. Ca yz ca yn oquichtli. ¿Yn anquitemachitoque yn huel ytepotzco, yn huel ycuitlapan amechhuica, amechmama yn ompa yn iteoameyaltepapacayan yn isacramento aca xicteaaltiayan, auh oncan yezçoticatzinco amechmopàpaquiliz, amechmaaltiliz, yhuan yntlacàmo xicmocahualtican, tlacàmo xictopehuacan, ca amechmomaquiliz y cenquizcapatilizçotl?

Ye ontètemi, ynic quitlatzàtzilia yn teuctlatzontequini; ca yc quiyxmalacachòque, quitlacamauhtìque. Niman yc quineltili yc tlatzontec yn tlein quìtlania, macihui yn quinemachti yn icihuauh, ytoca catca Procle, ynic niman àmo quimomiquiz tlatzontequililiz ye yca ca cenquizcayectliqualli tlacatzintli, ca niman atle ytlatlacoltzin auh yehua yc quichicahuaya yn itlàtol. Yn quenin ypampa yn cenca yc ototonehualoc, ynic ycochixpan, ytemicpan yohualtica, oquittac. Ca niman amo yc oceuh yn ineamanaliz, yn ineyolmauhtiliz yn Pilato, ynic yuhquin onemachtiloc. Ca ye ocuel cenca momauhti, yece omomatèquic, oquipàpac. Y nima auh oquimocuiti yn ca ye nelli yn totemaquixticatzin Jesucristo cenquizcayectzintli. Yn niman àtle oncatca y yn itlatlacoltzin, auh yèhuan oquinmamalti, yn judiosme, yn itzacualoca ynic çan tlapic tonehualiztica nonoquihui yn itlaçoyezçotzin. Yz çan quimonenmictilia, auh yn yèhuan oquipaccacelìque, oquimomamaltìque. Yhuan yn inpilhuan, yn intzicueuhcahuan, yn intlacayohuan yn intechpa quiçazque, yolizque, tlacatizque, oquinmamaltìque niman yc quinhuallachicahuilli yn tleyn oquitzontec. *

Ye ontètemi, ynic quitlatzàtzilia yn teuctlatzontequini; ca yc quiyxmalacachòque, quitlacamauhtìque. Niman yc quineltili yc tlatzontec yn tlein quìtlania, macihui yn quinemachti yn icihuauh, ytoca catca Procle, ynic niman àmo quimomiquiz tlatzontequililiz ye yca ca cenquizcayectliqualli tlacatzintli, ca niman atle ytlatlacoltzin auh yehua yc quichicahuaya yn itlàtol. Yn quenin ypampa yn cenca yc ototonehualoc, ynic ycochixpan, ytemicpan yohualtica, oquittac. Ca niman amo yc oceuh yn ineamanaliz, yn ineyolmauhtiliz yn Pilato, ynic yuhquin onemachtiloc. Ca ye ocuel cenca momauhti, yece omomatèquic, oquipàpac. Y nima auh oquimocuiti yn ca ye nelli yn totemaquixticatzin Jesucristo cenquizcayectzintli. Yn niman àtle oncatca y yn itlatlacoltzin, auh yèhuan oquinmamalti, yn judiosme, yn itzacualoca ynic çan tlapic tonehualiztica nonoquihui yn itlaçoyezçotzin. Yz çan quimonenmictilia, auh yn yèhuan oquipaccacelìque, oquimomamaltìque. Yhuan yn inpilhuan, yn intzicueuhcahuan, yn intlacayohuan yn intechpa quiçazque, yolizque, tlacatizque, oquinmamaltìque niman yc quinhuallachicahuilli yn tleyn oquitzontec. *

Auh yn oyuh quimotlatzontequililìque yn totecuiyo. Niman yc conmanilìque ynyaotiàcahuan, yn iyaoquizcahuan Pilato, auh yn oyuh quimoquixtililìque yn tlapaltilmàtli ynic ycatzinco omahuiltique. Occeppa conmaquililique yc conmochichihuilìque yn yeppa ytlaquentzin ynic huel yca mochi tlacatl quimiximachiliz, ye yca ca nel yxayacatzin

Oca yuhquin in ynic ychan Pilato, quihualmoquixtilique ynic ompa quimohuiquilìque yn ixtlahuacan, yn altepequiahuac, yn canin quimotlayyyohuiltilizque yn itech yn quauhnepanolli quimomamalìtihuia, quimomictilizque. ¡Yyo notlaçopilhuane christianosmee! ca yèhuatl yn yequene huel cenca tlapanahuia, yc ohui otli tictocazque yn huel tetitlan, texcalla, tzihuactla, nequametla yn iuh otitonètoltique, ynic oncan ticqualhuicatiazque. Yn tocializ, yn totlanequiliz, yn totlaelehuiliz, ynic tictotepotztoquilitiazque yn totecuyo, yn totemaquixticatzin.

Oca yuhquin in ynic ychan Pilato, quihualmoquixtilique ynic ompa quimohuiquilìque yn ixtlahuacan, yn altepequiahuac, yn canin quimotlayyyohuiltilizque yn itech yn quauhnepanolli quimomamalìtihuia, quimomictilizque. ¡Yyo notlaçopilhuane christianosmee! ca yèhuatl yn yequene huel cenca tlapanahuia, yc ohui otli tictocazque yn huel tetitlan, texcalla, tzihuactla, nequametla yn iuh otitonètoltique, ynic oncan ticqualhuicatiazque. Yn tocializ, yn totlanequiliz, yn totlaelehuiliz, ynic tictotepotztoquilitiazque yn totecuyo, yn totemaquixticatzin.

Ca ye quihualquixtia yn ixtlahuacan yn moyolcocohuani Cain yn iteiccauh Abel, ynic ytech motlahuel quixtiz, yn quimictiz, yn quipòpoloz. Auh yn tlahueliloque, yn àqualtin macehualtin, temayecahuan, quihualquixtia, quihualtotoca yn oncan yn itlalpan, yn ixocomilmecapan, yn itlaçopiltzin, yn tetàtzin, yn axcahua, yn tlatquihua, yn huel yehua nemaque, yn huel yehua ytech pohui, ynic quimictizque auh conmotechtizque, conmaxcatizque yn inemac,

Auh niman ye yc hualca yacatia yntetlayyyohuiltiliz, tlapitzalli ye yc pehua; yn tecpoyotl ynic ceppa tzatzi, tetlacaquitia, quìtohua. Ma mochi tlacatl xiqualcaquican, ca yèhuatl ynyn tlatzontectli yn tlanahuatia moneltiliz, yn tlàtohuani Poncio Pilato, yn iyxiptla yn huey tlàtohuani emperador, Tiberio Cessar, yn tlapachohua, yn teuctlatzontequi yn nican.

¿Quenin huel cenca ticmoteyttitilia yn moçomal, yn motlalan? ¿quenin huel ynhuicpa ticmoquìquixtilia yn mozti yn mocoatlan yn tlatlacohuanime? ¿quenin ¡noteohue, notlàtocahue!ticmocahuilia ynic nemizque yn tlatlacohuanime auh yèhuatl miquiz, quitzauctaz yn atlatlacole? ¿Quenin yn yectlatzontequiliztli yez, ynic ypan yaz, ypan huetziz yn ixquich tetlayyyohuiltiliztli yn aquin niman atle conmati yyollo yn yecnemiliçe? auh temac ticmotlaxilia yn motlaçopiltzin ynic ticmomaquixtilia yn tlacòtli. ¡Yyo! yn tihuècapanolo ca yn inecuiltonol, yn inetlamachtil, yn iteotlamatiliztzin yhuan yn nitlamachiliztzin teotl Dios, ynic yuhquin in quimotecpánilia ynic huel quimoyolpachihuitiliz, quimaxiltiliz yn iteotlatzontequiliztzin, auh yhuan ynic huel topan quimoneltililiz yn iteycneliltzin, yteycnoyttaliztzin.

Ca omochtin temac oquimocahuilìtehuaque, teyxpampa oyehuaque yn iyaohuan; yn itecocolìcahuan oquimolpilìque yn inchan Anas yhuan Cayfas, yhuan yn Herodes. ¿Queni mache oquimopolhuìque ynic oquimomictilìque! Yhuan yn icatzinco omahuiltìque auh yn oncan ytetlatzacuiltiayan Pilato huel tlahuelcopa ynic cenca oquimohuitequilìque, auh miquiztlatzontequililoc, ynic quauhnepanoltitech tlayyyohuiltiloz, ynic cruztitech mictiloz mamaçohualtiloz. Auh ycpactzinco oquiteteuhmanque xocohuitztetepeyotl, auh quimoquechpanilhuia yn quauhnepanolli yn itech momiquiliz. Auh çenca tepinauhti, temahuizpolo ynic tzatzitiuh tecpoyotl ompa quimohuiquilia yn tzompantepec, yn tetlayyyohuiltiloyan. Yntla ticmonequiltia yn noc huel ticmaxiliz ynic ticmottiliz ma yxquich motlapaltzin xicmochihuili; ma ximototoquilti ca yhuantzinco quinhuica omen ychtecque huel cenca quimototochilia. ¿Tleyn tlayxyttaliztli, tlalnamiquiliztli? Huel caxiliz yn can, huel on campa huel àcic ¡Queni mache quimoyoltzayanili, quimoyolpatzmictili yz cenquizcamahuizychpochtzintli, yn ìquac yuh quimocaquiti yn! Huel ye neltiliztli, ca yn itlaçoyoliatzin ca huel quitonehuiz, nànalquixti, ca huel cenca yc mopatzmiquiti, monentlamachiti ca huel ompa conmaxitili, yn itlamian yn itzonquiçayan, yn itlaçonemiliztzin; yntlacamo ye ylhuicacpa, nemactiloni, ynic huel quimiyyyohuiltiz yhuan yn oc macoc ynic oc hualca, tecoco, tetoneuh quimottiliz, yhuan ynic oc no hualca yc

quimotlauhtiliz yn huel huècapan ylhuicaxiuhcopilli, tetepeyotl, tlatocayotl. *

Auh ca niman moquetztzinotéhuac. Yxquich ytlapaltzin quimochihuili. Niman yc mohuicac, quimohuiquilia yn Santa María Magdalena yhuan occequin cihuatzitzintin, ytetlaçòtlacatzitzihuan quimotepehuilìtihui. Huel patzmiqui, ynic moch oquilìtihui choquiztli, yxayotl pipixauhtiuh. Quinmoyacanilia yn san Juan, quimotemolitihui yn itlaçoconetzin; yn ca yeppa quimohuiquilia yhuan yn campa ye conmaxiltilia. Quimoyollapaltililiaya, quimochicahuilia yn tlatlaçotlaliztzin, yn manel ye huel çenca quimoçotlahuiliaya, yn tlaocoltonehuiztli. Ma xicmatican ¡notlaçopilhuane! aço anmomati yn cemìcacychpochtzintli tocihuapilcatocatzin yz cenquizcanematca yelice catzintli.

Auh ca niman moquetztzinotéhuac. Yxquich ytlapaltzin quimochihuili. Niman yc mohuicac, quimohuiquilia yn Santa María Magdalena yhuan occequin cihuatzitzintin, ytetlaçòtlacatzitzihuan quimotepehuilìtihui. Huel patzmiqui, ynic moch oquilìtihui choquiztli, yxayotl pipixauhtiuh. Quinmoyacanilia yn san Juan, quimotemolitihui yn itlaçoconetzin; yn ca yeppa quimohuiquilia yhuan yn campa ye conmaxiltilia. Quimoyollapaltililiaya, quimochicahuilia yn tlatlaçotlaliztzin, yn manel ye huel çenca quimoçotlahuiliaya, yn tlaocoltonehuiztli. Ma xicmatican ¡notlaçopilhuane! aço anmomati yn cemìcacychpochtzintli tocihuapilcatocatzin yz cenquizcanematca yelice catzintli.

Aço otlica, caltzalan motzatzatzititiuh yn yuhqui chihuani cihuatzitzintin macehualtin, ma no ce ça moçotlahualtitiuh, yn aoc conmomachitia yn huel otlapalo yn niuhque occequin cihua àmo huey ynyollo, ye ycaca Spiritus Santotica, motemiltìticatca, auh ca oc hualca miec teotenemactli quimopialiaya, yn àmo yn mochtin yn ylhuicac chaneque angelesme. Auh ye yca ynic niman atlè huel contlatzilhuiliaya, huel quimalacachoaya yn itlacemìtol neymatiliztzin, yn huel tlacempanahuìticatca yn ipan ynin yxquich tlayyyohuiliztli, chichinaquiliztli.

Auh cenca mahuiçauhqui ynic momamatzinotiuh, ynic moyechuicatiuh. Yn omixtlapachòtzino, mochoquilitiuh yhuan huel mopatzmiquiliz, elcicihuitìtiuh; auh àmo no çan tepiton yn nematiliztli, ynic quimonochilitiuh, ynic ytechpatzinco quimotzàtzililitiuh yn iteotzin, yn itlatocatzin, auh ycatzinco yn itlaçoconetzin quimotlatlauhtilìtiuh, auh cenca quimoyectenehuilìtiuh; yxpantzinco quimohuèchihuilìtiuh yn ipatzmiquiliztzin, yn itlaocolchoquiztzin. Auh yn oyuh quimottili yn ipan otli mohuica. Ca ye nèneci yn itlaçoezçotzin

Dilectus meus candidus, et rubicundus electus exmillibus ca huel cenquizcachipactzintli; can tlatlactzin yuh catzintli, yn tlapalxochitl y cuecuepca. Auh ynnepantla, ynçalan opepenaloc. Yn huel miec tzonxiquipiltin mahuiztique, yn itzontecontzin ca huel cenquizquicoztic teocuitlatl, auh yn ytzoncaltzin yuhqui yn çoyatl yxiuhatlapal ynic tzoptica, auh huel moch tliltic yn iuhqui yn ihuiyo cacalin, auh niman atle çe oyztaz. Auh yn ixtelolotzin yuhqui yn huilotl yxtelolo, chichihualayotica tlapapactli; auh yni ca can tetzin yuhqui yn tlatlaxochimantli, auh yn itentzin yuhquin yn matlamachxochitl, omixochitl, tlapalyzquixochitl. Ca ytech hualpipica yn tlaçoxochicopalli; yn imatzitzin chichipactic yhuan aacatic, mimimiltic; ca yni oc hualca ynic yciuhca moolininia yn nàmo ye

teocuitlacozca chayahuac auh moch tlaçochalchihuitl, teoxihuitl yn ipan tlatlacaloli; auh yn itetzin yuhqui yn iztac omitl, auh yc nepapan tlatlapalotoc ylhuicatetl, auh ynicxitzitzin yyztac chichicactic yuhqui yn iztac chalchiuhtetl yni tlatlaquéchilo; mochiuhticac coztic teocuitlatl ynic tlaçotlancatzintli, ynic moyecnexitia yuhqui yn huey actepetl Monte Libano.

teocuitlacozca chayahuac auh moch tlaçochalchihuitl, teoxihuitl yn ipan tlatlacaloli; auh yn itetzin yuhqui yn iztac omitl, auh yc nepapan tlatlapalotoc ylhuicatetl, auh ynicxitzitzin yyztac chichicactic yuhqui yn iztac chalchiuhtetl yni tlatlaquéchilo; mochiuhticac coztic teocuitlatl ynic tlaçotlancatzintli, ynic moyecnexitia yuhqui yn huey actepetl Monte Libano.

Auh ynic quauhticatzintli, ynic yecquizcatzintli, yuhqui ynic qualnezqui tlazcan yn inepantla occequi nepapan quahuitl; auh yn iquechtzin yhuan yn itlàtoltzin huel cenca yamanqui, tecpiltic. Huel moch cenquizcatlaçòtlalonitzin, moch elehuiloni ¿Atle tleyn ytetzinco çan nemiuhca? Moch teyolloyeuh, moch teyollacanequilti, oca huel yuhquin in ynic quaqualtetzin yn notlaçòtzin, yn nocniuhtzin. Oca yèhuatl yn yxayacàtzin, yn itlatlactzin nochpochtzihuan, yn amipilhuan yn atl yn tepetl Hierusalem. Cue nocihuapiltzin yntla yuh conin ynic tlaçòtlanqui, ynic quàqualtetzin motlaçoconetzin, (yn iuh ticmìtalhuia): macamo ximopatzmiquiti, macamo ximotequipachotzino, ye yca ca ynin axcan nipa quihuica, cruztitech quitlayyyohuiltizque, huel oc centlamantli yni nenezca, camo yuh conon. Vidimus eum, et non erat aspectus: non est species ei neque decor, et quasiabscanditus vultus eius, unde necreputarimus erum.

Auh amo yuhqui yn cacalin yc tliltic, ypampa ca moch ezneliuhtiuh, ezpachiuhtiuh. Ynixtelolo amo yuhqui yn huilotl yxtelolo; ye yca ca amo tlapapactli, yece ca huel oyxtecocoyon eztica yhuan teuhtica. Oyxtlatlapachiuh ça yuhqui yn yxpopoyotzin ynic neztiuh yn icacanteuh amo tlaxochimantli, yece ca huel oaapalohuac, ohuahuaçon; auh ypan chachapacatica miec huel tetlatlaelti yacchichitl, auh yn iten ye neli ynic neci yuhqui matlamachyochil, yece ca mopalehuac huitztecoltic, auh amo ytech pipicac tlaoxochicopalli, yece eztli yhuan chichitl yn omache yztahuac. Auh yn iteocuitla ma yn ixquich yc tetlaocoliaya, ca omache quaquapitzauh yhuan ocococox, otetzotzonaloc. Ca aoc huel colinia, ma no ce hueloc yc yca quitzitzquia, yn quauhnepanolli quiquechpanoa.

Yniti yuhqui chipahuac omitl yn ilhuicatetl yc tlatlamacho, quipanahui yn màtlactli omometzontli, ynic ohuitecoc, auh huel nenetech onoc, cano yuhquima tlatlapalcaquilli yece huel moch cetitica, ynic ochichipeliuh yuhquima, çan oxipehualoc ynicxi, ca amo yztac chalchiuhtemimilli ypampa ca ça tzitzicoliuhtiuh, nel ye yhuan ça yaya Tihuetzi ça ytlanqua; yc yyca Tihuetzi yn ica yn quauhnepanolli, ça nenechca yn ixtlapach onotihuetzi. Auh yn iqualnezca amo yuhqui yn quetzaltepetl Libano, ça yuhqui yn tlalcahualli, yn omach huàhuac yn ixixiuhyo ma no ce yn iuh huècapa quitlazcan. Ye yca macihui yn melactic catca yhuan acatic cenquizqui oquichtli, yece ca ça coliuhtiuh ynic huel quetilihuiltìtiuh yn huel yetic quauhnepanolli. Auh yn itozqui, yn itlatol, àmo

Yn ica yn iuhquin cenca tetotoneuh tlatoli, yc oquimononochilìtiaque yz cemicacychpochtzintli, tocihuapilcatocatzin oytech onmopachihuitita yn canin ye quimohuiquilìtihue yn itlaçomahuizconetzin yn oncan yxquich ytlapaltzin quimochihuili, ynic quimottiliz. ¡Yyo, Santa Mariatzine! ca ynic amo mitztequipachozque, ca ynic amo mitztonehuizmacazque, amo tixpantilo atle ticaquitilo ynic yahuiloa yn ica tlahuahuanaloz yn motlaçoconetzin Isaac. Auh ye yca iz çan yohualtica mochan hualquiça ynonamic Abraham. Yece yn Tèhuatzin ¡notecuiyoe, tlacatle, cihuapille ylhuicac cihuateuctzintli! ca mitzmocaquitia, ca mitzmixpantilia yhuan mitzhualmohuiquilia yn huel ynepantla tonatiuh, ynic huel mixteloloticatzinco ticmottiliz yn tleyn huel cenca quicocoz, quipatzmictiz yn motlaçotlaocolyollotzin.

Auh niman yc tlalpan ypan yn quauhnepanolli yn cruz quimaquetztitequilique;1 ynin cenca tetotoneuh; quauhtlapechtli quinemactìque yn icelticanacayotzin. Yz cenca ycnopiltic necehuiantli, ynic oncan mohuetzitiz yn cenca huey huècapanolli ce tlatohuani; yn huel tzoltic ynic oncan onaquiz yn àcan tlanqui, ynìc coyohuac, yhuelitiliztzin.

Auh niman yc concuique yn itamachiuhca yn tepoztlatoctli clavos. Otla xicmottili ¡noteohue, notlàtocahue! yn yamanca tlapechtli yn omitzmotequililique yn tlatlacohuanime; ca yèhuatl yn ynxoxochio, yn xochitzetzeliuhtoc ynecehuiayan, ynneltiliz Salomon. Yece ca huel tepitztic yhuan huellaquactic yn niquitta yn tehuatzin motechtzinco pohuiz, ca oncan inyn moneytoniliz cehuiantzinco, yn mociahuiliz cehuiantzinco yez yn mitzmochialtilitoc yz cemanahuactli, ynic oncan cehuiz; yn niman àtle onca ynenehuiliz yn motlatequipanoliztzin, yn mociahuiliztzin yn ixquich cococ, teopouhqui oticmiyyyohuilti. Tla xìcmottili yn iuhqui yn moquechtetzontzin, momanahualtzin yn oncan, tlaçoquachtli cuecuelpachiuhtoc, tlaçoyhuitilmàtli çoçouhtoc ynic oncan ticmocehuiliz yn mocuitlapantzin, yn motepotztzin yn omache totonehuac, yn omachè xoxolehuac.

Anel ylhuicacpa onmotlachialti, conmottili yz cemicatilicecatzintli ytlaçomahuiztàtzin, auh quimolhuili. ¡Yyo notlaçomahuiztàtzine! yn omoch ticmochihuili, yn omoch ticmoyocolili yn ixquich quexquich ylhuicac, tlalticpac onoc, ca cen huel yc nimitznoyectenehuilia; ynic oncan otinechmaxitilico yn iacian, yn itlamian yn notlatlacamachiliz, ynic nimitznonepechtequililia, ynic nicneltilia yn motlanequiliztzin. Ca ye mohuictzinco nonpatlani, ca ye ne nimitzonnotoquilia, ca yèhuatl yni ohui yni otlatococa yn cruz nocontoca; ma xicmocelili yn nixtlauhca, yn nihuen yn motlaçopiltzin, yn mocenteconetzin yn huel tehuellamachti, auh ma motlapo yn ilhuicatl, yn mocennecuiltoniliz papaquiantzinco, ynic huel ompa yazque, calaquizque yn tlàtlacohuanime yn quimotlamachtitihue. *

Yn oyuh contepozminque yz ce ymatzin; niman yc conanque yn oc no ce, auh ynic cenca oquimototonehuilique; quittaque ca ococototzauh yn itlalhuayo yn occe ymatzin, auh ca aocmo onnaci yn oncan otlacoyoniloc, otlamamalihuac. Auh yn iuh quimìtalhuia san Anselmo. Niman yc quimecatecuixque, yn imatzin oquitepozminque ynic amo momatzayanaltiz, yn ìquac quittititazque yn occe. Auh ye yca ynic oc no ce mecatl ymaquechtlantzinco yn yèhuatl; amo tepozminaloc, quilpìque. Auh niman yc peuhque yn yc y occampa; yxti quitlahueltititza huel ytech motlapaltilique yn itlaçomatzitzin ynic hualmomemelauh yn tlalhuatl yhuan hualmomamacauh, yn omitl auh hualchichitocac, hualmomamacauh ynic çaçaliuhticatca yn itlaçoelchiquiuhtzin ca huel yyollotzin ỳtic àcic. Tlacempanahui yn ixquich totonehuiztli quimiyhiyohuilti totemaquixticatzin Jesucristo.

Auh çan ye no yhui ynic quitlahueltetepozminque yn itlaçoycxitzitzin; yn huelic moch nohuian, ytlatlacapantzinco tìtilin yn itlaçotlalhuayotzin. Yn ma ca çan huehuetl yn itech yn cruz; yn iuhquima harpateuh ytech motetecac, motitilani, ynic oncan caquizti yn huel cenca teyolpatzmicti, tetlaocolti tlatzotzonaliztli. Yn niman ayc yuh occeppa quicacque yn tlalticpac tlaca auh oc no centlamanpan yz cenca teyolquima, tenacaztlamachti, tepapaquilti tlatzotzonaliztli, yn niman ayc yuh omocac yn ilhuicac.

Auh çan ye no yhui ynic quitlahueltetepozminque yn itlaçoycxitzitzin; yn huelic moch nohuian, ytlatlacapantzinco tìtilin yn itlaçotlalhuayotzin. Yn ma ca çan huehuetl yn itech yn cruz; yn iuhquima harpateuh ytech motetecac, motitilani, ynic oncan caquizti yn huel cenca teyolpatzmicti, tetlaocolti tlatzotzonaliztli. Yn niman ayc yuh occeppa quicacque yn tlalticpac tlaca auh oc no centlamanpan yz cenca teyolquima, tenacaztlamachti, tepapaquilti tlatzotzonaliztli, yn niman ayc yuh omocac yn ilhuicac.

ça tlacatzalan ça netotopehualo; ça xoxoquihui yn tlaca; niman yc netenhuitequiliztica, netenpapahuiliztica, tlacahuaquiliztica quehuatiquetzque yn totepehualiz ychiquayapan yn eecaticpac omoteca, ynic mochi cemanahuacatl quittaz. Motlahuiznextia tepan, moteca yn teocuitlaylhuica quachpamitl yn iteyacanaya yn christianome ymauh yntepeuh. Ynin tlaçomahuizquauhnepanolli yn ompa motec ¡yn maxàx! ynic yn oncan yntetlayyyohuiltiliz chichic apan hueliaz tzopeliaz.

Ynin teotopilli, teonetlaquechilli ynic mopanahuiz yntlatlacol acuenyotl yn aquìque quinequizque ytech motlaquechizque. Hualmomana yn ayauhcoçamalotl yn inetlacècehuiliztzin teotl Dios; ynepantla yn eecatl yn nepapan tlatlapalpouhtoc. Auh ynic çan yn matlapaltica quehuatiquetzque yn totemaquixticatzin, yhuan yn cruz mocuecuetlaquiltitimanca, moyayatiltìtimanca yuhquima çe huey tlatzcan quahuitl huel màmaye. Oncan occeppa huel tòtonehuac yn itlaçomahuiznacayotzin auh hualcòcoyahuac yn oncan yc quimotetepozminilìque. Ilhuica yn ìquac yn tlatatacco yn oncan yca yn cruz yc conactitlazque; ca techcalcamac yn quicoyonìque huel moch yc totonehuiz huihuihuixcac yn itlaçotlactzin, auh yn xocohuitztli yequene huel yc ompopolac.

Ynin teotopilli, teonetlaquechilli ynic mopanahuiz yntlatlacol acuenyotl yn aquìque quinequizque ytech motlaquechizque. Hualmomana yn ayauhcoçamalotl yn inetlacècehuiliztzin teotl Dios; ynepantla yn eecatl yn nepapan tlatlapalpouhtoc. Auh ynic çan yn matlapaltica quehuatiquetzque yn totemaquixticatzin, yhuan yn cruz mocuecuetlaquiltitimanca, moyayatiltìtimanca yuhquima çe huey tlatzcan quahuitl huel màmaye. Oncan occeppa huel tòtonehuac yn itlaçomahuiznacayotzin auh hualcòcoyahuac yn oncan yc quimotetepozminilìque. Ilhuica yn ìquac yn tlatatacco yn oncan yca yn cruz yc conactitlazque; ca techcalcamac yn quicoyonìque huel moch yc totonehuiz huihuihuixcac yn itlaçotlactzin, auh yn xocohuitztli yequene huel yc ompopolac.

Huel nohuian yn itlatlacapantzinco motzoptimoman yn totonehuiztli, auh oc no yequene huel hualcocoyahuac yni cocoyonca yn itlaçomatzitzin yhuan yn itlaçoycxitzitzin, auh niman yc hualmoyayacati yn itlaçoezçotzin yuhqui yn ma apipilhuaztli ynic hualpipipicac. Rupti sunt fontes abistimagne. Hualmomolon, hualmoyayacati yn atoyatl ynitic, hualquiz yn icentlaniyo, yn iacuezconyo, yn teycnoyttaliztli hualmotlatlapo yn ilhuicaatezcatl.

Huel nohuian yn itlatlacapantzinco motzoptimoman yn totonehuiztli, auh oc no yequene huel hualcocoyahuac yni cocoyonca yn itlaçomatzitzin yhuan yn itlaçoycxitzitzin, auh niman yc hualmoyayacati yn itlaçoezçotzin yuhqui yn ma apipilhuaztli ynic hualpipipicac. Rupti sunt fontes abistimagne. Hualmomolon, hualmoyayacati yn atoyatl ynitic, hualquiz yn icentlaniyo, yn iacuezconyo, yn teycnoyttaliztli hualmotlatlapo yn ilhuicaatezcatl.

Auh niman yc peuh yn yemea yn nahui atoyatl; yn ompa hualquìquiz yn xochinetlamachtilcalpan Parayso, yn càhuilia yn ixquich cemanahuactlalli. ¡Yyo tzompantepetle! macihui yn opan huetzca yèhuatl, ynic oc hualca tlecoc, acoquiz, ynin tlapaliuhcauh, ynin chicahuaca tiàcauh yn Israel tlaca,

; ca amo mopan yaz yn itlacentelchihual, yn ipan quittaz yn Gelboe tepetl; ynic ypan tla ỳtlan, maca yc ylhuicahuachtli ypan huetzi. Ye yca ca nimitzytta, ye ocuel tahuililoc yn ica yn ilhuicac àhuachtli yn quixotlaltia, yn quitzmolinaltia yn mochi teotl yaltepetzin, ca titlalhuaccan, ticatca ca titlacentelchihualli, ticatca ca titetexcal quiztoca ca tineyçolyo, ca titeocoyo, ticatca tihuitzyo, tahuayo; auh yn axcan ye tinetlamachtilcalpan, tixoxochitla, tipapacohuayan tinecuiltonoloyan timochiuhtoc. Ca nel ye omopan aquiloc yn yolilizquahuitl, yn ce xiuhyoc matlactli omomepa yn xochiqualyohua, yn tlaaquillohua auh yn ixiuhyo yc mopàtia yn nepapan tlaca. Mondei, mons pinguis, mons coagulatus, mons pinguis ut quit suspicamini montes coagulat.

Teotl ytepotzin xotlatoc, ytzmolintoc, tlaaquillotoc nepapan xochiqualquauhyotoc, huel tètentoc yn itlateochihual tetlamachtiltzin, y niman aocmo huel yc ytech monenehuililizque yn huel cenca teteyo huatoque tetepe, huel oc hualca yn ticpanahuia ynic timahuiztic, yn amo ye Oreb, teotl Dios ytepetzin, oc hualca titenehualo, timahuizytolo, yn amo ye Sinay; oc hualca onohuian cacahuan yn momahuizço yhuan oc hualca yn moylhuica netlamachtil yn àmo ye monte Thabor.

Teotl ytepotzin xotlatoc, ytzmolintoc, tlaaquillotoc nepapan xochiqualquauhyotoc, huel tètentoc yn itlateochihual tetlamachtiltzin, y niman aocmo huel yc ytech monenehuililizque yn huel cenca teteyo huatoque tetepe, huel oc hualca yn ticpanahuia ynic timahuiztic, yn amo ye Oreb, teotl Dios ytepetzin, oc hualca titenehualo, timahuizytolo, yn amo ye Sinay; oc hualca onohuian cacahuan yn momahuizço yhuan oc hualca yn moylhuica netlamachtil yn àmo ye monte Thabor.

yn totemaquixticatzin. ¡Yyo noteohue, notlàtocahue! ¿Quenin catiuhcatzintli on? Yn omache mitzmoyayahualhui yn miquiztzitziucnolizyotl yn omopantzinco moman, yn mictlan tlayyyohuilizçotl. Ye yca ca yn yuhqui ompa tlayyyohuilo; yn niman atle onca oceuhca, ypatica ça ye no yhui yn tèhuatzin yc timotlayyyohuiltia. Yn niman àtle toconmocelilia teellaquahualiztli, ca omopantzinco temoco yn ixachi y acueyo nepapan atl, huel otimoçoquiaquiti yni centlaniyocan, yn icnoyotl, yn tecoco, yntetoneuh, auh aoctle onca yn tleyn ytech timotlaquechitzinoz.

Ca nimitznottilia ¡noteohue, notlatocahue! ytech ce quauhnepanolli; timotepozmìminaltiticac; yn momatzin, yn mocxitzin nanalquiztìcac. Niman ayac aquin maquinapalo yn motlaçotlacnacayotzin tlacamo çan ye etetl tepozmitl ynic timopilquititicac, yn ìquac ticmonequiltia; ypan mocxitzitzin oc tepiton timotelquetzinoz ynic achi timocehuitzinoz, yn ietica yn motlactzin quicòcoyahua yni nanalquizca yn motlaçoycxitzin, niman aocmo huelon monecoc palehuia. Yn momatzin, yn mocxitzin yhuan yn occequi motlatlactzin ye yca ca ça mocepan totonehua ¿Auh no cuel ye ¡noteohue, notlatocahue! ¿yn motlaçomahuiztzontecontzin yn omache huitztica totonehuac yn ococoyocac, yn onanalquiz tleyn yquechtetzon mochiuhtica? ¡Yyo Totecuiyoe! ¿Quenin huel ymonecyan mochihuazquia yn momatzocoltzin? yece ¡noteohue! ca oc mo ye monequiz ca ye yèhuatl yn cruz y mama. Auh yn inecehuil ytech mochihuaz yèhuatl ynic oc hualca conpòpolactiz yn huitztli. ¡Yyo cenquizcamahuizcruztine! ca nel aoc tle ynteycnoyttaliz yn tlalticpac tlaca, ca ocmo quinmotlaocoltilia yn inteouh.

Yn tèhuatzin yn tìtlacemicnopilhuilquauhtzintli; yn motechtzinco pilcac yn itlaaquilo, yn ixochiquallo yn tonemiliz; ma xicmocnoyttili. Flecteramos arbol alta. Ma xictotollo yn momamaxal, yn momama yn tiquauhhuècapaniuhqui. Auh ma xicyamanili, xiccacaxani yn moquaquahpitzyollo. Ma oc xicmocahualti yn motepitzticayeliz, yn motetòtonehuiz

¡Yyo cenquizcamahuiztozquitzintle! ¡Yyo! ¿Yancuican cuicatlatlalile yn niman ayc yuhqui omocac; yn quin huel yancuican axcan ocahuan? ¿Yn ca tlatlatlauhti yn aquìque huel axcan cruztitech quimotlaỳyohuiltilia yhuan ytechpantzinco tetzauhtlatohua, quimochicoyttalhuia? Ca huel neltiliztli ynin tozquitl yc cahuan, ca huel quiçahui, ca huel quimauhti yn Mictlanteuctli yn omache moyaonenemachtica, yn omache motlaxochchichiuhca, yn ihuicpa yn itlaçomahuiztlalticpactlacayelizçotzin, ynic huel aço huel ytla atlapaccayohuiliztli ypantzinco quihuicaz. Ca yn iuh oquicac, yn ayc yuh omocac tlatolli; mochi yn Mictlan huelitiliztli ohuihuiyocac, auh aquixima, yn niman àcan tlanqui, àcan tzonquizqui, yectilizçotl, qualtilizçotl. Yn ominaxticatca, yn omotlatiticatca ¿Aquin hueloc motlapaloz? Quipiaz yollo ỳtic; ye tinemiz yn tetlaelyttaliztli, yn tecocoliliztli, yn netzoncuiliztli, ma no ce oc ma ye ynic tehuicpa motzoncuiz, quitetzacuiltiz, quitetlahuelcuepiliz ynic oyollitlacoloc, ynic otoliniloc yn ica yn cuicatl ¡nopiltze, noteycca! (yn tèhuatl tlacatecolotl omìticmonahualti, yn

¡Yyo cenquizcamahuiztozquitzintle! ¡Yyo! ¿Yancuican cuicatlatlalile yn niman ayc yuhqui omocac; yn quin huel yancuican axcan ocahuan? ¿Yn ca tlatlatlauhti yn aquìque huel axcan cruztitech quimotlaỳyohuiltilia yhuan ytechpantzinco tetzauhtlatohua, quimochicoyttalhuia? Ca huel neltiliztli ynin tozquitl yc cahuan, ca huel quiçahui, ca huel quimauhti yn Mictlanteuctli yn omache moyaonenemachtica, yn omache motlaxochchichiuhca, yn ihuicpa yn itlaçomahuiztlalticpactlacayelizçotzin, ynic huel aço huel ytla atlapaccayohuiliztli ypantzinco quihuicaz. Ca yn iuh oquicac, yn ayc yuh omocac tlatolli; mochi yn Mictlan huelitiliztli ohuihuiyocac, auh aquixima, yn niman àcan tlanqui, àcan tzonquizqui, yectilizçotl, qualtilizçotl. Yn ominaxticatca, yn omotlatiticatca ¿Aquin hueloc motlapaloz? Quipiaz yollo ỳtic; ye tinemiz yn tetlaelyttaliztli, yn tecocoliliztli, yn netzoncuiliztli, ma no ce oc ma ye ynic tehuicpa motzoncuiz, quitetzacuiltiz, quitetlahuelcuepiliz ynic oyollitlacoloc, ynic otoliniloc yn ica yn cuicatl ¡nopiltze, noteycca! (yn tèhuatl tlacatecolotl omìticmonahualti, yn

Auh ynic onhuehuetl ynic oncamatl quimìtalhui yèhuatl yn huellacompanahui, yn huel contenticatca teycnoyttaliztli, ynic quimotlapòpolhuilili; yn qualli yectli ychtequi ynic quimotenehuilili yn quimomaquiliz yn ompa yn inecentlamachtiliz chantzinco Parayso, petlatl ycpalli yn ipan yez ynic yhuantzinco ompa teuctiz, tlatocatiz; ynic huel yca moyolehua, moyollapaltilia yn tonetemachiliz. Yece amo ycà tlamatiz, amo yc choquizcuiz yn toyolnematiliz, yn toyolnepòpohualiz. Yece ¡yyo, nomahuiztemaquixtìcatzine! yntla tiquinmonochilia, tiquinmellaquahuilia yn oc centlamantin yn occecni tlaca ¿Quenin àmo tiquinmolnamiquilia yn motechtzinco pouhticate yn mocotoncahuan? Stabat iuxta crucem sesu mater eius. Amo çan ¡yyo! yn itloc micatiltiticaya yn cruz, ynic oncan yca yn ycnohuacayxtelolotzin quitzticatca yni cococoloca yn itotonehuiz ytlaçoconetzin, yece ca huel miquiltiticaca, huel moquetztzinoticaca. ¡Yyo, chicahuaca yollotlàpaltilizcatzintle! ¡Yyo, mahuiçauhca necentlalpaltilitzintle!

Yn cemanahuactli oixycatihuetz, yn tlalli molinia; yn ithic tlatzitzquili tlanapaloni huihuiyoca, auh yn cenquizcachipahuaca ychpochtlatlactzintli çan tlamattimani. Çan yey ye yehuan yca timani. Yn tetl teteyni, auh mocemàcitica yn iyollotzin yn itlaçomahuiznantzin; ca yn itlaçoyollotzin ca yuhqui yn ma ce huey teoachichicatl omocuep, auh yn iacueyo ynic poçonia; ynin atl huel onàcia yn ithic, yece yn atlacàtl

Ma no ce çen huel ytla tepiton yc chico tlanahuac, oquiquetz yn itechpa yc huel oquimocenmacatzino yn itlaçotlanequiliztzin yn iteotzin, yn itlatocatzin. Yece yn ica yn tlanequiliznecetiliztli, necenmacaliztliàmo huel yc momapatlaya yn ipan iyoliàtzin yn ce huel temàmauhti, teyyçahui totonehuiztli, ynic huel yxteloloticatzinco quimottiliaya yn niuh ytlaçocenquizcamahuizconetzin motlaỳyohuiltiaya. Ye yca ca yn ¡tlaçaço! ac ye tlayecyoliliztlateomatini, àmo huel çan yuh quilnamiqui yn itlayyohuiliztzin totemaquixticatzin Jesucristo.

¿Quenin huel ic cruztica motlayyohuiltiliaya? ¿Quenin àmo no ytechtzinco pachihuizquia quimoçelilizquia yn icocolocatzin, yn itotonehuiztzin, yn icocoyoncatzin yn ihuahuaçomalocatzin? Yntla yuhqui quimìtalhuia yn san Augustín: Ca yn teyollia coc hualca ompa ca yn canin tetlaçotla, yn amo yn canin teyolitia. Ca yn iyoliàtzin cemìcac ychpochtzintli, yn àtle càciz, yc quimotlaçotiliaya yn itlaçoconetzin, ca ca ye huel yuh neztica ca huel quimonahualtiticatca, ca huel ytlan acticatca, huel yc mapanticatca; motetzicoticatca yn itechtzin yn itlaçoconetzin, ca huel oncan yhuantzinco yn itlaçoconetzin totonehualoc. Auh ynic cruztitech quitlayyyohuiltiaya yn itlactzin yn itlaçoconetzin ¿can oyuh cruztitech quitlayyyohuiltiaya yn iyolliatzin ytlaçonantzin?

Auh ca nel yn ye oncan, yn ye yn man yc motequitiliz, yc motlacotiliz; yn ye miyyocahualtiz, yz ça yyopa ypantzinco milacatzoa, motlapaltilia yn miquiztli, yz ça contoquili choquiztziucnoliztli yciquiztli. Yn omache cacoman yn itotonehuizielchiquiuhtzin. Quihualmotlalchitlaxili yn itlaçomahuizyxtelolotzin yn omache eztèten, yn otlatlayohuatimoman, auh conmottili yn ixayacatzin yn itlaçomahuiznantzin yn omache cìciocopin, yn omictimoman, yhuan yn itlaçotlamachtiltzin yn itloctzinco omicatiltiticaca.

yn otechmotlalcahuilia? Yèhuatl ynyn huel cenca tetlaocolti cuicatl yhuan yn huellapanahuia yc tetotoneuh tozquitl; yn niman ayc oyuh omocac yn ipan yn ixquichtin nepapan tepilhuan, yhuan yn yehuatl huel oc hualca quitotonehuaz, quichoctiz, quitlaocoltiz yn toyollia. Ca nel yc oncan ticcaqui yn huel huey tetlalcahuiliztli yn quimiỳyohuilti yn ticenquizcamahuiztlalticpaccayelizçotzin totemaquixticatzin. Yn amo çan yyotzin yn itlaçomahuiztàtzin yceltzin quimocahuilitehuac yn icentlanian, yn itlaocoltzin, yece no yèhuatzin monòmacauhtzino,yn niman aocmo conmonequilti ma oc ytlateyolaliliztli.

Niman yc peuh yn ixquich tlachihualli, tlayyocoxtli yn iuhqui ye moch tlaocol, totonehua yn tonatiuh moneçahualiz miquiztilmaololohua, auh niman yc nohuian tlalticpac tlayohua timomana, yn metztli mixquimiloa; micnocihua chichihua yn mochi yn ixcotitl mixquimiloa, motlapachoa, ynic àmo quimottiliz ynneltiliz noe yn ça mopepetlahuiltiticac, yn icatzinco mahuiltia, huetzca, paqui yn itlacentelchihualpiltzin chan.

¡Notecuiyo, cihuapile! ¿cuix ticmiximachilia yn nechca quauhnepanoltitech momamaçohualtiticac, yn niman aocmo motlacanexitia? ¿Otimocaquilti yn itonehuiz tzatziliztzin? ¿Quenin oyztalehuata yn tlaçotlapaltehuilotl? ¿Yn oncan miycoltiaya motlaçoyxtelolotzin? ¿Quenin ocuel cuetlahuiz yn tlahuizcalxochitl? ¿Otliliuhtimoman, oqualoc yn nepantla tonatiuh? ¿¡Yyo cenquizcachipahuacanepializyxtelolotzintle!, yz çan ye yc otipialoc ynic axcan ticmotlayohuiltìliliz yn itlaçoyolliatzin motlaçoconetzin?

tlàtlacolezneliuhticatca; oquimomictilique, auh ca ye nel yc oticpapacque yn tixayo yhuan yn iyo motlan ayotzin yn motlaçopiltzin; tihuelitizque ynic huel tiquitozque yn aoctle ynmamal, yn ye omaquizque yn ihuicpa ymiquiztzin yn imacehualtica yn itlaçotlayyohuìliztzin. Propitius esto Dne populo quemredimisti. Ma xicmottili ¡yyo cenquizcamahuiztetàtzine! yn ompa tihualmotztilitica yn motlaçoyecyeyantzinco ynixtzinco yn mochristotzin. Ma xiqualmottili ynin teotlaxcaltzintli, yn mixpantzinco quimohuenmanilia ynin huey teopixcatlatohuani. Yn ipampa totlatlacol, totlapilchihual, auh yn ipanpa yn àcan tlanqui yn ìahuiaca ynin popochtli, timitztotlatlauhtilia macamo xicmiỳyacamachiti yn totlahuelilocayo, yhuan macamo no topan xicqualmihuali yn itlatzacuiltiloca, ynic ononoquiuh ynin tlaçoeztli, yece ynic oncan yn ipan yn cruz yca ytetlaçotlaliztzin tlatlatletecuin, ma yc titlechipahualocan, tipopohualocan ynic yn moteomahuiz yxpantzinco titechmoyecyttiliz, ynic nican tlalticpac tictomàcehuizque yn moteotequaltiliztzin, auh çatepan yn ilhuicac cemìcac netlamachtilli. Ma yuh mochihuaz. Fin

In capitan Pedro de Alvarado quitocayotique Tonatiuh ipampa in coztic teocuitlachimalli quimochimaltitinenca in oquinmacato in iquac yancuican oquinamito in ytitlanhuan Moteuczoma in ilhuica apan inoc imacalco oyetinenca cayehuatl oquimochimaltitinenca in Pedro de Alvarado in coztic teocuitlachimalli yeica oquitocayotique Tonatiuh (Ms¨ f¨ r¨)

() Auh cayuh nicmati ca no ompa ohualitztihuallaque in tocolhuan in totahuan Tetzcoca in nican otlalmaceuhque ihuan in ixquich nohuian cemmanahuac onoc in axcan innecacahualhuan oncate in ye nohuian altepe onoque ihuan in teochichimeca in ixquich ic yaticac huei colhuacan huei Mollan Xallixco in tonatiuh icalaquiampa onoque chichimecâ tenime popoloca izcenca miec nepapatlatol ic monotza inic nononqua omotlalmacehuique (Ms¨ f¨ r¨)

() Auh ca otic hualitotiquizque in ipan in Tonalamatlapohualli iz ceceyaca ic omoteneuhque in itotoca iz cecemilhuitl tlahuica in tonalli tlayacattitica cecempantitica Auh niman yehuatl in ic ompantitica in motocayotia iquechol quitoz nequi ihuical ixeliuhca auh inic huel momatiz inic macicacaquiz ca in yehuatl in tonaltocaitl in tlayacattitica in acachtopa moteneuhtica ca oncan pehua in itequiuh in yohualnepantla in iquac xelihui in yohualli yhuical in aquin in tlein citlalin acachto moteneuhtica Auh ic iman iquac tlami in itlatequipanoliz in huel iquac nepantla tonatiuh Auh ye in iquechol moncahuitihui mopixtihui netechmiiyotlapaltilitihui Auh in iquac oquiz in oquipanahui in nepantla tonatiuh niman oncan quipehualtia in itequiuh in iquechol oncan conaxilia in zan no yohualnepantla Auh niman occepa quipehualtia in itequiuh in huel tonalli in oquiz yohualnepantla zan mochyuhqui (Ms¨ f¨ r¨)

Auh ic niman iquac tlami in itlatequipanoliz in huel iquac nepantla tonatiuh Auh yn Iquecho moncahuitihuí mopixtihuí mihiotlapaltilitihui Auh in iquac oquiz inoquipanahui in nepantla tonatiuh niman oncan quipehualtza in itequiuh in jquechol oncan conaxilia iz zan no yohualnepantla ihuical mochiuhtiuh inic ontlamantli Citlalin Planeta oncan mixnamiquí in azo qualli auh in acazomo on can quicahua in itequiuh in yohualnepantla Auh niman occeppa quipehualtia in itequiuh in huel tonalli in oquiz yohualnepantla zan moch yuhqui (Ms¨ f¨ v¨)

Auh ca yeica in axcan ic nitlatlauhtia ma xicmopaccacelili in ixquich notlatequipanoliz in notlapalihuiz inic onictequipano inic onixtozotinen {ixtozoan ¨elan tzainocha¨¨e} ixquich cahuitl onictequipano yexiuhtica in oniccencauh in aixtica onicacicahuipan in ixquich tlamanqui in oniquito in onicteneuh Ca in aquin huelquimati inquenin ohui in tlatemoliztlatolli ihuan inic cenca huei tlatequipanoliztli in tlacuiloliztli in tlatoltemoliztli ca huel yehuatl itech monequi in aquin mocuiltonoa in onca itlatqui in onca ineuhcaicochca inic huel amo itla ic motequipachoz yeica ca pachiuhtica in iyollo

Auh ca nimitz notlazotlatlauhtilia ma xicmotlatili maxicmocuilhui in ixquich in amo onicacicamat in amo onicacicaicuilo maxicmopapatili ma ye oc qualli melahuac xicmotlalili ca amoma nicnocen maca ca amoma nicnocentechtia intlamachiliztli

Ca quitoa in huehuetque in Tenochca Mexicâ iz zan no oilhuiloque iz zan ocaquiltiloque in amo huel yehuantin ocatcâ in acachto ohual quiztihuitza in canin ilhuica atl ixeliuhyan inic hualpanoque in iquac inoxêloa mocâcâhua in ilhuicaatl in nocè quitocayotia teoatl ca iniquac iuh mochihua in inic necoc moxeloa in ilhuicaatl in anocè teoatl iquac timomana in tlalli inic huel zan tlalhuaccapan huallaque in onca ohualquiztihuallaque in axcan motenehua Mexica Tenochca ca amo yeppa iuhqui quimotocayotiaya inic Mexica Tenochca ca zatepan _ oquimotocayotique

Auh ca ye otic hualitotiquizque in campa ohualquiztihuallaque in Azteca in Chicomoztoca Meciti Auh ca nican huel imonecyan inic tiquitozque in quenin quinhualquixti in quenin quinhualhuicac in huei tlacatecolotl tetzauhteotl ca in yehuantin in oncan huel chanchiuhticate in maltepeitoticate in oncan tlatotocati in oncan in Aztlan Chicomoztoc in huel yehuantin Azteca Chicomoztoca ca in macehualhuan catca in Mecitin atenca in tlatlamacahuan in otiquinteneuhque in tlatoquê Azteca ca in macehualhuan in tlatlamacahuan _ ocatca in Mecitín Atenca Auh in yehuantin in tlatocahuan cenca quintoliniaya cenca quinmotlacahuatiaya in momoztlae ye quimmaca in ixquich atlan mochihua in michin in cuêyâtl in têcuitlatl in izcahuitli in ocuiltamalli in axaxayacatl tlaxcalli Auh ihuan in acocolin ahuauhtli Auh niman yehuatl in canauhtli tlalalacatl tocuilcoyotl atzitzicuilotl apopotli yacatzintli ca cenca ic quintoliniaya in ixquich quimitlaniliaya iz zaye mochi in píxca in atotolin in imihuiyo ihuan in tlauquecholihuitl ca yeppa huei atenhuaque tlatlamani huei in atezcatl in quitocayotia metztli iapan huelquiyahualoticatca Auh ihuan cenca quincocoliaya cenca quintlaelittaya oquimpopolozquia oquimpehuazquia Auh in inteyacancauh ocatca tiacauh itoca catca Huitzilopochtli huei Tlacatecolopixqui intlayecolticauh in huei Tlacatecolotl tetzauhteotl cenca quitlacanotzaya quimottitiaya in Huitzilopochtli inic zatepan oquimixiptlati in Tlacatecolotl tetzauhteotl inic za itoca omochiuh Huitzilopochtli

Auh inic ontlamantli in aquique tiacahuan in oquichtin in tequihuaque in quachiquequê ca yehuatl in inintoca yezquê in tlamanimê inic namechnahuatia Auh in yehuantin in atle motlazotilizque in tlamachtilmatli maxtlayacatl in tlacuiloltilmatli in quetzaltlalpiloni iz zazoque nami in intlahuiz in inchimal ca cenca imochiuhyan inquetzalli in tlazochalchihuitl in ompan amacitihui ammacozque ic amechtlayecoltizque ca amo maquimati in necaliliztli amo caci camati in yaoyotl amo mimati in ixquichtin ye oncan onoque in otlalmaceuhque in acachto nepapan tlacâ on can ye tentinemi ye nem¨¨ohualquiztiaque in oncan anquiztiazque ca ye huel yehuecauh in mochintin nepapan tlaca ompa ye _ tentinemi ye nemoa ye tlatocatihua cenca xochitlalpan atle monectoc moch oncan imochiuhyan Auh in aquique yaotequihuazque atle inquaxoch atle quintlacahualtizque iz zazo tlein quinequizque moch quichihuazque iz zazo quezquin izcahuahuan yezque iz zazo can conannaxque in aquin cihuatl ayac maquintlacahualtiz moch iz cen nemac mochihuaz in izquitlamantli in qualli in yectli in ahuiac in xochitl in iyetl in cuicatl iz zazo ixquich

Auh inic chicuacentlamantli huel huecapan imomoztli teocalli temamatlayoticaz in oncanic tlecoaz in tlacpac oncan icaz tlalnepantla in techcatl huei tetl tlaxixintli in oncan quimeltequizque in mamaltin ihuan oc cenca miec in tlacatecolotl ic oquinahuati in Huitzilopoch in omoch eixahui/ quineltilitinenque in oquichiuhtinenque cenca mochteizahui temamauhti in tlacatetolonahuatilli in ic oquinahuati in Huitzilopoch in amo moch nican micuiloa iz zan mocotona Auh zan oc yehuatl tiquitozque inic oquinhualyacantia in tlacatelotl iniquac oncan oquinhualquixti in Aztlan Atezcapan in oncan in _ Mecítin ca iniquac oncan ohualquizque ca quitoa huel cenxiquipilli ihuan macuiltzontli in ye mochin toquichtin cihuâ telpopochtin in oncan ohualpanoque in ilhuicaatl ixeliuhyan inecauhyan ocotlalhuactiaz in atle atl ocatca iniquac ohualpanoquê in ye mochintin Mecitin niman oncan oquimilhui in tlacatecolotl oc oncan onxiuhtixque oncan oc moch quichihuazque in ixquich yaotlatquitl chimalli macquahuitl tlahuiztli huei mitl in atlatica ic motlaza in amo tlahuitolli zan oc yehuatl in patlahuac itzmitl huel cemmatl in tomahuac acatl mamazoa in atlaticâ ic motlaza zan momahuia

Auh ca otihualitotiquizque in ixquitlamantli inic oquinahuati in tlacatecolotl in itetlayecolticauh Huitzilopoch ca in ixquich cahuitl in onenca ihuan in quezquican ohualtepeuhtia ca izquican moch oquineltili in itlanahuatil in tlacatecolotl in inyollo in imezzo in mamaltin ixpan quihuenchiuhtihuitza ihuan quiquatihuitze in innacayo in mamaltin inic yehuantin oquiteittitique in Mecitin inic tlacanacaquani itencopa in huei tlacatelotl Auh ca amo quimatia in ixquich ic nohuian ônôâca ca amo tlacanacaquani ocatca auh ca in quihuenchihuaya in imixpan inteohuan catca ca zan yehuatl in imezzo in ixquichtin yoyolimê ic centlapanahuia in huei huentli in zozoltin quinquechcotonaya imixpan in imiz tlacateohuan catca yeica ca acan mania in yaoyotl in necaliliztli acan quaxochtli icaca zan mochi tlacatl cecencatca in intlalmacehualpan in acachto ohuallaque in tetahuan in tenanhuan omochiuhque in omotlacaxinachoque

Auh ca yehuatl in intlacatecolouh in Mecitin oquiteittiti in ixquich amoqualli amo yectli inic yehuatl oquiteittiti in neyaotlaliztli in necalilixtli in tlacamictiliztli in tlacanacaqualiztli ihuan in ixquitlamantli ic oquin nahuati in intlacatecolouh in Mecitin in ixquich amo qualli amoyectli in teizahui in temamauhti in amo quimatia in ixquichtin nepapan tlaca acachto ohuallacá

Auh ca ye otichualitotiquizque iz zan quexquich in oncan ic ohualpanoque in Mecítin in teoatl inecauhyan ihuan in quenin oquihuallotlatoctitia in intlatocauh Tlacatecolotl in Mecítin Auh ca zan ixquich nican tiquitozque in imiquiliztempan ic otlanahuatitia in intlatocauh in inteyacancauh in Mecítin in Huitzilopoch inic occeppa ic onahuati in tlacatecolotl in ixquiztlamantli oquimilhui in Meciti Auh ca in iquac iz zatepan oncan oquincauhtia in Mecitin in intlatocauh Huitzilopoch ca ye chicuepohualtia ye huel ohuehuetic in Huitzilopoch aocmo huel molinia huel cenca ohuehuetic za oquihualnapalotihuitzâ in imacehualhuan oncan oipan mochiuh in xihuitl molpia in ye otzonquiz ompohualli ommatlactli omome xihuitl in iquac ompa hualquizque in Aztlan in

Auh ihuan in tlatocateotl in Tezcatlipoca in impan icac in iteyacancauh in tlatocayotl in pillotl in teucyotl in petlatl in icpalli Auh ca yehuatl in intelpochtli yaotl Tezcatlipoca in tlamachiliztli _ in tlaacicamachiliztli itech catqui itechquiza ihuan tlatocateotl Auh ca yehuatl in in ompa tlapiatiuh in campa techhuicatiuh in toteouh in tetzauhteotl in oncan acachto otlaqualittato in canin huei anepantla in metztli iapan

Auh yehuatl iyaotequihuacauh iyaotlatocauh itepehualpan mochihuaz in nohuian ahuacan tepehuaccan in oncan tetlayecoltiz in oncan temacehual mochiuaz in oncan acitihui in aquiquê amopilhuan amoxhuihuan amo mintohuan amoteiccahuan amotentzonhuan amixquamolhuan amiztihuan amacacaamayohuan in ixquichtin amonecacahuahuan in aquique quittazque in aquique quipantilizque in amo iciuhca in iquin on quimaxiltiz in toteouh in yaotequihua in mitl chimalli in teoatl tlachinolli ipial in tetzauhteotl inic yehuatl oncan quinextiz in itiacauhyotl inic quintlayecoltiz in ixquichtin teteô in huei tlaloc in quiyacana in quichihua in imic neliloca in ixquichtin onon tlaca in teotlachihualiztica ic quimicnelia cecni tlaca in nepapan teteo

acazomo aca amehuantin anquittatihui in oniquito in onicteneuh in canin anepantla in canin metztli iapan xochitlalpan tonacatlalpan ca iuh quitoa ca iuh quitenehua in toteuh in tetzauhteotl ca oc huecauhtica in acitihui in aquique amocotoncahuan amohuampohuan Auh ca ye anquimati ye niman Colhuacan otopan mochiuh in xihuitl inelpiayan ye ompohualxihuitl ommatlactli omome in iquac tihualquizque in Aztlan in Chicomoztoc in oncan otechpopolozquia in totlatocahuan in totecuiyohuan ocatca in Aztecâ in Chicomoztocâ in Altepechiuhticate

in axcan ca za ic namechnahuatitiuh in nomiquiliztempantlatol Auh yece ma axquilcauhti ma anquipoloti in ixquichtlamantli onachmech ilhui ihuan in occequi axcan namechilhuiz huel xicmoyollotican manen anquilcauhtin Maxicmatican ma ic pachihui in amoyollo in annopilhuan annoxocoyohuan annomamalhuan annoxhuihuan annocacamayohuan ca ye ixquich in noyoliliz in notlalticpacnemiliz ca nel ye nihuehuetic ca nel aocmo nihueliti ca zan niquintlaocoltia in teteô in totecuiyohuan in mache huel yehuatl in toteouh in totecuiyo in toteyacancauh in totlatocauh o mochtin mocennonotzque in ixquichtin nepapan teteô inic nechhuicazquê inic ompa intlan  niyetiuh in canin itocayocan ximohuayan in mochin iz cenchan in momiquilia ye yalhua ye ohuiptla yohualnepantla onech anaco impan onechhuicaquê in tepeticpac in huei colhua icpac Auh zan onechpatlanaltiquê quauhtli ipan niquiztiuh auh in iquac ompa onechaxiltique ca moch oncan cenquiztoquê in teteô totecuiyohuan huel temamauhtiquê huel teizahuique tlen mach ic mixeuhtoque iuhquin huehuein tequanimê tzitzimimê ocelomê huehuein tequancohuamê cequintintzinaca aztlacapallequê

Auh in onech axilti in toteyacancauh in totlatocauh in toteouh yaotequihua onechilhui macamo _ ximomauhti Huitzitlê opochmayeê ca yehuatl in motoca inic TiHuitzilopochtli ximoyollali amo ximomauhti ca tel in tencopa inic onimitzanato inic nican mitzcennahuatizquê in ixquichtin teteô in nican onoque in otiquimittac inic niman mochintin onech ilhuiquê otitlacneli macehuale Huitzitle opochmayeê tiacahuê totetlayecolticahuê ca in axcan ca mopampa nican oticenquizaco inic nican mopampa otitonechicoque Auh ca timitzicnelia in ma ixquich in motlalticpacnemiliz ca ye oticiauh inic otitechtlayecolti ca cenca qualli yectli ic otitechhuellamachi cenca ic otitechpapaquilti inic otitechhualmacatihualla in inyollo in imezzo in tomacehualhuan in amo iuhqui ic otipacticatca ye ixquich cahuitl

Auh yece ca ic oticnahuatique in toyaoteachcauh in tetzauhteotl inic timochintin totencopa omitzhualquixti in atenco anepantla Aztlan metztli iapan Chicomoztoc in otiquinhualhuicatihualla in ixquichtin Mecitin Azteca mopilhuan in michtlatlamaque yoyolimê quimacia Auh inic cenca otimitzicneliquê ihuan in mochintin ca otamechcahualtiquê in michtlatlamaliztli ihuan in occequintin yoyolimê patlantinemi Auh ca nel ye otichualchiuhtihualla in izquitlamantli icomitznahuati

in toteachcauh yaotequihua tetzauhteotl iz cenca ic otitechpapaquilti iz cenca ic otitechhuallamachti in timochintin nican tonoquê in titeteô Auh inic timitzicnelia ca zan macuililhuitl in timiquiz icemilhuitlapohualpan in Mictlan Teuctli

Auh yece macihui in timiquiz inic totlan tonahuac yez in moyolia ca amo ic mitzxiccahuaz in toteachcauh tetzauhteotl ca in momiyoitic in moquaxical itic ca oncan motlaliz ca oncan mopampatlatoz iuhquimma zan oncan tiyoltica ic quimatizque in ixquixtin macehualtin ca iquac intla itla quinemizque in tlenamacaquê in huehueintin mozauhquê tlamacazquê tlenamacaquê ca tiquimilhuiz ca tiquinnahuatiz in tlein quichihuazque ic tiquinyollaliz in ixquichcahuitl otlatocatiazque ihuan iquac in acitihui in ompa annemactilo anepantla metztli iapan xochitlalpan tonacatlalpan in oncan tepehuazquê in oncan tlatocatizque in oncan tlayecotilozque in oncan macozquê in quetzalli in chalchihuitl in tonacayotl ic tlayecoltilozque oncan cemanahuac ic tlamauhtitiezquê in teoatl tlachinolli mitl chimalli ca ye otinahuatiloc inic tic huenchihuax tohuicpa tixpan in inyolllo in imezzo in aquique mamaltin ye oc anquimacizquê _ ihuan in ixquichtlamantli ic oticnahuatiloc in totlayecoltiloca mochihuaz ca yehuatl mochi ic tiquintlaquauhnahuatiz in ixquichtin monecacahualhuan tiquincauhtiuh ma iuh xiquinnahuati in iquac oquiz in moyolia inic otimic ma tepetlacalco quitocacan in monacayo oncan oc nauhxihuitl onoz in momiyo occenca palani tlalli mocuepa in monacayo catel oncan tiquinnotzaz in motetlayecolticahuan tlenamacaque in iquac mitzquixtilizque niman topco quimilco quitiemazque in momiyo momozticpac teocalticpac quitlalizquê qualcan yeccan onoz in iquimillo in itopyo in momiyo

Auh momoztlae mitztlayecoltizquê in copalli ic mitzpopochhuizquê inic mixpan tlenamacazque yeica ca tiixiptla in toteachcauh tetzauhteotl ihuan ca no oncan yez xochitl iyetl amixpan quitlalizque ihuan oncan amixpa moxtlahuazque in nacaztitech imacoltitech inelchiquiuhtitech in tlanitzttech quiquixtizque in imezzo ic amech atzelhuizquê Auh in iquac itla quinequiz in toteachcauh yaotequihua ihuan tehuatl anquimilhuizque in amo tlayecolticahuan tlamacazquê tlenamaque papahuaquê huehueintin mozauhque in quitozquê in quincaquiltizquê in ixquichtin macehualtin in tlein ic anquinnahuatizquê

Monequi momatiz in cualtin quin momaquiliz in cemícac pápaquiliztli ipampa oqui pixque in itlanahuatiltzitzihuan in Dios auh in amo cualtin cemícac tlaiyohuiliztli ipampa amo oquin mo pielíque Ma yuh mochihua

Inic centetl ti quin tlápalozque in cocoxque

In tlachializtli in caquiliztli ínecuiliztli in tlapaloliztli ihuan tlamatocaliztli

In Teotetlazotlaliztli Teopápaquiliztli Yolceceuhcayotl Tlapaca íyohuiliztli Tenemactiliztli Yectiliztli Tlátlacayotl Paccanemiliztli Teotlaneltoquilztli Tlaixyeyecoliztli Netlacahualtiliztli ihuan Chipahuaca nemiliztli

In Miquiztli in Tlatzontequiliztli in Mictlan ihuan Pápaquiliztli

Ipampa qui momaquilia in pápaquiliztli in aquin tlacemana ipan in igraciatzin

Itlanehuíhuia itech in nepapan cualli ihuan nemaquixtiliztli in nepapan amo cualli

Xic íto itlápalolocatzin in Santa María

Aquin oqui mochihuili in itlápalolocatzin in Santa María

Yehuatzin in arcángel San Gabriel ihcuac oqui motlápalhuilico in Tocihuatecotzin ichpotzintli Santa María noihuan mocetilia cequintin itlátoltzitzihuan in Santa Isabel ihuan Santa Iglesia

Tlen ipampa oncate nepapan miequintin inezcayotzi zihuan in Tocihuatecotzin ihuan motocayotítzinoa in Piedad in Remedios in Rosario ihuan occequintin

Amotzin ca zan iceltzin huel nelli ichpotzintli Santa María Tocihuatecotzin auh inin mochihua inic tic matizque in nepapan iteotlacolilzin in tlen cemícac tic celia itech in itlátocamatzin ihuan auh miec tic mo mahuiztilizque ihuan tic motzátzililizque itech in mochi tomonequilizhuan

Tic totlapalhuilia tic moyectenehuilia ihuan itetzinco timopechteca tic m´itlanilia in ipalehuilitzin ihuan itlatlauhtilitzin ixpantzinco in Dios

In inecentlaliliz in tlaneltocanime qui moyacanilia in Totecuyo Jesucristo ihuan in Papa itepatilotzin

Ac yehuatzin in Papa

In centlamantli inic in toanima mohuapahuaz ica in igraciatzin in Dios ihuan mocetilia inahuatzinco in ontlamantli inic amo zan achica ti huetzizque ipan in tlátlacolli in yeitlamantli inic tic ácizque cenmellahuaca nemiliztli

Tleic in Toteotzin oqui motlalili inin huécapan ihuan mahuiztic sacramento

Auh nonqua in sacramentos Tlen occequintin teoyotica tlapalehuiloni tic pia itech in Santa Iglesia

Ca nahui teachicame in pápaquiliztli in nemauhtiliztli netemachializtli ihuan in tonehuiztli

In Imelahualoca in nepapan tlátlacolli

Ca qui cuilia in teotlazotlaliztli ihuan in Dios yehuatzin ca nelli inemiliz in toanima qui poloa in gracia ihuan cemícac pápaquiliztli ihuan qui tlatzontequilia inic huetzin in mictlan

In tlaelpápaquiliztli in icatzahuácan in ahuilnemiliztli

In itlaelpapaquiliz in amo cualli netzoncuiliztli amo tecpanaliztica

Tlen yéhuatl in tlapacaihyohuiliztli

In itlaelpapaquilizo in tlacualiztli ihuan tlaitiliztli

Tleica qui mopielia cenca huel huecapan itocatzin

Ic tic chiazque in cemícac pápaquiliztli ihuan in tepalehuiloni ic tic tomacehuizque

Tlein itech ca in to cenca pápaquiliz

In quix yéyecoz in nemauhtiliztli ihuan netlapaloliztli

Qui tecahualtia in xixicuiyotl ihuan in elehuiloca in nacayo pápaquiliztli

In aquíque qui cahua in papaquiliztli áahuializtli ocnóma tepitzin

Ac yehuantin tlapacayohuia ipampa in tlamelahuacachihualiztli ihuan cualtihuani

Ca nic momaquilia tlazocamatiliztli in Totecuyo Dios ipampa in cemixquich iteicnelilitzin imactzinco celiloc nic ilnamique in notlatlacolhuan ninoyolpépena ica necuitlahuiliztli in tlalnamiquiliztin tlátoltin ihuan tlachihualtin ica miec neyolcocoliztli itech tlein nic ácini onic moyolítlacalhuili ihuan ica cenca neyoltequipacholiztli ixpantzinco ninopechteca ihuan nic noítlanilia in tlapapolhuiliztli ihuan niman nic chihua tlacemiltoliztli ic ayeocmo nic noyolitlacalhuiliz ic ninoyolcuitiz in imonequian in cahuitl

Muchipa ca motech yeni ce temictiani tlátlacolli monequi mopiaz in neyoltequipacholiztli immanel caltzalan nozo canapa ti nemiz itech itla tlamantli ti tlatequipanotiez

Canapa adv En alguna parte

Nic cencahua Disponerse aparejarse

Ecapatli Laurel

Nino huapahua Fortalecese apacentarse

Huécapan Cosa alta en lo alto

Nino hnécapan ilhuia Enzalzar alabar enaltecer

Nic ihcuania Apartar quitar separar

Itlapalocatzin La salutacion de alguna persona

Nacayo papaquiliztli Apetito sensual

Napaloa Llevar algo en los brazos

Nepapan adv Todas cosas cosas diversas diferentes

Nepapan tlaca Diversas naciones

Nonqua Además aparte

Ni pápaqui Tomar placer alegrarse

Papaquiliztli Alegría gozo

Papaquiliztica Alegremente

Pápaquini El que se alegra

Papaquiliztlalhuia Anunciar alegria o mandar que se alegre

Nic íquania Quitar apartar

Tetlápaloliztli Salutacion

Tapantililli Acertado da

Ni tlapacaiyohuia Padecer recibir con paciencia los trabajos

Tlapacaiyohuiliztli Paciencia

Nic tlápaloa Saludar visitar

Tlápalóliztli El gusto accion de gustar

Nic xeloa Apartar dividir

Nic xexeliutica Estar apartando o distribuyendo

In itech onactica ihuan ontzauctica in Imelahualoca ihuan in Icaquiztica in izquitlamantli nepapan Teotlatolli ihuan Teotemachtilli in cemixquich in Teotlaneltocani in Christianô Tlacatl ca huei inahuatil huei imamal inic cacicamatiz quichicahuacaneltocaz ihuan quitequipanoz inic momaquixtiz

Ye anquimomachiltiâ Notlaçômahuizpilhuané ca in yeyuh otlacauh otlaçôtic inItetlaocolicayollotzin in Toteotzin ihuan Totlâtocatzin Dios inic amechmotlanextililiz ica in itlahuilzin ica in iocotzin ihuan ica in ineltococatzin ic yehuatzin amechmononquâquixtili ihuan amechmopêpenili inic intech amechmopohuiliz in Itlaneltocacatzitzihuan ihuan in Itlaçotlapêpenaltzitzihuan in quemmanian in Ilhuicatl îtic cemîcàc quimottilizque ihuan quimocencuiltonôtzinozque ca nelli ca melahuac ca huel huei amomamal ihuan amonahuatil omochiuh inic mochi ica in amoyollo anquimoneltoquitizque ihuan anquimotlaçôtilizque in cannoyehuatzin in Totlâtocatzin Dios Auh çanyenoihui amohueinahuatil omochiuh inic anquitequipanozque ihuan anquimonemiliztizque in ixquich in nepapan qualli in nepapan yectli in itech ompohui in ihuellamachtilocatzin ihuan in itequipanolocatzin in Totecuiyotzin Dios

Auh in axcan Nopilhuanè matel amîtic xontemocan ma amoyollocaltitlan amoma xoconcalaquican ximocuitihuetzican ihuan maxinechilhuican Quemmach amehuantin anhuelitizque in izquitlamantliin anquichihuazque îhuan anquitequipanozque intlacâmo anquimati ihuan ancácicacequi Quenami anhuelitizque anquimonemiliztizque ihuan anquicxitocazque in nepapan qualli in nepapan yectli intlacâmo anquimatî catli in qualli catli in âmo qualli Auh ipampain ô namechtecpanili ihuan macehualcopa onamechcuepili ihuan onamechîcuilhui in amomexîcatlâtolcopa yehuatlin Nemachtiloni in itech onacticâ in izquitlamantli in itech ompohui in cemixquich in Teotlaneltocani Christianô Tlacatl Noihuan nican îcuiliuhtimani in cecentlamantli in imelahualoca in icacoca in icaquiztica in Teotlâtolli inic ancâxilizque ihuan anquimelahuacamatizque in çaço itla âmo ancâcicacaquî ânoçe in itech ammoyoltzotzonâ amomeyolloâ ammoyolmâmalacachoâ canoço ca in ixquich in Teotlâtolli huel chipahuacayotica huel melahuacayotica nican cececniquizticâ cecentlatlamantiticâ inic âmo ancôhuicanextizque ihuan inic çann man ammocenyolpachihuitizque

Yehuatlin N P aquîmmolhuili ihuan oquimmomamaltili in Totlâtocatzin Dios in Israellacâ ihuan çanyenoihui yehuatzin techmomamaltilia ihuan totech quimocahuilia yehuatlin in itlâtoltzin Auh inipampa N P mayuh ticchihuacan ma yuh tictequipanocan ihuan mayuh tictonemiliztican inic nican Tlalticpac in Dios tictohuellamachtilizque ihuan ticmaquixtizque in Toyolia in Tonima auh çatepan in Ilhuicatl îtic cemîcac ixpantzinco in Dios tipâpaquizque titocuiltonozque ihuan titocentlamachtizque Ma yuh in Dios quimonequilti Amèn

In Itlaçohuallalitzin in Totecuiyo Jesu Christo in motenehua Adviento quîtoznequi inon cahuitl in ipan in Tonantzin Santa Iglesia nepapan tlateomatiliztica ihuan neyolchipahualiztica quimmocencahuilia in Itlaneltocacatzitzihuan in Christianôme inic quimolhuichihuililizque in Toteotemaquixticatzin Jesu Christo in topampa in nican Tlalticpac omotlacatili ihuan quintepan Cruztitech otechmomaquixtili

In itechpa in Teoyotica Nequatlapacholiztli in motenehua Velaciones

In Teoyotica Nequatlapacholiztli anoço in Nenamictilizteochihualiztli in motenehua Velaciones quîtoznequi Iniquac in Namiquêque in quin yancuican Teoyotica omonamictique in Teopan moquatlapachoâ ihuan in Teopixqui ipan Missa quimmoteochihuilia Auh itechpain ticmatizque Ca çanniman ic ompehua ontzinti in Ihuallalizcahuitzin in Totecuiyo Jesu Christo yehuatl in Adviento in oc ixquichcahuitl in tzonquiçaz Imilhuitzin in Tlâtocatzitzintin Reyes in ipan Metztli Enero motlalia Ca nelli câ in ipan in mochi inon cahuitl âhuel in Namiqueque in ompa Teopan teochihualozque Amo nohuel teochihualozque in Namiqueque inic opeuh in Neçahualizcahuitl Quaresma in oc ixquichcauh in Ichicomilhuiyoc in Inezcalilitzin in Totecuiyo Jesu Christo in ye otzonquiz in Domingo motenehua In Albis Tel in ipan in oc izquitetl cahuitl Xiuhpan quiztiuh ca in Namiqueque onhuelitî Teopan moquatlapachozque ihuan ipan Missa moteochihuazque

Ma ximopápaquiltitiè in Ticeltic ihuan Táhuiac in Xochitepancalco Titeoyotica Tixochitzintli cenca huel timahuiztic Tilhuicacchanêcatzintli N N Ca ámo zan tlapohualpa nicnotlázocamachiltia in Totlátocatzin Dios ipampa in ámo patiyô in iteicnelilitzin ihuan ipampa in cenca mahuizauhqui in nepapan itenemactzin ic omitzmachtopapielitzino Auh no ihuan mochi ica in noyollo in yehuatzin nicnoyectehuilia ihuan nicnohuêcapanilhuia ipampa ca ca nelli ca in yehuatzin ca zacencahuel mahuizauhqui moteittititzinoa in impan in quemmachamique in Isantôtzitzihuan Auh in axcan in Tehuatzin in quemmach Tamicatzintli in Tinote patlátocatzin nimitznocemmacatzinoa motetzinco ninotepieltia inic nopan ixpantzinco in Dios timotlátoltiz ihuan inic mopaltzinco niquicnopilhuíz in itecempôpolhuiloca in notlátlacol ihuan in Dios Iteyectiayatzin in gracia noihuan in malehuac in noneyolehualiz inic in axcan cemilhuitl nic cemanaz in Iteoyectilitzin in gracia ihuan in itequipanolocatzin in Dios Maxinechmopalehuili in Timocentlamachtiani in Timotlazosantotzin in axcan ihuan noye in nomiquiztempan Auh inyuh nihueliti momactzinco nicnocahuilia in iz Tlalticpac notzonquizaliz Auh in huelipan inon tetzauhcahuitl in yê ninomocihuitoc ma xinechmoyolchicahuili ma xinechmopalehuili ihuan ma xinechmochimalcaltili Ma mopaltzinco xinechmocnopilhuilili inic in Nanima cenchipahuac in nican cemanahuac quizaz ihuan ma in quemmach amique Angelôme quimixpantililican in Totlátocatzin Dios inic mohuantinco in quemmach tami Nosantotzinè cemîcac nicnottiliz ihuan nicnoyectenehuiliz no yehuatzin in aic pouhqui Cenqualtilicécatzintli Dios in yehuatzin in ihuantzinco in Dios Tetátzin ihuan in Dios Ipiltzin ihuan in Dios Espiritu Santo cemîcac mochipa monemitia ihuan mocentlátocatilia Teotl Dios ihuan cemicac mochipa monemitiz ihuan mocentlátocatiliz Ma yuh mochihua Jesusé

In Itlâpalolocatzin in cemicac Ichpotzintli Santa Maria

Ma ximopápaquiltitie Santa Mariaè timotemiltiticâ in cenquizcayectiliztica gracia Motlantzinco moyetzticâ in Tlatoa ni Dios Cenca tiyectenehualoni in intlan in ixquichtin Cihuá ihuan cenca yectenehualoni in Itlaaquillo moxillantzin Jesus Santa Mariè Dios Inantzinè ma topan ximotlâtolti in titlâtlacoanime in axcan ihuan inîquac yê tomiquiztempan Ma yuh mochihua Jesusè

Occentetl Itlâpalolocatzin in Sta Maria

Cihuapillè maximopâpaquiltitie Totetlaocoliliznantzinê Toyolilizè Totzopelilizè Tenetemachilizè maximopâpaquiltitie Timitzontotzatzililiá in Titlatotoctin in Tipilhuan Heva Mohuictzinco tonelcicihuî tziucnoliztica ihuan choquiztica in nican Choquizixtlahuacan Macuele Totepantlátocatzinè ma tohuicpa xichualmocuepili in Motetlaocolilizixtelolotzin Auh inye otzonquiz in nican Tlalticpac in Tototococa maxitechhualmottitili in cenquizcayectenehualoni in Itlaaquillo moxillantzin Jesus Iyo Icnohuacatzintlè Santa Mariaè ma topan ximotlátolti in Dios Inantzinè inic tiquicnopilhuizque in Itlatenehualtzin in Totecuiyo Jesu Christo Ma yuh mochihua Jesusé

Inic chicontetl ticneltocaz Ca inîquac ontlamiz in Cemanahuac in ipan in Tetlatzontequililizilhuitl occepa hualmohuicaz in nican Tlalticpac in Totecuiyo Jesu Christo quimmotlatzontequililiquiuh in yolquê ihuan in mimicquê in qualtin ihuan ámoqualtin auh in qualtin quimmocemmaquiliz in Ilhuicac cemîcac pâpaquiliztli ipampaca oquipixque initenahuatiltzin in Dios ihuan in Santa Iglesia Auh in amoqualtin quimmocemmaquiliz in Mictlan cemîcac tlaihiyohuiliztli ipampaca âmo ôquipixque in itenahuatiltzin in Dios ihuan in Santa Iglesia Ma immochihua Jesusè

Inic centetl Ca Tiquimontlâpalotiuh in motiliniâ Cocoxque

Izca in chicontetl Tlâtlacolli in Itzontecon in Inelhuayô mochiuhtica in cemixquich in occequi nepapan Tlâtlacolli

Auh ca yehuatlin in Teotetlaçotlaliztli In teoyotica Pâpaquiliztli in Yolceuhcayotl in Tlapaccaihiyohuiliztli in Tenemactiliztli in Yectiliztli in Tlâtlacayotl in Pacca yocoxcanemiliztli in Teotlaneltoquiliztli in Tlaixyêyecoliztli in Netlacahualtiliztli ihuan in Chipahuacanemiliztli

Impassibilidad Inic nauhtlamantli Ca yehuatl in Atlaihiyohuiliztli ic niman âtle in mâitlá huel quiquenchihuaz quicocoz ánoço quitoliniz in Tlacemicnopilhuiani Cánel noço ca àocmo Tlaihiyohuiani ca yê âocmo miquini ca áic miquiz âic tzonquiçaz ca çanyê mochipa cempápaquiz mochipa in Ilhuicac monemitiz

In Miquiztli in Tetlatzontequililiztli in cemîcac Pâpaquiliztli ihuan in cemicac Mictlan Tlaihiyohuiliztli

Ten Ipampa ca Christo quitoznequi in Dios Itlaôçaltzin Auh ca nelli Ca yehuatzin in Dios teoyotica oquimôxili in Iyoliatzin in Totecuiyo Jesu Christo ihuan oquimocentemiltili in nepapan cenquizcayectiliztica Gracia impan in cemixquichtin in Tlalticpac ihuan in Ilhuicac Tlacâ

Ten Ipampa ca quimocemaxcatilia in cemîcac pápaquiliztli Gloria in aquin ipan momiquilia in Teoyectiliztli Gracia

Inic yeitlamantli Ca yehuatl in Mictlan in canin tlaçalô Inyôyolia Imanimas in yehuantin in temictiani Tlátlacolpan omimique auh in oncan tletica ihuan nepapan chichinaquiztica cenca huel chichinatzalô ihuan tlaîhiyohuiltilô

Ten Ca in ipan in Tetlatzontequililizilhuitl inîquac ontlamiz in Cemanahuac occepa nican hualmohuicaz in Totecuiyo Jesu Christo cenca huei netimaloliztica ihuan Tlatocamahuizotica inic Techmotlatzontequililiz ihuan inic in Cecentlacatl quimotlacuepcayotililiz in yuh itlachihual Aun in qualtin quimmocemmaquiliz in cemîcac pápaquiliztli Gloria auh in amo qualtin quimocemmaquiliz in cemicac tonehuiztli ihuan in aic cahuiz miquiliztli

Ten Quîtoznequi Neyolehualiztli àcopatlachieliztli in ihuictzinco in Dios inic tictitlanilizque in nepapan in itetlauhtiltzin in itenemactzin

Ten Tictitlanililia in Dios Ma techmomaquili in cemixquich in nepapan qualli ihuan ma techmomaquixtili in ihuicpa in cemixquich in nepapan ámo qualli

Ten Niquîtlani Ma cenquizcamahuiztililo ihuan huêcapanolo in Itocatzin in Dios

Ten Niquîtlani Ma in Dios in axcan totechmoyetztie ihuan ma topan motlátocatilitie in Iteoyectiliztica Gracia ihuan ma çatepan techmomaquili in Itecempápaquiltiayatzin in Gloria

Ten Ca ontlamantli in Itlâpololocatzin Auh ca yehuatl in Maximopapaquiltitiê Santa Mariaê ihuan in Cihuapillè

In Imelahualoca in Maximopâpaquiltitie Santa Mariaè ihuan in Cihuapillè

Tetl Xiquîto in Itlâpalolocatzin in Santa Maria

Ten Maihuitzin Maximopápaquiltitiè &c

Tetl Aquin oquimotlalili in Itlàpalolocatzin in Santa Maria

Ten Ca huel yehuatzin in Archangel San Gabriel oquimotlalili iniquac oquimotlápalhuico in Tocihuatecuiyotzin in cemîcac Ichpochtli Santa Maria noihuan oncan in ocquezquitlâtolli oquimocetilili in Santa Isabel ihuan in Santa Iglesia

Ten Ca yehuatzin in Dios Itlaçomahuiznantzin Cemîcac Ichpochtli in motemiltiticâ cenquizcayectiliztica Gracia ihuan ic nepapan Qualtihuani Yectihuani in yehuatzin mocentlátocatilia in Ilhuicac ihuan Tlalticpan ihuan topan ixpantzinco in Dios motlâtoltia milacatzotzinoa

Tetl Auh tleipampa miectin oncate in nepapapan Ixiptlayotzitzihuan in Santa Maria ihuan nepapan intocatica motocayotiâ in quenami de los Remedios de la Piedad del Rosario âzomâ ca âmo zan huel cetzin zan huel iyôtzin in Santa Maria

Ten Ca nelli Ca çan huel cetzin in Santa Maria Auh in nepapan in Ixiptlayotzitzihuan in tixpan monextia ca çan inic quinezcayotizque ihuan techilnamictizque in nepapan itetlaocolilitzin in imacpatzinco mochipa ticceliá ihuan inic ámo çanquenami in yehuatzin tictomahuiztililizque ihuan in tonetoliniayan tictotzatzililizque

Ten Ca in yehuatzin tictotlápalhuiá tictohuecapanilhuiâ ihuan in itetzinco titotlaça titocnotecá titotepialtiâ noihuan in yehuatzin tictotlatlauhtiliá inic techmopalehuiliz ihuan topan ixpantzinco in Dios ommotlátoltiz

Ten Ca yehuatl in Tlatlatlauhtiloní (Itoca Letanias) ihuan in oc izquitlamantli tlatlatlauhtiliztli noihuan in Totatzinè ihuan in Maximopâpaquiltitie Santa Mariaè

Tetl Tlein quitoznequi Ca tictotlazotilizque in Dios ipan cemixquich in nepapan Tlachihualli

Ten Ca quimhuapahuazque quimixtlamachtizque ihuan quimmacazque in Incennemiliz inyollotlamâ in Impilhuan

Ten Ma ixquich in itlapal quichihua inic in tlein huelitiz ihuan in quenin huelitiz quicuepiliz

Ten Ca yehuatl in Ineîcoltiloca in Tlaelpâpaquiliztli ihuan in Axcaitl in Tlatquitl Ielehuiloca

Tetl Auh tleipampa ineixcahuilnahuatiltica techmocahualtilia in Dios in Axcaitl ihuan in Tlaelpâpaquiliztli in ielehuiloca

Ten Quîtoznequi In Innecentlaliliz in mochintin in Tlaneltocanime in Christianotlacâ in quimmoyacanilia ihuan quimmoyecnemitilia in Totecuiyo Jesu Christo ihuan in Ipatillotzin in motocayotitzinoa Papa

Tetl Ac yehuatzin in Papa

Ten Ca Etlamantitica Ca inic tictotlâçocamachiltizque in Dios cemixquich in Itetlaocolilitzin No inic tictotlaxtlahuililizque ipampa in totlâtlacol No ihuan inic tictîtlanilizque in nepapan in Iteicnelilitzin in Itenemactzin

Ten Ca yehuatl in Tlatlatlauhtiliztli in Tetlaocoliliztli in Tonacayotonehuiztli ihuan in nepapan Netoliniliztli in Dios techhualmotitlanililia ihuan in ipaltzinco ticpaccaihiyohuiá

Ten Inic centlamantli ommonequi Inic in Tanima mohuapahuaz ihuan in itetzinco in Dios mocetiliz Inic ontlamantli Inic ámo çan yuh çan achchica ipan tihuetzizque in tlatlacolli Inic etlamantli Inic tiquicnopilhuizque in Cemmelahuacanemiliztli

Ten Ca in oncan moyetzticâ in Totecuiyo Jesu Christo huel cemácitica inic in Inacayotzin inic in Ianimantzin ihuan inic in Iteoyotzin Auh ca nelli Ca in quenamî ommoyezticâ in Ilhuícac ca çanyenoyuhqui in oncan ommoyetzticá îtic in Hostia ihuan itîc in Caliz ihuan in îtic in çaço itla immanel huel achitzin in Itlapancatzin in Ixeliuhcatzin in Hostia

Ten Ca niman âhuel quitlatlacolcuitizque ca çan ye inteneyêyecoltiliztica huelitî quiyolehuazque quiyollapanazque in ihuicpa in tlâtlacolli

Tetl Auh catlehuatl Tonemapalehuiaya yez in ihuicpa in aquallalnamiquiliztli

Ten Techmoyêyecoltia Inic techyolehua techyollapana ihuan techhuicaltia in ihuicpa in tlátlacolli

Ten Ca ocyetlachcauh cá nauhtlamantli auh cayehuatl In Pâpaquiliztli in Nemauhtiliztli in Netemachiliztli ihuan in Tonehuiztli

In Imelahuacacacoca in Nepapan Tlâtlacolli

Ten Ca ic ticpoloá in itetlaçotlalitzin ihuan in Iteyectiayatzin in Dios in yehuatzin ca nelli ca in Iyoliliz in Tanima Noihuan ticpoloá in cemîcac pápaquiliztli Gloria ihuan titotlatzontequiliâ inic Mictlan tihuetzizque intlacamo titoyoltequipachoá

Ten Ipampa ca in itechpa quiza onixhua in oc miectlamantli in nepapan tlâtlacolli

Ten Ca yehuatl Ic atlaixyêyecoliztica titohuêcapanollani titepanahuillanî

Ten Ca yehuatl In tlaelpâpaquilizçotl in ahuilnemilizçotl in Icatzahuacanecoca

Tetl Catlehuatl in Tlapaccaihiyohuiliztli

Ten Ca yehuatl In Icihuiliztli ihuan in Yolpâpaquiliztli in ihuicpa in Quallachihualiztli

Tetl Tleîca quìmopielia inin cenca huel mahuiztic cenca huel huêcapaniuhqui in Itocatzin

Ten Ca yehuatl Ic tictemachiá in cemîcac papaquiliztli Gloria ihuan in Tepalehuiloni ic tictomacehuizque

Ten Ca yehuatl Ic tictotla otilia in Dios ipan in cemixquich in nepapan tlachihualli ihuan ic yuh tiquintla otlá in Tohuampohuan inyuh in Tehuantin titonômatla otla

Ten Ca yehuatl In quixyêyecoá in Nemauhtiliztli ihuan in Neixtlapaloliztli

Ten Ca yehuatl In quitecahualtia in Xixicuinyotl ihuan in Nacayotlaelpapaquiliztli in Ielehuiloca

Ten Ca inic oc ye cenca qualli ic tictequipanozque ihuan ticneltilizque in nepapan Tenahuatilli

Ten Inic techiximachiltiz in nepapan neltiliztli

Ten Ca yehuantin in yeaocmo quimîcoltiâ immanel an ixyêyecauhqui in pápaquiliztli in âahuializtli

Tetl Ac yehuantin in tlapaccaihiyohuia ipampa in Qualli Melahuac

Ten In quicemana quicencuî in Qualli Melahuac immanel ic tlahueltotocozque ihuan nepapan tolinilozque

Ten Ticmatiz Noteicatzinê ihuan ma ic moyollo ompachihui Ca çacenca huel nelli çacenca huel melahuac ca inin Tlâtlacoani Tlacatl cá tlâtlacolpôpolhuiloz ca momaquixtiz ca quicnopilhuiz in cemîcac in Ilhuicac pâpaquiliztli Gloria ihuan ca niman âmo centlani Mictlan huetziz

Ten Ipampaca inin Neyoltequipacholiztli Contricion ca yehuatl in huel cemácitica in huel centettica Neyoltonehualiztli Neyolcocoliztli ic cemixquich in nepapan tlátlacolli ca çanniman cempôpolihui átleipan mocuepa yuhquimmâ in aic oonyeni in aic omochihuani

Ten Inic ontlamantli Tlachihualli ca yehuatl in Necemixnahuatiliztli Ic titocemixnahuatiá inic ye aocmo ceppa titlâtlacozque ipampaca in ixquichi titoyolcocoa inic otictoyolitlacalhuique in Dios ca intla tomac onyeni intla tihuelitini ca nel ca ticcempôpolozquia ihuan âtleipan ticcuepazquiâ in totlatlacol Auh ic ipampa ixquich in totlapal ticchihuazque inic ye aocmo quemman titlátlacozque

Ten Ca miectlátlamantiticâ inin Neyolehualoni Inic centlamantli tiquitztimotlaliz Ca in Totecuiyotzin Dios ca huelyehuatl in Cenquizcaqualtiliztli in Cenquizcayectiliztli cenquizcatlazotlaloni cenquizcaneconi Inic ontlamantli ticmolnamictiz in Cemixquich in nepapan in Iteicnelilitzin in yehuatzin otechmomaquili Inic etlamantli ticnemiliz in tlein totlâtlacoltica ticpoloâ ca yehuatl in Itetlaçotlalitzin in Dios Inic nauhtlamantli in mixpan tictlaliz in Iteoeçotzin in ipampa in totlatlacol oquimonoquili in Totlaçomahuiztemaquixticatzin Jesu Christo

Ten Ticmatiz Notelcatzinè ca in Neyoltequipacholiztli Atricion ca yehuatl Ic titoyoltequipachoá ipampa in totlâtlacol tel ca nelli ca çan ipampa in Imacaxoca in Miquiztli noço in Mictlan ánoçe in oc izquitlamantli in totoliniloca in Cococ teopouhqui ic in Totecuiyotzin Dios huel techmotlatzacuitiliz Auh ca yehuatlin ic mononquáquixtia in itechpa in Neyoltequipacholiztli Contricion ipampaca in Contricion ca niman âmo techtlachieltia in ihuic in nepapan totlatzacuiltiloca in totoliniloca ca çan huel iceltzin çan huel iyôtzin in Cenqualtilicecatzintli Dios

Ten Ca in mochipa motech yez âcitla temictiani tlátlacolli ca iniquacon ca cenca qualcan ca huel yeccan inic ticchihuaz inin Neyoltequipacholiztli maçonelihui caltzalan noço canapa tinênentinemiz ánoço in itla occentlamantli ticmoteq iuhtitiez tictequipanotiez

Notecuiyotzinè Jesu Christoè in Tihuelnelli Titeotl Dios ihuan in Tihuelnelli Toquitzintli in Tinoteyocoxcatzin ihuan in Tinotlaçomahuiztemaquixticatzin ca mochi ica in noyollo ninoyoltequipachoa ninoyoltonehua inic onimitznoyolîtlacalhui çan ipampa ca Tehuatzin ca in Tinoteotzin in Ticenquizcamahuiztililoni in Ticenquizcatlaçotlaloni ipan in cemixquich in nepapan tlachihualli Auh çan ic ipampa ninocemixnahuatia inic yê àocmocceppa nitlàtlacoz ihuan inic in imonequian ca ninoyolcuitiz Auh in cemixquich in quallachihualli in nonemilizpan nicchihuaz ca in itech nicpohua inic notlaxtlahuaya yez ipampa in notlatlacol Auh in itetzinco in mocenquizcaqualtilitzin ninotemachia inic Tehuatzin tinechmotlâtlacolpôpolhuiliz in ipaltzinco in Motlaçomahuizeçotzin ihuan inic tinechmomaquiliz in Moteoteyectiayatzin in Gracia inic ye aocmo nitlâtlacoz ihuan inic niquicnopilhuiz in cemîcac in Ilhuicac pápaquiliztli in Gloria Ma yuh mochihua Jesusè

In Actê in Tichristiano intlacamo titlâtlacoznequi ihuan intla nel timomaquixtiznequi macaic xiquilcahua ma mochipa xiquilnamictinemi in Miquiztli in Tetlatzontequililiztli in Mictlan Tlaîhiyohuiliztli ihuan in Cemîcac in Ilhuicac Necencuiltonolizpâpaquiliztli

Izcatqui centlamantli cenca tlacnopilhuiloni in Itlâpalolocatzin in Tocenquizcanantzin ic yehuatzin tlâpaloloz inîquactziliniz in Tepuzcampana in yohuatzinco in ye tlahuizcalehua nepantla Tonalli ihuan in ye tlayohua ye tlapoyahua

Occentlamantli in Itlâpalolocatzin in Tlâtocaichpotzintli

Ma ximopâpaquiltitie Santa Mariaè ca in Titeoyotica in Tichpochpiltzin in Dios Tetâtzin

Ma ximopâpaquiltitie Santa Mariaè ca in Tihuelnelli Titlaçonantzin in Dios Ipiltzin

Ma ximopâpaquiltitie Santa Mariaè ca in Titeoyotica in Titlaçonamictzin in Dios Espiritu Santo

Ma ximopâpaquiltitie Santa Mariaè in Ticenchipahuacateopancaltzin in Cenquizcaneteotiloni Teoyeitiliztli Santissima Trinidad

Ma ximopâpaquiltitie Santa Mariaè ca in motetzinco ámo oâcic in Tlátlacolpeuhcayotl ca çan ye teîtic ticenchipahuacachihualoc

Noteotzinè Notemaquixticatzinè Jesu Christoè ca Tehuatzin in nican Tlaltipac otitechmocahuilili in Imachiyo in Motláçomiquitzin in itech in motlateochihualquimiliuhcayotzin ic oquimiloloc in Momiccanacayotzin iníquac in Yehuatzin in Yectlacatzintli Joseph in itechpa in Moquauhnepanoltzin in Santa Cruz oquihualmotemohuili matlaçoti Noteotzinè ma tlacahua in Mocnohuacayol yollotzin inic ipaltzinco in Motlaçomiquitzin ihuan in Motococatzin maxitechmmohuiquili in ompa in Nezcaliliznecuiltonoloyan ca yehuatl in Cemîcac Ilhuicacpápaquiliztli Gloria In canin in ihuantzinco in Dios Tetátzin ihuan in Dios Espiritu Santo cemîcac mochipa timonemitia ihuan timocentlátocatilia in Tehuatzin in Titeotl Dios ihuan cemîcac mochipa timonemitiz ihuan timocentlatocatiliz Ma yuh chihualo Jesusè

Tetl Aquin oquimochihuili in Ilhuicatl ihuan in Tlalticpactli ihuan in cemixquich in nepapan tlachihualli

Ten Ca ompa yazque in Ilhuicac inic cemîcac pâpaquizque ipampa ca oquipixque in Itenahuatiltzin in Dios ihuan in Santa Iglesia

Noteotzinê Noteyocoxcatzinê Tloquêè Nahuaquêè Diosè ca huei necnomatiliztica moteoixpantzinco ninopechteca ninotlalchitlaza ihuan mochi noyollocopa nimitznoteotitzinoa ihuan nimitznoyectenehuilia ca nel nozo ca in Tehuatzin ca in Tipalnemoani in Ticenhuelitini Dios Auh ic ipampa âmo zanquenamî noyollopápaqui âmo zanquenin áahuia in Notlalnacayo ipampa in motlazomahuizteoyelitzin ihuan ipampa in cemixquich in nepapan cenquizcaqualli cenquizcayectli in motetzinco onacticá Auh ic ipampa mochi noyoliatica nanimatica nimitznotlazotilia ipan in cemixquich in tlachihualli ihuan nicnequizquia in macâic onicnoyolitlacalhuiani in mocenqualtilitzin in itech ninotemachia inic nitlapôpolhuiloz ihuan yê âoquic nitlâtlacoz Noihuan ic nimitznocnelilmachiltia Noteotzinê in cemixquich in nepapan moteicnelilitzin in onimacoc ihuan onitlaocoliloc Auh ic ipampa nimitznohuenchihuililia ihuan motetzinco nicnopohuilia cemixquich in qualli yectli in axcan cemilhuitl ihuan in yê mochipa nictequipanoz ihuan mochi niccetilia nicnepanoa in itlan in Itlacnopilhuilitzin in Notemaquixticatzin Jesu Christo ihuan in Itlazonantzin Santa Maria ihuan ixquichtin in Ilhuicac in Santôme in mochintin intech ninocahua ihuan niquinnonomâpieltia inic nechmopalehuilizque auh in ocyêcenca in Notepixcaangeltzin ihuan in Notocasantotzin No ihuan nictlalia noyollo inic niquicnopilhuiz in izquitlamantli Tlátlacolcaxahualiztli in techmotlaocolilia in Tonantzin Santa Iglesia ipampa in toquallachihual ihuan inic niccaquiz in izquitetl Missa in quezquitetl cennônohuian cemanahuac mochihuaz ihuan in izquitlamantliin in itech nicpohua in no tlaxtlahuaya in ipampa innotlâtlacol ihuan impampa in Teanimas in ompa tlaihîyohuiticate in Netleyectiloyan Purgatorio O Noteotzinê maxinechmotlanextilili maxinechmoyecnemitili ihuan ma qualli nomiquiz xinechmomaquili inic mochipa nican nimitznotequipanilhuiz ihuan inic zatepan in ilhuicac moteoixpantzinco yê ic cemmanyan tinechmocentlamachtiliz Amen

De Esperanza Notlazomahuiztemaquixticatzinê Jesu Christoê in topampa otimoquichnacayotitzinô ihuan otimomiquili inic titechmaxcatiliz in cemicac in Ilhuicac cenyolpápaquiliztli motetzinco ninotemachia niquauhyoa ihuan ninocnoteca inic in ipaltzinco in motlazomahuizezotzin cemixquich tinechmopôpolhuiliz in no tlátlacol ihuan inic tinechmotlaocoliliz in nican tlalticpac in motequaltiayatzin in Gracia inic mochipa nimitznohuellamachtiliz auh zatepan tinechmocneliliz in cemîcac necencuiltonolli in Gloria inic ye iccemmanyan moteoixpantzinco ninocencuiltonoz Amèn

De Amor de Dios Onotetlazôtlacatátzinè o Teotetlazotlalizameyaltzintlê Tzopelica Jesu Christoê in ipampa intotlazôtlaloca otlazotic in mocnohuacateoyollotzin inic totlan timocauhtzinozquia in itictzinco in Santissimo Sacramento mochi noyollótica nanimatica ihuan nohuelitiliztica nimitznoteotitzinoa nimitznohuecapanilhuia ihuan nimitznotlazôtilia inipan in cemixquich in cennônohuian onoc tlachihualli zan ipampa ca Tehuatzin in Tinoteotzin in Tinotecenyocoxcatzin ihuan in Tinotemaquixticatzin in Ticenquizcaqualli in Ticenquizcayectli ca timotlacempanahuilia inic Tineconi inic Titlazotlaloni O Noteotâtzinè nicnequizquiá in macaic onimitznoyolitlacalhuiani Macamoquemman onitlátlacoani Ca ámo zanquenami nechtequipachoa ihuan nechchoctia in nitlâtlacol auh ipampai ninocemixnahuatia inic yeaocmoceppa nicchihuaz yé áoquic nictequipanoz ihuan inîquac tinahuatilô ca mochi ica noyollo ninoyolcuitiz Amèn

Noteotzinè Noteyolpâpacatziné Jesu Christoê nehuatl in nihuei nitlátlacoani in ámo zanquenami onimitznoyolitlacalhui ca ye in ipaltzinco in mocenquizcateicnoittalitzin in ipaltzinco in mo âtamachiuhcaicnohuacayotzin oninoyolcuiti ihuan onicpápac in icatzahuaca in Nanima in ipotonca in Noyolia Ic motetzinco ninotemachia inic ye otinechmocenyolpâpaquili ihuan otinechmocempôpolhuili cemixquich in notlátlacol in nixpopoyotiliztica onictequipanô ihuan ic ninoyoltequipachoa ninoyoltenehua ipampa ca Tehuatzin in Ticenquizcaneconi Ticenquizcatlazotlaloni Ca yeaocmo Noteotzinè nimitznoyolitlacalhuiz Ma ocyeachtopa nimiqui in âmomachyuh nitlâtlacoz Auh in axcan Notzopelicatátziné ca nelli ca melahuac ca nocenyollocacopa ihuan mochi nanimatica huel niquelehuia huel nicteocihui ihuan huel nicamiqui in Iceliloca inin Tetlazotlaliztlamahuizolli inin cenyolilizsacramento inin necuiltonoliztlaxcaltzintli in itetzinco Timetzinoticâ in Tehuatzin in Tihuelnelli Titeotl Dios ihuan in Tihuelnelli in Toquitzintli Auh immanel cenca nechelleltia nechtlacahualtia ihuan nechmámauhtia innotlátlacol inic nimitznoceliliz tel ca nelli ca nechixitia nechyolehua ihuan nechyollapana in zenca tzopelic in zenca áhuiac in motetlaocoliliztlátoltzin ic tinechmonahuatilia inic nimitznoceliliz intlá motlatzinco ihuan mopaltzinco nicnequi ninemiz Ca tel ye qualli Neteotzinè manimitznotlacamachitizinô ma nimitznopaccacelili in motencopatzinco Tel cencahuel nimitznotlatlauhtilia inic ticmocenchipahuiliz ihuan ticmoqualtililiz Noyolia Nanima inic ámo notlatzacuiltiloca notlatzontequililoca mochihuaz in mocelilocatzin ca zan ye nocneliloca ihuan nomaquixtiloca in yuhcâ in motlanequilitzin in mocnohuacayotzin in ipan ninocnotemachia ihuan huei necnomatiliztica nepechtequiliztica ihuan tlateomatiliztica mochi ica noyollo nimitznolhuilia

Noteotzinè O Notetlazotlacatâtzinè O Noteotemaquixticatzinè Jesu Christoè nican moteoixpantzinco ihuan imixpantzinco in cemixquichtin in Ilhuicacchanêcatzitzintin huei necnomatiliztica ihuan huei nepechtequiliztica nicnocuitia ihuan nicnomachitoca in cenca mahuiztic in motetlaocolilitzin ca niman âmo pohualoni ámomá âcicamachoni in momacpatzinco onimacoc onicneliloc Auh ca yehuatlin omochiuh Ca otlazotic otlacauh in motlazomahuiztzopelicayollotzin inic Tehuatzin nohuic tihualmohuicazquia Ca yé onicnocelili inon Tetlazotlalizsacramento inon cenyoliliztlaxcaltzintli inon Cenqualtilizameyalli in itechpa onquiquiza on tlacati on mômoloni on mémeya cemixquich in nepapan qualli cemixquich in nepapan yectli ic pâtiz ic nemiz ic mochicahuaz in Noyolia in Nanima Ca nelnozo îtictzinco inon cenca mahuizauhqui Sacramento timocemitquitzinoticâ timocemâzitzinoticâ in quenami in ompa timoyetzticâ in Ilhuicac ca in oncan moyetzticâ motlazomahuiznacayotzin moteoezotzin motlateochihualanimantzin ihuan moteoyotzin Yuh nicnocuitia Noteozinè ihuan zan noyuh nicnoneltoquitia Notemaquixticatzinè Auh ic ipampa âmo zanquenamî ninomauhtia âmo zanquenin ninoyolîzahuia inîquac niquilnamiqui ihuan noyolloîtic nicnemitia inin motetlaocolilitzin inin motetlauhtiltzin inin motenemactzin ic noyollôcaltitlan otimocallotitzinô otimoyeyantitzinô ihuan no oncan notloc nonahuac cemîcac timonemitiznequi

Iyo Neteotzinè cammach in nolhui Cammach in nocnopil Cammach in nomacehual Inic Tehuatzin monômatcatzinco mixcoyantzinco yuh tinechmomahuizotiliz yuh tinechmopâpaquiltiliz ihuan yuh tinechmocentlamachtiliz Quemmach Notzopelicatátzinè in Tilhuicahuâcatzintli in nopampa otihualmotemohuico in iz Tlalticpac Quemmach in Tihuelnelli Titeotzintli Dios in Ticmotemolico inin mocnotlachihualtzin Quemmach in Ticenchipahuacatzintli otimochantitzinoco in îtic in nocatzahuacayollo Auh tlein nel huel nicchihuaz Tlein tel huel niquitoz Ca zan nimitznocenyectenehuiliz ca zan ic nimitznotlazocamachiltiz in cenca huei in cenca mahuiztic in motenemactzin Auh ihuiin Noteotzinè mochi noyollotica nanimatiea nohuelitiliztica nimitznomahuiztililía nimitznoteotitzinoa nimitznohuecapanilhuia ihuan ic nimitznocnelilmachiltia in moteicnelilitzin in motetlauhtiltzin in motenemactin in otlacauh in moteoyollotzin inic tinechmomaquiliz

Auh zatlatzonco Noteotzinè cenca ic nimitznotlatlauhtilia inic inin mocelilocatzin ma mochihua in ipalehuiloca in imaquixtiloca in Noyolia in Nanima Noihuan nimitznotlatlauhtilia in ipampa in Santa Iglesia Catholica inic ticmotlanextililiz ihuan ticmoyacaniliz Noihuan inic mocepanyolcécehuizque monepan icniuhtizque in Tlatocachristianôme Noihuan inic cempôpololozque cempanahuilozque in Santa Iglesia in iyaohuan Noihuan inic in Qualtin in motequipanolocatzin quicentocazque quicemanazque Noihuan inic in âmo Qualtin in mohuictzinco moyolcuepazque monemilizqualtilizque Ihuan yequene inic in Teanimas in Tetlechipahualoyan Purgatorio Tlaihiyohuiticate maquixtilozque papaquiltilozque Inic in timochintin in timotlachihualtzitzihuan Noteotzinè timitztocepantequipanilhuizque in Tlalticpac auh quin zatepan in ompa in Ilhuicac mopaltzinco ihuan mixpantzinco titocepancuiltonozque Ma yuh tlacahua ma yuh tlazôti in moteoyollotzin Jesusè Noteotzinè ihuan Notlazotâtzinê

Auh intla in Piltzintli âhuelquizaz âhuellacatiz ca zan huel in Imatzin nozo in Icxitzin quinextiz ca iquacon ma acachtopa motlapachô in Mixiuhqui auh zatepan ocyequalli yez in ma Cihuatl Temixihuitiani ánoze occel Cihuatl quiquaatequi in Piltzintli in ipan in Imatzin anozo Icxitzin in tla nel in yehuatl in Cihuatl quimati in quenami mochihua in Tequaatequiliztli auh in tlacamo quimati ma in zazo acâ occe Tlamatini Tlacatl quimoquaatequili Auh zan no yuh achtopa quitlaliz in Iyollo inic tequaatequiz intla onhueliti ihuan in quenamî onhueliti Auh zatepan quitecatiáz in Atl ipan in Imatzin nozo in Icxitzin in Piltzintli ihuan ic quinánamictitiaz in Teotlátolli in yuh ye nican omoteneuh

Injc ce capitulo yntechpa tlatoa yn oc cenca tlapanauja teteuh yn qujnmoteutiaia yoan yn qujntlamanjliaia yn ie vecauh

] yn iquac tlaiaoaloaia motocaiotia paynal ipampa ca cenca qujtototzaia qujmotlalochtiaia Auh in maceoalti qujtocaia qujtlalochtocaia coiohujtiuja qujcaoatztiuja teuhtli qujquetztiuja tlalli qujpototztiuja iuhqujn tlaixqujqujça tlalli tetecujca auh ce tlacatl qujnapalotiuja Auh ynjc muchichioaia teuquemetiuja quetzalapanecaiutl in contlalitiuja ixoacalichioale ixcitlalichioale mixcitlalichiuh xiuhiacamioa vitzitzilnaoale eltezcaoa xiuhchimale

Injc chicuacë capitulo vncan moteneoa yn oc cenca tlapanauja yn cioateteu yn qujnmoteutiaia in qujnteutlapiqujaia yn njcan tlaca

Cioacoatl tequanjj yoan tetzaujtl tetetzaujanj icnoiutl qujteittitia ca mjtoaia victli mecapalli qujtemacaia ic temotlaia Auh ynjc moteittitiaia motenextiliaia iuhqujn tecpan cioatl nanacoche iitznacoche iztaian moquetza iztaian actica iztacatla ycaia iztazticac vel panj qujquetza yn ij

] njman ce tlacatl onmaqujaia yn jeoaio yn nepantla oalmoquetzaia vmentin ycuexoã qujujcaia qujtzatzacutiujia motiçauique motlotloujtecque çan pepetlauhtiuj in memecamaxtli amacalli in qujmama mahmalacaquetzallo ichcaxochiio hiujquetzallo vmpa concaoa in tocititlan quauhtlapechco contlaliaia yn jeoaio Auh ynjc nechichioale motenolcopi tlaxapuchtli qujmotlatlalili yn jcamapã ichcaxochioa çoiatemale cuechcueie mocuechcueti ic mitoa citlalli ycue citlalcueie quavîvih tzetzeliuhquj yn jujpil quauhtzetzeliuhquj iztac quavihujio quauhteuitzço yn jchimal teucujtla ytixapo totoicxiio popoa jzqujce

] mateteçonauj icxitzatzaianj yoan in qualo in tlaxcaliciuj yn jchiaoaca yn jtonal vel mieccan monequj Auh yn iquac ilhujqujxtiloia yn oxinamacaque motlacacoujaia tlacamjctiaia qujtzooallotiaia yn jxiptla qujcujcatiaia yn iveveiooan qujteponacilhujaia caiotzotzonjlia caioujtequjlia caiacachilhuja comjchicaoailhuja Injc nechichioale ome xaoale amacale olchachapanquj tlaolchipinjlli yn jamacal yoan quetzalmjiaoaio aiuchicaoace

] yntetaoa anoço tenaoa qujmilhujaia yn jnpilhoan maca xonqujça tlalpan aci temo in cioapipilti Auh ypampa y yn iquac ymjlhujuh ynjc qujntlamanjliaia tlamatzoalli papalotlaxcalli xonecujli xocujchtlamatzoalli izqujtl Auh yn vncan momana y in quenman vncan yn cioateucalco in quenman vmaxac Auh yn injn nechichioal catca mjxtiçaujque auh panj tlaolxoalti tlaitzcopeoaltectli tlaitzcopeoalli yn jmamatlaquen potoncacaqueque

] tepolactiaia tepan poçonja moteponaçoa maxiciotia tepan moteujlacachoa ynjc tecentlajiujca yn acalli qujcuepa qujxtlapachcuepa queoatiquetza ca acomaiauj ca tema Auh in quenma teapachoa teapotzauja mocueiotia titicujca xaxamacatimanj cocomocatimanj hatlacamanj yn jquac oceuh yn ie ceuj aujc iaiauh qujtoa maujltia xixiqujpiliuj cocomotzauj atentli itech onmotlatlatzoa onmochcachaquanja mapopoçoqujllotia Auh yn jquac atle ehecatl tlamattimanj atezcattitimanj petlantimanj cuecueiocatimanj Auh yn jquac ilhujqujxtiloia çan no iquac yn etzalqualiztli yn vncan ilhujqujxtililoia tlaloque colotli in qujchichioaia yxiptla qujcuetiaia qujujpiltiaia qujcozcatiaia cozcapetlatl itech pilcatiuh cuztic teucujtlacomalli yoan qujtlamanjliaia qujnanamiquj yn jtlenamacacauh yiauhtli ixpan qujtepevilia caiochicaoaz [fol

] ilhujtinemj qujcujcatia in calpoleque ycujcacaoan Auh in vel ixiptla iquac mjquja tlacotli cioatl in qujcoaia iehoan qujnextiaia yn anamacaque yn atl yc motlaiecultia yn acaltica atlacuj yn acaleque yn apantlaca yoan acalquetzque tianquizco in qujtechieltia atl No iuh qujchichioaia no iuh qujtlamamacaia no iuh qujcencaoaia iuh tlantiuja yn miquja ytocaiocan tlalocan yn vncan inteupan tlaloque queltetequja In jquac y no cenca qujmaujztiliaia yn motecuçuma ixpan tlenamacoia yn jxiptla qujtlacotonjlia iuh qujtoaia qujiauhtlatlanj in tlacatl qujtlamacehuja yn jmaceoal yoan vncan mocnelilmati ynjc qujmahujztiliaia atl qujlnamiquja ca ic tinemj ca tonenca yoan ic muchioa yn ixqujch tetech monequj No iuh qujmaujztiliaia yn jxiptla tonacaiotl yn jtoca chicome coatl yoã yn j xiptla iztatl ytoca Vixtocioatl ic qujlnamjquja yn ie tlamanjxti [fol v

In tlaçulteutl yoan itoca ixcujna yoan itoca tlaelquanj Injc motocaiotia tlaçulteutl qujl ipampa qujl iehoatl y iaxca ytlatquj ytech pouj in teuhtli in tlaçulli in qujtoznequj avilnemjliztli qujl ipan tecuti ipan tlatocati yn aujlnemjlizçutl Auh ynjc itoca ixcujna qujl navinti eoah in cioa ynjc ce ytoca tiacapan ynjc vme ytoca teicu ynjc ey itoca tlaco ynjc nauj itoca xocutzin Injquehin naujntin cioa qujl teteu Injquehin ceceiaca yntoca [fol

] tlaçulteteo Auh ynjc motocaiotia tlahelquanj qujl ipampa imixpã mjtoa imjxpan mopoa yn jxqujch nequalli iixpan mjtoa momelaoa yn jxqujch tlahellachioalli immanel cenca temamauhti immanel cenca oujh atle mopinavizcaoa vel muchi iixpan neci jxpan mjtoa Neiolmelaualiztli Qujlmach in tlaçulli in teuhtli in aujlnemiliziotl iehoatl qujtemaca ic temotla ic tehipitza in in tlaçulteutl Auh çan no iehoatl qujtepolhuja iehoatl chico tlanaoac qujujca qujteca iehoatl tepapaca tehaltia iehoatl imac manj immatlalatl in toxpalatl Auh injc qujtepopolhuja ynjc chico tlanaoac qujujca qujteca iixpan neiolcujtilo iixpan neiolmelaoalo yn tlaçulteutl iixpã mopoa mjhtoa in tetlachioal Auh iix ynacaz ytlacaccauh muchioa in tlapouhquj in tlamatinj yn jmac manj yn amuxtli yn tlacujlolli in qujpia yn tlilli yn tlapalli yn matile yn piale yn nonotzale yn oqujto [fol v

] yn atlapalli yn maceoalli njcan chocatiujtz tlaocuxtiujtz moteupouhtiujtz ancan omalauh ancan omotepetlami ancan oqujnamic yn vitlallotl in tocatzaoalli yn çacamitl a qujiolitlacoa qujtequjpachoa Tlacatle tTotecujoe Tloquehe Naoaquehe manoço xicmocujli ma xicmocaqujti yn inentlamachiliz yn maceoalli Njman qujnotza yn moiolmelauhquj in iehoatl tlapouhquj qujlhuja Tioalmovicatia yujctzinco iixpantzinco in Tloque Naoaque ticmolhujlico ticmomaqujlico yn miiaca in mopalanca ticmotlapolhujlico in motop im mopetlacal a ma no ceppa ieh njcan timatoiauj timotepexiuj ma ixpantzinco ximopepetlaoa ximomamaxauj in Tloque Naoaque in Totecujo in Ioalli in Ehecatl A cujx tictlacaittaz in Totecujo a cujx mitztlacanotzaz ca ioalli ca ehecatl Auh ynjn quentiujtz ma xictlapo im motop in mopetlacal ma xicpoa in monemiliz in motlachioal yvin [fol v

] quenjn ticmati yvin quenjn cah yn quenjn muchiuh in quenjn tax in quenjn ticchiuh in monequal in monequaujtec xicnoquj xicpetlanj in maiectica in maqualtica in miiaca in mopalanca Auh xicmotlaoculnonochili yn Totecujo in Tloque Naoaque in momaçoaltitica y macochetica in teputzetica ximotlapalo ma timopinoquetz ma titzicolo Njmã õtlalqua in tlamaceuhquj oncopaltema njman ixpan motlalia in tlapouhquj qujlhuja injc teviujti ynjc tepatiloti ynjc teixiptla Totecujoe Tloquehe Naoaquehe ca ticmocujlia ca ticmocaqujtia in njiaca in nopalanca mixpantzinco njnopepetlaoa njnomamaxauja ca onax ca onjcchiuh cujx ichtaca cujx tlaiooaian ca tezcac ca tlavilpan im mixpantzinco yn onax Njman compeoaltia in itlapilchioaliz vel iujn quenjn cah vel yujn quenjn qujchiuh yn maca çan cujcatl cenca çan ivin coneoa cencan [fol

Xiuhtecuhtli Ixcoçauhquj yoan Cueçaltzin Iehoatl motocaiotia in Tletl anoço Veueteutl yoan Tota teutl ipan machoia iehica ca tetlatia tepaloa techichinoa tlachinoa yoan miec tlamantli injc tlacnelia ca ic nezcolo ic tlapaoaxo ic tlacuxitilo ic tlaxco ic iztatlatilo ic necutlatilo ic tecullatilo ic tenextlatilo ic tlatetzoionjlo yc tlatzoionjlo ic tlatleoatzalo yc tetlecujlolo ic temazcallatilo ic oxitlatilo ic tlanextlatilo Auh yn iquac ilhujqujxtililoia cexiuhtica ipan itlamian yzcalli qujxiptlatiaia in Motecuçuma ixpan tlacotonaloia copaltemililo oauhqujltamalli nechivililoia in cecen calpan achto ixpan qujmanjliaia in tletl çatepan qualoia Aun yn iveveiooan iuh cemilhujtl in qujcujcatia qujteccizpichilia qujteponacilhuja ca iacachilhuja auh aiac vel maçoaia in comalco tetlacaoaltiloia ynjc amo aca motlatiz [fol

] vmpa qujmoncaoaia yn iteupan Ixcoçauhquj vmpa qujnnacazxapotlaia qujnnacazcoionaia iuhqujn ic qujnmachiotiaia ynjc qujmitta yntlaoan ymaujoan çatepan tlaqualo In inechichioal catca tliltica moteneujltec chalchiuhtetele xiuhtotoamacale quetzalmiiaoaio mitzone tlacotztzone xiuhcoanacoche amacozneapanale no tzitzile cocujole xiuhtezcatlatlapanquj yn ichimal tlachieltopile

] cioatl ipan oqujchcochiz mitoaia qujntlaçulmictia yn ineçaoaliz ic qujtemacaia tetech qujtlaliaia qujteilhujltiaia qujtemaceoaltiaia in xochiciujztli yn menexoaliztli tlapalanaltiliztli quexiliujliztli yujcpa nêtoloa nenetoltiloia ynjc qujceujz ynjc qujquanjz ynjc qujcaxaoaz cuculiztli Auh yn iquac ilhujqujxtililoia ipan xochilhujtl achtopa navilhujtl nexochiçaoalo in cequjntin ic moçaoaia chilcaoaia qujn nepantla tonatiuh in tlaquaia centlaquaia ioalnepantla qujmattiuh tlacujlolatulli in qujia xochitontli yn ipan ca moxochiçaoa muchi qujqua in velic çan no nepantla tonatiuh qujmattiuh Auh yn aca çan qujxcaviaia in iotlaxcalli qujquaia atle chilli no nepantla tonatiuh qujmattiuh yc tlamacujlti yn ilhujqujxtililoia iquac ce tlacatl qujmixiptlatiaia conmaqujaia yn itlatquj ipan mitotiaia qujtlatzotzonjliaia qujcujcatiaia yoan [fol v

] in ie nepantla tonatiuh tlacotonaloia neçuoaia tlacoqujxtiloia yoã tlamanjliloia yn iteupan macujltetl in qujchiujliaia tamalli mitoaia tlacatlaqualli cenca vevey ipan ycatiuh xuchmitl yn aca quauhcaxitl ynjc conmanjliaia yoan contoqujliaia oc no macujltetl tamaltepitoton mollotiuja yoan vntetl tzoalli y iol poujia no cecnj quauhcaxtica mantivia centetl tliltic centetl tlatlauhquj Auh yn aca izqujtl anoço necuzqujtl anoço xonecujlli papalotlaxcalli iotlaxcalli tzoallaxcalli tzoalchimalli tzoalmitl tzoalmaquaujtl tzoalnenetl yoan noujan oalcaoaloia in mamalti njcan Mexico moteneoa maltequjme yn ixqujch techiaoalotoc yn iautenoaque yn iaotenco onoque qujnoalcaoaia yn inmalhoan yn intlaaxioan inmaltequjhoan muchioaia njcan qujnpiaia yn calpixque in cacalpixque [fol

] Auh intla aca tlaielti intla tlachololti ypan tlacaquetzaia motlacacoujaia qujxiptlaiotiaia qujxiptlatiaia in tlatlacuti vncan miqujia yn iquac ilhujqujxtililoia Auh yn inechichioal tenmacpale ixtlapaloatzale tlaixtlapaloatzalujlli tlaixtlapalhvilli yhujtzoncale quachichiqujle vitonquj yn itlamamal vitonca tlamamale ypan icac tonalopanjtl quetzaltzonjo quetzaltzontecomaio quetzaltzontecome quetzaltzonteconjo tentlapaltica motzinjlpi motzinapa ytonalocac tonalocaque

] yn aiamo nemamaco oc achtopa tlatlaqualo atlioa tlaoano auh yn otlathujc conjtitzopinja yn omacatl conmictia njman ic nemamaco netlatlapanjlo nexexelhujlo in teumimilli iquac quaqualo iuhqujn ic tetzoiotiloia tetlacaqujtilo tetlalhujlo temolcaoaltilo ca yn aqujque macoia yn iquac ie ilhujuh qujçaz mocujtlaxcol ixtlaoaia mopopooaia ipampa ca ontlaxtlaoaia In inechichioal catca ihvitzoncale quauhtzoncale yoã yquauhquen tenchil naoaio ycuechin ielpancozquj cyli tezcatlatlapanquj yn ixaiac yn inechichioal ytiçanacoch ytiçachimal amapaio itlachiaia ymac catca ytolicpal acacpalli

] Teutl catca çan quavitl yn iteupan catca ytocaiocan tlacujlocan in vncan yteupan miec yn apaztli tzatzacutimanca motocaiotia itlilauh Auh yn aqujn mococoaia piltontli vmpa qujujcaia yn iteupan Ixtlilton centetl qujtlapoaia yn apaztli conjtiaia yn itlilauh ic patia in piltontli Auh yn aqujn qujtotiz copaltica in conanaia ynjc qujvicaia ychan yn ixiptla çan tlacatl in muchichioaia In oacic ychan tlatotiz teytotiz njman tlatlaqualo atlioa yn otlaqualoc njman mitotia yn Ixtlilton yn omitoti yn onmaceuh calitic oncalaquj iehoatl qujtlapoa in vctli navilhujtica tzacutimanca ic mitoaia tlaiacaxapotla vitzmana Njman yc vmpeoa yn ie tlaoano occepa oalqujça itoalco qujtlapoa yn itlilauh no tzacutimanca navilhujtica ic macujlilhujtl in qujtlapoa ic mitoaia ic moteneoaia intla tlaçolli yntla tocatzoalli yntla [fol

] tzontli intla tecolli vncan vetztoc ic mitoaia aço tetlaxima aço ichtec anoço ahavilnemi mahaviltia acaço tlacacemelle in tlatotia ic qujxmotlaia qujxcomacaia qujxpantia ic mitoaia tetzalan tenepantla moteca iehica ca qujteixcomaca qujteixpantia ic teixmotla yn tetlatlacul Auh ynjc oalqujça techã quachtli yn qujmacaia motocaiotia ixquen Injc muchichioaia moçac mocemixtlilpopotz mixtiçatlatlali yn icamapa tecpa quachichiqujle quetzallo cueçalvitonquj yn itlamamal ytonalopan ipan icac totonaloia yn iamaneapan totonaloio yn ichimal tlauhio yiollotopil xopilcuzque y amamaxtli tzitzile coiole itonalocac

] Injn Opuchtli ipan mixeoaia Tlalolc atlaca inteuh catca qujmoteutiaia Iuh qujtoaia ca iehoatl itlatzintil y tlanextil qujnexti qujteittiti in matlatl yn atlatl yn minacachalli yn avictli tzonvaztli Auh yn iquac ilhujqujxtililoia atl tlaqualli vctli in ventli muchioaia yoan cintopilli xuchitl yietl copalli yiauhtli qujtepeviliaia ic qujnanamiquja chicaoaztli concacalachiliaia mumuchitl qujchaiaviliaia iuhqujn tecivitl povia no yoã qujcujcatiaia yn iveveioan yn ilamaioan calpoleque In inechichioal catca amacale tlaôçalli tlaolaltilli aztatzone quetzalmiiaoaio amamaxtle amaneapanale tonaloio

] Anaoatl iteouh tzapoteca in vel inteuh catca yn itequjuh pouja yn ixcoian ytlachioal yn ineixcavil ic temotlaia ic texoxaia iehoatl qujtemacaia in totomonjliztli papalanjliztli çaçaoatiliztli ixcuculiztli ixchichitinaliztli ixtenpipixqujliztli ixtamaçoliciujztli ixaiauhpachiujliztli ixnacapachiujliztli ixoaoaciviztli ixtotoliciviztli ixtezcayciujztli In aqujn ipam muchioaia un cuculiztli toqujchti yujcpa monetoltiaia yujcpa mitoaia ynjc onmaqujz yn iieoaio ynjc itlan aqujz yn iquac ilhujqujxtililo motocaiotia tlacaxipeoaliztli tlapainaltiaia tetocaia miequjntin momanaia muchinti eoaiotiuj chichiiaoatiuj chichipicatiuj tzotzotlantiuj in tetoca ynjc motlamauhtiliaia qujn necaliltiaia qujnnamiquj intiiacaoan tlapepenti tlatzonanti yoan injxqujchti çan papaqujnj yn mihivintia tlatlamati moqujchnequj mo moqujchnenequj amiqujzmauhque teca momotlanj iaotlaveliloque vncan moieiecoaia moiaomamachtiaia yn iuh micalizque iaopan vmpa mocacaoaia yn aiac mitoaia totecco Auh yn totecti njman ie ic noujan tepan cacalaquj notlatlaeoa tzapoicpalpan tlalilo qujmocholcuzcatia qujnxochineapanaltia qujmicpacxochitia qujntlaoantia Auh intla aca cioatl totomonja ixcocoieia qujtoa ma njctlamanjliz in totec iquac tlacaxipeoaliztli In inechichioal mizcolnechimale tenmaxaltic vltica yiopitzon contlaliticac maxaliuhquj conmaqujticac tlacaieoatl yieoaio malli tzonchaiaoale teucujtlanacoche tzapocueie tzitzile ichimal tlauhtevilacachiuhquj chicaoaztli yn imac icac

] Puchteca inteuh catca cenca qujmavujztiliaia qujtlaquentiaia amatica yn intopil ymotlatopil ynj nenemia ynj motlatocaia incãpa cuchizque vncan qujtilquetza ixpan tlamaceoa miço qujcopaltemilia ynjc qujtlauhtia yn inteouh Yiacatecutli ynjc qujtlanjlia ynjc qujmatataqujlia yteicneliliz noujan acitinemi calactinemi Auh ic moteneoa puchteca yiaque itech canque yn itoca inteouh Yiacatecutli oztomeca anaoac calaqujnj vel qujtemotinemi in tlein qujmonanauhtizque anaoatl qujxaqualotinemi anaoatl qujlacatzotinemi tonalciiauhtinemi heecaciuhtinemi mociauhpouhtinemi mociauhpouhtiuj elciciuhtiuj mociauhquetztiuj ymellelacitiuh ymixquatlatlatiuh intonal qujmacujtiuj intonal omiuh ietiuh ixtlaoal qujnamictinemi atlauhtli tepetl qujtemouja qujtlecauja ixqujch ca ana in molicpi in tetepon ic tlatlacça ic moquequetza [fol v

] vel qujciiauj vel qujhiiouja ynjc qujtemoa in chalchiujtl in quetzalitztli in teuxiujtl yn apoçonalli in teucujtlatl in nepapan ihujtl in quetzalli in tzinjtzcan in tlauhquechol xiuhtototl in toztli çaqua quauhtli in tequaneoatl yn ocelupetlatl Auh in tecomatl in poctecomatl in aiutectli in aquaujtl yn atzaccaiutl intlanel iautitlan in tzacuj yn tzacutica tetlan onnemi vel calaquj motlacacuepa in nechichioaliztica in nexintica in tlatoltica qujntlaehecalhuja in chaneque Auh intla otlaneçomaltique intla oittoque vncan qujnpoiomictia qujnchillatilia ça aca aço ce aço vme yn oc nê tematitlanpa qujça iehoatl qujoalnonotzaia in Motecuçuma ic vncan qujmaca caqujlia y apoçonaltenteuh yc qujmaviziotia ic qujnezcaiotia intiiacauh vncan ic oqujchtia Auh yn iquac oalacia ynchan ynjmiloch ynnecuepal oqujchiuhque yn otlaltechacico [fol

] otlaltechpachiuhque ixqujch tlacatl qujnotza in puchteca yoan in tlatoque ic moteittitiaia mitoa mocxipaca cenca qujmaviztiliaia yn itopil yn itlacçaia Yiacatecutli cana in calpulco qujquetzaia achto qujtlamanjlia yn iquac tetlaqualtia yoan intlacanelmo tecoanotza qujtlamanjlia in çan muchipa yn itlaquaia Auh intla aca tealtiz iehoatl caltiaia qujxeoaia yn iteouh Yiacatecutli anoço ceme iehoantin yn mocheoaia in qujn moteutiaia in chiconqujahujtl anoço chalmecacioatl yoan ac xomucujl yoan nacxitl cochimetl iacapitzaoac aiac qujiocuja yiollo tlama yn aço ce anoço vme ca altiz tlacatl vmpa concovaia yn tlacanecujloca Azcaputzalco motlahtlatilia motlapapatilia qujncuecuepa qujmihitta yn qualtin qujncoazque yn acan quenamique in tlacaiectli in tlacamelaoaque yn acan cucuxque yn atle intlaciuhca ynjc iehoan qujnmictizque [fol v

] yn ipan panquetzaliztli yn vncan ilhujqujxtililoia Vitzilubuchtli yquac qujnchichioaia qujntlamamaca intech qujtlalia yn iuhquj ynechichioal Yiacatecutli Auh yn aiamo qujnmictia achtopa qujnteittitiaia mitoa qujmixnextia ic qujtemachitia in tealtizque iquac tetlauhtia tetlaqualtia Auh yn intlaaltilhoan ieccan qujnquetza much tlaçotilmatli yn intech qujntlalilia ipan mitotiaia in tlapanco anoço tianqujzco cujcatinemi tlatlahtlami ynjn cujc ynjc momiqujzquequeloa Auh intla aca oittoc in cenca mimati tlaaltilli yn cujcamatinj in iolizmatquj yn ixe yn iiollo qujqujxtiaia in pipilti ipan tlacaquetzaia no iuhquj intla cioatl intla tlamachiuhquj anoço vellaqualchioa vel achioa yn qualli yiauh in qualli itlaqual ymac qujça vellatolmelaoac noqujxtiloia qujnmotlacacioaoatiaia in [fol

Injc cempoalli capitulo ytechpa tlatoa yn teutl yn itoca catca Napatecutli

] itztoli xomali yoan yn iquac ilhujuh qujçaia iuh mitoa tepapaca tealtia tepan qujtzetzeloa tepan qujpixoa yn aoachtli cenca tlaihtlanjliloia Auh no ce tlacatl ipan qujxeoaia tlacotli in qujmictiaia cexiuhtica qujchichioaia ymac mantinenca xoxoujc xoxouhquj xicalli vncan ie tinemi atl vexotica ic teatzelhvia Auh yn iquac amo ilhujuh yn çan nenmaian oc noce qujxiptlaiotiaia qujchichioaia yn iquac tla aca petlachiuhquj qujnequj ychan qujtotiz qujnepieltiz vmpa qujvicaia in calpuleque teatzelhujtiuh teaoachvitiuh iuhqujn ic qujtlanjliaia ynjc qujmicneliz Yoan iuhqujn yvic mocujtlaxculixtlaoaia yn açaca ie vnca itlatquj iaxca qujtoaia macamo njcnenqua macamo njcnenpolo macamo njcnjxcauj yn nocneliloca ma onqualo ma onjoa ma onpopoliuj ma ic onmitoti [fol

] in toteouh Napatecutli maça quen njnonemitiz yn aciuhquj njcochiz aciuhquj njneoaz iehequjmati yn açocitla nechmomaquliz qujmomacaviliz ic qujxquentiaia ce quachtli yn ixiptla muchioaia ic oalqujça yn ichan auh ic muchi tlacatl tlatlaquaia yn ioanjolque Auh yn icalpulco in vmpa pialoia yxiptla cenca tlamauztiliaia tlâceliaia in petlachiuhque muchipa petlateteca icpalteteca tlatzetzeloa tlachpana tlacujcuj tletlalia muchipa copaltema tlatetzcaliuhtoc tlatetzcaliuhtimanj atle vetztoc çe tlaçolli Auh yujn yn muchichioaia motiloçac mixtlilpopotz mixtlilhuj michchiaujticac amacale yiamacuexpal amamaxtle tzitzile iztaccaque atlacueçonanchimale aztapiltopile

No ynoan pouj intech tlamiloia yn tlaloque ynjc mitoaia tepicto çan qujmonpiquja qujmixiptlaiotiaia in tetepe in çaço catle tepetl Auh in aqujn coaciujia oaoapaoaia quaquauhtia cocototzauja anoço yn aqujn atlan miqujznequj ehecatl ipan moquetza atla vncan monetoltiaia ynjc tepiqujz in qujnpiqujz Quetzalcoatl in Chalchivitl Icue in Tlaloc Popucatepetl Iztactepetl Poiauhtecatl yoan in çaço quezqujtetl tepetl in qujnteneoaz in qujpiqujz Auh in qujnpiquja in qujmixiptlatiaia in tetepe çan tzoalli qujntlacatlaliaia qujntlacatlachieltiaia tlacatlachixticatca qujntlantiaia aioachtli auh in qujmixtelolotiaia aiecutli in quenami yntlatquj in qujmixiptlatiaia in qujnpiqujia [fol

] çan no iuhquj ynjc qujnchichioaia Auh yoan qujchioaia amateteujtl colchachapatzaia colchipinjaia qujnquequentiaia auh in cequj amatetevitl tlaolchipinjlli tlaolchachapatzalli mecatitech qujpipiloaia mecatitech qujnenetechilpiaia qujnenetechçaloaia ymixpan antoc ic itzacutoque in tepicme hiçanacatoc papapatlacatoc papatitlantoc oztopilquaujtl necoc nenecoc necoc campa tlatlalacticac tetzotzonticac yn itech antoc teteujtl Auh tzilacaiutli tlaixtlapantli tlaittitatactli ymixpan mamanca chalchiuhxicalli ipam poujia vctli vnca ca vctli ic mamanca Auh çan iehoan in tlamacazque yn intequjuh in machiceque catca yn qujnchichioaia in qujntlaliaia aiac çan moiocujaia in calla in qujnchichioaia Auh [fol v

] macujltica in qujntlalhujaia mitoa qujnmolcaoaltiaia in tlamacazque y no ie cauhque tepicme njman ie ic qujntoçaviia qujncujcatia in ceiooal napa in qujntlamanjlia tamalololli in qujnmacaia qujmanaia ymixpan in tlamacazque in tepiccujca no napa in qujntlamacaia ceiooal yoan qujntlapichiliaia qujnmaqujqujxiliaia tecuciztli in qujnpichiliaia yoan vilacapitztli cocoujlotl vilacapitzoaia çan telpopochti papaqujnj haavienj mihivintianj tececemeltianj ceceleque notlamacoia Auh yn otlatvic njman qujnmictia yn tepicme qujnquechcotona qujnquechcuj qujnquechilacatzoa çatepan qujncemololoa concëcuj in tepictzoalli qujtquj yn calmecac yn vmpa onoque tlamacazque Auh in tepiqujnj njman ie yc calaqujh yn itlacoanotzalhoan yn icoaoan vncan mopia mopixtoque auh in ie iooatiuh in ie tevtlac [fol

] njman ie ic tlaoana motlaoancatlalia in veuetlaca yn ie chicaoaque yn otlachicalhujque in ie quaiztaque in ie tzonjztaque yoan ilamatlaca yn ilamatque iehoan vel innemac catca in vctli in qujzque Auh in otlaivintic njman ie ic viujloa cecenmanoia xixitinjoa yn aca mochoqujlitiuh yn aca moqujchitotiuh mitotitiuh momamantiuh yn aca tetzatzilitiuh Auh in vctlali achto molcaoaltiloia çan no onnenca yn itequjuh yn ichiujl tlacaqujtiloia navilhujtl moçaoaia qujneçaujliaia yn itequjuh ynjc amo xocoiaz vel mopiaia vel motlacaoaltiaia amo cioacochia amo oqujchcochia intla cioatl çan njman aiac vel ontlapaloaia yn vctli yoan in necutli ynjc muchioaia aiac in manel imapil conaqujaia vel ymacaxoa vel malhujloia yn ixqujchca moiacaxapotlaz yn vctli Auh yn aqujn [fol v

] ichtaca tlapaloaia yn tlachtacayia inmanel çan tepiton oconpalo iuh mitoaia tennecujlivia tepantilviia avic momamana avic xoqujvi ynjte yoan in aca matzicoliujia yma qujcuecuetza icxi qujcuecuetza macopichauj icxicopichahuj icxicuecuechca yhixatotoco tenpapatlaca tenviviioca itech qujneoa mitoa oqujtlavelique in xoxouhque tepicme Auh yn otlathujc njman ie ic apeoalo yn apeoa çan iehoan yn ioanjolque in vel icalloc in centlaca cemeoa in vel icujtlaxcolloc yn vel imecaioc moteneoa apeoalo iquac cempoliuja tlatlami in quexqujch mocaoaia in atl in tlaqualli yoan inoc quexqujch omocauh xaiocomic in vctli in aiuctli in tlachioalvctli in iztacvctli in cochvctli Auh yn tepiqujnj in tepicquj in tlacoacivi yn iuh omito tlacpac ic patiz yoan yn aqujn atlan miqujzquja ynjc amo mic iehoatl ynjc tepiquj ynjc moxtlaoa ynjc qujneltilia yn netol Auh yn ixqujch yn innechichioal yn intlaquen yn imamanepan yn imoztopil yn intlapetlanjlquauh yn imaiauhcocul yoan yn inchalchiuhxical yoan ynjn tlaquaia molcaxtotonti quauhcaxtotonti çoqujtecontotonti muchi vmpa concaoaia tepetzinco atlan contepeoaia vmpa anepantla ytocaiocan Pantitlan

] tezcatzoncatl ynoan pouj ynoan eoa yn moteneoa centzontotochti yn vctli innacaio ynj Iauhtecatl Aculhoa Tlilhoa Pantecatl Izqujtecatl Toltecatl Papaztac Tlaltecaiiooa Vmetuchtli Tepuztecatl Chimalpanecatl Colhoatzincatl Auh yn inechichioal Tezcatzoncatl aztatzone iacametze amanacoche veçalvitoncaoa chaiaoaccuzque colotlapile vmetuchchimale itztopile tecpatopile notzitzile

A In iehoantin y ca ixpopoiume motlapololtianj injc otlateutocaque ca cenca qujmaujçoque yn itlachioalhoan Dios ynjc tlanextia ynjc pepetlaca in teiollalia auh ynjn amo ic qujmoteutizquja ca çan ic qujlnamiqujzquja ca oc cenca tlapanauja ynjc cenca tlanextia pepetlaca teiollalia tepapaqujltia ynjn teiocuxcatzin Dios in çan vel iceltzin itetzinco qujça in pepetlaca in tlanextia in ixqujch teiollali yn ixqujch tetlamachti vel iehoatzin çan vel izeltzin tlachioale B Auh intla cenca otlamaujçoque ipampa cequjnti itlachioalhoan Dios cenca chicaoaque qujlnamiqujzquja ca ynjn teiocuxcatzin Dios oc cenca chicaoacatzintli C In isqujch iueli in Dios ynjc cenqujzca tlamatinj ynjc cenca tecujltono cenqujzca tetlamachti ca ytlachioaltzin itech neci iehica ca cenca vey cemanaoac oqujmuchiujli cenca miec tlamantli oqujmuchiujli vel maujztic vel tetlamachti D Injquehi tlateutocanjme momanauja motzinqujxtia qujtoa in tehoanti ca iehoatzi tictotemulia in iehoatzin tiqueleuja yn ipalnemoanj [fol v

] A In iquac vel oqujquetz iteouh njmã ixpan ic tlamana ixpan monacaztequj miço qujtlatlauhtia ivic monetoltia ixpan choca tlamaceoa qujtlanjlia yn itech monequj B Injn tlateutocanjpul amo pinaoa in qujnotza in qujtlatlauhtia yn amo tlacaquj in amo tlachia yn amo iuli yn atle y anjma auh yn ipampa injc patiz qujtlatlauhtia in cucuxquj auh in ipãpa nemiliztli qujtlatlauhtia in micquj yoan qujtlatlauhtia yn atle yn ecoca ynjc qujpaleujz auh qujtlatlauhtia ynjc vel nenemiz qujtlatlauhtia yn auelnenemi auh in ie muchi yn itech monequj qujtlanjlia in atle qujpia yn atle vel qujtemaca içan quaujtl

] A In cenca tetlaelti tlateutoqujliztli itzin ipeuhca yoan itzonqujzca yn ixqujch amo qualli amo iectli yoan in ixqujch tetlaelti yoan in tetlapololti muchi itech iuli qujça in tlateutoqujliztli B In tlateutocanjme yn iquac papaquj iuhqujnma tlaoanque iollitlaueliloque muchioa iuhqujn tlaoanque tlatoa

Totecujoe Diose ca tehoatzin vel moneiocultzin momachitzin yn iiuliliz yoã imiqujz in tonacaio yn ipaccanemiliz yoan yn icuculiz in tonacaio ca momactzincoca A Auh yn imiqujz in tanjma amo motlachioaltzin amo motlatlaliltzin ca çan tehoanti in titlaca totlatlacultica totlavelilocaiotica ticmictia in tanjma mictlan tictlaça Auh yn iquac yn tanjma qujtlalcahuja in tonacaio auelitiz in oc cepa itic calaqujz yn ixqujchica tlamiz cemanaoac ca o ic cenqujz o ic cenja in anoço qualcan yn acanoço qualcan vmpa cenjez yn vmpa oticmoieiantili auh ca njman aiac momacpatzinco momapatlaz iehica ca muchi moueli ca noviian timoietzinotica

A Tla xicmocaqujtican notlaçopilhoane yn tlanextli yn ocutl ynjc vel iximachoz yn izel teutl ipalnemoanj Dios ca iehoatl in teutlatolli Auh yn imiximachoca yn iztlacateteu in qujnmoteutiaque in vevetque çan no itech qujça yn melaoaca in teutlatolli Injn teutlatolli ixillantzinco itozcatlantzinco in tonantzin sancta yglesia cuecuelpachiuhtoc iuhqujnma ilhujcac teucujtlatl ilhujcac quetzaliztli teuxiujtl temaqujztli tlaçotetl ipam pouj in vellapanauja ynjc tlaçotli ynjc pialonj ynjn teutlatolli yn isqujchtin momaqujxtiznequj cenca intech monequj in iollocopa qujneltocazque iehica ca Dios itlatoltzin ca tlanestli ca ocotl In Dios tetatzin in tepiltzin in espiritu sancto qujmomaqujli qujmopialtili yn tonantzin sancta yglesia ynjc qujntlanextilia qujnmachtia yn isqujchtin ipilhoan

D Injn ca ic vel neztica ca amo teutl in Vitzilubuchtli amo teutl in Tezcatlipuca amo teutl in Tlaloc yn anoço Tlalocatecutli amo teutl in Quetzalcoatl amono teutl in Cioacoatl amo teutl in Chicomecoatl amono teutl yn Teteujnnan amo teutl in Tzaputlatena amono teteu in cioapipilti anoço cioateteu amono teutl in Chalchiuhtli Icue amono teutl in Vixtocioatl amono teutl in Tlaçulteotl amo teutl in Xiuhtecutli Macujlsuchitl amo teutl Vmacatl amono teutl Istlilton Tlaltetecujn amo no teutl in Opuchtli amono teutl Xipe Totec amono teutl Yiacatecutli amo teutl Chicüqujavitl amo teutl Chalmecacioatl amo teutl in Acxumocujl amo teutl Nacxitl amo teutl Cochimetl amo teutl in Iacapitzaoac amo teutl in Napatecutli amo teutl tepictoton amo teteu yn Tonatiuh amo teutl in Metztli in cicitlaltin aiac teutl in Tlaltecutli amo teutl yn teuatl yn ylhujcaatl amo teutl Auh yn ie muchintin yn njcan Nueua España neteutiloia ie vecauh njman aiac teutl ca muchintin tzitzitzimi culeleti iuhca in teutlatolli Omnes dii gentium demonja qujtoznequj In isqujchtin yn qujnmoteutia yn tlateutocanjme muchintin [fol

E O in tlaujeliltic in qujnmoteutiti aque in iehoantin in tzitzitzimi ca uel qujmaxiltique tlaueliloque vel toiaohoan vel totecuculicahoan in tlalticpac titlaca Ointlaueliltic in qujnmacaque yn imezço yn inpilhoan yn injollo in invampoan yn iehoantin in ointlaueliltic in qujmicnotlatlauhtiaia in imispan tlalquaia in diablosme yoan yn imixiptlaoan ynjc qujmitlanjliaia in tlein intech monequja cenca moztlacaujaia ynjc momatia ca in iehoantin vel qujtemaca in isqujch in tetlamachti in isqujch tecujltono Yoan ca no iehoanti tepaleuja temanauja yoan temaqujstia in iuh momatque hi in amoculhoan cenca omotlapololtique yoan cenca otetlapololtique Auh yn ipampa injc vel qujcnopilhujzque in tlein qujnequja injollo imispan tlamanaia in diablome moçaoaia istoçoaia mîçoia tlatlatlauhtiaia miectlamantli ynjc qujtoneoaia ynjc qujchichinatzaia in innacaio in imispan in diablome in tzitzitzimi no yoan cenca miectlamantli ventli in qujmanaia in vë muchioaia in chalchiujtl in quetzalli in patlaoac in vitoliuhquj in vel xopaleoac yoan in tlaçotilmatli in tlaçotlãquj Yoan imixpan qujmanaia in nepapan xuchitl yoan miectlamantli in copalli in iuh qujchioaia hi ca ic qujnmaujztiliaia in injaohoan yn intecuculicaoan yn intetolinjcaoa in atle intech monequj mavizçotl yn atle intech momonequj tetlaçotlaliztli ca çan monequj cenca telchioalozque tlaellitalozque cuculilozque iehica ca tlacemisnanaoatilti [fol v

] tlacentelchioalti yiaohoan yn totecujo Dios yoan toiaohoan in titlaca F O cel in tlaujeliltic ca cenca tlacemisnaoatilti in iehoantin in oc noma tlateutocatinemi in axcan in ie oacico teutlatolli in ie caco in sancto Euãgelio ca oc cenca techoctique tetozqujtenque in iehoantin in ie omoquatequjque yn ipan in innequatequjliz in ie no ceppa tlapoa atlan teitta qujneltoca in temictli anoço in tozqujchoca ymispapatlaca anoço qujmotetzavia in chiquatli in teculotl yoan oc cequj in ie vecauh netetzaujloia In isqujchtin yn iuhquj qujchioa yn cenca monequj in njcan tlalticpac tlaihiioujltilozque yoan yn iquac miqujzque mictlan tlaçalozque

G In ipampa tlateutoqujliztli cenca miectlamantli netolinjliztli impã muchioaia in vevetque yn amoculhoan yn amocihoan ca miectlamantli iaujotl njcan manca in Nueua España yn oc ipan tlateutoqujliztli miecpa maianaloia miecpa cuculiztli momanaia ic micooaia Auh injc tepeoaco in in españoles injc miequjntin ispoliuhque in maceoalti ca muchi ipampa omochiuh in tlateutoqujliztli auh yn axcan yn izqujtlamantli tetolinjliztli manj ca muchi ipampa in tlateutoqujliztli iehica ca aiamo cemilcauj In totecuyo Dios tlapanauja ynjc moqualanaltia ca qujnmotlatlatilia in tlateutocanjme iehica ca in intlateutoqujliz ynjc qujmoiolitlacalvia in totecuyo Dios vel qujpanauja yn isqujch tlatlaculli Auh in tlateutocanjme in vmpa mictlan oc cenca temamauhti [fol

] qujcaoaliztlamati in tlateutoqujliztli mictlan tiqujnmotlaxiliia yoan in motlaneltocacaoan in amo qujcuepaznequj yn inemiliz in çan ipan miq' yn intlatlacul cemicac tlaihiioujliztli ic tiqujnmotlatzacujltilia in vmpa mictlan auh ynjn yn iuh ticmuchivilia in ca muchi melaoac çan njman aiac qujcuepaz in motlatoltzin aiac mitzmotlatolilochtiliz yn aço ilhujcac chaneque yn anoço tlalticpac tlaca aiac vel qujtoz tleica in iuh ticmuchiujlia hi G njman amo cuepalonj in motlatoltzin iehica ca cenca melaoac in ticmuchivilianj yoan ca tinemiliz ameialli tiqualtiliz ameialli tiuelitiliz ameialli motetzinco cenqujztoc yn isqujch tecultono yn ixqujch tetlamachti yn isqujch tepapaqujlti auh ca tehoatzin novian timotlatocatilia yoan in isqujch in qualli iectli motechpatzinco qujça çan moceltzin ticmotemaqujlia D Ie cenca vel neztica notlaçopilhoane in quenjn cenca tlaçotlalonj cenca maujztililonj in totecujo Dios iehica ca ipalnemoanj teiocoianj noujan tlatoanj çan no tlacpac neztica in quenamique in teuan yn amocolhoan cenca vellaveliloque teiztlacaujanj teca mocacaiaoanj tecuculianj vellaelittalonj vel telchioalonj

] in totecujo Dios qujtotiaque in veuetque ca Tlapallan ia in Quetzalcoatl oc vallaz oc chielo injn ca amo nelli ca iztlacatlatolli ca omic yn inacaio njcan tlalticpac otlaltic otlaçoltic auh yn ianjma oqujmotlatzontequjlili yn totecujo Dios mictlan qujmotlaxili vmpa ca cemicac tleco tlaihiioujz

C Izcatquj yn oc centlamantli yn netlapololtiliz yn amoculhoan ca oqujmoteutique in diablo yn ipã mixeoa cioatl yn itoca Cioacoatl Injn in iquac motenestiliaia iuhq'nma cioatl ynjc necia teiçaviaia tlamauhtiaia ytech tlamiloia injc iehoatl qujtemacaia in netolinjliztli yn icnoiutl in victli in mecapalli in choqujztli Auh yn ipampa hi qujlhujqujxtiliaia ixpan tlamanaia ixpan tlamictiaia ynjc amo ipan vechoaz in iqualan yn itlauel Injn iuh qujchiuhtinenca yn amoculhoan cenca vei netlapololtiliztli amo qujmatia ca çan vel izeltzin in Ipalnemoanj totecujo Dios motepielia motemanavilia auh in diablo njman aquen qujnchioaz yn itlaneltocacaoan in Dios yn itetzinco motemachia ca iuhca yn teutlatolli [fol v

] amoculhoan yn itoca Tlaçulteutl ytech tlamiloia in teuhtli in tlaçulli qujl naujntin eoa cioa injc ce ytoca Tiacapan ynjc vme itoca Teicuj injc ey itoca Tlacu ynjc nauj ytoca Xocutzi In iehoan hi in navinti cioa impam machoia teteu in iehoantin y motocaiotia tlaçulteteu yn intech in yn intoca in Tlaçulteteu qujcuj yn intoca ynamochpuchoan cequjntin qujmotocaiotia Tiacapan cequjntin Teicuj cequjntin Tlacu cequjntin Xucutzin Injn ca tlateutoqujliztli ca monequj caoaloz tlaelittaloz in iehoantin in in naujanjme qujnmoteutitiaque yn amotahoan yn amoculhoan yoan ymixpan tlamictiaia ymixpan tlamanaia

] ipan cioacuchiz anoço cioatl ipan oqujchcuchiz qujtoaia qujtlaçolmictiaia yn ineçaoaliz ic tetech qujtlaliaia in suchiciujztli in menexoaliztli in tlapalanaltiliztli in quexiliujliztli In ipampa hi yujc nenetoltiloia ynjc qujceujz ynjc qujquanjz in cuculiztli ipampa qujlhujq'xtiliaia qujneçaujliaia qujtlamanjliaia Injn ca vey yn innetlapololtiliz in veuetque yn ipampa iuhquj qujchiuhtinenca ca atle qujpiaia atle qujmatia in teutlatolli Auh in axcan ma uel xicmatican çan vel izeltzin izel teutl Dios motepatilianj moteiolitilianj aiac oc ce in iquac itla topan muchioa in tecoco in tetolinj çan vel izeltzin tlatlauhtiloz temuloz iuhca in teutlatolli in tlacpac omito C Oc no ce diablo qujmoteutiaia in veuetque yn itoca Omacatl in qujtoaia ca iehoatl ymactia in covaiutl in tecoanotzaliztli ynjn necentlaliliz in teoanjolque techan vicoia vmpa maujztililoia in ixiptla oc cenca miectlamantli itech oqujtotiaque ytech oqujtlamitiaque in amoculhoã in cucuneiutl in pipillutl in iztlacatlatolli in teuetzqujti in njman amo neltoconj Çan no iehoatl Istlilton anoço Tlaltetecujn inteouh catca in veuetque vncatca yn itlilauh no yoan qujlmach itequjuh tlaiacaxaputlaia vitzmanaia oc no miectlamantli itech tlamiloia yoan miectlamantli neaviltiliztli in qujchioaia yn inchã qujvicaia yn Istlilton ic neci ca cenca techoctique vel tetozqujtenque in vevetque iehica ca qujneltocaia yn amo [fol

D Oc no ce diablo inteouh catca in veuetque yn itoca Opuchtli qujtoque ca inteouh yn atlaca iuh qujtoaia ca iehoatl itlatzintil in matlatl yn atlatl in minacachalli ÿ aujctli in tzonvaztli Auh yn iquac ilhujqujstililoia miectlamantli in ventli in ispan qujmanaia yoan oc miectlamãtli ixpan qujchioaia yn atlaca in iuh qujmiztlacauj in diablo ic cenca oqujmoiolitlacalhujque un totecujo Dios Oc no ce diablo oqujmoteutitiaque in veuetque yn itoca Totec anoço Xipe qujl itequjuh catca ic temotlaia in totomonjliztli papalanjliztli çaçaoatiliztli iscocoliztli ischichitinaliztli istenpipixqujliztli istamaçoliciujztli isaiauhpachiujliztli istotoliciujztli istezcaiciujztli in aq'n ipan muchioaia yn in cocoliztli toqujchtin iujcpa mitoaia monetoltiaia ynjc vmmaqujz yeoaio Totec Injn ca vei netlapololtiliztli vey ispupujotiliztli yn amotech qujcauhtiaque yn amoculhoan ointlaveliltic oc cëca ointlaueliltic yn axcan yn açoc qujlnamiquj